الفصل 10
الجزء العاشر
بعد مرور شهرين
بندري :
كانت هالشهرين سريعه .. اغلب وقتنا في السوق نشتري لجهاز لجو
اما فستان ملكتها مازن قالها بيجيبه لها
اما بالنسبه للمدرسه خلااااص ضاق خلقي منها الحمد الله ما بقى شي ونفتك
وانقل منها ذبحتني عذوب بنظراتها ونغزاتها وربي تجرحني بكلماتها حسبي الله ونعم الوكيل
طلعت من الغرفه وشفت امي مبتسمه
ابتسمت لها ورحت عندها : ها يمه كيفك اليوم
امي : يمه ليش كبرتي عن ماما
بست يدها : مو كذا بس ما ادري .. اممم كيف اليوم بيت خالي
امي بزعل : ليش ما رحتي هذا عيد خالك وبنات خوالك كلهم هناك
ضحكت على امي : انتي تدري فيني ما احب عيد الأضحى بسبب الغدا عااد مااامي احد يخرج
الظهر والشمس ساطعه
امي : والله لو انه بيت عمتك كان رحتي
ضحكت على تفكير ماما : اكيد لأنهم فوقنا على طول
امي : اخلصي اشوف بنروح مع مازن المزرعه
مديت بوزي لأن من يوم السالفه الي صارت وانا وياه ما تكلمنا قمت اتصلت على لجين
لجين : هااا بندوره وش عندك
بندري : ولا شي وش تسوين
لجين : هههههههههه حسبي الله وش اسوي بعد جالسه اشوف القهوه والحلويات
بندري : ايه صح متى بتروحون
لجين : ما ادري والله عزيز يا قلبي عليه من الصبح وهو مع ماجد يشوفون الذبايح
ابتسمت : ايه ماجد يعني جاكم اليوم
لجين : اقلبي بندري وجهك لا اوريك شغلك
ضحكت : اوبيه عصبت خلاص سحبنا الكلمه ما كانت كلمه ونطيتي في حلقي
لجين : احم عيب الصغار يسألوا عن اشياء الكبار
اتخصرت : لاااا والله اقول اقول ترا اليوم عيد عشان كذا ما راح اسوي لك شي
لجين بخوف : سحبتها سحبتهااااا بس بيضي الوجه مع اهل ماجد
جلست ارفع في حواجبي : ايه خليك كذا ما احد قدك انخطبتي وصار عيدكم ومع عيدهم في يوم واحد تتوقعين بنسوي كذا مع اهل خطيبي ..؟
لجين باستفهامات : خطيبك أي خطيب
بندري : ما ادري الي بيجي يخطبني
لجين : هههههههههههههههه انا بنصحه لله ما يقرب من بيتكم
بندري : اقول سوي خيرا او اصمتي يلا امي تهاوشني تبغاني البس باي
لجين : بالله اجهزوا بسرعه لأن يمكن الحين مازن يتصل ويخلينا ننزل
بندري : ليش مو عبد العزيز يودينا ؟؟
لجين : لأن عزيز من العصر في المزرعه ومازن منثبر في البيت
هزيت راسي بيأس : اهممم طاايب يلا مع السلامه
قفلت من عند لجين وقمت اجهز ملابسي دخلت اخذ شاور وطلعت لبست
وقمت جلست على النت عبال ما يخرجون
جلست اتصفح المنتدى وانا مبسوطه من رساله جاتني
طلعت يوم ماما تناديني وقمت لبست عباتي
وانا خارجه من البيت شفت مازن نازل من الدرج لفيت وجهي وهو واقف رجعت طالعت وراي
وانتبهت اني مو مغطيه عيني غطيت عيني ومازن يطالع
مازن : احسب بعد بتطلعين وانتي مكحله
طنشته ونزلت واسمعه نازل وراي ركبت السياره
امي : بدري لو تأخرتي
بدلع : مامااا لسه مازن ما جا
دخل مازن السياره وسلم
امي : كيفك يا ولدي أن شالله بخير
مازن : الحمد الله طيب كل عام وانتي بخير وينعاد عليكم بكل خير
امي : وانت بخير يا ولدي
امي تدقني : سلمي على ولد عمتك
جلست اهز راسي ما ابي ولجين تضحك
عمتي : ما عليك منها متضاربين هي وياه
امي : يا حظي من دلعها كل من ابوها
جلست متحرطمه ولجين تضحك واشوف كتوف مازن تنهز من الضحك
قهر كله من امي وش ذا
وصلنا المزرعه وانا ساكته طول الطريق نزلت امي وعمتي ولجين
ناديت لجين : وين الخدامات
لجين : اخذهم عبد العزيز العصر
وراحت نزلت من السياره وبروح وعبايتي تنشد وتطيح من راسي حسيت كتوفي بانت بسرعه رجعتها وقفت مكاني مو عارفه وش اسوي
طلع مازن من السياره وابتسم : واشفيه تبغين تعتذرين
نسيت نفسي : لا والله من الغلطان عشان يعتذر
مازن يشيل نظارته : اذكر اعتذرت في وقتها
درت وجهي الجهه الثانيه : وانا ما قبلت عذرك
مازن : زين وش تبين واقفه ادخلي اشوف
طليت فيه برجا : عبايتي
مازن يطل في عبايتي ويضحك : حتى سيارتي تحبك رغم انك دفشه معها
ضحكت : طيب وش اسوي
مازن : ممكن تبعدين شوي
وخرت على الجهه الثانيه ولمحت وحده واقفه عرفت انها مرام اوبيه لا يكون ...
مازن قرب وجلس يسوي : بندوره لازم اقص العبايه
طليت فيه بحزن : لااااه حرام لسه مالي يومين مشتريتها
مازن : هههههههه ربي يكتب لك الخير في غيره
بأسى : طيب خلاص ياربي الدنيا حظوظ
طالع فيني مازن بحزن دمعت عيوني ودرت وجهي
مازن قص عبايتي ووقف : خذي وثاني مره انتبهي وانتي نازله من السياره
بلعت ريقي : وش اسوي ما كنت ادري أن سيارتك مقربعه
مازن : افا ما عليه بعد 4 ايام بتشوفين السياره الجديده طالبها طلب من المانيا
ابتسمت : طيب اول من اركب فيها من الحين اقولك
مازن : ههههه من عيوني يلا ادخلي
رحت مشيت ووقفت وطليت ورايه شفت مازن يسوي الحديد برجله ورفع راسه وابتسم
ابتسمت واحاول انه دموعي ما تنزل : اسفه مازن
دخلت جوا بسرعه وشفت مرام واقفه كشفت وجهي وابتسمت رحت بسلم عليها
طلت فيني باستحقار وراحت
وقفت مصدومه وشفيها ذي طنشتها ودخلت سلمت على الحريم وحنان تضحك
وتساسر لجين رحت عندهم : خير وشعندكم
لجين : هههههه من اكل عبايتك
بقهر : سيارة اخوك والله ماما راح تقتلني لو شافتها
حنان : يحق لها اجل احد يشتري عبايه ب800 قمة الاسراف
بندري : خلاص والي يعافيك
جلسنا مع البنات وطول الوقت مرام ترميني بنظرات وربي تقتل
دقيت لجين : لجين شوفي مرام كيف تطالع
لجين : ايه لاحظت وش مسويه
قلت للجين الموقف
ولجين : بالله والله انكم فلتانين نعمه مرام شافتكم يعني لو بندر شافك وش بيسوي لك
استغربت : ليش انا وش مسويه تراه ولد عمتي
لجين مسكت يدي : يا قلبي الناس ما تعرف كذا واكبر دليل تعامل مرام صح ولا انا غلطانه
هزيت راسي : طيب وش اسوي
لجين : ما عليك خليها علي
اتنهدت وانا افكر معقوله كذا تفكير الناس .. ايه صح .. ليش لأ ..
غاده :
السلام عليكم كيفكم وربي وحشتوني
آآآه تصدقوا ما توقعت انه هنا لي غير اهل جوزي لين ما كلمت حنان
انبسط مره ورحت بيت عمي الله يرحمه كم مره
ووريت لجين صور هيام وطلال وشفت بندري يا قليبي عليها تهبل الله يحفظها
قمت من دوامة افكاري ورحت عند ملاك
بست راسها : ها يا ماما ايش تبغي تلبسي
ملاك تحضني : شوفي هذا حلو
ابتسمت لبنتي : واااو يجنن ما شالله عليكي ذوقك يجنن
ملاك : مامااااا من جد ولا بس تمزحي معايا
رفعت حواجبي : لا ما امزح معاكي من جدي اتكلم اذا مو حلو راح اقلك لأني ابغى بنتي تطلع قمر
ضحكت ملاك وجلست البسها
مسكت شعرها امشطه لها
ملاك : ماما نفسي اقص شعري
مسكت قلبي : وه يا ندامه ليش أن شالله وش فيه شعرك حلاته انه طويل
ملاك : ماما والله نفسي اسويه قصير
ابتسمت : طيب دقيقه
قمت لغرفتي واجيب البنس دخلت الغرفه وجيت عندها مسكت جزء من شعرها ولفيته على تحت
لين ما وصلت لأذنها ونفس الشي بقية شعرها
ابتسمت يلا تعالي شوفي المرايا
جات ملاك وشافت : لااااا مو حلوووو احلى طويل
ضحكت على بنتي وحضنتها : شفتي كيف يا ماما احلى الطويل
شفت منصور جا ابتسم ودخل غرفته
ابتسمت وقمت ملاك : وي يا ماما لسه توه جا
قرصت خدودها : لازم اروح واشوفه ارجع لك شويه
ملاك تغمز لي : طيب ارجعي ها مو تنسي
خربشت شعرها وخرجت من عندها دخلت الغرفه وسمعت صوت الدش قي الحمام
قمت طلعت ثوب وشماغ ..
وجلست اسوي شعري
جا ضمني من ورايه : كيفها ورحي
مسكت يده : بلبلتني حبيبي هههههه
منصور يطل في نفسه : طيب دقيقه البس ديشمبرك
ضحكت عليه : خلاص خلاص جهزتلك ثوبك
باس جبهتي : تسلم يدك يا حبي
لبس منصور وهو يتكلم عن اخوه اتذكرت امي ودمعت عيوني
منصور جا ووقف قدامي : ليه يا حياتي
سحبت يده وجلس جمبي وضميته : اشتقت لأمي
تنهد منصور : الله يرحمها
رفعت عيوني : هذا ثاني عيد من غيرها
منصور : الله يرحمها
نزلت راسي وهو يمسد على شعري : كانت تحبك اكثر مني
ضحكت بهدوء وهو مبتسم
جلست العب بأصابيعه : تغار مني
منصور : يعني يوم نروح لها بدل ما ترحب بولدها ترحب فيك وبالأحضان
غاده برقه : ههههههههههههههههه يا حياتي
دق الباب بسرعه متتاليه انفجعت ووقفت منصور قام فتح الباب
ملاك كانت عند الباب تبكي : بابا شوف مؤيد طالع على البلكونه
جات غاده بسرعه وانا اضحك : خليه بطل الله يحفظه
طليت فيه : منصووور حرام عليك طلعت بسرعه الصاله وشفت مؤيد ماني قادره اوقف
طحت على الأرض وبدت دموعي تنزل بانهمار
جا منصور وانفجع يوم شاف ولده فوق الحاجز ويأشر لنا نسكت انا وملاك الي ضمتني من خوفها
راح منصور بخفه للبلكونه ومؤيد حس بأحد
مؤيد : ملاك هههههه شوفي كيف زي بات مان هههههه تعالي جربي
قرب منصور منه ولف عليه مؤيد خاف يوم شاف ابوه وكان بيطيح
وصرخت صرخه انا وملاك الا يوم مسكه منصور غمضت عيوني وجلست اشهق من الخوف
منصور بعصبيه يجيبه ويرميه عندي
مؤيد بخوفه جا لحضني وضميته بأقوى من عندي خفت اني افقده وافقد حسه
كان ممكن برمشة عين يروح
منصور : الحين يا البطل يا بات مان ممكن تشرح لي الي سويته
مؤيد من خوفه من ابوه بدت عيونه تدمع
منصور : يعني الحين لو طح وتكسرت وجلست بعاهه طول حياتك وش بتسوي
علمني ولا بس شاطر تتفلحن على اختك وامك
مؤيد يمسك يدي بقوه وهو يبكي
منصور : رح بسرعه غرفتك اليوم مانت برايح للمزرعه وطلع لي الكمبيوتر والبلايستيشن
و4 ايام مافي خرجه من البيت فاهم
قمت واخذت مؤيد معايه ورحت غرفته ضميته وجلست اهديه
مؤيد : اسف ماما والله ما كنت اقصد
نزلت دموعي وبكيت اكثر من اول الحمد الله ياربي كتبت لولدي عمر جديد
مؤيد مد يده ويمسح دموعي : ماما الله يخليك لا تبكين
وجلس يبكي ضميته وبسته وطلعت من الغرفه
وانا رايحه للصاله وقفت يوم سمعت منصور وملاك يتكلموا
ملاك : اكيد خفت عليه والله كنت راح اموت لو صار له شي
منصور : يا قلبي ما قلتي لي فوق الحاجز
ملاك تحضن ابوها : ما اعرف اسمه .. بابا لازم نصلي لربي صلاة شكر
ابتسمت عليها وعلى منصور الي رد : ليش تحبينه
ملاك اتنهدت : اموت فيه هذا اخويه الوحيد مالي غيره وربي اطفش لما يكون مع اصحابه وانبسط لما يجي
منصور : أن شالله ماما تجيب لك اخت واخو ثانيين وتصيروا 4
ملاك : من جد اللاااه بيكون عندنا نونو في البيت
نزلت راسي وقلبي يعورني على كلامهم آآآه دخلت الصاله وقام منصور
جات ملاك ضمتني : ماما بابا يقول بتجيبوا لنا نونو
طليت في منصور الي مبتسم وابتسمت له وضميت ملاك
منصور مر من جنبي بيروح لمؤيد مسكت يده : الله يخليك خف على الولد
ابتسم : أن شالله
منصور :
وربي تضايقت من تصرف مؤيد اتوقعته على البلكونه مو فوق الحاجز
الله يهديه وربي كنت بموت من الفجعه الحمد الله عدت على خير
عورت قلبي غاده وملاك غصب عني جلست اصرخ في الولد نسيت انه خايف
ويحتاج من يهدي فيه دخلت الغرفه وشفته فوق سريره منزل راسه ويمسح دموعه
قربت منه وجلست فوق السرير رفع راسه يطالع فيني ونزل راسه
كلمته بهدوء : عيب يبه الرجال ما يبكي
مسح دموعه وهو يشهق ضميته وضمني بأقوى ما عنده : يبه آسف
ابتسمت : حبيبي اعذرني لأني صرخت عليك من خوفي عليك يا ولدي انت ولدي
الي رافع راسي انت اخو ملاك الي ما تقدر تعيش من غير اخوها الوحيد وانت قلب امك الي ينبض داخلها
ليش سويت كذا الرجال عقله كبير وما يعمل مثل هالحركات
مؤيد يمسك نفسه : والله ما كنت اقصد خالد يقولي الرجال الي يسوي كذا
عصبت في داخلي : ولد عمك
هز راسه : طيب يبه توعدني هاذي الأشياء السخيفه ما تسويها
مؤيد ابتسم : من عيوني بابا
ابتسمت : طيب يلا قوم جيب اسلاك الكمبيوتر والبلايستيشن والفيديو
مؤيد : بابا
قرصت اذنه : العقاب عقاب لازم تتعاقب عشان لو جاك الشيطان وزين لك عملك تتذكر عقابك
مؤيد يضحك : طيب طيب اذني حمرت
ضحكت وطلعت من الغرفه وشفت غاده في غرفتنا دخلت الغرفه وسكيت الباب
غاده تسمح دموعها : وش سويت معه
قربت منها ومسكت وجهها : بعدك تبكين
غاده بدت تتجمع الدموع في عينها ولفت يدينها حول رقبتي وتمت تبكي في حضني
جلست امسد على شعرها : غدووو حبيبي ليش تبكين الحمد الله الولد ما صار له شي
غاده بصوت مبحوح ومتهدج : يا ويلي يا منصور ما اقوى على فرقاهم
ضحكت : اسكتي يا حرمه تتفاولين على العيال
غاده بعدت عني وبيدينها الصغيره تدقني على صدري : دبه انا امهم مستحيل افكر كذا
ضحكت ومسكت يدينها وبستها واتنهدت غاده مديت يدي وامسح دموعها
غاده : ليه قسيت عليه ما شفته كيف يرجف في حضني
لويت بوزي : بصراحه ما هان علي اشوف دموعك انتي وملاك
همست بكل حب : حبيبي
تميت اشوف عيونها بكل شوق
غاده حطت راسها على صدري : احبك يا منصور
بست راسها ومسكت يدها ..
بعد دقايق من الصمت دق الباب قمت افتح وكان مؤيد جايب الأسلاك
مؤيد: يعني لازم انا اجيب عقابي
ضحكت غاده وجات ضمت ولدها
طليت فيها وغمزت انا اغاااار
ضحكت غاده وضحك مؤيد
جات ملاك : يلا بابا متى نروح
ابتسمت : يلا يلا غاده البسي عباتك .. مؤيد حبيبي لا تفتح الباب
مؤيد : أن شالله
طلعنا كلنا وحنا في السياره غاده تلومني : منصور كفايه اخذت الأشياء الحلوه ليش ما يجي معانا
هزيت راسي : غاده الي سواها مو هين خله يتأدب ويعرف انه غلط غلطه كبيره
ملاك : حرام بابا اليوم اول يوم عيد
ضحكت : هيا غاده الثانيه
غاده بدلع : والله واشفيها غاده الحلا كله
ضحكت : وقمرهم بعد
ملاك : احم ترا والله استحي
ضحكنا على ملاك
ملاك : طيب بابا ايش راح تسوي مع خالد
رفعت حاجب : مو ولدي لحاله يتعاقب حتى هو لازم يتعاقب
ملاك : ايوه احسن دايما يفشل مؤيد قدام اصحابه
غاده : خلاص ملوكه حبيبي
رفعت حاجب : لا تكلمي وش يقول
ملاك : يقوله انه هو طفل مو رجال لأنه يبوسني انا وماما ويهتم فينا ما ادري هذولا العيال كيف تفكيرهم
اتنرفزت : حسبي الله عليه ولا يهمك يا قلب ابوها اليوم اوريك شغله
ملاك نطت من فرحتها وباستني من خدي : الله يخليك لنا يا أحلى بابا
هيام :
احس اني ملكت الكون كله يوم كلمتهم
احس اني السعاده ما تنوصف في داخلي
بس خايفه وربي خايفه من ابوي يكتشف هالشي طول الشهرين وقلبي نبضاته ما تخف
آآآآآه يا ربي احمدك واشكرك يا ارحم الراحمين
جلست انط من الفرحه لما دق الباب فتحته بحماس وانا مبتسمه
حنين : ما شالله ايش الحيويه والنشاط
ضحكت : حياكي قلبي
سلمت عليها حنين : كل عام وانتي بخير يا بطه
ابتسمت : وانتي بخير يا ديناصور
حنين : مالت على وجهك افففف يا ناس انا رقيقه وش الي مخليني مصاحبه دفشه
جلست اغمز لها : تمونين انتي اصلا انه هياااااام قلب حبيبها اتكلمك
رفعت حواجبها حنين وابتسمت : الله واكبر الي اعرفه يقول بنت فلان وانتي تقولين قلب حبيبها
هيام : افتخر فيه ويكون لي الشرف فيها شي
حنين : لا لا ابد اقولك بجلس واقفه طول الوقت
هزيت راسي بالنفي : طبعا لا تعالي الغرفه بوريكي شي
دخلت الرغفه وقفلت الباب ومديت لها الجوال ..
رحت على المرايا اتأمل نفسي وبعد خصله من شعري وابتسمت
حنين : عز الله غرقانه الأخت
رحت نطيت على السرير وانا مسدوحه على بطني واخذت المخده وحطيت راسي ويد ممدوده والثانيه
العب بشعري : حلو مو
حنين تطل وتبتسم : الله يخيلكم لبعض لجين رسلتها
تنهدت واتكيت على يديني وانا مسدوحه وسحبت الجوال وجلست اطالع فيه : يا حبيبي
يجنننننننن امووووت فيه اخبل عليه
وجلست ابوس في صورته
حنين : عز الله طار عقلها هههههههههه
ضحكت وقمت : آآآآآه يا حنين متى اكون معاه في بيت واحد اطبخ له والبسه وادلعه
حتى عيوني اعطيه اذا يبغاها
حنين : اللاااااه اللااااه وش الكلام الرايق ذا
رجعت راسي على ورى : آآآآآه من عشقي له يا حنين احبه احبه امووووت فيه
يااااا ناااااااااااااااااااااااا ااااااااااااااس احببببببببببببببببببه
حنين : اسسسسسسس يا مجنونه تبغي ابوكي يذبحنا انتي
بعيون هايمه اتكلمت : علني فداه اذا يبغى كله عشاني عزوزي يهون
حنين : هههههه الللاااااه يالحب اثرك مو هين
طليت فيا وغمزت لها : وعامل عمايله معاك
حنين نزلت راسها وابتسمت : ايه مره مو اخوك كل يوم عندي ولا كل يوم يكلمني
مديت يدي لها ومسكت يدها : حبيبتي ليش ما تدقين انتي عليه
حنين نزلت راسها : لا يا هيام من يوم ما ملكت ما جاني ولا دق اقوم انا ابدى وش هي قلة ادب
ضحكت عليها : والله انك غبيه كذا بيضيع من يدك
حنين رفعت راسها : ن شالله اصير ذكيه بعد الزواج اقلها يكون لي حق
ابتسمت واطل في الجوااال : ياااا ويلي يهبببببل حنيييييين
حنين : ههههههه بسك عاااد خلااااص ذبحتيني
سكيت الجوال : والله احلى عيديه يا لجووو الدبه
حنين : دقي عليها بالله
هزيت راسي بالنفي : لااااا ما يصحش وربي ما خليت وقت الا وكلمتها فيه تقولي ماجد
هههههههه كل بعد عشرين دقيقه متصله عليها وهي نفس الشي
حنين : الله يسعدكم يارب ويخليكم لبعض
رفعت يدي وانا ادعي من قلب : آميــــــــــــــــــن .. اقوووول حنين قومي قومي
حنين : لااااا لااااا مو قايمه ولا راح اروح له
شديت يدها : طيب لا تروحين له هو يجيك قوووومي
حنين ترفض : لاااااا مستحييييل تبغي يقول جاتني البيت
هيام : ماااا عليكي منه مو على كيفه يلاااا قومي بالله نروح المجلس
هزت راسها وبإجبار قومتها
رحنا المجلس وجلسنا : دقيقه بجيب لك العصير
رحت غرفة طلال ادق الباب فتح الباب وهو مبتسم ولابس
طلال يحط يده على فمي : طالع طالع الحين بروح لها
ابتسمت : ههههههههه وش دراك
طلال : اختي شلون ما اعرفها
سحبت يده اخذت العصير اعطيته : خذ قدمه لها وشربها بعد
جلس فاتح عيونه قدامي : الله واكبر عيب
هزيت راسي : لا مو عيب زوجها مو غريب يلا قدامي
دخلت انا وطلال وحنين نزلت راسها وضحكت
انا مت من الضحك وطلال مقهور منا
خرجت وسبتهم لحالهم وانا جالسه اغمز لطلال واشر له
بندر :
كيف الحال ..؟
حالي اااه من حالي ليش تسألين وانتي ادرى باللي جارح القلب
طيب مو ممكن يكون احسن لك ..؟
كيف علميني .. اناجي اسمها بآخر الليل ولا لازم احس بعذاب الحب
هههههه ليش طلعوا صادقين انه الحب عذاب ..؟
الحب جحيم يا قموره جحيم
أهااا يمكن جحيم للي لهم علاقات مو ..؟
ممكن تقفلين على الموضوع
طيب على راحتك ليش ما تقوم مع الشباب ؟
الحين بقوم اوضي ونصلي العشا ..
قمت اوضي ورحت عند الشباب وكانت في بنت سامي رؤى جالسه تلعب مع عيال عم ماجد
ابتسمت وصفينا نصلي كان جنبي عزيز ومازن وماجد وسعد
وحنا نصلي .. كانوا عندنا رؤى ومهند من اول جالس معها
رؤى : مهند الزواز حلو ( الزواج )
مهند : ايوه مررره حلو انتي زربيه وسوفي ( جربيه وشوفي )
رؤى : تيب ليس لزين تخاف من الزواز ( ليش لجين تخاف من الزواج )
مهند : خبله هي عسان ما تحب واحد الي يحب واحد يتزوز
رؤى تقرب منه : تيب انته تحب
مهند منحرج ويجاوب : ايوه احبك وانتي ؟
رؤى تفكر وتشيل شعرها من وجهها : انا ما ادلي لكن خلاث انت تحبني خلاث عادي اتزوزك
وربي دموعي بتنزل بس ماسك نفسي انا والشباب مير الشباب كتوفهم تنهز
مهند : لكن ابوي ما يعرف يحب غير يصرخ في امي ما ادري كيف تزوزوا وانا اقول لامي خلاص
سيبيه لكن ما تسمع كلامي ما ادري ليس
رؤى : الله يعينهم والله
خلاص هنا ما قدرنا نمسك نفسنا جلسنا نضحك من غير صوت
خلصنا صلاه وعزيز يسحب رؤى ويبوس فيها
وحنا خلاص منتهيين من الضحك
سعد : مو هين ولدك يا محمد مطلع فضايحك ولاه يحب بعد
محمد : ههههههههههه حسبي الله على ابليسه ما ادري من وين متعلم هالكلام
ماجد : هههههههه يا حليله يعطي الضعيفه دروس ههههههههههه
مازن : ههههههه لا والأخت عاشت جو مع مأساته الله يعينهم قال
سامي : هههههههه بنتي رقيقه
عزيز حاضن رؤى : هههههههههههههههه خلاص ودوها عند امها فضحتنا
ابو ماجد : الله يحرسهم ويحفظهم اقروا عليهم عند الحسد
سعد : يبه كنا كذا وحنا صغار
ابو ماجد : لا والله ما اخبركم كذا مير هالجيل من بدايته واضح
عزيز : ههههههه بقوم اودي البنت عند امها تجلس مع البنات احسن لها
قمت مع عزيز ودق على حنان
عزيز : هههههه وش رايك فيها تهبل صح
قرصت خدودها : الله يحفظها
يوم جات الخدامه اخذت البنت ودخلت سحبت عزيز واخذته معاي
عزيز : خير بندر
ابتسمت وجلست على الزرع : أن شالله كل خير
عزيز : اتكلم يا ولد الخال
بندر : بقولك سالفه وابي تعليقك عليها
عزيز : قول وما يصير خاطرك الا طيب
بديت اقول لعبد العزيز السالفه وهو كان مهتم لين ما جيت عند وفاة اريج
عبد العزيز : بندر تدري أن هذا قضاء الله وقدره وتدري زين أن البنات طلبوا من طلال هالشي
نزلت راسي : بكمل السالفه ممكن
هز راسه عزيز وانا كملت له سالفتي كلها
عبد العزيز : والله ما ادري وش اقولك يا بندر .. البنت ممكن طيبه ومنبتها طيب لكن
انت بعد الزواج بتذبح نفسك بالشك وتذبحها هي بعد .. انت شف شلون معيش بندري
وهي ما سوت شي اجل كيف اذا تزوجت رنا
نزلت راسي واحس بداخلي صرخه
عبد العزيز : ولا تنسى رضا الأم واحد يا بندر
قمت : تسلم يا عبد العزيز ارتحت يوم تكلمت معك
عبد العزيز قام ودقني من كتفي : يا اخوي حنا لبعض وانت ربي يرزقك ببنت الحلال أن شالله
ضحكت واشرت له : شف وحده تناديك
عزيز : اكيد ذي لجين طيب يلا عن اذنك
رحت عند شجره قريبه من المسبح كانوا الصغاريه يتسبحون كان المسبح بينا الرجال والحريم وفيها حاجز
جلست وافكر في حالي وحال رنا الحين ..
ما ادري وشلون عايشه .. طلعت الجوال الجديد واتصلت على وليد
وليد : حيالله النشمي
ابتسمت : الله يحييك كيف الحال
وليد : حمد الله بخير ها وشلون العيد عندكم
بندر : شاد حيله هههههه
وليد : والله حنا ما غير لافين المستشفيات ما دري وش هالسخونه الي فيهم
فز قلبي يوم قال هالكلمه وعلي عليها يعلني اذوق الموت ولا تذوقه : بسم الله عليهم يمكن عين ولا شي
وليد : والله ما ادري اقول بندر اكلمك شوي بشوف النيرس
بندر : أن شالله يلا سلام ..
طلال :
جلست اضحك على حركة هيام المهبوله
جلست اطالع في البنت وهي مستحيه
طلال : كيف حالك
حنين بابتسامه : دامك بخير انا بخير
ياربي على الذوق يسعدها ربي
فشله والله حسيت اني مقصر معاها بالحيل
قامت حنين : وين
حنين : بروح عند هيام
ابتسمت وقمت عندها وجلست جنبها وجلستها : ما تبغي تجلسي معاي يعني
حنين نزلت راسها وهي منكسفه
ضحكت : كيف الكليه
حنين : ماشي
طلال : ناويه تكملي أن شالله
حنين : اذا عندك عادي أن شالله بكمل
مو اقولكم ذوق : ربي يسعدك
حنين حمرت وقامت
مسكت يدها ونسيت نفسي : اريج اجلسي
لفت وجهها علي وطالعتني بحزن : اريج
ارتبكت ونزلت راسي جلست جنبي ومسكت يدي : كلمني عنها
رفعت عيوني اشوفها وهي مبتسمه والحزن في عيونها
هزيت راسي بالنفي : لا مو لازم
ضغطت على يدي : الا لازم مو انا .. انا ..زوجتك يعني بتقولي كل شي صح
ابتسمت لها : وش اقولك
حركت راسها بمعنى ما ادري : كل شي .. متى حبيتها وكيف حبيتها ..؟
لويت بوزي : ما كنت احبها او بالأحرى كنت اتجاهل مشاعري لها كنت اقرى مشاعرها
وانفي مشاعري اكذبها أي شي بس اني اتجنب كثير اني احبها لأني كنت ما اثق في شي اسمه حب
او ما ادري وش اقولك ما ادري وش كان احساسي لين ذاك اليوم تأكدت اني احبها
ندمت اني ما قلت لها من قبل .. خفت على نفسي لأنها حبتني وانا متجاهل
وانا يوم حبيتها ضاعت من يدي وش اقولك بعد الم اتجرعه كل ما اتذكرها ولا ويش
حنين بألم : طيب انت ندمان لأنها حبتك وانت تجاهلت
جات عيوني في عيونها الي غرقانه دموع وسكت
اتكلمت بهدوء : انتبه يا طلال لا تكرر الغلط مره ثانيه
رفعت عيوني لها وابتسمت مسكت شعرها في يدي وهمست لها : تحبيني
سكتت ونزلت راسها
عدت السؤال عليها : تحبيني
نزلت دمعه من عينها مديت يدي ومسحت دمعتها ورفعت راسها : حنين تحبيني
هزت راسها بحزن
ضميتها لصدري : فديت قلبك يا حنين اتحمليني
حنين : لا تطول طلال .. قلبي ما يتحمل اكثر
بست راسها : ساعديني
حنين بحنان : كلي لك
خلود :
بصراحه اليوم مره بسطه مع البنات
جالسين نتفرج في التلفزيون وانا لفيت اكلم بندري
مرام بصرخه : خلووووود الحقي طااارق
لفيت وجهي : وينه
نهى : هههههههه يا هبله المحياس
قمت نطيت على التلفزيون : يا لبى قلبه يهبــــل
لجين : اف اف لذي الدرجه
تنهدت بهباله : بالله ما يجنن شوفي شقايل يبستم يااااربي تذبحني ابتساااامته
بندري : ههههههه عاد في التلفزيون خلك واقعيه شويه
سمر : انسوا نسيااااان بااات هذي من يوم عرفتها متنقله بين فرسان الشعر شي يخبلها بها ناصر بن حمد
والثاني فزاع وبعده فيصل العدواني واخيرا استقرت على طارق
بندري : هههههههههه الله يخس ابليسك
قمت : وش اسوي يهبلووون ياربي سبحان الي خلقهم
لجين : ههههههههههههههههه مفضوحه اختك
مرام ابتسمت بهدوء وسكتت
لجين : مرومه حبيبي قمنا نمشي
مرام : طيب
دخلت عرض : وانا ما انفع
لجين : لا تنفعين بس مقاسك ما جا لسه
دقيتها على كتفها : دبه
ضحكوا البنات علي جلسنا نسولف شوي
قمت وسمر تكلمت : خلوووود اجلسي واشفيك كل شوي ناطه
خلود : بكلم نجوى وحشتني اليوم ما كلمتها
نهى : من نجوى
خلود : جيرانا تهبل البنت يا لبى قلبها صرت اكلمها واروح عندها اكثر من اني مع مرام المخبوله
بندري : الله يدوم هالسعاده بينكم
ابتسمت لها بكل ود : آمين يا قلبي
جلست بعيد عنهم شوي ودقيت على نجوى
نجوى : هلا وغلا بالورد والزين كله يا هلا
ابتسمت : هلا في المسافره قلبي مشتاااق لكم بالحيل
نجوى : يالعياره كلها يومين هههههه مصرع
ضحكت من قلب والله شوقي ذبحني عليها وعلى اخوها حبتين : هذي جزاتي انفخ راسك
نجوى : تسلم حبيبة قلبي تعالي انتوا مو في المزرعه
هزيت راسي : الا بس اشتقت لك ولبناتك كيفهم
نجوى : تشتاق لك العافيه يا قلبي الحمد الله ما عليهم .. دقيقه خلود
اسمع صوته فز قلبي وهو يكلمها
نجوى : طيب بكلم البنت الحين وانزل عندكم شويه
نجوى : ايوه انتي اخبارك
ابتسمت وانا هيمانه : حمد الله مشتاقه لك والله
نجوى : هههههه بس غمرتيني بحبك
حمر وجهي خفت انها حست علي : احمدي ربك انتي وجهك الناس تقول حمد الله لاقيين احد يهتم فينا
نجوى : ايه والله وانتي الصادقه الله لا يحرمني من اخوتك يا قلبي
ابتسمت : آمين يارب .. صح انزلي لأهلك اخذتك منهم اكلمك بعدين
نجوى : خلاص أن شالله يلا مع السلامه
قفلت من عندها وانا ودي اطير سمعت صوته وااااي اشتقت له ولعيونه ولابتسامته يا قلبي عليه يهبل يهبببببببل
رحت عند البنات : ابغى اسبح من تبغى تسبح معي
بندري : لا والله انتي مره متهوره
خلود : مالي ابغى اسبح ودي اسبـــــح
نهى : طيب اذلفي وتعالي وانتي مزكمه
باعتراض : لاااه ترا المويه دااافيه حيل تجنننن
بندري : ما جبت ملابس ولا كان نطيت قبلك
رحت وانا اضحك دخلت جهة المسبح وانا ماشيه ارمي الصندل بعيد على جهة الزرع
ورميت الثاني على جهة الشجر ورحت عند البنات وانا مبتسمه
ندى : عموووه بتسبحي
ابتسمت وانا احط رجلي على المويه احس برودتها : ايوه
رؤى : عموووو بندر تبغى تسبح
لفيت راسي على ورى وانا مفجوعه وشفت واحد مبتسم باستهزاء وماسك بيده
الصندل : وش فيك سندريلا راميه صندلك
انحرجت بقوه شكله صقع راسه اويه نطيت لا شعوري على المسبح عشان ابعد عن نظراته
ندى : هههههههههه عمه بملابسك
رفعت راسي وجلست اطل ولقيته واقف مصدوم : مجنونه الجو بارد
عطيته ظهري وش فيه اهبل يكلمني بكل جرأه من جد وقح وجع في شكله
ندى : هي انت عيب تكلم عمتي
بندر استح على وجهه : آسف
وراح خرجت من المسبح وانا ارجف اخذت منشفه ومشيت
نهى صرخت : الهبله ما قدرتي تبدلين ملابسك طيب
جلست ارجف : والله ماني فايقه لك يعني بهوايه نزلت
سمر : ههههههههههههه يا قلبي وش صار
طليت في بندري وابتسمت لها : قومي اسبحي بلبسك عادي ترا
بندري : هههههههه لا لا مستحيلين
جات لجين ومرام وهما مبتسمين
مرام : هههههههههههه تعيشي وتاكلي غيرها
لجين : هههههههههههههههه وربي وانتي تنطي ضحكت من قلب قلبي
فتحت عيوني : شفتوني !!
لجين : ههههههههههههه ايه شفناااكي ليش مفجوعه
وجالسه تغمز لي وتضحك
جد حمرت وانحرجت بزياده
لجين :
بعد ما قالت لي بندري عن الي شافته مرام قلت لازم اتحرك
واحنا جالسين مع البنات حسيتها مضايقه ودها تنفجر ما راح الومها لأني لو مكانها
ممكن رحت صقعته على راسه ناديتها وقمنا نمشي
مرام : اهمممم
طليت فيها بابتسامه : وش فيك كذا متضايقه
مرام باستنكار : اناااا
رفعت حواجبي : لا اناااا
ضحكت ضحكه خفيفه : مافيني شي
مسكت يدها : مرااام ممكن ما ترتاحي لي لأن هذي ثاني مره تشوفيني فيها
وانا ما راح الومك بس اعتبريني اختك الثانيه الي ممكن تقولي لها كل الي مضايقك
مرام دمعت عيونها ونزلت راسها
قربت منها : يا حياااتي ليه الدموع والله ما تستاهل هذا كله
مرام رفعت عيونها وابتسمت وتمسح دموعها
بستها من خدها : يا ويلي على الغيره تسوي كذا
طالعت فيني باستغراب وانا ابتسمت : بقولك شي يا مرام وتأكدي تماما منه
مازن ما عمره فكر في وحده غيرك حتى امي دوم جالس فوق راسها مرام ومرام ..
وبندري طول عمرها عايشه معانا البيت تحت البيت
ويعتبرها اخته لا اكثر ما شافها يوم كانت تكشف عليه تبغيه الحين يوم غطت عنه يحبها
مازن يحزن على بندري كثير لأنها وحيده ومراهقه ومشاعرها متلخبطه
صدقيني مرام بندري محتاجه انه الكل يحسسها بحبها لأن تحس الي حولها يكرهونها
هذي السالفه لا اكثر ولا اقل
مرام بابتسامه : من جد .. ريحتي قلبي حسيت اني راح اموت
ضحكت : والله يا مرام انه بندري طيبه وحبوبه وتعتبر كل الي حولها طيبين
بس مشكلتها تصرفاتها طايشه يعني ما تعمل حساب للي تسويه تحسبه عادي يعني ولد عمتها
خلاص عادي ولد عمتها متزوج عادي مستحيل يصير شي
مرام : صدقيني لجين انا واثقه من حب مازن لي بس مو واثقه في الشيطان الي يجري مجرى الدم
عشان كذا حسيت بشي في داخلي حسيت اني متضايقه
خصوصا اني ما اعرف بندري ولا اعرف شخصيتها
ابتسمت لها بود : يلا يا قلبي حصل خير .. يوووه عزيز شوفيه هناك
مرام : هههههه لو قلتي مازن تلاقيني طايره عنده
ضحكت : بالله لحظه اليوم مره ما شفته وحشني
رحت اأشر لعبد العزيز جاني وهو مبتسم
عبد العزيز : هلا هلا بحياتي يا هلا
رحت بسته : وحشتني يالدب وربي اشتقت لك
باس راسي : تشتاق لك العافيه يا عمري .. ها كيف المزرعه عجبتكم
هزيت راسي : حلوه مره مين حجزها
رفع حواجبه : يقولوا واحد اسمه ماجد ويقولوا ذوقه يعجب وحده اسمها لجين
ضحكت وضربته على صدره بخفه
مسك يدي ويضحك : بس بس توبه ما اعيدها
ابستمت : حبيبي بجي معاك وحشتني مره
عبد العزيز : من عيوني يا قلبي انا وسيارتي تحت امرك .. وباخذ لك لفه واشتري لك اسكريم بعد
جلست انط من الفرحه : الله يخليك يارب وبجيب معايه بندري
عزيز : الله يحييها .. لجين لي تلفي هنا روحوا هناك احسن
مديت بوزي : ليش مكان حريم هذا
عزيز بحنان : ادري حياتي بس لما يجون الرجال من ذي الجهه يشوفونكم
لا تحسبيني اشدد عليكي لا يا قلبي انا اغار عليك ما ابغى احد يتكلم على اختي بشي
بست يده : الله يخليك لي يا عزوتي من عيوني
عزيز : يلا روحي حبيبي ولا تقربون من هنا وقولي لبندري كمان
هزيت راسي باستجابه ورحت لمرام
مرام : احلى يا دلع
ضحكت : حراااام عليكي والله عادي
مرام : امشي نسمع الكلام ونجلس في المرجيحه هاذي
رحنا نمشي مرام اتكلمت : لجين حلو الواحد يوم احد يحبه ويعشقه للجنون بس الأحلى انه يبادله نفس الشي صح
جلست المرجيحه وطالعتها : امممم صح
مرام : تدري احسد نفسي على مازن
ضحكت : لا يغرك تراه دفش
مرام : ههههه احبه بكل مافيه
تنهدت : اللااااه يا حب هيام نمبر تو
مرام : هيااام ..؟ هيام مين ..؟
ابتسمت : بنت عمي
مرام : تحب
هزيت راسي : اهم زي الحب الي رسمتيه بحلاوتك
مرام : اها تحب خطيبها
طالعتها بحزن : أن شاالله يكون خطيبها
مرام : لجووو حياتي كذا تخليني محروقه ومتحقرصه مالي شغل بتقولي السالفه
ضحكت : اه طيب بقولك اسمعي يا ستي ...
مرام بحزن : يالااااه يا قلبي عليكم
حطيت راسي وابتسامه حزينه : اقولك شي وما تزعلي
مرام : لأ
نزلت راسي : كانوا يعايروني بماجد
مرام : ههههههههههههههههه
كملت : كانوا يقولون ما بعد المضاربه غير حب وخصوصا اريج
مرام : ههههههه يا حياتي .. بس انتي .. امممم ما تحبيه
رفعت راسي واطالعها ونزلت راسي
مرام : غريبه انتي
بأسى : ليش ؟
مرام : ما ادري الوحده اذا عرفت واحد يحبها وخصوصا انه شخصيته حلوه اتوقعها تغرم فيه
ابتسمت : والمريضه
مرام بدهشه : مريضه !!!
هزيت راسي : اهمم مرض نفسي
مرام : يعني مجنونه
قمت من المرجيحه : ليه انا مجنونه
مرام قامت مسكت يدي : اسفه ما قصدت كذا
ابتسمت لها : عادي .. ممكن يكون المرض الخوف
مرام : خوف .. خوف من ايش
طليت في القمر وبحزن : خوف .. من الحب ..خوف .. من الحياه .. خوف من السعاده
كلها كلها تفقديها بعد ما تكوني بأمس الحاجه لها
ضمتني مرام : يا قلبي .. لا تحطين هالشي في بالك خلي قلبك قوي
تنهدت من خاطر وانا اجاهد نفسي اني ما ابكي
مرام : هههههه شوفي خلود الهبله
لفيت ورايه وشفتها وهي ترمي الصندل وجا على شي ورجع انرد
استغربنا انا ومرام من الشي شوي يقوم بندر ياخذ الصندل ويروح لجهة المسبح
ضحكنا ضحك على خلود يوم نطت شكلها يموت من الضحك
مرام : يا حرااااام تحزن
لجين : والله ما يستحي بندر
مرام : هههههه ينفس عن غضبه وش فيك حرمه تصقع رجال قويه ههههههه
ضحكنا ورحنا لما شفنا خلود خرجت من المسبح وكلمناها ..
مسكينه وجهها انخطف من قلب ..
جلسنا السهره حلوه وتجنن
اتعشينا الحمد الله وقمنا بنروح دق علي عزيز
عزيز : لجو طرفت لك السياره انتي وبندري
لجين : طيب تسلم الحين بنقوم
قفلت من عنده : بندري قومي معايا انا وعزيز
بندري تطالع امها : يمه بروح
ام بندر : كلمي ابوك
بندري تطلع جوالها وتكلم ابوها
وحصه جالسه تطالع فيني مبتسمه نزلت راسي وابتسمت لها
جات جلست جنبي : كيفها القمر
هزيت راسي : الحمد الله كيفك انتي
حصه : تعبانه من الحمل
ابتسمت لجين : الله يعينك ادلعتي مزبوط كم سنه ما خلفتي
حصه : هههههه الله يعين يا شيخه
جات خلود وجلست : حصوووه السيد مبهذل امي بياخذك ويروح البيت
حصه حمرت من كلام خلود
ضحكت : وه يا ندامه بلا كذب خلود
خلود وتاشر على رقبتها : هه والله ما اكذب تراه من قبل العشا امي تعرف تقهره
حصه : حرام عليكم
ابتسكت : دقي عليه جوال واشردوا
حصه بحزن : صدروا جوالي
خلود : وش نسوي مصخوها كل ما يجون عندنا وجالسين يطالعون بعض ويتكلمون
ما تقولين انه 24 ساعه مقابلها ما شالله الله لا يحسدهم
ضحكت من قلب : يمه منكم اتركوهم في حالهم
حصه : حبيبي والله
خلود رافعه حواجبها : ايه سعد طلع مو هين من تحت لتحت
حصه : حق سنين
خلود : ههههههههه مره وحده نزلها في شهرين هههههههههه
ضحكت على خبال خلود وربي ما تعقل هاذي البنت
خلود : اقول لجو كلمتي سعادوووو رجتني تبغى تكلمك
لجين : لا والله ما دقت بكرا أن شالله ادق عليها
خلود : لجين ابغى من محلك يالشيخه كم شغله بروح مع السواق بكرا تجون معاي
حصه : اسأل سعد
خلود : لااا لاااا ما تسأليه امي تجبره
ضحكت من قلب وربي يجننوا الله يحفظهم
بندري : يلا لجين
قمت اربط الطرحه : يلا بنات نتقابل مره ثانيه أن شالله
سلمنا عليهم ورحت السياره
جالسه ومرجعه راسي على ورى وبندري ساكته
جات عيني على ماجد وهو يكلم مازن وعزيز ويضحك
حسيته طفل حنون محتاج لحب كبير يقدر يضم قلبه وحنانه
جلست متأمله في وناسيه نفسي وجا عيونه وسكت وجلس يطالعني
وتميت اطالعه نسيت نفسي اول مره اطالعه شوقه الجامح الي عيونه تتكلم فيها
نزلت راسي منخجله لما دخل عزيز السياره
عزيز : السلام عليكم
كلنا : وعليكم السلام
عزيز : ا أن شالله انبسطوا
رفعت عيوني اشوف ماجد لقيته راح نزلت راسي خساره ودي اشوفه
دق الشباك حق عزيز وطليت بسرعه شفته مبتسم فرحت من قلب أني شفته
عزيز ابتسم من الحركه وفتح الشباك : خير نعم
ماجد : ابد خذ سلم الأمانه
عزيز : أن شالله
اعطاني غصن صغير فيها فل ريحته يجنن ابتسمت ومديت يدي
اخذته حسيت يدي ترتجف قربته مني وشميت ريحته حسيت بقشعريره في جسمي
يا ترى هذي بداية حبي ...
مرام :
بعد يوم ممتع ومتعب في نفس الوقت احس جسمي مكسر
من سهر البارح بس والله انبسط بالحيل
الحمد الله نزلت تحت وشتهم حاطين الغدا
جلست جنب ماجد
ماجد : وش تبغين جنبي
طليت فيه : احبك وش اسوي
ابو ماجد : تحبينه ولا تحبين صاحبه
انحرجت : الاثنين
امي : يا قليلة الأدب استحي قدام ابوك
زاد احراجي : يمه وش فيها وش قايله يا حظي مفروض البنت تكون صريحه مع اهلها
امي : صارحي ما قلنا لك لأ بس بحدود مو كذا عيب
خلود : يا حظي وش قالت تراه زوجها اولا واخيرا
ماجد : ههههههه عادي يمه زين الواحد يحب ويصارح ما تخافين منه انتي خافي
على الي يحب وما يصارح
طليت في ماجد وهو يناظر خلود الي راح وجهها وسكتت
ابوي : احب اعود بناتي وعيالي على الصراحه خذوا راحتكم يا عيال لا تستحون من ابوكم
امي : والله مو مخربهم غير دلعك لهم
ماجد : بالعكس اشوى مو يضغط علينا وفي النهايه ننتكس عليكم
امي : يا حظي وش هالكلام بعد كل كل يا يبه ولا بكرا مرتك ما بتأكلك تبي من يوكلها
ماجد : ليش وش فيها مرتي يا قلبي عليها
امي : فاصخين حياهم ذولا الأولاد .. مرتك مصعلكه تبي من يوكلها
خلود : والله جسمها حلو يمه
امي : ما كلمتك اسكتي
ابوي : هههههههه امكم شابه اليومين ذي
امي سكتت
ماجد : ليش يبه
امي : ولا شي بس اسكتوا
ابوي بحنان : الغاليه خايفه عليكم من العين
ماجد ضحك : افا يمه ليش يعني
امي : والله العين حق انت ما شفت مرة الجيران وش صار في عيالها وابوهم
ابتسمت : ايه اهم شي ابوهم
ابوي ضحك : شوفي امك شلون استحت اسكتي يا بنت
طنشتنا امي وقامت من الحيا هههههه وربي ما ورثت هالصفه منها
قمنا بعد السوالف اخذت ملزمه وطلعت الحوش وجلست في الكراسي
اذاكر لي كم كلمه
جات خلود عندي ومعها ملازمها
خلود جلست وتنهدت
طالعتها : وش فيك
خلود : ولا شي مضايقه
هزيت راسي وجلست سرحانه في كلام امس الي صار مع لجين افكر اقول لماجد عشان يصبر معها وما يشد
بس تراجعت البنت قالت لي شي لازم احفظه لها
طالعت في خلود سرحانه في بيت نجوى ابتسمت : لهالدرجه مشتاقه
خلود ابتسمت وباحراج : عادي لو هالوقت هي هنا كنت عندها
تنهدت : الله يرجعها بالسلامه
خلود : آمين
جانا ماجد ومعاه ايس كريمات
مرام : هلا هلااا
ماجد : ايس كريمات لأحلى اخوات
خلود : يا سلااام ابغى بالتوووت بالله
حط ماجد الايس كريمات وجلس
اخذنا وجلسنا ناكل
خلود : ما عندك مباريات
ماجد وهو مشغول في ايس كريمه : الا بعد بكرا أن شالله
مرام : يعني بتسافر
ماجد : يومين بس
مرام : اممم الله يعينك
ماجد : صح ما تدرين انه مازن بيقدم الملكه الأسبوع الجاي
انفجعت : ايش ليش
ماجد : اظنك مجهزه كل شي
باعتراض : بس الفستان السبوع الجاي بيطلع ما مداي
ماجد : بلا دلع يلا تراه بعد ملكتي مسافر لـ3 اسابيع
نزلت راسي : ابوي وش قال
ماجد : ما قال شي عادي عنده كذا كذا بتصير ملكه
خلود : حمد الله طلعت فستاني
ماجد يطالع في خلود : لا يكون معرى
خلود : اجل تبغاه مستر
ماجد : نعم نعم
خلود : مااااجد وربي هاذي الموديلات الله يخليك
ماجد : لاااا ما تلبسي مره معرى
خلود : لا لا مو مرى بس شويا من فوق بس
ماجد سكت بعدين اتكلم : لا يكون الظهر كله ..
قطعته خلود : لا لا حاطه تل لا تخاف
ماجد : طيب خلاص
قمت من عندهم ودقيت على حصه
حصه : هلا مرومه وش فيك
حسيت اني مخنوقه : حصه ملكتي قدموها الاسبوع الجاي
حصه : طيب يا قلبي وش فيها
دمعت عيوني : ما ادري احس اني مضايقه
حصه : عادي يا عمري لازم تحسي بهالشعور لا ياخذ في خاطرك كثير
بلعت ريقي : طيب فستاني
حصه : خلاص انا اليوم بكلم المشغل اقولهم يعجلون فيه
مازن :
كنت جالس مع امي وهي تلوم فيني
عزيز : يمه عنده اشغال بعد ملكة لجين
امي : لا والبنت يا حليلها تلاقيها ما تجهزت
لجين : خلاص يمه حليله مازن مو بيده تعرفين انتي جدوله
امي : ولو خلاص بعد ملكتك مو كذا يروح يفشلنا مع الناس
مازن : عادي يا يمه انا كلمت ماجد وما عندهم مانع وجاهزين اهله
تراها الا ملكه يا يمه ما صارت.. الله يرضى عليك الغاليه
امي : خلاص يبه دام اهلها راضين .. الله يهداك بس
ابتسمت : يا لبى قلبي على قلبك يالغاليه وانا اقول حنا رهيفين لمن ..؟
لجين ضحكت : ماما وبابا كانوا احلى اتنين ماما وبابا بيحبوا بعضن كتير
ماما وبابا ( كملنا معها ) جابوا احلى كتاكيت
ماما وبابا علمونا الحب والكلمه الحلوه
بنحبكم ماما وبابااااااا
امي محمره : هههههه غربل الله ابليسكم
لجين : مازن ممكن تشتري لي فستان
مازن : من عيوني عندي رحله للبنان ورا بكرا تبغي تطلعي معايه تختاري
لجين : والله ياليت ماما خلينا نطلع نغير جو الله يخليكي
امي : لا يا يمه مالي ومال السفر
عزيز : يلا يمه عاد صار لنا فتره غرقانين في مشاغلينا خليها كل يومين ونرجع
امي : يا يبه الحين لبنان كلها حروب وش تبي بها
مازن : خلاص يا الغاليه لعيونك ناخذ رحله اروبيه
لجين : ماااازن الله يخليك باريس ابغى اشوف مره وحده لفستان الشبكه
ابتسمت لها : نو نو فستان الشبكه انا مسويه لك مفاجأه
عزيز : على فكره حجزت القصر يوم الخميس
لجين : وقت دراسه !!
عزيز : عادي ما بتعرسين انتي
رفعت حواجب : والله الحريم يصعبونها وهي ما يبالها
امي : يا عيال لا تكلفون على اعماركم تراها الا ملكه
مسكت يد لجين : مو أي ملكه يمه هذي ملكة الغاليه
لجين ابتسمت ونزلت راسها : تسلم حبيبي
قمت : يلا اجل بروح اكلم اغير الرحله واحجز لكم عزيز تجي
عزيز : وانا من اول اقنعها ليش عشان اجلس
ضحكت : طيب قم يلا عندي مشوار بسويه
لجين : طيب مازن احجز لي بندري معانا
عزيز : هاهاهااااي مجنونه والله بندر بتطلع عيونه
لجين : ماااله شغل مازن بكلم خالي الله يخليك
مازن : طيب اكلمهم واشوف وش يقول
رحت غرفتي وطلعت جوالي دقيت على خالي
خالي : هلا مازن وش عندك بعد
ضحكت : والله ذليتني يا خالي بس عشان كلمت الرجال
خالي : وذي هينه
ابتسمت : لا يالغالي عشان كذا عازمك رحله ولا في الاحلام
خالي : وين تبي
مازن : باريس أن شالله او لندن
خالي : ما شالله انت والأهل
مازن : أن شالله عشان كذا بغيت اسألك بتروحون معنا
خالي : والله يانا خالك ما ادري بس خذوا بندري معاكم مع لجين وانا بشوف الحرمه وارد لك
ابتسمت : على خير أن شالله رد لي بدري انا بسوي حجز لكم بس ما بأكد
خالي : الي تشوفه يا ولدي
قفلت من خالي وطلعت بحزن للجين
لجين : ها لا تقول قال لا
هزيت راسي : كنت متوقع اصلا
عزيز : يكذب لجين وافق
رميت عليه المسنده : مالت على وجهك وش دراك
عزيز : ههههه قلبي دلني
مازن : مالت عليك وعلى قلبك
امي : اجلس يا مازن
بست راسها : والله عندي شغله ضروريه لازم اسويها يمه
امي : الله يوفقك يا ولدي
قمت نزلت وشفت وحده عند سيارتي ناظرتها باستحقار لأني عرفتها
عذوب : كيفك
باستحقار : عيب يا بنت قومي من هنا
عذوب : ليش انا وش سويت لك
درت وجهي الجهه الثانيه : انا انسان بتزوج عن قريب وانتي بمثابة اختي
عذوب قربت مني وجات قدامي : ليش تصد عني وانا ما اعتبرك اخوي
درت وجهي : استغفرك ربي وش تبين
عذوب : انا .. انا ,..
ناظرتها : وش قايل استحيتي وانتي جايه عندي ما اظن بقى في وجهك حيا
عذوب : لا تكلمني كذا مو انت تقول اني مثل اختك .. انت ما تتكلم مع اختك كذا
طالعتها بقهر : غلط اسف اختي اشرف منك ولو تسوي سواتك ذبحتها ذبح
وما اخليها تتهمل بهالطريقه
عذوب بنرفزه : وش تقصد اهلي مهمليني
طالعتها باستحقار : اجل وش تقولين في وحده من المغرب بره البيت
ومن غير ولي ولا رقيب محافظين عليها لا حشا اجل المهملين وش يسوون
عذوب دمعت عيونها : حرام عليك ليش تسوي بقلبي كذا
فتحت فمي ببلاهه وش تقول ذي طنشتها وركبت سيارتي وهي وقفت قدامها
لا حول ولا قوة الا بالله نزلت الشباك : اقول بلا افلام هنديه وروحي لبيتك يا بنت واقصري الشر
عذوب : مثل ما ذبحت قلبي وش بقى فيني عشان اعيش اذبحني انت ما عندك ضمير
وربي ضحكت غصب عني
عذوب : تضحك بعد انت وشو ما تحس ما عندك قلب
وانا اضحك : وانتي الصادقه ما عندي وقت للسخافات ذي اقول روحي طلعي لك فلم توه نزل
وتفرجي عليه ابرك من انك تمثلين
عذوب : مازن احبك حرام عليك تستخف في مشاعري
بقسوه فتحت باب السياره ورحت عندها : اذا ما احترمتي مشاعرك وما احترمتي اهلك
وتطلعين هالوقت من البيت من غير اذنهم وتسوين هالحركات قدام خلق الله وش انتظر منك
اعطيك قلبي واعطيك حياتي اسفه هذي مو في مجتمعنا يا حلوه
سحبتها من يدها وبعدتها عن السياره وكانت واقفه بذهول وصدمه ركبت سيارتي وسكيت الباب
بأقوى ما عندي واسمع تهديد سخيف من لسانها
عذوب : والله يا مازن لأذلك وأعذب قلبك مثل ما عذبت قلبي
هين يا مازن بتشوف منو عذوب
سكيت الشباك ومشيت .. وقفت عند محل عبايات نزلت المحل وانا محتار كيف راح اختار العبايه
جلست اشوف العبي لين ما جاني واحد
الرجال : محتاج شي يا لأخ
ابتسمت : ابغى احسن عبايه من احسن قماش عندكم
الرجال : طيب اتفضل معي
اخترت النوع الي ابغاه بس محتار في الطول
دقيت على لجين وسألتها عن طول عبايتها
لجين : ليش بتشتري لي عبايه ما ابغى توي مشتريه
ضحكت : طيب مو مشتري لك كم مقاس عباتك
لجين : 3 ب طيب ليش
مازن : لبندري امس سيارتي شقت عباتها
لجين : اها زين تسوي خير
مازن : طيب مع السلامه .. لو سمحت ابغى مقاس 3 ب
طلع الرجالي لي المقاس اخذته وطلعت رحت اشتريت من بارنيز اشتريت أيس شوكليت 7
اخذت ورقه من عنده وكتبت ..
اتفضلي اذا ما جا مقاسك كلميني وقولي المقاس الي تبغينه
اخذته وحطيته في كيس العبايه واخذت الغراض وطلعت رحت البيت
وما شفت المهبوله تنهدت براحه
طلعت بيت خالي وفتحت لي الخدامه : خذي اعطي هذا بندري وخذي انتي وماما وبندري
اعطيتهم ثلاث ايس شوكليت طلعت فوق واعطيت امي
امي : يا ولدي برد بيعور حلقك
ابتسمت لها بود : ما يعور يمه حنا نهاية الشتى
امي : الله يخليك واشوفك داخل تعطي مرتك وعيالك
جات لجين تركض : امي كلمي هيام
امي : هاتي هاتي حبيبتي .. يا هلا يا هلا بالغلا مرت الغالي أن شالله
ابتسمت وطالعت لجين : اشوف هيام تحب تكلم امي هههههه
لجين : ههههههه حرام عليك يا دب اللاااه ايس شوكليت اعطيني
جا عزيز وشاف امي تتكلم : تكلم من
مديت له الأيس : حبيبة القلب
امي : هذا هو عزيز جنبي يسلم عليك يا بنيتي
ضحكنا كلنا على لون عزيز
عزيز : يمه تحرجين البنت
امي : لا ما عليك ما تستحي تسلم عليك هي بعد
ضحك عزيز وباس راس امي
امي : هذي البوسه لي ولا لها بمعنى اسمعي
عزيز : خلاص انتهيت البنت ما عاد بتكلم
امي تضحك ورجعت تكلم هيام
عزيز : لا حول ولا قوه البنت راحت فيها
لجين : ايوه قلت لي البنت ولا انته
عزيز : امي الثانيه
ضحكنا واعطت امي لجين الجوال اخذت لجين وهي تشرب
لجين : همم تبين
وحطت على المايك بالغلط هيام : ايه ابي يمن حق عزيز
عزيز راح الولد فيها وبصوت عالي : يفداك ويفداك راعيه بعد
لجين ضحكت وقفلت المايك وخرجت بسرعه من الغرفه
امي : هذا الي من اول مستحي من يوم سمع حسها راح الولد
ضحكنا على امي وعزيز منزل راسه
امي : الله يجمعك معها تحت سقف واحد تستاهل البنيه
عزيز : ربي يسمع منك
دق التلفون وكان جنبي رديت وكانت بندري
بندري : السلام عليكم
ابتسمت : وعليكم السلام يا هلا
بندري باحراج : كيف الحال
زادت ابتسامتي : طيب الحمد الله انتي كيف حالك
بندري : الحمد الله بخير .. مازن ليش كلفت على نفسك ما كان له داعي
طالعت في امي وعزيز الي يطالعون ببلاهه وزادت ابتسامتي اكثر واكثر
مازن : لا والله لا كلفت على نفسي ولا شي تستاهلين اكثر .. بس أن شالله جات مقاسك
بندري : مالك شغل هههههههه
ضحكت من قلب : برضه لسانك طويل
بندري : ههههه امزح معك وبعدين وجع وش هالضحكه
مازن : ليش مو حلوه اغيرها لعيونك
بندري : لا خلها عشان تنفجع مرام
ضحكت : لا لا حلمك ذا عندها الرقه والحنان احم
بندري : استح عيب وين لجين
مازن : هههه تكلم هيام قلك ابوك
بندري : لا وش
مازن : بنسافر وبناخذك معنا
بندري بفرحه شوي وتطير : والله يارب يسعدك
ابتسمت : ويسعد قلبك ربي
بندري : مشكوووور مازن الله يفرحك ببنت مثلي وولد مثلك ويضاربون دايما بعدين يتصالحون
ضحكت على خبالها : والله انتي خبله
امي تدقني وهي متنرفزه شوي مني بندري : اقول مازن تقولك امي هي ما تقدر تروح
الله يهداك لو اخترت وقت ثاني
ضحكت : هي عندك
بندري : ايه تبغى تكلمها
مازن : هاتيها .. هلا يا خاله كيفك
ام بندر : حمد الله يا ولدي ..
مازن : هلا
ام بندر : يعني يا ولدي لو ما تاخذون بندري مو احسن
اسمع صوت بندري تتكلم وتتحرطم : لاه حرام يا خاله خليها تنبسط مع لجين
وحنا مثل اخوانها
ام يندر : والله فيكم الخير يلا يا ولدي سلم على امك
مازن : أن شالله قفلت السماعه وانا اشوف نظرات امي وعزيز
امي : مازن لا تنسى انك على وجه زواج
اندهشت : ليش يمه
امي : لو انك تعتبر بندري مثل اختك ما يجوز لك تهديها هذي بنت
خالك واذا كان لك نفس فيها ليه ما اتكلمت
استغربت : وشو وش تقولين يمه الله يهداك
عزيز : هههههههههههههه ماني مصدق انك تكلم بندري هههههههههه
طليت في امي : امي حرام عليك والله البنت تعتبرني اخوها انتي ما تشوفيها شلون تتكلم ببراءتها
امي : وانا خايفه من ذا الشي يا ولدي الشيطان شاطر
هزيت راسي : زين يا يمه بس تكفين لا يروح فكرك بعيد
طلعت غرفتي وانا مستغرب من كلامهم ومستغرب من تصرفاتي بعد
بس اكيد اني اعتبرها اختي مستحيل افكر في شي ثاني
هيام :
جد جد خلاااص ضاااع وجهي حسبي الله على ابليسك يا لجين
والله احراااااااج لمن سمعت صوته حسيت اني بدوخ يا قلبي عيله يجننن
احبــــــــــــــــــــــ ـــــــــــــــــــــــــ ـه
اموووووووت فيه بعد ما قفلت من عند لجين رحت اركض على غرفتي زي الهبله
شغلت الكمبيوتر وشغلة اغنية ميريام اغنية احبك حيل ..ايه والله احبه حيل
فتحت شعري وجلست ارقصها من قلب
احس اني خبله خبلني بحبه ااااااااااه يا حبيبي دخلت امي وانا ارقص
امي : ههههههه وش فيها بنتي
وقفت وانا اضحك : يمه ..
رحت عنده وانا اغني مع ميريام .. آآآه مين يشوفك ما يهواك .. آآآآه مين يقدر ينسااااااااااك
وجلست ارقص على نغامتها بحماس ..
بعمري تعيش يا عمري.. ما عرفت الجم الجمري.. قلبي يعيش ويا روحي انا تهواك
وسلم ليك انا امري .. انت بالعين ضي العين ..باللحظات بالساعات .. طول السنين
قلبي يعيش ويا روحي انا تهواك واسلم ليك انا امري .. آآآه ..
وجلست اسوي حركات دلع لأمي وهي تضحك علي
امي : الله يدوم الفرحه ايه هذي هيومه الي اعرفها
ضحكت لأمي : بطير من الفرح مااااماااي
امي : قومي يا بنتي روحي مع طلال وخطيبته البحر
قمت بحماس : والله
امي : ايه والله
هيام : ابوي وينه
امي : ابوك في غرفته
تنهدت : احسن يفكني ما ابي اشوفه وينكد علي فرحتي
امي : عيب هذا ابوك
ضحكت باستهزاء : ليش عمري حسيت بهالشي
نزلت راسها امي : الله يعين
قمت لبست ولبست عباتي رحت عند طلال وشفته
طلال : دوم الابتسامه ما تفارق شفاك
رسلت له بوسه : وانت بعد يا حلو يلا انا جاهزه
قام طلال وركبت ورا
طلال : سواق ابوكي انا
ضحكت : لا الحين بتركب مرتك وانا بنزل ما فيني
ضحك ومشينا
غاده :
حنان : والله يا غدو ما اقدر
جلست اترجاها : بالله عليكي يلا قومي بلا هباله والله المركز خطير
حنان : طيب بشوف لجين تجي ولا لأ
غاده : طيب شوفيها هي وبندري
حنان : خلاص الحين ارد لك
قفلت ورحت عند ملاك
ملاك : ماما ماني فاهمه هذا السؤال تعالي فهميني
رحت افهم ملاك سؤالها
وقمت ادق على منصور
منصور : هلا حياتي
غاده : راح تتأخر حبيبي
منصور: أن شالله العشا اكون في البيت
غاده : حبيبي المركز مسوي حفل اليوم كلمت حنان على اساس نروح بعد موافقتك يا قلبي
منصور : خلاص حياتي خذي السواق من اهلي وروحي بس ياليت العشا تكوني في
حجزت لنا في فندق اليوم
ابتسمت : اوكي حياتي احبك
منصور : وانا اموت فيكي
قفلت من عنده ورحت ارد على التلفون : ايوه حنو
حنان : خلاص يا قلبي انا وياكي بنروح لجين بيجوها صحباتها
غاده : خلاص اوكي يا قلبي امر عليكي
حنان : خلاص بعد نص ساعه اكون جاهزه
قمت اجهز والبس ملاك جا مؤيد يشوفنا بحزن
مؤيد : ماراح اجي
هزيت راسي بأسف : لا حبيبي
مؤيد اتنهد وراح غرفته حزنت عليه وربي بس ايش اسوي منصور ما يحب كلمته ما تمشي
طلال :
كنا جالسين انا وحنين فوق السياره وهيام على الشاطئ تلعب بالمويه وتجري
انبسط على فرحتها بالحيل ..
حنين : الله يسعدها يارب
طليت فيها بحنان : ويسعدك
حنين ابتسمت والهوا يلعب بشعرها مديت يدي اشيل خصله من وجهها
جلست اتأملها وهي منحرجه
جات هيام : بس اول مره تشوفها
ابتسمت وشلت يدي : يمكن روحي كملي لعب الله يعطيك العافيه
هيام : طيب اديني جوالك ابغى اكلم لجين
رفعت حواجبي : قبل شوي مقفله منها
هيام : عااااااد وش اسوي طفش لحالي ما خليت شي وما كتبته
ضحكت واعطيتها الجوال راحت هيام تركض
ومسكت يد حنين : قومي نشوفها خرابيشها
حنين : هههههه حرام عليك اسرار
طلال : ادري عادي قومي
سحبتها معايه ورحنا نشوف القلب والكلام الحلو الي كتبته
حنين : امممم هيومه صوريه ذكرى
هيام : امممم والله فكره طيب
طلال : لحظه اكتبي الحرف الي تحبينه
هيام : لا لا مالي استحي
ضحكت عليها : ايه مره تستحي عفيه عليك تكتبي
كتبت هيام حرف ah
وصورته ورتنا الصور : حلو
حنين : يجنن
هيام : تسلمي يا روحي وانت طلال
طلال : يهبل مو اصباعك الي رسمه
هيام تطالع حنين بمشاكسه : اشوف حنين من اليوم غرقانه
ضحكنا على الوان حنين
مشيت انا وحنين على الشاطئ
حنين : طلال ايش كثر شي تتمناه
تنهدت : اغير ابوي او اعرف سبب معاملته
ضغطت على يدي : تصدق اقولك شي وما تزعل .. باين على ابوك مريض نفسي
رفعت حاجب : ليش ازعل .. مو عيب يوم يكون الواحد مريض بس العيب انه ما يعترف بمرضه
حنين : يا بختي فيك
ابتسمت لها : ليه يعني
حنين بحيا : متفهم للغايه
رفعت يدها وبستها : للحلوين فقط
ضحكت حنين وضميتها حنين باحراج : طلال احنا في مكان عام
لفيت راسي : ما في احد
جلسنا نتكلم في كل الأمور ورحت لقيت هيام تسولف بالجوال
يوم جيت قفلت
هيام : خلصتوا
حنين : أن شالله ما طفشتي البنت
هيام : لاجالسه اكلم صحباتها كمان هههههه
حنين : طيب كويس
هيام : يلا طفشت بروح البيت
ضحكت عليها وركبنا السياره وديتهم مطعم نتعشى
#29