الفصل 3
3. الحلقة الثالثة
الحلقة الثالثة
*******
ساره خبطت فى حاتم فلف أيديه الاثنين حوالين وسطها ليحميها من الوقوع فرفعت راسها وبصت ليه
حاتم بأعجاب: أول مرة أشوف عينين بالجمال ده
ساره بتحاول تهرب من أيديه
ساره: سبنى دلوقتى أحسنلك
حاتم قرب وشه فشعرت بأنفاسه الدافئة على شفايفها وقال: أنا شايف دلوقتى
أجمل عينين وأجمل شفايف
ساره بعصبية: انا بقولك شيل أيديك وابعد وشك أحسنلك بدل ماتهور عليك وأوعى تفتكر أنك بالكلمتين الحلوين دول ممكن تضحك عليا بيهم وأنسى اللى حصل أمبارح أنت بتحلم
حاتم : انا أزاى ماخدتش بالى من لون عينيكى ولا شفايفك اللى زى حبة الكريز
ساره شعرت برعشة وبصوت مهزوز: أنا بقولك شيل أيدك
حاتم أتجاهل كلامها: سامحينى الاول وأنسى اللى حصل أمبارح
ساره بتحاول تسيطر على اعصابها
ساره : أنت أكيد مجنون أنت أمبارح لسه قايل عليا بومة تيجى مرة واحدة تقول عليا جميلة أنت فاكرنى عبيطة
حاتم بضحكة جذابة : لحظة طيش وغضب ممكن تقبلى أعتذارى
ساره بصوت مهزوز: انت متاكد انك تبقا حاتم اللى شوفته أمبارح مش توأمه
حاتم : أنا أبقا حاتم ومليش أخ توأم وعايزك تسامحينى
ساره: قولتلك لأ انت مش بتفهم
حاتم : اللى حصل أمبارح كانت غلطة منى ودلوقتى بطلب السماح
ساره بصوت خافت: أعتذارك مش مقبول وشيل أيدك وامشى بعيد لو سمحت
حاتم باس ساره خلف ودانها وبصوت مثير: مش همشى الا لما تسامحينى
ساره مقدرتش تسيطر على اعصابها وبتقول لنفسها: مالك فى أيه جرالك أيه أمسكى نفسك شوية وهو عشان ضحكلك هتدلقى عليه ولا نسيتى اللى حصل أمبارح
حاتم لاحظ أنها بتفكر وقال لنفسه: أوعى تديها فرصة انها تفكر دى باين هتوقع خلاص
ساره بصوت بيرتعش : أنت بتعمل أيه مينفعش ميصحش كده
حاتم: أنا معجب بيكى ياساره معجب باللى عملتيه أمبارح أزاى قدرتى تقفى قصادى أنا واحد معجب
ساره بصوت بيرتعش:أبعد عنى
حاتم بضحكة خبيثة: انتى دلوقتى حرة عايزه تمشى أمشى بس أنا شايف قصادى أنك حبه كلامي
ساره : أنا هوريك هتنفع بعد كده أزاى
حاتم بفضول: تقصدى أيه بكلامك
ساره : هتشوف ومرة واحدة راحت ركله بقوة فى منطقة أسفل البطن
من شدتها حاتم ركز بركبته على الارض
حاتم بألم : دلوقتى أنا فهمت تقصدى أيه بكلامك أأه ه
ساره بغل : أحسن وخليك مرمى على الارض ومشيت باتجاه أوضتها
حاتم : أستنى طب قوليلى أنتى قلبتى ليه مرة واحدة لبرسلى ماأحنا كنا لسه كويسين مع بعض
سارة مردتش عليه وراحت لآوضتها ورمت نفسها على السرير وبدأت فى البكاء
وبتقول لنفسها : أنتى طول عمرك بتقدرى تتحكمى فى نفسك وأعصابك كويس حصل أيه ماتردى حصلك أيه ومبادئك راحت فين
أنتى علطول بتتباهى قصاد جولى أنك عمرك ماكان ليكى علاقة
بسهوله كده تسبيه يتكلم معاكى كده لحد ماأفتكر أنك واحدة سهلة ومقضيها كل يوم مع واحد شكل
ماشي اما خدت حقي منك اما وريتك
**باب الغرفة دق ودخلت مارى**
ساره بعينين مليانه دموع: نعم مارى
مارى بقلق: مالك ساره ؟ مين زعلك؟؟
ساره : مفيش حاجة مارى كنتى عايزه أيه مارى
مارى : صحبتك جولى تحت وعايزكى تنزلى ليها
ساره: قوليلها تطلعى الاوضة
مارى : حاضر مش هنقوليلى أنتى كنتى بتبكى ليه ساره
ساره: بعدين بعدين مارى مش وقته
الباب دق وجوليا دخلت
جوليا بابتسامه: أنا أقولك أنزلى تقولي لمارى خليها تطلع الاوضة أنت تحمدى ربنا اللى أنا جيت بنفسى ومجبتش ألن بالتذكرتين قربت جوليا وهي بتتكلم من ساره فاشافت الدموع في عينيها فقالت بقلق : مالك سارة
ساره بحزن :مليش ماانا كويسة قصادك
جوليا جلست على السرير وحضنت صحبتها
جوليا: مش على جولى صحبتك ومسحت دموع صحبتها
ساره: قولتلك مفيش حاجة
جوليا: بصى أنا ورايا شغل كتير وكنت هديكى التذكرتين وهنزل بسرعة بس دلوقتى مش هتحرك من مكانى الالما تحكيلى كل حاجة
ساره: بعدين جولى مليش نفس للكلام
جوليا بتصميم : وأنا مش هتحرك من مكانى يلى أحكى
ساره قالت كل حاجة حصلت بينها وبين حاتم
جوليا : حارس شخصى ليكى ساسو وشكله عامله أزاى
ساره بحزن : شبه كريس هيمسوورث بطل فيلم thor
جوليا : واو لو كده يبقا ليكى حق تسلمى
ساره ضربت جولى باليد : أنا كده ازعل منك أيه ليا حق
جوليا بألم: أيدك جامدة ومتزعليش أنا بهزر
ساره بصوت حزين: ماتهزريش عشان انا مخنوقة
جوليا:أنا عايزأعرف ازاى كان قايل عليكى بومه والنهاردة بيتغزل فيكى
ساره : هو أكيد كان بيتسلى بيا وكان عايز علاقة سهلة من غير مشاكل يعنى هيكون حبنى ده شىء مستحيل
جوليا: متقوليش على نفسك كده ساره انتى جميلة
ساره: متكدبيش عليا جولى انا عارفه كويس أنى مش جميله خالص وبدأت فى البكاء
جوليا : أهدى ساره أهدى
ساره ببكاء: أنا شكلى بشع جوليا وهو كان بيضحك عليا وانا فى لحظة صدقته
جوليا بحنيه: مين قال كده أنتى جميلة ساسو
ساره : بابا بيقولى علطول أنتى ليه اخدتى شكلى وماأخدتيش شكل مامتك
جوليا : أنا دايما بقولك انتى جميلة بس أهتمى بنفسك شوية وبلاش لبس الرجالة وبلاش الكاب اللى لبسها ليل نهار ..حاولى تغيرى من طريقة لبسك وأنتى هتبقى قمر
ساره : بجد ياجولى
جوليا بحنيه : بجد ياساره سيب الموضوع ده عليا
ساره : هتعملى أيه
جوليا : ألبسى دلوقتى وهنروح مشوار
ساره: فين جولى
جوليا: هنروح بيوتى صالون تحفة
ساره : أنتى عارفة اللى انا مليش فى الكلام الفاضى ده
جوليا بألحاح: طب جربينى المرة دى بس
ساره وهى مترددة : هجرب مش هخسر حاجة
**فى خارج غرفة ساره **
حاتم بعد مافاق من صدمة الركلة اللى كادت تفقده رجولته
قال لنفسه : أنا يتعمل فيا كده ..أنتى عارفة لولا كلام سيادة العميد ليا خليها تحبك عشان تطمنلك لولا كلامه ده كان زمانى كسرت رقبتك نصين وشربت من دمك ..هو أنتى فاكره نفسك أيه ده أنتى مفيش فيكى ريحة الانوثه خالص ..فى اللحظة دى أتمنى ان يكون ليكى علاقة بالتنظيم عشان أخلص عليكى بأيدى
ساره أول مافتحت باب الاوضة شافت حاتم ساند على حيطة اوضتها
فبصت ليه ببرود وقالت لجولى : يلى جولى نمشى بسرعة عشان الجو خنقه هنا
حاتم أتجاهل كلام ساره وقال: هتروحى فين؟
ساره ببرود: ملكش دعوة
حاتم : ليا دعوة وأنتى مش هتروحى أى مكان الا وأنا معاكى
جولى وهى تبتسم ببرود ل حاتم قالت لساره: متعانديش ساره وده شغله هو فى الاول والاخر بودى جارد
ساره بسخرية: عندك حق جولى هو بياخد مرتبه من شغلة البودى جارد
أدارت جولى العربية وساره قعدت بجانب صحبتها وحاتم قاعد ورا وساقت بسرعة للبيوتى صالون
ركنت جولى العربية عند البيوتى صالون وفتحت الباب لساره عشان تخرج وأتجاهلت حاتم
حاتم مشا وراهم
ساره بغضب: أنت رايح فين ؟
حاتم : وراكى فى أى مكان
جوليا ببرود: مينفعش مسيو حاتم حضرتك هتفضل واقف بره وعالموم البيوتى ملهوش غير مدخل واحد وممكن تسأل
وسابو حاتم جنب العربية بيتكلم مع نفسه: أنا النقيب حاتم يتعمل معايا كده أقف أستنى عند كوافير حرايمى ومعلش يامسيو مينفعش تدخل ..ماشى ياسارة
ساره بقلق: أنت خايفه
قالت جوليا بابتسامة: ماتخفيش خليكى واثقه فيا
طلعو السلم وفى داخل البيوتى
جوليا:بونجور فيوليت
فيوليت: بونجور جولى مين الامورة
ساره بتقول لنفسها : باين عليها نظرها ضعيف ومحتاجه نظارة
جوليا: ساسو صحبتى وأكملت وهى تشير لساسو أنا عايزه أعمل ليها نيو لوك ..عايزكى تقصى شعرها وتصبغيه حاجة على ذوقك فيوليت
مشيت فيوليت
ساره بهمس :انا حاسه اني هاقعد أكتر من ساعة وانا مابحبش القعدة فى مكان واحد لفترة طويلة
جوليا ضحكت: انتى لسه هتقوليلى بس أستحملى شويه عشان خطري انا بس
جلست ساره مستسلمة ليد فيوليت الخبيرة وغمضت عينيها لحد مافيولت خلصت
جوليا بابتسامه: بصى لنفسك فى المرايه
ساره بذهول: هى دى أنا وقامت بالدوان حول نفسها بفرح وقالت يارتنى كنت سمعت كلامك من زمان
جوليا : أنا أشتريتلك الفستان ده هتبقى أحلى وأنتى فيه يلى أدخلى البسيه
ساره: ماشى ياجولى ومسكت الفستان ودخلت الغرفة عشان تلبسه وأول ما خرجت
جوليا بنبرة أعجاب: واو ساره الفستان تحفة والنيولوك يجنن عليكى
ساره وهى بتبص فى المراية قالت: أنا معرفتش نفسى أنا مش مصدقة أزاى بقيت حلوة كده
جوليا: أنتى طول عمرك جميلة بس مخبيه جمالك
ساره : ميرسى جوليا
جوليا: دوغيان ساسو يلى بينا عشان تلحقى تروحى الفيلا وتاخدى باباكى للمسرح
ساره: يلى بينا
وأول ماوصلت هى وجولى للعربية
حاتم أتعدل فى وقفته وبغضب : كل ده تأخير وفين الانسه سارة
جوليا بضحكة عاليه: انت بتقول أيه؟ فين ساره؟؟
حاتم بغضب: هتقولى فين ساره ومين البنت اللى معاكى
جوليا وهى لسه بتضحك: البنت اللى معايا تبقا ساره
ساره وهى وافقه فى مكانها بتضحك بخبث
حاتم تنح : نعععم القمر اللى واقف قصادى تبقا ساره أنتى أكيد بتهزرى
سارة بحدة: وأكيد بتهزر ليه هو انا كنت وحشة الاول
حاتم : الصوت هوا صوت ساره المزعج بس الشكل مش هوا خالص
ساره : أنا صوتى مزعج بردو
حاتم : أيوه كان زمان الصوت لايق على الشكل أما دلوقتى المفروض تغيرى صوتك عشان يليق مع شكلك
بس بصراحة أنتى دلوقتى أحلى بكتير ولا أيه رأيك جوليا
جولى : ها أنا مليش دعوة بالحوار اللى بينكم
ساره بغضب : ملكش دعوة بجولى والكلام معايا أنا بس
حاتم غمز بعينيه: وأنا متأكد أنه هيكون أحلى كلام بس قوليلى سارة القديمة راحت فين أوعى تكونى أكلتيها
جولى بضحكة عاليه: هههههه دمك خفيف
حاتم : قولى لصحبتك
ساره ضربت جولى على كتفها
جولى بألم: قولتلك ألف مرة ساسو أيدك جامدة
حاتم بابتسامة خفيفة: أنا جربت كله الايد والرجل حاجة كده كوكتيل ركلات على لكمات
جولى بابتسامه: انا جربت لحد دلوقتى أيدها بس الرجل لسه
حاتم : صحبتك أيدها جامدة أوى
جولى : انت هتقولى ماأنا جربت كتير
ساره بنرفزه: أنتى بتخونينى جولى أمال لو مكنتش حكيت ليكى على كل حاجة حصلت أمبارح منه
جولي : أبدا ولا خيانة ولاحاجة
حاتم بابتسامه جذابه: مادام قالتلك كل حاجة جولى يبقا خليها تسامحنى
جولى : انا مليش دعوة بيكم قولها أنت بنفسك
حاتم طبع قبلة دافئة على اصابع ساره وقال بصوت أجش مغرى: انا ممكن أموت فيها لو فضلتى زعلانه منى سامحينى ساره
ساره شدت أيديها بعنف وقالت بقسوة: يبقا تموت أحسن
حاتم: وأهون عليكى
ساره بعصبيه: هو أنت تقربلى عشان تقولى اهون عليكى لآبجد أنت طلعت بارد
حاتم بيتكلم مع نفسه : أهدى أهدى وأصبر وقام بالعد من واحد لعشرة وقال: لو بقينا قريبين من بعض هتسامحينى
ساره: لآ بردو
جولى : يلى بينا ساره عشان تلحقى ميعاد المسرحية
حاتم قال لجولى: انا اللى هسوق
جولى: مفيش مشكله عندى
حاتم ركب العربية وفتحت ساره الباب الخلفى وقعدة هى وجولى ورا وأدار حاتم العربية وأنطلق
جولى بصوت هامس : حاتم يستاهل بجد عندك حق لما قولتى انه شبه كريس ..أنا شايفه كوكتيل من كريس ومات ديمون الاتنين بعشقهم ساره
ساره بصوت هامس : وألن خطيبك هتقوليلو مع السلامه
جولى بهمس : مفيش مقارنه خالص بين حاتم والن يارتنى كنت عرفت حاتم الاول
ساره بهمس: عيب كده ألن خطيبك وميصحش الكلام اللى بتقوليه
جولى : انا سبتلك الصح كله ليكى وانا بكلم بس
ساره : حتى مجرد الكلام غلط
جولى: خلاص انا غلطانه اللى بكلم معاكى بس الحق حاتم يستاهل
ساره بنبرة حزن : بس هو كان بيتسلى بيا
جولى : متزعليش هوا لو كان بيتسلى بيكى أمبارح أنتى بأديك تقدرى تخلى الموضوع جد لو عايزه
أنت عايزه أيه بالظبط ياساره
ساره : مش عارفة هو أول واحد احس معاه بكوكتيل أحاسيس كره وممكن حب مش عارفه بجد
جولى: أدى نفسك فرصة وشوفى انتى عايزه أيه بالظبط
ساره: هشوف ومع الوقت هيبان مشاعرى دى حب ولا كره
**فى فيلا تالا**
سندت تالا ظهرها على الكرسى ووضعت رجل فوق الاخرى على الترابيزه وقالت ببرود: فين جون ياندريه هو مش المفروض يبقا موجود قصادى دلوقتى
أندريه بخوف : هيجى دلوقتى
تالا بقسوة : أتأخر عن ميعاده دقبقة أنت مبقتش تنفع
وقبل ماأندريه يتكلم باب الغرفة دق ودخل جون
جون : بونسوار
تالا بقسوة: أتاخرت جون
جون: سامحينى مدموزيل تالا
تالا : شغلنا مينفعش فيه الاسف خالص جون وأى تأخير فى الشغل بتاعنا هتبقا هى حياتك هى المقابل
أشارت تالا للحراس وقالت هات الشنطة دلوقتى
الحارس وضع الشنطة بجانب تالا
تالا : أنت هتاخد الشنطة وهتحطها فى المكان اللى قولتلك عليها
جون : والتفتيش الامنى بتاع كل يوم
تالا : أنا أختارتك ليه جون عشان؟؟عشان عن طريق شغلك تقدر تهرب من موضوع التفتيش وأول ماتحط الشنطة هتلاقى المبلغ اللى أتفقنا عليه أتحول فى رصيدك علطول وبالسبور المزور تقدر تعيش فى أى بلد انتى عايزها وهتعيش أحلى عيشه بالملايين اللى هتبقا معاك
جون بخوف: حاضر
تالا بتأكيد : فى اليمعاد جون تحط الشنطة وزى ماأتفقنا فى الميعاد وحاجة كمان أنا هديك تليفون متسجل عليه رقم عايزاك بعد ماتحط الشنطة فى المكان اللى أتفقنا عليه وقبل ماتمشى تتصل بيا على الرقم ده
مفهوم كلامى جون أوعا تنسا تتصل بيا
جون بخوف : حاضر حاضر وأخذ الشنطة والتليفون وخرج
تالا : أمشى وراها أندريه وشوفه هينفذ الخطة زى ماقولت
اندريه: لو منفذش المهمة
تالا : يبقا تخلص عليه مع أنى متأكده أنه هينفذ المهمة عشان خاطر الملايين
اندريه: أنتى ناوية تدى ليه المبلغ اللى قولتيلوه عليه تالا
تالا بضحكة شريرة: لآ طبعا ويفوز بالملايين دى كلها ماأنا الآولى بيها
أندريه بفضول: قوليلى ايه حكاية التليفون والرقم ؟؟
تالا : عايز تعرف
أندريه : عايز أعرف
تالا: هقولك أندريه وياريت تتعلم بقا منى أنت عارف التليفون اللى أخده
أندريه بألحاح : أيوه أحكى بقا خلينا نتعلم منك
تالا :انت عارف التليفون اللى أخده فى أيده فى واحد زيه بالظبط فى الشنطة فيه شريحة خط بالرقم المستجل على التليفون اللى معاه دلوقتى وبمجرد مايتصل بالرقم القنبلة الموجوده فى الشنطة هتنفجر وهوا هيموت مع الانفجار
أندريه بأعجاب : ويبقا حققنا هدفنا وأتخلصنا من جون وكسبتى الفلوس
تالا : ومش الفلوس وبس كمان هنقضى على كل الخيوط وكل حاجة ممكن توصل الحكومة لينا
اندريه: عندك دماغ شيطانيه نفسى يبقا عندى دماغ زيك
تالا: هههههه أنت بتحلم أمشى من قصادى وراقب جون كويس ولو أتقبض عليه خلص عليه علطول
أندريه رفع كف ايده بجانب راسه وقال: تعظيم سلام للشر اللى فى دماغك وخرج من الغرفة
أخذت تالا سيجارة وأشعلتها وغمضت عينيها وبتقول لنفسها:
كل حاجة هتمشى زى ماخططت ورشاد هيبقا مبسوط منى
يتبع...