جرح العشاق - الفصل 7 - بقلم عشق القاسم - مكتملة | روايتك

7. الحلقة السابعة الحلقة السابعة رمزى: ببص لمراتى وراح قالع الكرافتة ورماها على الارض والجاكت حصل الكرافته وهو بيفك أزرار القميص نور بصوت عالى : أنت بتعمل أيه عيب عليك رمزى بابتسامة لم تصل لعينيه : بقلع البدلة عشان ارتاح وكان عمال يقرب منها نور: أبعد يارمزى أرجوك أنا هغير الفستان فى الحمام أرجوك أبعد أرجوك انا عايزه شوية وقت عشان أخد عليك رمزى: أنتى ممكن تحتاجى مساعدتى نور: شكرا وبتحاول تهرب منه رمزى مسك نور بسرعة وشالها بين أيديه ووضعها على السرير وهوشايف نظرات الخوف والذعر فى عينيها قال: أنتى عارفة اليوم ده حلمت بيه بقالى سنين نور: رمزى أرجوك أستنى شوية قرب منها وهمس فى ودانها بصوت أجش من الرغبة : أنا دلوقتى معنديش القدرة أصبر يوم تانى بعيد عنك نور: طب أديلى يومين بس يومين بس لو بتحبنى رمزى: وليه نأخر من حاجة مكتوب عليها تحصل بين اى زوجين ..خلينا نتفق على حاجة يانور أنك تنسى الماضى ونبدأ مع بعض حياة جديدة وبعينين مليانه دموع قالت: ححاول ححاول فهمس بصوت خافت : أنا بحبك بحبك من زمان من لما كنتى طفلة بضفيرتين حاولى تدى نفسك فرصة تانية حاولت ترسم ابتسامة على شفايفها: ححاول انحنى عليها وباس خدها: أنتى خايفه نور بصوت خافت: أيوه متخافيش منى أنا عمرى ماهعمل حاجة تأذيكى نور: لو قولتك أصبر شوية هتسمع كلامى رمزى: لآ مش هصبر أنا صبرت كتير واستنيت اليوم ده من زمان نور: انت بنفسك قولت استنيت كتير يبقا تستنى كمان يومين رمزى: تعرفى يانور أنك هتكونى أول بنت فى حياتى نور وهى مش مصدقة: أنت بتضحك عليا أنت طول عمرك عايش برا وسافرت بلاد كتير أنا مش مصدقة ان مفيش ولا بنت شدو أنتباهك رمزى : أيوه عشان مفيش غير بنت واحدة اللى عايزه هيا أنتى نور بتهز راسها جامد مصدومة من كلام رمزى هوا فى راجل ممكن يحب واحدة ويبقا مخلص ليها يبقا مخلص لواحدة عارف كويس انها عمرها ماهتكون ليه وفى اللحظة دى حست انها ماتستحقش واحد زى رمزى هوا يستحق واحدة تحبه وتعشقه مش واحدة قلبها ملك راجل تانى والدموع ابتدت تنزل من عينيها سامحنى يارمزى رمزى مسح دموعها بابهامه وأخدها فى حضنه بيحاول يثبت ليها ويحسسها انها الوحيدة والاخيرة فى حياته ..هي الحلم اللى طول عمره بيحلم بيه وهو بيبث شوقه ليها همس بأسمها أكتر من مرة بصوت مرتجف وبعد فترة طويلة نور كانت نايمه فى حضنه وهو بيبص ليها بيتأمل ملامح وشها البرئية أخيرا بقيتى مراتى وحلم عمرى أتحقق ..بوعدك يانور أن هيىجى يوم وتحبنى زى مابحبك _____________________________________________________________________ فوزية بصوت حزين : جمال أنا تعبانة أوى جمال قرب منها ومسك أيديها جامد وشبك صوابعه فى صوابعها وضغط عليهم بحنية وبالايد التانية شدها وقعدها على السرير وبصوت حنون : لو نامتى شوية التعب هيروح فوزية: النوم مش هيضيع التعب وشاورت بأيديها الحرة ناحية قلبها وقالت: التعب جوا هنا جمال: هو أنا زعلتك من غير ماقصد فوزية : أنت عمرك مازعلتنى فى حاجة أنت طول عمرك حنين معايا ..أنا اللى علطول بزعلك انت العقل وانا الجنون أنا بيجى عليا أوقات بغير من تفكيرك وعقلك الرزين جمال : أنتى بتتكلمى بجد أنا كنت عاقل ورزين زمان بس دلوقتى من غير مالواحد يحسد نفسه أتعديت منك ياروحى فوزية : أنت لسه بتحبنى جمال: ده بردو سؤال لو مش بحبك ايه اللى يخلينى مستحمل تصرفاتك المجنونة وعصبيتك أيه غير الحب اللى مخلينى عايش معاكى لحد دلوقتى فوزية أنهارت مرة واحدة بالبكاء وقالت : مستحملنى عشان خاطر نور جمال أخد فوزية فى حضنها وبيطبطب عليها وبيحاول يهدى فيها زى العيل الصغير وقال : أنتى كده تبقى عبيطة بجد .. فوزية وهى لسه بتبكى: فاكر احنا اتقابلنا ازاى والمقالب اللى عملتها فيك أول أيام جوازنا جمال : هههههههههههه ودى أيام تتنسى فاكره المقلب اللى عملتيه وكان من نصيب جوز أختى وبسببك فاضل قعد يومين فى المستشفى وكانت أختى مصممه أطلقك فيها فوزية مسحت دموعها وقالت: فاكره كويس كنت لسه راجع من برا ومعاك فلوس كتير أوى وفتحت معرض للموبيليا ودلوقتى بدل المعرض بقو دسته معارض فى كل حتة جمال: مابلاش نبرة الآر دى أنتى كده هتخلينى أطب ساكت فيها فوزية : بعد الشر عليك جمال: أنا فاكر أول مرة شوفتك فيها اول مارجعت من برا وكنت بزور أختى واتقابلنا فى الاسناسير خطفتى قلبى من أول مرة شوفتك فيها وقولت دى هتبقا مراتى فوزية : ايوة ولما جيت اتقدمت ليا قولت لبابا لا وفى اليوم ده أخدت حتت علقة مخدهاش حرامى غسيل بابا قالى مش كفاية أنتى فاشلة فى تعليمك واخدتى الثانوية العامة بالعافية وقعدتى فى البيت لما أتجوزتك كان عندى 19 سنة بس فلاش باك ليوم الفرح فى شقة العرسان من أكتر من واحد وعشرين سنة فوزية :انت حتنام فين جمال :طبعا معاكى فى نفس الاوضة ميرال :انت هتنام فى أوضة وأنا أوضة هو أنت فاكر نفسك جوزى بجد جمال: والله العظيم جوزك والمأذون وكتب الكتاب فوزية : غصب عنى وجواز الغصب باطل بااااااطل باااااااااطل وابتدى صوتها يعلى جمال :اهدى شوية هتفضحينا فى العمارة ..أرحمنى يارب فوزية :ربنا بيرحم الجميع اقولك طلقني وكده انت هترتاح جمال :طلاق مش حطلق دى ليلة باين عليها منظورة أوف أوف انا داخل استحمي أول مقلب يتعمل فى جمال فوزية بعد ماغيرت فستان الفرح جابت جردل مية ساقعة فيه قطع تلج وخلته قريب منها جمال دخل عند فوزية الاوضة : بصى يابنت الحلال انا غيرت هدومى فى اوضة تانية عشان متتحرجيش منى بس مش هنام فى مكان تانى غير هنا وبيقرب منها راحت فوزية دلقه جردل المية الساقعة عليه جمال بصدمة :يا بت المجنونه يابت المجنونة أنتى باين عليكى عايز تموتنى أنا لسه واخد دش ميه دافيه فوزية عينيها أحمرت من الغضب: أنا اللى مجنونة بردو ده أنت اللى مجنون يابن المجنونة جمال قرب من فوزية وضربها بالقلم على وشها : روحى وأنتى طاااااال وسكت ومكملش جملته فوزية: كمل كلامك وطلقنى ولا خايفة تطلقنى الناس تقول عليك مببتعرفش جمال: اللهم اخزيك ياشيطان غورى من وشى دلوقتى بدل مارتكب فيكى جنايه فوزية: مش هتحرك من مكانى ورينى هتعمل ايه جمال: ارحمينى يرحمك ربنا وكفاية استفزاز فوزية: يارب ماترحمه جمال: خلاص كفاية لحد كده انا اللى هغور من وشك وسابها وخرج تانى يوم الصبح راحت فوزية المطبخ عشان تعمل فطار مخصوص للعريس وهيا بتعمل الفطار كانت بتغنى وبعد ماجهزت الفطار راحت على الاوضة اللى جمال نايم فيها فوزية :حبيبي اصحي عملتلك فطار وقعدت على السرير جمال :لا انا بحلم هو انتى بجد قصادى وعمله فطار كمان فوزية: أصل انا ضايقتك امبارح بس والله غصب عنى عشان كنت متوترة شويتين فحبيت اصالحك أنت بتبصلى ليه كده جمال: أصل مش مصدق نفسى فوزية : مش هتاكل بقا ولا أكلك بنفسى جمال: مادام من أيدك هفطر مش هتاكلى معايا فوزية: انا فطرت من بدرى جمال: انا كده ولا شهريار هفطر فى السرير وقعدة جنبى واحدة زى القمر وبعد ماجمال خلص فطار انا نفسى بقا أحلى ياجميل فوزية: من عينيا انا هروح أجيب ليك طبق رز باللبن وبصوت كله دلع قولى الاول بتحب الرز باللبن ولسه هتقوم من جنبه شدها وقعدها تانى جمال: خلاص مش عايز أحلى دلوقتى خليكى قعدة شوية معايا فوزية : شيل أيدك الاول وانا اقعد معاك شويتين مش شوية وأول ماشال أيديه فوزية طلعت تجرى ولا فرس السباق ودخلت أوضتها وقفلت عليها بالمفتاح جمال : أفتحى الباب مااحنا كنا لسه حلوين مع بعض أفتحى الباب ده انا بردو جوزك ونفسى أدخل دنيا وهو بيتكلم حس بمغص فظيع فى بطنه ومن شدة الالم قال أاااه بصوت عالى فوزية وهى من ورا الباب وبصوت عالى : تستاهل أن شاالله يارب اشوف النهاردة أسمك النهاردة قبل بكرا فى صفحة الوفيات جمال وهو بيتألم : قوليلى عملت فيا أيه يامجنونة يامجنونة أوعى تكونى حطيتى ليا سم فى الاكل فوزية: هو أنا مجنونة عشان أحط ليك سم فى الاكل وادخل السجن فى واحد زيك وأضيع شبابى لآ متخافش محطتش ليك سم فى الاكل جمال: أأأأأه قوليلى أمال حطيتى أيه انا باين عليا هموت فوزية: ماتجمد شوية ده انتى باين عليك فرفور جمال : قوليلى حطيتى ايه على الاكل دلوقتى ولاأكسر الباب وادخل اخلص عليكى فوزية: تخلص على مين ولما تتكلم أكلم على قدك انا هريحك عشان تعرف انا طيبة وبنت ناس وبحب اريح اللى قصادى أنا حطيت علبة بيساكوديل كاملة على الاكل متخافش ولا هتموت ولا حاجة أقصى حاجة ممكن تجرالك انك تروح المستشفى ويتعمل ليك غسيل معدة جمال: وده بتاع ايه فوزية: هههههههه دلوقتى تعرف بتاع ايه جمال مسك بطنه وجرى على الحمام وكل مايطلع يدخل تانى وفى كل مرة يدخل الحمام يدعى عليها روحى ياشيخة منك لله دلوقتى عرفت الدوا ده يبقا بتاع أيه .. روحى ياشيخة ربنا يبتليكى زى بالظبط بس طبيعى من غير اى أدوية وهو فى الحمام فوزية أتسحبت فى الاوضة عنده ودلقت أزازة زيت كاملة على عتبة الحمام وطلعت تجرى على أوضتها وأول ماخرج من الحمام طااااااااااااخ على الارض فوزية كانت وافقة على باب الاوضة وبتضحك جامد وهو كل مايقوم بيقع تانى جمال بعيون حمرا وجسم متكسر وبنبرة تهديد قال : انا هكسر رقبتك وبعدين هشرب من دمك فوزية : هههههه لآ مش قدرة هفطس من كتر الضحك وتكسر رقبة مين مش لما تقدر تقوم الاول تبقا تورينى هتكسر رقبتى أزاى لسه بردو مصمم متطلقنيش ماترمى عليا اليمين وانت تستريح يابن الحلال أنت مش قدى جمال: انتى فكرانى هطلق بالساهل يبقا بتحلمى أنا لازم أخد حقى الاول وبعدين هخليكى متعلقة ولا متجوزة ولا مطلقه فوزية : أنت بتهددنى طيب أنا هوريك ..على فكرة ماما و أختى على وصول فحاول تشد حيلك قصادهم عشان هيبقا منظرك وحش خالص واوعى تفكر تقولهم حاجة مش هيصدقك وهيقولك عليا نسمة مبيطلعش صوت ولو فكرت تقول حاجة هقول انك بتحاول تدارى خبتك وبص لمنظرك الاول قبل ماتحاول تتكلم وسابته ومشيت على الاوضة وقفلت على نفسها وظبطت نفسها زى اى عروسة فى يوم الصبحية مستنيه أهلها وجمال مش قادريقوم : أاااه أاااه ياضهرى أنا اللى جبتو لنفسى ماأنا كنت عازب وعايش حياتى بالطول والعرض أيه اللى خالنى أتجنن واتجوز بعدها بساعة جرس الشقة رن وراحت فوزية تفتح الباب وودخلت ماماتها وامينة اختها مامت فوزية : دخلى ياأمينة صينية الاكل المطبخ ..عروستى عامل ايه فوزية وطت راسها فى الارض : الحمد لله يماما المهم انتى كويسة فوزية : ماتكسفنيش بقا ياماما خلاص فين جمال عشان اسلم عليه قبل مانمشى انا واختك فوزية : اقعدى الاول انتى هتفضلى وافقة مامت فوزية : خلى القعدة لوقت تانى فوزية بتنادى بصوت عالى: جوجو حبيبى ماما عايزا تسلم عليك جمال خرج من الاوضة وبيقول لنسفه انا بقيت جوجو ماشى ياحربية انا هوريكى هنتقم منك ازاى جمال: عمله ايه ياحماتى ازيك يا امينة امينة: الحمد لله جمال قرب من فوزية واخدها فى حضنها فى جامد لدرجة انها حست بعضمها هيتكسر فى ايده مامت فوزية: خلى بالك من فوزية دى طيبة اوى وغلبانة جمال: انتى لسه هتقوليلى دى اساس الطيبة وهو بيتكلم بيضغط على جسم فوزية بعنف وهى مسكة نفسها بالعافية عشان متصرخش من الالم مامت فوزية: مع السلامة وخلى بالك من فوزية جمال: دى فى عينيا وخرجو وقفل جمال باب الشقة وهو لسه ماسك فوزية وهى بتحاول تهرب منه وبصوت شرير قال: انا بقا هوريكى هنتقم منك أزاى فوزية : أوعى تكون فاكرنى هخاف منك يبقا بتحلم جمال بسخرية : أعتقد أنك فى وضع لا يحسد عليه والمفروض تخافى منى دلوقتى فوزية : هههههههههههه أخاف منك انت سابنى احسنلك جمال : مش هسيبك وورينى هتهربى منى أزاى فوزية رفعت رجلها : وطااااااااخ وسددت فى جمال ضربة تحت الحزام وكانت الضربة القاضية جمال وقع على الارض: أااااااااه حد يلحقنى بسرعة انا ضعت خلاص فوزية : تستاهل وجريت على الاوضة وقفلت على نفسها جمال بعد فترة قام من على الارض : انا مش هقعد دقيقة تانى فى الشقة ولبس بطلون اسود وتيشرت ابيض وخرج من الشقة وراح على معرض الموبيليا جوز أخته حسن أول ماشافه مصدقش نفسه: العريس بنفسه فى المعرض ..انت عريس ادى نفسك اجازة من الشغل ..الشغل مش هيطير مش معقولة كده هو مفيش غير الشغل هو أنت ماكنة شغل جمال: ماهو أم ألار ده اللى جابنى ورا حسن: أااوبا أنت بتعرج أنت كنت لسه سليم امبارح .. أحكى أحكيلى أنا بردو زى أخوك وستر وغطا عليك جمال حكى ل حسن كل حاجة حصلت معاه حسن وهوبيضحك : أنت بتتكلم بجد هيا عملت فيك كل ده أنا مش مصدق دى مراتك كلها على بعض شبر ونص يطلع منها كل ده جمال: هزعل منك ومتقولش عليها شبر ونص فاهم ولا مش فاهم ..وأيوه صدق هى عملت فيا كل ده حسن : بالرغم كل اللى عملته فيك بتدافع عنه ده انت باين عليك واقع أوى جمال: هو باين عليا اننا واقع أوى حسن : باين ونص .. تعالى أوصلك البيت انت شكلك مش قادر تقف على رجلك جمال: مش هتحرك من مكانى حسن : بلاش عناد تعال لما أوصلك شقتك جمال وحسن وصلو عند باب الشقة حسن : أسيبك بقا تدخل لقضاك جمال: لا مش هتمشى انت هتقعد معايا شوية حسن : طب والعروسة جمال : عروسة مين تلاقيها قفله على نفسها دلوقتى أدخل يارجل حسن : خلاص هقعد شوية وهمشى جمال: أنا هدخل اغير هدومى وهطلع علطول وسابه ودخل الاوضة حسن بيبص على السفرة لقى عليها شوربة كوراع مقدرش يقاوم راح مشمر كمه وابتدى ياكل لحد ماخلص الكوراع جمال اول ماشافه بياكل اتخض : أنت بتعمل ايه حسن : باكل زى ماانت شايف بس شوية كوارع خرافة تسلم ايد اللى عملها معلش خلصت على الكوارع جمال: أنت خلصت على الكوارع كلها حسن : عيب عليك مستخسر على اخوك شوية كوارع جمال: الكوارع دى مكنتش موجودة لما نزلت اكيد حطت فيها حاجة حسن : مش معقولة ومرة واحدة مسك بطنه وعلى صرخة واحدة أااااااااه أااه وراح مغمى عليه الفلاش باك أنتهى جمال : فاكره يافوزية حسن فضل يومين فى المستشفى وكان بيهلوس ويقول روحى منك لله ولحد النهاردة بيخاف يجيلى هنا فى الشقة فوزية: واحد طفس اكل الكوارع كلها ومن سوء حظه كانت فاسدة مع الدوا المسهل اتظبت فيها بس الحمدلله انها جيت فيه مش فيك ياحبيبى جمال: مش هتقوليلى ايه اللى مزعلك فوزية وهى مترددة : هقول بس أوعدنى أنك متتعصبش ولا تزعل وتمسك أعصابك شويتبن جمال : فوزية صوتك وكلامك محسسنى انك عملت مصيبة فوزية ابتدت تبكى : أيوه أنا عملت مصيبة بس والله كان قصدى كل خير جمال: أتكلمى يلى أيه المصيبة اللى عملتيها يتبع...