الفصل 15
قلت لها بيأس وانا أبلل شفايفي :اسرار أنا ماحبيت أقولك 00بس الحين بقولك كل شئ يمكن
تعذريني 00؟! (وكملت بإنهيار) أسرار ماجد أخوك صدمني في يوم ملكتي 00 صدمني في احلى يوم
عند كل بنت 00 صدمني بدون مايراعي مشاعري ولا أحاسيسي 00 صدمني وقضى على كل فرحه
كنت أعيشها في يوم ملكتي 00 (وكملت بصراخ ويأس )أسرااااااااااااااااااار ماجد أخوووووووووك
كان متزززززوج 000
جلست أسرار على الارض جنبي وهي طالعني متفاجاءه 000وفجاءه وبدون سابق إنذار إنفجرت
من الضحك وهي تأشر بيدها في الهواء وتقول بصوت عالي :
ههههههههههههههههههههههههه ههههههههه ههههههههههههههههههههههههه ه
ههههههههههههههههههههههههه هههههه
هههههههههههههههههههههههه مراااارراام إنتي إنتي
ههههههههههههههههههههههههه ههههههههه إيش تقولين ههههههههههههههه (وكملت
بصوت متقطع ) هههههههههههه ماجد (وأشرت على نفسها وهي تقول )أخوي متـ متـ زوووج
00ههههههههههههههههه(وكملت بصراخ وعتب) مراااااااااااااااااااااام إذا كنتي رافضته لا تتبلين
عليه 000
مسكت يدها بقوه وضميتها لصدري وأنا أطالع بوجهها واقول لها ودموعي اللي على خدي تنزل
على يدينها :أسرار أنا مااتبلى عليه ماجد أخوك متزوج 00 وهو بنفسه إعترف لي بيوم ملكتي وهذا
هو السبب اللي خلاني أرفضه 00أسرارا سمعيني زين اللي بقوله لك بكون سربيني وبينك حلفتك
بالله ماتقولينه لأحد 00
شفتها تهز راسها بصدمه وبدون ماتتكلم 00بعدها كملت أنا 00وأنا أحاول أتذكر ذاك اليوم وقلت لها
بصياح :ماجد إعترف لي إنه تزوج وحده إسمها مريم لما كان مسافر يدرس برى وكان يحبها موت
0ويحب الارض الي تمشي عليها 00 (مسحت دموعي اللي نزلت على فمي وأنا أكمل واقول) ولما
رجع جابها معه هني 00وسكنت معه بدون مااحد يحس بشئ 00أسرار تذكرين اليوم اللي إتصلتي
علي وقلتي لي إن ماجد عيونه حمراء وكأنه يبكي ويصيح تذكرين (ماإنتظرت منها رد وكملت كلامي
وأنا أقول بصوت متهدج) في ذاك اليوم ماتت مريم زوجة ماجد ماتت لما كانت تولد 00
شفت أسرار حطت يدها على فمها وهي طالعني بصدمه وتقول لي بصياح ودموعها على خدها:لا لا
مو قادره أصدق كل هذا يصير بماجد وأنا ماادري ماجد تعذب وأنا ماادري ليش وين كنت عنه 00
كيف دس عنا كل هذا كيف ؟!!0(سكتت شوي وبعده كملت وهي تترجاني وتمسك يديني ) مرام قولي
لي إنك تمزحين !قولي لي إنك تلعبين بعصابي قولي لي أي أي شئ 00بس المهم إنه يطلع كل الكلام
اللي قلتيه كله مزح وماله أساس من الصحه00
هزيتها وأنا أقول :بس يااسرار إصحي (وكملت بتعب)00أسرار هذا سبب رفضي لماجد ولما أغمى
علي في يوم ملكتي بسبب الكلام اللي قاله لي ماجد وإعترافه لي 00
ضمتني اسرار وهي تبكي وأنا ابكي معها00 بعدها قالت لي :مرام إنتي مصره تتزوجين عامر 00؟!
قلت لها بإصرار :إيه ومستحيل أتراجع (وكملت بإستهزاء وسخريه ) وبعدين عامر إيش فيه شاب
حلوووو وسيم وغني وإذا قصدك على عيوبه الثانيه بحاول أغيره ههههههههههههههههههه
ضربتني أسرار كف خفيف على وجهي وهي تقول :مرام إستخفيتي إنتي 00وتضحكين بعد من جد
ماانتي بصاحيه 00
وقفت من مكاني وأنا أقول لها بصياح وضحك بوقت واحد :هههههههههههههههههههههه عادي
عادي 0شو أسرار ماتدرين:
إن الالم والهم والخوف الدفين
والشقى والضيم واهات العنا
والاسى والظلم والدمع الحزين
كلها اسماء والمعنا (انا )..
ضمتني اسرار لصدرها بقوه وهي تتنهد و تقول :أهـ هـ يالغاليه قد إيش تحملتي 00قد إيش صبرتي
! تحملتي اللي مستحيل تتحمله وحده بسنكـ 00تحملتي وصبرتي وحبستي داخلكـ 00(وكملت وهي
تحضني وتضمني لصدرها وطبطب علي)كم وكم شفت نظره الحزن مرسومه بعيونك0كنت أشوف
النظره بس ماكنت أقدر افسرها 00شفت تغيرك من مرام الواثقه الطيوبه الحركه الا بنت كبرت كثير
تغيرت أطباعك تغيرت حالتك 00 كل هذا فيك وإنتي كابته بصدرك 0ليش يامرام ليش ؟!لدرجه هذي
ماتوثقين في ؟
المسافه بينـي وبينك طويلـه ..
والعشــم فينـي كبيـر .. بس مابيدينــي حيله !؟
لاني اللي نســاك ،، ولاني قــادر أجي لك
الصبـر فيني قضــا
والشـــوق أكبــر وسيله ..
والعشــم فيني كبيـــر
وآآآآآهـ .. مابيدينــي حيلــه .
.
حضنتها أكثر وانا أبكي وأقول لها بحرقه :إعذريني 00إعذريني ياأسرار 00حاولت كثير أقولك بس
ماقدرت ماقدرت 00حسيت إنه في شئ يمنعني 0 بس الحين خلاص إرتحت إرتحت 00
شدتني مع يدي للسرير وهي تجلسني وتقول بتساؤل:سؤال أخير ؟؟!
طالعت فيها وأنا أبتسم بصعوبه :تامرين أمر 00يلا إسالي وقولي شو عندكـ !!
جلست جنبي وهي تقول بحذر:تقدرين تتكيفين مع عامر أو تعيشين معه بعد اللي سواهـ فيك؟!
طالعت فيها شوي وبعد تفكير قلت لها:امممممممم 00ماعندي إجابه الحين (وكملت بسخريه)خلي
كل شئ بوقته حلو ياحلو 00
فتحت أسرار فمها بتتكلم بس قطع عليها كلامها صوت الباب وهو يندق 00وقفت بملل وراحت عند
الباب عشان تفتح ولما حطت يدها على يد الباب وقفت شوي وبعدها قالت بشكـ:مين00؟!
سمعت صوت ريتا من ورى الباب وهي تقول :هذا أنا ريتا ماما 00
إرتاحت أسرار شوي وبعدها مسكت المفتاح وحركته وبعد ما إنفتح الباب طلعت راسها برى وهي
تلف يمين وشمال بعدها قالت بتردد:ريتا وين بابا فهد 00 موجود00؟
ضحكت أنا عليها بعدها قالت ريتا :لا ماما 00بابا فهد يروح مع بابا ماجد من ساعه 00
اسرار وهي تتنهد :أهـ هـ 00أوكي ريتا ثانكس00
ناديت ريتا وقلت لها :نعم ريتا 00إيش تبغين ؟!
ريتا :ماما مرام بابا كبير يقول تألي تهت 00يبغى إنتي بسرعه 00
وقفت من مكاني وأنا أخذ العكاز وأمشي للباب وأقول :اوكي ريتا أنا الحين يجئ00(ولفيت على
أسرار وأنا أقول )شو ماتبغين تنزلين معي00
قربت مني أسرار وهي تقول :الا بنزل بسلم على عمي واروح أوكي (وكملت وهي طالعني)00
وبعدين تعالي هني روحي غسلي وجهك اللي يشوفك يقول أحد معطيك بوكس على عيونك 00
ضحكت على كلامها وانا أدخل الحمام عشان أغسل وجهي ولما شفت شكلي بالمرايه إنصدمت
00صدق صدق شكلي كان يخرع من الخاطر مسكت الصابون وغسلت وجهي بعدها شطفته بالماء
ونشفته بالمنشفه00 لما طلعت رميت المنشفه على السرير وعدلت شعري بيدي وطلعت لقيت أسرار
واقفه عند الدرج ومسنده جسمها على الدرابزين وسرحانه وتفكر
بصراحه عرفت بشو تفكر عشان كذا طنشت وماسألتها 00رحت عندها وانا أقول :إحم إحم (بعدها
مديت يدي وأنا أقول ) ممكن تتنازل أسرار خانم وتسندني لاني وبكل صراحه مااقدر أنزل مع الدرج
برجلي المجبسه 00
لفت علي وهي تبتسم لي وتمسك يدي بنعومه وتقول :أفا عليك ماطلبت 00إنتي تامرين أمر00
أسندتني أسرار بصعوبه لين نزلنا مع الدرج 00ولما نزلنا رحنا على طول للصاله 00 شفت مامي
وبابي جالسين يسولفون ويشربون شاهي 00دخلنا وسلمنا :السلاااااام عليكم 00
ردوا علينا :وعليكم السلام 00
بابي :هلا والله 0بـبنيتي أسرار منوره حبيبتي 00
تركتني أسرار وراحت لبابي على طول وباست راسه وهي تقول بدلع :هلا فيك عموووو 00النور
نورك يالغالي 00
شدها مع يدها وهو يجلسها جنبه ويقول :فديتك والله 00كيف حالك ؟!وحال أبوك وإخوانك 00
أسرار :بخير وعافيه الحمدالله 00وهم بعد يردون لك السلام 00
صبت مامي لاسرار شاهي ومدته لها وهي تقول :وكيف حالك أمك عساها بخير ؟!
أخذت أسرار الشاهي من مامي وقالت لها بإحترام:تسلمين خالووو00مامي بخير وتسلم عليك 00
مامي :الله يسلمك ويسلمها من الشر 00
بصراحه إنقهرت عليهم لأنهم مطنشيني وجالسين يدلعون بأسرراارووو وكأنها هي بنتهم مو أنا00
قلت لهم بزعل مصطنع وأنا أمد بوزي على قدام مثل اليهال :الحين منهو بنتكم انا (وأشرت على
نفسي)ولا أسرارررو (وأشرت على أسراربقهر)
ضحكو كلهم لما قالت أسرار بغرور وهي تمد لي لسانها :شو هذا عمي بنتك لين الحين ياااااااااااااهل
وتغاااار بعد 00(وكملت بسخريه وإستهزاء وهي تلف على مامي وتقول ) أقول خالتي وين
الرضاعه خليني أعطيها 000
سويت عمري معصبه وعقدت حواجبي ورحت عندها وانا اضربها على راسها وأقول بنرفزه :أقول
قومي قومي عن بابي (وكملت بغرور وأنا أطالعها من فوق لتحت) هذا بابي أنا يلاااااااااااااااا قومي
00
تعلقت أسرار في بابي أكثر وخشت راسها بصدره وهي تقول بغياض :ماابي مااابي مااااااااااااااابي
هذا عمي وأبوي 00وهو يحبني وأنا أحبه يلا طلعي منها إنتي مااااااااالك خص 00
__________________
إنفجروووا مامي وبابي من الضحك :هههههههههههههههههههههههه� �ه
ههههههههههههههههههههههه هههههههههههههههههههههه أما جلست اطالع فيها بقهررررر
00
بعدها قال لي بابي بحنان وهو يفتح لي اليد الثانيه ويقول :كلكم بنااااااااااااااتي وغلاكم واحد 000(
وكمل بحنان)تعالي يبه تعالي جلسي جنبي 00
رحت عنده وجلست بحضنه عشان أغايض أسرار لكن أسراروو وجها لووح والله مطنشه ولا همها
00 جلسنا نسولف عن اشياء كثيره ومن بين هالسوالف روحتنا للمزرعه وكيف كانت 00بعدها غير
بابي الموضوع وهو يسألني ويقول بحنان :أقول يابنيتي متى بتفكين الجبس ؟! شو إنتي ماعندك
مراجعاااات 00
بسته على خده وأنا أقول :إمبلا بابي عندي وبكره أول يوم في المراجعات 00والدكتور قال لي إذا
فيه تحسن أكيد بفكووونه 00
غارت اسرار مني وباست بابي وهي تغمز لي و تقول بدلع :ماعليك عمي بكره أنا بروح معها
واشوف مراجاعتها 00وأشوف شو بيعطونها 00
ضمنا بابي لصدره وهو يقول :الله يخليكم لي ولا يحرمكم من بعض 00
إبتسمنا أنا وأسرار على هالدعوه الحلوه اللي تبرد الخاطر 00بعدها جات ريتا وقالت لنا إن ماجد
برى ويبغى اسرار عشان تطلع ويوصلها البيت 00وقفت أسرارتلبس الشيله ووقفت أنا معها وأنا
اقول لها :أسرارووو والله بدري 00قولي له عشان تجلسين شووووي 0(وكملت بقهر)0شو هذا
تراك توك جااااااااااااااااااايه 00
طنشتني أسرار وراحت عند بابي ومامي وسلمت عليهم وإستإذنت منهم عشان بتروح00حاولوا
مامي وبابي فيها عشان تجلس وتتعشى معهم بس هي إعتذرت وقالت لهم في وقت ثاني 00
وصلتها للباب وأنا أتافف وأقول بطفش:اوووووووووف أسرارووو بالله عليك إجلسي لو شوي 00
طالعتني وهي تقول :ماعليش مرام خليها وقت ثاني 00(سكتت شوي وبعدها قالت بتردد )وبصراحه
أكثر ماجد مستعجلني عشان يعرف ردك مني 00
حطيت يدي على شعري وانا أشيل خصله طاحت على وجهي واحطها ورى إذني وأقول :أسفه 00
بس إنتي عارفه ردي 00
لفت أسرار الشيله زين وبعدها سلمت علي وباستني وهي تقول :موعدنا بكررره عشان نروح
المستشفى 000وأشرت بيدها وهي تقول) يلاااااا باي 00
ولفت عني عشانها بتطلع مع الباب 00 وقبل ماتطلع ناديتها وقلت لها :أسرار اللي قلته لك عن
ماجد سر بيني وبينك 00 (0وكملت بحزم )يلااا أوعديني 00
لفت علي وهي طالعني بصمت بعدها قالت بحزن :أوعدكـ 0(وعطتني ظهرها وطلعت من البيت
بسرعه بدون ماتلف علي )
دخلت البيت وقبل مااسكر الباب حسيت إن أحد يدفه 00بعدها شفت فهد وهو يدخل راسه ويقول
بعصبيه :هيه إنتبهي 00 (ولما دخل سكر الباب وراه أما انا مشيت عنه ودخلت جوى البيت أما هو
لحقني وجاء وراي وهو يقول )إيش فيك إنتي وياها 000كل وحده نفسها بخشمها 00
وقفت في مكاني وانا أقول بضيق :خير فهد 00 جاي من برى ومعصب ممكن أعرف ليش ؟!
وقف قدامي وهو يطالع عيوني ويقول :شو ليش الانسه أسرار طالعه وماتشوف قدامها 00أكلمها
ومطنشتني ماادري إيش مسويه لها (وأشر علي وهو يقول )وإنتي معصبه وحالتك حاله 000(
وكمل بحزم)ممكن أعرف شو صاير ؟؟!
قلت له بإبتسامه حزينه:مافيه شئ (وكملت بحزن وأنا أطالع الارض)00 بس اسرار زعلانه لاني
رافضه ماجد وموافقه على عامر 00
دخلت الصاله عند مامي وبابي وهو واقف بمكانه يطالعني بعدها جاء وراي ودخل الصاله وهو يسلم
:السلام عليكم 00
الجميع :وعليكم السلام 00
مامي :هلا ولدي 00تعال إجلس وإرتاح 00(وكملت وهي تصب له شاهي ) تعال خلني أصب لك
شاهي 00
راح فهد عندها وهو يبتسم ويطالعني بتفحص 00لفيت عنه وأنا أشر ب الشاهي وألهي نفسي 00
بعدها قال لي بابي بفرح وإبتسامه على وجهه :مبروووووووووووك يابنيتي 00
حطيت الشاهي على الطاوله اللي قدامي وقلت له بغباء :مبروك على شو باااااابي؟؟؟!
ضربت مامي يدينها بعض وهي تقول :إيش فيك يابنيتي ؟! شو على إيش 00على خطبتك من
عااااامرر 00(وكملت وهي طالعني بتفحص) ولا إنتي نسيتي 00
والله مال خلق أشرح وأجادل!!
حتى على نفسي أنا مالي أخلاق!!
طالعني فهد بشك00و بعدها قال لي بابي بتساؤل :شو يابنيتي إنتي رافضه ؟(ولف على مامي وهو
يقول)أجل أمك ليش تقول إنك موافقه 00
حسيت جسمي يرجف من الخوف والتوتر وحسيت إن ريقي نشف وصارالامر جدي وقلت له وانا
ابلل شفايفي بلساني وأبلع ريقي :لا بااابي 0صدق اللي مامي قالته أنا (وكملت بصوت متقطع) مـو
مو مواافقـ ـ ـه00
ضمني بابي لصدره وهو يقول :مبرررررروك مبروووك يابنيتي مبروك الله يسعدك يارب 00
طالعت في فهد اللي كان يشرب شاهي ويقول :يبه مو المفروووض نسأل عنه 00؟!
قال بابي بعصبيه :ليش تسأل عنه هو مو صديقك ولا إنت شايف عليه شئ 00
حط فهد فنجال الشاهي على الطاوله وهو يطالعني ويقول :الحق ينقال 00أنا عامر ماعرفته الا من
فتره وهو رجل والنعم فيه بس بعد لازم نسأل 00
صرخ بابي وهو يقول :فهد إنت مالك خص بهالسالفه وإطلع منها (وكمل بابي بإعناد)000مادام
عمك بو حسن هو اللي خاطب له أكيد يعرفه يعني مايحتاج نسأل عنه 00
وقف فهد وهو معصب وقال :يبه الله يهديك 00شو مالي خص هذي إختي ولازم أخاف عليها 00وإذا
عمي بو حسن خطبها له مو شرط يكون زين يمكن مايعرف عنه كل شئ 00
بابي وقف وهو وقال :جب إنت ولا كلمه 00إختك اللي بتتزوج مو أنت وبعدين هي موافقه برضاها
00 (0وكمل بصراخ) ولا إنت ماتبغاها تزوج 00
راح فهد عند بابي وحب على راسه وهو يقول :براحتك يبه سو اللي تشوفه 000انا بطلع من
السالفه 00
ومشى بيطلع مع الدرج 00حسيت بالضيق والاختناق وحسيت إن الهواء إختفى من الصاله وإني مو
قادره أتنفس عشان كذا ناديت فهد وقلت له:فهد 00إذا ماعليك امر طلعني غرفتي (ولفيت على بابي
ومامي وقلت ) عن إذنكم بريح شووووووووووووووي 00
رحت عند فهد ولما وصلت له شالني وطلعني فوق ودخلني غرفتي وحطني على سريري وهو يرص
على سنانه ويقول :نظرة الحزن اللي بعيوونك بيجئ يوم وأعرف سببها 00 بس الحين مو وقته (
وعطاني ظهره وهو يقول )مرام إنتي لسى صغيره والحياه قدامك فكري عدل ترى الزواج مو لعبه
000
أصبر ياقلبي وأنتظر خل الحزن مكتوم
كل المعاني تغيرت وأتضحت الصوره
صار الصدق في هالزمن مثل الوفا معدوم
ونفوسنا تجرحت والفرحة مكسورة
كل المبادئ تنشري واللي معاه يسوم
حتي المشاعر ارخصت والكلمة مهدوره
طلع من الغرفه وسكر الباب وراه 00جلست أطالع في الباب وأنا سرحانه وأفكر باللي صار تحت
وأفكر بحياتي 00 بعدها وقفت عشان ادخل الحمام وأتوضاء واصلي المغرب اللي قاعد يأذن 00
دخلت الحمام وتوضيت وبعد ماخلصت وضوء طلعت من الحمام وأخذت السجاده وفرشتها وأخذت
شرشف الصاله ولبسته بعدها كبرت وصليت وأول ماخلصت صلاه شلت السجاده ولفيتها ونزلت
شرشف الصلاه ورحت للكوميدينه بحطها فيها الا وأسمع صوت مسج حطيت السجاده وشرشف
الصلاه في الكوميدينه 00ورحت للجوال اللي كان على السرير وأخذته وأنا أفتح المسج وأقراه بقهر
وغيض لانه كان من عامر وكان مكتوب فيه :
00
تفضل ترى بالقلب دارك ومنزالك ** على ماتبي نفسي تجي وانت راعيها
ترفق بقلب صرت تلعب به لحالك ** يقول القصايد وانت بعده تغنيها
أحبك وأحب اسمك ورقمك وجوالك ** وأحب الديار اللي رجولك مشت فيها00
ومكتوب في أخر المسج (وأخيرا وافقتي توه عمي متصل علي ومبشرني 00 مبروووووووووووكـ
عليكـ أنا ويوم الخميس إن شاء الله بتكون الملكه (عامر))
مسحت الرساله بسرعه ومن القهروالغيض رميت جوالي على الجدر لين صار قطع 0وكل قطعه في
مكان00 طالعت فيها بحقد وأنا أقول :والله ياعامر 00مانزل دمعه بعد اليوووووووم عشانكـ؟! (
وضحكت بهستيريا ) هههههههههههههههههههه تحمل اللي بيجيك مني
ههههههههههههههههههههه بغيتني برضاي ولا غصبن عني 00إنت تامر بس بنشوف مين اللي
بيبكي بدال الدموع دم ههههههههههههههههههههههههه 00
هديت شوي وبعدها تمددت على السرير وأنا أطالع السقف 00شوي سمعت دق على الباب بس
طنشت ومارديت 00بعد كم دقه إنفتح الباب ودخلت مامي وهي خايفه وتقول:إيش فيك يمه ؟ليش
ماتردين علي ؟ (وطالعت الجوال المتكسر والمرمي في كل مكان وهي تقول )خير يمه ليش جوالك
متكسر كذا 00وكل قطعه منه في مكان 000
عدلت جلستي وأنا اقول لمامي بدون إنتباه أو تركيز :ها 00 نعم مامي شو بغيتي ؟!(وإنتبهت
لسؤالها وقلت )اممممم طاح مني بدون ماانتبه وتكسر 00عادي يمه مو مشكله 00
طالعتني شوي بعدها حطت يدها على جبهتي وهي تقول :إيش فيك يمه لا يكون مرضانه ولا شئ؟!
إبتسمت في وجهها عشان أريحها وأنا اقول :لا مامي مافي شئ 00بس تعبانه شوي وأبي أناااااام
00
إرتاحت مامي شوي وبعدها قالت لي وهي تبوسني على
راسي وتقول :الحمدالله ريحتيني 00(
وكملت بإبتسامه) والله وكبرتي يابنيتي وصرتي عروووسه 000
إبتسمت لها وأنا أمسح دمعه خاينه نزلت على خدي بدون مااحس فيها وقلت لها :أكيد يمه كبرت
00لي متى بتشوفيني ياهل !!!00
ضحكت مامي بصوت عالي وبعدها قالت :هههههههههههههههههههههههه� �ههههههه
إيه والله كبرتي (ومسكت خشمي وهي تقول ) بس إنتي بتظلين صغيره بعيوني حتى لو جبت عيال
وزوجتيهم 00
فركت خشمي لان مامي شدت عليه وأنا اقول :أاااااي مامي عورتيني 00 (وكملت بضحك)
ههههههههههههههههههههههه
لا مامي ماابتخيل عندي عيااااااال أنا لسى صغيره بتمتع بحياتي 000
ضربتني ماامي على كتفي وهي تضحك وتقول :هههههههههههههههههههههههه� �هههههههه
صح صغيره والدليل إن ملكتك بتكون يوم الخميس 0 والزواج إن شاء الله بعد ماتفكين الجبس على
طووووول هههههههههههههههههه00
لحظة صمت إحتراما لمشاعري 00 امممممممممم ماادري شو أقول لكم 00؟! بس حبيت أسألكم شو
رايكم أترك لكم وصف مشاعري في هذه اللحظه 000000؟؟! ولا اقول لكم لا أنا اللي بوصف لكم
مشاعري لانكم مستحيل تحسون باللي أحسه بدون ماتعيشون فيه أو تجربونه ؟! وبصراحه أكثر
مااتمنى ولا وحده منكم تعيش العذاب اللي أنا عشته 00 المهم لما قالت لي أمي هذا الكلام مابكيت
ولا صرخت ولا شئ كل اللي حسيت فيه بررووود فضيع يسري في جسمي مع إرتجافه خفيفه
بأطرافي 00 بس هذا اللي حسيت فيه لانه بهالوقت مشاعري خلاص ماتت وإندفنت بداخلي 00
حسيت نفسي إنسانه بدون مشاعر بدون إحساس 00 طالعت في مامي شوي وبعدها قلت ببرود
فضيع :خلاص مامي سوووي اللي تبغونه 00
#19