صار قلبي من روايه نصيبك ونبض حبه يبتدي بك - الفصل 20 - بقلم شتات أنثى - مكتملة | روايتك

الباااااااااااااااااااارت (٢٠) صبااااح يووم شتووي بارد بااالشاليه الساعه ثمان بغرفة نووم مي فتحت عيونها وهي تحس بصداع فضيع..شافت زيااد وتذكرت كل شي صار أمس وغمضت عيوونها وهي تدفن ويهها بجتفه زياد كان قاعد قبلها ويتأمل ملامحها اللي اشتاق لها..تضايق من حركتها ودخل أصابعه بشعرها: حبيبتي خليج قويه لا تنسين أنج حامل وتعبانه هاليومين..ترحمي عليه وقومي تروشي ولبسي عشان بنروح لامج اهي الحين محتاجتج ولازم توقفين معاها وتكونين قويه جدامها. مي استمدت قوتها من كلامه وتعدلت بقعدتها: انزين بقعد عندها جم يووم زياد ابتسم: جدامنا أسبوعين قبل ما يبدا الكورس اليديد..بخليج عند أمج وبروح أنا لامي وبقعد عندها جم يوم وبشوف أحوال الشركات والشغل فيها.. مي ابتسمت وقامت دخلت الحمام تتروش.. زياد تنهد وقام أخذ فوطته وطلع لحمام الضيوف اللي بالممر..غسل ويهه وتيدد وفرش أسنانه ورجع الغرفه..لبس دشداشته اللي يا فيها أمس وتعطر وفرش السياده يصلي.. طلعت مي لابسه روبها..شافته يصلي وابتسمت..لبست نفنوف أسود حرير علاق وللركبه وساده وفوقه جاكيت أسود بنفس الطول وصندل فلات ورفعت شعرها لفوق بماشه سودا وتعطرت..وما حطت بويهها ولا شي.. زيااد ابتسم لما شافها وقام لها وباس خدها: جاهزه حبيبتي مي بهدوء: امممم زياد: آوكي عيل أنا بشيل شنطتج وأنطرج لا تطولين>>وطلع مي خذت نظارتها وفونه وغترته وطاقيته وعقاله ونزلت.. @@@ @@@ ببيت نوره أم مشاري الساعه تسع بغرفة عبير كانت ما فيها أي لمسه جماليه تدل أنها أنثى بالعكس حتى صبغها سماوي وستايرها وأثاثها أبيض بسماوي وسيديات وأشرطة لمطربين عرب وأجانب بكل مكان..جينزها عالسرير وملابسها عفسه. عبير بفراشها تتقلب مو نايمه من أمس: اففففف أنا ليش أفكر فيه من أمس..يعني كان ناقصني اهوو..اشلووون عرفني ومنو اهو..قال بنت عمتي..يعني اهو يصير ولد خالي بس أي واحد فيهم..خلف ولا سيف ولا فواز..افففف يالله..أصلا أنا ليش مهتمه فيه لهدرجه..بيظل ريال نذل لا راح ولا يا.. بعدت لحافها وقامت لبست جينزها المقطوط بإهمال وبلوزتها الواسعه السودا ونعالها النيديه..ودخلت الحمام غسلت ويهها وفرشت أسنانها وتعطرت وطلعت.. بدون ما تصلي طبعا لان اللي مثلها عايشين بضياااااع بالصااااله كانت أمها قاعده بروحها تطالع الاخبار بعد ما راحت أسيل لجامعتها.. عبير بكسل وهي تقعد وتحط ريل على ريل: صبحج الله بالخير يماا أم مشاري تتنطز وتقلدها: هلا هلا بوخالد صبحك الله بالنوور اشلووونك وينك ما نشوفك بالديووانيه عسى ما شر عبير بملل: اوووهو عاد بدينا بالطنازه من الصبح>>ووقفت أم مشاري بحده: وين ذالفه من الصبح؟؟ بعرف أنتي ليش ما تحترمين نفسج وتقضبين أرضج وتقعدين بالبيت..مو كافي أنج راده بنص الليل..ولا خذت ريلج عالطلعه. عبير بملل من هالموال: اففف أنتي ما تملين من هالاسطوانه..وبعدين اقعد بالبيت شسوووي..أنا سجلت ثلاث أيام بالاسبوع عشان أطلع الاثنين والاربعا مو اجابلج طول الوقت..بااااي>>وطلعت وصفقت الباااب أم مشاري بصوت عالي: مالت عليج..الله والتخصص عاد بدنيه ومو فالحه فيه ويخب عليج بعد..الحمدلله والشكر @@@ @@@ بفيلا الفاارس الساعه تسع ونص بالصاله كانت الهنووف قاعده بروحها تقلب القنوات بملل فجاه انفتح الباب ودخل زيااد: السلام عليكم الهنووف انجنت من الوناسه وقامت له ركض ونطت بحضنه: زيـاااااااااااااااااااااا ااااد متى ييت الحمدلله عالسلامه. زياااد دار فيها ونزلها: الله يسلمج..من أسبووع تقريبا الهنوف بدهشه: الله من أسبووع ولا فكرت تتي تشوفنا..شلي شاغلك عنا؟؟ زيااد عرف أنها تقصد مي: عمي أبو مرتي توفى وكنت مشغوول بالعزاء وما فضيت الا اليووم..خليج من هالحجي وقولي لي أمي ورائد وين؟؟ الهنوف بسخريه: جنك ما تدري بأمك..من حفله استقبال لغداء لعرس..ورائد من مات أبووي الله يرحمه واهو ماسك الشركات والمصنع زيااد تنهد: توقعت أنها تغيرت!! الهنوف: الا قوول أنت اللي تغيرت علينا من تزوجت بنت الفقر هذي..خذتك منا وغيرتك علينا وصرت ما تسأل عنا ولا تيينا..ما أدري شلاقي فيها.. زياااد عصب ومسك ذراعها بقووه: أن سمعتج تتكلمين عن مي بهالطريقه مره ثانيه ما تلومين الا نفسج..وبنت الفقر اللي تقوولين عنها فلوووس أبوها ومعارضه تارسه الديره ومو ذاله نفسها لج ولا غيرج..وعالاقل اهم سمعتهم مثل المسك موو أمج ياااحظي ما تقعد بالبيت.. قاطعه صووت هبه: شفيها أمها يااازيااد؟؟ زيااد وقف بانفعال: أمها اللي نست عيالها وتفرغت لصديقاتها وحفلاتها ومناسباتها..أمها اللي ما درت لا عن زوجها ولا عن راحته شرب ولا أكل ولا نااام..أمها اللي ما عرفت ترد لزوجها فارس ولو شي بسيط من السمعه والصيت اللي صنعها لج بشغله بالسفاره وصبره وجهده لحد ما مااات واهو مو راضي عنج.. هبه انصدمت بكلام ولدها: أنا تقولي هالحجي يازياد ياولد بطني زيااد هدا شوي: يما أنا أقوول هالحجي لاني خايف عليج..ما أبيج تضيعين السمعه والمكانه اللي سواها لنا أبووي هبه بتوتر: شتبيني أسوي يعني زياد ابتسم ولعب عالوتر الحساس: يعني مثلا بدال ما أنتي تطلعين لصديقاتج وحفلاتهم..خليهم اهم اييونج لبيتج ويشووفون العز والنعيم اللي أنتي عايشه فيه..أنتي مو محتاجه لهم..اهم اللي ميتين على فلوسنا ومكانتنا.. هبه سكتت وهي تفكر بكلام ولدها: ..... زيااد حس أنها بتقتنع وكمل: حرم السفير السابق فارس الـ الله يرحمه توجب مرة ولدها ونسايبها وتروح لهم بعزاء أو فرح عشاان يحسوون أنها معاهم بكل وقت..حرم السفير الناس اييونها ويدعونها ويخطبون منها مو اهي تروح لهم فهمتي يمااا.. هبه ابتسمت وهي مقتنعه بكلام ولدها ميه بالميه: أول مره أحد يقنعني بكلامه.. الهنوف ضحكت: هههههههه يمه منك زيوود قلبت راسها زياد ضحك: ههههههه ومنكم نستفيد ياأحلى أم زيااد بالدنياا هبه ابتسمت: صج أنت متى ييت من السفر؟؟ زيااد ابتسم: من أسبووع..عمي أبو مرتي توفى وكنت قايم بالعزاء ما عياله وأخوانه هبه بهدوء: ومرتك وينها عند أهلها؟؟ زيااد بهدوء: ئي أمها تعبانه وخليتها عندها شووي ترتاح نفسيتها..وصج يماا جهزي نفسج عشاان تروحين تشوفينها وتعزينها بوفاة أبوها وبنفس الوقت تباركين لها بالحفيد اليديد هبه ابتسمت: ليش اهي حااامل؟؟ زيااد ابتسم: ئي هبه: عيل لازم أروح اعزيها وأتعرف على أهلها وأبارك لها بحفيدي بعد..ما يصير هبه حرم السفير ما توجب نسايبها بعدين شيقولون عني الناس زياد ابتسم على نبرة الغرور بصوتها بس لازم يصلح العلاقه بين أمه ومرته وأهلها: عيل عندج ساعتين..بمر على رائد وأشوف أحوال الشركات وايي أخذج ونرووح.. هبه وهي تصعد الدري: إن شاء الله @@@ @@@ بفيلا سيف أبو خالد الساعه عشر بالصاله كانوا كلهم قاعدين يطالعون الاخبار ويشربون شاااي سيف مسك الريموت وقصر وكتم الصوت: ما قالج حسين عن موعد العرس. منار توسعت عيونها باستغراب: لاا يبه ما كلمته بس أكيد بيتأجل سيف بهدوء: ليش يتأجل كل شي بموعده قولي له أبووي يقولك العرس بعد أسبوعين ما تغير شي. خاالد تدخل واهو مصدوم من موقف أبوه: شقاعد تقول يبه من صجك؟! عمي توه متوفي ما صار له أسبوع وتقول العرس بموعده. أم خالد بدهشه: صح كلامه..أخوك توه متوفي وتبي تسوي عرس بنتك الناس بتأكل ويهك سيف عصب: شكووو الناس..بنتي وأنا حر..وبعدين أخوي توفى الله يرحمه..ما توقف الدنيا عشانه(وقام ومسك أيدها بعنف) وأنتي سمعي الحين تدقين على حسين وتقولين له أن كل شي بموعده ما تغسر حتى لو يملج وياخذج بملابسج اللي عندج فاااااهمه منار حست بالاهانه ونزلت دموعها بألم من مسكته: إن شااء الله سيف بحده: شقلتي ما سمعت؟؟ منار طالعت أخوانها بضعف: إن شااء الله إن شاء الله سيف رفسها عالقنفه: عبالي بعد..>>ومشى وخلاهم.. منار دفنت ويهها بيدينها وقامت تبجي... خالد وأحمد وفهاد وبدر ومحمد كلهم قاموا وقعدوا عندها خالد يمسح على شعرها: منااار رفعي راسج وطالعيني منار رفعت راسها وتكلمت بين دموعها: ليش أبووي يسووي معانا جذي..يبيني أروح اقط نفسي عليه..بيقول عني هذي أبوها ما يبيها وبطيح من عينه(ودفنت راسها بيدينها ورجعت لدموعها) اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ أحمد تدخل هالمره ورفع راسها: منووور أنتي مالج ذنب باللي صار..وإذا على حسين إحنا بنكلمه ونقووله. منار ببحه: صعب ياأحمد صعب..اشلووون اتزوج وعمي توه متوفي ومرته وبناته ما برا جرحهم شبيقولون الناس عني..أكيد مسويه شي ولا جان ما تزوجت بهالسرعه. أحمد بحده: ينقطع لسانه اللي يتكلم عنج بحرف واحد. خالد تضايق حيل : خلااص منوور اهذ أنتي الحين وأنا بنفسي بكلم حسين فهاد كمل: وصدقيني بيفهمج..لان كل الناس تعرف أبووي اشلوون يفكر. منار تمسح دموعها وتوقف: ما أدري ما أدري سوو اللي تبونه بكيفكم..>>وصعدت غرفتها تركض.. لبنى وقفت وقامت ورا بنتها: منيح هيك زعلتوا البنت..منااار منااار حبيبتي ياأمي أنتي.. منااار أمل قاطعتها: يماا لا تروحين لها الحين خليها بروحها ترتاح وتفكر @@@ @@@ بفيلا الريم وعيالها نفس الوقت مي كانت قاعده مع أمها ووئام وغلا بالصاله..تاخذ أخبارهم وتواسيهم بنفس الوقت. وئاام بهدوء: بتقعدين عندنا اليووم؟؟ مي تنهدت: بقعد أسبوعين وبعدها لازم نرجع عشان دراستنا وئام : أنتي متى تخلصين؟؟ وبعدين زوجج وين بيقعد؟؟ مي ببحه: بيقعد عند أهله وبيشوف ورثه من أبووه الله يرحمه وأنا واهو باجي لنا بس هالكورس ونتخرج وئااام تتذكر: ئي صح أذكر أن أبووه مات من سنه الله يرحمه.. مي شافت أمها سرحانه وحطت إيدها على جتفها: يمااا الريم صحت من ذكرياتها مع فواز ومسحت دمعه نزلت على خدها: نعمم مي حبت تفرحها: إذا يبت ولد بسميه فواز على أبوي الله يرحمه وإذا بنت رنا. الريم ابتسمت: صج نسيت أبارك لج..بصير يده مي ابتسمت وهي تحط إيدها على بطنها: الله يبارك فيج يماا وئااام تغيلا الجوو: ونااسه بيصير عندنا ياهل غير غلا مي انتبهت لغلا اللي لازقه بحضن وئاام وما تبي تتحرك لانها مستغربه منها: غلا الحلووه ما تبين تسلمين علي.. غلا دفنت ويهها بصدر وئام: لاااا وئام ضحكت: ههههههه غلا روحي هذي مي أختنا الكبيره مي فتحت إيدينها: تعالي وأعطيج حلاوه. غلا من سمعت حلاوه ركضت لها ومي ابتسمت وحضنتها وبوست خدودها: آموووواه..تصدقين يما ما تشبهج تشبه أبووي الله يرحمه الريم نزلت دمعتها حاره على خدها: الله يرحمه بهاللحظه رن الجرس ويت الخدامه اليديده لوزين تفتح زياد ابتسم: مااما أم نايف هني لوزين الفلبينيه: يس سير زيااد: قولي لها بابا زياد وماما أم زياد عند البااب يبي يشوفج لوزين: آوكي سير ون منت >>دخلت وبعد دقايق طلعت لهم مي مي بهدوء: هلا زيااد هلا خالتي تفضلوا زارتنا البركه أم زياد دخلت وهي تتفحصها: هذي مرتك..ما شااء الله حلووه ما توقعتها جذي(وحضنتها)عظم الله أجرج بأبوج واعذرينا ترى ما درينا الا اليووم مي باستغراب من حضورهم: لا شدعوه المهم أنكم ييتوا..تفضلوا تفضلوا حياكم..هلا الهنووف حيااج الهنوف بخجل من ترحيبها صافحتها وباستها: هلا فيج..مبروك الزواج والحمل ولو أنها متأخره بس أنتي عارفه الظروف وإحنا بعد ما عرفناج عدل وعظم الله أجرج بأبوج. مي بهدوء: الله يبارك فيج..والظروف صارت غصبا عنا..وأجرنا وأجرج دخلوا داخل وزياد سلم على عمته ووئام وأخذ غلا بحضنه وقعد: عيل وين الشباب عمتي ما أشوف أحد الريم بهدوء وكانت قاعده بعباتها وملفعها عشان زيااد: نايف بالشركه ووليد بالمعرض وراشد بدوامه وهزاع بالجامعه صار له أسبووع غايب عنها..تدري بعد وفاة المرحوم لازم يمسكون حلاله هبه بعد ما شافت الفيلا والمستوى اللي عايشين فيه واشلون تتكلم عن عيالها ابتسمت بغرور أن ولدها أخذ من هالعايله: وأنتي الصاجه ياأم نايف..عظم الله أجرج مره ثانيه وسامحينا عالقصور بس والله الظروف اللي صارت ووفاة أبو زياد الله يرحمه اشغلتنا.. الريم بهدوء واثق: المهم الحين أننا تيمعنا..أما الماضي ياأم زياد لازم ننساه ونكون على قلب واحد ونسوي اللي كانوا أبو نايف وأبوزياد يبوونه.. أم زياد استغربت قوتها رغم حزنها وتعبها المبين على ويهها وحست بطيبتها: كلامج بمتمه ياأم نايف..(والتفت لمي) وأنتي يامي اشلووونج مع الحمال إن شاء الله مو تعبانه؟؟ مي بهدوء: التعب لازم ياخالتي بس كله يهوون عشان ولدنا زياد وقف: يلا عيل أنا استأذن عندي شغل واايد..مع السلامه الكل: مع السلامه مي طلعت وراه: بتروح زياد التفت لها: ئي حياتي تبين شي؟؟ مي ابتسمت: لاا سلامتك بس لا تنسى تطمني عليك ومرني عشان أعطيك غداك. زياد باس جبينها بحب: تسلمين حياتي بتغدا مع ربعي من زمان ما شفتهم.. مي بهدوء: خلاص براحتك زياد ابتسم: انزين شرايج بأمي والهنوف؟؟ مي ابتسمت: الهنوف مبين عليها طيبه وحبوبه بس أمك تحب المظاهر لانها أول شي انتبهت لشكلي ولبسي والفيلا.. زيااد ضحك: هههههه وصفتيهم عدل..يلا مع السلامه مي ابتسمت: مع السلامه.. لفت بترجع بس سمعت صوت راشد أخوها وابتسمت: راااشد راشد تفأجا فيها ويا حضنها ودار فيها: ميووووووووش وينج أنتي قلبنا الدنيا عليج اشتقتلج يالخبله.. مي نزلت راسها: وأنا بعد اشتقت لكم بس لما ييت طردني أبوووي وما عرفت وين أرووح..والقهر أنه ماتت بسبتي.>>ونزلت دموعها راشد تضايق وحضنها لصدره بقووه: ميوووش أبووي مات من حسرته عليج لانه دورج لما طلعتي بس ما لقاج..يعني مو أنتي السبب..اطلبي له الرحمه. مي وهي تمسح دموعها: الله يرحمه.. راشد حط إيده على جتفه: يلا تعالي نقعد داخل مشتاقلج بسولف معاج مي شهقت: لاااا خالتي أم زياد وبنتها داخل راشد باستغراب: خالتج وبنتها؟؟ مي بهدوء: ئي يابهم زياد عشان يعزوننا بوفاة أبوووي..(وانتبهت لـ لبسه) وبعدين لحظه شهالرزه..صاااير حلوو يالطوويل.. راشد كان بلبس الدوام ورز نفسه: بعد عمري ميووش عيونج الحلوووه مي ضحكت: ههههههه وصاير مغرور بعد راشد ابتسم: عيل شعبالج..أنا الملازم أول راشد الـ..أكيد بغتر بحلاتي. مي تضحك: هههههه شووي شوي لا تطيح علينا وتنكسر رقبتك راشد طق راسها بمزح: روووحي رووحي لخالتج وفكينا مي تعدل شعرها: ههههه وأنت وين بتروح؟؟ راشد: بدخل الديوانيه وإذا راحوا قولي لي عشان بصعد اتروش وابدل.. @@@ @@@ بعد أسبووعين.. وقبل سفر مي وزياد بيوووم بفيلا سيف أبو خالد الساعه ثمان ونص بالليل بغرفة مناار كانت توها راده من الصالون..اليوم أخر يوم لها ببرنامج اشتراك العروس اللي كان مدته أسبووعين بس..طبعا بعد طلب أبوها المفأجى واللي مارضت عنه.. طلعت من الحمام لابسه روبها وشافت أمها ودلال وروان يصفطون شناطها وملابسها وأغراضها اليدد وابتسمت بألم لبنى بفرحه: نعيما يائلبي.. منار بحزن: الله ينعم بحالج روان دزت جتفها: وشفيج تقولينها جذي بدون نفس..افرحي يالخبله أنتي عرووس.. هذا شكل وحده باجر بتروح لريلها. منار نزلت دمعتها: أي عروس أنتي الثانيه..أبوج خلا فيها فرحه..مستعيل علي..قطني على حسين جذي بدون عرس ولا حفله ولا شي جني... دلال قاطعتها: منووور عيب اللي تقولينه..صج أبووي استعيل وغلط لما ما أجل زواجكم بس مهما كان ما يصير تتحجين عنه جذي..وبعدين حسين تفهم السالفه وكافي أنه بيسوي لج حفله ببيتنا وبياخذج شهر عسل..وأنتي جهزتي من قبل لا يتوفى عمي بثلاثة أسابيع..يعني ما فيه داعي تزعلين دام أنتي واهو تبون بعض صح ولا لا.. منار سكتت وصدت ويهها عن أختها: ........ روان تغير الجوو: أقووول دلوول صفطي وأنتي ساكته..أنا برتب قمصان النووم والانجري وأنتي البلايز والجينزات ويماا أنتي النفانيف والعطورات..و..ئي بنادي أموول ترتب الصنادل والمكياج.. سكتوا وبدت كل وحده بشغلها..أما منار قامت عنهم ولبست بيجامه حرير بيضا بنطلون وقميص علاق..وتركت شعرها مبلل بس يابته كله عاليمين وتعطرت وطلعت لاخوانها بتقعد معاهم قبل ما تسافر.. بغرفة أحمد كان هالوقت قاعد ببنطلون بس ويطقطق عالاب توب.. انفتح الباب ودخلت منار أحمد التفت وشافها وابتسم: هلا بالعرووس.. منار ما ردت بس قعدت بهدوء عالصوفا جدام الشباك: ........ أحمد حس فيها: شفيج؟؟ منار وهي تمسح دمعه نزلت: ولا شي.. أحمد قام وقعد جبالها ولف ويهها له: متضايقه عشان الظروف اللي بتتزوجين فيها؟؟ بهاللحظه دخل فهاد ووراه بدر وضحك: يمكن موو مستعده هههههههههههههههههه بدر ضحك واهو يقرب منها ويشم عطرها: آآآآه اشلووون مووو مستعده واهي توها يت من الصالون ههههههههه منار طالعتهم وخدودها محمره بس ما ردت: ...... أحمد ضحك على استهبالهم: الحمدلله والشكر..شفيكم ههههههه فهاد باس خدها: ولا شي بس شفناها متضايقه وقلنا نرفهه عنها.. منار زادت دموعها ودفنت ويهها بيدينها وصارت تبجي: ؟؟؟؟؟؟؟؟؟؟ أحمد طالعهم بعتب وهمس: زين لك جذي كاهي بجت.. فهاد ابتسم: منوووور يالهبله شحقه تبجين أنتي عروووس.. بدر بترقيعه: يمكن أمها قالت لها كلام يبجي.. هههههههه فهاد وأحمد ضحكوا: ههههههههه ألعن أبو الترقيعه..ههههههههههههههه منار حمرت من تلميحاتهم وضحكهم ومسحت دموعها وطقت بدر على صدره: هييييييييييييييييييي الله ياخذك زيـنننننننننن بدر وفهاد وأحمد ماتوا من الضحك: ههههههههههههههههههههههههه ههههههههههههههههههههههههه هههههه بدر بضحك: صج منووور شنوو قالت لج أمي هههههههه؟؟ منار وخدودها حمر وتتطنز: قالت لي روحي بدر يقووولج بدر انصدم: أنا!!!!!! فهاد قام يدمع من الضحك: هههههههههههه حلوووه منووور كفج كفج أحمد يضحك على شكله واهو مصدوم: صادتك يالغبي ههههههههههههههههه بدر ضحك واهو يخنق رقبتها: هههههههههههه والله منتي هينه يالهبله.. منار تضحك وتكح: ههههههههههههههههههههه شسويلك يعني أنت تسأل سؤال غبي آآآه وخررر كح كح كح كح كح كح.. بدر بعد عنها بنفس اللحظه اللي دخل فيها أبووه سيف بسخريه: ما شااء الله العروس هني.. منار استحت: ئي بقعد مع أخواني شووي.. سيف بجرأه: انزين موو باجر تنامين بحضن حسين وتنسين اللي وصيتج..>>وطلع وخلاهم منار توسعت عيونها بدهشه وقاومت دموعها وقامت عنهم.. فهاد مسكها: لحظه منووو منار قاطعته ببحه: خلااص فهاد والله تعبانه وبروح أنام>>وراحت عنهم. فهاد بقهر: ياأخي ساعات أحس أن أبووي دفش أحمد وبدر ضحكوا على شكله واهو منقهر: ههههههههههههههههههههههههه ههههه @@@ @@@ انتهى الــبــااااااارت أتمنى يكووون عجبكم.. صار قلبي من نصيبك ونبض حبي يبتدي بك..روايه رومانسيه جرئيه بانتظار توقعاتكم.. شتات أنـــــــثى