أسرار تحت الرماد - بين الالم والامل - بقلم ابو هبة | روايتك

بعد يومين من الحادثة ابو ماجد يدخل البيت ام ماجد بتوتر :وش صار على العيال ابو ماجد مقهور:مدري وش اقول لكي ام ماجد بخوف: حالتهم خطيره وتحط يدها على راسها :ياويلي يا رب رحمتك البارت السادس بين الألم والامل عرس الجوري و ماجد عند الحريم القاعة مليانه ام ماجد تصفق وتزغرت فرحانه انه الجوري اخذت ولدها وتتمنى ولدها يكون سعيد معاها ام خالد حضرت العرس مبتسمه ومنتبهه لتصرفاتها بس احيانا يبين عليها تكون متضايقة بس محد يلاحظ ام الجوري جالسة جنب بنتها وتصفق وتزغرت بس بصوت واطي فرحانه لبنتها وانبسطت بزواج بنتها من ماجد أكثر من زواجها من خالد الجوري تحس مرتاحة بالزواج حست انفصال عن مشاعر خالد وتحس بتكون سعيده مع ماجد بس الي الان تحس بفراغ كبير سببه لها خالد هند جالسه ومتحسره وتتمنى تكون مكانها وبصدرها غصة ماتوقعت انه ماجد ياخذ الجوري الزواج كان سريع ما امداها تأثر على الجوري او على ماجد تطالع الجوري اكتفت انها تصفق وما تقدر تسوي أكثر من كذا زي الرقص او تمازحها او تتصور معها عند الرجال الشباب بصفقون ويدبكون ويعرضون والشياب يسوون عرضة حتى ابو خالد معهم اما خالد ما حضر العرس ماجد احس اني مو مبسوط لا لا تفكر كذا انا اخذت المشروع وبتكاليفه وراح ينجح المشروع (تفكير يخدر نفسه لانه ما يعرف شعور الجوري تحبه او لا) شهر العسل كان في تركيا من اختيار ماجد بحيث انه مو متعود على الجوري وفيه كافيهات كثيره يستفسر منهم لمشروعه ايام من شهر العسل اليوم الثاني ماجد لابس شورت كحلي و فنيله بيضا ولبس الساعة الفضية مع النظاره وقال الجوري :انا نازل تحت إذا خلصتي تعالي الكوفي الجوري :تمام ماجد نزل قبلها منها تاخذ راحتها ومنها يشوف مشروعه الجوري لبسها بسيط نفسيتها ما تساعد انها تلبس ملابس مغرية اكتفت بجينز ضيق مع بلوزه قصيره ولبست العباية بس بدون مغشي مع رشة عطر طلعت من البيت تحس نفسها مرتاحه بس مو سعيده حست بغصة لما تذكرت لحظاتها مع خالد تحس مو عارفة نفسها احيانا تحن لخالد واحيانا تكرهه تتمنى احيانا تنفصل عن نفسها عشان ترتاح نزلت شافت ماجد يكلم بالجوال ابتسمت انسي يا جوري لكي حياة جديدة ماجد لاحظ الجوري وسكر الجوال ماجد مبتسم :وش تشربين الجوري تحاول تطلع من تفكيرها :على ذوقك ماجد طلب: ٢ سبانيش لاتيه بارد الجوري كانت خايفه حياتها تكون صعبة مع ماجد ماجد يفتح موضوع يقول بحماس :ها كيف المكان الجوري بحياء :روعة ماجد يتكلم عن نفسه :انا احب امشي الكافيهات كثير لو ما مشيت في الأسبوع مره مرتين اتضايق الجوري ماجد يحب الأماكن المفتوحه بعكس خالد يحب الأماكن المغلقة يحب نكون لحالنا لا لا سلامات خالد انتهى ركزي مع ماجد لازم اركز مع ماجد الجوري بوعي:وش صار على مشروعك ماجد عجبه الاهتمام:والله شغال فيه واحتمال أوسع اكثر الجوري تحاول تكون واعيه وتنفصل عن تفكيرها وتركز مع ماجد اكثز :حلو وش الترتيبات ماجد حب سؤالها وحس بلطف منها وحب يتعمق معها: خليها مفاجئه بداية موفقة بين الجوري وماجد ماجد بدأ يخف عنده انها تحب خالد وبدأ يحس بشعور جديد انها تستلطفه وهذا يعتبر تقدم كبير الجوري اخذت قرار انها تكون واعيه وتركز على ماجد وتبتعد من تفكيرها وقت حضور ماجد التركيز كله له اليوم الرابع بدت تتعمق علاقة الجوري مع ماجد ماجد جالس في البلكونه تطل على البحر وطبيعه خلابة ماجد لابس تيشيرت ازرق داكن مع قميص انيق الجوري لابسه تنوره قصيره سودا مع بلوزه حمرا كبداية جريئه الأسود والأحمر مزيج حلو وجذاب بحيث يبين اناقتها ماجد بارتياح:حبي الجوري بحيا : نعم ماجد حب يحرجها :الأسود ملك الألوان وانت اجمل وحده تلبسه الجوري عجبها الكلام بس تبغى أكثر بس تستحي تعبر ماجد :انا ما احب الأسود بس غيرت رايي بعد ما شفتك فيه الجوري تنحرج :من ذوقك ماجد :انتي ذوقي الأول والاخير الجوري بداية التأقلم مع حياتها مع ماجد بس الفراغ الي الان موجود وتسال نفسها هل ماجد مقصر او انا احتاج اهتمام وحب أكثر من الفراغ اللي سببه خالد ما اقدر اوصل مع ماجد لبر الأمانه هو يعطيني اهتمام وكلام حب بس احسه مو كافي هل انا مو طبيعه او ماجد مقصر احس اني غلطانه التركيز مع ماجد وحده ما يكفي احتاج وقت أكثر عشان انسي ذكرياتي مع خالد ماجد حس براحة كبيره توقع وقت الزواج انه حياته مع الجوري تكون بارده او تعيسه هند سافرت لهدف مخصوص اتصلت على الجوري ماجد كان نايم الجوري فرحت تبغى احد تتكلم معاه براحتها وبدون قيود تحس نفسها تعبانه وضايعه هند سلمت عليها وفرحت لما شافتها مو مبسوطة ارتاحت أكثر لما شافتها ضعيفة الجوري في العاده تكون متحفظه بكلامها وبدت المحادثة المسجله بعدها اتصلت على خالد خالد :ها خلصتي هند :ايوه بس كل شي له ثمن خالد اعطيكي اللي تبي بس ارسلي هند باصرار : الحساب اول حول لها وابتسمت ابتسامه نصر فلوس وشي هي تتمناه وبدون تعب وكانت متقصده تراسل خالد بوقت متأخر عشان يبين انها تعبت عشان الجوري تتكلم عنه بس كانت الجوري جاهزه الجوري حبت تسوي مفاجئه لماجد متعودين اول ما يطلعون يروحون كوفي بعدين يتمشون وقالت انا نازله الكوفي ونزلت قبله تعودت على جوه انها تجلس في الكوفي نزلت واختارت مشروبين لها كورتادو ولماجد كولد برو ماجد وصل وانصدم انها اختارت المشروب اللي يحبه خالد الجوري كانت فرحانه في اللحظات هذي تبغى تحس نفس الاحساس اللي كان مع خالد:وش رايك بذوقي ماجد بثبات انفعالي :حلو كان بيتكلم بس مسك نفسه يمكن صدفة مو قاصده وما حب يكسر خاطرها بس شرب على فترات وما خلصه اليوم العاشر ماجد في البلكونه في الصباح ينتظر الجوري عشان يمشون ويفطرون انصدم لما دخلت الجوري بلبس مغري تنوره قصيره مع بلوزه بيضا كانت تفتن بشكل رهيب الجوري تحس انها تأقلمت ونست خالد تماما جلست وكانت منتظره ماجد يتكلم او يعلق مركزه مع ماجد ونست خالد ماجد :ما كنت اظن انك تخلين قلبي يدق بالشكل هذا وش سويتي فيني الجوري تستحي مره ماجد يترك الجوال ويقترب منها : انتي فاجئتيني بجمالك كيف اقاوم هالاغراء الجوري تبتعد عنه وتستحي الجوال يدق وما يرد ماجد الجوري تقول الجوال عشان تغير الجو ماجد :انتي جايه بمظهر يخلي كل أفكاري تضيع شلون اركز معه ماجد ارتاح لان الجوري تأقلمت معاه تمام هذا يأكد انها نست خالد صار فيه تجاوب سريع بيني وبينها الجوري تحس الفراغ امتلى بحب ماجد نست خالد وما تحس باتجاهه اي شيء كانه مو موجود تركيزها كامل مع ماجد ما تدري انها بشكل غير مباشر تعيش مع خالد مو ماجد هذي خدعة عقليه توصلها للأمان بحيث ما تكون مهدده مشاعرها مع خالد ملتحمه معها تحتاج وقت طويل عشان تتخلص منه لكن العقل خدعها بتخدير كامل بمشاعر مهدده وتوصيلها لمشاعر امان غير ملحوظ تحتاج صفعه قويه عشان تستقيظ منه وتبين المشاعر الحقيقية لخالد