الفصل 13
الجزء الثالث عشر
عــــبـــــد العـــــــزيــــــــــــز :
وانا عندها حسيت اني بموت حزن عليها طليت في لجين بحزن واشرت لها تقرب
جات لجين بخوف مسكت يدها وقربتها من بندري اللي كانت ترجف والعرق يتصبب منها
شفت البوم في حضنها طلبت من لجين تجيبه اعطتني هو لجين وخرجت من الغرفه
جات لجين : عزيز احطها في السرير
لفيت اطالعها : ايه ايه احسن بعد
راحت لجين وجلست اشوف الألبوم وانا مصدوم .. اتذكر خالي حرق كل صور اريج
حاولت قدر المستطاع أن لجين ما تشوفها اخذت الألبوم معي وطلعت فوق
رحت الصيدليه وجبت بعض الأدويه المخفضه للحراره
وانا راجع شفت مازن : جيت بدري
مازن : مالي خلق لشيء وش ذا
طليت في الكيس : ادويه
مازن : حق
تميت اطالعه وبعدها اتكلمت وانا طالع : بندري
لحقني مازن : بندري .. وش فيها .. قولي فيها شي
وقفت ومسكت كتفه : انت الحين متزوج يا مازن
واطالع وراه شفت بندر حسيت بمويه بارده على وجهي
بندر طلع وسحب مني الكيس وراح
مازن نزل راسه وانا متفشل جلسنا على الدرج
مازن : خايف عليها منه
تنهدت : اخوها ما يسوي لها شي
مازن وقف : والله لو مد يده عليها لا اقصها له قم قم
قمت وانا اهديه : هدي يا مازن هذا ولد خالك
مازن شال يده وطلع وشاف بندر واقف عند الباب
بندر يطالعنا : خير نعم
رفع حواجبه وراح عنده : أن مديت يدك عليها بقصها لك فاهم
بندر باستهزاء : يوم يكون لك حق فيها تكلم
جا مازن بيمد يده وتدخلت بسرعه وانا معصب منهم : مو وقتكم الحين البنت بين الحيا والموت
جات لجين بسرعه : عزيز مو راضيه حرارتها تنزل حطيت لها كمادات وبرضها حرارتها مرتفعه
بندر بخوف : ليش وش فيها
لجين : ما ادري بس حالتها كسيفه
بندر يطالع مازن : من يوم ردت من السفر ما شفتها جلست معنا على سفره اكل
مازن يطالع بندر بحزن
بندر : ليه يا مازن توقعتك تخاف عليها اكثر واحد منا
مازن نزل راسه وطلع من عندنا
طليت في بندر : القلب بيد الرحمان يا بندر
بندر : يحكم على قلبه
بقهر : لو كانت بعيد عنه ممكن
بندر : الغلط مو على اختي
هديت شوي : استغفر الله ولا على مازن قم رح جيب اختك وانا انتظرك في السياره نوديها المستشفى
راح بندر ونزلت تحت شغلت سيارتي وجات لجين مع بندري ورا وانا وبندر
دقيت على امي وقلت لها
................................................
غــــــــــــــــــــــاد ه :
في الظهر كنت جالسه مع منصور وابوي
منصور : والله ما ادري يا عمي بس لازم بعد بكره نطلع شغلي بيبدى
ابوي : الله يهداك يا ولدي زين خلي الحرمه والعيال عندنا
منصور يطالعني بابتسامه : عن نفسي مالي غنى عنهم بس اذا هم يرضونها علي شي ثاني
ابتسمت ونزلت راسي
ابوي : والله شكلهم رايحين فيها بس لا تقطعونا
منصور : فالك طيب عمي
ابوي : يلا انا استأذن
قام ابوي ومنصور قام جلس جنبي : ها تبين تجلسين
طليت فيه وضحكت : امممم نجلس احسن
منصور بدهشه : افا
ضحكت على شكله : مشكله الثقه
منصور : وشدعوه عاد
شكله يجنن وهو مصدوم ههههههههه
منصور : تضحكين وش عليك
مسكت يده : زعلان
منصور دار وجهه : بروح ادور الثانيه
انصدمت ودرت وجهي
قام منصور من المجلس : انا برجع اليوم مع السلامه
خرج من الغرفه وانا مصدومه معقول زعل طلعت الحقه شفته في الغرفه جالس
رحت من وراه ضميته : حبيبي
منصور : عيونه
بعدت عنه وضحكت
منصور : ردت تضحك
حاولت امسك نفسي : وش اسوي عليك توقعت زعلت وطلعت مو زعلان
ضحك منصور : وربي تفكيرك ما ادري وشلون
لويت بوزي : تموت تلاقي مثلي
منصور : غرور
رحت عنده بدلع : على جوزي
دق جوالي ورحت ارد عليه شفتها حنان
ابتسمت وقفلت الباب : هلا والله
حنان : هلا فيك يا دوبه زين دقي اسألي عن الشبكه شلون كانت
ضحكت : يا قلبي والله معليش انشغلت شوي
حنان : الله والشغل عاد المهم متى جايه
جلست اطالع في منصور : يمكن اليوم او بكره لين الحين ما قررنا
حنان : ايوه زين اذا جيتي عطيني خبر
غاده : من عيوني الا شلون كانت عروسة مازن
حنان : الله يحفظها قمر
غاده : ما شالله الله يسعدهم كيف اهلك كلهم
حنان : الحمد الله بخير بس بندري البارح بعد الشبكه ودوها المستشفى
انفجعت عليها : ليه يا قلبي عليها وش فيها
حنان بحزن : والله مره تعبانه لين الحين حرارتها مرتفعه وخايفين عليها بالحيل
غاده : يا حياتي .. يالله طيب كيفها امها
حنان : مسكينه حالتها حاله ما غير تبكي وتدعي لها وامي تهدي فيها الله يعين يا رب
غاده : يا قلبي عليم أن شالله اذا وصلت بدق عليك اخذ رقم الغرفه
حنان : خير أن شالله يلا الغاليه حبيت اطمن عليك
غاده : الله يخليك يارب
قفلت من حنان وانا معبسه شوي
منصور : وش فيه
رحت في حضنه : تذكر بندري الي اقولك عليها
منصور : ايه وش فيها
غاده : فديتها تعبانه مرقده في المستشفى من البارح
منصور باس راسي : ادعي لها يا قلبي محتاجه لدعاكم
غاده : الله يحفظها ويخليها لأهلها وربي ملاك لو تدري بتزعل بالحيل
منصور : اكيد الأطفال يحبون اللي يلعب معهم ويعطف عليهم
جلست اسولف شوي مع منصور وخليته ينام وطلعت عند هيام
هيام جالسه توري ملاك فساتين وحركات ابتسمت بحزن وجلست معاهم
هيام : للللللوووولللللوي اعتقك منصور
ملاك : هههههههه خاله خليهم ما صدقنا حنا
ابتسمت : وهي صادقه ما يعجبكم عجب ولا الصيام في رجب
هيام : بسم الله علي خلاص سحبتها وه وه
ضحكنا على هيام
طليت فيها : كلمتي لجين
هيام : لاه ليش
درت وجهي : كذا سؤال
هيام : والله في شي دقيت عليها بس ما ترد قلت يمكن نايمه مع تعب البارح
طليت فيها وابتسمت : يمكن صح
هيام : وش فيه فيهم شي
ابتسمت : وجع لا تفاولي ما فيهم الا الخير أن شالله
هيام بشك : أن شالله
........................................
خـــــــــــــــــلــــــ ـــــــــــود :
حبيبتي ودي اقولك شي عني عشان اكون صريح معك من البدايه
انا .............. ارجوك تفهميني واللي حصل غصبن عني
حياتيتأكدي يالغاليه انك عندي غاليه فوق ماتتصورين
اذا ودك جوابي يريح قلبك راح اقول
" لاواذا ودك جوابي يريح قلبي راح ...............
واذا ودك جوابي يختصر كل الطريق راح اقول " احبك
واذا ودك جوابي يرسم على شفاتك البسمه
راح اقول " أتحدى كل الظروف ..........
واذا ودك تصدقيني أكثررح أقول " كياني تشقلب لمادخلتيه وصار أحلى كيان
واذا ودك تكرهيني أكثرما راح اقول الا "
اذبحيني ولو ماقدرتي فمالك حل الا اني امووووت فيك
وانا اقرى الورقه جالسه اطالع في اماكن الفراغ ابي اعرف وش هالشي اللي يبغاني افهمه
ااااه يالقهر .. كانت الورقه معدومه بقطرات مويه بسبب الزرع اللي في الحوش
جلست الوي في فمي من الغيظ حسيت بأحد بيدخل بسرعه دخلت الورقه تحت المخده
فتحت مرام الباب وهي مبتسمه : صباح الخييييييييييييييييييير
جلست اطالعها ببلاهه : ها
مرام ضحكت : هههههههههه هبله وش هااا
ابتسمت باستعجاب على مرام : وش فيك
مرام هزت كتوفها : ولا شي
طليت فيها بشك : كلمك مازن
مرام بابتسامه وجلست جنبي : كنت اتوقع اننا بنكمل سهرتنا بالجوال ويصحيني بأعذب الكلمات
خلود : ههههههههههههههههههههههههه هههههههههه
مرام : ههههههههههههههههههههههههه ههههههههههههههههههههههههه هههههههه
تصدقين يا شين البنات يوم يحلمون وايد يتعبون
خلود : ههههههههههههههههههههههه احلمي على قدك يا ماما
مرام برفعة حاجب : عادي ما يهمني بخليه يموت علي اكثر من أول
بستها : اموت في الثقه
مرام اخذت نفس : زين قومي اليوم بنروح نتغدى في الحديقه
طليت فيها : طيب ادق على نجوى
مرام : اوكي وانا بكلم حصه
خرجت من الغرفه ورحت قفلت الباب وفتحت الورقه احاول اقراها ماني قادره
طبقتها ورحت حطيتها في المكتب وقفلتها بالمفتاح اخذت الجوال ودقيت على نجوى
ردت علي بنتها : ماما تعبانه
عبست وجهي : ليه وش فيها
جوري : ما ادري تبكي وبطنها تعورها
مسكت قلبي : فديتها زين روحي حطي الجوال في اذنها
جوري : طيب
دقايق واسمع صوتها : نجوى فديتك فيك شي
نجوى : خلود الله يسعدك قولي لأمك تجي بسرعه وربي مو قادره اتحمل
دمعت عيوني : طيب طيب حبيبتي الحين بنجيك
خرجت من الغرفه وقابلت مرام : مرام نجوى تعبانه حيل باخذ امي ونروح لها
مرام : ليه وش فيها
هزيت راسي : والله ما ادري بقول لأمي تجي معي
رحت بسرعه لأمي وقلت لها رحت لبست عباتي ورحنا انا وامي لنجوى
جلست امي تسوي لنجوى شي تشربه وانا ماسكه بناتها لها
...........................................
مـــــــــــــــــــاجـــ ـــــــــــد:
والله حيرتني هالخلود حالها مو عاجبني متأكد في شي فيها بس مو عارف وش هو
لازم انتبه لها لا تتهور ويصير لها شي
دقيت على مازن رد علي : هلا ماجد
ماجد : كيفه العريس
مازن : تعبااااان يا ماجد تعباااان
شلت هم اكثر واكثر : ليش وش حصل
مازن : مريضه في المستشفى
اتفاجأت لمصارحته بهالشي : ايه زين زين
مازن : وش هو الي زين الله يهداك
رفعت حاجب : تبي الصدق ما تستح على وجهك لو قلت من البدايه قبل ما تملك على البنت
مازن : ماجد تكفى مو ناقص
بقهر : بنات الناس مو لعبه عندك مع السلامه
قفلت من عنده وانا مستغرب وش فيهم يا ناس ليه كذا
جلست امشي بالسياره وانا مو عارف وين اروح دقيت بوري اقوى ما عندي ونزلت راسي
خطرت في بالي فكره دقيت على مرام يمكن تعقله
مرام : هلا
ماجد : مرومه دقيتي على زوجك
مرام : حلوه ذي
ماجد : مرام خليك عاقله
مرام : وكرامتي
رفعت حواجب يا تفكيركم يالحريم : أي كرامه انتي وجهك لا تضيعين الرجال من يدك خليه احسن منك
مرام : ......................
همست لها : عفيه عليك حبيبي صدقيني هذا زوجك ومالك غنى عنه يلا حبيبتي
مرام : ما اعرف رقمه
ابتسمت : برسله لك الحين
مرام : طيب يصير خير أن شالله
قفلت من عندها ورسلت لها بطاقة اعمال الله يسعدها يارب
دقيت على عبد العزيز واتفقت معه على الملكه
رحت البيت ودخلت شفت ابوي جالس مع طارق ولد سعد
ماجد : وين ابوك طروق
طارق : ما ادري راح هو وامي
ابوي : يا حليله سعد توه صحى
ضحكت : عقبالك يالغالي
ابوي قرب مني : أن شالله من الثانيه
طارق : ابوووويه سمعت بقول لأمي
ضحكنا على طارق الي ضحك معانا
ابوي : ها شخبار النفسيه
هزيت راسي : متوتره
ابوي : خلك اسد
رفعت حاجب وبنصف ابتسامه : بسمعك عريني هههههههههه
ابوي : ههههههههههههههههه ديناصور ولدي
ماجد : على الطاري ترى بجيب اليوم مهندس يشوف البيت
ابوي : ما انت مسوي شي الا اذا وافقت البنت
تنرفزت : ابوي الحرمه ما تمشي رايها علي
ابوي : يا ولدي اذا هذي فكرتك في الحياه ما راح تعيش الحياه اخذ وعطى لازم انت تقدم تنازلات وهي تقدم تنازلات عشان تكونون بيت كله سعاده
نزلت راسي : ما قلت شي بس انت عارف يا يبه أن سفرياتي كثيره وصعب اخليها في البيت لحالها
لازم تكون هنا اطمن عليها اكثر
ابوي : بعد يا ولدي مافيها شي لو شاورتها هاذي حرمتك
هزيت راسي : يصير خير
قمت : عن اذنك يالغالي
ابوي : اذنك معي
طلعت اشوف مرام دقيت الباب وفتحت وهي مبتسمه
ابتسمت تلقائي : كلمتيه
مرام ورتني الجوال وضحكت ورحت عنها
دخلت غرفتي وانسدحت غمضت عيوني وانا اتذكرها البارح وشلون كانت
آآآآه ما عمري شفت نعومه ورقه مثلها الله يهنيني فيها
.................................................. ..
لجــــــــــــــــــيــــ ـــــــــــــــــــن :
جالسه وحاطه يدي على خدي وانا اشوف بندري قدامي واتنهدت بحزن
جات حنان وسلمت علي : وين امي
طليت فيها : ودت خالتي البيت تروح تلبس ويتغدون
حنان : انتي تغديتي
هزيت راسي نفي : مالي خلق لشي
حنان : ما يصير كذا يا بعد عمري
تنهدت وانا امسك شعر بندري : فديتها حرارتها مثل ماهي خايفه عليها
حنان : حياتي لا تخلين للخوف مجال في حياتك بتتعبين كذا
نزلت راسي : مو انا قلبي
حنان : الله يهديك أن شالله
سكتنا لفتره وبدت بندري تتحرك بخفه وتتكلم بصوت غير مفهوم
قمت انا وحنان عندها وهمست لها : حبي تسمعيني
بندري بهمس : مـ ... مـ... .. مـــ..ااا... ز.. ن ... ممـ ... ممازن
حنان طلت فيني بصدمه وانا اندهشت ونزلت راسي واتوترت
بندري : يـ...يمــ... يمــــه..ماااازن ...يمه
حنان : مازن
طليت فيها وسكت ما عرفت وش اقول دخلت امي وخالتي وانا اطالع في حنان برجى
حنان تحركت بسرعه لأمي وخالتي وسحبتهم بره وانا حاولت اقوم بندري
مسكت يدها : بندري بندري قومي يا قلبي قووومي
بندري فتحت عيونها بثقل وتطالعني : ابي امي .. ابي مازن
بلعت ريقي : زين زين الحين بدق لك على مازن
اخذت جوالي وادق على مازن ومعه خط انقهرت منه والله مو وقته دقيت عليه مره ثانيه ورد
مازن : هلا
مديت بوزي : كلم بندري قول لها أي شي
مازن ارتبك : لاه لاه لجين
برجى : تكفى ماهي بوعيها وربي مو في وعيها
مازن : زين
حطيت الجوال في اذنها وشفتها تبكي وبدت تتكلم : زين لا تروح اريدك معي
طليت فيها بحزن وحسيت عيوني بتدمع مسكت نفسي ودمعتي
بندري : زين .. لا تروح مع اريج ابيك معي
حسيت بصدمه اريج .. بلعت ريقي ورفعت الجوال وصوت مخنوق : الو
مازن بحزن : انتبهي عليها حطيها في عيونك
بللت شفايفي : مازن ..
مازن : ادري .. ما ادري وش اسوي ما ادري
دخلت حنان واشرت لها خلاص قفلت مع مازن ومسكت بندري
بندري يوم شافت امها بكت : يمه يمه اريج اريج يمه
بكت خالتي وامي دمعت عيونها وانا ضميت حنان واحس العبره خانقتني
.....................................
بـــــــــــــــــــــنــ ـــــــــــــــــــــــدر :
صدمتني حالة بندري معقوله ما لقت غير مازن يعني كان لي حق اخاف عليها
آآآآه بس آآآآه
جلست في المستشفى وشفت وليد مع امه واخته قلبي رجف يوم شفتها
سلمت على وليد ولمحت عينها تطالعني
وليد : خير عسى ما شر
حسيت اني ابي اقهر رنا : لا بس جاي اسوي تحاليل
وليد : تحاليل وشو
قربت منه وهمست في اذنه : للأهل تعبانين
وليد ضحك : حسبت بعد
ضحكت معه وانا حاس بعيونها بدت تدمع عورني قلبي عليها
ورفعت حاجب : وانت وش عندك
وليد : لا بس مرتي ولدت وجايب الأهل لها
رفعت حواجبي : ماشالله وش جابت
وليد بابتسامه : بنت مثل القمر
ضميته : تستاهل كل خير يالغالي
وليد : يلا ورينا انتاجك طليت في رنا وشلت عيوني بسرعه : أن شالله يلا طولت عليك
وليد : اقابلك وقت ثاني يلا عن اذنك
راح وجلست اطالع طيفها تذكرت ذاك اليوم ابتسمت وغمضت عيوني
يا شينها من حياه بلا سمع حسك
رحت غرفة بندري ودقيت الباب : احم احم درب درب
عمتي : ادخل يا ولدي ادخل
دخلت وشفت بندري حالتها حاله رحت سلمت على راسها وحسيت بالحراره : سلامتك يا قلبي
بندري مسكت يدي : بندر تعبانه
حزنت عليها فهمت قصدها نزلت راسي : الله يشفيك ويرزقك
بندري دمعت عيونها : بندر .. صرت مثلك بندر
ضميتها لصدري : بس بس حبيبتي
بندري تمسح دموعها وترفع راسها لأخوها : بندر
طليت فيها : هممم
بندري شالت عيونها : زعلان مني
بندر : لا مو بيدك
امي : وش فيه يا ولدي زعلتها بشي
بندري : لا يمه
ورجعت انسدحت على السرير وغمضت عيونها
لجين : بنادي الممرضه
قمت وانا اطالع امي : بروح اجيب لها شي تاكله تبغون شي
حنان : جيب للجين معاها
هزيت راسي : أن شالله
.....................................
مــــــــــــــــــــــــ ـــــــــــــازن :
بعد ما قفل ماجد قمت من مكاني الف في الغرفه ادق على لجين ولا لأ وفي نفس الوقت
ضميري انبني من كلام ماجد وبندر معقول يفكرون كذا فيني وانا انا وش صار فيني
ليه كذا يا قلبي محتار ليه يمكن بندري نزوة شيطان وتعدي تنهدت وجلست
دق جوالي وكان رقم غريب استغربت ورديت
مازن : ألو
..... : السلام عليكم
مازن : وعليكم السلام
......: ...........
مازن : الو
.....: انا مرام
اندهشت : مرام .. هلا هلا والله
مرام : كيفك
نزلت راسي: ماشي الحال
مرام : ازعجتك
بسرعه رديت : لا بالعكس محتاج اتكلم
مرام : ليش
همست لها : مرام
مرام : لا تقول شي
بتردد : زين بقولك شي
مرام : لا تقول ما ابي اسمع شي والي يعافيك
بحزم : لازم تسمعين
مرام بخضوع : زين
ابتسمت : ابغى اسافر لازم ..وابغاك تسافرين معي
مرام : انا
نزلت راسي وانا اشوف مناديل بندري : ايه انتي مو زوجتي و حبيبتي
مرام : ..........
مازن : ها .. وش قلتي
مرام : طيب افكر في الموضوع
مازن : مو محتاج تفكير يا قلبي
مرام : صعب مره حبـ..
ابتسمت : ليه سكتي
مرام : احم ولا شي
ضحكت : عادي قوليها
مرام : مو قايله
ضحكت على عنادها
مرام : زين وش تسوي
حكيت راسي : ولا شي جالس وانتي
مرام : مو بعيده عنك
ابتسمت : زين والله كيف كنتي البارح
مرام بضيقه : عادي
تلومت فيها : اسف كنت مضايق
مرام : لا عادي ما صار شي
يا كبر قلبك : زين اليوم وش عندك
مرام : ولاشي ليش
حسيت اني لازم اتحرك : زين ابي امر اخذك تزورين بندري
مرام بصوت مخنوق : ليه وش معنى يعني
مازن : عشانها مريضه ومرقده في المستشفى وابي مرتي تكون سنعه ومو مقصره مع اهلي
مرام بتنهيده : من عيوني بس هي وش فيها
مازن : سخونتها مرتفعه حيل وفقر دم حاد
مرام : اها سلامتها ما تشوف شر
ابتسمت غيره واضحه : الله يسلمك يا قمرهم
مرام : ههههههه
رفعت حاجب : ليه تضحكي
مرام : بس كذا
مازن : طيب ياللي كذا نفسي في ساندوتش من يدك
مرام : امممممم مثل ذيك المره
ابتسمت : ايه ابي زيهم خاطري فيه
مرام : ما تغديت
مازن : لا ما اتغديت
مرام : ليش
مازن : كلهم في المستشفى
مرام : اهااا زين انت ليش ما رحت معهم
سكت ما عرفت وش اقول : ما ادري قلت احسن
جاني اتصال وكانت لجين يوم جيت ارد قفلت ورجعت اكلم مرام وجا مره ثانيه
مازن : حياتي ادق عليك شوي طيب
مرام : اوكي يلا باي
قفلت ورديت على لجين وكنت متوتر من طلبها
تكلمت : بندري .. بندري .. تكفين لا تسوي في نفسك كذا
بندري : زين لا تروح اريدك معي
استغربت : وين اروح ماني برايح مكان.. بتم معك لا تخافين
بندري : زين .. لا تروح مع اريج ابيك معي
انصدمت وش فيها خرفت شكلها بسم الله عليها
ردت علي لجين وتميت اكلمها قفلت من عندهم ودقيت على مرام
مرام : هلا وغلا
ابتسمت : مرام ربع ساعه واجيك استأذني من ابوك طيب
مرام : خلاص أن شالله
قفلت من عندها وقمت لبست وانا ماني عارف وش اللي فيني
مرام بندري ....... بندري مرام
افففففف خلاص خلاص انا رجال لازم امسك نفسي
واكيد بندري الحين مو بوعيها .. هي طلبت مني .. لازم اسعد مرام مو هي حبيبتي الأوليه
طلعت من الغرفه وشفت رؤى جالسه تلعب في مكياج لجين والخدامه معها
جلست اضحك وشلتها : وش تسوين
رؤى : وه احت لووووز ( احط روج )
رفعت حاجب : وليه أن شالله
رؤى : عسااااان ما تقول لبابا
هزيت راسي : لا ما اقوله عشان وشو
رؤى : عسان مهند يدولي انا حلوه ونتزوز
ضحكت على خبال هالبنت وبستها
رؤى باستني من خدي بوسه كبيره ضحكت على برائتها نزلتها وانا اكلم الخدامه : انتبهي لها
الخدامه : زين بابا
خرجت بسرعه قبل لا تزيد الأفكار ورحت محل لجين
دخلت شفت عندهم كم شي انيق اخذت لي تذكار واحد وكتبت فيه
حظ عيني لو تشوفك كل يوم
حظها وانت لناظرها الضياء
زوجك
ابتسمت ابتسامة رضا لنفسي وتشجيعا لها اخذت
التذكار ومشيت
شفت محل ورد نزلت اخذت ورده حمرا وشايف الرجال يطالعني باستغراب طنشته قلت مخبول اكيد
وطلعت شكله وزني نزل بسبب هالنزلات
وصلت ودقيت بالجوال على مرام
مرام : هلا
مازن : هلا فيك والله ها جاهزه
مرام : ليه وصلت ..؟؟
مازن : ايه هم ماني بقايلك بعد ربع ساعه
مرام : امبلى بس انتظر دقايق
ابتسمت : من عيوني لو تبين انتظرك العمر كله
مرام بصوت حيوي : الله يخليك لي
ضحكت : اجل لغيرك يلا لا تتأخرين
مرام : تامر انت باي
قفلت على طول وابتسمت فتحت عيوني واشوف ماجد قدامي يطالعني
بعدها مشى وراح استغربت زين السلام لله طنشته هو عازته عندي انا اخذت الي عنده
ضحكت على افكاري معليش هي خاربه خاربه
نزلت مرام وفتحت الباب دخلت وهي ساكته
طليت فيها : قلتي لأبوك
مرام : لا جيت ركبت كذا
ضحكت : زين اعصابك
مرام باستنكار : ماني معصبه
طليت فيها وهي تطالع فيني غطت عيونها ولفت قدام ما ادري ليش حسيت ودي اضمها
مشيت وشغلت المسجل مرام سكته
طليت فيها : وش فيك مرام
مرام : ولا شي بس ما احب اسمع اغاني وانا في السياره
حسيتها متوتره والدليل تصرفاتها سكت معاها حق وغير كذا لقت مني غير اللي توقعته البارح
سألتها : سويتي لي السندوشتات
مرام طلت فيني : وقف وقف نسيته
طليت فيها حسيت بضحكه بس حرام شكلها منحرجه : عادي مو مشكله خلينا نمشي
مرام : لا والله معليش نرجع اجيبه لك
طليت فيها وكاتم ضحكتي : احم زين كرمال عيونك الحلوه
اول ما نزلت فرطت ضحك ماني قادر اتحمل اكثر جلست اضحك واضحك
لما قلت بس شفت ماجد جالس يطالعني باستعجاب رسلت له بوسه في الهوا ونفر خشمه
ضحكت عليه من خاطر وقف ودخل البيت وجات مرام وفتحت وجهها وهي مبتسمه بخجل
ابتسمت عليها فلقة قمر معي وانا مو داري
مرام : افتحه لك الحين
هزيت راسي : ايه
مرام : زين امشي
ابتسمت لها : زين غطي وجهك ولا تفتحينه الحين
مشيت ومشيت ورحت في طريق خالي لفيت السياره على جنب
ولفيت عليها كشفت وجهها وجلست اتأملها وهي منحرجه ومنزله راسها
تنهد ولفيت راسها علي طلت فيني وضحكت
استغربت ليش ضحكت وزاد ضحكها يا قلبي على هالضحكه تهبل
جلست اطالعها وهي لفت تكمل ضحكها
مسكت يدها : تقولين ليش تضحكي ولا اعضك
مرام تسحب يدها وانا اسحبها وحطيتها على شفتي وهي هديت بست يدها وهي سحبتها بخجل
طليت فيها : ها تقولي
مرام هزت راسها باستجابه مسكت المرايه لفتها علي ومدت يدها رفعت راسي ولفته على اليسار
شفت الروج في خدي خبط راسي : اووووه وانا اشوف نظرات اخوك والرجال
مرام ميته ضحك طليت فيها باستنكار : غريبه ما غرتي
مرام بحركه طفوليه : لاه عادي شفايف صغيره ههههههههههههههه
ضحكت من قلب على تفكيرها : ايه عليك بس
مرام : ههههههههههههههههههههههههه هه من هاذي اللي باست زوجي
ابتسمت لها : رؤى
مرام : يا لبى قلبها ههههههههههههه
طليت فيها : بسك عاد يلا ابي اكل
مرام وهي تأشر على عيونها وطلعت كيس السندوشتات
ومدت لي رفعت حاجب وانا ماد بوزي اهزيت راسي لها بمعنى لا لا
مرام طلت باستغراب : ها
مازن : كلي انتي اول
مرام ابتسمت واخذت قضمه واعطتني الباقي مسكت يدها : ما عمرك اكلتي احد
مرام بضحكه : الأطفال بس ما عمري شفت طفل بكبرك ههههههههه
ضحكت عليها : زين اعتبريني طفل صغير
مرام لفت باحراج : ههههههه لا ما اقدر
مديت يدي اسحب يدها : هيا عاد عن الدلع الحين مو انتي تتمنين هذا اليوم من زمان
مرام ساكته ومحرجه ومصدومه من جرأتي
لفيت : خلاص غطي ودخلي كل شي
مرام : ما تبي تاكل يعني
شغلت السياره : لا ما ابي
مرام بخضوع : خلاص طيب طل فيني
ابتسمت وقفلت السياره ورجعت : يلا
مرام ضحكت ومدت يدها : جلست تأكلني لما خلص الساندوتش
وسكت الصحن وجلست
مازن : لساتني جيعان
مرام : خلاص بعدين اعطيك الحين خلنا نروح المستشفى
ضحكت عليها من قلب وحركت
وصلنا المستشفى ونزلنا مسكت يد مرام ومشيت جنبها
مرام : مازن ابي اشتري ورد
ابتسمت لها : طيب
وديتها محل الورد اللي في المستشفى واخذت الباقه اللي تبغاها وطلعت شنطتها عصبت على حركتها
نزلت شنطتها وطلعت المحفظه ودفعت خرجنا وانا اكلمها : لا تسوين هالحركه مره ثانيه
مرام باحراج : أن شالله
دخلتها الغرفه عند الحريم وجلست مع منصور جوز غاده
منصور : ها كيف الزواج
طالعته بضحكه : مثل اللي عايشه
منصور : لا لا عاد مرتي غير
رفعت حاجب : وش اللي غيره كلهم واحد
منصور : لا لا مرتي غير عندها عزيمه وامل ما بتلقاها في حريم حواء كلهم
ضحكت عليه : الا انا مرومتي غير
منصور : ول ول مول ما عنده صبر
جانا عزيز وبندر وخالي وانا منحرج ومنزل راسي جلسنا كلنا بعد ما سلموا على منصور
عزيز : وين كنت
طليت فيه : رحت جيبت الحرمه
بندر يطالعني بقهر
وانا مطنش نظرته
منصور : اقول شباب وش رايكم نطلع هاليومين في البر الجو صاير حلو
ابتسمت على الفكره : والله الفكره حلوه وما عليها
بندر : ننتظر بندري تتعافي وان شالله كل شي مثل ما تبون
.................................................. .......
لجـــــــــــــــــيـــــ ـــــــــــــــن :
يوم دخلت مرام خفت بالحيل على بندري بس اشوى كانت نايمه من تعبها
سلمت مرام علينا وامي مبسوطه
امي : كيف حال عروستنا
مرام بحيا : الحمد الله يمه
امي : فديت هالمنطوق والله
مرام انحرجت وانا حنان مبتسمات
حنان : يا ويلي على بنتي في البيت لحالها فديتها
شفت مرام ضحكت بهدوء ابتسمت
امي : وش فيك يا بنتي
مرام : لا ولا شي
وتطالع حنان وتكمل : اسألي مازن كان عندها قبل يجي
هنا كلنا ضحكنا وانحرجت مرام
رحت جلست جنبها : كيفك اليوم
مرام هزت راسها : الحمد الله كيفها بندري
طليت فيها بحزن : مسكينه تهلوس ولاهي حاسه بنفسها
مرام : الله يعوضها خير
مسكت يدها : معليش يا مرام صدقيني قلبها طيب
مرام بابتسامه : لا ما عليك
ابتسمت لها فديتها والله
مرام : انتي مستعده ليوم الخميس
لجين حمرت : مرعوبه اخوك شكله ناويها ناويها
ضحكت عليها من قلب في ناس كانوا يتمونون هالنيه بس
لجين : يالدبه لا تضحكي
جات النيرس تقيس حرارة بندري وابتسمت :لا الهمدالله في نزل هراره
خالتي : الحمد الله الله يبشرك بالخير
فرحنا للخبر كلنا شويه فتحت عيونها بندري بهدوء وشافت امها وابتسمت
خالتي تقرب لبنتها : كيفك حبيبتي
بندري : احس ضلوعي متكسره لجين كبسي لي
ضحكنا عليها ومرام قربت : الحمد الله على سلامتك حبيبتي
بندري ابتسمت لها بحزن : الله يسلمك معليش تعبناك يا عروسه
مرام قربت باست بندري : تعبك راحه
بندري دمعت عيونها : الله يخليك يارب
طليت في حنان اللي كانت رافعه حاجب وتتوعد فيني ضحكت وطنشتها
جلسنا شوي وكلهم خرجوا من الغرفه وباقي انا وبندري
قمت جلست عندها : ليه تسوين في نفسك كذا
بندري ضحكت : مو انا هذا قلبي
ضحكت : ههههههه هذا قلبك برتكب فيه جريمه
بندري تمد جسمها لي : يفداك اذبحيه
طليت فيها بنص عين : ارجعي لا يشكون فيك الحين
بندري ماتت ضحك : آآآآه وربي جسمي متكسر واحس ضروسي بطيح
ضحكت عليها : زين مازن يسلم عليك
بندري نزلت راسها : الله يسلمه
مسكت يدها : تحبينه .. تبغينه
بندري مندهشه : احبه ايه ابيه لا ومرام
ضحكت : عادي مرام تقول ابيه يطلقني اذا يبـي بندري
بندري عصبت : انطمي يا كذابه
ضحكت من خاطر وبندري زعلت حاولت ارضيها مو معطيتني وجه
بندري : انقلعي تتمصخرين علي
بست يدها : وربي امزح معك ابيك تضحكين اشتقت لضحكتك
بندري : بالذات ذا الشي ما يضحك
بست راسها : خلاص ذليتيني
بندري : حبي يدي الثانيه زين
ضحكت على شيطنتها ودفيتها : اشربي موية بحر
بندري : افااا بعدين يحوشني رفع ضغط من ملحه
مت ضحك ودخلت حنان وخالتي
خالتي : يارب دوم اسمع ضحكتك
بندري : ولا يهمك الغاليه بضحك لين تقولين انطمي
باست راسها خالتي : عساني الموت اذا قلتها
بندري ارتجفت وضمت امها : لا تقولين هالكلام والله ازعل وارد اسخن
ضحكنا عليها وخرجنا وتمت خالتي عندها باصرار منها
كنت مع عبد العزيز وامي وحنان
عبد العزيز : انتي متى بترجعين بيتك
حنان : والله اذا رجع جوزي بالسلامه برجع
عبد العزيز بدهشه : يا شينك يوم تكذبين متى سافر
حنان تضحك : والله اليوم سقلني عندكم وسافر مع ابوه
عبد العزيز : حرام ما لحق من اسبوع وانتي مطيحه عندنا
امي : وانت وش ضارك
عبد العزيز : بنتها فوق راسي يمه ما تخليني ارقد وربي ما عرفت طعم النوم من جاتنا
ضحكنا على عبد العزيز ودق جوالي
عبد العزيز يطالع فيني ومبتسم كتمت ضحكتي ورديت
هيام : وجع وجع ليه مقفله جوالك
لجين : والله كيفي جوايل ولا جوالك
هيام : بلى ما امزح ترى
لجين : وانا بعد
هيام : لجين روقي ولا والله لا اتصل في ماجد واقوله شف القرده الي عندك
مول لا تعطيها وجه كل شي سويه بالغصيبه
حمرت من كلامها : يا قليلة الأدب
عزيز : هي انتي احسن لك تكلميها زين
تخصرت وهيام تقول : ياربي يخلي لي هو اللي يدافع عني
عصبت : والله عزوزي والله ازعل منك وش ذا يخص عليك وين الي روحك وتومك راح
عزيز : خلاص ماجد الحين بيعطيك هو
وربي قهرني ليش كذا يقول هو يدري اني اموت فيه حسيت اني ببكي
وصخيت والهبله هيام تتغزل وتتغزل قفلت الجوال وهي غرقانه وحطيته في شنطتي خليها تنحرق زياده
عبد العزيز يطالعني : اهأ قفلتي الجوال وهي تتكلم
طنشته ما ابي ارد عليه خليه يموت قهر هو بعد
عزيز : لولو حياتي
خصرته وحنان ميته ضحك
امي : ويييييه يا عزيز زعلت حبيبة القلب
عزيز وقف السياره ولف علي : افا افا حبيبي
دموعي نزلت غصب بسرعه جالسه امسحها وعزيز رفع غطوتي
عزيز : لااااه لاااااه الحين تغارين من هيام
لفيت عنه : من عدالك وعدالها
ضحكوا كلهم وانا ابتسمت على شكل عزيز
عزيز : مشكوره حبيبتي يجي منك اكثر
ولف وساق ورجع وقف ولف غطى وجهي : عجبتك السالفه
ابتسمت : تغار علي
عزيز وهو يسوق : لا بس خايف ماجد يشوفك ويهون يتزوج
ضحكوا وانا انحرقت استاهل جبته لنفسي
.................................................. ..........
مــــــــــــــــــــــــ ـــــــرام :
آآآآه فديته وفديت دلعه يجنن خدرني ذوبني سحرني خلاص رحت فيها
جالسه سرحانه ورايحه فيها بس تكدرت يوم تذكرت سالفة السفر
صح احبه بس هو ما اضمنه والمشكله انه يجذبني يجذبني بشكل جنوني
افففف يوم واحد سوا فيني كذا كيف بعدين دق الجوال وابتسمت يوم شفت المتصل
ترددت احرقه واحرق نفسي ولا ارد ونرتاح آخ وش الثقه ذي وش ادراني
انه مات علي خلني ارد ابرك لي
رديت بهمس : الو
مازن : كنت بقفل يا حلوه
ضحكت معصب احسن
مازن : ايه وش عليك اضحكي وين كنتي
مرام : عند ماما
مازن : يا عيون ماما
ابتسمت واتفشلت احسن حد قالي ادلع وجهي مو وجه دلع
مازن : كيفك
بدري توك صحيت : طيبه انته كيفك
مازن : يهمك
رفعت حاجب وش فيه : وش رايك
مازن : يعجبني اسأل سؤال والاقي سؤال مردود
ضحكت : ما شفت شي بيعجبك الكثير أن شالله
مازن : حصري عندك ولا الاقيه في كل مكان
عصبت منه : لا طبعا حصري تام بعد
مازن : اشوى
صخيت من كلمته وراح وجهي الوان وجع شوف كيف فهمها
بصوت محرج : قليل ادب
مازن : هههههههههههههههه توك استوعبتي
حمرت : بصراحه ما تستحي
مازن : مرتي كيفي
مرام : لا والله
مازن : ايه والله انتي من زمان مرتي بس الحين ثبت وجوبا
مرام : حسبته سقط سهوا
مازن : ههههههههههه لا تعوديها يا بنت
مرام : ابشر
مازن : قلتي لأهلك
اتضايقت : ما ابي مازن
مازن بضيقه : ليه يا عيون مازن
حسيت اني ببكي : ما ادري اسباب كثيره
مازن : انسي اللي صار يوم الملكه
غمضت عيوني : ما اقدر
مازن : واذا كنت معك تقدرين
بيأس : اضيع في داخلك ولا ادري وين وصلت
مازن بهمس : يا حياتي الله يخليك لازم نطلع فترة قصيره اوعدك
سكت ما عرفت وش اقول خلاص تجاوزت كل حدودي
مازن : روحي
تنهدت عند كلمته هذا ناوي يوديني في داهيه
مازن : لهالدرجه محتاره
ابتسمت اشوى فهمها كذا ولا يحسبني ميته عليه
مازن : مرومتي
ابتسمت : عيونها
مازن : حياتي حاولي
مرام : أن شالله بس ما اوعدك
مازن : ما الومك
مرام : لا والله قال تلومني قال
مازن : هههههههههههههههه زين كلمه طلعت
مرام : اموت ...
انتبهت لنفسي وي وش صار لي وربي اني قليلة ادب بصراحه ما الوم اهلي يوم يخافون من جرأتي
مازن يضحك وانا رحت فيها
مازن : اموت في كلامك صح حبيبي
مازن بعد دقايق : حياتي عادي انا ابيك كذا معاي
بلعت ريقي : لا مو كذا غلط اصلا ما كنت بقول شي
مازن : لا والله
ضحكت : ايه كنت بقولك اموت واعرف ليه يزل لسانك كثير بس دخلت خلود واطضريت اسكت
مازن : ايييييه قلتي خلود دخلت
كتمت ضحكتي : ايه
مازن : طيب يعني اقفل
سكت وجع وش ذا : لا عادي خرجت
مازن بضحكه : لا لا فشله يمكن تبغاك ضروري
انطميت وجع : زين حمد الله طلع عندك احساس في الغير
مازن وشكله رايح فيها : افا افا كلي رقه وعذوبه
عصبت بس ما حبيت ابين له : ايه يالرقيق انتبه لا يطيح نصك
مازن : ههههههههههههههههههههههههه هههه خلاص ما اقدر انتي واخوك واحد
ضحكت يا كثر ما قولها بس انا لازم اأنث من نفسي على الأقل قدام من فز له قلبي
مازن بعد ما خلص ضحكه : انتي معي
ابتسمت : لاه مع خلود
مازن : ايه صح نسيت يلا حياتي اموااااه
انصدمت وعرفت انه تعمد ينرفزني بس الصدمه الي كانت له ردي : تسلم طلعت رقيقه مره
مازن بصدمه : صراحه ومن غير زعل
عضيت لساني متهوووووووره ياربي اكفيني شر لساني
مازن : ما ادري وش اقول غير اني انصدمت
حسيت اني ببكي وربي اني قليلة ادب : لحظه لازم تفهم شي
مازن : اللي هو
تكلمت بسرعه : انا متهوره اذا حد حاول ينرفزني امشي معه بشكل غير طبيعي
واحاول احرجه واو اصدمه وتراني تراني تراني اذا انقهرت ادمر كل شي
مازن : تحليل شخصية ماجد اسألك انتي وماجد دوم مع بعضكم
نزلت راسي : ايه
مازن : اجل خلاص راحت صدمتي
ضحكت وبكيت
مازن ساكت
وانا امسك شهقاتي
مازن : يا بنت الحلال احبك كيف ما تكونين خلاص اسكتي
زاد بكاي طاع الدفش كيف يراضي
مازن : مرومتي بسك قلبي يعورني خلاص اسكتي
بنرفزه وانا ابكي : يعني ما في غير اسكتي ضاعت الكلمات من قاموسك ما بقى غير اسكتي
مازن : آآآخ بس امي قالت تبي تعطيني كورس
ضحكت غصب علي وربي اخذه اروع دفش في الكون
مازن : لا تضحكي انتي بعد وربي عقدوني
مت ضحك وامسح دموعي
مازن : طيب مو كأنه لاطعين خلود
عضيت لساني : ايه نسيت من اول تأشر لي اقفل
مازن بهمس : حياتي بس روحي انتي لا تبكين ما احب اشوف الدموع ما بالك بحبيبتي
سكت وانا مبتسمه لا والله طلع اخذ ابتدائي في الغزل
مازن : ها كفت دموعك
مرام : ايه كفت
مازن : عفيه عالشطوره
خلاص فرط ضحك لا يحسبني بيبي عنده
مازن : ليه تضحكين
يا حرام يا خلود كل بلاويي فيك : لاه بس خوخه عصبت خلاص
مازن : ايه قلتي لي بعدها عندك
مرام : ايه
مازن : طيب مع السلامه
مرام : مع السلامه
قفلت من عنده وانسدحت التوي من الضحك ياربي يسعده
دخلت خلود بتعب : ضحكيني اليوم ما ضحكت
غمزت لها : نو نو اضحكك على حبيبي
خلود فتحت عيونها : تصالحتوا
رفعت كتوفي بمعنى ما ادري
خلود : وشلون ما تدرين
مرام : ما تزاعلنا عشان نتصالح
خلود : ايه زين وش سويتي اليوم
ابتسمت : رحت معه نزور بندري
خلود بحزن : ليه وش فيها بعد
مرام : لا الحمد الله سخنت واغمى عليها من قوة السخونه بس حمد الله اليوم نزلت سخونتها
خلود : زين والله كويس
كأني تذكرت شي : زين كيفها نجوى
خلود بحزن : يا قلبي عليا مره متألمه بناتها قطعوا قلبي
عورني قلبي : فديتها وش فيها
خلود : ما ادري والله زوجها واخوها في قريه بسبب دوامهم وبكره انا وامي بناخذها ونسوي تحليل لها
مرام : خلاص أن شالله جيبوا بناتها عندي انتبه لهم
خلود قامت : أن شالله يلا بروح انام ورايه قومه من صباح الله خير
قمت معها : الله معك
طلعت خلود غرفتها وانا رحت لماجد
ماجد : نعم وش فيه
جلست قدامه وحطيت يدي على خدي
ماجد : ها في شي
ابتسمت له : متحمس ليوم الخميس
ماجد اعطاني ظهره : عادي ليه ؟
تفاجأت والله انه كذاب : تصدق يبان عليك الكذب
ضحك ماجد ولف علي : عيب يا نبت تقولين لأخوك كذاب
رفعت حاجب : ماجد صح اذا مرتك كانت جريئه وش بتسوي
ماجد قرب مني : ليه وش قلتي لمازن
لفيت عنه وضحكت : ما يخصك
ماجد مسك يدي : بالله وش صار خلني اسويها للجين
نقعت من ضحك لجين بتغوص في نفسها وتقفل السماعه في وجهي
ماجد : وي وي لذي الدرجه
مسكت نفسي : والله يا ماجد شكلها ما بتعدي على خير
ماجد : عشانك جريئه عادي ترا تلاقينه ميت من البسطه
وجهي راح الوان : لا عاد مو لذي الدرجه
جلسنا نسولف وقالي ماجد على المفاجآت اللي بيسويها للملكه
....................................
الــــــبــــــــــــنـــ ــــدري :
مر يومين على خروجي من المستشفى الكل حولي وينتبه علي
حتى بندر صار يجلس معي اكثر من اول ويسولف لي
احس مرتاحه معهم بس في داخلي بموووووت من الوحده احس اني غريبه وانا وسطهم
ماحد فاهمني ماحد حاس فيني ما ادري وش جاني
ادري اني غلط واكبر غلطتي اني تجاوزت مع نفسي انا مصدومه وشلون وصلت لهالحاله
الحمد الله عدت على خير كيف حبيته وش معنى هو ليه هو بالذات
احس بخمول في مشاعري تخمد براكين اللي في داخلي لكن من اشوفه
يضيع كل شي وتنفجر البراكين وتهوج مشاعري واطفيها بدموعي عشان ابرد على قلبي
امي : بندري يمه تعالي هني برد عليك
لجين : بندوره ادخلي الخيمه احسن لك
قمت عندهم وجلست جنب غاده اللي ابتسمت لي احبها غاده احسها تفهمني وتواسيني بابتسامتها
عمتي : لجين يمه دقي على حنان قولي لها تلبس بنتها زين وتجيب لها ملابس بنجلس لباكر أن شالله
لجين : من عيوني يمه
غاده : لجين وش فيك على هيام هاليومين
ابتسمت لجين وعمتي ضحكت
غاده : بعد عمتي فيها
لجين : ما احبها اختك استغلت اخوي
ضحكنا على لجين
غاده : والله اخوك الي دايخ عندها
لجين رفعت حاجب : ناسيه اختك اللي عقلها انلحس بحبه
فطست ضحك وطالعوني
لجين : وش فيك
مسكت نفسي : شوفوا نفسكم اخوي واختي بلا هبال انتوا الاثنين هم حابين بعضهم
مجنونين في بعضهم منخبلين انتوا وش لكم
غاده ابتسمت : هذي لجين تدلع
لجين : والله ما ادلع حرام عليك عزيز يسبني عشن هيام وحنان تطنز علي
غاده : ههههههههههه احسن نعودك على الزعل عشان ما تقلبين الدنيا فوق راس ماجد
حمرت لجين وخضرت وضحكنا عليها
جات ملاك بسرعه : ماما ماما في خيل بره ابغى اركب
غاده بخوف : لا لا يمه مو زين عليك
ملاك : الله يخليييييك ماما والله نفسي
قمت وانا اسحب ملاك : ما عليك في امك ما ندري من اللي يتدلع الحين
ضحكوا الحريم وغاده قامت : لاه واللي يعافيك يا بندري
طنشتها ووقفت بره الخيمه وانا ماسكه حبالها : يلا روحي اركبي وتعالي هني اصورك
ملاك تطالع في امها وانا الف راسها وادفها : روحي يلا
ضحكت ملاك وراحت تركض لأبوها وهو يضمها لمحته وفز قلبي من مكانه
شفت حنان داخله وهي تضحك وعمتي تكلمها : وين بنتك
حنان : اخذوها عيالك ناويين على بنتي
لجين ابتسمت : خليهم يطلعون عيونها عاد عزوزي بيحط حرته فيها
هم يتكلموا وانا متخدره على شكله وهو راكب الخيل ومعه رؤى الي تبكي
ياليتني مكانك يا رؤى حسيت عيني بتدمع بس مسكت دمعتي لنظرات غاده لي
صرفت نظري بسرعه ورحت اجيب الكاميرا مستحيل افوت شكله وهو ياخذ العقل
غاده : تكفين بندري صوري لي زوجي ومؤيد
طالعتها : وع زوجك مو حلو مغث
صقعتني على ظهري : والله ياخذ العقل
طالعته : ايه تصدقين يجنن
رجعت صقعتني : لا والله مالك شغل فيه
ضحكت عليها : قلت وع طقيتيني وقلت حلو طقيتيني وش الحل يعني
غاده : ولا شي صوريه صوريه
ابتسمت ولقط له كم صوره هو وبنته وولده
جات لجين وبسرعه اخذت لقطتين لمازن ورؤى
لجين : اقول غاده قولي لزوجك يعقل وينزل من ظهر الحصان نعنبو داره بيطق ظهره 3 راكبينه
غاده : والله زوجي نحيف ما يأثر
طليت في لجين : ايه من نحفه تبان عظمته
لجين ماتت ضحك وغاده قرصتني
امي : لاه غاده يمه اتركي بنتي تونا مطلعينها من المستشفى
غاده انحرجت : امزح معها خالتي
انا ولجين ناقعين ضحك
وغاده تتوعد فينا
رحنا جلسنا وتمينا نسولف بعد نص ساعه سمعنا صوت رؤى تبكي
حنان : واللي يعافيك بندوره شوفيها المدلعه مره مافيني حيل اقوم
لجين : ليه الكسل اليومين ذي صايبك
حنان باحراج : البيبي الجديد بيطلع سوداني
وقفت في مكاني : ياااااي حنو حامل
حنان ضحك والكل يبارك لها بستها من راسها : لي رده معك خلني اشوف المدلعه ذي
خرجت من الخيمه وطرحتي على كتفي لأنه بر قلت اكيد ما بيكون فيه احد وخيمة الرجال بعيده عنا
كان الهوا يلعب بشعري لعب ورحت لرؤى بمسكها مالاقي الا يدي مع يد واحد رفعت راسي
وشفته شلت يدي بسرعه ونزلت راسي وهو يطالعني وشال يده ورؤى سكتت
حسيت في الهدوء هذا مو مسموع غير نبضات قلبي وقلبه
شال رؤى ومدها لي وهو عينه ماشالها من علي ما قدرت اتحرك خلاص مو قادره
رؤى رمت نفسها علي مسكتها ضميتها وهي حطت راسها على صدري
ضميتها بقوه علي اخمد هالمشاعر الي اشتعلت فيني
مازن اتكلم اخيرا : الحمد الله على سلامتك
عطيته مقفاي ومشيت ووقفت للحظه رديت اطالعه : تراها تحبك انتبه لها
ابتسم لي : أن شالله
دخلت الخيمه ودمعتي سالت مسحتها قبل لا يلمحها احد ووديت رؤى لأمها
......................................
طــــــــــــــــــــــــ ـــــلال :
جالس مع هيام وانا اضحك عليها وهي تتصل والجوال مغلق
هيام : مدلعه بنت عمك
رفعت حاجب : يحق لها اخوها عزيز
هيام شمقت : مالت عليها اوريها شغلها
ضحكت عليها من قلب
هيام : احسن مو قايله لها اني بجي ملكتها بخليها تنصدم وتخرب مكياجها وهي تصيح
نقعت ضحك : وعلى نياتكم ترزقون
هيام قامت عندي : ترى من اليوم بخلي غاده تكلم ابوي
استغربت : لاه يا بنت الناس بدري باقي 5 ايام
هزت راسي بالنفي : ابوك ذا لازم نقردنه من بدري
ضحكت عليها : اما عليك مصطلحات اقول خلاص بموت من الضحك اليوم
هيام تدلع بشعرها : ادري تموت فيني لا تستح قلها لي
سحبتها من اذنها وهي تضحك
هيام : حنينووو وينها بعد اليومين ذي ما ادري وين طاسه
ابتسمت وهي تطالعني بشك
هيام رقبت وشدت شعري : قولي قولي
هزيت راسي بالنفي
هيام : طلااااااااااااال مدلع
ضحكت ومديت لساني
هيام : صح بعد بكرا عرسها لزوم تكون مسويه حركات شوق وخربطه
ابتسمت تعليق رائع
هيام : الهبله غاده متى بتطلع
ابتسمت
هيام تنرفزت : توزع ابتسامات انت
زادت ابتسامتي
هيام : ايه وزع نسيت انها ببلاش
قمت بستها ورحت غرفتي وخليتها مذهوله
دقيت على حنين وردت علي
حنين : اختك رجتني اسحب جوالها
ضحكت : الكل معطيها طماش
حنين : حرااام عاد
طلال : عادي يا قلبي أن شالله بعد الزواج بيومين بننزل للأهل عشان تحضرون ملكة لجين
حنين : ايه أن شالله قالت لي غاده
طلال : زين ما قالت متى بتطلع
حنين : امبلى باكر طالعه
طلال : كويس يصير هي ترتب اكثر للخطه
حنين : حرام قلبها بيسقط ههههههههههه
طلال : خليها احسن
حنين : هههههههه شرير
طلال : اذا يبسطها فأنا شرير
حنين : زين حبيبي يلا بقوم اسوي الحنه
طلال : ابي اشوفها
حنين : أن شالله يوم العرس تشوفها
بصوت حزين : لا لا ما اقدر الحين ابي
حنين : نو نو نو يلا حبي بااااي
قفلت وانا منقهر بس اوريك يوم العرس بطلع عيونك حنين
خرجت وشفت هيام بعدها في مكانها سرحانه نقعت من الضحك عليها
وجاتني بسرعه طنشتها وخرجت من البيت
رحت المحل وسويت معهم الاجراءات واتفقنا عليها كلها
طلعت وانا مبسوط يمكن حسيت بروح جديده بعيد كل البعد عن الماضي لكن كل ما ناظرت ابوي
يرجع لي ماضيي كأني اليوم عايشه تعوذت من ابليس
ورجعت البيت سلمت على راس امي وانا شايل في خاطري منها
امي : ها يا ولدي عساك مستعد
هزيت راسي
هيام جات : طلال رتبنا الدور اللي فوق بس ناقص شموع وحركتات
ابتسمت : يلا قومي الحين نجيبهم
هيام راحت تركض تجيب عبايتها وامي بحزن : يا ولدي ليش ما تكلمني
قمت عندها وبست راسها : وشلون ذبحتك يالغاليه
امي نزلت راسها : يا ولدي خلاص ابوك يرمي كلام
تنهد : لاه يا يمه ما يرمي كلام واللي اكد يوم قرنها بأريج الله يرحمها
امي سكتت وجات هيام : يلا حبيبي جهزت انا
قمت سحبت هيام وطلعت
ركبنا السياره ورحنا اشترينا الشموع وما شالله عليها تفننت هيام فيها
هيام : وش رايك في ذي بس شف من الحين اقولكم اذا خلفتوا وجبتوا البزارين بسحبها كلها عندي
ضحكت وانا اسحبها : خلاص بفلس والسبه شموع
هيام : يخص يخص ما طلعت رومنسي
طقيتها على راسها وسحبتها جلست احاسب وطلعنا وديتها مطعم
وجلسنا نتعشى وهيام تحلفني وش مخبي عليها وانا انكر كل شي
هيام : افففف زين العشى مو طعم
ضحكت : عشان لقافتك صار مو طعم
هيام تلصق فيني : عفيه عفيه طلووووول قولي وش السالفه
دفيتها عني : وخري وش ذا خلاص بتعرفين يوم العرس
هيام : بيجون عيال عمي
فتحت عيوني : لاه ما جات في بالي
هيام مدت بوزها : مالت عليك احسب عندك سالفه
ضحكت عليها : هين هيومه ما في روحه لملكة لجين
هيام : لاه خلاص توبه هاه عقلت شوف شلون
ابتسمت لها ورسلت بوسه وهي تشمق : ماني حنين
طليت فيها بنص عين ورفعة حاجب : أأأااه
عضت لسانها وابتسمت باستعباط
.................................................. ...
مـــــــــــــــــازن :
وحنا شابين النار اتخيلها معانا جالسه وتسولف وتضحك قلبي يوجعني حيل
يوم اكلم مرام انسى نصها واتذكر نصها
هالبنت في شي يجذبني لها يمكن دلعها او برائتها او شي انا اجهل وش هو
شي مب لاقيه في مرام ولا بلاقيه في غيرها حطيت يدي على راسي وانا محتار لازم ابعد عشن انساها بالكل لازم
عزيز : وش فيك مازن
رفعت راسي مبتسم : مصدع
عزيز يرمي مفتاح سيارته : في فيفادول خذه يمكن يخف الصداع
كنت اشوف نظرات بندر الي بتخنقني رحت ركبت السياره وحطيت راسي على الطاره
آآآآه يا شكلها يمر علي والهوا يلعب بشعرها صدمتها الحزن اللي قريته في عيونها
والشوق اللي ينبع منها .. دقات قلبها مع دقات قلبي آآآآه يا البندري
وش سويتي فيني من نظرتك ضعت فيك ماني بلاقي نفسي وش اللي خلاني احبك
كنتي دايما عندي ليه الحين ليه
حسيت بجد الصداع يذبحين اخذت الحبه بلعتها ورجعت نزلت راسي
وكلمتها تتردد في داخلي .. تراها تحبك انتبه لها .. تراها تحبك انتبه لها .. تراها تحبك انتبه لها ..
انا احبها بعد يا البندري والله احبها .. وانتي .. انتي .. بعد احبك
من الكذاب اللي قال القلب يشيل واحد .. والله والله اني احب ذي واحب ذي
بس ما ادري وش السر ما ادري خلاص مو قادر اتحمل اكثر من كذا
دقيت على مرام وردت بكل شوق
ابتسمت : كيفك روحي
مرام : بخير دامك بخير
مسكت راسي : كلمتي اهلك
مرام : لاه باقي
تنهد : مرام
مرام : زين خلني اقتنع اول والله مو قادره يا مازن
مسكت الطاره بأقوى ما عندي : المسأله جديه اقولك لازم لازم لاااااازم
مرام بخوف : طيب حبيبي لا تعصب يصير خير أن شالله
مالي خلق لأحد : طيب مع السلامه
قفلت من غير اسمع ردها واطالع الخيمه لعلي المح خيالها
دق الجوال وكانت لجين
رديت : هلا
لجين : مازن تكفى قرب سيارة عزيز قرب الخيمه
ابتسمت اشوى جاتني لحدي : ليش
لجين : امي تبي الأغراض اللي فيها
مازن : طيب أن شالله
شغلت السياره وقربتها من الخيام وشفت وحده جالسه عند الشجر
قلت اكيد لجين وقفت السياره ونزلت وجات امي وفتحت لها الشنطه ورحت للشجره
مسكت خصرها وصرخت بصوت مخيف شوي واطي والبنت لفت وهي مفزوعه
وصرخت بعدت على طول وانا منحرج : معليش حبيبتي والله اسف
حنان : لا والله وربي فزيت قلبي حرام عليك
نزلت راسي : عاد بس لا تقولين لزوجك والله بيذبحني
حنان وهي تمسك قلبها : زين يا قليل الأدب خذني في حضنك حق الفجعه
ضحكت وضميتها : خلاص بسك
وجات امي بالخيزران تلحطني : من جد ما تستحي يعني الحين لو انها بنت خالك ولا عمك
الحين مير اللي في بطنها تلاقيه فز
جلست اتحامى بها وانا اضحك : يمه عاد عيب شوفي الحريم يطالعوني وش ذا كبري وتلحطيني
امي : احسن الا جسم وين العقل ما ادري ربي وين حاطه فيك
جات لجين وهي جايبه مويه وميته ضحك
كشرت وش ذا كلهم يتريقون علي شفت بندري عند الخيمه وهي تضحك
طالعتها وانا مبتسم وهي غطت وجهها ودخلت الخيمه وين رحتي باقي ما شبعت منك
اعوذ بالله وش تفكيري ذا رحت وتركتهم وهم يتكلمون ركبت السياره
ورجعت للشباب ودقيت على مرام
ردت وهي تبكي : وش تبي داق تشوفها وتحط حرتك فيني
يعني عارفه وتستعبط : زين دامك عارفه وش له ما تبين نسافر
مرام : والله اذا تبي تتغير تغير وانت في مكانك وش له نسافر وش يضمني لا رجعنا
قلبك يظل مثل هو وانت حدد حرام تعذبنا ثنتينا
سكت ما عرفت وش اقول
مرام : مع السلامه يا مازن ما ابي اشوفك ولا اشوف أي شي منك واللي يعافيك اذا تغيرت
ذيك الساعه تعال وتأكد قلبي بيظل لك
قفلت وانا ساكت رميت الجوال في الكنب ونزلت من السياره العن ابو الحب
جلست مع الشباب ووسعت صدري وطنشت كل شي صار صادقه بنت الناس
ووعدت نفسي اني ارجع لو قدام طيفها برجع واعشق
التراب الي تمشي عليه مرام
.......................................
هيـــــــــــــــــــــــ ـام
اليوم يوم عرس طلولي فديته الكل فرحان ما عاد ابوي الله يهديه دقت علي لجين وقفلت على وجهها
ووصيت غادوه ما تقولها انا بنجي ملكتها
بصراحه هاليومين انرفع ضغطي بكل ما فيه من حنين ولجين وجع عشانهم
بيعرسون يعني ما اقول الا مالت
جالسه انا وغاده مع امي نستقبل الحريم
وجا وقت الزفه الكل مبسوط وينتظر وجود حنين
جات غاده سحبتني وطلعتني فوق وطلعت لي فستان تركوزا شكله يجنن
ابتسمت : وش ذا غاده
غاده : اول المفاجآت يلا البسي
لبست الفستان كان شكله راقي بالحيل
فيه نفشه بسيطه من تحت كن مكياجي ذهبي وفيه خفيف من اللون التركوزا بسبب فساتني
بصراحه عرفت ليش غاده تسأل عن الوان فستاني حسيت شكلي خطير لفيت ظهري
وحسيت الفستان عاري وشوي من شعري نازل عليه
دخلت ملاك وهي لابسه فستان نفس اللون بس بشكل باليه كان شكلها روعه وشعرها سايح
عليها وحاطه روج وردي خفيف مبين طفولتها
ملاك : اللاااااااه خاله شكلك يجنن
ضحكت وانا منحرجه ودخل طلال وحنين
سلمت عليهم وطلال يتغزل فيني وانا منحرجه : بسك طلال عندك مرتك اتركني لحالي
حنين راحت الوان
ضحكنا وجات غاده وجابت لي مسكه بلون ذهبي وتركواز ابتسمت على شكل الورد
اللي نازل لأسفل الفستان : واااااااوووواااااووو رووووعه
طلال باس راسي : يلا انزلي حبيبتي
دخلت ملاك على انغام موسيقى وهي تمشي بهدوء اخذت التاج الي حاطينه بلون الذهبي ومفصص بالتركواز
وقربت مني نزلت لمستواها وانا مبتسمه ولبستني هو
خاطري اعرف وش المناسبه يمكن حركات عشان الزفه جالسه تأشر غاده لي انزل
نزلت تحت وقدامي ملاك تنزل
واسمع التصفير انحرجت وربي من الناس الي جالسين يطالعوا وربي شي يرعب يوم تكون الأنظار كلها موجه لك
بدت اغنية عبد المجيد عبدالله غنوا لحبيبي وانغام الموسيقى وجات امي وغاده ومؤيد يقدمون لي الهدايا ضميت امي
وابتسمت وحسيت عيني بتدمع من الفرحه ولا عرض البروجكتر اللي دهشني كله صوري وانا صغيره وصور لجين
وعزيز فديته حمر وجهي هذي اكيد غاده جابت الصور وشوي تنعرض الكيكه اللي جايبها طلال كانت كبيره بشكل جنوني فيه صوري وانا طفله وصورة لجين وصورته وصرة حنين وهي طفله
وكاتب عليها
سنه عسى ربي يعيدها عليك بسعاده طلال*حنين
ابتسمت وااااه طلولي فديتك ربي يخللللييييك طالعت فوق وشفته هو وحنين مبتسمين لي كملت مشيتي وقطعت الكيك والناس تصفر جلسنا نرقص شوي وبدت زفة حنين وطلال معاها انزف
بصراحه شعوري بغيت اموت من الفرح ربي لا يحرمني منهم يارب
رجعنا البيت مع منصور جوز غاده ومنصور يبارك لي وانا ميته ضحك
غاده : تخبلت اختي وعلي عليها
منصور : من الصور اللي حطينها
حمرت خدودي الله يخس ابليسك يا غاده بعد زوجك يعرف فضايحنا
منصور : هيام ترا يسلم عليك والله انه امير هالولد
ابتسمت وانا منحرجه اكيد امير مو قلبي اللي مختاره
منصور : وش فيك هيام لا يكون بلعوا لسانك مع الفرحه
ملاك : هههههههههههه بابا كيف شكلي
منصور يبوس خد بنته : يجنن تهبلي
غاده : بس بس اغار كذا
منصور : لا تغارين انا ماخذ احلى ناس
غاده تضحك : حبيبي والله
اوبيييه ذولا يتغازلون وناسيين نفسهم وش اللي جابني معهم
مؤيد يا قلبي عليه نايم تعب اكيد من الرزف الي يرزفونه
نزلت البيت ورحت غرفتي بسرعه قفلت الباب وفصخت عباتي
جلست قدام المرايه وانا مبتسمه الللاااااه لو عبد العزيز معاي اكتملت فرحتي
غمضت عيوني احبك احبك احبك احبك احبك احبك
تخيلته واقف بجنبي وماسكني وانا سانده راسي على صدره الللااااااه ما ابي غير حضنه
ما ابي أي شي غير اني اكون معه هذي احلى كنوزي
.................................................. .
خــــــــــــــــلـــــــ ـــــــود :
آآآآآه ما ادري شلون بفرح بأخوي وصاحبتي ونجوى لين اليوم ما طلعت نتيجة تحليلها
تعبت وربي تعبت كل يوم اشوف دموعها ودموع بناتها وقلبي يعورني عليهم
فديتهم ما ادري زوجها وش يسوي معها قلت لها تقول لأخوها ماهي براضيه
الله يعين تيو جيت من عندها وشفت مرام جاهزه
مرام : يلا خلود الله يخليك بيروح علينا السرى الحين
خلود : طيب بطلع اخذ شاور وانزل
لبست عباتي ونزلت تحت وشفت امي جالسه مع ابوي ومرام معهم
ابوي : عفيه على القمر عفيه
ابتسمت : وش عليه ابوي يتغزل فيني اليوم
جلست جنبه وحطيت راسي على كتفه
ابوي يبوس راسي : رفعتي راسي عند الجيران الله يخليك لي
مرام : يبه حتى انا
امي تضحك : ما عليك منها مازن معطيها الحنان كله
تضايقت مرام من الموضوع ونزلت راسها
لي يومين اشوفها مو على بعضها ماهي راضيه تتكلم ما الومها اكيد ما تبي صورته تنهز قدام احد
مرام : يلا خلود بعدين تعالي خذي الحنان الحين ورانا مشغل وشغلات
امي تضحك : لا تتأخرون يا بنات انا باخذ فساتينكم للقصر وانتظركم
مرام : أن شالله يمه حريم اخواني راحوا
امي : ايه من اول اتصلوا وقالوا خذولكم ارقام
تنهد : زين حمد الله ما بننتظر كثير
طلعت الحوش وكنت بغطي وشفته ابتسمت له وغطيت بسرعه
وهو ابتسم وركب سيارته
مرام : هذا اخو نجوى
هزيت راسي بمعنى ايه
مرام : اها ما يشبه لها صح
خلود : ايه صح لكن جوري تشبه له حيل
مرام : ايه سبحان الله الدم
ابتسمت فديته وفديت دمه وفديت ريحته وفديته كله والله
نزلنا المشغل وكان زحمه حيل بصراحه انصدمت مره
وهذا واحنا في الظهر اجل لو جينا المغرب وش بنشوف
جلسنا نجهز والحمد الله خلصنا اذان المغرب كلنا
دقينا على السواق ورحنا القصر
لبسنا الفساتين وكل وحده حالتها حاله طليت في حصه واسماء ومت ضحك
اسماء : وش فيه ليه الضحك
جلست اضحك : اما الحمل شي ثاني بالفستان فنتكه
مرام غاصت ضحك وحصه تطالع في المرايه : والله انا اجنن
اسماء : ايه ما عليه ذي ثاني حمله شي طبيعي بتكونين عادي بس انا الصلاة على النبي الرابعه
ضحكنا على اسماء ورحت مسكت بطنها واحط اذني
اسماء تدفني : وش تبين
ابتسمت لها : بسلم على ولد اخوي
اسماء : يمكن بنت
حصه : بسك عاد ما شبعتي عندك 2 جيبي ولد عاد للمسكين اخوه
اسماء : والله مو بيدي هذا ربي
مرام : اكيد ربك يالمهبوله ههههههههههههه
اسماء : والله طايحه عليكم دفاشه غير طبيعيه
مرام : هههههههههههه طالع منها عمر
حصه : فديته سعد ارق من عمر بمليون مره
خلود : بجينا بالغزل تراني لساتني صغيره والله اعلم امي
ضحكنا على هبالي ونزلنا عند الحريم وانبسط مره لما شفت سعاد وايمان
جلسنا نسولف ونضحك ونزلت بندري من فوق هي وحنان
سعاد : بندوووووره تعالي تعالي يا بعد سبدي انتي
ايمان : حمد الله والشكر انتي وتسبدك
سعاد : ههههههههه هذولا اهل الشرقيه يا بعد تسبدي ذبحوني
بندري : ههههههه وش دخلك فيهم
ايمان : حبيب القلب منهم وشلون وش دخلها
ابتسمت : خلاص ملكتوا
سعاد : لا باقي يجي الشيخ ونملك
ايمان وبندري ميتين ضحك وانا اقرصها الهبله تستعبط علي
سعاد : لا يا بعد تسبدي ننتظر اعمامه يجون
ايمان : وبنشوف كرشك يا سعادو
سعاد : ويه عاد يا حليله بيضطر يسمع المحاضرات فديته بيتثقف وهو في بطني
بندري ميته ضحك
ايمان : واعليه عليه بياخذ شهاده جامعيه
خلود : الله ماحد قده
سعاد : خلود لا تزعلين بخطبك لك
بندري : ايه حليله توه يحبي وهي بعكازها
ايمان : افا كأنك مو قايله لي بياخذ بنتي
سعاد : ولا يهمك الثانيه عشان توريه الدلع
خلود : والله ما ارضى الا بأبوه
ايمان : عفيه عفيه عليك ايه هذي خلود
ضحكنا وجات مرام سلمت على البنات وتوترت يوم سلمت على بندري
استغربت وش فيه لا يكون مضاربه مع اهله معقوله لا لا ما اعتقد
جات ام بندري سلمت علينا ومسكت في : الله يحفظك ماشالله
ابتسمت ونزلت راسي حيا ايمان تغمز لي : ايه ايه اكيد بتاخذين ولدها
بندري مبتسمه وساكته
وانا اغمز لإيمان هذي امها ولاهي معي
سعاد : بالله لحظه اجل خل اعطي الحرمه شروطك من الحين
بندري : هاتيها وانا بوصلها
مرام ماتت ضحك وانا رحت فيها خس الله ابليسكن من بنات
ايمان : احلى احلى يا خطابه بندور توك حبيبي ماسكه مصاصه ارتاحي
بندري : دخيله اللي تطور ومسك رضاعه
سعاد : ههههههههههههههههههههههههه هههه حلوه حلوه
مرام : هذي ام بندري
ايمان انحرجت وانطمت انا سعاد ابتسمت : بالله اخوك حلو مثلك لازم نطمن خلود
وجع في شكلك يا سعادو بندري تطالعني وتضحك
وانا محمره : وربي لا ارفزك سعاد عند سبدك انطمي احسن لك
ايمان : ههههههههههههههههههه تسبدها يولعها نار
سعاد : عاد عاد عاد لا تغلطون ماحدن يقول تسبدي غيري هاه من الحين عطيت انذار
بندري : يا عيني يا عيني
سعاد : اجل وش قالولك لا عيوني هذا زوج المستقبل والحاضر والماضي
ايمان : ابوك يا تضاد
جلسوا البنات يسولفوا وربي ميته ضحك حمد الله عدلوا نفسيتي شوي يا ليتها نجوى معنا كان خف عنها الألم
#35