اخاف اغمض وان رمشت أفقدك وأخاف افتح وتصبح حلم ولا ألاقيك - الفصل 20 - بقلم قموره - مكتملة | روايتك

الجزء العشرون ماجد : في صباح اليوم الثاني قمت بتكاسل وشفت الشرشف علي غريبه يمكن تقلبت وغطيت نفسي اطالع في الشراب والجزمه على جنب عاد هذي اللي ما استوعبها اقوم من نومي استغربت يمكن من تعبي ما احس بنفسي قمت رحت الحمام بغسل وجهي وشفت على خدي شفايف ورديه جلست متنح ماني مستوعب قربت من المرايه واشوف خدي الا والله ذا روج لمست خدي معقول هي لا ما اصدق الا هي يمكن يمكن تسوي معي مثل عبد العزيز لا لا وشو عبدالعزيز هي كبيره وعاقل وتفهم وش تسوي ابتسمت بفرح والود ودي اطير من فرحتي دخلت اخذ شاور على السريع لفيت بالمنشفه وطلعت من الغرفة وهي فتحت الباب بعد طرقات وصلت على آخرها اول ما شافتني انقلب وجهها وانا ابتسمت بمشاكسه على شكلها وهي منزله راسها تتكلم بحيا شوي ويذوبها : الغدا جاهز ابتسمت ورحت مسكت يدها : يلا نروح نتغدا تحركت وهي جامده مكانها حسيت اني اولع النار فيها ضحكت من قلب وضميتها وهي كردة فعل وحده مستحيه او ... ما اعرف بالضبط بعدت بسرعه : بلا قلة ادب جلست متنح وش قلة ادبه شوي رفعت راسها وضحكت ووجها حمر وخرجت : البس وانا استناك برا ضحكت من قلب متوتره على الآخر لبست جنز وتي شيرت زيتي وطلعت وانا ارجع شعري على ورى ابتسمت وبدأت تغرف لي قربت الصحن مني وجلست تطالعني : سم بالله ابتسمت لها: ما اعرف اكل شفت ابتسامتها الي بينت سنونها وشوي كتفها انهز من الضحك رفعت حاجب : ليه تضحكي لجين بلعت ريقها وسكتت شوي : بصراحه ما اعرف وش اقول طالعت واستوعبت انها غرفت صحن واحد قربت وجلست جنبها رفعت الملعقه واعطيتها من الشوربه اكلت بكل نعومه جلست اتأملها ما قدرت اقاوم شعرها المسدول بنعومه ورموشها الكثيفه والطويله حطيت راسي على شعرها واستنشقته بعذوبه آآآآآه يا لجين قربك يشعل فيني مشاعر الحب حسيت بجمودها بعدت وهي رفعت راسها ومبتسمه لي كملنا غدانا وجلسنا نشوف التلفزيون طالعت في الساعه : حبيبي طلت فيني : يا لبيه بكل سعاده : لبيتي حاجه .. اجهزي حياتي عشان تسلمي على اهلك لأن طيارتنا في الساعه 8 لجين بشوية حزن : حنطول ماجد طالعتها : ليه قلب ماجد ما تبغين تسافري ابتسمت لي بحنان : امبلى بس بشتاق لأهلي ما عمري بعدت عنهم قمت بستها : خلاص يا قلبي كلها اسبوعين وراح تمر بسرعه هزت راسها بإيجاب : طيب بروح اجهز عبد العزيز : بعد عرس لجين راح طلال مع مرته واخذ هيام معه بيته واتفق أن بكرا بيجي عندنا للغدا كالعاده مع كل العوائل فعلا جوا الرجال عندنا واهل ماجد بعد جوا لأن اتفقنا مع ماجد يجي هنا كنا جالسين وتكلم ابو عمر : اجل وين منصور طلال يفتح جواله : والله مقفل الجوال من البارح والحين يقولي خارج التغطيه مازن : الا هو ما طول في العرس طلال باستغراب : ليه هو جا ابتسمت : وراك لاهي بجوالك البارح طلال : والله ما شفته غريبه مازن : مالغريب الا الشيطان هو اعتذر كان مستعجل طلال : أن شالله خير بندر : الا ما قلت يا مازن متى بتعرس ابو عمر : وش رايكم عرسكم في ليلة وحده بندر بإحراج كأنه جاب لنفسه الهم : اللي تشوفونه مازن : انا لسه الأهل يبغون يأجلون شوي عزيز : يبون الدلع الحريم عمر : ههههههه احلى فتره هي فترة الملكه ابو عمر : ربي يسهلها قمت من عند الرجال بجيب لهم الشاهي دخلت البيت وانا انحنح لكن ما سمعت حس احد اكيد ما في احد رحت المطبخ وشفت هيام جالسه مع ورقه وقلم وهي متعمقه في ورقتها ابتسمت على شكلها نص شعرها على وجهها والباقي مرفوع وجالسه فوق الطاوله رجل عندها والثانيه منزلتها باختصار شكلها يجذب وقفت اتأملها ماني بقادر ابعد الود ودي لو اضمها واطفي شوقي شوي ابتسامتها اتسعت ورفعت يدها بفرح : خلصت من ورا الثلاجه تطلع بندري الي مهتمه بالصحن الي في يدها : تصدقين من زمان عن القصايد سمعيني وش كتبتي ..؟ رفعت راسها واندهشت وبسرعه فتحت الثلاجه ورجعت وراها هيام ترفع الورق : اسمعي الله يسلمك يا بدرا كيف تؤرقني في ليل تاهت أنوراه أبحرت وحبك أغرقني بحلاوة عشقك ومراره اشتاقك نارا تحرقني وكأنك من يدرك ثأره فإذا ما صدك أرهقني أقبلت لتمــحو آثاره من باسمك ثغرك لو أسقى سيبوح الحب بأسراره كم كنت أحاول أن ابقي مشتاقا تدنيني تاره ما بين الوصل وان اشقي ما بين هدوء وأثاره ويروق لمثلي أن يلقى قلبا يعشقه بحراره أحببتك سرا مختارا لؤلؤة في وسط محارة وبدأت بحبك بحارا ورياحك تنسج أقداره أشواقي تعبر أنهارا وبحارا ترعب هداره عزم .. يستقبل إصرارا وغرام لا تخمد ناره يا نبعا فاض وارواني يا عشقا أجزل بثماره يا بحرا أرهق قبطاني غامرت لأسبر أغواره أفتقبل حالة ادماني والقلب تداعت أسواره لو ترضى ذلي وهواني أدمنتك كأسا و سيجاره أتظن القلب سيعتقني والروح تلوح بحصاره والنبض بحبك أنطقني والعتق كفيل بدماره أرأيت ..؟ لذا ستوافقني لا شيء سيوقف إصراره هلاّ أقبلت تعانقني أنا كتلة شوق جباره ابتسمت من قلب لكلماتها ولشوقها الجبار حبيبتي والله هيام : وراك رجعتي هاتي الصحون ونحط الحلا اسمع صوت بندري تهسهس بصوت واطي طلعت رحت بسرعه وقابلت حنان قدامي ابتسمت : حبيبي نبغى الشاهي قولي للخدامه رفعت حاجب : شفت البنات غمضت عيوني : آآآه من البنات ضربت كتفي : روح روح جوا اشوف ضحكت ودخلت عند الرجال وشفت ماجد داخل وهو مبتسم .. : حيالله النسيب ماجد : يحييك ربي ويبقيك   غاده : مشاعر كره تتوجه لمنصور نابعة من قلب جلست اطالع في الكدمات اللي في وجهي غمضت عيوني لفيت على عيالي وشفتهم راقدين دمعت عيني الله لا يسامحك يا منصور على الموقف الي حطيتني فيه من اول ما جيت لين الحين وانا قافله الباب علي .. نسيت شنطتي بره والجوال فيها ابغى ادق على هيام انبها لا يجون حسيت بهدوء البيت بس خايفه افتح الباب اخاف يطلع لي من تحت الأرض ذا وحش مو آدمي .. ما صدقت خرجت من ذا البيت اقوم ارجع له فتحت الباب بشويش ومشيت على اطراف اصابيعي للصاله واشوف شنطتي مفتوحه رحت اخذتها وادور الجوال ما لقيته دمعت عيني هذا وانا طاقه 29 يسوي كذا اجل لو كنت اصغر وش سوا جيت برجع الا اشوف ظل على الأرض حسيت الدنيا تلف بي ماني بقادره اوقف على حالي طحت على الأرض وضربات نفسي تزداد اشوف الظل يقرب مني وما عندي الشجاعه اني التفت له ابد بعدها ضمتني ملاك وهي تضحك بصوت واطي : خوافه طلعتي قرصت يدها : كذا تسوين في امك ما تخافين الله ضحكت ملاك وحطت راسها في حضني : اكره بابا وجدي بست يدها بحزن : ما يصير يا ماما ملاك : ماما تعالي الغرفه قبل جدي يجي مسكت ملاك وقمت بسرعه : يلا مشينا بسرعه وخفه نمشي انا وملاك الا تطلع لي امي من قدامي شهقنا بصوت عالي وامي تجي : هسسسس لا يسمعكن ادخلن ادخلن دخلنا بسرعه ودخلت امي معي وقفلت الباب واخذت نفس ملاك : خوفتيني ستو ابتسمت لها : تعالي يا قلب امك تعالي راحت ملاك لأمي وجلست ضامتها ورحت جلست بهدوء امي : وين اخوانك يا يمه بصوت واطي : عند عيال عمي امي : انتم ما تعرفون ابوكم تنهد : مو حال يا يمه مو حال هذي صلة قرابه امي : بس يا يمه ابوك ما يعرف هالكلام تكلمت بشده : لا طاعة لمخلوق في معصية الخالق سكتت امي وعرفت أن هالموضوع مخلصين منه : وزوجك طالعت ملاك وسكت امي تكلمت : اذا على ملاك فالبنت كبيره رديت على امي : معليش يا يمه مابغى البنت تتعقد وهي صغيره ملاك : طيب انا بطلع البلكونه طلعت ملاك وكلمتها : ملاك يمه البسي شبشب ملاك : طيب راحت وبقيت انا وامي ونظراتها لي تلح علي اني اتكلم قلت لها الموضوع وسبب شربي للموانع لامتني امي كثير ولامته على تصرفه بعد جلست ابكي بقهر وحرقه : لا تلوميني يا يمه انا ذقت من الويل وسكت ولا تكلمت انا ما انسى يومني عروس كان يسهر لأنصاص الليالي يا ما عياله يمرضون ويتعبون وامه هي اللي تروح معي المستشفى وهو لاهي بسهراته والحين خطيت ومو راضي يسمع لي عذر ورماني هالرميه يعني ابوي وش بيقول ليه رماني ليه ما دخل معي انا عفته يمه ومالي عيشه معه امي : يا بنتي انتي عاقل وش ذا الكلام الحين انتي زعلانه وبتقولين اكثر من كذا تكلمت بجد ومسحت دموعي : لا انا اتكلم هالمره بعقلي وكرامتي يا يمه امي : يا بنتي حرام عليك تيتمين عيالك بعناد : اللي في راسي بسويه يا يمه ... بندري : يوم شفت عزيز أنشل لساني ما قويت اقول شي غير اني رجعت مكاني وجلست وميته ضحك على هيام اللي تقول الشعر وتنهيدات فاصله ههههههههههه قسما فطست ضحك مو شوي وبعدين تتكلم وهي واثقه جلست اتكلم بصوت واطي وضحكاتي ضايعه : تعالي تعالي نزلت عندي : وش فيك سكت شوي : عزيز عزيز هيام كأنه احد قايلها الملك لونها راح وتطالع يمين وشمال : وين وين جلست اشوف من تحت باب الثلاجه وما شفت احد وقفت : عزيز كان واقف وحضرة جنابك تلقين القصيدة هيام بحسره : قولي والله من جد باااايخه كنت بسويها له مفاجآه دخلت حنان : مين المفاجآه لمين سكتنا انا وهيام وحنان قربت : ما حطيتوا الحلا ما يعتمد عليكم هيام : يلا هي دقايق اللي يسمعك يقول جيش تحت حنان : احسبيهم امي وام ماجد وعمتي وانتي وانا ومرام وخلود وحصه واسما وحنين يعني عشره هيام : هاتي عشر صحون بندري حنان : تحطوا للرجال بندري : لا والله الخدامات يحطون حنان : ايه ذكرتيني عزيز يبغا شاهي طليت في هيام وضحكنا وحنان ضحكت معانا هيام راحت على الكفتيره وحطتها على النار : انا بسويه حنان : تراه للرجال ككل هيام : عادي انا بسويه لهم كلهم ضحكت من قلب عليها طلعت من المطبخ بروح اخذ جوالي وشفت حنين واقفه مع طلال وهو يلعب بشعرها وباسها وقفت متصنمه شلون بدخل حياتها واحطمها ما اقدر ليه يا يبه ليه هالمره مو طلال اللي شافني اللي شافت دمعتي حنين بسرعه تحركت وجلست عند امي وانا منزله راسي كانت نظرات مرام لي غريبه انا ما الومها لو كنت مكانها اسوي اكثر من كذا بس هي ضامنه مازن انا انا صح احبه لكن مستحيل اخرب بينه وبينها واللي صار ذيك المره فجأه ما دريت انه في والله ما دريت .. جات حنين وجلست جنبي وهي مبتسمه وانا انكسفت ونزلت راسي قامت امي وحنين همست في اذني : ههههه حبيبتي لا تتعقدي من اللي شفتيه انحرق وجهي شوف المسكينه والله انها طيبه ما تدري وش السالفه نزلت لجين من فوق والزغاريط انتشرت في البيت الكل كان مبسوط جات هيام بسرعه وجرت تضم لجين الكل ضحك على ربشتها ...................... لــــــــــجـــــــــــيـ ـــــن : وهذا هي الساعه سبع يعني لازم نروح المطار الحين ضميت امي وانا ابكي امي : هالله هالله في عمرك وزوجك يا بنيتي بعدت عنها ومسحت دموعي : لا تخافين يا يمه بس دوم خلي الجوال عندك انتبهي عليه لا تقفلينه بدق عليك كل شوي ام ماجد تمزح معي : خلاص اجل خلي ماجد يكلمني ضحكت : من عيوني يا خالتي خلود : لا تنسي هديتي بندري : هي رايحه شهر عسل ولا تجيب هدايا قرصت خلود بندري : انطبي انتي بندري : ايه الحين تفتري في مع بندر حمرت خدود خلود وضحكت عمتي ام بندر : خلك تستاهلين ولا خلود زينة البنات تخصرت بندري : انا بعد احلاهم كانت بندري تتكلم بطبيعتها وخدودها مورده ومرام هاديه على غير العاده استغربت وش السالفه جاتني رؤى شلتها وبستها : لوزين ما تحبي ماجد رفعتها لحضني : ليه ما احبه رؤى ودموعها مغرقه عيونها : هو يقول انه بيحطفك ضحكت خالتي : لا ما يسويها يمزح معك امي تشيلها من حضني : يلا يمه تأخرتي على زوجك ابتسمت لهم وسلمت على الجميع ويوم وصلت لهيام ضميتها بقوه لأني شفت دموعها جلست تبكي ودموعي نزلت على شهاقها الكل كان متأثر وانا اكثر منها الحين ننتظر مناسبه ثانيه لجل نشوفها تهمس لي : حبيبتي لا تنسين حطيه بعيونك انتبهي لا تخسرينه هزيت راسي نفي : لا تخافي يا عمري انتبهي على نفسك وانتبهي على جوالك بدق عليك يا عمري في اقرب وقت هيام تبعد وتبوسني : خلاص حبيبتي انتظرك بستها وطالعت عيونها كأني حاسه اني ببعد عنهم للأبد طلعت بسرعه قبل ما اضعف وابطل من ذي السفره شفت عزيز ومازن وخالي سلمت عليهم وعزيز ضمني : هالله هالله بزوجك ضميته بقوه : عزيز عزيز : يا روحه انتي بكيت وانا اشم ريحته فديته بفقد حضنه بفقده : حبيبي انتبه على نفسك حسيت بدمعه على جبهتي رفعت راسي شفته يمسح دموعه : لجين روحي الله يخليك حسيت اطرافي منشله عند دموعه رجعت ضميته وانا ابكي من قلب : عزيز احبك عزيز : وانا اموت فيك يلا لجين زوجك ينتظرك بسته من خدينه وباسني هو بعد حضنته للمره الأخيره وانا اقول : استودعتك الله الذي لا تضيع ودائعه يا حي يا قيوم احفظه لي باس راسي : دقي علي يوم توصلين هزيت راسي موافقه واخيرا ركبت مع مازن اللي راح يوصلنا للمطار كان ماجد قدام معه وانا ورا وجالسه ابكي من قلب ماجد : حبيبتي خلاص عاد مازن : الحين بتجلس يومين وهي تصيح ماجد بفجعه : جد والله مازن : ههههههههههه شفتي خوفتي الرجال ابتسمت على كلامهم وزادت شهقاتي بفتقد هواشهم ومضارباتهم والله غصب عني اصيح شي اقوى مني ما عمري توقعت اني بكون ضعيفه مثل هالمره ضعفت بالحيل بالحيل وقف مازن : ماجد سوق السياره ماجد : لا انت سوق انا برجع ورى مازن : احووو انت لاحق عليها ضحكت على دفاشته وزدت ابكي نزل مازن وعلى طول ضميته مازن : حمد الله مو عزيز اللي جايبك ولا كان شردتي معه ضحكت وانا ازيد في ضمتي له مازن يبوس يدي : لجين انتي مع واحد زي القمر ماجد اللي وقفل ولف : هي انت وش اللي زي القمر مازن : احمد ربك امدحك ماجد : احد يمدح رجال كذا مازن : اقول سوق سوق لا تروح الطياره الحين ماجد مد يده ومسك يدي : حبيبتي تعالي جنبي اخوك بيخربك علي ضحكت من قلب على هبالهم ومسحت دموعي نزلت من السياره وركبت قدام ومازن تحرطم : قلة حيا لفيت عليه وبضحكه : ابي رضا زوجي مازن : واخوك ماله رضا طالعت في ماجد اللي متشقق من الفرحه : ما عليك منه الحين يروح لحضن مرام وينساك حمرت خدودي هل يلمح لعلاقتنا طالعت قدام وانا اخذ نفس بعمق واحس عيوني تعبت من الصياح غمضت عيوني وانا اسمع مازن وماجد يسولفون لين وصلنا المطار وجلسنا في اماكنا التفت علي ماجد : نامي حبيبتي شكلك تعبانه هزيت راسي : تبغى شي قلبي ماجد يبوس يدي : راحتك حياتي غمضت عيوني ونمت دايما لا بكيت انعس ههههههههه ........... طـــــــلال : حركنا بعد ما مشي ماجد وطلعنا املج وبقي لنا ربع ساعه ونوصل حنين : طلال مسكت يدها : قلبه انتي هيام : عيب شيل يدك اشوف ضحكنا وحنين تكلمت : مالك شغل اشوف ديري وجهك هيام قربت منا : ماني مبعده وهذاني قربت اكثر شيل يدك اشوف طليت فيها : انتي مانتي نعسانه هيام : طل قدام اشوف لا يصير لنا حادث .. وملحقه على النوم حنين : ههههههه هيام كيف الحبايب هيام رجعت ورى وتطالع القمر : أن شالله يكونون مبسوطين آمنا على دعوتها وبعدين تكلمت حنين باستغراب : حبيبي هيام : يا بنت قدري انا في سفر ضحكت من قلب : تحمسني اني اروح البيت خاصميها هيام صقعتني على كتفي : والله انك ماصخ وما تنعطي وجه ضحكت وطليت في حنين : آمري يا عيوني حنين : غريبه ما دقيت على غاده هيام : ايه والله الحين ادق عليها جوالها مقفل شفت اتصالتها موجود طلال : ادق على منصور بس يقولي جواله خارج نطاق التغطيه حنين : غريبه واحسها يوم العرس ماهي بزينه خوفتني عليها : ليش قالت شي هيام : لا والله ما قالت بس يمكن حامل تكلمت باستغراب : والله ما نعرف دقي على بيتهم هيام : ما احد يرد الكل توتر بس ربي يستر ويعدي الموضوع على خير واخيرا وصلنا نزلنا وهيام تكلمني : ما تبي تنزل الأغراض مشيت : لا خليها بعدين انزلها امشي البيت تو فتحنا الباب وندخل ما اسمع الا صرخة ابوي ورمي كاسة قزاز لدرجة خلت البنات يصرخون من الفجعه جا ابوي وفي يده مسدس جلست مذهول من المنظر : وش فيه هذا نحن يا ابوي ابوي وصوت كأنه زئير اسد : قطع يالكلب اشوف امي تأشر لهيام وحنين بسرعه من بعيد وابوي قوص وجات على الباب والبنات يصرخون هيام جرت جهة امي لكن وين ابوي مسك شعرها ويجر بها الصاله حنين ركضت بسرعه لغرفتنا وانا رحت اسحب هيام من ابوي وما القى الا رفزه برجوله ويتكلم كلام مو مفهوم : يا عيال الكلبه يا ثيران ياليهود ما صدقت افك هيام من يده اللي ركضت لحضن امي وهي تصيح بخوف وبقيت انا في وجه ابوي ما انكر اني خايف من مسدسه لكن اكيد عرف شفت ملاك من بعيد فتحت عيوني وعرفت انه عرف بالخبر وقفت بصمود والبنات دخلوا داخل وابوي وجه المسدس علي : اجل انا يا حمار تستغفلني وتاخذ هالملعونه معك تكلمت وانا متوتر من مسدسه : يبه اذكر ربك ما القى الا صقعه على وجهي تطيحني الأرض : انت يالأثول يالديوث تعلمني قمت والدم يتناثر من فمي وخشمي لأنه صقعني بحافة المسدس لكن هيهات رجع صقعني على راسي وانا حاس بدوخه طحت من جديد ولا ني قادر اقوم من مكاني واشوف الي قدامي يلف من قوة ضربته ولا عاد احس بشي الا بصرخة انثى من طلقة الرصاص الي جات على كتفي هيام : تفاجئت بمنظر ابوي خفت منه حسيت انه عرف ما صدقت ادخل مع امي الغرفه وانا اصيح وبصريخ : يمه ولدك يا يمه دقي على الشرطه امي تمسكني بقوه لأني كنت بطلع خايفه على طلال : اجلسي يا بنتي جلست احاول ادف امي وغاده تحاول تجلسني : يمه ولدك يا يمه امي تحضني وهي تصيح : مو ولدي يا يمه مو ولدي انتي ضناي يا يمه لا تروحين له بيقتلك يابنيتي وقفت بذهول وشفايفي ترتجف والدموع كأنها سيل على خدي التفتت لها وبصدمه : مو ولدك يعني مو اخوي جلست امي على الأرض وهي تلطم في نفسها : وش الي سويته ياربي وش اللي سويته جلست ومسكت يدها : مو اخوي يمه مو اخوي امي وهي تمسكني : الا اخوك يا يمه اخوك قمت وبسرعه فتحت الباب والصدمه تهز كياني هز مسكين يا طلال لا اب ولا ام بس لك اخت لك اخت لو وش ما صار بتوقف معك جيت بطلع الا اشوف حنين تدف ابوي وتصرخ واشوف طلال ينزف ركضت له بسرعه وحنين تصارخ : انت وشو انت وشو حقييييييييييييييييييييييي ير بعد عنه بعد عنه جات حنين تضم طلال لكنه ما يرد كنا نبكي من قلب ما عرفنا وش اللي صارله اكيد اكيد حالته رجعت له الابره الابره وين قمت اركض بسرعه ودموعي تخر على عيني وانا اشوف غاده طلعت بفجعه وتمسكني : وش صار وش صار دفيتها على الغرفه : اجلسي مع عيالك انتي واقفلي الباب رحت بسرعه اطلع من درجه الابره وجريت له وشفت ابوي ماسك المسدس ومتوجه لحنين ما قدرت اوقف ماني قادره اشوف دموعي مغرقه وجهي والصياح مغرقني فقت في الوقت المناسب وصقعت ابوي على راسه بأقرب شي كان قدامي وشفته طاح بالأرض وحنين تلتفت بخوف وقفت وانا مصدومه ذبحته ذبحت ابوي صرخت بأقوى ما عندي وطحت في الأرض والابره طاحت وانكسرت حنين تبكي : دقي على المستشفى دقي عليهم بسرررررعه ما اقدر ما اقدر اتحرك ما اقدر اقوم من مكاني اطرافي منشله ودموعي مغرقتني جات امي ومعها الدوا لأبوي شفت يده تتحرك ابتسمت انا فرحانه ولا خايفه اكيد فرحانه اهم شي ما ذبحته كنت كنت بصير مجرمه اعطته 3 ابر وطالعتني : دقي على الاسعاف يشيلون اخوك لكن حنين سبقتني جا الاسعاف شل ابوي وطلال وحنين راحت معه وانا مكاني ماني قادره اتحرك الصدمه شلتني ما خلت لي لسان انطقه جات امي تعانقني وتسمي علي خرجت غاده وهي تبكي وبكى مؤيد وملاك من حولي ما قدرت افهم شي ولا اسوي شي سوى اني طحت عليهم من هول الصدمه  غاده : هذي هي الحقيقه ابوي مريض نفسي حاول جدي الله يرحمه يدخله المستشفى وكان يطلع منها بعد 3 سنين وكان يتعالج من بره لين ما تزوجت وهو بطل ياخذ علاجاته لكن امي كانت تراجع الدكتور عنه وتاخذ الابر والمنومات دايما كان يثور وتعطي له حبة منوم وبعدها تعطيه ابره لكن ابوي حالته تزيد سوء والكره في قلبه عاميه عن الكل لكن اخر شي توقعته انه يحاول يقتل عياله الفجعه حلت في البيت من يوم ما سمعت صرخت البنات فزيت انا وعيالي واللي صدمني اكثر يوم عرفت انه طلال مو ولد امي لكن الوضع ما سمح لي في التفكير كثير كنت بخرج لكن خفت على عيالي اذا صار لي شي من يعتني فيهم ولا هم يصير لهم شي رجعت الغرفه بعد كلام هيام لكن من شفت امي تخرج وتعطي ابوي المهديات عرفت انه صار شي كايد لهم خرجت انا وعيالي اللي انفجعوا وبكاهم قطع قلبي كلنا بكينا واصوات النحيب هي اللي تعم البيت شل الاسعاف ابوي وطلال وراحت حنين معاهم خفت على هيام المفجوعه كثير مسكتها حاولت اهدي فجعتها لكنها طاحت في حضن امي آآآآآآآآه انفجعت انفجعت المسكينه يحق لها يحق لها شلناها الغرفه وكنت جالسه جنبها وامسح دموعي اللي ما جفت ماني قادره اصدق اللي صار في بيتنا تمنيت منصور يكون معي آآآآآآآآه تمنيته من قلب اكزن في حضنه ويهديني كنت محتاجته محتاجته من قلب جلسنا قرابة نص ساعه وامي تقرى على هيام وتمسح دموعها وانا قمت انوم عيالي ورجعت جلست مع امي قامت هيام بشويش فتحت عيونها بهدوء : يـ .. يــمه امي وما صدقت انها تفتح عيونها تضمها لصدرها بقوه وهي تصيح وتحمد الله أن ما صار شي لهيام .. لا تلومونها الضنى غالي .. والله غالي رحت اجيب لهيام عصير ليمون عطيتها العصير وجلست وهي مصدومه الكل كان مصدوم لكن هي اكثر ويحق لها تنصدم كذا بعد ساعه اخيرا نطقت : دقوا على حنين .. امي : ما معها جوالها هي بتدق على البيت لفت هيام وتطالع بحقد في امي : لو طلال مو ولدك هو اخوي امي جلست وهي تمسح دموعها : وانا والله اني ربيته مثل ما ربيتكم تكلمت بعقلانيه هالمره : هيام انتي تعبانه من اللي صار هيام تتنفس بسرعه وقهر : لا لا لااااااااااا سكت وهي تطالع في امي : انتي ما ربيتيه مثل ما ربيتيني الحين عرفت يا يمه ليش ما توقفين في وجه ابوي علشان طلال لأنه مو ولدك امي وهي تمسح دموعها وتضم هيام المستسلمه :لا تقولين كذا حرام عليك يشهد الله علي اني ما قصرت في تربيته ويا ما اخذت النصيب من ابوك لجله يعلم الله على اللي اقوله وهو شاهد بكلامي هيام بضعف ودموعها مغرقه وجهها : زين ليش ما رحتي له يمه ليش ما مسكيته امي : وشلون اروح يا يمه انا خايفه عليكم وانا ضعيفه ما اقدر اسوي شي الا يوم يهدى اعطيه هالابر حضنت امي : بس هيام بس اللي فيها مكفيها هيام تبكي بحرقة : ودوه مستشفى المجانين وشله عايش معنا امي : ابوك اذا ما اخذ دواه تجيله هالحالات تكلمت : ليه يمه اخرتي دواه امي تبكي : هو راضي اقرب منه من سالفتك حسبي الله عليك سكت وانا اتنهد بحزن وش اللي صار لنا ياربي ........ لــــــــــــجــــــــــي ـــــــــن : بعد يومين من سفرتنا وانا جالسه ادق على هيام صوتها مو مطمني لكن تقولي انها بخير جالسه في غرفتي واطالع نفسي في المرايه بحزن ادري أن ماجد مو مقصر معاي في شي ومعطيني عيونه بعد لكن ما انسى كلمته الي قالها لي غمضت عيوني وانا اذكر كلامه : انا طلبتها غرفتين لجل تتعودين علي اكثر وما تخافين ما قدرت انطق مستحيل اهين نفسي وابين له لهفتي مشيت للبلكونه الي تطل على البحر والمكان خالي والبحر في وقت غروبه آآآآآه يا قلبي .. وش اللي صار شفته يمشي على البحر لوحده ونظرة الحزن تغشي عينه ابتسمت ليه اقول اهانه هو اكيد يحسب اني ما احبه انا ما قلت له احبه مشيت لجهته وانا لابسه برموده اسود وبلوزه من غير اكمام باللون التركواز رحت حطيت كحل ارتكواز وقلوس وردي وخرجت له بسرعه وسادله شعري اكيد بتقولوا كيف اخرج كذا المكان الي اخذه ماجد خالي مافي ولا احد حتى الشاطئ حجزه لمدة اسبوع لجل ناخذ راحتنا رحت من وراه ومسكته لف علي وابتسم والهوا يلعب في شعري وشعره شلت خصله من عينه : الجو حلو ماجد : لأنك تتنفسين هواه ابتسمت بإحراج ورحت جهة البحر ومشيت جا ماجد وراي طالعته وابتسمت طالع فيني وزادت ابتسامته كان بيقرب لكني رشيته بموية البحر وقف متنح وضحكت على شكله رجعت ارشه قام قرب مني وبحكم انه لاعب وجسمه اقوى من جسمي فرشته كانت قويه بالنسبه لرشتي كل جسمي تبلبل وجلس يرش بقوه وهو يقرب مع كل رشه فما في حل الا اني اشرد جلست اشرد وهو وراي بس المشكله أن شردتي غلط دخلت وسط المويه لين وصلت لركبي وثقل علي الجري فغطست وما حسيت الا بيده على خصري ورفعني طلعت وشعري على ورى وانا اضحك وهو يضحك وكنت قريبه منه بالحيل لدرجة أن نفسه على نفسي وما بقى الا شعره ووجهه على وجهي سكت وهو جلس يتأملني بشوق غمضت عيوني واستسلمت له بكل حواسي شالني واستسلمت له وحطيت راسي على كتفه ورقبته ووداني لغرفته مــــــــــــــازن : جلست اكلم مرام وانا اضحك من قلب عليها مرام : بس خلي الشهرين ذي تخلص ما عاد اني افكر اكمل بحول انتساب مازن : لا حياتي حلو الواحد يوم يكون مثقف مرام : مازن تكفى انتساب ما قلت بترك بس انتساب وانت تشرح لي رفعت حاجب : ما اقدر اشرح لك مرام : ليه ابتسمت : ما ابغى احرجك مرام : امممم قليل ادب ههههههههه ضحكت : مرام مرام : آمرني حبيبي تنهدت : وش رايك نطلع مرام بهمس : حبيبي ابوي اليوم بياخذنا اللونا مع عيال سعد وعمر تكلمت بنوع من الحماس : طيب حلو باخذ رؤى وحنان مرام بفرح : يعني بتجي ابتسمت : بجي مرام : طيب يلا حبيبي هذانا بنروح الحين مازن : خلاص انا الحين ادق على حنان مع السلامه قفلت من عند مرام واتصلت على حنان حنان : هلاااااا والله ابتسمت : وينك انتي من سافرت لجين ما نشوفك حنان : والله لها وحشه واذا جيت بيتكم اتذكرها وتتعب نفسيتي ضحكت : والله انكم تضحكون طيب امي ما تجين تسألين عنها حنان : حرام عليك والله في اليوم ادق عليها كم مره اسألها مازن : ههههههه امزح معك اقول حنو زوجك عندك حنان : ايه ليش بحسره : يعني مو خارج حنان : ليه بتجي رديت عليها بعد تفكير : طيب قولي له نروح اللونا كلنا حنان : خلاص ما عليه امي بتروح مازن : لا هههههه امي تدلع من راحت لجين وهي ما تبي تخرج حنان : يا بعد عمري عليها اكيد خلا الجو مازن : تبغين الصدق والله خلا وينها يوم كانت توقظنا للفجر ولا ضحكتها فديت ضحكتها اشتقت لها حنان : بس بس دموعي نزلت حرام عليك ضحكت : خلاص الحين بمر عليك وجهزي بنتك عشان نروح حنان : الا ما قلت لي وشله متصرقع على الروحه تنحنحت : تعرفين يعني طفش هاليومين حنان : ايه وبعدين كملت بشقاوه : ومرام رايحه مع اهلها قلت اقضيها مره وحده معاها حنان : اهاااا طيب خلاص الحين بشوف سومي مازن : طيب يلا سلام قفلت من عندها وقمت اخذت شاور على السريع ولبست طلعت وشفت امي ماسكه الصور وتمسح دموعها هذا حالها من يوم ما سافرت لجين بست راسها وجلست : يمه بتتعب عيونك امي : والله اشتقت لها مسكت يد امي وبستها : كلنا مشتاقين لها يالغاليه بس هي راحت مع زوجها ادعي لها ربي يوفقها بحياتها امي : البيت بيخلى علي انت بتزوج وبجلس لحالي ابتسمت لها : وعزيز وينه يا يمه وحنا مو تاركينك لحالك امي : الله يحفظكم مازن : يمه الله يخليك قومي البسي وتعالي معاي امي : لا يا ولدي مالي خاطر حزنت على حالها : يمه والله ما يصير الي تسوينه في نفسك امي : واللي يرضى عليك خلاص انا مرة خالك بتجي مع بندري الحين حسيت بقلبي ينغزني من جابت طاريها حاولت اقتل هالشي قبل لا يكمل وقمت من مكاني : طيب يالغاليه انا رايح وبدق عليك كل شوي امي : الله يرضى عليك يا ولدي ، طلال : فتحت عيوني اليوم .. بعد غيبوبه ليومين تعبت فيها حيل جات هيام مع غاده وحنين شفتهم حولي ابتسمت لإبتسامتهم ودموعهم حنين تبوس يدي : حبيبي حمد الله على سلامتك كنت بقوم لكن تأوهت من الألم وحنين رجعتني : طلاااال وراك مستعجل عالقومه فديتك نسيت يدك تعورك حبيبي طالعت مكان يدي وشفتها ملفوفه غمضت عيوني وانا اتذكر وش اللي صار واتذكر صوت الرصاص الشي اللي خلاني افتح عيوني بسرعه هيام مسكت يدي : حبيبي الدكتور من اول ينتظرك تفوق غاده : طلال طالعتها : امري غاده غاده : طلال الدكتور يبغى يقولك عن هيام : غاده وراك طلال بعده تعبااااان تكلمت : هيام خليها تكمل انا ما علي الا العافيه أن شالله غاده بارتباك : يبي يسألك عن اللي صار لف طلال راسه للجهه الثانيه وتكلمت حنين : حبيبي لازم تقولهم على اللي صار قهرني كلامها : وش اقول حنين : عن ابوك لازم تقولهم وش سوى ويشوفون له حل لا شعوريا تكلمت بعصبية : انتي مجنونه ها ابوي تعرفين وش معنى ابوي حنين انفعلت بالتوتر : انزين ابوك ما قلنا شي لكن كان بيقتلك يعني حياتك في خطر حسيت بالآلام في قلبي ورغمها تكلمت : انا بكرا لا صرت اب ما ابيه يسوي فيني مثل الي تبيني اسويه في ابوي غاده : طلال انت طيب وما راح تسوي في ولدك كذا بدت الآلام تزداد : آآآآه نادي الدكتور هيام شفت هيام بسرعه تخرج ودخلوا ممرضات والدكتور النفسي للي كان يعالجني قبل ودكتور ثاني بدئوا يشوفون وش علتي والحمد الله ارتحت شوي بإبره اعطوني هي الدكتور : لازم تبعدونه عن الانفعال حنين تمسح دموعها كسرت خاطري : زين دكتور الدكتور علي : ها طلال من زمان ما جيتنا ابتسمت له بود : اعذرني التهيت بالدنيا الدكتور وهو يشوف حنين : مبروك الزواج عرفت انه يلمح أن حالتي تطورت وتطورت كثير بعد للتحسن طبعا : الله يبارك فيك الدكتور : كيف تحس صحتك الحين جلست بشويش : اقدر اتناقش معك ابتسم الدكتور وجلس والبنات واقفات الدكتور يطالع فيا طالعتهم : اطلعوا بره لو سمحتوا بس هيام اجلسي ابتسمت هيام ومسكت يدي طلعت حنين بسرعه ولحقتها غاده بودي لو لحقها واراضيها بس ما اقدر الدكتور تكلم : وش سبب الحاله تكلمت هيام : طلال حبيبي حنا ما راح نسوي شي ممكن اتكلم سكت ما ابي احرج هيام لكن تشجعت قبل لا اعطيها الاذن وتكلمت : دكتور احنا كنا رايحين المدينه عند بيت عمي لكن ابوي ما يعرف الدكتور اللي طالع فيني بدهشه : ما شالله تحسنت كثير يا طلال هيام : ايه الحمد الله ابتسم الدكتور ونزل راسه للأوراق : كملي اختي هيام جلست : ما اعرف ابوي عرف يوم شاف غاده اقصد اختي جات مع عيالها وحنا بعدنا في المدينه الدكتور بإستغراب من هدوئي : وما حاول يتصل عليكم هزيت راسي نفي طالع في هيام : كملي اختي هيام : يوم فتحنا الباب ما نشوف الا كاسة قزاز مرميه بقوووه على الباب فجعتنا شفت امي تأشر لي من بعيد رحت بجري لها لكن ابوي مسكني جا طلال يدافع عني ما اعرف وش صار بعدها لأني دخلت غرفة امي بس خرجت على صوت رصاص طلعت شفت طلال ينزف من ايده ووجهه بعد الدكتور بذهول : يعني الوالد هو الي رمى عليك الرصاص تكلمت بيأس : ايه دكتور اذا سمحت اذا سمحت لي عندك رجاء هالموضوع ما يطلع ابدا لا لشرطه ولا غيره الدكتور: لكن يا طلال هذي اجراءات واذا سكت عنها جريمه هيام : طلال طالعتها : هيام ارجوكي قاطعنا الدكتور : وابوكم من سوا فيه كذا مسكت يدي هيام بقوه : انا الدكتور طالعها بذهول : انتي هيام تبلع ريقها واحراج وخوف : يوم رحت اجيب الابر لطلال لقيت ابوي بيرمي بالرصاص على طلال ومرته ما تحملت ومسكت اقرب شي ورميته به جلس الدكتور للحظات وبعدين ضحك هيام رفعت راسها تطالعني بحيره وعيونها الدمع مجتمع فيها طالعت في الدكتور وهو تكلم : جرأتك انقذت حياة 2 ليه هالخوف رغم الغلط في اتخاذ المجرى هيام نزلت راسها : دكتور ابوي مجنون تكلمت بشده : مو مجنون يا هيام هيام : الا مجنون تبغاه يدخل السجن على شي ما كان بعقله يوم سواه الدكتور : صادقه طالعت الدكتور الي انحرج : انا بشوف الوالد واشخص حالته طلال : دكتور الا ابوي وقف الدكتور ومسك يدي : ونعم الابن خرج الدكتور وهيام حطت راسها على ورى : وش بيصير طالعتها : بيسجنونك الدكتور بيقولهم وش سويتي ويسجنونك نظرات رعب توجهت لي منها وقفت : بروح عند بيت عمي ضحكت من قلب عليها وحسيت بآلام في صدري وهي كشرت : عما جلست : طلال متى بيطلعونك دخلت غاده وجلست وجلست ارقب الباب لكن مافي احد : وينها غاده : راحت بيت ابوها رفعت حاجب : ليه غاده : تقول اعصابها تعبانه وتبغى تريح سكت ما عرفت وش اقول يعني بتقلبها زعله ............. هــــــيــــــــــام رجعت البيت تعبانه رميت نفسي على السرير وغفت عيني بسرعه لي يومين لا عرفت طعم النوم كنت مرهقه وتعباااااانه بالحيل صحيت بعد نص ساعه وقمت بشويش اشوف الغرفه ظلما والمكيف بارد رجعت بكسل على المخده وجلست افكر .. الحين وش بيسوون في ابوي وش الي بيصير بعدين غمضت عيوني وانا اتخيل ابوي يبعدونه عنا بنرجع المدينه واعيش مع عزيز واصير زوجته واكون في حضنه الحين غطيت نفسي بالبطانيه احراج من خيالي اللي بدى يتجاوز حده انفتح الباب شلت البطانيه بشويش وشفت غاده تسحب اغراض جلست : غاده غاده : بسم الله انتي صاحيه فتحت الأباجوره : ايه تعالي بكلمك جات غاده جلست ومسكت يدها : غاده ما قلتي لي ليه ما قلتي لي في العرس انك بتجين عندنا غاده نفرت ولفت وجهها : على اساس باكر بكون في بيت عمي بعدين ننزل معاكم استغربت : طيب وش صار غاده بزفره : منصور مو راضي انطق بحرف وطلعنا ورمانا رمية الكلاب من غير ما يدخل يسلم على ابوي او يقوله شي تخيلي تخيلي يا هيام ابوي بيخرج يصلي الفجر ويشوفني انا وعياله عند باب بيته الله لا يوريك على اللي سواه فيني طالعت في الجرح الي قريب من فمها مسكت بنعومه وطالعت دمعه على خدها ضميتها وانا اتنهد : احمدي ربك شوفي وجهي تقال وحده مرقوعه ضحكت غاده وضحكت جلست اطالعها وتكلمت بشوية فضول : وش صار بينك وبينه عشان يسوي كذا غاده بللت شفايفها ونزلت راسها : انا غلطت ما ابرئ نفسي من الغلط لكن مو مثل غلطه ابدا اصلا ما اتقارن بغلطه ابتسمت يا حليلها يوم تنقهر : طيب مو انتي تحكمين قولي وش عندك غاده : كنت اشرب موانع حمل فتحت عيوني على وسعهن : وشو وشو غاده تدافع عن نفسها : شي طبيعي اني راح اسوي كذا انتي اكثر وحده تعرفين منصور وشلون كان رفعت حاجب : لا والله وش هالعذر غاده وعيونها غبشت : هيام حرام عليك تعرفين منصور وشلون كان وشلون اجيب طفل ويعيش الي عاشوه اخوانه والله قلبي يتقطع على عيالي وشلون اظلم الثالث سكت ما عرفت وش اقول بس بصراحه معاها حق : طيب يوم قلتي له وش قال غاده مسحت دموعها الي ما قدرت تمسك دموعه اكثر : ما رضي يسمع انا ما قلت له هو شاف الحبوب جلست متنحه : زين يحق له يعصب دامك ما سويتي شي غلط ليه ما قلتي له غاده : كنت بقوله والله كنت بقوله بس كنت انتظر الوقت المناسب انا رحت للدكتوره اللي تابع حملي من ملاك .. لكن خوفتني حيل مسكت يدها وانا احاول اهديها لأنها بدت ترجف من بكاها : ليه وش قالت لك غاده : يصعب الحمل لأن صار لي سنين كثيره وانا على هالموانع سكت ماني عارفه وش اقول ما اعرف اعذر منصور ولا لأ لو عذرته مفروض ما يسوي هالحركه يعني من جد بايخه : عشانك بلها غاده تمسح دموعها وخشمها بدى يحمر : منصور يبغى اطفال انا ما الزمه قهرني كثير وما عدت اتحمل شي منه طالعتها بخوف : لا يكون تبغي غاده وهي تشهق : ايه بطلق منه ما اظن كرامتي تسمح لي ابقى معه بعد وهو لو عرف انه ممكن ما اخلف بيطلقني وبالراحه بعد عصبتني : هي انتي هي ما قالت لك صرتي عقيم قالت يصعب يعني ممكن تتعالجي ومنصور يحبك ويحب عياله مستحيل يرضى يطلقك غاده بقهر وحرقة دم : يحبني يرميني كذااااا انتي قولي لي يرميني كذاااا مسكت يدها : هذا الرجال وحنا لازم نراضيهم وندور راحتهم لا تخربين بيتك وتشتتين عيالك مابينك وبين ابوهم بعدهم صغار غاده : ما اعرف يا هيام ما اعرف انا تعبااااانه تعرفي وش معنى تعبااااانه حزنت عليها بالحيل : خلاص يا قلبي خلاص ارتاحي كم يوم وبعدين فكري بالموضوع زين واستخيري ربك اهم شي الاستخاره تنهدت بحزن : الله يكتب اللي فيه الخير   مـــــــــــــــــــــازن : ابتسمت يوم شفت حياها حسيت بشعور جديد .. ما اعرف ليه حسيت بالراحه ويمكن اقدر انسى بندري مسكت يدها : نقوم نمشي نزلت راسها : قول لبوي اول زادت ابتسامتي : طيب حبيبتي بقول لأبوك عليت صوتي وعيوني ما شلتها من عليها : عمي .. عمي قرب عمي وطالعني باستغراب : نعم ... وراك تصارخ يا ولدي شلت عيوني من عليها وكلمت عمي : ممكن اخذ حرمي المصون ونمشي شوي نظرات استعجاب تتوجه لي ولها : وش فيك انت لا يكون مسخن رفعت حاجب : ليه عمي : هذي زوجتك يا ولدي يعني اذنها عندك مو عندي واحنا لو مو واثقين فيك ما عطيناك بنتنا ابتسمت وانا احس هالكلمات سموم تنغرس في قلبي لو يدرون وش سويت في بنتهم : الله يكثر من امثالك سحبت يد مرام وقمت اتمشى معاها : مرام مرام : نبض قلبها مسكت يدها بقوه على كلمات غزلها : تدرين وش كثر مشتاق لك ضحكتها الخفيفه هزت فيني مشاعر وقفنا عند لعبة اطفال كملت كلامي : شوق الاراضي الجافه للمطر شوق الطيور المهاجره للوطن مرام .. انتي عندي حاجه غير صدقيني اعرف اني غلط كثير وابغاك تعذريني تنهدت : خلاص مازن انا ما عاد يهمني شي بس خايفه خايفه حيل تجرحني صدقني يا مازن ما بقوى على جرحك بعدها ودي اضمها لكن منعني خلق ربي اللي سويته لفيت يدي حول اكتافها : اوعدك ما راح اسمح لأي مشاعر تغيرني عليك وبتذكر حبك لي واخلاصك مرام ميلت راسها علي : يارب يا مازن يارب ابتسمت : وبنتزوج الشهر الجاي وبعد سنه بنجي هنا ونوقف هنا واقولك شفتي مرومتي وبيجيك ولدك يصارخ وينكد علينا جونا ضحكت مرام : حبيبي طالعتها : امري مرام : بدري يا قلبي من العرس خلنا شوي بعد .. وانت تنسى كل شي صار احسن ونبدى على علاقه بشكل افضل سكت وانا مابي هالشيء ابي قربها ينسيني بندري ليه تبعد مرام عن الخطوات الأنسب لي ليه تفكيرها كذا .. مفروض تتزوجني لجل تنسيني الي في بالي سحبتها ومشينا بهدوء .. ما حسيت الا بوحده لافه يدها حول يدي ومقربه مني بمياعه : مزوني وحشتني يا روحي .. كذا يا وحش ما تسأل عن حبيبة قلبك وقفت مذهول اطالع بصدمه في اللي يدها بيدي ايش العبايه المخصره وايش الفصوص الي تبرق فيها واللثمه الي متلثمتها والمكياج كامل في عيونها ومبينه مقدمة شعرها ما اعرف وش فايدة ذي اللثمه ما استوعبت الي يصير قدامي الا بيد مرام تفلتني وتمشي بسرعه جلست اناديها : مرام .. مرام .. مرام وقفي راحت ولا كأني انادي عليها شلت يد القذره الي ما زالت ماسكتني بأقوى ما عندي فكيت يدها فكت لثمتها وابتسمت بخباثه ولؤم وقربت مني الصدمه الي جاتني وحسيت اني مشلول فيها قربت مني وهمست في اذني : ها مزوني .. الأفلام الهنديه اشوفها جابت نتيجه ولا لا حبيبي .. لمحت مرام تطالع وبعدها بعدت بعصبية وقفت بحزن ابتعدت وغمضت عيني : ابعدي يا بنت الناس .. لا ارتكب فيك جريمة قدام الله وخلقه .. والله أن مديت يدي دوري اللي يفكك مني .. قربت عذوب ونبرة ألم : ليه .. ليه يا مازن .. شوفني وش حلاتي ابتسمت بألم ومراره وكأني عارف باللي يصير فتحت عيني : اعرف انك حلوه وانك تهبلين بس الي ما عرفته وشلون بعتي هالجمال وانتي تعرضينه لي ولغيري يا بنت الناس لا ترخصين نفسك انتي غاليه .. بيجيك اللي يستاهلك ويقدرك انا قلبي مو لك كيف ترضين بواحد قلبه تسكنه وحده غيرك .. الله يهديك يا عذوب .. ويستر عليك .. شفت نظرات ذهول وصدمه والدموع الي غرقت وجهها حزنت عليها لكن مو اكثر من حزني على نفسي قربت اخذت مسفعها وغطيت وجهها ورحت لمكان ما عمي جالس شفتها جالسه معه رحت جلست وانا متوتر عمي : ها ولدي عساك انبسط هزيت راسي وشبه ابتسامه مليانه حزن حسيت اني متأكد من مصيري : الحمد الله مرام : ابوي يلا بنمشي قام عمي : طيب بروح اجيب العيال قام عمي وقامت هي راح عمي ومسكت يدها بسرعه شالتها بشراسه وقوه تكلمت بسرعه : مرام اسمعيني لفت علي وقربت وتتكلم من بين ضروسها : اسمعك اسمع وشو .. هه رفعت راسها ورجعت طالعتني وبنرفزه وقسوه : توقعتك حبيت وحده تستاهل حبك وحده منظرها .. منظرها .. هيئتها احسن من كذا مو مو .. (كأن الكلمات ضاعت منها ) مو وحده بالشكل هذا .. سكتت وهي تلف راسها وبعد برهه رجعت تتكلم بقهر اكثر من اول : قلي قلي وش لقيت فيها شي مو فيني .. يعني تبغاني اكشف لك ولا اصبغ في وجهي قبل اطلع عشان اخذ التوب في قلبك .. انت انت وقح وحقير .. كيف كيف تطلب من الحيا وهو ضايع منك ومن قليلة الأصل اللي معك ..( يوم قالت هالكلمات كنت بمد يدي وارقعها على وجهها الي منعني عمي اللي واقف من بعيد ) لهنا وبس .. مازن انا ابدا ما اسمح لك تقارن حبي بحبها هنا انا بوقف لك واقولك .. انا مراااام علي ادوس على قلبي ومشاعري في الحضيض .. دام هالقذره اسكنتها بدالي .. ونستك حبك القديم استاذ مازن .. روح لها .. ما ابيك .. تعرف وش يعني ما ابيك .. يعني اكرهك ..اكرهك مازن .. ليتك حافظت على الصوره الباقيه لك .. ولا شوهتها تف علي يومي توقعتك غير .. مسكت يدها بقوه لدرجه حسيت اصبيعي بتخترق جلدها : خلصتي كلامك .. مرام تبعد بقوه : وخر عني ولا تلمسني .. ناقصه قرف صدمتني يوم مشت وراحت لأبوها .. وقفت مصدوم .. حسيت انها اهانتني .. رفعت راسي بشموخ .. لا عفتيني مره عفتك اكثر يا بنت علي .,. صحيح اني قصرت معك .. لكن ما جرحتك ولا اهنتك بكلمات وافعال مباشره تشوفين يا مرام .. أن ما خيلتك تندمين ,.. وانا الي تجاهلت بندري عشانك لجل ما اجرحك .. تشوفين يا مرام .. بتشوفين .. جاتني رؤى تركض من ابوها وتضمني شلتها بقوه ونظرات ألم وجهتها لي ............................ مـــــــــــــــنــــــــ ـــــــــصـــــــــــــور : جالس في البر قدام شبة نار لي يومين ادق على غاده وقافله هالجوال اكيد زعلانه .. لها عين تزعل بعد اللي سوته صج حريم ما عندهم سالفه جا سالم وجلس جنبي : وراك يا منصور ابتسمت له : هلا سالم سالم : من جينا وانت مو على بعضك تنهد : ايه يا سالم انت الي حاس فيني سالم : لأني اشوف نفسي فيك طالعته باستغراب : ما جا الوقت الي تتكلم فيه ابتسم لي : مو قبل لا تقولي وش اللي فيك سكت منحرج اقوله السالفه لكن مضطر اقوله .. ابي اشوف الحل يمكن اكون غلط عليها والله مشتاق لها ولصوتها ودلعها تكلمت وكان سالم مستغرب مني سالم : طيب انت ما سألتها متى وقفت تستخدمها سكت وبلعت ريقي : لا سالم بقهر : انت من جدك سويت في الحرمه هذا كله وما سألتها ليش ولا متى وقفت حسيت اني من جد غلطان : كنت معصب وما جا في بالي سالم : ياخي انت تضيع الي عندك بنفسك يا منصور وش هالسواة في رجال عاقل يسوي اللي سويته لميت بوزي : خلاص لا تلومني مسك يدي وبنبرة حزن : لا تسوي غلطتي وتندم عليها يا منصور طالعته : ما وحى لك تتكلم الحين تنهد سالم بحسره وألم :آآآآآآآآآآآآآآآآآآآآه وش اقولك يا منصور كانت معي دره لو الف الكون مالاقي وحده تعشقني ولا تصوني مثلها بدهشه : ليه يا سالم كنت متزوج ابتسم بألم : ماتت خنقتني العبره ما عرفت اتكلم مسح دمعه من طرف عينه : ما كنت اعرف بقيمتها الا يوم مرضت وجلست عندها عرفت معنى الشوق من عيونها قريت لهفتها وانا بقربها لازمتها تعلقت فيها كثير ندمت ندمت كثير لأني تركتها (( غمض عيونه وكمل بحزن )) ما مر اسبوع وانا معها الا وهي فارقتني ما قوى جسمها هالمرض حسيت بالندم يا منصور ندم ذبحني تعرف وش معنى ذبحني .. ما ابيك تمر باللي مريته ولا تحس باللي حسيته انت تحبها روح لها هزيت راسي : باكر أن شالله خــــــــــــــــــــــلـ ـــــــــــــــــود : لبست وجهزت كنت افكر في هالبندر وانا اشوف البوم الصور ابتسمت مشاعر جامده في هالصور يالله من وين طلع لي هالانسان غمضت عيوني معقوله اكون زوجته ما اقدر ما اقدر اسلم له نفسي مااااا اقدر انا انا احب سيف انا خنت نجوى خنتهاااااا يارب اغفر لي وسامحيني يارب يارب نسيني هالآدمي ياااااارب قمت لبست عباتي واخذت شنطتي ونزلت تحت امي : يمه خلود الساعه 10 تكوني في البيت يا ويلك لو تأخرتي هزيت راسي : تامرين يمه مرام تجي معي مرام الي عيونها منفوخه وشعرها ملفوف وتمسح خشمها : لا تعبانه لويت بوزي : طيب اجيب لك شي من بره مرام : لا بس سلمي على بندري واستسمحيلي منها رفعت حاجب : على ايش مرام بتأفف : هي تعرف يلا روحي لا يجي سعد ويغير رايه ابتسمت : ايه صح وش اخبارها حصحوصه دخلت حصه : خلود اقص لسانك لا قلتي اسمي كذا ضحكت : اوه وشحاله النونو يا لبااااااا قلبه حصه : ما يخصك ههههههه رحت عندها وبست بطنها : فديتها حبوبه انا عمه وسلمت عليك قبل اروح امي : خلود وخري عن حصه لا يصير شي فيها تخصرت : لا والله تحمدون ربكم تكرمت وسلمت على ولية العهد حصه : تموتين فيها اصلا مديت لساني : حيل حيل وينه زوجك وطرووووق حصه : راح يشتري لطارق اغراض من المكتبه طلعت بره : طيب يلا باي طلعت الحوش ما كانت السياره في يووووه وين راح اتصلت عليه : هارون وينك انت هارون : الهين مدام يجي انا في جيب اغراض في بيت برطمت عليه : زين يلا يلا بسرعه رحت جلست في الكرسي وبديت اهزهه رفعت عيني لمكان ما شافني اول مره وابتسمت لذيك الأيام الحين انا متزوجه ومن مين واحد وده يخنقني لمحت ظل في الشباك واشوف سيف طل منها وهو يناظرني حسيت بقشعريره في جسمي ما قدرت اتحرك من مكاني دمعت عيني اشتقت له ليه احس اني ضعيفه يوم اشوف ليه دق الجوال هالشي الي خلاني بسرعه اقوم من مكاني رفعت عيوني ما لقيته في ربطت المسفع ورميته وطلعت من الحوش الرئيسي لقيت يد ممدوه لي فيها ورده خفت يجي سعد والله لا يدفني في مكاني تكلم سيف : خلود اسف .. والله كتبت لك كل شي في الورق ارتبكت وتوترت : لا تعتذر انا غلطت .. وبعدين انا الحين متزوجه مشيت بسرعه وركبت السياره وطالعته بنص عين وانا اشوف الحزن يكسيه ذرفت دموعي كيف قويت وكلمته كذا ليه قلت له اني متزوجه ليه وافقت عليك يا بندر لييييييييه وش السبب هارون : مدام عصبت عليه وانا امسح دموعي : كم مره قلت لك انا خلود مو مدام هارون : كلود وين يبقى يروه اخذت نفس : بيت لجين مرة ماجد هارون : هاضر سرحت بفكري لبعيد اااااه اكرهك يا حب ما سويت في الناس خير هارون : يلا كلود انزل نزلت : انتبه لجوالك راح ادق عليك هارون : هاضر دخلت البيت والاقي بندر داخل معي بعد وانا دخلت فتحت المصعد وهو طلع من الدرج دخلت فتح المصعد وشفته يفتح الباب وهو محتاس بالأغراض شكله يضحك كشفت وجهي ورحت اخذت المفتاح وفتحت الباب وهو وقف يطالعني انفتح الباب وهو يطالعني خرجت المفتاح وهو متنح فيني مديت يدي له لجل ياخذ المفتاح لكنه تكلم : ما اقدر دخليه في جيبي هني انا تنحت واستحيت اقرب منه قربت ادخل المفتاح في جيبه وهو بعد شوي : كيف حالك هزيت راسي : الحمد الله بندر : تفضلي حياك فتح الباب برجله ودخل ودخلت وراه وانا منخجله : بندري بندري تعالي اسمع صوته يهزني في داخلي استحقرت نفسي شلون سمحت لسيف يكلمني ولا يشوفني جات بندري واطلقت صرخات فرح : ياااااي خلوووود جات ضمتني وسلمت علي وبندر يطالعها باستخفاف قهرتني نظراته البايخه بندري : كيفك حبيبتي ابتسمت لها بتودد : طيبه حبوبه فين خالتي بندر بسخريه : الحين تجيك لا تستعجلين طالعته هذا بلاه ماكله حلاله وانا مدري : تطمن مانيب مستعجله كان بيروح من سمع كلماتي وقف وطالعني وطالع بندري الي جالسه تتابع الاحداث الي بيني وبينه : بندري تعالي خذي الاغراض جوا لو سمحتي شفت بندري خافت وبيني وبينكم خفت من نبرة صوته ذكرني بماجد قرب مني : شوفي اكره ما علي مره وتراددني رفعت حاجب وطالعته بابتسامة سخريه : لا والله ,.. طيب انت لا تعرض نفسك لهاذي المواقف لجل ما نراددك كان يلعب في فكه بحيره ورفع حاجب وقرب مني علامه للتحدي بيني وبينه : شوفي سندريلا هانم صحيح انتي زوجتي لكن في حدود لا تفكرين بس تتجاوزينها هذاني نبهتك سندريلا وعالعموم ورقه كامله بتوصلك تلزمين فيها حدودك بعدت عنه وبنرفزه : اولا اسمي خلود وشهو سندريلته ثانيا احسن اختصرت علي اشيا كثيره انا بعد ما ابيك تقرب مني ولا تلمسني خلك بعيد حبك يزيد ابتسامات غريبه طرت على وجهه مسك خصله : حبك يزيد حمر وجهي وربي ما قصدتها عصبت وقلت كلام ماني عارفه وشو : ما اقصد كذا بعد عني والابتسامه ما زالت عليه : ما يحتاج تبرري نرفزني اسلوبه الاهبل فتحت فمي وراح فكي على جنب : ابرر وشو وش الثقه الي انت فيها انقلب وجهه ومسك يدي بقوه : اقول لا يطول اللسان بصراحه خفت يمه بلعت ريقي ولمحنا ظل بندري فتركني وراح بيطلع فوق بندري : وين بندر بندر يطالعني من فوق لتحت : قبل لا تروحين تعالي خذي الاوراق نفرت خشمي ولويت بوزي ولفيت وجهي للجهه الثانيه نزل بندر بسرعه وهو معصب ومسكني من فكي بقوه ولف وجهي : عدلي اسلوبك لا اعدله لك انا بندري بخوف : بندر حبيبي تركني وطلع داره وجلست مفجوعه عما في شكله حقييييير حقييييييييير بندري تمسكني : خلود حبيبتي معليش حسيت بالدموع مترقرقه في عيوني يوم طرا على بالي معاملة سيف وين الغجري ذا و وينه سواف : ما عليك خليك من تافه بندري رفعت حاجب وهي متنحه كملت : تافه رمقتها بنظره خلتها تسحبني : تعالي نجلس ترا الرجال ما وراهم غير الشقى ابتسمت بهدوء وانا اكابح صرخات ودموع : صادقه ..... لـــــــــــجـــــــــــي ن : آآآآآآآآآآه بودي اقوله احبك ابي اصرخ اعشقك اهواك لكن مستحيه ومتوتره جا ماجد يبوسني وانا نايمه صحيت بخفه وابتسمت وقلبت وجهي من الحيا وغطست وجهي في المخده واسمع صوته يتسلل : حياتي يلا عن الكسل تكلمت بصوت يغلب عليه النوم والنعاس : مجودي ما شبعت من النوم والله نعساااانه البارح مسهرني اسمع ضحكاته الخفيفه : طيب قومي بلا كسل ورانا مشوار حبي قمت بكسل وشفت نظراته لي وابتسمت بعدين استوعبت ليش يطالع كذا بخجل سحبت الشرشف علي : ماجد اطلع بره اطلق ضحكات قويه وجا جلس قدامي ومسك يدي : حياتي عادي نزلت وجهي واحس الدمع متجمع فيه لين الحين مانيب قادره : ماجد روح قام : طيب يا قلبي خرج ماجد وقمت بسرعه اخذت شاور وتوضيت وخرجت لبست شرشف الصلاه كلمني ماجد : تعالي صلي معي رحت وانا عاضه شفايفي من الخجل ووقفت على جنبه اليمين وانا منحرقه صلينا انا وهو وخلصنا صلاه كان يستغفر وانا جالسه وراه اشوفه بعد 10 دقايق تكلم : لجين البسي بنطلون طويل وعبايتك اليوم هزيت راسي بموافقه وقمت اجهز وطلعت له ملابسه خرجت وشفته يقرا قرآن ابتسمت وجلست جنبه بسته من خده : يلا قلبي جهزت لك ملابسك ابتسم ماجد : طيب حبيبي دخل ماجد الغرفه جلست دقايق ودخلت شفته لابس البنطلون وجالس يسوي شعره حسيت انه ماخذ في خاطره علي رحت ضميته من وراه شفت نظراته في المرايه الحزن طاغي عليها احبك يا ماجد والله احبك كل ما بنطقه ماهيب راضيه لفني ماجد عليه وباسني حسيت بدوخه خفيفه من قربه لي حطيت راسي في حضنه دقايق صوت ماجد بخوف : لجين فيك شي ابتسمت وحطيت راسي على صدره مافيني شي بس حركتك دوختني : لا حبيبي بس شوية ارهاق ماجد جلسني وبقلق : يعني ما نخرج اليوم مسكت يده : لا حياتي بشرب عصير برتقال وبكون احسن قام ماجد : الحين اجيب لك راح ماجد ومسحت دموعي ليه مانيب قادره اقوله احبك ليييييييييييييه اكره نفسي اكره هالخوف اكرهه اكرهه جا ماجد وشربني العصير : ها كيفك الحين مسكت يده بقوه ورميت نفسي بحضنه : ابغاك جنبي ماجد ابغاك جنبي مسكني ماجد بقوه : بكون معك على طول مستحيل يوم اتركك فيه لحالك حسيت بقوه وهو معي يا عساها دوم تكون معي قام ماجد لبس بلوزته وقومني : يلا حياتي رحت البس عباتي ولفيت حجابي وخرجنا رحنا مع سواق للمينا ابتسمت : بنركب سفينه ضحك ماجد : ايه يا روحي حضنته من فرحتي ماجد : لجين تعرفي تصيدي ضحكت والذكريات تمر علي : ايه كان جدي ياخذنا ينبع معه ونروح نصيد وكانت غاده وهيام يصيحون يوم يصيدون سمك صغير ماجد يمسك يدي ويبوسها : حلوه الذكريات توجست لدقيقه وغمضت عيوني وحطيت راسي داخل صدره : مو كلها يا ماجد ماجد : خليكي شجاعه لا تخلين الماضي يأثر عليك مسكت يده رفعت راسي وانا اكلمه برجا : ماجد خلك معي ضمني له بحنان : انا كلي لك تنهدت براحه مسكني ماجد : يلا نركب اللانش هزيت راسي بموافقه وركبت معه حرك اللانش في البدايه بخفه وبعدين اسرع شوي مسكت ماجد وحنا كنا مبتسمين طالعته : نفسي افتح المسفع مسكني : يا سلام شوفي الرجال طالعته وطالعت ماجد ورمشت في عيوني بحزن : عجوز وماليزي الله يخليك رفع حاجب : لا أن شالله هندي رجال ولا مو رجال قربت منه وهو شبه ابتسامه على فمه : لجين بعدي عيب طالعت في الرجال يا حليله منهمك في شغله : ما يشوفنا حط راسه على راسي : ممكن يرفع راسه في أي وقت ابتسمت : شوف تبغى تبتسم رفع ماجد راسه ولف الجهه الثانيه : يتهيأ لك روحي مسكت يده : ماجد هز كتوفه ولفيت بسرعه عليه وشفته يضحك ضحكت معه وضمني له وقف الرجال وبعد عني ماجد ومسك يدي : تعالي رحت معه وبدا ماجد يتكلم مع الرجال اعطى له سنارات صيد ورحنا نصيد واحنا مبسوطين ونضحك مثل المجانين على اتفه الأشياء ميتين ضحك حطينا 5 سمكات على جنب وانا مصره اصيد الثالثه مثل ماجد ماجد : خلاص حياتي بلا طمع مديت لساني : لا لااااا ماجد بعطيها العجوز اتكلم بعصبية : ليه تعطيها هو أن شالله ابتسمت : عشانه يذكرني بجدي الله يرحمه ماجد : بس هذا مو جدك هذا واحد ثاني طالعته : ماجد تغار من ذا بالله عليك قرب مني وانفاسه قريبه من انفاسي خلاني استسلم له : اغار عليك من الهوا اللي تتنفسينه ابتسمت وبللت شفايفي : جد رفع حاجب وقرصني : لا من عم ضحكت وانا احس بسمكه في السناره ورفعتها بسرعه : اوووه ماجد ماجد ساعدني جا ماجد يسحبها معي : اوه لا يكون صايده سمك قرش ضحكت وانحرجت لأنه وراي بالضبط ويسحب معي طلعنا السمكه وكانت كبيره اكبر سمكه صدناها اليوم : واااااااااو ماجد : اووووه اووووه مو هينه مدامتي طالعته وانا اضحك بعد ما نزل السمكه في سطل المويه الثاني الكبير وجا جنبي ضميته : شفت شلون باسني من جبهتي : ايه شفت .. يلا ننزل للعم عشان يطلع حبسناه تحت ضحكت وهو نزل طلع بعدين العجوز وهو يشوف اللي صدناه وكان معجب كثير في اللي صدناه وكان يتكلم ببهجه حركنا ويوم قربنا نوصل اعطينا الرجال4 سمكات وسط واخذنا انا وماجد الكبيره والوسط الثانيه رحنا وديناها عند مطعم وخلينا يطبخها لنا واحنا بره جالسين ومبسوطين ياللاااااااه بالشعور الي احسه وانا معه احساس ما عمري حسيته   #49