الفصل 12
نرجع شوي لعند شام .
كانت شام جالسة في صيدليتها وتحس بملل مافي زوار اليوم .. إلا اللي عندهم عودات
دخلت عليه بنت .
لفت لها وقفت شام لما شافتها
أستغربت شام منها وقالت :- تفضلي .
وأشرت للكرسي امامها
جلست البنت وراحت شام تجيب ماء ورجعت .
شام :- هلا . وش بغيتي .
البنت :- اولاً نتعرف .
سكتت شام وقالت :- أسمي شام . وعمري 23 سنه
البنت :- عشتي .. اسمي نجد . عمري 22 . وانا ابغى منك خدمه اذا سمحتي .
تقدمت منها شام . حست بفضول تجاهها
نجد بخجل اكبر وهي تفرك اصابعها ببعض :- اذا ماعليك امر . ابغى أشتغل عندك هنا في الصيدلية . لين ما أخلص دراستي في الجامعة وبعدين عادي بطلع ...
شام بغرابة :- بس ليه بتشتغلي وانتي توك تدرسي .
ناظرت لها وقالت :- محتاجه للفلوس لحين عشاني بأخر سنه وانا بغى اكملها .بس الفلوس ناقصة عندي
سكتت شوي وهي تناظر فيها وقالت بإبتسامه :- زين يانجد .. انا بساعدك .واعطيك الفلوس بس ابغى توعديني تجيبي المعدل اللى يرفع الرأس .
...ولكن ابوك وأهلك مو موجودين .
نجد :- لا . ابوي ماعرف وينه وأمي متزوجه ...
شام :- وانتي وين عايشة ؟
نجد :- لا تخافي . ... عندي بيت من امي في حارة .........
شام :- قريب مني . .. طب يانجد انتي والله جيتي في الوقت المناسب وانا صدق كان ودي بوحده تساعدني بس مالقيت . واذا تبي تشتغلي عندي هنا بوقتك بيكون من العصر لين الساعة 8 وتروحي ..والراتب كم تبين وانا اعطيك . بس ماابغى تساهل .
نجد بحزم :- وعد .. بنفذ اللي تبينه وانا اساساً قد اشتغلت بكذا محل من زمان يعني عارفه بكل شيء لا تهمي .
والراتب ماعندي محدد اللي عندك انا موافقة عليه .
شام ابتسمت وقالت :- زين انا بعتبرك وحده من صديقاتي واتساهل معك ..وان شاء الله نكون عون لبعض .
ولحين كم تبي مقدم .
نجد بحرج :- ابغى ••••• عشان ادفع رسوم الجامعة .
قامت شام واخذت شنطتها وقالت :- تعالي معي بروح اصرفها واعطيك اياها لحين وانتي تروحي بكرة وتسدديها .
ابتسمت نجد وقفت معها
ناظرت لشام وقد ايش هي جميلة خارجياً وداخلياً وبدون شعور رمت حالها عليها وقالت :- مشكوووورة يا شام . ما اعرف وش كان صار فيني لو انك ماوفقتي
بدالتها شام بإبتسامه وقالت :- يالله نجودتي .. خلينا بسرعة نروح ونرجع عشان لا نتأخر
بعدت عنها ومسحت كم دمعة نزلت من عيونها وقالت :- يالله .
.
ناظرتها شام شوي ومن داخلها تسمي عليها كن كثر حلاوتها ..تتأكل .
نجد :- بنت تربت تحت ظلم امها وزوج امها بعد ما مات ابوها وهي طفلة .
درست وتعبت على حالها عشان تقدر تحقق حلمها وتصير انسانه مستقرة بعيد عن امها وزوجها ..
قصيرة شوي وملامحها حيوية ومريحه للعين .
وكل من شافها حبها لطيبة قلبها
وهي فرد جديد في روايتي ولها قصة حلوة .
بعد مرور الوقت
أعطت شام الفلوس لنجد وتبادلن الارقام ورجعن لصيدلية لأن نجد أصرت تبدأ شغل من اليوم .
مر الوقت وخلص اليوم ورجعت كل واحدة على بيتها مستعدة ومتحمسة لليوم الثاني .
.
بعد مرور ايام قليلة.
شام كانت مبسوطة بعد ما بدأت نجد تشتغل معها وعرفتها على هنادي وزينب ونواهل وبراءة وهن كمان حبنها .
وكانت دراجات نجد جداً عالية لما ورتها لشام ...
وصارت الصباح تحظر دروسها والعصر تروح لصيدلية وتشتغل واذا في وقت فراغ راحت لعند كتبها تذاكر وشام صارت ماتناديها الا اذا في شيء خطير .
...
أما عند زيد صار يزعل اذا شاف وجهه شام . يحس انه يخونها ومايقدر يشوفها .
وشام مستغربة منه . من يوم جاء عمها محمد وصار الكل متغير عليها
وكانت جداً خايفة من هذا الوضع وتلهي نفسها بالأشغال ومع نجد
.
مر إسبوع كامل .
شام ماشافت وجهه زيد ابداً .
لين جاء اليوم الموعود .
كانت شام ونجد في الصيدلية كلعادة وصار قريب المغرب .
وزيد في الشركة مع ابوه
وخديجة عند حنان والجدة
كان زيد يشتغل وباله مشغول بشام . لكن قاطعة دخول ابوه المفاجئ
محمد بعجلة :- زيد .. يالله نرجع البيت بسرعة
استقام بخوف :- ليه ..وش صار
محمد والعرق ناتج عن قلقة قال :- يالله . بحكي لك في الطريق ...
أخذ زيد اغراضة ومشى بعد ابوه .
وركبوا السيارة وطلعوا ..
عند شام ونجد .
شام وهي تناظر للأوراق امامها قالت :- نجد ... بيجي لحين مالك القطة كات .. جهزتيها ...
نجد جأت وهي حاملة قفص القطة ومبتسمة من لطافتها وقالت :- ايه .. صارت جاهزة .
ناظرتها وشافت لطافة نجد مو القطة وقالت في نفسها :- بسم الله عليك .....:قالت بإبتسامه :- هاة خلصتي تذاكري .
نجد بإبتسامه :- شويه وأخلص .
شام :- زين ..أذا في شيء ناقصك لا تترددي . انا اختك .
نجد :- تسلمي ياحياتي .
سوت لها بيدها نص قلب وشام كملته بإبتسامه حيوية وضحكن مع بعض .
نجد :- شام . لحين انتي عمرك 23 سنه صح .
شام :- ايوة .. ليه السؤال .
نجد بغرابة :- اللي يشوفك يقول 16 مو 23
شام بضحكه :- ايوة كثير يقولوا كذا .بس حتى انتي صغيرة جداً على عمر 22
نجد :- ماتأكلي زين صح
شام :- إلا ... بس مدري وين يروح ...
..
شام من مميزاتها انها تأكل كثير بس مايبين عليها
وعظامها صارت مرة بارزة .
إلا أنها تزيد جمال بصفاتها هذه والأخص شعرها القصير الرمادي .. وكأنها جاي من مكان اخر ... زي الملااااك🩶
قطع كلامهن صوت رنه جوال شام
أخذت شام جوالها وشافت ان أمها حنان هي اللي تتصل عليها
ردت بسرعة عليها وكانت الصدمة .
يتبع ............ 🩶🦋