الفصل 11 « تعريف بالشخصيات»
في مكان بعيد عن شام ..
في قصر كبير جداً مع مزرعته الخاصة ..
في المجلس الرجالي.
..
الجد بشموخه المعتاد :- سليمان .. نادي الكل لعندي .
(ومقصده من الكل... هم أحفاده )
سليمان اللي ابد ما ثنى كلمة ابوه رغم تصرفاته الغريبة احياناً قال:- لحين يبه .
ناظر سليمان اخوانه وقام من عندهم .. وراح لعند غرفة الشباب اللي في الطابق السفلي وممنوع يتعدوه عشان حفيدات الجد فوق .
دخل عليهم شافهم منسدحين جنب بعض والتعب ضاهر عليهم بس مابليد حيلة .
سليمان :- يارجال ... جدكم يناديكم .
كلمة عمهم خففت عنهم شوي .
تركي :- لحين يبه .. انت قدام وحنا لحين بنلحق .
سليمان نظرهم على واحد واحد وكمل :- زين .لا تتأخروا
تركي :- ابشر ..
خرج سليمان وناظروا بعض
عزام بتعب :- ياليتني ماجيت . كنت مسكت الشغل في الرياض وارتحت .
تركي قام وقال :- ارفعوا علومكم ... لوله كنا في خبر كان . قوموا وعدلوا لبسكم وخلينا نروح لا نتأخر .
قاموا كلهم واكتافهم مهزوزه التعب فيهم مو طبيعي .
تركي ناظروهم وراح لكل واحد يشد اكتافه ويعطيهم شماغاتهم ( ماعرف وش جمع شماغ ) .
بعد ربع ساعة أجتمعوا كلهم في المجلس .
الجد :- ياهلا والله باحفادي .. تفضلوا ريحوا
راحوا كلهم يسلموا على الجد ويبوسوا راسهم وبعدين كل واحد استقر بجانب ابوه
الجد :- هااا كيف كان الشغل .
تركي :- الحمدلله بالف خير
عزام :- كل الامور تحت السيطرة .
الجد بإبتسامه فخر :- انزين .. ( مسح على حليته الخفيفة وقال ) لحين بوزع لكم وضايفكم .لمدة شهر لين يرجع خالكم من شغله .
الكل انتكست ملامحهم بس بسرعة البرق غيروها عشان لا يلاحظ الجد .
الجد :- اولاً طلال وسعد بتمسكوا الشغل اللي في الرياض ...
ثانياً تركي بتضل هنا لين يجي امير
ثالثاً :- فهد وعزام بتروحوا لـ جدة عشان الشغل اللي هناك ..
سليمان بتمهيد :- بس اللي في جدة ماسكينه الشباب تمام . مافي مشاكل ابد
الجد ناظر ولده اللي كثير مايشبه له :- عارف بس ابغاهم يروحوا يشيكوا ويرجعوا خلال أسبوعين ... ما أبغى تأخير .
عزام :- لاتهم ياجد ... كل شيء بيمشي على شورك
طلال :- بس متى نروح .
ناظر فيهم وعرف انه رغم محاولاتهم بإضهار قوتهم واخفاء تعبهم شيء مستحيل امامه بس لازم يحلوا كل شيء قبل لا يلقوا حفيدته مرح ...
الجد :- لحين .... ابغاكم لحين تروحوا .
قاموا الاربعة وراحوا باسوا راس الجد وطلعوا لغرفهم يجهزوا اغراضهم اللي اساساً لسى بالشنط عشانهم توهم جايين من الدمام ....
ابتسم الجد بفخر منهم وارتاح لان خلفه رجال ونعم الرجال ..
.......
نتعرف على عائلة ال فهد .
أولاً الجد :- عبدالله عمره 82
رجال شديد وحكيم ورحيم على ابنائة واحفاده بس وقت الجد مايرحم ابد حتى لو انه متقطع من داخله عليهم .
الكل يضرب فيه المثل برجولته وحكمته وشهامته
بس ارتكب غلط بحق بنته الوحيدة وبسبب هذا الخطأ خسر بنته وصارت بنته جسد بدون روح .
من ذالك اليوم. ابد ماغصب عياله على شيء أو حدد شيء في حياتهم . تاركهم على راحتهم بس بالتوازن يعني مو تاركهم للأخير .
هو اللي ربا احفاده وعرفهم على أساليب الحياة وفضله على احفاده ابد ما يتعوض .
..
الجدة :- فاطمه . 74
مثل زوجها تماماً بس مو شديدة على أحفادها ..تحبهم وتموت فيهم . بس أمير عندها غير عن الكل .. أمير فلذة كبدها ..هو مو إبنها بس هي اللى ربته بيدها .
عندهم من العيال .
أبو تركي ( سليمان) زوجته ( ريم )
عندهم من العيال .
1/ تركي :- عمره 28 .. متزوج وعنده بنت واسمها قوس
زوجته :- مريم .. عمرها 24 طيوبة وهادئة وتحب زوجها وبنتها
2/ عبير . عمرها 27 متزوجه وعايشة مع زوجها في البحرين ونادراً ماتجي تزور اهلها بحكم عمل زوجها
حياتهم طبيعية وعندهم بنتين .. سلا وسارة تؤم
3/ سعد .. عمره 26 متخرج ادارة اعمال .. مجنون ويحب الفرفرة .. بس عصبي ودمه حار .. غاسل يدينه من شيء اسمه حب ...
4/ شهد 21 سنه مزيج من الهدوء والجنون .. تحب اخوها سعد المووووت . وهو بئر اسرارها .. خوافه من أي شيء ... جميلة مثل اخوها سعد .
جنى وجيهان .. أخر النعقود 17 سنه مجنونات ألف وطيوبات .يعشقن المقالب ..
.
ابو عزام ( سلطان ) زوجته ( جميلة ) وهي اخت ريم
عندهم من العيال .
1/ عزام .. عمره 27 سنه .. متزوج وعنده ولدين .. زين .. وبعده فيصل .
زوجته ..أفنان ..بنت عم مريم ... بنفس مواصفات بنت عمها وعمرها 26 سنه ..
2/ طلال .. عمره 26 سنه .. بينه وبين سعد شهر فقط سعد بنهاية السنه وطلال بداية السنه الثانيه
كان عنده اخت تؤم اسمها رضى بس للأسف توفيت بعد زواجها بأشهر معدودة وعمرها 22 تقريباً.. وفاه طبيعية ..
طلال رجال شديد وعصبي فل .. بعد موت تؤمته أنهار ودخل في أكتئاب وتعب وكانوا يقولوا طلال بيروح بعد تؤمته بس الحمدلله تعالج وصار بخير وخرج من حالته .. يحب سعد وهم مايفترقوا ابد يحب الخرجات واللعب اذا كان مع سعد .
3 ,4/ ألاء . ولاء .. عمرهن 21 سنه
ألاء هادية وطيوبة أما .. ولاء مجنونه وعربجية . بس كمان طيوبة ...
طبعاً الاء ولاء وشهد داخلات نفس التخصص تمريض .
أبو فهد ( مصطفى ) زوجته ( إبتسام )
عندهم من العيال
1/ فهد ...عمره 25 متخرج ادارة اعمال مع عيال عمه طلال وسعد .
أنسان بارد جداً وقليل مايتكلم .بس احياناً يفصل ويصير أنسان ثاني تماماً يموت في اخته نرجس ..
2/ كرم .. عمره 24 سنه . توه مخلص امتحانات وعلى طول سافر مع خاله .
مجنون وحباب عند الكل . يحب المزح واللعب والنوم . وهو عنوان للكسل . وهو اللي يهيى الجو لعيال عمه .
مستلم طلعات بنات عمانه
ومو مستلم شيء من الشغل
بس يجلس مع جده ويونسه واذا سافر خاله فهو على طول معه بدون مايخبر احد
نرجس :- 22 بنت طيوبة جداً بس جداً مميزة عند الكل
اكبر وحده من بنات عمانها العزابيات
شورها مسموع عند البنات .مو انه متحكمه بس هن يحترمنها ودائماً يسمعن لها .
قليل ماتخرج من البيت ومدمنه روايات
البعض يقول لها أنطوائية بس هي ابد مو كذا
فرفوشة مع بنات عمانها
والكل يشوف عزلتها على انها غرور
تعشق اخوانها وهي خياله ومهوسة في الخيل .
عندها فنون كثيرة بس تخليها مفاجأة صادمه .
.
عالية ...
حرمه طيبة وحبابة . وهي لحين شبه ميته ذكرى فاتح ومرح ماراحت عن بالها صارت تهلوس ومجنونه عليهم والكوابيس ماتفرقها ابد
بس بدأت تتحسن وتطلع من غرفتها من بعد ماعرفت ان في أمل انها تلقى بنتها مرح .
...
هذه هي عائلة ال فهد
كامله شامله .بس ناقصها فرد واحد وهي اغلى شخص في العائلة ...
..
أمير .
عمره 31 سنه .اخو ريم وجميلة من الاب فقط
توفت امه وعمره سنتين . واخذنه ريم وجميلة وربنه
لين توفى ابوهن وعمر امير 3 سنوات واشهر
وكانت ريم عمرها 22 وجميلة 20
وبعد موت ابوهن جاء لهن الجد اللي هو كان خويي ابوهن
وطلبهن لعيالة سليمان وسلطان .وقال لهن ان هذه وصية ابوهن وعطاهن الوصية
ريم ماقدرت تعترض دامها وصية ابوها وهي اساسا تعرف الجد عبدالله
فكانت بتوافق بس باالأخير فكرت بأمير وانها اذا تركنه فأكيد خاله بيجي يأخذه وخاله شخص قاسي وجلمود اكيد بيعذبة
فخبرت الجد عبدالله برفضها وخبرته بالسبب
والجد قرر يتحمل مسؤوليته واخذ أمير معه
واقام زواج لعيالة من ريم و جميلة
.
والجدة لما شافت امير فرحت فيه
وقررت تربية بنفسها مع الجد
وريم وجميلة تطمنن لما شافنه عايش معهن بنفس البيت .
وصار امير ينادي الجد والجدة بـ يمه ويبه
وينام عندهم وصار بيت الجد بيته .
وكبر وتربى مع أنسابه
طبعاً الشباب ينادونه دائماً يا أمير بس وقت المصالح او اذا في ضيوف يحترمونه وينادونه يا خال .
اما البنات داىماً ياخال .
عدا ولاء ونرجس ينادونه أمير .
طبعاً نرجس مقربة من أمير بحكم انها تدرس وتشتغل في ادارة الأعمال يعني شخصيتها جداً قوية وتعتبر امير خالها مثل بنات عمانها ..
وامير يعدها واحده من بنات اخواته ومايفرق بينهن ابد
...
كيف شخصيات روايتي ..??
يتبع ..... ...... 🩶🦋