صار قلبي من روايه نصيبك ونبض حبه يبتدي بك - الفصل 28 - بقلم شتات أنثى - مكتملة | روايتك

الباااااااااااااااااااااا ااارت (٢٨).. بالمستشفى.. الساعه عشره بجناح الريم راشد وقف بحده: هذا أنـت؟! سيف ابتسم بخبث: اووه الملازم أول راشد هني..ليكووون حاط حراسه وبتمسكني ههههههههههههههه راشد عصب منه وكان بيهجم عليه: آ نايف وقف ومسك أخوه من صدره: رااااشد سيف بهدوء: أنا ييت بس اتطمن على حبيبتي ريمي وأقو.. وليد قاطعه بصراخ: هيييييييييييي أنت احترم نفسك أحسنلك فااااااااهم نايف بحده: ولييييييييد..رااااااااشد أمي تعبانه وما نبي نزعجها بهالمسخره..وأنت ياللي مسمي نفسك عم اطلع من غير مطرود.. سيف ضحك: هههههههههه والله وكبرتوا ياعيال أخوووي وطلع لكم لسااااان وقمتوا تطردون الناس..(وعلا صوته) اسمعني عدل أنت وياااااه أنا ما ألعب..الفيديو اللي فيه أختكم الشريفه وئااام مع حبيبها دزيته لحسين لانه استفزني..وبعد شووي بدزه حق الحبيب ههههههه..وأي واحد منكم يسوي حركه ضدي يستعرض فيها رجولته بنهيه فااااهمين بنهيه..و(لف بيمشي ورجع) وهااااا إذا وافقت أمكم تتزوجني بعطيها الصور والفيديو مهر..يعني شرف بناتها مقابل زواجها مني..آووووكي.. >>وخلاااااهم وطلع.. راشد عصب: وئااااااام وئااااااااااااااااااااااا م >>وطلع يركض مثل المينوووون وليد طلع وراه: رااااااشد رااااااااااااااااشد تعال شووي خل نتفاهم..الامووور ما تنحل بهالطريقه راااشد..رااا.. لكن راشد ما كان يسمعه..ركب سيارته وشخط فيها... وليد بحده: افففففففففففففففف نايف يا يركض ويلهث: وينه؟؟ وليد بضيق: راااااح..حتى ما سمعني.. نايف بخوف: أكيد بيذبحهاااا..امش امش نلحق عليها قبل لا يفضحنا أخوووك وليد بقلق: وأمي؟؟ نايف واهو يركب سيارته: أمي نايمه وما راح تقعد الا الصبح..اركب بسررررررررعه. وليد ركب واهو متوتر وخايف من اللي بيصير.. @@@ @@@ بفيلاا الريم وعيالها نفس الوقت راشد دخل معصب وصعد لوئام وشدها من شعرها للصاله وصار يطق فيها بدون شعووووور.. منار ومي وحسين وزياد كلهم تفأجوا فيه وصاروا يلحقونه ويحاولون يهدونه ويبعدونه عنهاااا.. حسين بصراخ: رااااااشد شفيك بتذبحهاااااا راااااااااااااااااشد راشد رفسها عالارض وصار يطقها بجنووووووون: خلها تمووووووت..خلها تمووووووووووت..محد سلم رقبتنا لسيف الوااااااطي الا اهي..تف عليـــــــــــــــــــج يابنت الكلب تفففففففففففففف عليج..>>وداس بجوتيه على حلجها.. نايف يا من برا ومسكه وعطاه طراق لف ويهه: راااااااااااااااااااااااا ااااااااااااااااااااااااا اشد بس عااااااد الامووور ما تنحل بهالطريقه.. وليد واهو منفجع من منظر وئام اللي طايحه عالارض والبنات حولها وتنزف من حلجها دم وشعرها أغلبه تقطع وصارت مثل الخرجه ما تقدر تتحرك: لازم نهدا ونفكر بحل لهالمصيبه اللي طحنا فيها.. راشد ينافخ: اشلووووون نلقى حل واهو ماسكنا من إيدنا اللي تعورنا.. حسين: المشكله أنه ماسك علينا فيديو غير جذي مركب صور خلاعيه لمي ووئام..يعني أي غلط منا بندفع الثمن كلنا وبتروح فيها سمعتنا.. زياد بقهر: آآآآآه يالقهر آآآآآآآه..اشلوووون واحد مثل هذا يهددكم اشلووووووووون تعطونه الفرصه يهددكم.. راشد بقهر: عطني تلفونك.. حسين: شتبي فيه؟؟ إذا عالمقطع ما أنصحك تشووفه راشد بحده: ليــــــــش..لهدرجه يفشل؟؟ هزاع بحده: راااااااااااشد شفيك ينيت هذي اللي تتكلم عنها أختك وبعدين أنا شفته اللي معاها فيصل..وفيصل خطيبها يعني وئااام ما غلطت..حتى لو كانت تسرعت بس هي بالنهايه زوجته فمهت ولا لا.. راشد شد شعره: آآآآآآآآآه نايف يحس أنه بيختنق من المسوؤليه اللي يحسها كبيره عليه بعد وفاة أبوه: استغفرالله العظيم يااارب..اهدوا عشاااان نعرف نفكر.. راشد يتطنز: يلا فكر فكر.. نايف ما اهتم له: أنا عندي حل من الصبح أفكر فيه بس خايف ما ينجح حسين بقلق: شنووو قوول يمكن ينفعنا؟؟ نايف تنهد: نسكت يومين وبعدين أدق عليه أنا وأقوله أن أمي وافقت عليه طبعا بدون علم أمي..نتفق معاه ونييب الملاج ويصير كل شي طبيعي بس إذا طلب موافقة أمي نقوله ما توقع العقد الا لما تعطيها المهر بيدها واللي اهو الصور وشريحة تلفونه عشان نضمن أنه ما عنده غيرها..وبالمقابل بنعطيه الورقه اللي ماسكينها عليه.. وليد: يعني سلم واستلم راشد: بس هذي حيله.. زياد باهتمام: يمكن يكشفكم.. نايف بهدوء: إذا سوينا كل شي طبيعي ومثل ما رسمنا له ما يقدر يكشفنا.. حسين تدخل: لااا..أنا أقوول ندخل الريم معانا بالخطه لان سيف ذكي ويمكن يدري أنها لعبه بس إذا اهي دقت عليه وبلغته بنفسها أنها موافقه وكانت موجوده وقت توقيع العقد بيصدق وساعتها نساومه بالورقه مقابل توقيع الريم والصور..يعني يسلمنا ونسلمه.. هزاع كمل: وبعد ما تصير الصور والشريحه عندنا تقول أمي أنها رافضته..وبيطلع سيف من حياتنا للابد.. سكتوا كلهم: ................ نايف: شقلتووا؟؟ وليد: أنا معاك زياد: وأنا هزاع: وأنا بعد حسين: وأنا راشد تنهد: اففف..وأنا بعد فووق بغرفة وئااااام كانت منسدحه ومنار قاعده عندها وبيدها شاش وطاسه ماي ومعقم جروح وبلاستر ..تعقم جروحها وتداويها..: الله يهديه ذبحها مي تنهدت: لازم ناخذها المستشفى..يمكن معاها كسر..مو شايفتها ما تقدر تتحرك.. منار: لااا ما نقدر نكبر السالفه أكثر من جذي ..وبعدين ما أتوقع كسور بس رضوض يمكن لانه سحبها عالدرج.. مي بحسره: ذكرتني بنفسي. منار ما فمهت: شقصدج؟؟ مي باختصار قالت لها اشلون تزوجت: ..................... منار تفأجات :ما أدري شقولج..فيصل يحبها صج وأنتي بنفسج قلتي أنه خطبها اليووم وأخوانج موافقين.. مي بدون شعور: حسبي الله ونعم الوكيل باللي كان السبب.. منار تضايقت انه تدعي على أبوها: ................... مي تداركت نفسها: أسفه منووور بس والله من حرقة قلبي.. منار تنهدت: عاذرتج يامي..أبوي غلط..واحنا كلنا مو راضين باللي يسويه..وأخواني مستحيين من أبووي ومالهم ويه اييون لاخوانج يشوفونهم.. مي: بصراحه..حسافه أنكم عياااله..يعني أنتو كلكم شباب وبنات..أخلاق وتربيه وطيبه ما أدري أبوكم على منوو طالع..تفكيره شيطاني..الحمدلله أنكم مو طالعين عليه..ولا جان أنا الحين أكرهج منار غصب عنها ضحكت: ههههههههههههههه قطع عليهم تآوهات وئام: بـ..ا..با أبي باااابا ..اهو بس يفهمني.. مي دمعت عيونها وباست جبينها: الله يرحمه..وئووم احنا معاج لا تخافين.. وئاام غمضت عيونها ونااااامت: ................ منار بهمس: قوومي روحي لبنتج لا تقعد وما تلقاج وتبجي..أنا بقعد عندها مي تذكرت بنتها وقامت: يووووه نسيتها.. >>وطلعت.. منار حست بفون وئام يهتز وشافت مكتوب(فوووفو)..خافت ترد أو لا..انقطع ودق مره ثانيه وسحبته وردت: نعم فيصل استغرب الصوت: وئااام؟؟ منار: لاا منار مرت خالها.. فيصل خاف: مناااار!! وين وئااام وليش أنتي تردين على تلفونها..؟؟ منار بهدوء: فيصل وئام تعبانه شووي..ما تقدر تكلمك الحين فيصل طاح قلبه ببطنه: تعباااانه؟؟ ليش شفيها؟؟ عطيني ياهاا.. منار بتوتر: صار شي ما أدري أقولك ولا لا؟؟ فيصل عصب: تراج وقفتي قلبي..قووولي وخلصيني.. منار تنهدت: أبووي مصور لك أنت ووئام مقطع فيديو كنتو فيه بالعيد وو...واهو يهدد مرت عمي أم نايف فيه إذا ما تتزوجه بينشر المقطع ويفضحكم..وأخوانها لما وصل المقطع لحسين قطوها وو...ألوو ألووو لكن فيصل ما كان يسمعها..لانه عصب وما قدر يسمع الباجي.. @@@ @@@ ثااااني يووم الصبح بالمستشفى.. الساعه ٨ فتحت الريم عيونهاااا بهدوء وشافت عيالها جدامها بس ما استوعبت شي..: آآآآآه نايف بسرعه وقف وباس جبينها: يمااا..حمدلله على سلامتج يمااا... الريم بصوت مبحوح: أنا وين؟؟ وليد بلهفه: بالمستشفى يمااا..ما تذكرين شصار أمس؟؟ الريم غمضت عيونها ودمعه حاره تنزل على خدها..: ........... نايف بضيق مسك إيدها وباسها: يمااا تكفين لا تنزل دموعج..والله احنا مالنا غيرج. الريم فتحت عيونها: ........... وليد ابتسم: يمااا احنا فكرنا بحل ونبيج تسمعينه.. الريم ببحه وهي تلتفت وتشوف عيالها..هزاع..وليد..نايف:وين راشد؟؟ هزاع: بالدوام..ما قدر يستأذن..بيي العصر. نايف بهدوء: يما سمعي الحل..يمكن إذا نجح نرتاح من عمي سيف وتهديداته للابد. الريم ضغظت على إيده: أ..س..م..ع..ك @@@ @@@ بفيلا الريم وعيالها نفس الوقت.. فيصل كان واقف بسيارته من أمس بالليل..ما تحرك ولا خطوه..راسه يدور من التفكير والتعب..كان معصب..معصب بس لازم يهدا عشان يفكر عدل..وأول ما شاف عيال عمه طلعوا نزل من سيارته اللي وقفها بعيد ومشى للفيلا..وصعد من البلكونه.. بغرفة وئاااام كانت من أمس نايمه.. بيجامتها الخفيفه..ليقنز وردي وبلوزه ورديه مشجره لنص الفخذ..الغطا طايح..وويهها بارد وشاحب..خدودها مورمه من الطراقات..وشفتها السفليه مزرقه ومتجمع فيها الدم ومورمه..وبلاستر أعلى راسها.. دخل فيصل من البلكونه وشافها وتقطع قلبه عليها..حس بالقهر على سيف الكلب..: اخخخخخخ لو امسكه والله ما يردني غير القبر.. قرب منها وقعد عند راسها وانحنى لويهها يشوف التشوه اللي صار فيه بعد ما كان منظر جمالي بريء: آآآه لو اقدر بلمسة إيدي أخفف عنج هالالم جان ما نطرت ولا ثانيه..>>باس إيدها وجبينها وخدودها.. وئام حست بأحد معاها وهمست وهي تفتح عيونها: فـ..يـ..صـ..ل فيصل بهمس واهو يرفعها لحضنه: روحه وقلبه وعيونه وكله بين إيدينج.. وئام تأوهت من الالم اللي حست فيه بجسمها: آآآآآآآه فيصل بخوف مسك ويهها بين إيدينه: وئااام؟؟ وئام بضعف وهي تسند راسها على صدره: سحبني عالدري..صرت ما أحس بويهي من كثر الطراقات اللي حصلتها..وشعري اللي تقطع بيده والرفسات..و..وجوتيه اللي دعس فيه على حلجي..آآآه والله تمنيت أموووت فيصل حس بالنار تاكل قلبه..رفع ويهها بحده: منووو؟؟ وئام ما ردت..ما تبي يضر أخوها: .......... فيصل عرف أنها خايفه على أخوها: ما راح أسوي شي بس بعاتبه..أنتي الحين خطيبتي وأنا اللي أحاسبج.. وئام بهمس: اهو معاه حق باللي سواه..أنا غلطانه..اللي سويناه عطى سيف الفرصه أنه يهدد أمي فينا فيصل ماسك أعصابه: لاا ما معاه حق يطقج جذي..والله لو يهوديه وعاهره ما يحط الجوتي بحلجج ويسحبج عالدري و... (تنهد) آآآه منووو اهو؟؟ وئام نزلت دموعها: راااااااشد.. فيصل ضمها لصدره بقووه واهو يهمس: آآآآآه ليش رااااشد ليـــــــش.. وئااام تهمس واهي ما شايفته بس تتنفس عطره وويهه مدفون بصدره: اهو عصبي..أنا عاذرته..لاني غلطانه واهو بعد خايف على أمي وما سوا هالشي الا لانه مقهور عليها.. فيصل سكت: ............ وئام بألم: فووفو أحس ظهري يحرقني.. فيصل رفع ويهها عن صدره: ما رحتي المستشفى؟؟ وئام: لاا ما يحتاج..منار ومي كانوا معاي طول الليل..الجروح تطيب بس الرضوض يبيلها وقت..أحس جسمي مشدود.. فيصل ابتسم: عندج كريم ؟؟ وئام باستغراب: كريم شنوو؟؟ فيصل: طبي.. وئام بهدوء: لااا طبي ما عندي بس لوشنات جسم.. فيصل ابتسم : خلااص أنا بدور بدورج واقفل الباب وأنتي فضخي بلوزتج وانسدحي على بطنج بدلكج..>>وقام بسرعه وئااام بحياا مسكت إيده: لااا فوووفو أنت للحين ما صرت زوجي..وبعدين عااادي بسوي حمام استرخاء بالبانيووو وبيروح التعب..اقعد بس.. فيصل ابتسم : سخيفه تدرين وئام ضحكت غصبا عنها: هههههههههههههههه فيصل قعد عندها : فديت هالضحكه أنا.. وئام بحيا: صج اشلووون دخلت..محد شافك؟؟ فيصل ابتسم: دخلت من البلكونه.. وئااام تمددت: انزين بيبي رووح قبل محد يشوفك عندي.. فيصل قام : آوكي عطيني بوسه وئاام رفعت نفسها وباست خده ورجعت نامت: آمووووووواه فيصل همس: نوووم العوافي.. وئام ابتسمت وغمضت عيونها وفيصل راح للبلكونه وطلع منها.. @@@ @@@ بعد أسبوووع بالمستشفى.. بجناح الريم الساعه ٢ الظهر عيالها وحسين وأبو فهد وأبو أحمد عندها..متفقين اليووم يبلغون سيف عن راي أمهم لان المهله انتهت.. بوفهد: يلا دقي وبيني له أنج ضعيفه وخلاص استسلمتي له الريم بخوف وقلبها يدق دقت : ......... سيف رد بعد رنه: هلا وغلا..ما بغينا نسمع هالصوت..ولهت عليج.. الريم تطالع أخوانها: دقيت عشان أقولك رايي.. سيف ابتسم: هممم وشنوو قررتي؟؟ الريم ودها تذبحه على بروده: موافقه!! سيف انصدم: موافقه..عيل أبي الملجه اليووم الريم بصدمه: اليوووم لاا..خلها باجر عالاقل سيف بهدوء: آوكي باجر..نعطيج وقت تجهزين نفسج يااااعروس الريم ضغطت عالسماعه بيدها من القهر: بس قبل كل شي لازم نتفق..تعطيني الصور وشريحة موبايلك مهر لي قبل ما نوقع العقد جدام الشيخ..وأعطيك الورقه ضمان لحقك قبل ما توقع.. سيف سكت شوووي: ................. الريم بسرعه: شقلت؟؟ سيف يفكر: وشلي يضمن لي أنج ما تخدعيني قبل ما توقعين..وتخليني أعطيج الصوورر وترفضين.. الريم بتوتر: بيكونون أخواني وعيالي موجودين مع الملاج..وما أقدر ارفض جدامهم لانهم ما يعرفون شي..كل اللي يعرفونه أنك خطبتني وأنا وافقت..يعني عاااادي.. سيف سكت شوي بعدين همس: موافق! الريم تنهدت: عيل موعدنا باجر بعد صلاة المغرب..بسوي عشا للاهل عشان ما يشكوون بشي ويصير كل شي عاادي جدامهم.. سيف ابتسم: سوي اللي تبينه حبيبتي..مع السلامه الريم بدون نفس: مع السلامه..(قفلت منه) حبتك القراده.. راشد بسرعه: شصااار؟؟ الريم بحقد: شصااار يعني أكيد وافق..الحقير كان يبي الملجه اليووم. حسين ضحك: هههههههههه مستعيل على رزقه الريم تنهدت: خلاااص بطلع ما فيني شي.. نايف وقف: أنا بروح أكلم الدكتووور راشد قام: وأنا بروح الدوام تأخرت..مع السلامه الكل: مع السلامه.. بوفهد : عيل خلونا كلنا نروح عندج البيت ونتفق شبنسوي باااجر.. @@@ @@@ ببيت نوره أم مشاااري الساعه أربع العصر.. بغرفة أسيل.. طلعت من الحمام متروشه..توها يت من الكليه تعبانه لان امتحانات الفاينل بدت..لبست بيجامه ناعمه..سماوي بأصفر..سرحت شعرها بسرعه وانسدحت بفراشها بتنام..حست بالحنين لنايف ودقت عليه: آلووووو نايف كان منسدح بغرفته بعد ما رجعوا من المستشفى: هلا أسوله حبيبتي اشلونج؟؟ أسيل ابتسمت: مشتاقتلك وينك من أسبووع ما دقيت علي ولا سمعتني صوتك؟؟ نايف ابتسمز اعذريني حبي أدري أني مقصر معاج شوي بس ضغط الشغل زايد هالايام.. أسيل بغيره: اففف ترى والله ساعات أحس أن الشغل ضرتي.. نايف ضحك من قلبه على انفعالها: ههههههههههههههههههههههههه ههههه فديت اللي يغارون أنا أسيل ابتسمت: إذا تزوجنا..بنسيك شي اسمه شغل..بخليك تناديني بالليل والنهار نايف بضحك: اوف اوف ناويه علي ههههههههههههه أسيل تغني: ناويلك على نيه بس أنت اصبر شوويه..إذا ما أعلقك فيني وهواك يصير بيديا.. نايف ابتسم واهو ذايب على بحة صوتها: أحبج أسيل بحيا: وأنا بعد نايف بهمس: أنتي شنوو؟؟ أسيل وردت خدودها: نفس اللي قلت.. نايف كاتم ضحكته: وشنوو قلت؟؟ أسيل: آووووه أحبك ارتحت نايف ضحك: ههههههههههههههههههههههههه هه @@@ @@@ بمعرض .....للسيارات.. نفس الوقت.. دخل وليد وسلم عالموظفين وقعد ورا مكتبه يراجع الحسابات.. لهى وما رفع راسه الا بعد وقت طويل وتفأجا لما شاف مساعد ولد عمته حنان ومعاه بنت وشكله يختار لها سياره وبهمس: منوو هذي..معقوله زوجته..ما شاء الله عليها حلووه ونعومه ورشيقه..رشاقه تذبح..آآآه(وانتبه لنفسه)استغفر الله شقاعد أقول أنا أتغزل بزوجة الريال.. قام واهو يتأملها غصبا عنه..كانت لابسه بنطلون بني فاتح وبلوزه حمرا شيفوون مشجره بورود بني وسودا لنص الفخذ..وصندل أسود عالي مع شنطه بنفس الماركه..: آوووه ولد العمه عندنا مساعد التفت وسلم عليه: هلاااا وليد..اعذرني ما انتبهت لك..من أسبووع نفتر من محل لمحل عشان ناخذ حق بنت عمتك الدلوعه سياااره.. وليد ابتسم(يعني مو زوجته..): لااا شدعوه عاذرينك..أنت اشلونك واشلون عمتي والاهل؟؟ مساعد ابتسم: تمااام..سلمي جووده هذا وليد ولد خالي فواز الله يرحمه.. جوود بحيا وهي لازقه بأخوها: اشلونك وليد.. وليد(هذي جود اللي أمي كانت تبيها لنايف): هلا جوود اشلونج أنتي؟؟ جود بحيا: الحمدلله بخير مساعد يضحك: هههههه انزين شفيج لازقه؟؟ جود قرصته: جببببببببب وليد يضحك: ههههههههه انزين اخترتوا شي ولا لا.. مساعد طالعها: ما أدري عنها..ها شرايج؟؟ جود بصوت خافت: اممم ما أدري بشوف ما شفت شي وليد سمعها: خلااص عيل تعالوا نتمشى بالمحل وتشوفين على راحتج.. @@@ @@@ بشقة حسين.. الساعه خمسه المغرب بغرفة النوووم طلع حسين ماخذ شاوور ومنتعش ولابس بيجامه بيضا حرير وقميصه مفتوح..شافها متسنده عالسرير وحاطه كره على بطنها وضحك: شتسوووين؟؟ منار بعفويه: أحط الكره يمي عشان ولدي يتأثر فيني ويطلع لاعب كره قدم مشهوور. حسين زهق ضحك: هههههههههههههههههههه من صجج أنتي شهالخرابيط؟؟ منار انقهرت منه: لاااا تضحك..من صجي..ما تدري أن الياهل يتأثر واهو ببطن أمه..يعني مثلا لو حطيت أغاني ونمت يطلع ولدي صوته حلوو وإذا حطيت قرآن بيطلع قارئ وجذي..فهمت حسين يضحك: لاا بصراحه توني أسمع هالحجي منج..ههههههههههههههههههههه ههه منار بقهر: هذي مو مني..هذي حقيقه أثبتها العلم وإذا مو مصدقني ييب الاب وابحث.. حسين ابتسم : تصدقين فكره..تعالي نبحث أنا ويااااج..>>وياب الاب وشغله.. منار قامت وبعدت إيده : شوووي حسين باستغراب: قعدي شفيج؟؟ منار ابتسمت وقعدت جدامه وصار ظهرها لازق بصدره..خذت إيدينه وطوقت خصرها: جذي بقعد حسين بابتسامه واسعه: لاا لا جذي ما أقدر أنا..يا ابحث يا انام وياج>>وباس جتفها منار ولعت خدودها: لاااااااااا حسيييييييييين.. حسين ضحك: هههههههههه خلاص يبه بنسكت احترقتي علينا.. منار ضحكت وحطت الوصله وشبكت وبدوا يبحثووون.. @@@ @@@ ثاااني يوووم المغرب بفيلا الريم وعيالها بالصاله اليدات ومنار ومي ووئام كلهم قاعدين ينطرون اللي بيصير.. أم خلف: هااا شصاار..ملجوا؟؟ أم ضاري: قومي ياوئااام شوفي شصاار؟؟ وئام بقلق: إن شااء الله.. أما بالديوانيه.. الموجودين..أبوفهد وعياله فهد وراكان وأبو أحمد وأحمد وحسين ونايف وهزاع وراشد ووليد وبوفيصل وفيصل..وسيف الملاج متوسط الجلسه وفاتح دفتره يكتب العقد: البطاقة المدنيه للمعرس والعروس. سيف مد بطاقته: هذي بطاقتي.. أبوفهد طلع بطاقة أخته: وهذي بطاقة العروس..أنا أخوها ووكيل عنها.. الملاج بدا يكتب: بسم الله على بركة الله.. سيف يطالعه ويبتسم وأخيرا يالريم بتكونين لي اليووم) نايف وأخوانه يطالعون بعض بقهر وترقب: .......... بعد لحظات الملاج: توقيع المعرس.. سيف ابتسم ووقع بكل برووووود.. الملاج: وتوقيع العرووووووس.. سيف التفت لنايف... بوفهد: نايف روح قوول لامك تيي توقع.. ناايف قام واهو متوتر: إن شااء الله..الحين أناديها.. بعد دقايق.. دخلت الريم الديوانيه والكل سكت..كانت لابسه عباة راس وملفع وتسوس ومتغطيه ومو مبين الا ويهها: ........ بوفهد بغموض: الشيخ يبي توقيعج؟؟ الملاج بهدوء: يابنتي أنتي موافقه على سيف نايف الـ..زواجا على سنة الله ورسوله.. سيف ابتسم:......... الريم طالعت سيف: موافقه بس بينا شرط لازم ينفذه.. سيف مد لها الظرف: وأنا ما عندي مانع.. الريم خذته وقلبها يدق..فتحته وشافت الشريحه والصور وعطته الورقه: ......... سيف أول ما صارت الورقه بيده ابتسم: وهذا شرطج نفذته.. الملاج: توقيعج يابنتي الريم وقفت بشموخ: لكن أنا مو موافقه.. سيف انصدم ووقف: نعممم..مو كيفج بينا اتفاق.. الملاج وقف واهو ينزع البشت ويطلع بشخصيته الحقيقه..رفع سلاحه: ولا حركه ياسيف..معاك الرائد محمد الحـ...ومطلوب القبض عليك بتهمة التزوير.. @@@ @@@ انتهى البااااااارت خلوا التشوووويق للبارت ما قبل الاخير.. وسوووووري إذا كان قصير بس مشغوووووووووووووووووووووو وله   #33