أسرار تحت الرماد - نقطة تحول - بقلم ابو هبة | روايتك

بعد فتره ام خالد تصيح وسط العزا :خالد يا خالد خلود وسمر لابسات اسود يهدون امهم :اذكري الله قولي لا إله إلا الله الحريم جالسات اللي تقول لا حول ولا قوة الا بالله وان لله وان اليه راجعون الحريم كلهم موجودات غير ام ماجد والجوري وامها خلود وسمر يمسكون امهم ويودوها لغرفتها لان حالتها ما تسمح لها انها تمسك العزا البارت الرابع نقطة تحول الجوري تغير ملابسها َتلبس عبايتها عشان تكلم خالد وتفهمه اللي صار خالد رجع الغرفة وشاف وضع الجوال زي ما هو مو مقفل وما شك انه احد شاف الرسايل ويشوف رسايلها الكثيره للاعتذار خالد يهدي الوضع : ليش مكبره الموضوع عادي الجوري باعتذار: خالد والله مو انا هذي وحده من صديقاتي واشرح لك الباقي إذا تقابلنا خالد بتفهم:هدي هدي الوضع اللي صار جدا عادي ونتقابل في المزرعه في الليل (الموضوع مو عادي بالنسبه له) الجوري :اوكيه لاحظت طريقة خالد متغيره في العاده يكون متحمس ما يكون هادي اكيد الصور غيرت فكرته عني عصبت طالعت هند :اخر مره تسوين الحركة ذي هند بتعجب :ليش وش صار ليش مكبره الموضوع لو غيرك كانت ضحكت استانست عيشي اللحظات الحلوه كامله الجوري ما تبغى تسمع شي :بدون كثره نقاش هند تتجهز بتمشي :ماشي بس تذكري كلامي اللي سويته بصالحك و خالد راح يتعلق فيكي الجوري : مو باين هند:براحتك هند لبست وطلعت ام خالد مصدومه من الجوري توقعت انها مسكينه بس طلعت مو بسيطه تحاول بكل قوتها تسحب خالد لها حست انها راح تخسر خالد ماجد طلع من غرفته باله مشغول عنده مشروع بس يحتاج مبلغ كبير ما يقدر ياخذه الا عن طريق ابوه طلع للصاله وحصل ابوه وسلم عليه جلس عند ابوه وبتردد:بغيت حاجه منك ابو ماجد عارف انه يبغى فلوس عشان مشروع وبصرامه:وفر كلامك وخلي المشاريع لاهلها ماجد انقهر :انت ليش ما تعطيني فرصة اتكلم او اشرح لك المشروع ابو ماجد:لاني عارفك انت مو قد المشاريع وراح تخسر ماجد :اجرب عطني فرصة ابو ماجد : ما اقدر اغامر المبلغ كبير ماجد انقهر حلم حياته المشروع هذا خالد دقو عليه اخوياه تعال احنا في مزرعتك وقت الظهر يكون مافي احد في المزرعة الشباب ياخذون راحتهم خالد: جايكم ماجد جالس في السياره متضايق من ابوه كل عيال عمه عندهم مشاريع وكل واحد ابوه يدعمه الا انا حتى خالد بالرغم انه يخسر الا انه ابوه ما يقصر معاه كيف اقدر اقنع ابوي؟ خالد وصل المزرعة في المجلس انصدم الموجوده الرقاصة ميلا خالة الجوري قريبه من شكل الجوري (الجوري بس كبيره) سالم :وش رايك جبتها بخشم ريال الرقاصة تعودت على الاهانات وصارت تتقبل جمال :اليوم كله بيترقص لنا خالد عصب :انتو صاحيين (ما قدر يكمل انها تكون خالة الجوري) سالم باستغراب: اشبك لا تخرب علينا خلي اليوم يمشي خالد مصدوم مو قادر يجمع افكاره سالم :هزي واطربينا الرقاصة ميلا نزلت العباءة وكان لبسها فاسخ جدا بس مدفوع حقه ورقصت بالرغم انها في الثلاثين الا انها مطلوبة ما ترقص الا في الأماكن الراقيه لكن موافقتها على المجي عشان تحرج اختها ورقصت وبدأ التصفيق والتصفير خالد دخل في عالم ثاني تخيل انه الجوري تكبر وتكون بالشكل هذاحس بفرحه في نفس الوقت حس بالنفور بسبب شكل الرقاصة جوري في المزرعة تعرف انه خالد يجي الظهر حبت تسوي لها مفاجئه ومره وحده تبين انها غلطانه لما سمعت صديقتها هند تسمع صوت اغنية عند المجلس اقتربت من المجلس وشهقت لما شافت وحده تشبه امها ترقص عرفت انها خالتها انصدمت أكثر لما عرفت الكلام اللي يقولوه عليها صحيح انها رقاصة اقتربت من المجلس واكتفت بالمراقبه خلصت الرقاصة اول وصله وصفقوا لها الكل قام يرمي فلوس الا خالد سالم بحماس :ادفع تستاهل على الرقص خالد :ما عندي الرقاصة :شو هالحكي خالد ابن علي ال........ ما معه سالم باستغراب: اوووه تعرفيه يا خاين تمشي من ورانا الرقاصه :لكان هذولا نسيبنا قالتها وهي تهز وتعلك لبان سالم مصدوم ويحط يديه على راسه:نسايبكم خالد انقهر فضحته ويبغى يطلع من الورطه ما يبغى اخوياه يعرفون انه الجوري تقرب للرقاصه الرقاصة قاصده تحرجه عشان تخرب على اختها :هلا انت ما تزوجت الجوري سالم وجمال يطالعون خالد باستنقاص خالد يبغى يحفظ كرامته :انتوا صدقتو انه هذا زواج انا اخذتها وبخشم ريال فتره واطلقها بعد ما اشبع منها ادري بتطلع لخالتها رقاصة سالم وجمال :كفو المهم لا تخليها على ذمتك خالد بتاكيد بعد ما استرجع النظره انه رجال :عمي اخذ الغجرية والحين محد يعترف فيه وابتلشني بنته تلاحقني في كل مكان عجبتني وعشان عمي تزوجتها ولا كان اخليها جاريه عندي جمال: لا تتسرع يمكن البنت كويسه سالم بحماس:برافو بس انت تنصح بالوقت الغلط خالد ما يبغى يترك الجوري بس يحافظ على كرامته:انا اتزوجها شكليا بس اخليها جاريه عندي مالها مكانه ولا كرامه حقي اتسلى فيها الجوري تسمع الكلام هذا متحطمه من من الداخل خالد يقول كذا خالد كان مثل السند كان يهتم فيني معقوله كله كذب انا كنت في عالم ثاني شهقت بصوت عالي ودموعها نزلت الرقاصة طالعت وعرفت انها الجوري ابتسمت خالد لاحظ ابتسامتها وانتبه للجوري خالد انصدم شاف الجوري وقام الرقاصة ميلا ارتاحت منظر الجوري منهاره وفر عليها وقت وجهد في التخريب وصل اللي تبيه خالد يلحق الجوري وبحده لف على اخوياه لا أحد يطلع من المجلس الرقاصة ميلا شغلت الأغنية الوصله الثانية وترقص رقص أقوى من الاول واضح انها مبسوطه عجبها اللي صار والشباب يصفقون الجوري تركض للسياره منهاره تحس الطريق طويل وخالد وراها ويمسكها :كل كلمه قلتها ما اقصدها والله ما اقصدها الجوري تتنفس بصعوبه وبصوت متقطع :الا تقصد ليش ليش تسوي فيني كذا لأول مره تحس بالكره لخالد الحب الكبير فجأة تحول لكره شديد خالد يضمها :هدى هدى افهمك السالفة الجوري تدفه وتبتعد عنه :لا تفهمني شي ياحيوان يا حقير ترتجف بعصبيه :ليييييش ليش خالد عصب :اهدي افهمك السالفة انا قلت كذا عشان ما ابين اني ضعيف والا انتي لكي الحشيمه والكرامه اللي قلته كله كلام الجوري:عذر أقبح من ذنب تهيني وتخلي اخوياك يكملون وتقول بس قدامهم ياليت ما قلت الكلام كان عندك شويه احترام وصل السواق وركبت منهاره خالد عصب اول مره تتصرف الجوري معاه كذا وشكلها ما راح ترضى فجرها معها : انا ما قلت شي غلط شفتي بعينك خالتكي رقاصة وامكي غجرية وهذا كلنا عارفينه لا تسوين شريفة الجوري انصدمت وانكسر اخر امل معها مع خالد اليوم شافت خالد ثاني مو اللي تحبه وتعلقت فيه خالد انقهر انه الجوري تروح منه يبغى لو شوية وقت بس يشبع منها بعدين لو تزعل كيفها شعور استنقاص للجوري رجعت الجوري للبيت تصيح وتتمنى انها في كابوس مو مصدقة اللي صار وتصرخ :ليش امها انصدمت وركضت لها جوري شوبكي الجوري :ليش امها تصيح وتنادي ابو الجوري ابو الجوري يركض :وش فيه الجوري تشهق : ليش ام الجوري تصيح: وش فيها بنتي ابو الجوري يركض للسواق ويساله ويقول السواق انها كانت مع خالد ابو الجوري يتصل على خالد ابو الجوري :هلا خالد ليش الجوري تصرخ وش فيه خالد :ما قالت لك ابو الجوري :لا خالد كرد اعتبار :بنتك ما تشرفني والحمدالله ما صار شيء ابو الجوري عصب: نعم وش قلت خالد يكمل :اللي سمعته بنتك طالق ما ابيها ابو الجوري انعمي من العصبيه :يا حيوان والله لاربيك يسكر خالد ويقول كلام امه صحيح الناس هذي ما تناسبنا خالد رجع البيت واخوياه مع الرقاصة خالد رجع وبلغ اهله انه طلق الجوري ام خالد تزغرت ابو خالد بعصبيه :انت صاحي بنات الناس لعبة بيدك خالد :انا غلطان وما فيها شي الواحد يتراجع إذا حس بالخطأ ام خالد تزغرت اليوم هذا عيد اهم أحداث حصلت في ثلاث شهور الشهر الاول ١_ام خالد والجوري وام الجوري الجوري تبكي من كلام ام خالد الجارح قاعده تبلع وما تعرف ترد او ردها يكون ضعيف الجوري محطمة:هذا حقي مهري ما اتنازل ام خالد معصبه :مالكي حق عندنا الحين تتنازلين ام الجوري: اذكري الله والمهر يوصلكم الجوري تبكي وتتكلم بضعف:لا فوق اللي سواه ياخذ حقي ام خالد عصبت وسحبت الجوري على جنب خلكي بعيده يا حوريه إذا تخافين علي مصلحة بنتكي َتطلع الجوال توريها الصور الجريئه مع رد خالد عشان يوضح انها تغريه:والله ان طلعت من الباب وما تنازلتي ارسلها لكل القروبات عاد انتوا ما ناقصين فضايح تستري نفسي وتنازلي عن المهر بكت الجوري وتنازلت عن المهر الشهر الثاني ٣_ام خالد تخطب لولدها من ام ام ماجد عمليه قص النبض ام خالد تمدح ولدها : يا حبي لخالد ما شاء الله عليه الولد ما يحتاج شي جاهز بكل شي وش غير كذا تبي البنت ام ماجد بتحفظ :الله يبارك فيه بس تعرفين الواحد يوم يعتمد على نفسه ويكسب من جهده يكون له طعم ثاني تكبر مكانته عند زوجته ام خالد :بس بعد البنت تكون مرتاحة وما تشيل هم وتعيش في عز وهذا المهم ام ماجد:صح العز مطلوب لكن البنت ودها تشوف رجل يكد عليها ويتعب لها مو بس ينتظر من الدنيا تجيبه له ام خالد محاوله اقناع:عاد الدنيا تغيرت والحين البنت أو شي تدوره الأمان والاستقرار مو كلهم يدورن رجال يغيبون بالساعات بالشغل وخالد مرتاح ليش يتعب إذا هو مو محتاج ام ماجد بضحك :يا ام خالد اللي تعود على الراحة يلقى صعوبه في تحمل التعب بس البنت تحتاج تعرف انها مع رجال يعتمد عليه حتى لو كان غني والدنيا ما تدوم على حال لازم الواحد يكون مستعد لكل شي ام خالد بابتسامة :الله يكتب اللي فيه الخير والنصيب يجي ان شاء الله للبنت اللي تقدر نعمته وتعرف قيمته ام ماجد :الله يرزقه الشهر الثالث ١_ابو الجوري وابو ماجد ابو الجوري مقهور ويصيح:يتكلمون عن شرف بنتي ومو قادر احميها حتى ابوي واقف معاهم ابو ماجد يهديه:اصبر مو صاير الا الخير ابو الجوري محتار : وش اسوي اهاجر وا ابقي متردد مو قادر اخذ قرار ابو خالد يفكر انه يزوج الجوري ماجد منها يصير رجال وينضج ومنها يستر على الجوري ويقطع الكلام عنها ٢_خالد وماجد في مجلس ابو خالد ماجد : خلاص يا خالد انساها خالد مقهور كان ينتظر اتصال رساله منها هو متأكد انها متعلقة فيه تبيه بس ليش التغلي هذا انقهر ما يبغى هو يبادر يبغاها هي عشان يكسر راسها خالد :معليك مردها ترجع لي ما تقدر تستغني عني ماجد : حاول معها إذا تشوف انه في فرصة انها ترجع لك خالد يتحدي :صدقني نرجع واحسن من الاول بس بشروطي مو شروطها ماجد يضحك على غرور خالد بعد ثلاثة شهور الجوري تحسنت حالتها بدت تتجاوب مع الحياة بس ببطء غيرت كل شيء لون الغرفة كل شيء عن يذكرها بخالد الا الجوال ما غيرته تحسه جزء من قلبها لو تخلت عنه تموت الفراغ اللي تركه خالد كبير كان كل أحلامها مرتبطه بخالد تمنت اللي صار ما صار ظهور خالتها كسرها للابد ماجد وابو جالسين في المجلس ابو ماجد يفكر كيف يقنع ماجد انه ياخذ الجوري لانه راح يرفض عشان خويه خالد ابو ماجد :وش صار على مشروعك ماجد بملل:كنسلته ابو ماجد :ليش ماجد استغراب :انت ما وفرت لي راس المال ابو ماجد :انت متأكد انه ينجح ماجد :التجاره ربح وساره مافي شي مضمون ابو ماجد :لك راس المال وابشر بالمشروع وابشر بالدعم لكن بشرط ماجد انصدم يفتح عيونه : جد تتكلم ابو ماجد بحزم :من متى امزح معك ماجد انحرج؛ :مو قصدي طيب وش الشرط ابو ماجد تتزوج الجوري ماجد تغير وجه وفتح لمه مصدوم ما توقع هذا الطلب توقع ابوه يقول ادرس المشروع اشوف المكان لكن اتزوج الجوري كانت صدمة لي ابو ماجد :لا تستعجل خذ وقتك في التفكير خالد خلال ثلاث شهور يرسل رسايل للجوري وما ترد ما توقع انها تكون صعبه كذا تعود انه ما يعتذر الناس تعتذر لها حتى لو كان على خطأ واول وحده يعتذر لها الجوري وما قبلت اعتذاره حس الاهانه. صار يخرب سمعتها بين عيال عمه ويكذب على امه انها تسوي حركات جريئه خرب سمعتها يبغاها ترضخ له عشان يربيها وعشان يقطع نصيبها من الزواج ماجد عرض ابوي قوي وما يتكرر بس لا اخون خويي كذا لا لا لا اصبر العبها صح لو طلبت الجوري ما توافق علي لسى متعلقة بخالد ماجد يمشي لابوه يقول :شوف اذا خطبناها ورفضت العرض يكون ماشي ابو ماجد انبسط ما توقع انه بسرعة يوافق :تم الجوري وافقت كرد اعتبار مو اقتناع تبغ تسكت الناس اللي تكلمو بشرفها وافقت بدون تفكير ممكن تنسى خالد ماجد مصدوم :وافقت ام ماجد :ايوه ماجد :متاكده ام ماجد :ايوه وش فيك مستغرب خالد انصدم انه ماجد خطبها كان يقول للناس الجوري تبيه وتلاحقه وانه طلقها وكمان تلاحقه الهدف ما تتزوج عاجبته ما يبغى احد ياخذها بس يبغاها جاريه مذلوله مو زوجه ماجد خرب كل التخطيط اتصل خالد علي ماجد وطلب يقابله خالد دخل المجلس وما جلس خالد معصب :وش اللي سويته تاخذ الجوري مني ماجد :انا ما اخذتها انت طلقتها وابوي قال.... قاطعه خالد :انت حيوان وخاين يا كلب محد عطاك وجه الا انا محد معبرك الا انا (اسلوب تفضيل) ماجد :تخسي يالتعبان انا احسن منك لو فيك خير ما تكلمت في شرفها عند الناس خالد باستنقاص:كفوك هذا قدرك بنت الغجرية مصيرها تكون رقاصة وانت الطبال حقها ماجد ضرب خالد :تخسي انا رجال وارجل منك يا تربيه الحريم خالد يقوم من الطيحه:تضرب و الله لاندمك وما ترتاح في حياتك ماجد بتحدي:سوي اللي تسويه