صار قلبي من روايه نصيبك ونبض حبه يبتدي بك - الفصل 21 - بقلم شتات أنثى - مكتملة | روايتك

الباااااااارت الـ(٢١).. بعد سبع شهووور بريطانيا..ليفربوووول الساعه ثمان ونص بغرفة النووووم..بأواسط شهر سبتمبر .. مي نايمه على ظهرها وإيدها على بطنها الكبير وزياد نايم على جتفها.. سمعت المنبه يدق..فتحت عيونها بهدوء وطفته..والتفت على زياد ودخلت إيدينها بشعره: زيااااد زياااد حبيبي قووم عشان تشووف النتايج.. زياد قلب على جنبه الثاني: افففف وخري أنتي وكرشتج مي ابتسمت وشدت شعره: زيــــــــااااااد زياد تألم وتعدل بقعدته واهو يصارخ: آآآآآآآآآآآآآآه افففف شتبين مي ضحكت: ههههههه قووم شووف النتايج طلعت.. زيااد بقهر واهو يبعد اللحاف ويقوم: إن شااء الله تسقطين زينننننن مي شهقت: هـئ استغفر أنت صاايم.. زياد التفت عليها واهو يضحك: ههههههههههه تخافين؟؟ مي قامت وراحت له وهي ماسكه بطنها: زيااااد استغفر احنا برمضان والدعوه مستجابه.. زيااد انحنى بيبوسها: استغفر الله مي شهقت وهي تبعده: هيييييي وخر لا تخرب صيامي..(ودزته للحمام) خلصنااا.. زياد بقهر: اففففففففف ماني رايح عناد لج زينننننننننننننن>>ودخل الحمام وصفق الباب بقوووه مي ضحكت وعلت صوتها: هههههههههههههه بتروح غصبا عنك موو بكيفك..هههههههه راحت جهزت له ملابسه..فانيله وسراول داخلي صغير وبنطلون بيج وقميص بني وجاكيت أسود طويل..عطرتهم وقعدت تنطره بعد دقايق طلع زياد لاف الفوطه على خصره وراح يلبس ملابسه: يلا دخلي إذا بتتروشين مي وهي تتحاشى تطالعه عشان ما يخرب صيامها: آوكي بس لا تنسى تطمني بنطرك.. >>ودخلت الحمام زياد ابتسم وراح لبس ملابسه وتعطر ومشط شعره عالسريع..وطلع من الشقه بيمر عالجامعه يشووف نتايج تعبهم وجهدهم طول هالكوورس.. @@@ @@@ بشقة حسين واللي كانت متغيره بشكل جذري بعد الزواج ..الصاله ألوانها أخضر تفاحي مع الوردي والابيض..والمطبخ التحضيري أورنج بخشبي باهت..وغرفة النووم الرئيسيه مووف برمادي وفضي وكانت رووعه..أما الغرفتين الباجي..وحده مكتب فخم لحسين والثانيه الغالب عليها الرسومات وألعاب الاطفال والدبب.. الساعه ٣ العصر منار طلعت من المطبخ بعد ما تأكدت من كل شي بتقدمه عالفطور لان اليوم بييونها أهلها..دخلت الغرفه وشافت حسين منسدح بفراشه ويحاول ينام..: ما نمت؟؟ حسين ابتسم: لاا توني منسدح..خلصتي طبخ؟؟ منار ابتسمت وهي واقفه قريب منه: ئي الحمدلله سويت مجبوووس دياي ومرقة فاصوليا وورق عنب ومحاشي ومعكرونه باشميل وشوربة عدس بالفلفل وسلطة رمان وحلا التوفي وأكيد الفميتو والتانج هههههههههه حسين ضحك: هههههههههه الله يعطيج العافيه حبيبتي منار ابتسمت: الله يعافيك ياقلبي..يلا نام لك ساعه ونص وأنا باخذ شاور وأتجهز قبل ما اييون>>ولفت بتمشي حسين ابتسم: انزين تعااالي أبي بوسه عشان أقدر أنام منار رفعت حاجب: اللهم أني صائم حسين ضحك: هههههههه ترى أدري أني صايم..بس تعالي هذي بوسه بدون شهووه عاادي منار وردت خدودها: لااا ريحتي طبخ بتروش..نااام ناااااام>>ودخلت الحمام حسين انقهر منها وناااام: اففففف @@@ @@@ بفيلا الريم وعيالها الساعه ٤ العصر بغرفة وئااام كانت توها من نص ساعه قاعده..تروشت ولبست جينز برمودا أبيض وبلوزه بينك نص كم..سرحت شعرها عالسريع وخلته طايح عاليسار بنعومه وتعطرت..وبعدما صلت العصر..قعدت على سريرها وأول شي سوته شغلت الاب تووب وشبكت عالماسن ..لقت فيصل اوف لاين وخذت فونها تدق عليه وئام بشهقه: بيييه سبعه مس كوول..(دقت عليه وبعد خمس رنات رد)..آلوو فوفو فيصل بدون نفس: نعممم وئاام عرفت أنه زعلان: شفيك تقولها جذي بدون نفس فيصل يتطنز: لا والله ما تدرين..وينج من الصبح أدق عليج ما تشوفين المس كول. وئاام ابتسمت: امبلا توني شفتهم..كنت نايمه وتوني من نص ساعه قعدت وتروشت وقعدت عالاب ولقيتك اوف لاين.. فيصل ابتسم: تووج قاعده يعني جمعتي صلوات.. وئام بسرعه: لاا الا الصلاه..الفير بوقتها والظهر قعدت صليتها ورديت نمت والعصر توني مصليتها قبل لا أكلمك فيصل ابتسم: اشوا أنج مهتمه بصلاتج عالاقل.. وئام بسخريه: شقصدك؟؟ فيصل ضحك: هههههههههه ولا شي يلا بوسيني عشان ارضى.. وئام بحيا: توو صايمه بعدين تخرب صيامي. فيصل ابتسم: والله ما أقفل وئام بهمس: فووفو والله ما أقدر فيصل ضحك: ههههههه خلاص بعد الفطور دزيلي البوسه وسائط وئام ضحكت: ههههههههه آوكي فيصل ابتسم: يلا روحي قبل ما يخرب صيامي مع السلامه وئام بحيا: مع السلامه سكرت منه ودخلت عالمنتديات اللي مشاركه فيها..وظلت قاعده عليها ساعه الا ربع ولما شافت الاذان قرب طفته ونزلت لامها وأخوانها بالصاله.. كانوا كل أخونها قاعدين يسولفون بانتظار الاذان.. نايف: بيييه أنتي توج قاعده؟؟ وئااام ابتسمت: لااا من زمان بس كنت قاعده عالنت..أمي وينها؟؟ وليد يتنطز: بالمطبخ يالفالحه..الناس رمضان وحضرتج ما فلحتي بشي حتى عصير ما تعرفين تسوين.. راشد وهزاع ضحكوا: هههههههههههههههههه فشلوها وئاام بقهر: ماني راده عليكم..(ومشت عنهم للمطبخ) يمااا يمااا الريم كانت بالمطبخ تجهز الاكل: تعااالي أنا بالمطبخ.. وئاام دخلت وإيدها على بطنها: واااااي شحلاة الريحه..ميته يوووع أمس ما تسحرت.. غلا مسكت ريلها: وئااام ثيليني بثوف.. وئام ضحكت وشالتها: ههههههه والله بلشه اليهال..الله يعينا على مي إذا ولدت.. الريم ابتسمت: العيال نعمه غيرج محروم منها..حمدي ربج أنه عندج إخوان وخوات..تعالي لوزين >>وطلعت شايله بيدها صحن يريش.. وئام شالت معاها التشريبه: الحمدلله ما قلت شي.. نايف ابتسم: شفيكم وئام وهي تقعد بمكانها عالطاوله:ولا شي ..وليييد وليد ابتسم: الله يستر..نعم وئام ابتسمت: بروووح السووق بجهز حق العيد.. وليد بملل: ولييه..بدنيا بخرابيط البنات..آسف بطلع مع فهد وراكان نتمشى..شوفي غيري.. راشد ابتسم: وأنا دوامي بيبدا بعد شووي.. هزاع: وأنا بروح الممشى.. وئاااام بقهر: يماااا شوفيهم غلا تدافع: ثفيكم وتوها الثوووق خلاث نايف ضحك: ههههههه فديتج أنا خلاص عشان غلا بوديج الريم ابتسمت: منت رايح الشركه نايف بهدوء: ما في شي مهم..الشغل الضروري خلصته الظهر والمعرض متطمن عليه عند وليد..بتفرغ حق خواتي اليوم.. وئام ابتسمت: عيل احسب حسابك بمر على أسيل وعبير بنات عمتي نووره.. نايف طرت عليه أسيل ونعومتها وابتسم: إن شااء الله بعد شي وئام ضحكت: ههههههه لاا سلامتك راشد على طول تذكر عبير البويه واشلووون شافها وقرر يراقبها اليووم وبيروح يسووي تفتيش عند المجمع اللي بيرحون له: اممم أي سوق بتروحوون؟؟ وئااام ابتسمت: اممم اتفقنا نروح البيرق وإذا ما لقينا شي حلوو بنروح الافنيو..ليش؟؟ راشد ارتبك: لاا بس يمكن تكوون عندنا جولات تفتيش عند المجمعات..تدرين برمضان هالوقت يكثر القز والمغازل.. @@@ @@@ بشقة حسين نفس الوقت..وكانوا يفطرون بعد ما صلوا المغرب..منار وحسين وأهلها كلهم محمد يتذوق الاصناف اللي جدامه: امممم يااسلام تسلم إيدج منوور والله فقدناج هالرمضان.. أم خالد بلذه: ئي والله يعطيج العافيه..الاكل يشهي ويفتح النفس منار ابتسمت براحه: بالعافيه عليكم.. وبعد الفطور..شالت منار الصحون وساعدوها خواتها أمل وروان..والرياييل قعدوا بالصاله يسولفون وحاطين على بوقتاده وبو نبيل عشان جنى..أما أم خالد وضرتها قعدوا بروايه وبدت سوالف الحريم بالمطبخ.. أمل ابتسمت: منووور روحي أنتي وأنا بغسل عنج منار باست خدها: مشكوووره بعد عمري والله ريحتيني.. دلال اللي كانت واقفه عند الستاند: وليش ما طلبتي خدامه ووفرتي على نفسج.. منار ابتسمت بطيب: بسم الله تونا أول سنه..وبعدين أنا ما عندي عيال للحين وبخدم زوجي بنفسي..قبل ما تبدا الدراسه.. دلال بغبطه:ولو..تعب..كل شوي طابخه ومتروشه ومتعدله.. منار استغربت من كلامها: عاد أنا مرتاحه جذي.. دلال انقهرت : بكيفج>>وطلعت منار باستغراب: شفيها؟؟ أمل وهي تلبس المريول وتغسل المواعين:ما عليج منها ما من تزوجتي واهي متغيره علينا.. روان بتهور: عشانج أصغر منها وتزوحتي واهي صار عمرها ست وعشرين وحتى خطبتها الاولى انفسخت وللحينها قاعده.. أمل بهمس حاد: روووووووان منار بهدوء: خليها أمل..ياروان النصيب ايي بالوقت اللي مكتوب لج..مو شرط الكبيره تتزوج أول..يمكن أنتي تتزوجين قبل أمل مع أنج أصغر منها..ويمكن أمل تتزوج قبل دلال..ويمكن دلال أخر وحده تتزوج..فهمتي. قاطعهم صوت حسين: حبيبتي وين الشااي؟؟ روان ابتسمت: فهمت..بس روحي ودي الشااي.. منار ابتسمت وخذت صينية الشاي وطلعت: إن شااء الله حبيبي كاني.. طلعت لهم وصبت الشااي ووزعته وقعدت عند أبوها سيف بهمس: قلتي له ولا لا؟؟ منار بتوتر وبصوت خافت: لاا يبه فشله شقوله اسأل أختك اللي هي مرت عمي إذا أبوي خطبها توافق ولا بياخذ منها حلال أخوه يديره بنفسه.. سيف عصب وهمس: سبع شهوور ناطرج وأخر شي طلعتي بهالكلمتين..يصير خير الظاهر لازم أنا أروح وأكلمها بنفسي(وكمل بنفسه: وبشوف اشلووون بترفضيني إذا عرفتي أني باخذ حلال أخووي وبديره بنفسي بموجب الورقه اللي معاي ههههههههههههه) @@@ @@@ بريطانيا..ليفربوووول نفس الوقت بس الساعه ٣ العصر مي كانت قاعده من الصبح على أعصابها..من طلع زياد يشووف النتايج ما يا..واهي من خوفها ما وقفت اتصالات بس كان مغلق..: افففف ليش مغلق ليش..الحين أعصابي تلفت وأنا ناطره..وفوق هذا صايمه وتعبانه..يالله ما خلصت كلامها الا انفتح الباب ودخل زيااد مستااااانس.. مي قامت بسرعه: وينك زيااااد مت وأنا انطرك وجهازك مغلق تلفت أعصابي.. زيااد بفرحه: مافيه شحن طافي..(وباس خدها وحضنها) مبروووووووك حبيبتي نجحنا بتقدير امتياز ومع مرتبة الشرف بعد..>>وانحنى لبطنها وباسها مي بفرحه: صـــج..مبرررررووووووووك حبيبي ألف ألف مبرووووك والله مو مصدقه نفسي..وأخيرا تخرجنا..بعد ما تعبنا وطلعت عيووننا زيااد يحاجي بطنها: رنوووو حبيبة باااابا..ماما وبابا نجحووا قولي ألف مبرووك>>وحط أذانه على بطنها مي ضحكت: هههههههههه الحمدلله والشكر ينيت..وبعدين شدراك أنها بنت ما سويت سونار أنا زيااد ابتسم واهو يرفع راسه: عاااد أنا أبي بنت..بكيفي.. مي ضحكت: هههههههه انزين بكيفك بكيفك ههههههه زياد ابتسم وباس خدها: يلا قلبي روحي لبسي عشاان نطلع مي باستغراب: نطلع هالوقت وين؟؟ زياد باس خدها الثاني: بعد ما شفت النتايج رحت وحجزت لنا بأحلى مطعم بليفربوول عشان نفطر فيه..وبالليل بنروح نسهر بيخت ونتسحر أكل بحري ونحتفل بنجحنا وبتوديعنا للبريطانيا كلها لاني حجزت باجر العصر.. مي ابتسمت وعيونها تلمع بفرحه: انزين الحين بروح ألبس بس وخر مو تكثرها ترى الفطور بعد ساعه..>>ومشت عنه للغرفه زياد علا صوته بقهر: اخخخخ لو أن كرشتج مووو جدامج جااان وريتج.. مي بالغرفه ضحكت عليه ولبست نفنوف مووف علاق وشيفون ناعم..فيه شك يلمع عالصدر وفتحته سبعه وقصير لتحت ركبتها..ومعاه جاكيت مووف نفس الطول..وصندل فلات أبيض ركبت معاه عقد بأحجار بيضا على صدرها وساعه بنفس اللون ماركة رولكس.. مي تبتسم بخبث: إذا ما يينتك ما أكون ميووش.. وقفت جدام المرايه..فتحت درجها وطلعت علبة عدسات بنفسجيه..لبستهم وحطت كحل سائل وماسكرا كثفت رموشها وصارت روووووعه وتذبح بلمعتها..حطت غلوووس وردي يلمع وتعطرت..وخذت شنطتها البيضا شانيل..وطلعت تسبل بعيونها:أنا جاهزة زيااد بلع ريجه واهو يشوف جمالها زايد بالحمل: هااا مي بغت تضحك لانها شافت تأثيرها عليه وببحه:أنا جاهزة زياد مات على نظرة عيونها البنفسج: آآ احم ئي دقايق بس ابدل ونمشي >>دخل الغرفه واهو يحاول يغض النظر..لبس بنطلون أسود قصه مستقيمه مع حزام فضي وقميص زهري شبابي..تعطر وطلع وراحوا مع بعض.. @@@ @@@ انتهى الباااااارت ردودكم