اخاف اغمض وان رمشت أفقدك وأخاف افتح وتصبح حلم ولا ألاقيك - الفصل 15 - بقلم قموره - مكتملة | روايتك

الجزء الخامس عشر ماجد : كنا جالسين وهي ساكته ومبتسمه وانا جالس اتأملها تنهدت : طالعيني زادت ابتسامتها وضحكت رفعت عيونها وتمت تطالعني بللت شفايفها وتكلمت : اممممم جلست جنبها وشلت خصله من عيونها : هممم اخذت نفس وبتوتر : تغيرت عن اول ورجعت تطالعني كنت مبتسم : يعني اول كنت حلو بس الحين احلى ضحكت من قلب وهي انحرجت بست يدها : حلو من أي ناحيه يعني ابتسمت بإحراج : كله رجعت على ورى وتنهدت : تدرين لجين .. كنت استمتع يوم كنت صغير ضحكت : لأنك تعذبني قربت منها : لا لأني كنت اقدر اقرب منك من غير ما احد يعرف اني احبك حمر وجهها وقفت ومسكت يدها قامت معي : وش رايك نروح ناكل لقمتين ضحكت بنعومه ورفعت حواجبي لجين : خلود تقول انك تستغل دايما عدم وجودك في المعسكر ضحكت : اكيد هناك كل شي نتقيد حتى النوم مسكت يدها ومشيت على الطاوله جلستها وجلست جنبها لجين : ما تطفش ماجد : من ايش بشوية حيره : من هذي الأنظمه تنهدت : لا تعودت لجين : اها كم تجلس في المعسكر ابتسمت هذا ما كنت اخشاه : اغلب حياتي رفعت حواجبها باستغراب : كيف ؟؟ استغربت من استعجابها : وش هو اللي كيف لجين : يعني دايما تكون مع مازن وو .. فكيف ضحكت : طيب حياتي اقصد المعسكر يبدى من المغرب إلى مالانهايه واذا كانت عندنا مباراه نروح قبل بيوم طبعا هذا لأن النادي في نفس المدينه ابتسمت : اهااا ماجد : ناسبك لجين : هههههههههه شي تحبه تذكرت شي : صح لجين لجين بشوق : هممم تنهدت : طبعا عرفتي نظامي مع النادي وبصراحه ماني حاب اخليك في البيت لحالك لجين : لا عادي بروح عند امي وعزيز رفعت حاجب : والبيت ابتسمت : وش فيه تنهدت : ما ادري انا فكرت اخذ الدور اللي فوق عند الأهل عشان تكونين هناك بين اهلي اطمن عليك اكثر استوعبت : اهااا زين مسكت يدها : يعني موافقه ابتسمت لي : ايه عادي مافيها شي بس احيانا بنام عند امي عادي ؟؟ طالعتها بنص عين : لا باخذك معي اصلا ضحكت تنهدت : لجين رمقتني بنظره : تحبيني لاحظت نظرتها وحسيت اني تسرعت : خلاص انسي قمت من مكاني ورجعت طالعتها لقيتها تمسح دموعها كنت متأكد تكرهني رحت عندها مسحت دموعها : الأيام بتغير مشاعرك ما عليك ابتسمت لي : بتنتظرني حسيت اني ودي اصيح بلعت ريقي : بنتظرك .................................................. . عبد العزيز : من يوم ما قالي طلال أن هيام بتجي عندنا طرت على البيت واتصلت على ابو رهف ابو رهف : أي ده يا عم حتى يوم ملكة اختك عمال تدق ضحكت : معليش شد لنا الهمه شوي ابغاك انت والمدام في شغله في البيت ابو رهف : حاضرين لك يا عم فهمته وش ابغى منه ورحت جبته ولفينا المحلات بسرعه وديتهم البيت وغرفتي وغرفة لجين وبدوا شغلهم سرت اجيب باقي الشغلات واتصلت علي امي : هلا الغاليه هلا امي : وينك يمه عزيز : طلعت في شغله ليش امي : يلا تعال ابي اروح البيت عزيز : انزين الغلا الحين جاي وديت الأغراض البيت ورحت لأمي شفت معاها وحده استغربت حنان لا حنان اخذها سامي انزين هذي من لاه لاه معقوله اويلي بتركب سيارتي طلعت من بسرعه العطر وجلست ابخبخ في السياره وجلست اقلب في الأشرطه اللي عندي دخلت امي : السلام عليكم ابتسمت بأعرض ابتسامه وطالعت امي : هلا هلا هلا بالحب هلا بالقلب هلا والله هلا شفت امي تطالع وراها وجيت ابي اطالع وتلف لي وجهي : قدام اشوف نظرك ابتسمت : وش فيك يمه زعلانه امي : لنا الله الحين من متى صرت الحب والقلب سمعت ضحكه خفيفه : افا افا دام هالبطن اللي جابتني شلون ما تكونين القلب والروح بعد امي : ايه حسبالي يلا ودنا البيت ولا تبي تنومنا هنا حركت واحس الفرحه مو سايعتني ودي ارقص انط ما ادري وش جاني من زود ما ني فرحان نسيت الطريق امي : بسم الله عليك يمه وين مودينا ابتسمت وبفرح : وين بعد البيت امي : يمه عزيز البيت مو من هني طالعتها بتتنيح : ها امي : هههههههههههه وش مسويه فيك هيام وقفت السياره وحسيت بدموعي تغرق وجهي : هيام ذاتي يمه لا تخلونها ترجع خلوها معي مستعد الحين اجيب الملاك واتزوجها امي : بلاك يمه واللي يرضى عليك امسح دموعك نعنبو دارك رجال ذا كبرك وتبكي رجعت راسي على ورى : احبها يمه ابيها .. يمه حرام عليكم انتظرها من سنين مسكت يدي امي : احمد ربك انك تعرف اخبارها مسحت دموعي وسمعت شهيقها من ورى قلبي عورني عليها ودي اضمها واخليها في حضني لين تهدى ودي احطها وسط رمشي لفت لها امي : وش فيك يا يمه .. حسبي الله على ابليسك يا عزيز شف وش سويت بالبنت نزلت امي من السياره وطلعت عندها وضمتها لها وهيام تبكي امي : وراك يا يمه أن شالله ربي ما يكتب لكم الا الخير هيام بين دموعها ونحباتها : يمه والله ودي اتم هني .. يمه مو بيدي والله مو بيدي قطعت قلبي لمتى وعمي بيظل المتسلط علينا لمتى لمتى مشيت بسرعه وامي فزت عندي : يا يمه لا تسرع وش فيك تخبلت هديت شوي : هيام .. ما عليك لا تبكين انتي لي صدقيني لي هيام وهي تمسك يد امي بقوه : وانا ما برضى بغير كذا ابتسمت حسيت بروحي ضامه روحها في ذي اللحظه استانست من جرئتها رغم اني عارف انه نتيجة الضغط والخوف نزلت من السياره وطلعت البيت فتحت الباب ورحت غرفتي وابتسمت على شكل الغرفه فكرت انتظر لجين لين تجي صعبه اتركها بروحها هني دخلت امي عندي وضمتني ابتسمت وبست راسها امي : واللي يعافيك يا ولدي تراها ضعيفه لا تخلها تصيح ضحكت على طيبة قلب امي : يمه هذي روحي شلون اصيحها الحين قولي لي الغاليه وش رايك في الغرفه ..؟ لفت امي تشوف الغرفه وبدهشه : وش قلة الحيا ذي ضحكت من قلب على امي : وش فيك يالغاليه انا بنام في غرفة مازن امي طالعتني بنص عين : وليه يعني ..؟ جلست : ابيها تحس أن هالبيت بيضمها ومعي بعد امي : ما ظني ترضى تنام هني وقفت : مو على كيفها اذا تحبني بتنام .. اليحن هي بروحها جالسه امي : لا معها بندري في غرفة لجين واعطيتها من ملابس لجين ابتسمت : تصدقين يمه وش مشتاق له الحين امي : وش اللي متشوق له يا عيون امك بست يدها : اني اكون متزوجها واترس لك هالبيت عيال وبنات امي ضحكت : أن شالله يا ولدي عن قريب أن شالله تنهدت : ياااارب وقفت : زين انا باخذ لي ملابس وبروح غرفة مازن امي : زين يا ولدي وانا بجلس مع البنات شوي هزيت راسي موافقه وطلعت البطايق والورق وبديت اكتب لها وحطيتها تحت مخدتي وطلعت من الغرفه وشفت لجين جايه فتحت عيوني : هلا هلا وغلا .. هلا بالعروس هلا بالقمر لجين تضحك وتضمني : عزيز وحشتني قرصتها بخفه : ايه علي وحشتني ههههههه دفتني بدلع : احسن طيب ما وحشتني لويت عليها وبست جبينها : ما ينمزح معك تلوي ببوزها : وش هالزين هااا رمشت في عيوني : حبيبة ألبي هون ضحكت لجين ومشيت لغرفتها : كان بودي اقولك وش صار لكن للأسف حبيبة الألب هون وغمزت لي وانا كشرت عن انيابي قربت وسمعت صوتها وهي تغني ابتسمت وكملت انا ولجين معاها دخلت غرفة مازن وشفته منزل راسه بعبوس رحت جلست تحت رجله ورفع راسه وناظرني .................................................. ............... هيام : بصراحه حالتي اخس من اول من الصياح حسبت هالزياره بتريحني لكنها زادتني فوق اللي انا فيه ذبحني الشوق ودي اكون وسطهم جلست اتذكر سهراتنا وضحكنا في هالغرفه اريج فديتك اشتقت لك حبيييبتي والله اشتقت لك انفتح الباب وكانت بندري جات عندي : هيام بسك عاد والله عيونك تشكي لي مسحت دموعي : غصب عني غصب عنننني بندري قامت وجابت قيتار وجاتني : يلا نغني طالعتها وابتسمت : بندري بندري : عيونها انتي غمضت عيوني : عندك صور لها بندري وكأنها انصدمت من السؤال فتحت عيوني : وش فيك بندري بهدوء : يوم توفت امي وابوي حرقوا كل الصور بس هيام : شنو بلعت ريقها وبصعوبه : عندي كم صوره لها وداستها عن الكل انتي الوحيده اللي تدري انا عندي قمت عندها : تكفين ابغى وحده واللي يعافيك هزت راسها بموافقه : بس مو الحين اخاف لجين تشوفها .. يلا خلينا نغني جلست زين : تعرفين تدقين عليه ضحكت وردت بتهكم : عزيز شقا لين علمني ههههههه ابتسمت ونزلت راسي بإحراج ضحكت بندري : يلا شو نغني بتنهيده : انت عندي غمزت لي : حركااات اجل دقيقه ناخذ العود هذا ما ينفع قامت جابت العود وانا فاتحه عيوني للآخر بندري : وش فيك بتعجب : بعد هذا لعزيز هزت راسها بموافقه وانا بتخصر : ولا تقولين تعرفين تدقين عليه بعد ضحكت : للأسف ايه بدهشه : وابوك عادي ابتسمت : ما احد يعرف غير عزيز ولجين ومزون تنهدت : والله مانتي بهينه بندري : يلا غني بديت اغني بسلاسه على دقات العود : انت عندي حاجه غير هذي ما فيها كلام عمري وحبي الكبير مانت واحد والسلام يعني خذ مني ضمان باختصار وكلمتين انت حاجه في هالزمان ما تكرر ما تكرر ما تكرر مرتين ودخلت لجين وكررت هي واسمع صوته فديت صوته والله انت عندي حاجه غير هذي ما فيها كلام عمري وحبي الكبير مانت واحد والسلام ابتسمت ولجين تقولي كملي .. وحدك اللي من تغيب ما تغيب ومن غلاك لو سألت عنك غريب وكمل عزيز وانا مبتسمه بكل شوق وعشق بعدها سكت ولجين قفلت الباب وجات جلست جنبي بندري تسوي دقات سريعه : ها وشلون لقيتيه لجين : حشا علي اصبري شوي ضحكنا على بندري لجين : بندري جيبي الكام بسرعه خلينا نتصور ببدل هالملابس انا اتفاجئت : ذلفي مناك عاد حلاتي وانا بالبجامه متصوره ضحكت لجين : قومي البسي فستانك وحطي كحله بس قمت بسرعه بدلت ملابسي وبندري تصورت بلبسها اخذنا كم صوره بعدها كل وحده لبست وجينا جلسنا فوق السرير لجين : آآآه وأخيرا بندري : وش هو اللي اخيرا جلستي معه يعني صقعتها على راسها وبندري تضحك لجين : قليلة ادب افكارك خايسه اقول اخيرا ( وضمتني ) تحقق حلمي وجت هيومه عندي بندري : زين مو هرجتنا لا تتهربين لجين بحيا : ما اتهرب من شي غمزت لها : وش سوى لك ليه انخطف لونك ضحكت : بلى ما سوى شي بندري : ايه ولا ما كان نصك ذايب لجين : يوم تملكون بتعرفون رفعت يدي : ياااااارب يسمع منك بندري : هههههههههههه قلة أدب ما صدقت تسمع الدعوه مديت لساني : والله كيفي لجين : بسكم ووجع مسكت لجين : زين وشلون شفتيه طيب ولا شرير ضحكت علي : لا الحمد الله تصدقين انه رومنسي رومنسي بس دفش شوي ههههههه بندري : عادي أي رجل سعودي بيكون الدفاشه دليله انه سعودي استنكرت : لا والله الا عزيز بندري : يا عيني يا عيني استوعبت نفسي واستحيت وشوي يدق الباب قامت لجين وهي تتكلم وتضحك وطالعتني : قومي انسه هيام اليوم ما راح تنامين عندي خفت وبشوية صدمه : ليه لجين : بسم الله عليك شوي شوي بتنامين بغرفة عزيز يقول لازم تنامين بغرفه لحالك انحرق وجهي وخصوصا نظرات بندري لي اللي زادتني احراج ايه عليه فديته طلعنا من الغرفه ودخلت غرفة عزيز وقفت اشوف الغرفه والحركات والعبارات الي فيه حسيت العبره خانقتني قربت من الكيكه وشفت صورتي وصورته يوم كنا صغار وكلمة فديت شوفك والشموع اللي في الغرفه مسكت وحده من الورود واستنشقتها بندري : الللااااي عزززززييييييززززز وش هالززززين بسك عاااااد لجين : اوووه روووعه عزووووزيييي صاحب ماجد عزيز : بندري وقلي ما شالله لا تنحرق الغرفه الحين بندري : اذا بتنحرق من عين هيام مو عيني عزيز : الا هيام عيونها تزين اللي تطيح عليه لجين : عيب ترا بندري لساتها نونو بندري : نونو في بطنك ضحكت بخفه ما قدرت اقول أي شي لأني ما عرفت بشنو اقابل هالحب كله جلسنا سهرانين لأن ما طلع الضو ودق جوال لجين شفنا وجهها تغير الوان وقفلت الجوال وبدت بندري بنغزاتها بندري : ليه قفلتي حرام بيسمع صوتك لجين : انقلعي تعرفين ولا لأ بندري : لأ قومي بلا قلة حيا وردي عالرجال لجين بدلع : ما ابي هو لاحقه عليه بس هيومه مو لاحقه هيام : فيدتك لجين روحي كلمي الرجال ولا بيزعل وتشوفين وجه ثاني لجين بغرور : كيفه بيقلبه يقلبه على نفسه مو علي بندري : بكرا انتي بتعضين اصابيعك ندم على العموم يلا انا بنزل البيت ولا قسما بندور لا يقلب الدنيا فوق راسي هاليومين نفسيته مثل وجه هيام : اوكي فديتك بس قومي بدري عشان الغدا في بيت غاده لجين : ومتى بتسافرون ؟ هيام : اظن المسا اليوم ممدانا نطول اكثر بندري : يلا قومي لجين نامي وخلي هيام تنام لجين قامت : تعبناكي اليوم تثاوبت وتمغطت : يعني بس مو كل يوم وحنا نعيش هالسهرات الحلوه لجين تبوسني : يلا تمسي على خير هههههههه ضحكت : وانتي من اهل المسا هههههههه بندري : يلا نتقابل الظهر طلعوا لجين وبندري من الغرفه ورت نطيت في السرير ورفعت المخده ضميتها لصدري وشفت أوراق وبطايق ابتسمت وبديت اتصفحها كانت البطايق اغلبها عن عبارات غزليه وشلت الورق وبديت اقراه : حبيبتي هيام ابيك تتأكدين لو كان كلام الغزل في العالم يعبر بذره من مشاعري لك كان كل الكلمات ما تغلى عليك هيام كم تمنيتك في كل لحظه في حياتي ما قد غبتي عن مخيلتي اتخيلك في فرحي وحزني حتى في تعبي وارهاقي احلم انك تكونين معي انا ما ابي منك الا شي واحد توعديني فيه انك تكونين لي واذا ما كنتي لي ما تكونين لغيري لأني اتوقع اني اذبح أي احد يفكر فيك لثواني احبك .. اعشق ذاتك وهواك دمعت عيوني .. اوعدك اوعدك يا بعد دنيتي وهواي انت رحت لمكتبه واخذت ورقه وكتبت ودموعي نزلت على الورق نثرت لك عمري عطر فـي سنينـك وارويت روحيمنك يا اعذب الـري لو تنزل اعماقي تشوف انـت وينـك باقصى الحشى لك شان ماياصله حي ملكتنـي ملـك الهـوى فـي يمينـك ومن غيركم دنياي لا شـي لاشـي انا لك يا بعد عمري وروحي وعمري ما اكون لغيرك مستحيل افكر لو ثانيه بغيرك انت اللي سكنت في ذاتي وروحي من يوم ربي خلقني أحبك أكثر وبعد كثير اخذت الورق وحطيتها تحت المخده واوارقه اخذتها في شنطتي وابتسمت بكل هدوء ...................................... لجين : بعد ما خلصنا هرج وسواليف وحش في خلق الله كان بودي افاتح هيام بموضوع عزيز لكن وجود بندري منعني انسدحت على سريري وجتني رساله ابتسمت وفتحت الرساله : صباحك ورد لا تنسي تدقي اليوم ابي اخذ منك الملزمه .. سوسو ضميت حواجبي في بعض وانا اللي احسبه ماجد غبيه عشاني رديت على رسالتها وجلست اطالع في الجوال واخيرا قررت ارسل رساله : آسفه ما قدرت ارد كنت مع اهلي جاني تقرير باستلام الرساله وجلست انتظر وانتظر يرد علي ما رد علي بشي ما قدرت اقاوم النعاس اللي طاح علي ونمت في سابع نومه ............................................... مازن : بصراحه اتنرفزت من قرار خالي بس طلال كبير بالحيل على بندري .. وش اقول انا اكذب على نفسي حسيت بالغيره تحرق لي جوفي مستحيل تكون له وش اقول انا خالي راسه يابس ومستحيل يسمع لي كلمه وحده دخل علي عزيز وجلس عند رجلي رفعت راسي وشفته تنهدت ومسحت دمعه على طرف عيني عزيز : ليه تسوي في نفسك كذا مازن : مو انا القلب القلب يا عزيز عزيز : كانت دايما قدامك ما حليت لك البنت الا يوم خطبت نزلت راسي وحطيت يدي على شعري ومسكته بقوه : ما ادري ما ادري عزيز : طيب مرام بلعت ريقي بصعوبه : يوم اشوفها احس اني مشتاق لها احبها لكن من اشوف بندري انسى كل شي وما اذكر الا هي ما ادري وش اللي جاني يا عبد العزيز عزيز : حاول تنسى مشاعرك تجاه بندري مازن : وتهقي ما سويت كذا قلت لها قلت لمرام خلنا نسافر ما رضيت عزيزبقهر : يحق لها ياخي واذا رجعتوا بترمي مرتك وتحس لبندري مازن : تحبني يا عبد العزيز تحبني عزيز : اثنيناتكم غلطانين طالعته بألم : وهيه وش دخلها عزيز : انها ما قالت لك قبل ما تخطب يمكن كان الموضوع انحل بصوت متعمق : بعد شنو يا عبد العزيز بعد ما طاح الفاس بالراس عبد العزيز : بس مرام مالها ذنب لا تنسى انها حب طفولتك ومراهقتك سكت وخلاني في حيرتي اكثر واكثر ................................................. غاده : قمت الساعه 11 وعلى طول توجهت تحت ارتب الأغراض انا والخدامه وسويت تصنيفات بسيطه جنب الذبيحه اللي مسويها منصور دخل طلال المطبخ وانا حاسته مو طايق نفسه : صباح الخير طلال : صباح النور رحت عنده وصبيت له عصير : بلاك ماد هالبوز شبرين طلال بوجه عبوس : منصور ما قالك شي استغربت : ليه منصور يعرف وش بلاك .. وش سالفتك ؟ تنهد طلال ورجع ناظر جهة الباب وتكلم بصوت منخفض ومتوتر : عمي خالد هزيت له راسي : وش فيه وش سوى يوم شافك بلع ريقه وبصعوبه : لا تخافين كان استقابله لي حلو اكثر من تصورت ابتسمت وجلست : زين وش الي مضايقك طلال بتوتر : يبي يزوجني بنته الثانيه طاحت كاسة العصير من يدي وانا مصدومه : نعم !! طلال قام وبعدني عن المكان المكسور : بسم الله وش فيك طالعته : من جدك انت تتكلم طلال : لا امزح معك تراني مو فايق لك وطلع الصاله بسرعه لحقته : لحظه لحظه طلال وقف طلال : نعم لا تلوميني انا ما دخلني بروحي قرفان وماني عارف وش اسوي مسكت يده : خلنا نجلس الحين جلسنا في مكتب منصور بعيد عن حنين وبديت تكلمت : بندري صغيره شفته ينظرني بعصبيه خفت منه : وانت كبير عليها يعني طلال : قولي لأبوها مو تقولين لي تنرفزت منه ومن عصبيته : والله تقدر تقوله انا توني متزوج وبنت مو ناقصها شي بيجي اللي احسن مني وياخذها طلال بعصبيه اكثر : وتتوقعين انه مو بودي .. احرجني طلبني وقالي قل تم توقعت يقولي تجي عندي تسوي لي شغله ما توقعت يقولي زوجتك بنتي انفجعت من صوته اللي علي وخفت حنين تدخل علينا : زين هدي اعصابك شوي جالس يتعوذ بالله وانا ساكته بعدين تكلم : قولي لي وش اسوي وحنين ما بترضى تكلمت بتلقائيه : طبعا ما ترضى تو ما صار لها يومين معرسه تقوم تاخذ لها ضره زفر زفرة معصب وعرفت اني زودتها معه قمت سكت طلال : والله ما ظني قلت لك عشان تجلسين تلومين فيني وتدافعين عن حقوق المرأه لفيت وجهي الجهه الثانيه لأني بجد مو فايقه له : زين وش رديت له طلال : قلت له لازم افكر بالموضوع ويمهلني فيه غاده : زين هذا برايك حل طلال : ما ادري ما اعرف شي سكت لفتره وبعدين تكلمت : قوله لين البنت تخلص دراستها طلال : وحنين بألم يعصر قلبي : لين تخلص ربي يعدي السالفه على خير حسيت انه اقتنع بالفكره وفي داخلي محروقه على المسكينه بندري وحنين دايما البنات هم اللي يوقعون ضحيتهم وضحية افكارهم السخيفه قام طلال : حنين لا تدري بالسالفه هزيت راسي بمعنى طيب وطلعت غرفتي غسلت جسمي ولبست وحطيت عطر وشفت منصور داخل وريحته ريحة زريبة غنم ابتسمت وجهي قرفان بس حاولت ما ابين جا منصور : ها كيف صبحتي اليوم حسيت بطني بتلوع من ريحته : بخير حبيبي اجهز لك الحمام منصور وهو يفصخ ثوبه : ياليت والله بسرعه سحبت ثوبه قبل لا يعلقه ويخيس لي ريحة العبايات اللي عندي منصور باستغراب : وش فيك حبي لفيت وجهي وابتسمت ابتسامه صفرا وانا مبعده الثوب عني : عشان ريحته ما تعدم ريحة العبايات منصور ضحك علي ودخل الحمام : قولي مو طايقه ريحتي ابتسمت : لو انها ريحتك ما احلاها من ريحه لكن ريحة غنم الله يهداك منصور خرج وهو بالبنطلون : يا عيني على غزلك ربي لا يحرمني منك يا عسل ابتسمت : يلا حبيبي ادخل تسبح عشان الظهر الحين بيأذن رحت احط قلوس وشوية مكياج وخرج منصور من الحمام وانا سرحانه في مشكلة طلال منصور : غدو وش فيك طالعته ورحت جلست على السرير : ليه ما قلت لي البارح عن طلال لف علي منصور : ليه طلال قالك هزيت راسي بموافقه جلس جنبي : ما حبيت اقول يمكن هو ما يبغى الموضوع احد يعرفه مسكت يده : بس انا مو أي احد باس راسي : ادري انك مضايقه من الموضوع هزيت راسي : اكيد حرام و شذنبها حنين تكون لها طبينه ابتسم منصور : يعني هذا اللي مضايقك وانا احسب عشان اخوك يرتاح طلع السالفه فيها عنصريه باعتراض : والله انا شايفته مرحب بالفكره وما عنده أي اشكاليه بس اشكاليته الوحيده شلون يقول لحنين منصور : حرام عليك والله لو تشوفينه وشقد تعب البارح هزيت راسي بالنفي : قولي وش الحل منصور حط راسه على كتفي : انتي تتوقعي البنت كيف يعني كيف شخصيتها انتبهت لنقطه يمكن كنت ناسيتها او شي بس ذي الحقيقه في حنين : بالعكس عندها قابليه كبيره لهالمواضيع متفهمه بشكل كبير منصور ابتسم : طيب حلو بس الأفضل انه ما يقولها الحين لسه ماصار لهم يومين هزيت راسي بموافقه : قلت له يقول له لين البنت تخلص دراستها منصور باقتناع : فكره حلوه هزيت راسي بشوية حزن حط يده على خدي : وش فيها القمر ليه الحزن طالعته وميلت راسي : لو كنت مكان طلال و ش بتسوي ابتسم لي وارتحت نسبيا : باخذها بالدس ولا اشغل فكر حبي شلت يده وقمت : وجع وقطيعه تقطعها ضحك منصور وجا يمسكني وبعدت عنه : وخر لا تفكر تقرب ولا نهايتك على يدي نزلت ومنصور يناديني وانا من جد مضايقه رحت لقسم طلال وشفت حنين تتفرج تلفزيون جلست عندها : صباح الخير حنين : وين صباح اذن الظهر ابتسمت لها : زين فطرتي حنين : حمد الله وينك مختفيه من اول تنهدت : بالمطبخ تدرين عزومة اليوم لازم اسنع في الطبخ هههههه حنين : ههههههه ماله داعي كلفتي على عمرك غاده : بالعكس تراها الا مره في سنين حنين : الله يعطيكي العافيه غاده : ويعافيك ربي جات ملاك تركض : ماماااااا جوا جووووا قمت بسرعه : يلا حنونه قومي معاي رحنا انا وحنين وشفت منصور طالع لباب الرجال ابتسمت احبه احبببببه ........................................... مرام : طاوعك قلبك وتخليني وتروح ... وانا احسباني غلاك ودنيتك كنت احسب اني بداويلك جروح ... ما دريت اقسى طعونيطعنتك جيت انا عندك وانا كلي طموح ... رجعت اعاني من عذابي وغلطتك شفني منهمي ومن جرحي انوح ... وانته ناسي والليالي غرتك من عليه اشكي بعد هجرك وابوح ... آه يا مقسى حبيبي غيبتك بس انا لي قلب يالغالي سموح ... لو جرحته ما تذكر زلتك .. !! قمت من النوم تثاوبت بكسل اخذت نفس بعمق ليه يا دنيا ليه تسوين فيني كذا آآآه جلست وضميت رجلي لحضني وحطيت راسي على ركبي .. المشكله اني احبه اعشقه .. وش صار لك يا مازن ليه تسوي كذا وين نظرات الشوق واللهفه ليه يا بعد عمري ليه غمضت عيوني وفتحتها خلاص انفضي عنك هالأفكار واتركي حالك للزمن هو بيحله قمت بنشاط ودخلت الحمام اخذت شاور على السريع وطلعت شفت غرفة ماجد مظلمه دخلتها وشفته في سابع نومه ابتسمت اووف الساعه 2 اكيد ما صلى الظهر رحت عند اذنه : ماجد ماجد قوم صلي الظهر ماجد بهمهمه : صليت اممم اكيد ابوي وقظه طلعت من عنده ونزلت تحت شفت ابوي وامي جالسين ابوي : حيا الله عروستنا ابتسمت وسلمت على راس ابوي : الله يحيك الغالي امي : خلود بعدها نايمه هزيت راسي بمعنى ما ادري امي : عايشين ببيت واحد ومنتوا دراين عن اعماركم رفعت حواجبي : زين ليه ما شفتيها ابوي ضحك وانا ابتسمت وامي تخاصمني : قلة ادب بنات ضاع الحيا فيكم اوووه يمه وربي مو متفيقه لمحاضرتك الحين : تغديتوا امي : شف الوقاحه طالعتها برجا : يمممممه وش فيك امي : ما فيني شي بس لسانك ذا قصريه لي لو سمحتي بتكشيره : حاضر على عيني ابوي : قومي يبه خلي الخدامه تحط لك اكلك قمت واسمع ابوي يخاصم امي ابتسمت فديته ابوي ربي يخلي لي الحنون ناديت الخدامه وقلت لها تحط لي الغدا وتطلع فوقه طلعت وشفت خلود طالعه من غرفتها مشت من جنبي وهي مكشره زي امها استغفر الله وش اقول انا جلست اتفرج تلفزيون وجابت لي الخدامه الأكل تغديت ورحت غرفتي واخذت الجوال على امل اشوف رساله او اتصال لكن للأسف ولا شي معقول يكون قاسي لهذي الدرجه دق الجوال ابتسمت ورديت : هلا وغلا حصه : هلا فيك حبيبتي وش اخبارك تنهدت : حمد الله كيفك وكيف بطنك حصه : الحمد الله تعب الحمال ضحكت : الله يعينك .. حصه : خارجين اليوم مرام : لا الله يحييك حصه : هههههههه عمى لا كنت بقولكم تعالوا عندي انتي وخلود مرام : انا ممكن لكن خلود بتروح عند نجوى حصه : اجل خلاص كلنا نروح عند نجوى مرام : اوكي بقول لخلود الحين حصه : خلاص انا العصر بجيكم مرام : اوكي يلا سلام قفلت ونزلت تحت شفت خلود مع امي وابوي : خلود اليوم بتروحين لنجوى خلود : ايه اكيد مرام : اوكي انا وحصه بنروح معك خلود : انزين انا بروح لها عقب المغرب بعد ما زوجها يخرج مرام : خلاص حصه بتجي بعد العصر طلعت الحوش ولحقتني خلود ومعاها خوخ خلود : تبغين جلست على المرجيحه : لا خلود جلست على المرجيحه الثانيه : وش فيك اخذت حبة رطب على الطاوله كانت واكلتها : طفشانه خلود : كلمتي مازن ضحكت من قلب انا من يوم ملكت ما كلمته غير كم مره خلود : وش فيك تضحكين حاولت اسكت : هههههههه لا بس سؤال ضحكني هههههههههههه خلود بحزن : ضحكك يخفي حزن متعمق فيك طالعتها : يمكن معطيتني عين خلود : على وشو يا حظي مو قلت لك خذي حمد ضحكت من قلب : تصدقين تحسفت اني رديته خلود بابتسامه : قلت لك عيالك بيطلعون حلوين بس انتي هبله مازلت اضحك وشفت ماجد جاي وهو يحك راسه ويتثاوب خلود : وعععع ماجد على الأقل غسل وجهك ماجد يطالعها بنص عين : ذلفي دق علي المدرب يقول اليوم عندهم تمارين القياس خلود : ههههههههههههه قلت لك لا تفرط بالأكل مد بوزه : عارف هالأسبوع كله برابط عندهم تكلمت بسلاسه : زين قولهم كانت ملكتي وما قدرت اقاوم ماجد : المشكله وزني زاد 3 كيلو ما بيصدق خلود : يا حرام يعني الأسبوع ذا بتنام عندهم ماجد : تصدقون شكلي ببطل لعب مرام : ههههههههه ليه يعني دومك تتعاقب بالشهور ماجد ابتسم بمشاكسه : الحين غير وراي مسئوليه خلود : يا عيني يا عيني والله ابوي بينبسط ماجد : هههههههههه يلا عقبالك خلخل خلود انحرجت : وه لا بدري انا مو زي مرتك ماجد : وش فيها مرتي تدخلت بسرعه : ما فيها شي ابدن الحين انت متى ناوي تروح المعسكر ماجد : شوي ويأذن العصر مرام : اهااا تبغى نجهز لك شنطتك ماجد : يا ليت والله وانتي (يأشر على خلود ) قومي جهزي لي الغدا خلود باعتراض : والله والخدم والحشم اللي في البيت وش يسووون ماجد : خلود قومي جهزي لي الغدا ما تجلسين هنا لحالك لاحظت خلود عصبت وقامت بسرعه للمطبخ وانا استغربت : وش فيها لو جلست بروحها ماجد : كذا خايف عليها اصلا بودي لو اقفل لكم هالحوش باعتراض : ماشالله وابوي ليش مسوي هالبلاوي فيه عشان نقعد فيه اظن ماجد : خلاص انا بكلم الحداد بكرا يجي يلف الحوش داير ما يدور بساتر استغربت منه بالحيل : كيفك انا طالعه ارتب لك اغراضك قام ماجد : يلا وانا باخذ شاور طلعت دخلت غرفته وهو دخل الحمام طلعت شنطته ورتبت الملابس وسطها متأكده انه مو طالع قبل اسبوع ونص .................................................. ............ بندري : جهزت الظهر بسرعه وطلعت عند ابوي وشفته يبتسم لي استعجبت ابتسامته غريبه بست راسه : كيف حالك بابا ابوي : الحمد الله كيف حالك يبه ابتسمت لابتسامته : طيبه وش عنه هالابتسامه ابوي هزر اسه وشفت امي مضايقه شكلهم متهاوشين : ماما وش فيك مو جاهزه امي قامت بعصبيه : ماني برايحه قام ابوي بعصبيه : و على كيفك انتي وش تحسبين ما وراك رجال جات امي وهي معصبه : انت ما تخاف الله في نفسك حرام ترمي بنتك هالرميه بصراحه انرعبت اول مره اشوف امي وابوي يصارخون كذا راح ابوي وشوي بيصقع امي : لا ترفعين صوتك لا اقص لك هالحناجر امي خافت وهجدت وانا حسيت دموعي بتنزل : وش ذا ليش تسوون كذا ابوي : قومي البسي عباتك وانتي يلا قدامي على السياره غطيت وجهي وبديت اصيح نزلت السياره وانا مقهوره وش فيه ابوي كذا ركبت امي السياره وكان الصمت سيد المكان نزل مازن وبدى قلبي يخفق بين ضلوعي فديت شوفته ترد الروح مسحت دموعي وابوي نزل شباكه وكلمه : وين امك مازن وهو يحاول يخطف النظر : هذي هي وراي ابتسمت على ابوي اللي طالع وراه : وش فيك وش تناظر مازن اختبص وجهه وانا ضحكت بصوت مكتوم : لا ابد اشوف سيارة بندر ما هو جاي ابوي : لا مو جاي يلا تأخرنا على الناس راح مازن وابتسم وطالعني بنص عين غطيت وجهي وانا ميته ضحك وصلنا بيت غاده نزلوا كلهم وبقيت انا ادور شنطتي اللي طاحت وانا نازله كان جهة نزولي من نزول مازن ووقفنا وكل واحد في وجه الثاني مازن كان واقف واشعة الشمس على غطوتي وخلا غطوتي شفافه قريت معاني كثيره في نظرته نسيت الي حولي كلهم بودي ارتمي في حضنه بودي اقوله شيليني من الهم اللي عايشته مر علي طيف مرام وبسرعه لفيت وجهي مازن : بندري رجعت ركبت السياره وانا ساكته مازن مسك باب السياره ووقف يطالعني بكل حزن جلست ساكته احس اني مخنوقه احبه يا ناس احبه مازن : يعني ما تبين تقولين لي كيف حالك ؟ طالعته بأسى : مازن روح انت ما انت لي انت لإنسانه ثانيه مازن بصوت مخنوق : زين انتبهي على نفسك راح وخلاني لحالي يوم شفت قفاه بكيت غرقت في بكاي مو قادره اتحمل اكثر والله ماني بقادره يارب يارب ساعدني مسحت دموعي بسرعه وطلعت من السياره ودخلت البيت شفت ملاك واقفه ويه مبتسمه لي ويوم شافت وجهي وقفت متنحه ابتسمت لها : كيف حالك ملوكتي ملاك : طيبه ليش تصيحين ؟ مديت بوزي : ابوي ضايقني هههههههه ملاك : هههههههه زين ادخلي هني الحريم هزيت راسي ودخلت وسلمت على غاده وجلست مع البنات غاده : ها هيومه وشون البيات عند بيت عمي هيام : هههههههه عفتكم من بعدها لجين : طبعا طبعا حنا اللي ينام عندنا يكره ينام عند احد ثاني غاده : افا والله مانتي بسنعه حنين : ههههههه خيانه غير طبيعيه هيام : وش اسوي دلعوني دلع غير طبيعي عمتي : والله كلكم غاليين على قلبي وبودي كلكم تجون عندي ما اكره والله غاده : هههههه عشان منصور يشنقلني من البيت عمتي شافت امي ساكته ومستغربه وجلست تطالعني وتأشر لي وانا اهز كتوفي بمعنى ما ادري جهزنا الغدا مع غاده وتغدينا وجلسنا امي وعميت وغاده وحنان مع بعضيهم وحنا البنات مع بعض ومعانا ملاك دق جوال لجين وابتسمت وقامت وانا وهيام ميتين ضحك حنين : حرام عليكم عااااااد طالعتها بدلع : ايه عليك يالدلوعه حنين : هههههههههه فديتك قلبك .. انتي حبيتك من الله ضحكت : غصب عليك تحبيني انا بندري مش أي حد حنين : عن الغرور ولا بغير رايي طالعتها برفعة حواجب : انتي جربي بس حنين : ههههههههه دقيقه ابي اجيب صور شفتها عند غاده هيام : صور منو حنين : صوركم انتوا تقتل من الضحك هيام : حراااام عيلك استري ما واجهتي يا حرمه حينن : مافيييي ههههههه خلي بندري تشوفكم وتموت ضحك ابتسمت لها بكل ود وهيام ترفزني : قولي ما ابي اشوفها قمت : الا ابي هيام : على وين أن شالله ابتسمت لها : بجيب لي عصير تبغين هيام : ايه ابي جوافه بمرح : اوكي رحت جهة المطبخ وشفت حنين واقف بالصالون وشفت معها واحد شكله زوجها الا اكيد زوجها يعني من حنين : ههههههه حياتي انته طلال : بس بس كذا ما اقدر حنين : طيب روح عند الرجال طلال ضحك وجرها له وضمها انحرجت بقوه انا وش اللي موقفني هني بس ما لحقت استوعب وابي اروح شفت نظرة ذهول نظرة صدمه من عيونه وبعد عن حنين بسرعه مشيت بسرعه للمطبخ وانا مستغربه وش بلاه هذا صخ كذا مره وحده ((( اظنكم تذكرون يوم رنا وش قالت عن جمال بندري بس مو هذا اللي دهش طلال كثر ما دهشه وصدمه الشبه اللي بينها وبين اريج ))) دخلت المطبخ وصبيت لنا كلنا عصير واخذت الصحن وشفت حنين رايحة جهة الحريم معناته اكيد راح زوجها مشيت واعطيتهم العصير وخرجت ارجع الصينيه ويوم جيت بدخل مره الثانيه شفته واقف قدامي انفجعت حطيت يدي على وجهي من الفجعه طلال : اريج .. حسيت بذهول وصدمه لا شعوريا شلت يدي بخفه عن وجهي : أ..أأ.أننـ .. أأننا مو اريج طلال نزل راسه وبصدمه : بندري شفت مازن واقف على الجهه الثانيه ونظرة الغضب في عيونه حسيت اني ببكي بس خلاص وش هالفشله يشوفوني اثنيناتهم كذا لا احم ولا دستور مشيت بسرعه لغرفة الحريم ووجهي محمر هيام : وش فيك يا قمر نزلت راسي بإحراج : ولا شي وين لجين هيام تأشر لي مكان لجين وتضحك لجين نصها رايح فيها من الاحراج .................................................. .......... لجين : يوم دق الجوال وشفت اسم ماجد ابتسمت وقمت وما فاتتني نغزات البنات حسبي الله عليهم وربي استحي رديت : هلا ماجد : واحلى هلا ابتسمت وخدودي حمرت ماجد : كيفك قـ.. لجو ..؟ سكت ليه ما قالها : طيبه انته كيف حالك ماجد : اهئ اهئ ضحكت : هههههه وش فيك ماجد : شكلهم بيحبسوني في المعسكر عندهم ضحكت بزياده وهو ساكت بعدين سكت وتكلم : خلصتي ضحك رجعت اضحك وهو ساكت خفت وسكت ماجد : خلصتي لجين : احم طيب ليه بيحبسك ماجد : ماني قايل استغربت : ليه ماجد : اخاف ما تخلصين ضحك ضحكت غصب عني ماجد : ما قالي مازن اني ماخذ ضحوكه سكت ومديت بوزي : ماني ضحوكه ماجد : هذا كله ومانتي بضحوكه لجين : ايه ماني بضحوكه ماجد : طيب دلوعه سكت وماجد : حلوتي ابتسمت فديته : همممم ماجد : ابي اشوفك قبل لا اروح ضميت حواجبي : متى راح تروح ؟؟ ماجد بفرح : العصر بس قبل بمرك اجلس ربع ساعه عندك ابتسمت : طيب قول لمازن يوديني البيت ماجد : افا ليه وين انتوا ضحكت : عند بنت عمي ماجد : ايييه زين والحل مستحيل اروح من غير ما اشوفك انحرجت وسكت ماجد : اسف احرجتك لجين : طيب انا بقول لعبد العزيز يجي معايا البيت ماجد : وش معنى عبد العزيز بسرعه جاوبت : لأنه ما يقول لي لا على طول يرضى ماجد : ايييييييه طيب يلا قومي قولي له بسرعه ضحكت : طيب بدق عليه ما اقدر اروح ماجد : خلاص الغلا انتظرك تردي علي ابتسمت : من عيوني ماجد : يخلي لي عيونها ربي لجين : تسلم ماجد : الله يسلم لي قلبك اوبيييه وايد يتغزل : طيب يلا مع السلامه ماجد : فمانه وداعته قفلت منه اويلي عليه وايد طيب اخذت نفس ودقيت على عزيز عزيز : هلا بحيااااتي لجين : هلا فيك بعد عمري حبيبي عزيز : عيونه انتي لجين : ابغا اروح البيت بعد شويا عزيز : ليه حبي فيك شي لجين : لا بس ههههههههههههههه ماجد بيحبسوه ويبغى يجي قبل لا ينحبس عزيز : ههههههههههههههههه ليه ويش مسوي بزعل : مو راضي يقولي يقول يخاف اضحك ولا اسكت عزيز : هههههههههه على الغلا متى ما جهزتي دقي علي رحت عند البنات هيام : ها انسه لجو لجين : يبغى يجي لازم اروح البيت بعد شوي هيام : الحممممممد الله عشان طلال قايل بنمشي بعد العصر بندري : طيب بنات قوموا نرقص شوي بالله هيام : لا استحي ام حبي هنا ضربتها على كتفها : عن قلة الأدب والمصخره اشوف هيام : حببببببببي لجين والله ما ودي اروح دمعت عيوني : خلاص انطمي وجع هيام : هههههههههه انا خلصت دموعي البارح لويت عليها وبكيت هيام : خلاااص لجين وش فيك حبي بنكلم بعض بالتلفون وانتوا اطلعوا عندنا نجلس ونتمشى على كيفك وابوي لا من شاف ولا من درى ابتسمت لها : والله فكره هيام تبوسني : ايه عفيه عليك خلك شطوره حنين تكلم بندري : لا والله استخفوا واقعدوا بندري : ههههههههه عادي متعودين لجين : طيب يلا بنات اذا عندكم رقص وابداعات فياليت بسرعه عشان بروح اجهز قامت ملاك وشغلت الاستريو وبدينا رقص وحنان المسكينه بس تصفق حنان : يمه ودي اقوم ارقص امي : اجلسي بس توك ما ثبت حملك حتى حنان : ارقص بهدوء يمه والله نفسي غاده : والله انتي مجنونه انتي ماسكين حملك بمثبتات حنان : يوووه طيب خلاص هونت جيت عندها وجلست اهز بدلع وهي تكشر فيني : نشوفك يوم تحملي بدلع : بعد 6 سنين أن شالله امي : وقطع ليه هذا كله لجين : ههههههه ابي اتدلع انا ومجودي هيام : يا عيني يا عيني بندري : بس وينك يا ماجد تسمع ضحكت ودق علي عزيز .. كلمته وطلعت له بره رحت البيت ودخلت الغرفه اطلع لي لبس جديد جاعزيز : طيب انا بدخل غرفتي دامه مو مطول وانا اسوي الميك آب : لا عزيز الله يخليك اجلس معي عزيز : ما يصير الرجال جاي عشانك بزعل : عزيزززز ما احببببك عزيز : ههههههه حبيبي عن الدلع بيزعل جوزك بحزن : طيب بعدين يرضى عزيز : طيب بجلس شوي مو مطول ابتسمت : حبيبي انت تدري جاني وباس راسي : عياره انتي تدري ضحكت عليه طلع ولبست بسرعه دق الباب وقلبي دق معه سمعت عزيز يرحب فيه ودخله الصالون رحت جبت العصير وابتسمت وانا داخله اعطيته العصير واعطيت عزيز ولقيته واقف طالعته وعزيز طلع وحسيت قلبي بيطلع مع عزيز مد ماجد يده ومديتها بحيا حسبته بيسلم ما دريت انه بيسحبني عنده ويجلسني جنبه حسيت خدودي حمرت ماجد : كيفك هزيت راسي ولساني انبلع ماجد : هههههه طيب تكلمي بعدت شويا عنه ومسكني : قربي ليش بعدتي بخوف ونفس متقطع ما ادري وشلون طلع الكلام : ما ابي عزيز هنا ضحك ماجد : طيب انا زوجك مو غريب وجهي حمر زوجي والله كلمه كبيره ماجد : طيب على راحتك اخذ العصير شرب منه وابتسم لي وحطه على شفتي حسيت شفايفي ترجف شربت شوي وبعدت ابتسم ورجع شرب من نفس جهتي ياللللللاااه جرررريء ماجد : قدامي ربع ساعه ابتسمت وهو بنص عين : فرحانه يعني ضحكت وهزيت راسي نفي ماجد بشوية حزن : راح اشتاق لك خفت من كلمته خفت افقده مسكت يده لا شعوري : ليش ليش تقول كذا ابتسم لي ورفع يده ويدي ماسكته انتبهت لنفسي وشلت يدي بسرعه رجع سحبها بسرعه وحطها على خده : خفتي علي حمرت وخضرت وصفرت واتوقع لو انه بيغمى علي ما الوم نفسي يا ويلي انا ماسكته من خده لا لا احرااااج حسيت اني افوح من الحراره زادت مسكته على يدي : خفتي ..؟ هزيت راسي بمعنى اكيد ابتسم وحط يدي على شفته وغمض عيونه وباسها ياللااااه رومنسي << لجين بلا تخلف << لا تلوميني قمور وربي منحرجه خفي علينا شوي << هههههه افكر حسيت انه طول شلت يدي وعدت سألته : ليه قلت كذا ماجد يلعب بخصلات شعري : عشان متاكد مليون بالميه انه المدرب بيحرمني من الجوال بعد السخيييييييييييف الدبببببببببب وانا اللي فز قلبي من مكانه وتحملت مصاخته قمت من مكاني وهو مستغرب حسيت نفسي زي المجنونه وحاولت ابرر تصرفي : ابغى اجيب القهوه ماجد قام : لا حياتي ماله داعي تأخرت .. يلا اشوفك على خير هزيت راسي ومديت يدي ليده اللي مدها وسحبني له وباسني وجععععععععععع يعني انا غبيييييه وشلون ما جا على بالي انه بيسحبني مثل اول شفته يطالعني وحاجب مرفوع وشبه ابتسامه حسيت انه يتحدى حياي وانه يكسفني بعناد ميلت راسي وابتسمت له : انتظرك تخرج من الحبس شفت نظرة صدمه من عيونه وانا قد التحدي يا ماجد انتي اللي بديت والبادي اظلم ابتسم لي بكل غرور : راجع لك بإذن الله طلع وابتسمت الحين بيبدى مشوارنا من جد يا ماجد .................................................. .. مازن : بعد مرور يومين بدت الدوامات وكانت فرصتي الوحيده اللي اقدر اشوف بندري الصبح اشوفها من الشباك عشان اطفي لهيب شوقي ما بقولكم وش كثر انحرق صدري يوم شفت طلال يطالعها حسيت النار مشتعله في جوفي ما تصورت انها ممكن تكون لغيري طلعت من الغرفه بضيق وشفت امي جالسه مع حنان امي : هلا يمه هلا بنور عيني رحت حطيت راسي في جوف امي : يمه ابي قهوه حنان : وش فيك مازن مازن : ولا شي حنان : شف كيف وزنك نزل وينك وين النادي حتى سامي يقول تغيرت كثير عن اول مازن : يتهيأ لكم انا عادي امي : يمه ما تاكل زين ابتسمت : ريجيم حنان : قلعتك مزون وش هالمصخره ضحكت على شكل حنان : وين رؤى وحشتني حنان : اخذها عزيز ولجين تنهدت ودق خالي رفعت السماعه : الو خالي : السلام عليكم قمت جلست : هلا وعليكم السلام خالي : كيف حالك مازن مازن : حمد الله بخير خير خالي في شي خالي : ايه قول لأمك وانتوا انزلوا تحت ابغاكم استغربت : حاضر على امرك قفلت وامي طالعتني : وش فيه خالك كنت سرحان وصقعتني حنان : وش فيه مازن : هااا .. ايه ايه ما ادري خالي يقول يبغانا ننزل تحت عنده امي : خير عسا خير أن شالله باستغراب : والله ما ادري يا يمه حنان : طيب يلا ننزل دخل عزيز ولجين وهو شايل رؤى : على وين نازلين امي : خالك يبغانا تحت لجين : ليه وش صار حنان : تعالي رؤى عورتي يد خالك عزيز : لاه وش دعوه عاد قليله البنت حنان : فديتك نزلها من يدك بنتي وادرى فيها ثقل وزنها لجين : انتي فايقه .. ايه يمه ما تدرين يعني وش ممكن يبغى امي : والله ما ادري يلا حنان يمه البسي عباتك وخلنا ننزل نشوف وش السالفه رحت لبست ثوبي وطلعت وجات حنان وهي لابسه عباتها ونادت الخدامه تمسك بنتها نزلنا تحت عند خالي حنا رحنا صالون الرجال والحريم دخلوا القسم الثاني خالي كان جالس وبندر جنبه عزيز : خير خالي وش اللي حصل خالي : ماصار الا كل خير .. لجين معاك بندري لجين بقلق : ايه خالي جنبي خالي : زين بعد .. بندري يبه انتي بنتي الغاليه وادري انك تحبين ابوك وما تكسرين كلمته انا عطيتك لرجال واتمنى يا بنتي ما تفشليني قدامه يوم قال كلامه ظلمت الدنيا في وجهي بقي ردها اتوقع بعد ردها اني ما بطيق اجلس لحظه في هالمكان بندر : ومن هالرجال يبه خالي : طلال بندر بعصبيه : انت تبي تذبح بناتك كلهم مرة خالي : بنتي ما تخرج من عندي لبيت ضره حرام عليك البنت توها واسمع صوت صياحها خالي بعصبيه اكثر : كلمتي ما تنزل الأرض وانت انطم انا ما جبتك هني اشاورك عزيز : هدي يا خالي في الأول والأخير الراي للبنت خالي بعصبيه : بنتي ادري فيها ما تفشلني قدام الناس مرة خالي : حرام عليك ياللي ما تخاف الله وشلون ترمي بنتك هالرميه خالي : اسكتي يا حرمه ما ترفعين صوتك كم مره اقولك بندر وقف وبنرفزه : ليه ليه ما ترفع صوتها عشان تدافع عن بنتها عشانها مصدومه من الأب الي يرمي بنته خالي قام ويده ترفع كف على وجه بندر وقفت بصدمه وانا اسمع صريخ الحريم عزيز راح للجين ضمها وامي ماسكه مرة خالي بندر وعلامات القهر في وجهه : تضربني عشان واحد ذبح بنتك الي يجلس لك في البيت خله ينفعك مشى بسرعه وخالتي تبكي : مازن يبه الحقه انا مصدوم من اللي صار واقف ماني بمستوعب شي بسرعه خرجت ولحقت بندر ومسكت باب السياره : بندر بندر : وخر عني ابعددددددد مازن : لا تتهور يا بندر عندك امك بندر سحب الباب وشلت يدي بسرعه وحرك بتفحيط الله يكفيه شر نفسه طلعت فوق وشفت خالي جالس يكلم امي امي : ها يبه وين بندر رفعت راسي وانا اطالع خالي : ما ادري ما رضي يسمع شي مني خالي : هالعاق الفاجر امي : لا يا خالد من متى وانت تغضب على عيالك انت عارف ولدك زعلان على اخته لا تلوم فقد اخته اكيد هالشي مأثر في نفسيته لا شعوريا سألت : بندري كيفها خالي طالعني واستوعبت وبلعت ريقي : يعني تقبلت الوضع امي : ما ندري يوم شافت امها وابوها يتخاصمون سحبت نفسها ودخلت غرفتها اااااااه عليها ودي اروح اضمها ودي اكون جنبها مازن : حرام يا خالي نفسية البنت بتتعب خالي : انت مالك شغل افا وش فيه ذا قمت : الي يقول كلمة الحق غلطان طلعت وانا معصب لغرفتي ورحت على التسريحه مسكت المناديل الي فيها دموعها يوم ملكتي وجلست وحسيت اني ضعيف ضعيف بكيت وانا ضام المنديل بيدي ابيها ابيها تكفون ابيها دق الجوال تركته مافيني حيل له كان يدق ويدق مسحت دموعي وشفت الرقم استغربت مرام وش عنه داقه قفلت الجوال ورميته طلعت جهزت شنطتي وخرجت رجعت اخذت الجوال ونزلت تحت دقيت الباب فتحت حنان : وين رايح بعبوس : نادي لجين حنان : صدق قلة ادب اقولك وين رايح صارت شبه ابتسامه : يعني وين العمل حنان : لجين مو فاضيه لك عند بندري << وركزت على بندري وتطالعني رفعت حاجب : وش فيك حنان : مافيني شي انت وش فيك حطيت يدي على وجهها : ادخلي نادي لجين تشيل يدي : افففف يا ثقل طينتك دقيقه جات لجين وهي منزله راسها رفعت راسها من دقنها : وش فيك لجين : بندري تعبانه وتبكي مسكت يدها : لجين قولي لها تتزوجني انا اولى بها من طلال لجين بصدمه شالت يدي وبعدت : ومرام انت ما تفكر غير في نفسك تذكرت مرام وغمضت عيوني : قولي لأمي أني مسافر عطيتها مقفايه ومشيت بأسى مرام وش سويت بها المسكينه وش اللي قلته توي لجين معقول اكون اناني لذي الدرجه بندري : بتسألون عن حالتي ما ادري مو الشغله شغلة طلال ولا مازن كثر ما شفت امي تنهان قدام الكل وبندر ينضرب على وجهه وهو رجال احس بيتنا انهدم دموع امي وصياحها ورفض بندر البات خلاني في حاله يرثى لها منسدحه فوق السرير وميته صياح وشلون وشلون باخذ واحد لا امي ولا اخوي ما يحبونه قولوا انتوا وين تفكير ابوي لهالدرجه ما يفكر غير بنفسه ومازن ادري انه مو لي بس ما ابي اكون لأحد مااااابي دخلت لجين وجات مسكت شعري وانا ميته صياح لجين : بندري .. ارفعي راسك حبيبتي حطيت راسي على ركبها ورجعت ميته صياح لجين : زين هدي شوي وكلميني قولي لي وش الي مضايقك تميت اشهق : ابوي ابوي شوفي شلون يكلم امي .. و.. وضرب بندر بعد قدام الكل .. تـ..تــخيييييييييييييييييل يييييييي ورجعت اصيح لجين : حبيبي كان معصب وهذي نزوه يا قلبي جلست اهز راسي بنفي : لا لاااا لااااا انتوا صرختوا من صدمتكم جلست تمسد على راسي وانا ابكي جات حنان تناديها : كلمي مازن لجين : وش يبي حنان : ما ادري شكله بيسافر الحين بدى صوتي ينحب بهدوء بيروح ليش ليش ما يجلس ويساعدني انا ما اقدر لحالي ماااااا اقددددددر ليييييش يااااا مااااازن طلعت لجين ورحت لحقتها بشويش وشفت ظله وسمعت كلمته عضيت على شفايفي ليتك قلتها قبل ما تكون مرام في حياتك ليييييييييتك دخلت الغرفه وانا مشاعري متلخبطه ما ادري من وين الاقيها هو قلبي ولا اهلي دخل علي ابوي وهو يطالعني : ليه تبكين مسحت دموعي وش كثر قساوتك يا يبه توقعتك بتضمني تهديني مو تكلمني بهاللهجه جا جلس : انا ربيتك ودخلتك احسن المدارس عشان ادرسك احسن تدريس ليه تقولي كذا ليييييييييه تبي فلووووسك ولا جهد تربييييتك قووولي قوووولي بس لا تجرحني بقساوتك وهالكلاااام قوووووووول وريحني يا يبه ابوي : عشان ترفعين راسي انا ما ابي اجبرك على شي لكن مثل ما قدمت لك الأحسن قدمي لي مثل ما قدمت لك تدري اكرهك اكرهك اكررررررررررررهك نسيت كل ذرة حب نبضت لك بيوم من الأيام ما اشوف شي غير كره وحقد وشلون يطاوعك قلبك ابتسمت بقهر ومسحت دموعي : كان كملت جميلك يا ابووووي كان كملته وخليتني اختار الي ابي اعيش حياتي معه بصرخه فز لها قلبي : كاااااب يا قليلة الأدب ومن ذا الي تبين تعيشين معه رجعت على ورى من خوفي وضميت رجولي وانا مرعوبه من شكل ابوي الثاير صحت وابوي قام وباس راسي : لا تصيحين يا عيون ابوها انا ابي لك الخير هزيت راسي بهدوء : سو الي تباه يبى خلاااااااص ماعاد يفرق معي شي كذا ولا كذا مازن ماهو لي ليه اشيل هم نفسي وانا من يوم حبيته وانا عارفه أني ظالمه نفسي خلاص ما فرقت معي هذي الأيام وهذا قرارها .. هذا الي خبته لي الدنيا وش بعد يا دنيا تكفين تكفين كل شي هاتيه مره وحده وريحي قلبي ما عاد بقوى اكثر ........................................... لجين : سمعت كل كلمه قالها خالي نزلت راسي حزن على المسكينه بندري وحنين حنين وش ذنبهاااااا ليش كذا يا خالي صدق انكم انانيين حتى انت يا مازن اناني تجاهلت مرام حرام هي وش ذنبها طلعت فوق وشفت امي عند خالتي حنان : وين رايحه حاسه الحزن في وجهي مضاااايقه مضااااايقه ابي اتكلم ابي ارتااااح : غرفتي طلعت فوق ودخلت البيت شفت رؤى في غرفة عزيز مع الخدامه دخلت غرفتي وحسيت اني مخنوقه مسكت جوالي ودقيت على ماجد ابي اكلمه محتاجه اكلمه مقفل الجوال .. تضايقت زياده رديت ادق له ولقيته مقفل رميت الجوال بقهر وحطيت راسي على المخده وزفرت بألم لمتى وانا اشوفهم كذا .. حال مازن ومرام ولا بندري وحنين معقوله قمت ادور عزيز ما لقيته وين رااااااح مضاااايقه جلست بتأفف مافي غيرها هيااام ما غيرهاااا اتصلت على جوال حنين علشان اكلم هيام من البيت لأن عمي يطلع الفواتير وهي مسجله جوالي باسم وحده من صديقاتها عشان عمي ما يحس بشي حنين : الو زادت ضيقتي يوم سمعت صوتها الله يعينك يا حنين : كيف حنونه حنين : هلااا جونتي طيبه كيفك انتي لجين : حمد الله حنونه معليش اتصلت عليك مثل هالوقت بس بغيت هيام حنين : لا عادي وش دعوه عاد الحين اودي جوالي لها دقيقه ابتسمت : تسلمين لي اوكي جلست انتظر وانا افكر وش بقول لهيام جاني صوت هيام بحيويه : هلووووو ابتسمت فديت صوتها : واحلى هلووووو هيام : اعرف رفعت حاجب : يا شينك يوم تكونين واثقه هيام : هههههههه ليه ما دقيتي على جوالي تنهدت : جوالي فوق بغرفتي وانا بالصاله مافيني اطلع له هيام : كسل والعياذ بالله لجين : اففف لا مو كذا بس مضايقه مالي خلق لشي هيام : اوه اوه وبعد اففف ليش وش صار وضيق خلق لولتي .. لا يكوم ما كلمتي ماجد حسيت بضيقه : لا مو كذا .. تصدقي مادري يمكن هالشي بزياده هيام : هههههههه وبدينا نحب عصبت من هالفكره : حب لا ما اظن هو زوجي بس هيام : زوج = حب بنرفزه : لا بس هو طيب وما اعرف بس خلاص انطمي هيام : هههههههه طيب وش اللي مخليك مضايقه تنهدت :طلال ماقالك شي هيام باهتمام : لا والله ما قال ليش وش صاير بخوف : حنين جنبك هيام : لا عطتني الجوال وراحت وش صاير خوفتيني طبعا ما قصرت قلت لها الي صار في بيت خالي من غير ما اذكر لها شي عن مازن الي من جد قاهرتني انانيته هيام : الخسيس ما قالي شي ضحكت : حلوه ذي خسيس عيب استحي على وجهك هو حر مسأله شخصيه يمكن هيام : لااااا واللللللله والمسكينه بنت الناس لجين : آآآآه لا تعوري قلبي عليها قسما ماني قادره اتحمل شي هيام : يا عمري انتي لا تشيلي هم طيب عبد العزيز وش قال حسبي الله عليها تحسبني ماني فاهمه حركاتها تبغاني اقول شي عنه عناد فيك مو قايله : والله ما ادري هيام : أهااا طيب وش كانت ردة فعله يعني ابتسمت بمشاكسه هين هيام اذا خذيتي مني كلمه وحده بس : ما ادري ماني فايقه كنت هيام سكتت وانا ساكته بعد ثواني : الو وش فيك هيام : انتي وش فيك مو انا ضحكت : وه هيام : لا توهوهين عندي الحين يلا مع السلامه بكلم غاده ضحكت عليها : طاااايب مع السلامه قفلت وانا اضحك عليها مجنونه هذي البنت يا حبها للف والدوران ههههههههههه دخل عبد العزيز : وش فيها هبلتي تضحك جلس جنبي وحط لف يده على كتفي طالعته : قلتها هبله ابتسم : كلمتي ماجد لفيت بعيوني كل الاتجاهات : مقفل جواله عزيز يضحك : شغال معه العقاب ضحكت وحطيت راسي على كتف عزيز عزيز لعب بشعري : كيف حال بندري بضيقه : ما ادري تركتها مع خالي بس يوم كنت معها كانت مره منهاره عزيز : ليش ما جلستي معاها طالعته : ما قدرت عزيز باس راسي : لازم توقفي معاها هزيت راسي بموافقه : أن شالله شفت بندر عزيز : ايه رحت له رفعت حواجبي : وين ابتسم : يعني وين بندر يروح غير طريق المطار حسيت برعشه في جسمي عزيز مسكني بقوه : وش فيك هزيت براسي نفي : زين وش قالك عزيز : مضايق حيل من ابوه انا خايف على الولد لا يتهور هزيت كتوفي : والله ما ادري وش اقول عزيز : شيلي الهموم من راسك وخلي في بالك مجوووودي ضحكت ودفيته : قليل الأدب جات رؤى تركض وتحضن عزيز وهي تصرخ : عذييييييييذ عذيييييييييييذ عزيز : يا دلب عذيذ بث لا تاكلين الزاء دخيلك رؤى تطلع في عبه وتبوسه وتحط راسها في حضنه طالعتها وطالعت عزيز وحسيت عيوني بتدمع تخيلت شكل عزيز اب ولا بيسوي مع عيالي كذا اللااااي فديتك عزيز عزيز : رؤى فيكي افووو خلي داده تغير حفاظتك رؤى جلست وبزعل : بحه افووو اوزين افوو فتحت عيوني : يالخايسه رؤى : انتي اععععه شهقت وعزيز ميت ضحك جات تاتي بتشيل رؤى وهي تصيح عزيز : رؤى قومي غيري وبعدين تعالي ارقدي عندي رؤى : لاااا تلوووووح عزيز : ماني برايح يلا اجي معك رؤى تسحب اصباع عزيز : تعاااال ينا ( يلا ) عزيز يقوم : يا دلعكم يالبنات المشكله قلبي طيب ضحكت وراح وانا اطالعه الله لا يحرمنا من وجودك يا اروع مخلوق جات حنان : وينها رؤى تاااتي يلا انزلي لجين : ليه جاك زوجك حنان : ايه جاني لجين : امي وينها حنان : تحت عند مرت خالي لجين : وش بتسوي الحين حنان : والله خالي ما يستحي وشلون يصارخ فيها كذا لجين : انا ادري عنه .ز الا قولي وشلون يضرب بندر جا عزيز ورؤى : الواحد اذا عصب ما يدري عن نفسه حنان تروح تسحب رؤى : يلا ماما بابا تحت رؤى تروح ورا عزيز : نأه نأه ( لأه لأه ) حنان : ياربييييييييييييه انا دايما يا عبد العزيز اقولك اختفي قبل لا راوح وش يفكني الحين من حلقها لا فتحته عزيز : هههههههه خلاص خليها اليوم تنام عند لجين لجين : والله هذي ملسونه ما اتحملها واذا صاحت بالليل تبغاك حنان : خلاص بخلي تاتي معها هي تعرف تسكتها لجين : خلاص مدام كذا رضيت حنان : بس باخذ سيتا ما اقدر اعيش من غير خدامه لجين : لاااااا واللللللله ولا تفكرين تاخذين سيتا انا ما أمن غير لها حنان : يا سلام عندك تاتي لجين : معليش حبيبتي خذي روحاتي بس سيتا لو تمووووتي حنان : تاتي قولي لروحاتي تاخذ ملابس وتجي معي انتظرها تحت طلعت من الباب معصبه وعزيز ميت ضحك مديت لساني له ورحت لرؤى : شفتي لو تسوين ازعاج اخنقك رؤى تندس ورى عزيز : انا انام عن عذيذ عزيز : هههههههه يا سلاااام وش رايك بعد اخذك العمل بكره ضحكت وبست صدره : فديت قلبك الحنون عزيز قرصني من خدي : شوفي روجك على ثوبي ضحكت من قلب : كيفي .......................................... هيام : بجد مقهوره من طلال وقهرتني لجين اكثر تستعبط الهبله انا اوريها دقيت على غاده وردت ملاك : الو هيام : ملوكه حبيبي عطيني ماما ملاك : طيب خاله غاده : وش فيه بعصبيه : تدري أن طلال بيتزوج غاده : قالك عصبت بزياده : لااااااه وتدرين بعد وش حقه مخبين علي يعني غاده : اسأليه انا مايل شغل زي زيك تضايقت يوم عرفت انتي وش عرفك هيام : قالت لي لجين بس من جد نرفزني اخوكي كيف يرضى غاده : منصور يقولي غصبن عنه هيام : حلوه ذي غصبن عنه غاده : وانتي وش فيك تنافخين علي روحي قولي له هو ذا الكلام سكت وزفرت : طيب مع السلامه قفلت وقمت بسرعه طلعت شفت ابوي قدامي انتفضت يا ويلي لا يكون سمعني ابوي : من كنتي تكلمي حسيت اني بدوخ : غاده ابوي : هاتي جوالك عطيته الجوال وانا ارجف وابلع ريقي والله شكله سمعني يا ويلي ابوي يشوف : وش تبغين في الحرمه خلها مع زوجها بعلت ريقي اشوى : كنت بسألها عن طبخه ابوي : ايه زين زين ذاكري ازين لك هزيت راسي بموافقه وانا ازفر من قلب يا ويلي منك يبه ترعبني رحت لغرفة طلال ودقيت الباب فتح طلال الباب : وش فيك همست له : ابغاك شوي ممكن طلال : طيب طلع وقفل الباب : نعم سحبت يده ودخلت غرفتي وقفلت الباب : ليه ما قلت لي عن بندري طلال نزل راسه : من قالك هيام : لجين طلال : وذي ما تقدر تخبي عليك شي هيام : مو ذا موضوعنا ليه ما قلت لي طلال : كذا كيفي مابي اقول رحت جلست جنبه وبدلع : عاد طلولي ليش كذا معصب طلال : ما ابي الموضوع ذا ينفتح اقفلوه نهائي هيام : ولمتى يعني طلال : لين البنت تنتهي من دراستها هيام : يعني في امل .... طلال : أن شالله ولو سمحتي حنين ما ابغاها تعرف عن الموضوع شي هزيت راسي بموافقه طلع طلال من الغرفه قمت قفلت الباب وفتحت شنطتي واخذت الورقه وتميت اقرى الرساله واشم ريحة الورقه وابتسمت .. اشتقت لك   #38