الفصل 21
الــجـــزء الــواحــد والعــشـــرون
الفصل الأول
هــــــيـــام :
جالسه وسط هالشنط واحط كل ملابسي دخل طلال وهو مبتسم : كيفك حبيبي
ابتسمت ورحت عنده : طيبه انت كيف جرحك
يدق طلال كتفه بخفه : توي رحت شلت الشاش
بست كتفه : الحمد الله
طلال : هههههه طفل عندك
غمزت له : بس عند حنين
ضحك : هيومه خذي لك كم لبس معك لأن الشنط الباقيه راح تنزل مع الشركه
هزيت راسي بحماس : طيب والاثاث و..
طلال رفع حاجب : و وشو
حطيت شعري ورا اذني : ابوي
طلال : الدكتور يعالجه الحين وحاطينه بالنفسيه
رفعت عيني : بس يا طلال اذا نزلنا المدينه مو معقوله كل يوم بتطلع لأبوي هني
ابتسم طلال : بننقله للمدينه أن شالله لا تاكلين هم يلا ترا ما بقى شي وننزل
هزيت راسي وهو خرج عضيت على شفايفي فديتك يا اخوي رحت نطيت في سريري
ورفعت الصوره ابتسمت وضميت الصوره : واخيرا بنرجع مثل اول
دخلت غاده وجلست تقربع في التسريحه : خير وش عندك
غاده : اقول ما شفتي جوالي
استغربت : صح النوم توك تذكرتيه
غاده : وحنا في هالمصايب فاضيين نفكر بشي
رجعت على ورى : يمكن منصور دق عليك ولقاه مقفول
غاده : في شي اسمه تلفون بيت
انسدحت : والله كيفك انتي وزوجك تختلصون لكن يمكن خاف من ابوي هههههه
ضحكت غاده وجلست : آآآآآآآآآآه بس
فتحت عيني : وشله الآه الحين
غاده بألم : احبه واعرف اني ضعيفه عنده لأني احبه
قمت جلست : اجل من يوم نوصل المدينه تسهلي وروحي عنده
غاده : لا كرامتي الا كرامتي
كشرت : ياخي في الحب انسي شي اسمه كرااااااااامه
غاده : يا سلااااااااااام وش معنى هو يعني
حسيت راسي صدع ذبحتني لنا يومين على هالسالفه : يااااربي منك انتي حره
قومي قومي دوري جوالك
قامت وجات بتطلع وتشوف شي في اللاب : جاتك رساله
نطيت على اللاب وفتحت الرساله : يا حليلها
غاده : من ذي
بعدت شوي: تعالي تعالي اجلسي شوفي ذي وحده مغربيه تعرفت عليها
تعالي شوفي الحمامات المغربيه وشلون ورسلت لي كل شي باسمه
غاده جلست : وانتي وش دراك انها بنت يمكن تكون ولد
هيام : لا لا بنت ورتني صورتها كم مره وشغلت لي كام بعد
غاده شهقت : ولا يكون انتي بعد ورتيها صورك
هيام : يوووووه لا طبعا انا فهمتها الوضع في السعوديه كيف بس وعدتها اني بروح لها في المغرب
اذا تزوجت عزيز ونزورهم
طالعتني بنص عين : ماشالله ضامنه انك بتتزوجينه
رمشت في عيوني : آآآه بس متى بس افتح عيني والاقي نفسي في حضنه
دفتني غاده : بنت بلا قلة ادب
ضحكت وقفلت اللاب وقمت نطيت على سريري مسدوحه وغمضت عيوني : روحي
شوفي عيالك ما بقى شي وبنطلع
قامت غاده : طيب بلاش احلام كثير
استنيتها تخرج وغمضت عيني وجالسه اتخيل نفسي مع عزيز وافديته يهبل بي
ما لقيت الا علبة كلينكس رمتها علي فزيت فزه من مكاني : ووجعه أن شالله
غاده : هههههههههههههههههههه
مسكت قلبي : يا ويلي حسيت علبة الكلينكس ابوي يمه يمه
غاده طاحت على الأرض وهي تضحك : ههههههه لو ... ههههههه لو تشوفين شكلك هههههههههههههههههههههه
مسكت العلبه وجيت برميها عليها لكنها سبقتني وشردت وصقع الكلينكس في الباب
حسبي الله عليها ولا تقال حرمه وعندها عيال بعد
رجعت اغمض عيوني وانا مبتسمه
...
مـــــــــــــــازن :
تنهدت وانا اشوف الصور الي ماخذها لها في شبكة لجين
اطالع في الصور باستغراب هل هي حركات من غير مشاعر
ولا حركات حسيت بفرضها علي غمضت عيوني أي قرار ناخذه لازم نتذكر فيه
ماجد ولجين وبندر وخلود
طالعت المناديل الي جنب الصوره الأخيره لبندري وهي صغيره اخذته
وانا اشوف مكان تجمع الدموع الي فيها
انا سبب بكاها انا سبب دموع مرام وبندري لازم اكون صارم في اتخاذ قراري
واسرع فيه بعد قفلت الالبوم وقمت من مكاني
قمت وانا مقرر الي في بالي والي راح اسويه ما راح اخلي مرام تنسج خيالها
والافكار تودي وتجيب فيها من غير ما اشرح لها الي صار لازم تفهم
لو وش ما صار الرجال ما ينغلط عليه
فتحت باب غرفتي وطلعت البيت هادئ حتى غرفة رؤى ما عادت تجي
مثل اول .. اختفت ضحكات لجين ودلعها والبيت خلا من روحها
نزلت تحت وشفت امي مشغله شريط الزواج وتمسح دموعها
ابتسمت الحريم العاطفه تلعب فيهم لعب
قربت منها وحبيت راسها : افا يمه وشله هالدموع .. والله ما يرزى عليك
امي تمسح دموعها : وش اسوي يا ولدي ذي لجين
ابتسمت : ماشالله بندري وخالتي ما قصروا كل يوم وهن طالعات لك
امي : حشا ما قصرن لله لكن وانا امك لجين
وراح صوتها من بكاها ضميتها لصدري : افا يا يمه كلها يومين وجايه
لا تاخذين في خاطرك لو جات وانتي بذي الحاله وش الي يفكنا
امي : وانا امك دقي لي عليها ابغى ابرد قلبي واسمع حسها
طلعت الجوال : غالي والطلب رخيص بس لا تبكين ترى بنتك على الحركرك
امي : انت دق لي عليها بس
دقيت على رقم ماجد ورد علي وهو يضحك : هلااااا هلاااا
ابتسمت : كيف حالك يا سيدي مو كأنه طول هالشهر
ماجد : هههههه بخير لا طول ولا شي الود ودي اخطف على فينا شهر بعد
ضحكت : لا تسمعك ولا تقلب لك مناحه
ماجد : لا انا واعدها كلها شهرين ونرجع نسافر
ابتسمت : بالحل أن شالله وينها اختي ما تنشد عني
ماجد : هههههه ياخي شبعت منك انا شايل الجوال عنها الحين وش يفكني من صياحها
حسيت بخوف على علاقة لجين : ماجد كيف لجين معك
حسيت براحه من صوته : عسل انتوا جايبين عسل
ابتسمت بأريحية : انزين هاتها ابي اكلمها شوي
سمعت صوت لجين المخنوق : مازن وحشتني
بعتب بسيط : ايه لو اشتقتي لي صدق تدقين تنشدين عن حالي
بصوت متقطع يخالجه دموع : وش اسوي لك انت كل ما ادق ما تكون في البيت
ضحكت : بس بس خلاص ما ينمزح معك يوم تجين بعطيك سداده لعيونك
لجين بضحكه خفيفه : مازن كيف حالك وكيفها مرام
خفقات قلبي ازدادت جاوبتها باختصار خوف للتعمق في اسألتها : بخير خذي امي تبغاك
عطيت الجوال امي واخذت امي تكلم لجين وهي تمسح دموعها وتحرص عليها
دخل عزيز وهو يغني : اسافر عنك وتسافر معايا
ترافقني في حلي وارتحالي
اغيب واترك العالم ورايا
اشرت له يسكت جا جلس جنبي وانقلب وجهه يوم شاف دموع امي : وش فيه
مسكت يده وانا مسوي دور الحزين : خل صبرك بالله قوي يا خوي
عزيز يمسكني والدم بيطلع من وجهه : وش فيه وش صار
هزيت راسي بأسف : هيام عطتك عمرها
رفعت عيني بلمح عزيز ما القى الا المناديل فراسي : تفاول عالبنيه يا مال الصلاح
ضحكت بصوت عالي على عبد العزيز اللي رجع راسه لورى بقوه وغمض عينه
واكلم امي : الله يهداك يمه لو كملتي اللعب عليه
امي : يا ويلي على ولدي قم شف اخوك انت ودفاشتك ذي ما تكبها
قمت اشوف عزيز الي ماسك قلبه بقوه بجد خفت عليه فتحت له ثيابه بقوه
وهو دفني : وش تسوي يا قليل الادب
بعدت وصقعت رجله برجلي : مصرع ما رديتها
ضحك عزيز وامي في الصاله يدوي
جلست جنب امي : كنت ناوي اعزمك اليوم لكن غيرت رايي
امي : مو على كيفك اليوم بنروح لحنان وانا امك
عزيز : خلاص يمه انا بنام والحقكم لا تتعشون الا اذا جيت
امي : حصل وانت يا ويلك تخرج من البيت
خذيت جوالي وحطيته في جيبي : لا خلاص غيرت رايي بخلي خرجتي لوقت ثاني
امي : من يأذن المغرب تكون جاهز
هزيت راسي : على هالخشم
قمت وقام عزيز معي دخلت الغرفه وشغلت اللاب توب
فتحت المنتدى وشفت العضوه الي دايم كنت اشيل همها واحزانها واعتبرها
مثل اخت لي .. صامده رغم الأسى
بمشاركه لها ..
سأعود اليوم .. إلى قلبي ..
سأعود .. إلى ذلك المنزل الذي احتضنني
سأعود .. لربما إلى احضانه
سأكون بالقرب منه
سأغفي عيناي حوله
سأحميه برموشي الحارقه
سأحتويه بتعمق
سأودع ذلك السياج
سأكون له والى الأبد
ما تتصورون وش كثر فرحتي لذي الانسانه احسها تبحث عن السعاده
هدوئها ونغمات الألم بين حروفها
عادت وانا تايه .. احس هالانسانه قريبه حيل منا منا .. منا مو مني
احسها تاخذ من احزان لجين .. ومن آهات عزيز
قفلت اللاب والحيره تعمقني اتجاه صمتها وهدوئها
............
بــــــــــــــنـــــــــ ــدر :
كنت منسدح في الصاله وابوي مشغل هالتلفزيون ويشوف الأخبار
وبندري وامي يسولفون عن ذي وذيك
قفل ابوي التلفزيون وطالعته باستغراب : بندر
بصوت متخوف : ها
ابوي : ترا حجزنا لك قصر
فتحت عيوني وجلست : وشو
ابوي : خلاص حنا كلمنا الناس وقلنا لهم زواجك بعد شهر
جلست بعصبية : على كيفكم تحددون وانا مالي راي
امي : يا ولدي وش تبي بالملكه اكثر ماهي زين لا طولت
تكلمت وانا منقهر : ولو ما تحددون الموعد لين انا اتكلم واقول
ابوي : وان شالله متى كنت بتقول او تكلم
تلخبطط كلماتي : عالأقل مو الحين يعني نجلس سنه او سنيتن
شهقت بندري وامي : واخيبتي
ابوي يقلد على صوتي : سنه سنتين .. اقول خلك عاقل
سكت يوم شفت ابوي عصب قمت من مكاني ورحت غرفتي ومسكت الجوال
شوي واتفل عليه رميته على السرير وانسدحت حسيت السرير
بطيح من قوة رميتي عليه دق الباب وشفت راس بندري ممدود
قربت مني وجلست جنبي : بندر قوم بكلمك
بصوت حاد : اطلعي بره
بندري مسكت يدي : ماني طالعه قوم اجلس
تأففت : عندك شي قوليه مانيب قايم
بندري : ترا خلود طيبه وما تستاهل الي تسويه فيها
تكلمت بسخريه : ايه حيل طيبه شفتي لسانها وش طوله
بندري باستنكار : يا سلام تبغى تهاوش وتفتري من غير ما تسوي شي
طالعتها بسخط : عقيها من سيره انا باخذ رنا يعني باخذها
قامت بندري : انزين روح الله يقويك ويوم يسألوك وين اهلك جاوبهم
اول ما خرجت من الغرفه اخذت الجوال ودقيت على وليد : كيفك وليد
وليد : يا هلا والله حي هالصوت
حسيت بشوية توتر : حياك ربي اقول وليد اذا مداني اليوم ابغا اقابلك
وليد : خير أن شالله
توترت : كل خير أن شالله بس في موضوع ابي رايك فيه
وليد : أن شالله خلاص بعد المغرب
هزيت راسي : اتفقنا
جلست هادئ وحطيت راسي على المخده وجالس افكر وش بقوله
كيف الطريقه الي بقوله هي وش الاسلوب ... ردة فعله ..؟
وانا وسط هالأفكار غطيت في غفوة على اذان العصر صحيت
قمت بكسل ورحت توضيت نزلت المسجد اصلي
وشفت مازن وابوي بعد ما خلصت صلاه كنت بدخل العماره ويدق جوالي
رديت على الرقم الي متصل : كيف حالك يالمعرس
ابتسمت بتشاؤم يوم سمعت الصوت : هلا والله
عمر : اقول لو سمحت ولا هنت ممكن تمر علينا نبغى نشاورك في اشياء
للعرس ما بنأخرك لا تخاف
زميت خشمي : أن شالله بس ترى المغرب عندي موعد
عمر : خلاص أن شالله اذا جيت الحين ما بناخذ نص ساعه للترتيبات
قفلت من عنده وتذكرت اني ما عمري طبيت بيتهم الا وقت الخطبه
وش هالورطه شفت مازن جا ورحت صوبه وانا متفشل
مازن : هلا بندر
ابتسمت : هلا فيك .. مازن بغيت اسألك
مازن : آمر
تنحنحت : وين بيت رحيمك
ابتسم مازن لدرجة بانت سنونه وانا تفشلت : ما تذكره
حكيت دقني : تعرف ما رحته الا مره يوم خطبنا وما ادله زين
مازن : خلاص ما حصل الا الخير .. شف ......
سلمت عليه وركبت سيارتي وقفت قدام البيت اخذت نفس بعمق
قفلت السياره ونزلت وكنت بدخل اسمع صوتها في الحوش
مشيت لا ارادياً وشفتها واقفه تكلم بالجوال وتضحك
جاني فضول اعرف تكلم مين تغيرت ملامحها وتجمدت عيونها
على شباك الفيلا الي قدامهم رفعت عيني وشفت واحد واقف ومعه بنت
يوم لمحني راح لكن هي ...... نظراتها جامده لذاك المكان
حسيت بقهر حسيت بحريقه في قلبي ليه كذا تطالعه نزلت راسها ومسحت دمعه
على طرف عينها لفت ورفعت راسها وذهلت يوم شافتني واقف
كانت الصدمه باينه عليها ليه بكت يوم شافته ليه اندهشت ليه يوم شافتني
انفجعت.. من ذا الشخص ......؟؟؟؟
قربت منها : السلام عليكم
كانت شفايفها ترتجف وصوتها متوتر : و.. وعليكم السلام
ابتسمت يمكن لأن في شي اقدر امسكه عليها قربت منها ومسكتها من خصرها
كانت جامده في يدي وحطيت دقني على كتفها وجلست اطالع في الشباك
كان نفسها زايد وتطالعني بنص عين بابتسامه : من هالحلو
اخذت نفس بعمق : ما اعرف
تحولت ابتسامتي إلى وكزت سن وزدت من مسكتي عليها : من هذا
....
مـــــــــــــــــــرام :
نزلت على عتبات الدرج بسرعه وانا اتلفت ادور على ظل ابوي
شفت امي جالسه مع اسما سلمت عليهم : يمه وين ابوي
امي : ما ادري يمكن في مكتبه
في مكتبه .. في هالوقت .. اكيد في سالفه رحت بسرعه جهة مكتبه وسمعت صوت رجال
غريب بالنسبه لي وشهقات انثى ؟؟ هالصوت مو غريب علي
خــــــــــــلــــــــــو د وش فيها .. ما قدرت امنع الفضول الي زاد فيني وناظرت
بعيني للفتحه الصغيره الي تركها الباب المتطرف
هذي خلود تبكي وبندر معصب وابوي متجهم شو سويتي يا خلود يا سواد وجهك
وراه ابوي كذا سمعت صوت عمر وراي : وش تسوين
فزيت من الفجعه : ها
عمر : هوا وش تسوين هنا
لاحظت نظرات الفجعه يوم سمع شهقات خلود قفلت الباب بسرعه : رح من مكان ما جيت
عمر بيبعدني لكني مسكت الباب بقوه : عمر ابوي يتفاهم مع خلود وما يبغى احد يدخل عليه
نزل عمر يده : وش فيه وش مسويه
نزلت راسي والله أن حيرتي ازود منك يا اخوي ابوي ما يكون كذا الا لا صار شي كايد
عمر : وراك مسويه شي
رفعت راسي وببرود : تدري فيها مدلعه وابوي ما يقدر على دلعها
سكت عمر ومشى مشيت وراه دخلنا للصاله عند اسما وامي الي صجونا
بسالفة الولادة والحمل راسي عورني من هالسالفه
مسكت بطني وغمضت عيني ااااه وانا الي كنت اتخيل ولده بيكون هنا
ليه يا احلامي سبقتيني ليه .. فتحت عيوني على صوت امي : يمه مرام
مازن متى بحدد يوم الزواج
جلست اطالع امي ونظرات اسما وعمر لي قمت من مكاني : الله اعلم
طلعت غرفتي وقفت عند الشباك مسحت دمعه على خدي
نطلق الحين افضل يوم نتزوج ونخلف بعدين نطلق ما عمري حسيت او فكرت
اني بكرهك يا مازن اكرهك واكره طاريك
بحاول اكلم ابوي في اقرب وقت
لــــــــــجـــــــيـــــ ـــــن :
دخلت الكوخ ادور ماجد ما لقيته استغربت وين راح وما قالي توه قال بياخذ غفوه
امممم وينه لا يكون يبي يخوفني دخلت غرفة النوم وشفت ملابسه
طلع ...!! وين راح ... وليه راح .. وش اسئلتي الغبيه
رحت اشيل ملابسه وحطيتها مع باقي الملابس الي بنغسلها
وجيت برتب السرير لقيت ورقه في الكومدينو كاتب فيها ..
حياتي ابغاكي تجهزي .. كلها نص ساعه واكون عندك
استغربت بلاه ماجد شو السالفه حطيت الورقه ودخلت اشوف لبس
طلعت بنطلون طويل وبلوزه طويله للركبه والبنطلون واسع طبعا اذا كنت بلبس كذا
لازم اللون الأسود هو الطاغي ولا ماجد بيجيب اجلي
حطيت كحل بسيط وقلوس ولبست طرحه باللون الأسود ومطرزه باللون الليلكي
طلعت الصاله وشغلت التلفزيون تمللت ما في شي عاجبني
رحت فتحت الطرحه وغيرت البلوزه احسها كتمتني اخذت الجوال ومشيت
وقفت على البلكونه واتصلت على بندري
ردت بندري بصوت طفشان : الو
ابتسمت عليها : هلاااااا والله يا حي هالصووووووت
بندري أقرب للصراخ : وااااااااااا لااااا لاااا لجين .. يمه لجين لجين
ضحكت من قلب على خبالها : صخي يا بنت
بندري وبدى صوتها يختنق : وينك يالنذله اسبوعين ما اعرف اخبارك الا من امك
ابتسمت وحسيت بدموعي الي قامت تذرف : فديتك اعذريني بس تعرفي والله شغله
واستحي من ماجد كل شوي اكلم احد عيب يعني
بندري : حبيبتي والله خلاص بس متى جايه ترا مصختيها
ضحكت : أن شالله ما راح نطول
بندري : ايه شبعت منها ذي
ضحكت : عاااد بس احرجتيني والله
بندري : طيب قولي لي كيف ماجد الحين
غمضت عيوني : يجنن
بندري : اووووووووه خفي علي حسيت اني ذبت
فتحت عيوني وبضحك حمر وجهي يوم شفت ابتسامته
تمنيت الأرض تنشق وتبلعني ولا نظرته لي سمعني لاااا احراااج
بندري : وينك
همست : بندري اكلمك وقت ثاني ماجد جا
على ما خلصت كلمتي كان ضامني من وراي وانفاسه تحرقني
قفلت الجوال ومسكت يده باسني غمضت عيوني
همس لي : اشتقت لك
ابتسمت بخجل رفعت يده وبستها ولفيت جهته : وين كنت
ابتسم لي : اذا بستيني اقولك
ميلت راسي ورفعت حاجب : بتقولي ولا
قرب مني : بوسيني اول
عضيت شفايفي وابتسامته ذبحتني من قلب بسته بخفه على خده وبعدت : يلا قولي
جلس يقلب في عيونه : لا لا معليش بوسيني زين
حمر وجهي اوريك يا ماجد قربت منه وهو مبسوط عضيته وهو بعد من الالم
وانا جلست اضحك قرب مني وانا بعدت لين لصقت على الجدار من الخوف
غمضت عيوني لكن عقابه كان من نوع ثاني فتحت عيوني وهو مبتسم لي
نزلت راسي حيا منه وحطيت راسي على صدره وهمست له : وين كنت
ماجد : في فندق شفته ما مليتي من المكان
لا مستحيل امل من مكان نكون انا وانت لحالنا فيه مستحيل امل من مكان
انت تكون هواي الي اتنفسه منه لفيت بيدي على خصره حوطته ورفعت راسي له : فين الفندق
ماجد : وسط المدينه .. وبعدين بنروح لجزيره ثانيه بتعجبك
ابتسمت له : يعني اجهز اغراضنا
ماجد : لا انا كلمت الحين اثنين يجون يرتبون الاغراض وانا وانتي عندنا موعد
فتحت عيوني متفاجئه : موعد
ابتسم لي : توه اتصلت علي وذكرتني بالموعد الي ماخذينه المجله
وقلت لهم بنجهز ونروح
جلست اطالعه باستغراب : عادي اتكلم مع رجال
فتح عيونه على وسعه : ومن قالك انه رجال انا رضيت بالمقابله يوم قالوا انها
حرمه ومتفق معاهم من غير صور بعد لك
حسيت بالغيره : اها طيب اوكي
ماجد : يلا حبيبتي روحي البسي
فكيت يدي : وانته كذا بتروح
ابتسم ماجد : ليه لبسي مو حلو
هالمصيبه انك تجنن فيه : الا حلو بس بدله احسن
دخلت الغرفه طلعت له لبس حاولت قدر المستطاع يكون عادي
جا من وراي وطلع لبس ثاني : هذا احلى لجين بيطلع حلو في الصور
مديت بوزي : طيب مو لازم الناس تشوفك حلو
قرب مني وجلس يلعب بوجهه في شعري بعدت عنه وجلست باستسلام على السرير
جلس جنبي ومسك يدي : وش فيك حياتي
بلعت غصه في حلقي مابي ابكي مابي ابكي : مو لازم نروح الله يخليك
ماجد : الا لازم اعطيتهم وعد ترضين يقولون مو قد كلمته
هزيت راسي نفي : زين ما نطول
ماجد : كلها ساعتين ونخلص
حسيت اني بنفجر ... ساعتين يا برووووودك
طـــــــــــــــلال :
وحنا جالسين في السياره صجة عيال غاده وامي تهاوشهم
ضحكت بقلب الكل ناظرني مستغرب : باللهي هيام وش الفرق وحنا طالعين والحين
هيام ضحكت : من جد قلت لك خلهم مع النقل الجماعي
غاده : اذا ما سكتي لا افقع لك عيونك الحين واحرمك من شوفة بعض ناس
هيام تقلب في عيونها : يخليهم لي يااااارب
امي : استحي يا بنت
هيام : وش قايله انا انتوا تفكيركم سيء انا اقصد عمتي ولجين
ضحكنا على هبال هيام وحنين تتكلم : طلال والله دخت متى نوصل
ابتسمت : يا روح طلال خلاص ما بقى شي يا روحي
غاده : ترا اول ما ننزل بكلم حنان
امي : ليه وش تبين منها
غاده : بشوف تاخذ سواق عمي ونطلع محتاجه اغراض
طلال : ما تبيني ادق على منصور
غاده : لا ابد لا تفكر تسويها
حنين : ليه يا غاده لجل عيالك
غاده : انتوا خلوني على راحتي هاليومين بس
امي : خلاص يمه الي تشوفينه
هيام : همله .. اقول طلولي
بصوت عالي : يااااا عيونه
حنين : لا والله
هيام : اوووف يالغيره وش دخلك الحين
حنين : حلوه ذي طلال اذا هي عيونك انا وشو
ضحكت بخفه : انتي حياتي وروحي وهواي
هيام : بس صخيتي الحين ردي اشوف
امي ضحكت : عيب يا يمه احرجتي البنت
غاده : والله ثنتينهم ما يستحون عادي صحبات
ضحكت عليهم .. وجلسنا على هالسوالف لين ناموا عيال غاده
وصلنا المدينه وطلعت على شقتي وانا شايل مؤيد وغاده ماسكه ملاك
دخلنا الشقه وامي تسمي : ما شالله تبارك الرحمن
ابتسمت : ها يمه عساه عجبك بيتك
طالعتني امي : وشو
قربت منها وبست راسها : وان شالله بس اتاجر شوي اشتري لك الي احسن منه
امي تضمني : لا يا ولدي ذا من حقك وحق مرتك
حنين مسكت يدي : افا يا خالتي وحنا بنسكن في بيتك
ارتحت من كلام حنين الله يوفقها ونعم الزوجه امي مسحت دموعها : الله يرضى عليكم
خرجت هيام: اقوووول طلول الحين مو انا قلت لك ابي ذيك الغرفه
مسكت اذنها : انا توقعت انك ما بتجلسين فليه اخسر نفسي
هيام بعد وتسوي نفسها وابتسمت لي : على قولك كلها كم اسبوع وبروح
جات غاده : يرحم ام خلفتك
امي ضحكت : وحري عليك ضاع حياك
هيام بضحك : لا والله نسيته في املج طلال روح جيب لي هو
طلال : هههههههه خلك كذا بنشوف يوم تشوفينه وش تسوين
انقلب وجه هيام مثل الطماطم وبيدها تهف على نفسها : حررررر
متنا ضحك عليها الله يسعدها يارب
رحت دخلت الغرفه شفت حنين منسدحه ومبتسمه : تعبت
مشيت عندها ومديت يدي لها مسكت يدي وسحبتها علي : موكأنه تعبك زايد
حطت راسها على صدري : بشتاق لأهلي
بست راسها : متى ما اشتقتي لهم قولي لي باخذك لهم على طول
باست يدي : الله يخليك لي ..
همست لها :ويحفظك لي يا عمري ..
.......
منصور :
انذبحت وانا اتصل على الجوال وهو مغلق ما عرف وش سالفتها
ليه مقفلته مو معقوله يومين وحنا على ذي الحاله ..
زين لو كلمتها وش بيصير يعني
وش بقولها يارب جملها معي .. احس حياتي قلبت فوق تحت
انا ليه ما اتصل على طلال خلني اكلمه واشوفه ..
اتصلت عليه المره الأولى ما رد علي .. اتصلت مره ثانيه
ورد علي : هلا منصور
جفلت لدقايق وبعدها تشجعت : كيف حالك يالنسيب
طلال : حمد الله كيفك انت
سكت وجاني صوته : الو
رديت : هلا طلال وينك فيه الحين
طلال : حنا في المدينه
فتحت عيوني : وغاده معك
طلال : ايه معي
قمت : شلون
طلال : منصور هالسالفه طويله وما ينفع نتكلم بالجوال
منصور : زين تقدر تجيني
طلال :والله الوقت متأخر الحين خلها بكرا أن شالله
سكت : أن شالله يلا اعذرني
طلال : معذور يالشيخ
قفلت من الجوال وجلست وانا ضام حواجبي وش الي صار
معقوله يكون عمي عرف شي ليش لأ زين غاده يارب ما صارلها شي يأذيها
قمت من مكاني واحس اني متوتر كيف بشوف اشتقت لها
آآآآآآآه يا غااااااااده ... حاس اني خسرتك .. اسف يا عمري اسف
.....
خلود :
اخر شي توقعته وجود بندر في ذيك اللحظه صدمني وجوده
اول مره يقرب مني بذي الطريقه ويكون شرس اول مره حاسه
اني انكتمت ولا قدرت افتح حلقي بكلمه
نزلت راسي بارتباك : ما اعرف وش يدريني بعدين وخر عني
زاد علي بمسكته : انا ماني طفل صغير قدامك
اخذت نفس يوم شفت ابوي حسيت اني بصيح
قرب ابوي وبندر تركني وهو معصب
ابوي يطالعني بحقن من المنظر الي شافني عليه حقير بندر
ابوي : وش فيه
بندر وهومشتط من العصبيه : اسألها .. من ذا الي يطالعها ..
حسيت اني بدوخ يوم قالها ادري انه يكرهني بس موكذا حرام عليك تشوه صورتي قدام ابوي
حراااااام عليك يا خسيس ..
ابوي : أي واحد ..
بندر وهو معصب يأشر على فيلا نجوى
وابوي طالعني تكلمت : يبه لا تصدقه يبه
سحب يدي ابوي : الحقني يا بندر
يوم شفت ابوي اخذني على المكتب عرفت أن السالفه ما راح تعدي على خير
غصب عني بكيت وقفني ابوي وبندر واقف جنبي
ابوي : ليه يا بنتي
ما قدرت اشوف نظرة الانكسار في عين ابوي
غصب علي بكيت : يبه حرام عليك والله ما سويت شي
طالعت في بندر وبقهر اصارخ فيه : انت ما تخاف ربك تتهمني
بندر بعصبيه : اتهمك ليه ماكله حلالي انا شفته يطالعك يوم شافني رااااااااح
رديت عليه بعصبيه اقوى من عصبيته : زين هو الي يطالع مو انا
رد علي بقهر ومسك يدي بقوه : وانتي تغير وجهك
ياربي وش هالمصيبه طالعت ابوي الي شكله متجهم لا يبه لا الله يخليك
ما كان قصدي احطك في موقف مثل كذا ما قدرت اسوي شي غير اني اشهق
ابوي يطالعني بازدراء .. كسرت خاطري نظرته بددت كل مشاعري لسيف شتتني من عالمي
بدت شفاتي ترتجف مسحت دموعي بقوه وتكلمت .. موجهه الكلام لأبوي : يبا انا بنتك
وانت الي ربيتني .. انت تعرف فرحتي بنجوى ويوم شفت زوجها وبنته عرفت انها رجعت
لجل كذا تبدل وجهي لأنها ما قالت لي انها بتجي ..
حسيت ملامح ابوي بدت تلين بعكس بندر الي كانت ملامحه كلها قسووووه
رحت جلست على الأرض ومسكت يد ابوي وابوسها : يبااا انت واثق فيني صح
مسح على راسي وباسني فرحت ضميت ابوي وانا ابكي بصوت خفيف فديتك يا ابوي
ابوي همس لي : قومي اجلسي في الكرسي
رحت جلست في الكرسي وانا امسح دموعي بطرف بلوزتي وانا اطالع بندر الي مو عاجبه
الوضع ومكشر عن انيابه بودي لو اذبحه وافتك منه
ابوي يكلمه : تفضل ابوي
جلس بندر قبالي رفع راسه يطالعني وحواجبه مثل ماهي
ابوي تكلم : شف يبا هذي بنتي وانا عارف وشلون ربيتها .. اذا بغيت البنت كملنا
اجراءات الزواج .. واذا ما تبيها بيت ابوها الي شالها وهي صغيره مو عاجز
عنها وهي كبيره .. والبنت يشريها مليون رجال ..
بندر كان يتأملني وانا كلام ابوي كأنه سكاكين يطعني في جوفي ..
وقف بندر : انا اسف ..
.........
البندري :
اووووه الساعه 10 اففف متى اخلص هالكتاااااب
وافتك يلا هانت كلها هالاختبار وارتاح
قفلت الكتاب وطلعت برا شفت امي جالسه وحاطه يدها على خدها
ابتسمت لأمي : وراها هالحلوه
امي : اخوك قافل جواله مسود الوجه
ضحكت : ليه تقولين عنه كذا هذا ولد الوووووحيد
امي : انتي وش تبين الحين
ابتسمت : راااحتك ما يسوى عليك هالبندر يتعبك كذا
امي : والله قلبي مو مرتاح اكيد بيفشلنا قدام الناس
قمت جلست عند امي ومسكت يدها : يما لا تزعلين مني
امي مستغربه مني : وراك انتي بعد
بلعت ريقي : يمه الي سويتي غلط لو خليتي بندر عالأقل يفكر مو انتي
تاخذين القرار عنه هذا هو يمكن يفشلك قدام الناس وهو ولا هامه
وبعدين البنت مسكينه وش ذنبها يوم يتزوج عليها ولا يطلقها ولا يتعبها في حياتها
ضربت امي يدها على قلبها : ويه يا حري عليها
ابتسمت على حركتها : شفتي يما الحين وش بلين راس بندر
امي : وانتي توك تفتحين لي حلقك
فتحت عيوني على وسعهن : لاااا والله الحين يوم اني اقولك هالهرجه من قبل ما تخطبين
غسلتي شراعي غسل وبهذلتيني
امي : انتي ما قلتي لي كذا
والله امي ذي حركات : كلها واحد بس انتي الي عنيده
امي تقرصني : قومي اشووووف لا تتكلمين
قمت وانا اروح لغرفتي .. والله حاااااله ههههههه
فكرت اطلع عند عمتي اليوم حنان بتجي والأخت مع لخبطة نومها تجي متأخر
قمت لبست وجلست اتزبط على المرايا فتح الباب ابوي وهو مبتسم
ابتسمت له : هلا يبه
ابوي : وين رايحه
لفيت : بطلع لعمتي حنان الحين بتجي
ابوي : ايه زين شوي وانا اطلع بعد
هزيت راسي ورجعت اكمل حطيت الكحل واخذت كتابي وطلعت
شفت امي : وين رايحه
لويت بعيوني : وين بعد .. عند عمتي
امي : اجلسي اشوف بكرا عندك هالقدرات انثبري واقري في هالكتب
مديت بوزي وبضجر : زين انا بطلع حنان تفهمني بعض الاشياء
امي : ماهي علي هالحركات ادخلي غرفتك اشوف
جا ابوي من ورى امي : اتركي البنت مو كفايه ذابحه نفسها من شهر
وهي غير وسط هالكتب
امي : والله ما بيصير لها شي لو كملت جميلها وجلست اليوم بعد
ابوي : خل البنت تتنفس اطلعي يبه اطلعي
ابتسمت ومشيت من جنب امي وانا ودي اضحك على شكلها يا شينها يوم تعصب هههههه
مسكت عباتي وتذكرت مازن يوم اشتراها لي تذكرت ذاك اليوم بالمزرعه
بللت شفايفي خلاص انسيه مازن مو لك لبست العبايه بسرعه وفتحت الباب
دقيت المصعد وانفتح لي وكان مازن في يوم شفته رجعت على ورى ومازن بسرعه
يضغط الزر الي يفتح المصعد وطلع لي وبارتباك : وين بتروحين ..؟
تبغون الصدق مصدومه هذا بلاه رديت وانا خايفه ابوي يطلع : عند عمتي
مازن : ليه امي ما قالت لك انا بنروح لحنان
تفاجئت : لا حنان قالت بتجي
مازن طالع الكتاب الي في يدي : تبغينها تشرح لك
هزيت راسي : ايه في كم شي ابغاها تشرح لي فيه
ابتسم لي: اوكي اعطيني وانا اشرحها لك على جنب
طالعته : لا خلاص شكرا
مازن : افا بندري يلا عاد هاتي الكتاب متى تبغينه
نزلت راسي بحيا وانا امد له الكتاب : الساعه 12 اذا تقدر
ابتسم : 11 ونص يكون عندك .. الا متى اختبارك
حسيت بابتسامه ويمكن شوية صياح معقوله بفقده اه يا قلبي تكلمت
وبصوت مخنوق : بكرا
مازن وكأنه حاس بشعوري : الله يوفقك .. اذا احتجتي أي شي لا تترددي
هزيت راسي ما اقدر اتحمل وجودي معه اكثر من كذا
فتحت الباب ودخلت وبسرعه رحت لغرفتي فتحت بابها بقوه ورمين نفسي على السرير
انا وش اسوي في نفسي ليه ياربي هالعذااااب ليه ماااازن بالذاااات
جلست ابكي يمكن اخفف شوي من حرقة قلبي لكن مع كل دمعه تنفجر كم اكبر من الدموع
ما عمري توقعت نسيانه بكون صعب لكنه مر .. ما اقدر كل ما احاول انساه
تجمعني معه الصدف كل ما احاول اتجاهل شعوري الاقيه قبالي وارجع من البدايه
تذكرت طلال وزاد بكاي .. وهذا شلون باخذه شلون باخذ انسان اختي حبته
ياربي وش هالمصايب الي تتحذف علي لازم اكون قويه اقوى من كذا مو لازم اكون ضعيفه
جلست بضعف وانا ارجع على ورى لين اتكيت على السرير ومسحت دموعي
بطرف عباتي وجلست استنشق هالعباه وحسيت بنوبة بكا عيوني تعبت وما عاد فيني حيل
ما مرت ثواني الا وعيوني غفت في النوم ..
...............
مـــــــــــــــــاجـــــ ــــــد :
ابتسمت للجين الي جالسه جنبي وماسكه يدي بقوه
طالعتها : حياتي
لجين : هممم
قربت منها وهمست : افرديها اضحكي
لجين ابتسمت ببرود : زين كذا
ضحكت : ليه معصبه الحين
لجين : بس كذا مزاج
حطيت يدي على وجهي اللهم طولك ياروح وش فيها ذي
وقف اللموزين عند المكان الموعود فتحت الباب وخرجت ومديت لها يدي : تعالي
خرجت وما لمستني وتطالع المبنى وتشوف الي حواليها : هذولا عرب
ابتسمت : ايه حبيبتي العرب هنا كثير
طالعتني : الحين بيعرفونك
مسكت يدها : زين خليكي معايا عشان ما احد يجيني وش رايك ..
كنت بمشي وهي واقفه مكانها طالعتها : وراك
لجين مدت بوزها : ما ابغى
فتحت عيوني : وش الي ما تبغي
لجين وشوي تبكي : ماجد خلاص مو لازم احس اني مضايقه
ابتسمت : انا معاك لا تخافين
لجين بضجر : نص ساعه بس
صعقت هذا ولا شي : اتفقنا ساعتين
لجين : لا نص ساعه
مسكت يدها ومشيتها غصب : ساعه ولا تحاولي
مشيت بخضوع معي والناس تتلفت من حولنا وابتسامات وصرخات
وقربت لجين مني اكثر ههههه هي الغيره تسوي فيها كذا ولا شو سالفتها هالبنت
دخلت وكلمت الريسبشن عن الموعد وجا واحد ماليزي مبتسم ودلنا على المكان ..
كانت الصحفيه الي فيه حلوه فاتحه شعرها ومبتسمه بعذوبه
مدت يدها تسلم علي وجيت بمدها الاقي يد لجين سابقتني وهي مبتسمه : اهلا
الصحفيه : اهلين مدام لجين ..
لجين : معاكي وحضرتك ..
الصحفيه : رغد
لجين : اتشرفنا
رغد : هلا والله بكبتنا
ابتسمت وانا خايف من ردة فعل لجين لكن صعقت انها اخذت الكرسي المنفرد
وجلست بهدوء وهي مبتسمه رديت وانا مبهت : تسلمي يا رغد
رغد : اتفضل
طالعت لجين وانا منخجل من رغد جلست وجلست رغد بعيد شوي عني
رغد : تحبوا تطلبوا شي
جيت بتكلم وسبقتني لجين بابتسامتها الغريبه : ياليت كوكتيل ..
رغد : من عيوني وكابتن ماجد ..
ماجد : مثل المدام
طلبت رغد وابتسمت لي : تحبوا نبدى الحين ..
لجين : لا عادي .. اممم ياليت تكلمينا عن نفسك شوي
رغد وهي منحرجه ومتفاجئه سؤال لجين : وش تحبين تعرفي ..؟
لجين : وحده حلوه ولزوزه مثلك .. لحالها في مكان زي كذا ..؟
رغد بدهشه : ومن ذوقك مدام لجين .. بس انا معي فريق العمل ..
لجين : اها .. ما تخافين معاهم
رغد : لا ابدا صار لي سنين وانا مع هالفريق وبعدين هذي طبيعة عملي ..
لجين بتهكم : عملك يقولك سافري برا بلدك .. لحالك ...؟
رغد : لا مو كذا لكن على حسب الظروف وتعرفي حيكون سبق عملي اذا عملنا
حوار مع حضرتك
لجين بابتسامه : تسلمين حبيبتي .. زين اهلك ما عارضوا طبيعة شغلك ..؟
رغد : اهلي متحضرين ومتفهمين ..
لجين بهمس ما يسمعه غيري لأن جا المصور يكلمها : امحق تحضر ..
ما اقول الا يستاهلون لو جاتهم مصيبه ..
فتحت عيوني : وش فيك ..؟
لجين : مجودي ابي اكون صحفيه
هي تبي تحرق اعصابي ولا وشو بالضبط ..؟
كنت برد لكن رغد تكلمت : اتفضلوا العصير ..
شربت لجين شوي وابتسمت لي كنت من جد معصب من حركاتها
الصحفيه : طبعا الاستاذ ماجد قالنا ما يبي تسجيل للصوت .. فلجل كذا ..
راح نتعبك شوي معانا ..
لجين : لا عادي حبيبتي .. امريني ..
رغد : في البدايه .. يسعدني تعرفي عليك وعلى بساطتك .. ويكون لي الشرف
اني اول وحده تتعرف على زوجة بطل منتخبنا ..
لجين : يا قلبي .. الشرف لي ..
رغد بابتسامه : تسلمي حبيبتي.. زين .. اول سؤال .. راح نحاول نعرف أي شي بسيط عنك ..؟
لجين بضحكه : سؤال صعب هههههه
حسيت ان الجو متوتر : لجين عمرها 20
ردت علي : 19
رفعت حاجب : كم شهر وتدخلين في الـ20
لجين : اوكي اذا دخلت يصير عمري 20 ..
ابتسمت رغد وانا تنرفزت رغد بلطف : اوكي انسه لجين تكلمي عن دراستك .. شي مثل كذا
لجين : ادرس حاسب وهذي اول سنه لي ..
رغد : ما شالله ..
وبدت رغد بأسئلتها وردود لجين الي بعضها تعجبني وبعضها تفجرني
وجات عند السؤال المحسوم الي ممكن اعرف حب لجين لي ولا برود مشاعرها
رغد : كيف موقفك مع المعجبات .. تحسي بغيرة ولا ..؟
لجين بكل برود : ابدا شي عادي ومتوقع .. ما اهتم في الموضوع كثير
رغد : واذا وحده تقربت منه لحد مو معقول ..؟
لجين : هذي الساعه ممكن اقتلها
ابتسمت على جوابها وكنت بضحك شكلها انتبهت لنفسها ورجعت لبرودها وكملت :
بصراحه تكون انسانه سخيفه وتعرض نفسها لأشياء ماهي طيبه
عرفت لجين انها تنغاظ منهم بس وش السبب برودها ذا بيذبحني احيانا يهمها
والاغلب تتجاهل هالشي
رغد : والاستاذ ماجد ..
لجين ابتسمت وهي تطالعني وعيونها بدت تغبش : ما ادري .. تذكر الموقف
الي في محل العطور
سكت وبلعت ريقي معقول ضايقها هذاك الموقف زين ليش ما ابعدتها عني
ليه راحت وخلتني معاها تبي تلعب بأعصابي شكلها ..
رغد : ممكن نعرف الموقف ..؟
ضحكت لجين وطالعتني : نقول ولا
ابتسمت : على راحتك ..
لجين : كنا في محل عطور وقربت وحده وبغنج تسأله (وتقلدها) لو سمحت .. كابتن
ممكن تساعدني في العطور ..
رغد : ههههههه ( موجه السؤال لي ) تساعدها في وشو بالضبط
لجين تمزح : يمكن يبخ لها ههههههه
ضحكنا وانا حاس قلبي مقبوض شوي .. ما صدقت متى ينتهي اللقاء على خير ..
واخذت لجين ورحنا الفندق طوال الطريق وهي ساكته وانا مثلها ..
دخلنا الفندق .. دخلت الحمام وانا طلعت البلكونه انتظرها ..
مرت ربع ساعه وخرجت من الحمام وابتسمت لي : يلا ادخل خذ شاور ..
ورى جمودها هذا في شي دخلت وانا معصب رحت افتح الدولاب بشوف لي لبس
لجين تكلمت : جهزت لك كل شي ..
طالعتها وانا رافع حاجب : ما تقصرين
قربت مني ومسكت يدي : وش فيك
كأني كنت انتظرها تسألني هالسؤال لجل انفجر فيها : تسأليني ما تعرفين ليه
لجين : اول شي لا تصارخ في وجهي ثاني شي انا سويت شي يزعلك
قوله لي بهدوء وما ارح اسويه مره ثانيه
مسكتها بقوه من يدها : لجين
طالعتني ببرود : نعم ..
عضيت شفايفي لدرجه الدم نزف منها : خلي هاليومين تعدي على خير
لجين : ماجد انت وش فيك انا وش سويت
جلست وحطيت يدي على راسي قربت مني دفيتها عني ودخلت الحمام ..
ليه احس برغبة اني اصيح.. يمكن هالمره بس الي احس اني بفقد فيها رجولتي
ليه ما تقولي احبك .. هالشي يعذبني . . مابيها تقوم بواجبتها كزوجه
من غير حب ومشاعر .. ماني قادر اتقرب منها اكثر ..
احسها تطلعني من طوري .. ليه ما تحبني .. وش اسوي لها اكثر ..
خلاص .. ما عاد فيني صبر واتحمل اكثر ..
تصرفاتها الساذجه تذبحني .. حركاتها ودلعها .. آآآآه يا لجين ..
بــــنــــدر :
بعد ما قمت وقلت اسف رحت ورى مكتب عمي وبست راسه : اعذرني يا عمي .
وحصل سوء تفاهم ما يتكرر ان شالله ..
وقف عمي : كفو ..
يمكن للحظه كسرت خاطري وحسيت تعاملي فظ معاها .. مفروض ما ادخل ابوها
يمكن لحظة غضب حكمت على تسرعي وهه يمكن بغيت اتخلص منها
لجل يسهل لي وصولي لرنا ..
ر حت عند خلود مسكت يدها وحسيتها ودها تصقعني بها وهمست : يكون لنا تفاهم ثاني
خلود : زين .. عندنا مشوار نقدر نتفاهم فيه على راحتنا
وقفت : عمي ان شالله اجي باكر
عمي : ان شالله
طلعت برا وركبت سيارتي وانا خارج من البيت شفت نفس الرجال واقف
وجالس يطالعني حسيت انه ودي اذبحه
اتصل علي وليد ورديت : هلا والله
وليد : وينك يا رجال
طقيت راسي : اوه اعذرني ثواني وانا عندك
رحت الكافي الي دوم نتواعد فيه وشفته جيت جلست وانا مبتسم
وليد : تأخرت يا شيخ الوالد ذابحني لجل اقضي له اشغال خواتي
ضحكت : افا وش عنده الوالد
وليد : والله انها قصة غريبه تسمعها
هزيت راسي : نسمع ليش لأ
بدى وليد يتكلم : الله يسلمك الوالد كان عنده صديق من طفولته ..
وما نروح مكان الا وهم معنا لدرجه كنا نحسبه واحد من اعمامي
هالرجال جاته وظيفه برا اخذ اهله وطلع وانقطعت اخباره عنا
وظلينا على هالحاله 8 سنين
اطلقت صفيرة استعجاااب : يالاااه ثماااان عاااد
وليد : شفت كيف .. المهم الرجال جا البارح وخطب رنا لولده
واتفقنا على كل شي وان شالله اختي تبيض وجه ابوي
من قال اسمها الدنيا ظلمت في وجهي حسيت ان الدم بينفجر من عروقي
وقفت وانا حاس بدوخه وليد : وين يا رجال
بلعت ريقي : ها
وليد : وراك بندر .. ما قلت لي سالفتك
كنت في حاله ما تسمح لي اتكلم : بعدين بعدين
طلعت من عنده ما ادري شلون ركبت سيارتي طلعت بسرعه للبر
حطيت راسي على الطاره مصدوم معقول رنا تزوج .. رنا
بديت اتنفس بقوه احس الهوا خانقني فتحت الباب بقوه وبالصعوبه طلعت
غمضت عيوني وانا الي مستعد اخسر كل شي الحين واتقدم لك
بتتزوجين .. معقوله ما كان فيك تصبرين ..
.................................................. ........
مـــــازن :
جالس اتعمق في المسأله الي قدامي واخط شرحها على جنب
بالقلم .. ابتسمت وانا تخيلها تذاكر تنهد
تكلم سامي : انت الحين جاي تغثني
ضحكت : وش تبي نشبه بكرا عندهم اختبار لازم يفهمون
حنان : يا ويلي
طالعتها : ليش
حنان : يا فشلتي مواعد بندري اليوم اشرح لها بعض الاشياء
ضحكت : عارف وجهك مو وجه مواعد اخذت كتابها وهذاني بعض المسائل احلها
حنان : زين عطني انا بعد اشرح لها بعض الاشياء وربي منحرجه منها
سويت لها حركه بوجهي : يلا مناك اشوف مو عاجبك
امي : انت من جيت وعينك ما شلتها من الكتاب عطه حنان وانت اجلس شوي معنا
ابتسمت لأمي : خلاص ما بقى غير هالتمرين واخلص
حنان : الساعه 11 مازن
ضحكت عليها : يلا يلا .. وين عزيز ما جا
ما خلصت كلمتي الا دق الجرس
قمت : انا افتح له وبجي بودي الكتاب
امي : لا تأخر
هزيت راسي وفتحت الباب لعزيز
عزيز : على وين
مازن : بودي الكتاب لبندري
طالعني عزيز بذهول وتكلم : مازن
سكت وطالعته : خلاص عزيز خلني اسوي الي يريحني
عزيز : براحتك بس البنت مخطوبه لولد عمك
حسيت بالنار تسعر في قلبي : زين وش تبيني اسوي يعني
طلعت وركبت سيارتي مستحيل بندري تكون لطلال
شغلت سيارتي ومشيت يوم وصلت للبيت طلعت لين دور خالي واتصلت
على جوال بندري وما احد يرد استغربت وراها ما ترد
دقيت الباب وجلست ادق .. وش سالفتهم ما احد يرد كنت بروح وانفتح الباب
كانت بالعبايه وشعرها فاتحته وعيونها منفخه وماسكه راسها
انفجعت عليها قربت منها : بندري وش فيك
بندري بصوت خافت : تعبااااانه
قلبي وقف من خوفه عليها مسكت يدها لأنها كانت بتطيح وحسيت بحرارة جسمها
حطيت يدي على جبهتها : بندري حرارتك مرتفعه وين خالتي وخالي
بندري بهمس : ما ادري مافي احد
مسكت يدها بقوه طيب اسندي نفسك علي وتعالي ادخلي
دخلتها جو وهي دايخه ما هي داريه عن الي حواليها ادري اني الي اسويه غلط
لكن مستحيل اشوفها بهالحاله واتركها
طلعت وخليت الباب مفتوح جبت خدامتنا واخذت مخفض للحراره ونزلت
سيتي تتكلم : مستر واجد تعبان
عطيتها الحبه وكاس مويه : خذي عطيها ذي
وجلست برا وينه خالي الله يهداه اتصلت عليه وقافل جواله
اتصلت على مرة خالي وردت : هلا مازن يبه
تكلمت باستعجال : خالتي وينه خالي
تكلمت ام بندر : والله خالك ياخذ ابرة السكر الحين
يوووه وش البلش ذا يعني ما مداي اقولها بتخاف على بندري : زين كم وتخلصون
ام بندر : والله يا يبه تعرف توه خالك بدى يتعالج يعني بياخذ ساعه ولا ساعتين
تنهد : زين خلاص خالتي قبل لا تجون خله يكلمني
ام بندر : ان شالله يبه
جات سيتي : مستر هراره في عالي
يا الله وش اسوي اخذها المستشفى زين بصفتي وشو
طالعت سيتي : زين زين لبسيها مسفع وطلعيها
دخلت سيتي وثواني وهي خارجه مع بندري مسكت بندري ودخلتها هي وسيتي
السياره واخذتهم المستشفى ..
الدكتوره تكلمني : زوجها
سكت وانا اطالع بندري الدايخه في يدي : ايه
الدكتوره بابتسامه : طيب ممكن توقع على الاوراق بنعطيها ابرة تخفض شوي في حرارتها
اخذت الأوراق ووقعتها وطالعت بندري تو ما كان فيها شي
الدكتوره : ان شالله نص ساعه وترجع كويسه
طالعت الدكتوره : مداها تخرج بعد نص ساعه بكرا عندها اختبار ولازم تحضر له
الدكتوره : ان شالله بس حتكون معاها شوية سخونه بس خفيفه ان شالله
هزيت راسي خرجت الدكتوره وبندري مستلقيه عالسرير هي وسيتي جنبها
اتصلت حنان علي : وينك يا ولد
رديت : هلا حنان شوفي بتأخر لساعه تعشوا انتوا
حنان : ليه وينك
ما عرفت وش اتكلم : معي واحد من الربع في المستشفى مضطر اجلس معه
حنان : اها ما يشوف شر يلا مع السلامه
قفلت وجلست على الكرسي وحاط يدي على راسي وجالس اتأملها
تذكرت مرام ونزلت راسي وتنهد من خاطر مرام وشو يا مرام .. وش الي بيصير
متى مداي اكلمك ااااه يا رب ارحمني
سيتي : مستر في قوم
قمت من مكاني وقربت منها وشفتها تطالع الي حولها باستغراب
طالعتني : وش صار
ابتسمت لها بحنان : دختي علينا
نزلت راسها وزادت خدودها حمار شوي رفعت مسفعها وتحجبت ولفت بوجهها عني
تنحنحت : تبيني اجيب لك الكتاب لين يخلص المغذي
بندري تهمس بصوت خفيف : ياليت
هزيت راسي وكلمت سيتي : انتبهي عليها زين
طلعت ورحت السياره اخذت الكتاب ورجعت لها مديت يدي لها : شوفي المسائل الحين
بندري : لا المسائل لا فقت
ابتسمت ورجعت سحبت الكتاب : طيب زين بختبر معلوماتك وش رايك
بندري : لا مازن والي يعافيك خلاص عطني الكتاب
كلمتها بحزم : يقولك سؤال في الفيزياء العالم الذي اكتشف ان لكل فعل ردة فعل هو
بندري بخضوع : نيوتن
ابتسمت وكملت : القانون ..
بندري : الثالث
قفلت الكتاب وطالعتها : عيدي علي القانون
بندري وهي معطيتني قفاها : قلته ليه اعيده
اصريت عليها : عيديه لو سمحتي
بندري : انت وش تبي الحين وخر عني
قمت مسكت كتفها : بندري
لفت علي ودموعها مغطيه وجهها : خلاص مازن وش تبي ابعد عني ياخي
انا ما احبك افهم ما احبك
غمضت عيوني وقويت مسكتي على كتفها : زين ليش تبكين اذا ما تحبيني
بندري تشهق : خلاص مازن والي يعافيك خلاص
بلعت ريقي : امسحي دموعك بنادي الدكتوره
طلعت من الغرفه وناديت الممرضه تجي تشوف المغذي جلست برا
خرجت بندري وهي مغطيه ومعاها سيتي مشيت من غير ما اتكلم وهم وراي
فتحت السياره وفتحت لهم الابواب الخلفيه
وصلت عند البيت ووقفت خرجت سيتي وبندري في السياره
طالعت من المرايا على ورى وشفتها جالسه
تكلمت بصرامه : انزلي
بندري فتحت الباب بهدوء وبعدها جالسه
لفيت بعصبيه : انتي وش تبين الحين مو تبيني ابعد وراك جالسه
بندري : عطني كتابي ولا تبيه يبات عندك
طالعت الكتاب اخذته ورميته عليها اخذته وبعدها جالسه
رجعت طالعتها بعصبيه : وشو الحين
بندري بضجر : اففففف مثل ما انت ما تغير
نزلت من السياره وقفلت الباب بسرعه نزلت بعد من السياره ولحقتها
ركبت المصعد وبسرعه فتحته وخرجتها منه بقوه
بندري : انت مجنون
قربت منها : ايه مجنون عندك مانع
بندري باستعباط : لا دواس
حسيت عصبيتي بدت تطفي وجا شبح ابتسامه على شفاتي
بندري : وخر عني
بعدت شوي : والله انتي الي مثل ما انتي
بندري بحزن : ليه الحين يا مازن
مسكت يدها : وش فرقت الحين ولا بعدين
بندري سحبت يدها بهدوء : انت متزوج وانا مخطوبه
راحت من يمي وانا تنهد وحطيت يدي على شفاتي وبستها ..
................................................
غاده :
جالسه اسوي الغدا وحنين تسولف لي عن تحويلها هنا
حنين : تهقين صعب
غاده : والله الموضوع يبغاله شوية اهتمامات
حنان : اهتمامات مثل وشو
حكيت راسي : يعني تعرفين يحتاج تروحين الحين للجامعه هنا وتكلمينهم
وهم اكيد بيقولون لك اذا في مكان ولا لأ
حنين : بس لو مافي مكان وش اسوي انا ابي اكمل دراستي
دخلت هيام : انتي والدراسه خلاص عندك زوجك بلا دراسه بلا كلام فاضي
ضحكت عليها : انسي تتزوجين عزوزك الا بعد الجامعه يا ام الخراب انتي
ضحكت هيام : يوم تكونين مسئوله عني تعالي اهرجي
حنين : انتي و وجهك انا اهم شي بناتي بكرا لا اسألوهم امكم وش تعليمها يقولون بفخر
ماخذه بكالوريا على الأقل
هيام : اممم دام فيها عنطزه بفكر في الامر
هزيت راسي بمعنى لا حول ولا قوة : العلم عشان ياخذون اجر وهذي تبي تعنطز
هيام : لا مو انا اتعنطز عيالي اجل تبين عيال لجين وهالقرده يفتخرون وانا عيالي تقال مساكين
حنين : اذا انا قرده وش تقولين عن عمرك تقولين شايفه دراكولا
هيام : وش فيه دراكولا يا زينه يهبل
غاده : اسسسسسس بس صدعتوووووني ما اصدق اخلص من هالطبخ تجوني انتوا
حنين تساسر هيام : ليه الطبخ يهاوش
هيام : يمه لا يكون الخضره تكلم
ويموتون ضحك غصب عني ضحكت معاهم : مهابيل بالله هذي وحده متزوجه
حنين : وش يعني متزوجه يعني عجوز ترا عمري 19
توي اخطوا نحو الفضاء
هيام تقوم تطلع سندوتش وجبن : أي فضاء انتي وجهك
سحبت الجبن : وش بتسوين الغدا بيجهز الحين
هيام : يووووه يا غاااااده لازم اكل شي خفيف في البدايه تبغي بطني تقوم علي
غاده : لا تقوم ولا شي دلع بس
حنين : لا والله صادقه يعني اول ما تفتح البطن شي قوي يلوع كبدها بعدين
قمت : والله انتوا الي بتفجروني مغثه
يضحكون البنات وانا طلعت ادور ملاك ومؤيد لقيتهم عند امي
جلست : ملاك ماما طفشتوا امي قوموا
ملاك : لا يا ماما ستو تقولنا حكايه مره حلوه تعالي اسمعيها
ابتسمت : يمه ازعجوك
امي : وانا امك ماحد مونسني غيرهم خلني اسولف لهم
وكملت امي الحكايه لملاك ومؤيد وانا سرحانه .. هذاني في المدينه وما ادري عن منصور شي
غمضت عيوني كل ما اتذكر الذل الي ذلني هو احس بقشعريره في جسمي كله
ما ادري وش سببها هل هو شوقي له ولا كرهي لحقارته ومذلته
زين ليش تقرب مني دامه مو طايقني ااااه من ذيك السفره
وش تسوي الحين يا منصور .. وش بتكون ردة فعلك لا طلبت الطلاق منك
دخل طلال وهو مبتسم : كيفها غدو
ملاك تدقني : ماما كلمي خالو طلال
طالعت طلال وابتسمت : هلا طلال وينك من الظهر عاد
ابتسم لي : غاده تعالي معي ابغاك في سالفه
قلبي نغزني اكيد موضوع يخص منصور اعرف طلال
رحت معه وجلس في الصاله وجلست : وش في خير ان شالله
هز راسه : كل خير منصور كلمني
انخطف لوني من جاب طاريه رغم توقعي بس بعد قلبي قام يرقص رقص
كمل طلال كلامه : قالي هو صح غلط وانا فهمته وش صار مع الوالد وهو حاب يكلمك
اخذت نفس بعمق : ما ابغى اشوفه يا طلال انا اخذت قراري وما ابغى أي شي يضعفني عنه
طلال : بس انتي يا غاده تستعجلين حرام عليك لا تكونين انانيه فكري في عيالك
تكلمت بسرعه : عيالي ما عليهم خلاف وهم بعينهم شافوا عمايل ابوهم قولي طلال
وش الي يجبرني اعيش مع واحد مثل منصور
جات هيام : الي يجبرك انك تحبينه
طالعتها بعصبيه : انتي انطمي لا تتكلمين
هيام : ليه معصبه اذا ما تحبيه ما تعصبي بس عشانك تموتين فيه معصبه
قمت من مكاني معصبه : انا الي عندي قلته
طلال وقف : هو ينتظرك في غرفة الجلوس
لفيت راسي اطالعه باستغراب : نعم
طلال سحبني : قولي له هالكلام بنفسك
رحت ورا طلال وانا مذهوله دخلت الغرفه وهو وقف يوم شافني
شلت عيوني بتوتر ومشيت وجلست قباله
منصور بتردد : غاده .. كيفك
لويت بوزي واخذت نفس : ما اشكي باس
طلال : يلا تفاهموا عن اذنكم
طلع طلال ومنصور قام جلس جنبي ومسك يدي كانت كل ذره في كياني متلهفه عليه
بودي لو اضمه في صدري لكن جرحي ينزف منه حسيت بذل عمري في حياتي ما حسيته
شلت يدي بسرعه : وش تبي الحين
منصور : عمري
طالعته بصدمه : عمرك !!
منصور : وحياتي بعد اعذريني حبيبتي اعذريني يا رو...
قمت من مكاني نسيت كل شي سويته وتذكرت ضرب ابوي لي تذكرت مدت يده علي
والحين بكل بسااااااااااااطه يقووووولي اعذريني : انت وشو جماااااااااد
انت انت انا مستحيل اسامحك منصور .. مستحيل انسى الي ذقته بسبتك
دمعت عيني وانا اتذكر ضرب ابوي لي وقدام عياااااااااااااااااااالي ..
مسكت مكان الضرب الي اثاره باقيه للحين : شف شف
هذا وجهي وهالآثار كلها انت سببها
اشرت على قلبي بقووووووه وقهر وصياح : وهالجرح الي هنا انت طعنتني
انت وليت وما رضيت تسمعني وانا الي فرشت لك الارض ورد ونسيت ماضيك والي سويته فيني
وفي عيالك وانت لجل سبب تافهه قومت القيامه علي .. وجاي بكل بساطه تقولي عمري
منصور قام ومسكني بقوه بيضمني لصدره لكني كنت اقوى منه لجل اتحرر من ضمته وابتعدت
وطالعته وانا امسح دموعي : عمري ما راح انسى الي صار لي بسبتك يا منصور
ما عمري تخيلت انضرب قدام عيالي وانا في هالعمر .. عشان زوجي تخلى عني
في اخر الليل قدام بيت ابوي .. صدقني يا منصور .. ما حسيت بالغربه
الا في ذاك الوقت وما احد بيشفي الي صار الا شوفتي لحرقة قلبك قدامي
منصور قرب مني وبألم : لهالدرجه قلبك قاسي يا غاده ..
لذي الدرجه راح كل الحب من قلبك ..
بلعت ريقي : القسى من سقياك خذيته لا تكلم عن الحب وانت ما تعرف معناه
منصور : والي عشناه وش تسمينه
طالعته وخنقتني العبره من جديد : الي عشناه كم شهر بالنسبه لـ12 سنه
هذا اكبر دليل اني في حياتك ولا شي طلقني .. هالشي الوحيد الي ممكن يثبت حبك لي
منصور بصدمه وشعلة غضب : مجنونه احد يحب احد يقوم يبعده
تكلمت بمراره وانا اسمم في كلامي لجل يسم قلبه مثل ما سمني : سعادتي يوم تكون بعيد عني
طلعت من الغرفه بسرعه وانا اشوف هيام وطلال وحنين يطالعوني مسحت دموعي
واحس اني بنهار وقلت بصوت متقطع : طلبت .. الطلاااااق
مرام :
ما صدقت متى يأذن العصر توضيت وصليت ونزلت بسرعه لمكتب ابوي
دقيت الباب دقات متتاليه وسمعت صوت ابوي من داخل
ابتسمت وفتحت الباب : كيفه الحلو
ابوي ابتسم وحط الكتاب الي في يده : اهلين حبيبة قلبي اقربي
قربت من ابوي وبست راسه : يبه
طالعني ابوي : يا عيونه
ابتسمت لحنية ابوي حسيت دموعي بتذرف ذبح قلبي هالانسان
قتلني يا ابوي نشل ثقتي بنفسي مسحت دمعتي وابوي قام : افاااا له له وش له هالصياح
ضميت ابوي : يبه الله يخليك خلك معي
ابوي انفجع : انا عشانكم يا بنتي موجود وش الي صيح حبيبتي
مسحت دموعي : ممكن نجلس
ابتسم ابوي واخذني معه وجلسنا على الكنب مسكت يد ابوي وبسته : يبه ابي اقولك موضوع
وتكفى يبه لا تعصب ولا تجبرني على شي انا ما اقدر اسويه
ابوي : خير يا بنتي
بلعت ريقي وبصعوبة : يبه انا ومازن ما نقدر نكمل مع بعض في فترة الملكه هذي اكتشفنا
انا مو متوافقين اعرف مازن ما فكر في هالشي بس انا مستحيل اعيش مع واحد حياتي راح تدمر معه
حرام اظلمه واظلم عيالنا في المستقبل والمفروض دامي عرفت هالشي من بدري
لازم انهي كل شي قبل ما تصير اشياء اكثر
طالعته برجا ابيه يتكلم ويقطع هالهدوء : فاهمني يبه صح
سكت ابوي : مازن يدري باللي تقولينه
نزلت راسي : يمكن ما بينت له بس صار لي فتره ما كلمته
ابوي : وانتي ليه تتكلمين عن الموضوع من وجهة نظرك يمكن الرجال ما يوافق
دمعت عيني من جديد : انت قلت بتوقف معي
تنهد ابوي : واخوك مافكرتي فيه واختك ..؟
طالعت ابوي : انفصالي من مازن مو نهاية زواج ماجد ولا خلود
مستحيل هم يفكرون بهالطريقه
لوى بوزه ابوي : اخوك بيفكر كذا هذا ماجد .. واعرفه زين ..
زين يبه شوف هالموضوع ما نفتحه الا بعد عرس اختك كلها شهر اصبري وانا بشوف الموضوع
مرام : يبه انا استخرت وارتحت للي بسويه
تنهد ابوي : الي فيه الخير ربك يكتبه يا بنتي ..
بست راس ابوي وقمت : الله يخليك لنا تامرني على شي
ابوي ابتسم لي : الله يوفقك انتي واختك
طلعت من غرفة ابوي وغمضت عيني وش فيك يا مرومه خلك قويه هذا الشي احسن
وانتي حرقتي كل شي يتعلق فيه ليه خايفه
تنفست بعمق وفتحت عيني مسحت طرفها لأن دمعتي بغت تنزل وطلعت غرفة خلود اشوفها
لقيتها جالسه مسرحه جلست جنبها : خلود
خلود : همممم
بارتباك : بقولك شي وما تزعلي
طالعتني : وش عندك بعد
مسكت يدها : انا ومازن راح ننفصل
ابتسمت خلود وشوي ضحكت بقلب صدمتني حركتها وتركت يدها
طالعتني وهي تضحك : الا ما قلتي لي حظي وحظك طايح مثل منو
حسيت بضحكه وشوي فرط ضحك وهي ماتت ضحك فجأه صحت ضمتني خلود لصدرها
وبكيت اطلقت العنان لدموعي هالمره بعد فتره
تكلمت خلود : وش فيك يا مرام وش الي يصيحك
تكلمت بنبرة خافته كئيبه : عمري ما توقعت اني بنفصل عنه دايما هو الي في بالي
في كل حلم حلمته في كل امنيه تمنيتها مازن لازم يكون فيها
خلود باستعجاب : زين وش الي صار وش الي غيركم ...؟
غمضت عيوني لجين .. اخته حرام اسبب مشاكل لها خلاص السبب ما توافقنا
خلود : تكلمي
رديت عليها بألم : ما قدرت افهمه او استوعبه احسه غير عني وغير تماما
خلود : هه وش تقولين عني دخيلك اذا مازن ما فهمتيه وش تقولين عن الي عندي كل ما شافني هاوشني
ما اسوي له شي بس معصب ومتنرفز والي سواه البارح مو شوي
مرام : والله صادقه الحمد الله على كل حال .. الا وش الي تفكرين فيه
ضحكت خلود : كنت افكر شلون احول هالوحش الى انسان لطيف
ابتسمت : زين والله بتروضينه
ابتسمت بسخريه : أي ترويض الله يعافيك عرسي بعد شهر وانا خايفه على نفسي
ضحكت : قومي قومي صح نسيت اقولك امي لا تدري بالسالفه ولا بتقلب البيت حريقه علي
خلود : ليه ما حد يدري
مرام : ابوي بس وبعد عرسك بيصير كل شي ان شالله
خلود : اها زين مانتي خايفه
مرام : من ..؟
خلود بعد تردد : مطلقه
طالعتها وبكل شموخ : ليه كل مطلقه منبوذه وش هالأفكار السخيفه
خلود ردت : اذا تطلقتي هاوشي المجتمع
ابتسمت : المجتمع الي تتكلمين عنه ما يملى عينه غير التراب .. الزم ما علي راحتي
والي يبغى يتكلم يتكلم .. انا ما كفرت بربي
خلود : بس الطلاق ابغض الحلال
تنهد : حنا تسرعنا ليتني ما وافقت ..
خلود : ما ينفع الندم والتحسف الي صار صار
ابتسمت بحزن : على قولتك شفتي نجوى
عضت شفايفها وردت : لا مالي نفس اروح
سكت يحق لك بعد الي صار لك البارح لو انا بدالك اعاف البيت كله ..
عبد العزيز :
كلمني طلال وقالي على مسكنه الجديد وعزمني عليه
انتظرت المغرب يأذن ونزلت متحمس بشوف وش عنده طلال
امي : انتبه عزيز
ابتسمت : ها وشلونها العروس
امي تضحك : أي عروس يا ولدي
قربت منها : هالدره الي عندنا وش يقولها
امي : وي عليك يا عزيز
بست راسها : ها كلمتك لجين
امي : ايه يعلني ما اخلى منها باكر بيوصلون ان شالله
ابتسمت : ايه هالأخبار الحلوه .. ها الغاليه اجيب لك معي شي من برا
امي : فديتك يا ولدي انتبه لنفسك
اشرت على عيني : من هالعيون
خرجت من البيت ووصلت للمكان اتصلت على طلال ودلني على الطابق الي ساكن فيه
طلعت وانا متوتر وافكاري توديني وتجيبني قطع علي افكاري فتح طلال للباب وترحيبه
ابتسمت له وبحبور : الله يخليك يا ولد العم ..
دخلنا المجلس وجلسنا طلال يتكلم : ها وشلون الشغل معاك
عزيز : والله ارهاق بس ان شالله اسبوعين وماخذ اجازه
طلال : الله يعينك يا رجال .. وكيفه بندر وخالك
ابتسمت : لا باس عليهم .. انت بشر عن عمي
طلال ضحك : جايك في الكلام لا تستعجل .. بس بغيت افاتحك بموضوع اهم صراحه
عدلت في جلستي : امر يا ولد عمي
طلال : شوف عزيز من يوم الموضوع صار وانا حالتي بالهم ما يعلم بها الا الله وبنت خالك
الف مين يتمناها بس انا متزوج ومبسوط مع مرتي وما ابي اخرب حياتي معاها
والحرمه ما جاني منها قصور لجل اتزوج عليها .. انا ادري اني عطيت خالك وعد
وهالشي الي مضايقني صراحه لأني ما عرفت اتصرف في ذيك اللحظه
عزيز : والمطلوب مني
طلال : ابد الي ابيه رايك ابي اكلم خالك والغي هالشي انا ما اقدر اكمل حرام اظلم بندري وحنان
عزيز : صادق يا ولد عمي وبندري توها صغيره انا بشوف الموضوع وان شالله ينحل
بس انت لا تشيل هم اذا شفت خالي مرتاح بقولك تجيه وتكلمه في الموضوع
طلال : ما تقصر والله سبع ولد سباع
عزيز : من طيب اصلك .. والموضوع الثاني
طلال : الموضوع الثاني يتعلق بأبوي .. بصراحه الوالد زوج هيام
جلست اطالع طلال مصعوق من كلمته : وشو
طلال : انا ما ابيك تضايق لكن هالي صار وتعرف ابوي ما احد يقدر يوقف بوجهه
قمت وانا قلبي بينحرق : لا غلطان انا بوقف في وجهه وهيام من ربي خلقها مسميه لي
ومستحيل اسمح لأحد يقرب منها
طلال وقف : اجلس يا عزيز واستعيذ من الشيطان
بعصبيه وصدمه ماني عارف وش اتكلم : أي شيطان وابوك الي مسويه ما تقول انه شيطان
عمي مصخها مستحيل اخلي هيام تروح مع احد فاهم انت
شفت طلال يضحك : ايه فاهم تبغاني اعيد كلامك
كان ودي اسوي شي واحد اعطيه كف انا محروق وهو يضحك ببرود
طلال : وعشان كذا اقولك روح جيب الملاك كان تبغى هيام
وقفت مصنم : وزوجها
طلال بدهشه : هماك تقول بتوقف بوجهه
عزيز : ايه نعم
طلال : زين ما في لا زوج ولا شي
جلست وانا متنح ورجعت وقفت : اقول تكلم زين لا امط لك شعرك الحين
ضحك طلال : يا خي اسولف معك ابوي في المستشفى وهيام الحين على ذمتي
قمت بسرعه من غير ما اسمع ولا كلمه وطلعت بسرعه برا البيت اتصلت على مازن يجي بسرعه
عند بيتنا ويجيب معه احد واثق فيه وانا اتصلت على 2 من ربعي وواعدتهم ينتظروني عند البيت
ورحت بسرعه اشوف لي ملاك لجين وكلمته واخذته معي مريت عالشباب واخذتهم
ووصلنا بيت طلال جلست اطير من السرعه والشيخ يهديني وانا مبتسم واقول : خير البر عاجله
مازن : بتقول السالفه الحين ولا شلون
فتح طلال الباب وطالعني مازن بفرحه قويه من فرحته شالني وهو يضمني
والشباب يضحكون حسيت ان دموعي على وشك لكن حمد الله عقل مازن ونزلني
دخلنا جوا وطلال مصدوم كلم الشيخ طلال وصارت الامور خلال ربع ساعه
خرجوا الشباب وما بقى غير انا ومازن وطلال الي واقفين
لين الحين احس اني مو مستوعب .. انا متزوج .. ومن من .. من نبض قلبي ..
طالعت طلال : ابغاها الحين
طلال : لا لا مافي بنسوي لها ملكه وبعدين ادخل لها
مازن مسك طلال وحوطه وانا اضغضغه وطلال منفرط ضحك
وهو وسط ضحكاته وافق يخلي هيام تدخل لي
ابتسمت : ايه كذا خلك عاقل ..
طلال : زين لكن مو الحين المسا: عازمكم عندي الله يحيكم
طالعته : زين حرام عليك لمحه بلمحها
طلال : كله في الليل لو تبي تنام عندنا بعد نام
طالعت مازن : وش رايك في خساسته
مازن ابتسم : ما قال شي صادق البنت لازم تتكشخ انت وش فهمك
ضحكوا الثنين حبيت انغز مازن : اقول طلال من قدك بتعرس عالثانيه
انقلب وجه مازن وصد بوجهه وطلال ضحك : مثل ما خلصت موضوعك لزوم اخلص موضوعي
طالعته : تبيني اليوم اجيب خالي ..
مازن وقف : يلا عن اذنكم وراي شغل
ابتسمت وطلال وقف : تو الناس يا رجال
مازن بعبوس : اسمحلي مضطر شوي يلا عن اذنكم
طلع مازن وانا اضحك طلال مستغرب منا : وش سالفتكم
رفعت حاجب : ولا شي يلا خلني اروح ابشر الوالده
خرجت من عند طلال وركبت سيارتي اتصل جوالي وابتسمت يوم شفت الرقم : يا حي هالصوت
لجين : حبيبي اشتقت لك
عزيز : يا روحي انتي .. كيفك يا قلبي ..؟
لجين : بخير حياتي كيفك انت وش مسوي ..
عزيز : عندي لك مفاجئه بتدوخين لا شفتيها
لجين بحماس : صدق وش هي
ضحكت : شلون بتصير مفاجئه وبعدين هي ما تنسمع لازم تشوفينها
لجين : هيا عاااااد عزوز عن المصاخه
ابتسمت : متى جايه
لجين : باكر ان شالله
رفعت حاجب : اجل خلاص عن الدلع اصبري يومين بس
لجين بدلع : عزووووووزي بلا بيااااخه ترضى تسوي في اختك حبيبتك كذا
ابتسمت : لا والله ما ارضى بس هالشي بالذات لازم تشوفينه بعينك
لجين : اوكي دبه براحتك
ضحكت عليها : لولو حياتي
لجين : همممم
بحنيه : وش فيك يا عمري وراه صوتك حزين
لجين : اااااه يا عزيز .. ماني عارفه وش اسوي كل ما اقول اليوم اقوله احبك
اخاف واتردد وارجع عن قراري
عزيز : يا بعد قلبي .. الا الحب لا تخبينه انتي بتتعبين يالغاليه .. وهذا زوجك فرحي قلبه
لجين : المشكله هاليومين مزاجه حاد ما اعرف بسم الله وش الي صاير له من رجعنا
من المقابله وهو حاله مقلوب علي
رفعت حاجب : يمكن قلتي شي زعله
لجين بتفكير : لا ما قلت متأكده .. بس هو يدلع هو الي يغيظني اصلا
ضحكت : يمه لجين انا وش قلت لك الحرمه الي بتداري زوجها وبيتها تلين مع زوجها
ولو انه شد معاها هي ترخي
لجين : يا سلاااااااام كذا اكون ضعيفه قدامه
استغربت : من قالك
لجين : شو الي من قالي يعني الحين بالله عليك اذا صرخ فيني اضحك بيسطرني بكف
ويقول ذي ما عندها كرامه اصلا
عزيز : يا روحي انتي لا تخلين هالأفكار تهدم علاقتك مع زوجك انا ما قلت اضحكي خلك ساكته
واذا هدى شوي اطلعي من الغرفه هو بيحس بغلطه بعدين
لجين تتنهد : يصير خير ان شالله يلا حبيبي خلني اروح اجهز الشنط تامرني على شي
ابتسمت : وصولكم بالسلامه ان شالله
قفلت من عند لجين وطرت عند امي بفرح قلبها يا عساني ما اخلى من فرحتها
البندري :
اول ما رجعت من اختبار القدرات حطيت راسي ونمت كنت مهلوكه واحس السخونه تفور دمي
صحيت العشا بكسل قمت جلست وخرجت اشوف ابوي .. ابتسمت له
ابوي : ها يبه بشري شلون الاختبار معاك ..
ابتسمت بتعب : حلو بس شوي فيه الغاز
ابوي : الله لا يضيع لك تعب يا عمري ..
هزيت راسي : امين يبه وش قالوا لك عالإبر ..
امي جات : اليوم بعد بيروح ياخذ ابرتين ..
ابتسمت وحطيت راسي على ورى : معافى يبه
امي : وش فيك يمه
هزيت راسي نفي : شوية سخونه بس
امي : ما تغديتي احط لك غدى
بندري : وشو غداكم
امي : رز وايدام صيني
حسيت ان مالي نفس : لا يمه بسوي لي ساندوتش واشرب الدوا
قمت رحت المطبخ وانا احس بدوخه سويت لي وصله صغيره اكلتها وصبيت لي مويه ورحت غرفتي
اخذت الدوا وشربته تخيلت مازن آآآآه يا عمري عليك أحبك والله أعشقك
ما وحى لي افكر فيه الا الجوال يتصل رفعته يوم شفت اسمه فزيت وقلبي يقرع كأنه طبول
عدلت جلستي وضبط شعري كأنه شايفني ورديت بهمس : هلا
مازن بصوته السلس : كيفك
هزيت راسي : الحمد الله احسن
مازن : كيف اختبارك ..؟
ابتسمت : حلو تسلم على مساعدتك
مازن بحزن : ولو كان ودي اساعدك اكثر .. بندري
يا لبااااه يا عساني فدوه لعيونك : امرني
مازن : انتبهي على نفسك .. انتبهي زين والي يعافيك ويخليك
غمضت عيوني وبصوت مخنوق : ليه تقول كذا
مازن بصوت متعمق : مع السلامه
قفل ودمعت عيوني ليه قالي كذا حرام عليك يا مازن والله حرام
حسيت اني مخنوقه بنفجر بنفجررررر من الضيق طلعت من الغرفه اخاف اتعب اكثر من البارح
فتحت الباب وشفت بندر قدامي خشمه محمر وعيونه نفس الشي ومنفخه هذا وينه من البارح
رحت عنده وانا خايفه : وش فيه صار شي
بندر بصوت مخنوق : بتزوج
بهمس وخوف : من
بندر : رنا بتزوج من قرايب ابوها
بدى قلبي يخفق بزياده هذا هو القدر بللت شفايفي ومسحت دمعته : خلود تسواها واكثر بعد
بندر : احبها يا بندري 7 سنين يا بندري سبع
مسكت يده : ان شالله مليون خلود مافي منها انت افتح لها قلبك
ضمني وجلس يصيح مثل الطفل تقطع قلبي عليه عجيب امرك يالحب حتى المغرور تذله
حتى الي دومه فوق تنزله في القاع .. آآآه يالحب ما سويت في الناس خير ..
...............
مـــــــــــــــــرام :
كنت في دور ماجد جالسه اضبط له الغرفه بكرا راح يوصل اكيد راح ينبسط
اذا جهزنا له كل شي فديتك يا ماجد والله اشتقت لك .. بتكون معك اخته يعني راح اتذكره غصب
انا وش الي مخليني افكر فيه الحين اففففف منه اكرهه جلست بعجز وش الي اكرهه اخدع نفسي
انا للحين احبه بس اكرهه في نفس الوقت وانا وسط تفكيري .. بدت اغنية عبد المجيد تطرى علي
يكرهك نصفي ونصفي فيك ذايب هه يا حليلك يا عبودي صدقك والله
قمت من الغرفه ودخلت غرفتي شغلت الاستريو وطلعت الشريط وشغلته
ابتسمت بكآبه الله يقلع هالقلب اللي فكر فيه افففف مابي احس ذكراه تعانقني
دخلت خلود وهي تهز رجولها ومسكت يدي وبدت ترقص بروقان
ابتسمت : عاشووووااا
خلود وقفت : وش هالأغنيه يا عبودها
ضحكت من خاطر : اول مره احس في اغنيه صادق فيها
ضحكت خلود بقلب : اقول سمعتي سليمان الجبيلان وش يقول .. في شريطه وهم الحب
تذكرت هذاك الشريط الي جابه لنا سعد ومت ضحك هالشيخ اسلوبه على كثر مو حلو الا انه يحببك
في الدين ازود يضحك ويفرفش ويمزح مو متزمت ويكرهك في الاسلام : تصدقين انا معجبه
خلود بعلامة استعجاب : في من ..؟
رفعت حاجب : في سوسو
ضحكت خلود : وصار سوسو بعد
قمت سكيت الاستريو ووجلست ادور هالشريط ابي اسمعه صار لي زمان عنه ولقيته اخيرا
طالعت خلود : تبين تسمعين
خلود : يلا شغليه والله يوسع الصدر
شغلت الشريط وجلسنا انا وخلود قدام الاستريو وبدأنا نسمع الشيخ وهو يشرح حالات البنات مع الحب
ولا الشباب وشوي يقول الأغنيه الفلانيه درن درننن << يلحنها
وانا سهران بحبك حبيبي وانا وشو حبيبي والبنت تلطخ في خده أيه والله ذا حالي
متنا ضحك انا وخلود حسبي الله صدق نفشل هههههههه
فتحت امي الباب : مرام وراك جالسه
قفلت الاستريو : هلا يمه وين اروح
امي : انزلي مازن تحت يبغاك مع ابوك
خلود طالعتني وغمزت لي وانا صرت ارجف : زين الحين بلبس وانزل
قفلت امي الباب وطالعت في خلود : تهقين ابوي كلمه
خلود : ما ادري خلنا نسأل الشيخ هههههههههههه
طالعتها : هي هي هي تضحكي تصدقي
خلود : البسي البسي لا تتأخرين
قمت اخذت بلوزه اكمامها طويله وتنوره طويله لبستها ونزلت
دقيت الباب بشويش ودخلت : السلام عليكم
مازن : وعليكم السلام
ابوي قام : اتركم تفاهمون
طلع ابوي ونظراتي تاهت في الغرفه او في الفراغ الي تركه ابوي
اخذت نفس بهدوء ورحت جلست مازن ضام شفايفه ويطالعني : شوفي يا بنت الحلال
طالعته : خير .. وش في
رفع حاجب وتكلم بحذر : لا تتطريني امد ايدي عليك تكلمي عدل معاي
جلست ارمش وزفرت : زين تفضل
مازن : انا بقولك شي يا بنت الناس الي صار لنا في الحديقه ما يحق لك تسوين هالشي من غير
ما تفهمين هذي وحده متعلقه فيني .. ولا اقولك ماني ملزوم اشرحلك لكن خلي في علمك هالشي
انا ما اطل في هالأشكال والبنت الله يهديها اظن كذا شرحت موقفي
مرام : والمطلوب مني
مازن يطالع في عيني بكل قوته : لو عندك شوي من الذوق اعتذرتي على الكلام الي قلتيه
بلعت ريقي بصعوبه : هه وش تفسر تصرفاتك معي مازن من يوم ملكنا للحين تعشقني
ولا ميت فيني مثل زمن اول
مازن : ادري اني مقصر بس ما اعتقد اني الي سويتيه انتقام لأيام ملكتك
طالعته بألم : مازن ليه تكذب او تحاول تبرر لنفسك انت تحبها
حسيت النار بيتطاير من عينه ومسك يدي بقوه وبأصابيعه اشر على عقلي : هذا وشو
فهميني انتي ما تفهمين انا ما اعرفها زين لجل احبها
ما قدرت امسك دموعي شلت يده بقوه ووقفت : ما تحبها لكن تحب غيرها
وقف وزفر زفره قويه : ايه احب غيرها
حسيت شفايفي ترتجف وبعد تعترف لي بللتها وغمضت عيني : شفت الذوق الي انت فيه
مازن : مرام .. افهميني نا ما قلت لك احب غيرها معناته بتزوجها انتي زوجتي بس مابي اكذب عليك
فتحت عيني والدمع مثل النهر على خديني : احيانا يكون الكذب اهون
عض شفايفه بقوه : والله ما اعرف وش اسوي معك يا بنت الناس ابي اريحك واريح نفسي
طلعت الخاتم من يدي ورحت جنب الباب فتحته ورميت الخاتم وهو مذهول : مع السلامه
انا مابي اشوف وجهك ثاني مره كذا برتاح وانت ترتاح ..
رفع حاجب وفي ثواني وقف جنبي ومسك خدي بأقوى ما عنده لدرجه حسيت فكي بيطلع من مكانه
تأوهت من الألم وشفت ابتسامة سخريه على وجهه وبكل وحشيه : عسى بس ما يكون هالألم
في قلبك انا جيت انهي الموضوع باحترام على بالي في ناس محترمه نسيت اني اتكلم
مع وحده عديمة ذوق ومسئولية .. ( لف وجهي بقوه مكان ما رميت الخاتم )
شفتي لو لا ابوك كان رحت خليتك تبوسين مكان الخاتم ..
دفني بعيد عنه : مسحي دموعك خسارة الوقت الي ضيعته مع وحده ما تعرف الأصول
مسحتها بشراسه واطلقت ضحكه هستيريه : الله عليك يا ولد الأصول رح رح لحبيبة قلبك وراك تنتظر
ولا اقولك قبل ما تروح لها خذ لها هالخاتم الي رميته ولا اوصيك قلها على تجربة شبكتك الفاشله
قلها وانا انزف تخيلتك معي بدالها زين يا ولد السنع
هز راسه بعلامة يأس ورجع على الطاوله اخذ البوم رماه علي طاح في الأرض تناثرت صوري
الي في شبكة اخته ما صدمني هالشي قد صدمتي بصوره المنزوعه منها
طلع جلست اطالع مكانه الي تركه وصدا كلماته تردد في ذهني حطيت يدي على اذني امنع هالصوت
خلاص بس بس راح بلا رجعه نزلت اشوف الصور وانا اشوف صورته وهو شايلني
من غير راسه ههههههههههههههههههههههههه ههههههههههههههه
ليه ما قص قلبه بدل هالراس الي ما منه شي ههههههههههههههههههههههههه
آآآآآآآآآآآآآآآآآآآآآآآآه بديت ابكي ابكي بحرقه وانا اقطع هالصور واتفل عليها طلعت من الغرفه بسرعه
وابوي جاني ضميته وجلست اصيح : يباااااااا اكرهه يا يبااااااااا
يبه : وش صار يا بنيتي ..
ضاعت كلماتي مني جلست اشتمه من قلب لين حسيت راسي بدا يلف وطحت على صدر ابوي
.................................................. .............
هــــــــــــيـــــــــــ ــــام :
قمت معصبه : احبه ايه لكن ابي شبكه مثل اوالأوادم كل البنات يسوون شبكات يا زينها الا انا يعني
غاده : يا هيام اقصري الشر وقومي ننزل السوق نشتري فستان نعوم والبسيه لزوجك
حنين : هذي الي ذبحتنا اذا الزواج بعد كم اسبوع وش له تسوين شبكه
هيام : كذا مابي احس شي ناقصني
غاده : يعني مو يكفي وجود عزيز معك
حسيت بخنقه وصيحه : هاللي قهرني فيه فكر في نفسه وما فكر فيني كنت ابي لجين تفرح معي
وابي ابوي يا غاده معي
غاده ضمتني : يا بعد عمري الا ملكه ان شالله يوم العرس الكل بيحضر
بكيت في حضن غاده : ابوي بيطلعونه من المستشفى
دخل طلال : من عيوني بروح اجيب لك ابوي بس قومي اجهزي لي عزيز يلا
رجعت بضجر اتكلم : يووووه الحين بروج اشتري فستان ولا اروح الكوفيرا تضبطني
حنين تمسكني : مو لجلستي كذا فما راح يصير شي
تأففت قمت لبست عباتي وركبت السياره وانا اتنفس بعمق غصب عني رجعت ابكي بصوت غير مسموع
لجل ما يشيلون هم علي ليه هالخوف اللي احسه يارب
نزلنا محل للفساتين ما عجبني شي كلها اشياء دفشه والوانها معفنه
رجعت السياره وجات غاده : انتي ليش كذا
تكلمت : ياربي انتي الي بتلبسين ولا انا كلها معفنه
طلال : ههههههههه الله يعينك يا عزيز على نفس هيومتنا اليوم
لفيت وجهي وحنا ماشيين شفت فستان نعوم يهبل على المونيكان صرخت : بس وقف هنا
طلال : وين
اشرت لها بانفعال : هنا هنا
غاده : ليش
رجعت مكاني بهدوء : الفستان التركواز عجبني
طالعت غاده : والله روعه خصوصا انك بيضه فبيجي عليك صرخه
نزلنا المحل وشفت الفستان كان نعوم حيييييييييل في نفشه بسيط من تحت
وعاري من فوق ومزمزم من تحت وعند كل زمزمه وحده فراشه باللون الوردي المخملي
وفصوص ورديه بسيطه ومن فوق دانتيل اطرافه مفصصه بالوردي ومعه مثل الطاقيه بس ماهي
طاقيه كيف يعني اوصف لكم اممم يعني كأنها ربطه بس على شكل كاب من قدام نعومه مره مزينه بفراشات
وورود من الجنب بصراحه اتسطلت عندها
رحنا عند الكوفيرا وبدت تشتغل في وجهي وانا قلبي يرقع الله يستر وش بتسوي
فتحت عيوني وما عجبني المكياج كان غامق ومكبرني تقال وحده عندها درزن عيال
ما عجبني وقمت غسلته وخليتها تحطي لي اللون الوردي وبصلي والكحل تركواز ومن تحت شي خفيف
وصغير مره بنفس اللون واكلين فضي وطبعا كان شكلي نعوم مرا وغاده مو عاجبها تقول بزر ههههه
رديت عليها : اجل تحسبيني مثلك لا يا ماما
رحت عند التساريح وريتها ابغى نص شعري مفتوح وفيه لف بسيط ونعوم
وسوت لي مثل مابي رحنا البيت على الساعه 10 ودخلت غرفتي ولبست الفستان
دخلت امي علي وزغرطت وضمتني لها : فديت القمر الي عندنا
دخل طلال : الللااااااااااه متأكدين ما غلطوا وجبتوا غير هيام
صقعته : يا باااااايخ
حنين : احترمي نفسك
فتحت عيوني : وش دخلك الحين
حنين بابتسامة صفرا : انتي تسبيني انا
سويت لها مالت وضحك طلال وضم مرته وخرج معها
وعليت صوتي : ايه ما قدر يستحمل
غاده تقرصني : يا قليلة الحياااااا يا معفنه
ضحكت بنعومه : عااااااادي وش فيك معقده
غاده : ايه حيل شوفي بنتي لا تخرب
ملاك : رجعت ماما وتقول تخرب يا ماما انا كبيره
ضحكت : شفتي كيف ..
غاده : يلا اطلعي ترا بندري جت مع مرة عمي
ابتسمت بفرحه : والله يا عمري ريحة اريج
غاده تمسكني بقوه : اسسسس لا يسمعك طلال
عضيت شفايفي : معليش ممكن تسلفيني شوية عقل
ملاك : ههههههه راح عقلك في مجلس الرجال
ضحكنا على هالفنعوصه خرجت اسلم على عمتي وبندري الي زغرطوا وكل وحده ضامتني لفتره
ابتسمت وحسيت عيني بدت تدمع بس مسكتها جا طلال من ورى ينادي وانتبهت لربكة بندري
يا عمري عليها مسكينه وحنين تضحك ماهي داريه وش السالفه
خرجت ومسكت يد طلال : طلال مو الحين احس اني خايفه
ضحك طلال : من وشو خايفه
جت بندري عند طرف الباب تناديني لفيت لها لقيتها جايبه لي مسكة ورد نعومه تجنن ابتسمت وضميتها
طلال : تعالي يلا
بندري تهمس لي : لا اوصيك اعيدي عليه مطلع القصيده
يوم تذكرت ذاك اليوم ضحكت ووجهي حمر خرجت مع طلال واسمع صوت الاستريو
مشغلينه بصوت عالي اغنية قربي ليا لساموزين حسيت اني بدوخ من قوة الصوت مالت عليك
يا حنينووو اكيد هذي افكارك رفعت عيني ادوره ما لقيته في الغرفه استغربت وجيت بكلم طلال
الا احس باليد الي محوطتني حسيت بالنار يطلع من وجهي لفيت بسرعه وشفت ابتسامته
رفعت راسي ادور طلال ما لقيته هنا ما قدرت امسك نفسي وش النذاله هذي دمعت عيني
مسح لي دمعتي بأطراف اصابيعه : ليه يا روحي
ميلت راسي وهزيت راسي
قرب مني ويستنشق ريحة عطري ما قدرت اتحمل قربه مني لهالحد
غمضت عيوني وهو ابتعد شوي مسك يدي وجلسني جنبه وجلس يطالعني : هيام
احس مشاعري متأججه اتجاهه واخيرا يا عزيز : يا عيونها
ابتسم لي بهيمان : احبك يا بعد هالدنيا
ابتسمت بخجل ومسكت يده بقوه يمكن احس اني احلم تخيلت ابوي وضاعت ابتسامتي حسيت بالرعب
غمضت عيوني وانا اشد يد عزيز مسكني بيده الثانيه : وش فيك حياتي
فتحت عيني بهدوء وانا امحي صورة ابوي وابتسمت له : ماني مصدقه
قرب مني ولمني في حضنه حطي راسي واتنهدت وطالعته : قالك طلال وش صار مع ابوي
ابتسم لي وباس جبهتي وضمني بأقوى من اول : حبيبتي .. انسي الي صار ابدي صفحه جديده
غمضت عيني وانا اتذكر يوم ضربت ابوي وكان ممكن يموت من ضربتي
سمعت همس عزيز : طالعيني هيام
فتحت عيني وانثر دمعي حط خده علي : هيام تعذبنا كثير خلاص خلنا نعيش حياتنا
ابتعدت عنه شوي وطالعته ابي اشبع عيوني بشوفته فديته يهبل يسحرني اكثر من اول
قربت منه وبسته
(( فراشووه انتي وميووووس غمضوا عيونكم ههههه ))
لــــــــــــجــــــــــي ن :
حسيت عظامي تكسرت من كثر ما جلست في الطياره خلاص ابي ارجع بسرعه تعبت
طالعت ماجد تغير كثير عن بداية زواجنا ااااه شكله كرهني
جلست اتأمله بتعمق نفس الملامح ما تغيرت من زمان اول قاسي والحين بتكمل قسوتك
ليه يا ماجد اصبر علي شوي وانا في وسط هالأفكار فتح عينه وعلى طول لفيت وجهي
جلس وهو معبس بوجهه اف يا كشرته بس هم احبه
طالعني : وش بقى
رفعت حاجب : وانا وش دراني
ماجد : اففففف نادي المضيفه
ضغط الزر وجات المضيفه : يس
ماجد :
المضيفه :
ماجد : Thank you
مسكت كتاب لأغاثا كريستي وجلست اقرى وهو لاف وجهه عني
ماني قادره استوعب حرف واحد ليه كذا يتصرف ما احب هالتعامل حطيت الكتاب ومسكت يده
شالها وطالعني وهو زام خشمه : خير
تنرفزت من حركته : ماجد ما يصير كذا وش فيك انا سويت لك شي
ماجد : لا لو سمحتي قطعتي علي افكاري
سكت ولفيت وجهي وبعصبيه : يعني تبغانا زي كذا
ماجد : افضل
تنهد : اها
لفيت وجهي عليه : ليه تزوجتني
ماجد : افففففففف وطي صوتك تراك منتي لحالك
سكت وبلعت ريقي وانا احسه سكاكين
ما صدقت متى قالت لنا المضيفه ننزل نزلنا وانا ادور بعيوني احد كنت ادور عزيز ما لقيته
طالعت ماجد : عزيز ما راح يجي
ماجد : امشي قدامي
مشى وطنشني ولا كأني اتكلم هين يا ماجد انت الي بديت
مشيت وراه وشفت سيارة ابوه وهو مبتسم سلم عليه بالأحضان كنت ورى ماجد يوم بعد شافني ورجع كشر
قهرني وربي بصيح ماني قادره استحمل سلمت على عمي وركبنا السياره
وعمي يسولف معانا وماجد يسولف ويضحك وانا صاخه
لين وصلنا بيتهم ونزلنا وانا قلبي يرقع طبول دخلنا وشفت امه تزغرط وتضمه وتمسح دموعها
ابتسمت على حركات ماجد لأمه كشفت وجهي واسمع حريم اخوانه يحمدوله على السلامه
وهو مبتسم وانا ولا احد فكر يرحب فيا طالعت فيني امه بنص عين وشالت عينها
استغربت وجع مثل ولدها جاتني خلود وضمتني وهالشي خلاني اذرف دموعي
خلود : يا عمرررررررررررررررررري وحشتييييييييييييييييييييي يناااااااا
البناااااااااات كلهم يستنوووكي ويبغوا يجيوا ان شالله
ابتسمت ومسحت دموعي : ان شالله حياتي كيف بندر معاك
خلود مدت بوزها : آآآه
ضحكت عليها : ماحد مرتاح
خلود : ليه وش فيه ماجد
غمزت لها تسكت لأني شفت نظراتهم : بعدين وين مرام
خلود حمر وجهها :مرام فوق في غرفتها
سكت باستغراب معقوله صار شي بينهم هي ومازن كان الجواب نظرات عمتي لي
دخلت عند الحريم ورحت بسلم عليها سلمت علي من طرف يدها وابتعدت عني
طالعت خلود الي انقلب وجهها مشيت سلمت على اسما وحصه
جلست في الصاله معاهم وجنبي خلود همست لها : وش صار
خلود : بعدين اقولك قومي نطلع فوق الوضع هنا غلط
مسكت يدها وطلعت معاها بعد ما استأذنت خلود وانا احس عمتي خنقتني بنظراتها
طلعنا ودخلنا غرفة خلود : ها وش الي صاير
خلود : مرام ومازن راح ينفصلوا
جلست متنحه واحس ملامح وجهي قربت للبكى ليه يا مازن زوجتني هو عشان مرام
والحين تطلقها وانا وش بيصير فيني هو كذا منقلب علي كيف لو عرف
خلود : بنت وش في لونك انخطف
ما قدرت امسك نفسي وبكيت من خاطر احس من اول اني مخنوقه منهم والحين زاد الوضع
خلود : وش فيك لولو ما توقعتك كذا يا بنت انا بقولك امي لا تاخذي عليها حرمه تتصرف بعاطفتها
وبعدين انا معاك وابوي كمان ..
آآآه يا خلووووود انتي وبتروحين ومرام اكيد بتكره شوفتي انا اخته وماجد وش بيسوي فيني
خلود : بسك يا لجين والله ابوي ما راح يرضى عليك شي
طالعتها بخوف عميق : بس ماجد ما راح يفهم كذا انتي ادرى بأخوكي
خلود : بس هو يعشقك
مسحت دموعي : ايه حيل
خلود : هههههه وش فيك انتي بعد
سكت وشفت مرام دخلت الغرفه بصراحه خفت لا ترميني بشي لكن شفت ابتسامتها وجات ضمتني
من فرحتي حضنتها ورجعت ابكي وتكلمت : وي وي بلاك لهالدرجه مشتاقه لي
ضحكت وجلست جنبي : يا عمري
مرام : وش هالحلاوه اثر ماجد مزينك
ابتسمت لها ومسكت يدها : مرام انا آسفه
مرام بابتسامه كبيره : ما عليييييييك ما صار شي اخوك ذا فقمه الا الحين خليدان ليه ما قلتوا
انهم جايين لجل نسوي الواجب
ضحكت وصرت فقمه يا مازن هههههههه خلود : عيب يا مرام
مرام تطالعني : اسفه
تنهد : ما عليك هو الخسران مو انتي
مرام : يا عمري انتي ما عليك انا الموضوع ما صار يهمني صار الي صار وانتهى كل شي
انتي وش ذنبك عشانك اخته بس سبحان من خلق وفرق
ضحكت على مرام نفس رجتها فديت قلبها ماهي متأثره الله يحميها
دخل ماجد علينا وضم مرام بشوق وحنان
مرام : بس ماجد وخر ريحتك معفنه
صقع راسها وهو يضحك : هذا جزاتي انتي وجهك
مرام : وحشتني يا دب يا ويل حالي عليك
ماجد : يا عمري انتي معليش ما يستاهل ولا شبر فيك
حسيت كأنه ينغزني في كلامه
مرام : عادي حبيبي انا الي طلبت الطلاق
ماجد : اكيد مسوي شي ولا ما طلبتيه من فراغ
مرام : خلاص يا ماجد كأنك انت الي تطلقت
ماجد : ما يندرى والله
خلاص ما قدرت استحمل كلامه وقمت وقامت خلود معاي طلعت برا الغرفه وجات خلود : تعالي هنا دوركم
رحنا القسم الي مسوينه لي ودخلت جلست وانا اكابح دموعي لا تنزل
خلود بأسف : معليش تلاقيه معصب على اخته
بلعت ريقي وبصوت متهدج : هه تقال متزوجه بزر
خلود : خلاص يا لجين خليك اكبر من كذا
سكت وشفته دخل الغرفه غصب عني تأففت طلعت خلود وبقينا انا وهو في الغرفه
ماجد : قومي جهزي لي ملابسي
رفعت حاجب : عندك يد ورجلين جهز لنفسك
ماجد : هي انتي
وقفت : خير نعم .. لا يكون تحسبني عبده عندك ومتى ما تبغى ترميني
لا يا بابا انا بيت اهلي الي شالني وانا صغيره ما راح يعجز عني وانا كبيره وتبي تطلق طلق
بالطقاق الي يطقكم بس لا تفكر تذلني صدقني ذي تحلم فيها
جا ماجد قدامي : احد جاب سيرة الطلاق
صديت بوجهي : والله ما يندرى
ضحك ماجد : وبعدين انتي زوجتي تسوين الي اقولك عليه فاهمه
حسيت ان الدم يفور فيني رحت فتحت دولابه طلعت له ملابسه ورميتها على السرير
وطالعته بقهر : انا ابي انام عند خلود
ماجد : لو طلعتي من القسم رجلك اقصها لك
لف ظهره ودخل الحمام اجل تقصها طيب وريني كيف تقصها اخذت ملابس من الدولاب
ومنشفه وطلعت رحت عند خلود ومرام في الغرفه
مرام : وش فيه
بللت شفايفي : ابغى انام هنا عادي
خلود بضحكه : الله يحيك تنورين
مرام بلطف : معليش يا لجين تعرفي ماجد ما يقصد الي يقوله
ابتسمت لها : عادي مو صاحب مازن اتوقع منه أي شي
خلود ماتت ضحك : والله جبتيها
وقفت : خلود باخذ شاور ممكن
خلود : عادي يا قلبي ادخلي خوذي راحتك
دخلت الحمام وانا محروقه من تصرفات هالـ .. آخ مافي كلمه توفي حقه اكره حركاته البلهاااا
جلست زي خمس دقايق لبست ملابسي وخرجت من الحمام وشفت ماجد معصب : قدامي اشوف
طالعت خلود المرعوبه ومرام الي كاتمه ضحكتها : ما ابغى بجلس هنا
ماجد : لجين بسرعه على الغرفه
لفيت بوجهي وماده بوزي : ما ابغى طفش معاك وحرقة اعصاب بجلس هنا
ماجد : عساها ما تنطفي قدامي اشوف
مشيت ببرود وجلست جنب مرام وخلود
دخلت ام ماجد وشافت ماجد شلون معصب وطالعتني بازدراء : خير وش في بعد
ماجد :ولا شي يلا لجين
جلست معنده هي مزفته مزفته خليني اطينها مره وحده
امه تكلمت : وش تبي فيها خلها ارتاح شوي وتعالي عندي يمه
طالعت ماجد الي طالعني : ايه صح وش تبي فيني اقول وش رايك تطلقني بعد ازين
تكلمت عمتي : من جد ناس ما عندهم رحية الدم
قمت : والله لو لا انك مثل عمر امي كان لي كلام ثاني بس تعرفين
امي عقلها كبير وما تسوي هالسواة على الأقل السلام لله مابيك تسلمين علي شكرا الله يغنيني
ولدك خذيه في حضنك مابيه ولا ابي هالعيشه
طلعت من الغرفه بسرعه قبل لا يصفعني كف على وجهي وانسدحت فوق السرير ميته صياح
بكيت قهر احس كل شي جا مو في وقته سمعت فكة الباب القويه وصته القوي : قومي
رفعت نفسي بقوه وطالعته : خير وش بعد نسيتوا تسونه وجاي تكمله
ماجد : هذي امي لو وش ما سوت ما تفتحين حلقك
قمت من السرير : امك علي عيني وراسي بس الا كرامتي زين ليه ما تروح تقولها ما تسوي كذا
ماجد بعصبيه : هذي ام قلبها محروق على بنتها
رجعت بكيت : وانا وش دخلني اففف وش القرف ذا
ماجد : وش دخلك كأنك ما قلتي انك ما تبين هالعيشه دامك من البدايه رافضتني ليش وافقتي
مسحت دموعي وطرت على بالي ذيك الليله : عشان مازن يتزوج اختك بس اظنه خرب كل شي
ماجد بصوت مجروح : مازن .. مرام .. هه واحنا ولا شي صح
طالعته وانا امسح دموعي خلني اجرحه مثل ما جرحني : ايه ولا شي دام مازن طلق اختك
خلاص وش له ابقى معاك
ماجد : جهزي شنطتك
خرج من الغرفه وتميت انا لحالي معقول يبغاني اروح خلاص يعني ذي النهايه
مسحت دموعي ورحت اجهز شنطتي ...
#52