ياليت يوم انها جفتني من جفاها تستفيد - الفصل 21 - بقلم b7ooor - مكتملة | روايتك

معجب انا برمشك وباهداب عينك...اسلوب راقي وابتسامة ولطافه شفاف طبعك تنقرى من جبينك...وقلبي يدون لك بخطه اعترافه من قبل اشوفك قبل اسمع انينك..قبلك يمر لعمر فيني واعافه ماكنت اظن في يوم باشوف زينك..تحيي القلب من بعد موته وجفافه .............................. سمعو حد يصفق من وراهم ذياب: مافيك حيله يا الخال زياد: وليه ماتغني لنا ولا بس هذي الي تستاهل تغني لها سعود: انتو ماتستاهلون بس هذي تستاهل رهف: احم...احم مساكين الي فشلوهم توهم زياد وهو يقلد صوت رهف: مساكين الي توهم فشلوهم .. انتي روحي عند الحريم وش جلسك هنا رهف: وش حارك انت ؟؟ زياد: يالله روحي عند الحريم كلنا رجال رهف: انتوا روحوا أنا جايه قبلكم مع خالي زياد: اقول قدامي سعود: زياد وش فيك عليها خلها انا ابغاها انتو الي روحو ابغى اكلم رهف في كلمة راس ذياب وهو يطالع زياد: زياد أبغى اكلمك زياد : ها... مايصلح جنبهم ذياب: لا زياد: ولاجنب ياسر ذياب: لا مايصلح رهف: ههههههههههههه سعود: زيوود اذلف ياسر: عن اذنكم انا رايح رهف عرفت ان ياسر متأثر من رفضها الله يعينك ياولد عمي بي سامحني قلبي موملكي ............................. "البر" بعد ماخلصو الرجال صلاة الظهر الحريم يطبخون الغدا والبنات يساعدونهم الرجال جالسين مع الشباب ويحكون لهم سوالف اول زياد مسكين منسدح بعد الطق الي جاه من ذياب محمد: خالي سعود سمعنا ان صوتك حلو سعود: وانت وش دراك محمد: سمعتك وانت تغني فوق الجبل بو ياسر: طلبناك سمعنا شوي سعود: فالكم طيب .. عليك اغار من لمس الهبايب .. .. وجلاسك واهلك والقرايب .. .. عليك اغار من عمري عليكم .. .. واغار بسبب وبلا سبايب .. .. محبي يالغلا بالله هيد .. .. ترفق وارحم اللي فيك ذايب .. .. تملكني ودادك دون مدري .. .. تمكن لين صاب القلب صايب .. .. ولا غيرك في ها الدنيا فتني .. .. وحملني ثقيلات النوايب .. .. انا يا شوق حبك ذابحني .. .. فدتك الروح دام إنا حبايب .. .. ولا ارتاح إلا بشوف عينك .. .. متى بتعود يا مجفي وغايب .. .. انا وش حيلتي يا كيف اسوي .. .. وانا في حبكم مخطي وصايب .. وسلمتم ماجد:ماشاءالله عليك صوتك حلو سعود: تسلم .......................... بعد الغدى الكل راح ينام بعد التعب ماعدا من البنات سلمى وسلامه راحو يتمشون قريب من الخيام سلامه: امممممممم سلمى ممكن اسألك سؤال؟؟ سلمى: تفضلي سلامه: انتي تحبين ياسر؟؟؟ سلمى توهقت ماتوقعت ان سلامه تسألها هالسؤال :انا احب ياسر؟؟ .......لا سلامه: اممممممممم بس انتي دايم تطالعينه وتستحين منه سلمى ياربي وش اقولها هذي...: لا عادي سلامه: وش عادي؟؟؟ سميه: مرحبا سلامه وسلمى: مرحبتين سميه: وش عندكم هنا؟؟ سلامه: ماعندنا شي ....... وين الباقي سميه: نايمات سمعو صوت من وراهم ......: مرحبا بالبنات اخباركم؟؟ ......: يارجال وش عليك منهم ......: ماتشوف انت شوف حلاتهم البنات صخوا سلامه الي تشجعت ولفت وتوها بتهزأ الرجال سلامه: زيوووووود يالسخيف زياد: هههههههههههههه وش تسوون هنا؟؟ سلامه: ملينا من الخيمه زياد: وين الباقي سلامه: كلهم نايمات زياد: مرحبا بالشيخات سميه: مرحبا فيك زياد: اخباركم بنات عمي؟؟ البنات: الحمدلله زياد: من انتوا ؟ سلامه: هذي سميه بنت عمي طارق اما هذي سلمى بنت عمى سلطان ذياب: والنعم البنات: الله ينعم بحالك سلامه: ياربي وش تبغون ؟؟؟ ذياب: وانتي دوم لسانك متبري منك سلامه: ذياب مالك شي هنا خذ اخوي المصون وروحوا زياد: ذياب قوم خلنا نروح عن هذي ام لسانين سلامه: بااااااااااااااااااي.......... . امممممموه ذياب: وع سلامه: مالت مصدق انها لك زياد: احم ... احم اجل لي مشكوره اختي حبيبتي سلامه: مشكله الي يصدقون عمرهم هذي للي وراكم لفو الشباب يبغون يعرفون من الي وراهم .....: السلام عليكم الكل: وعليكم السلام سلامه : هلا وغلا غناتي تعالي تو مانور المكان زياد بدت دقات قلبه تتسارع ذياب يضحك على شكل زياد شوق: احم احم كل هاذا لي سلامه: اكيد وانتي شويه شوق: فديتك ياعمري سلامه: فديت روحك ذياب: الله يعينكم يابنات عمي اجتمعو معاكم ريه وسكينه شوق: اووووووووووه انت هنا ذياب: ولا بعد زياد معي شوق: طيب روحو مانجمع تماسيح هنا ذياب: من التماسيح شوق: انت وياه زياد وهو معصب: اضني ان لنا اسامي يابنت عمي واذا كنا نبغى نروح بنروح بدون ماتقولين .....عن اذنكم راح زياد وهو معصب على كلام شوق شوق: اقول سلامه اخوك شفيه حد مهزأه وطلع حرته فيني سلامه: مدري عنه شوق: خليه يولي بس تعالي خلنا نسولف سميه: شويق انتي صاحيه وش سويتي؟؟ شوق: ليه انا قلت شي غلط سلمى: لا بس ماله داعي تقولين كلامك شوق: يالله عاد صخوا انا ماسويت شي غلط