الفصل 16
البااااااااارت (١٦)..
بالمخيم..
السااااعه ٦:٣٠ المغرب
كان الجووو بااارد ومطر خفيف وحلوووو
الريم كانت توها مروشه غلا وقاعده بالخيمه تلبسها بيجامه ثقيله..رن فوونها بنغمة حافظتها عدل:
حبيبي آسف أزعجتك
حلوو صووتك قبل ما تنام
كانت هالنغمه لمي اللي ما سافر لها وليد واهس متواصله معاها وما قطعتها ولا يوووم وتاخذ أخبارها أول بأول
وبسرعه ردت عليها: هلا ميوووش هلا وغلا بحبيبة أمها
مي ابتسمت: هلا يما اشلووووونج أنتي واشلوون وئام وأبوووي وأخوواني وحسين
الريم ابتسمت: كلنا بخيرررر ومو ناقصنا الا أنتي ووليد..وحسين خالج ين تخيلي اليووم الصبح شااف منار بنت عمج وراح خطبها بدون تفاهم..عجبته الاخ
مي بدهشه: صججججججججج ههههههههههه
أنا أوريه وما يقوول لي
الريم تضحك: هههههههه ما عليج منه قولي لي أنتي اشلووونج ما حملتي للحين أبي أصير يده
مي بحيا: لا يمااا أنا وزياد مأجلين الحمل شوووي عشان دراستنا
الريم: وجم باجي لج؟؟
مي ابتسمت: ما باجي الا الكووورس الياي
بقدم فيه مشروووع التخرج..وهالكورس خلص بس باجي أسبوع وبعدين الامتحانات..آآآآه يمااا مو مصدقه متى اخلص..ودي يصير عندي بيبي..ميته ميته
الريم ابتسمت: اقطعي الحبوووب وأنتي تحملين ههههههههههه
مي استحت: قاطعتها من فتره حتى زياااد ما يدري بسووويها له مفأجاه.
الريم ضحكت: هههههههههههه يما منج يالخبيثه
مي ضحكت: ههههههههه انزين يماا هاج وليد يبيج ذبحني واهو يقرص فيني
الريم ضحكت: هههههههه عطيني إياه وينه
وبرا عند الشباااااب كاااانوا يلعبووون سباااق بالبانشياااات
(راشد وفهد ضد راكان وخالد)
وئااااام وأمل ودلال كل وحده واقفه تشجع أخوووها
راشد ابتسم: وئااااااااااموووه شجعيني وعشااااج علي بالمكان اللي تبينه
وئااام استانست: صـج..رشوووووووود رشوووووود هووووووه هوووووه
فهد ضحك: ههههههه شجعيني عالاقل أنا وياااه بفريق واحد
وئااام تضحك وتصفق: هههههه آوكي رشووووود فهووووود هووووووه هووووووووه
أمل ودلال يجشعووون أخوهم: خاااااااالد خااااااالد هوووووه هوووووه
وئام باعتراض: هييييييي خلوووود ما يصير يشجعونك اثنينه وأنا وحده
خاااالد ضحك وهووو يوويل بالبانشي ويغبر بالدنيااااا: بعد عمررررري خووواتي ههههههههههههههههههههههههه ههاااااااااي
وعند الدوووه كاااان فيصل قاعد يشوووي الكستنه ويرجف من البرد وميت من الغيره واهو يشووفها تضحك وتتدلع..سحب العود وبدا يغني بصوت حساااس:
يلا نعيش بدنيا غير
مليانه حب مليانة خير
فيها الحبيب أنت وبس
الاول أنت والاخير
ياااروووح الروووح
كفايه جروووووح
يارووح الروووووح
كفايه جروووووووح
ويلي ويلي ويلي ويلي
ويلي ويلي ويلي ومن ناره
ويلي..ومن حبه ويلي ويلي
ياااويلي
ناايف وهزاع صاااروا يرقصوون غلا وهي تلعب بالنطاطيه: عااااشوووا فصووول عاشووووا
فيصل ابتسم لهم وكمل واهو يطالع وئام اشلون تشجع أخوها ومستانسه:
حبه أبيه ياااناااس أبيه
وقربه بروحي اشتريه
هو اللي غير دنيتي
وخلا حياااااتي بين إيدينه
ياروحي الروووح
كفايه جروووح
يااارووح الروووح
كفايه جرووووووح
ويلي ويلي ويلي ويلي
ويلي ويلي ومن ناااره ويلي
ومن حبه ويلي ياااويلي
ما انتهى منها الا ويسمع الكل يصفق له ويصفرون وينادون باسمه: عاااااشوووا فيصل عااااااااااشووووا هيه هيه هيه فصووول هيه هيه هيه آآآآآآآووووووه ههههههههههههه
فيصل يضحك: هههههههههههههه مشكوورين
أحرجتوووني ههههههههههه
خلف طلع من الخيمه لابس ومتدفي: أثاريك منت هين يافصيل ههههههههه
فيصل بضحك: شدعوه يبه بس هذي المواهب ما تطلع بأي وقت ههههههههههه
فجأه صرخوا البنااااات لان راشد فاز بالشباق:لاااااااااااااااا� �ااااااا
وئاااام من الفرحه نطت على أخوها وحضنته: واااااااااااااااااااااااا ااااااااااااااااااااااااا و رشووووووووووووووووود هههههههههه
خالد نزل عن البانشي يضحك: ما فزت بمجهودك بالغش
وئااام تخصرت: لا والله ياعيوووني أنا شفته واهو يلعب ما غش بس أنت اللي أذانك طااايره مع الاغنيه
راشد ضحك: ردت عني
الكل: ههههههههههههههههههههههههه هههههههه
راشد ابتسم لاخته: يلا تعاالي بفر فيج
وئاااام بفرحه وهي تركب وراه: صـــــــج واااااااااااااااو دلووووول صووووريني ههههههههههههه
راشد ضحك وما رد لانه شغل البانشي ودعس بنزين بقوووووووه: هههههههههه تمسكي وااااااااااااااو
الكل كان يطالع ويضحك وفيصل الوحيد يشوووف ومحترق قلبه لكنه يبين الفرحه..دلال وأمل ضحكوووا عليها وكل وحده يابت فووونها تصووووور
وبعيد عن الخياااااام شوووي
كانت منار منحرجه من الخطبه اللي صارت فجأه جذي وبدون مقدمات..لابسه جينز سكني أزرق فاتح وبلوزه سماويه فتحتها سبعه واسعه ومكتوب فيها بالوسط(sky girl)بالكحلي وشعرها البني الحرير نازل على جتوفها بحريه وتمشي تحت قطرات المطر الخفيف والريح البارده تعصف فيها بقوووه
حسين انسحب فجأه لما فقدها وقااام يدورها وابتسم لما شافها اشلووون تمشي تحت المطر وعلى الرمل بدون نعال(وأنتو بكرامه)انجذب لمنظرها وانسحر برقتها وصفاء بشرتها البيضا اللي وردت من البرد
مشى لعندها ووقف جدمها وهو يبتسم:
حلوووو الجووو جذي
منار تفأجات فيه وردت بحيا: هممم آ آ ئي حلووو وايد أنا أحب اتمشى بالمطر..أمووت بالشتا
حسين قرب منها وحط إيده على خدها بنعوهه وهمس برقه: الشتا حلوو لانه يجمع العاشق بحبيبته بأوقات البرد والجفا ويصير كل واحد يحس بالامان والدفا بحضن الثااااني.
منار ولعت من همسته وحطت إيدها على إيده: أنت وايد رومانسي
حسين برومانسيه: وأنتي وايد حلوووه وبرئيه وسكاي قريل نفس ماهو مكتوب ببلوزتج..فتاة السما
منار انحرجت من كلامه ونزلت راسها غصب عنها: .........
حسين ابتسم على حياها وقرب لها أكثر: الحين صج صرتي ملاك..ملاكي أنا اللي شفتها من نظره وحبيتها وأنا اللي صار عمري اثنينه وثلاثين وما فيه بنت قدرت تدخل قلبي غيرج.
منار بتوتر رفعت عيونها له: لا تغرقني بأحلامك حسين!!
حسين بهدوء: ليش من شنو خايفه؟؟ الحب حلووو فتحي قلبج له..خلينا نعيش الدنيا صح
منار بتردد: خايفه من فرق العمر بينا..خايفه أعيش الحب وأتعلق فيك وانصدم إذا رفضك أبوووي..(وغمضت عيونها) أقدر أقولك هاليووم من أحلامي ومستحيل أنساه أو امحيه من ذاكرتي.
حسين رفع ويهها بثقه: بطلي عيوونج وشوفيني
منار فتحت عيونها بتردد: ........
حسين ابتسم: إذا أبوووج ما وافق باخذج ونهرب ونتزوج غصب عنه
منار ولعت خدودها وابتسمت بخجل ولفت عنه ورجعت ركض للخياااام
حسين ضحك عليها وقط نفسه عالرمل وفتح إيدينه للمطر واهوو يبحر بخيالات حبه
مع منار
@@@
@@@
بعد أسبووعين
خالد قال لابووه عن خطبة حسين لاخته منار..وسيف بالبدايه انصدم بس وافق لحاجة في نفس يعقوووب..وحتى عياله ما عارضوا هالخطبه..وفعلا يا حسين مع أمه وأخوانه بوفهد وبوأحمد وتمت الخطبه واتفقوا على كل شي وحددوا موعد الملجه والعرس بعد شهر..
وليد رجع الديره من أسبووع ومعاه الشهاده والكل فرح له وأكثر وحده أمه اللي سوووت له حفله كبيره حضروها كل القرايب والاهل ما عدا سيف طبعا..وبدا يكوون نفسه ومستقبله بعيد عن أبووه.
ووئام وفيصل لا جديد..وئام بعد الاجازه رجعت لدراستها بكلية الطب وفيصل ما مل من محاولات حبه لها..
أما مي وزيااااد :
بريطانيا..ليفربووول
الساعه ٨ بالليل
بغرفة النوووم
قعدت مي من النووم واهي تحس بجسمها مكسر..تذكرت أنها بعد ما خلصت محاضراتها بالجامعه قبل زياد مرت عياده نساا وسووت تحليل وتأكدت أنها حامل من شهر..قامت بسرعه ودخلت الحمام وخذت شاااور دافي وطلعت لابسه روبها
وقفت دقايق جدام الكبت واهي تفكر شتلبس..واستقرت على نفنوف لحمي علاق وصدره سبعه واسعه وتحت الصدر حزام بني وقصير للركبه..لبست معاه صندل بني بخيووط حرير تنربط عالساق..حطت ميك آب لحمي ناااعم..واستشورت شعرها اللي بدا يوصل لجتفها بنعومه..وأخر لمسة أنوووثها عطرها شارم روز..
طلعت وشافته قاعد بالصاله يقلب قنووات وشكله زهقان
مي بابتسامه: مسااائووو حبي
زيااد ما ينكر أنه انجذب لجمالها وأناقتها بس ولو لازم تحس أنها مقصره..ما رد عليها ورجع يقلب القنوات: ...........
مي عرفت أنه زعلان..قعدت عنده وباست خده: زيااد حبيبي زعلان
زيااد طالعها بنظره سريعه: سألي نفسج والله..من فتره وأنتي متغيره..تطلعين من الجامعه وما تنطريني اخلص عشاان نرجع مع بعض..ارجع وألقاج نايمه وأنا اللي عبالي أنج مجهزه الغدا..والحين الساعه ثمان وحضرتج توج قاعده وماكو عشى.
مي حست بغلطتها ومسكت إيده وقربتها لشفايفها وباستها: آسفه حبيبي أدري أني مقصره معاك هاليوومين بس والله إذا عرفت السبب بتعذرني.
زياد رفع حاجب: وشنوو السبب بالله؟؟
مي حطت إيده على بطنها بنعوومه: السبب أنه في ابطني بيبي منك
زيااد انصدم: نعمممم
مي ابتسمت: ئي والله أنا حامل..اليووم رحت العياده وحللت وعرفت أني بخلص الشهر الاول
زياد والصدمه بملامحه: حاامل اشلووون والحبوووب اللي تاخذينها واتفاقنا أنج ما تحملين قبل ما نتخرج.
مي بارتباك وضيق من ردة فعله: الحبووب قطعتها من فتره لاني أحبك وأبي يكوون عندي ولد أو بنت منك..كنت بسويها لك سبرايز..ودراستنا عااادي ما بقى لنا الا هالكوورس ونتخرج.
زياااد عصب صج ووقف: لااا يااامدام موو عادي..هالكورس أصعب من اللي قبله ويبيله تفرغ وبال مرتااح..وبعدين أنا مو مستعد للعيال بهالفتره..نسيتي أني لازم أرجع وأخذ حقي من ورث أبووي الله يرحمه(زيااد أبووه توفى قبل سنه بسكته قلبيه واهو وقتها انصدم لما وصله الخبر ورجع الكويت وقام بالعزاء ورجع بعد أسبووع لانه تطمن على أمه وأخته بعد ما مسك رائد الشركه)..ويبيلي فتره هني عشان أقدر استقر وأفتح لي مشرووع براس مااالي..
مي مسكت نفسها ودموعها غصب: زياااد الله يهداك شفيك معصب..كل هذا عشاان قتلك حامل..توقعتك بتفرح وعالعموم ما فيها شي تقدر تاخذ فلوسك وتفتح لك مشروع بالوقت اللي تبي وبراحتك.
زياااد بصراخ: لا والله تقولينها ببساطه ومن وين بتصرفين عليه إن شاااء الله ليكووون من فلووسج من أبوووج اللي تارسه بنووك سوويسرا
مي انصدمت ونزلت دموعها بغزاره على خدودها واهي تقرب منه بكبرياء مجروح: تعايرني زياااااد..أنا حبيبتك تعايرني بأبوي اللي زعل مني عشاانك..ما توقعتها منك..ياليتك ذبحتني قبل ما تقولها.
زياد بندم حاول يرقع لنفسه: آ..
مي حطت إيدها على شفايفه: ما بقى شي ينقال ياازياد..لا تطيح من عيني أكثر.
>>ومشت تجر أحزانها للغرفه وتركته واقف بمكانه ندمان ومتحسف ومصدوم
زيااد حذف نفسه بقووه عالقنفه واهو يشد شعره: أنا شسووويت شسووويت..أنا اللي أقوول هالكلام..مي اللي تخلت عن أهلها وناسها وديرتها ورضت تعيش بالغربه عشاااني..أجرحها بهالطريقه.
آآآآه يالقهر آآآآآآه..
وقف بسرعه واهو مختنق من الضيقه وطلع من الشقه كلها وصفق البااااب بقوووه.
@@@
@@@
@@@
انتهى البااارت
توقعاتكم للاحداث اللي بتصير
مي وزياااد
وئام وفيصل
حسين ومنار
سيف و.....