ياليت يوم انها جفتني من جفاها تستفيد - الفصل 10 - بقلم b7ooor - مكتملة | روايتك

الجزء العاشر إعذريني ولو غلطت صعبة يعني تعذريني.. غلطة العاشق بألف.. وإنت سيد الماجدين.. آه أشتكي لك هالجراح.. لا لا.. جرحي نساني السماح.. حني يالقلب الكبير.. انا هجرك مقدره.. والخطا مني صغير.. والعفو بالمقدره.. إنت ماتحس الجروح.. الي من قلبي انزفت.. ليتها بإيدي تروح.. كان بلحظة إختفت ...................................... يوم الاربعاء الكل راح بيت عمهم سلطان طبعا ياسر فرحته ما تنوصف فقرر انه يرسل لرهف رساله رهف كانت في الطريق كانت في سيارة اخوها عبد الرحمن مع ود عبدالرحمن كان يجنن خواته كل ساعه طالع في ود ويسولف معها رهف: شوف الطريق عبد الرحمن:رهف اذا ماسكتي لا اطلعك من السياره رهف: واهون عليك تخليني هني عبد الرحمن: اكييد تهونين ود: ههههههههه وتوصل رهف المسج (الا يا بحر الهادي أبي اجلس معك هالليل وابحكيلك واسولفلك عن غالي وحشني حيل اخذ عقلي واخذ قلبي ومن فرقاه سهرت الليل فداه عمري وفداه رووووووحي وله عيني تشيله شيل) رهف...اففففففف من هذا صدق فاضي وكملت سوالفها مع اخوانها يوم وصلو الكل بيت عمهم سلطان وسلموا على بعض راحوا البنات يسلمون على عمامهم رهف: افرشوا السجاده الحمرا وبثوا الورود بو ماجد: ليه يا بنيتي؟؟ رهف: انا جيت الكل قام يضحك على خبال رهف بو عبد الرحمن: تعالي اجلسي جنبي رهف: فديت بابا سميه: عمي بنتك مابتعقل بو عبدالرحمن: فديت بنتي انا عاجبتني سوالفها رهف: احم..احم بو عبد الله: اقول وين حمد ندى: عند امه بو زياد: روحي جيبوه نبغى نشوفه راحت ندى تجيب حمد وعطته بو عزام لانه اقرب لها بو عزام: ماشاء الله جميل بو ذياب: طالع على ابوه ذياب: الا وين فهد سلمى: في الطريق جاي ياسر طول الوقت يطالع رهف ولا عليه من احد سلمى لاحظت نظراته لرهف زياد: اقول عمي ولدكم جمييل بخطبه حق بنتي بو زياد:انت تزوج اول بو ماجد: هالعيال ما يبون يتزوجون بو عبد الله: صدقت ياخوي كل مانقولهم يقولون تونا ذياب: عمي الله يهداكم تونا مخلصين دراسه وعد مني اول ما اشوف نفسي اقدر اصرف على حرمتي اخطب ...وش تبغون بعد رهف استحت من كلام ذياب لانه يقصدها زياد: انا وياك ياسر: اما انا ان شاءالله قريب ...وهو يطالع رهف بو عبد الرحمن: من هذي سعيدة الحظ ياسر: كل شي في وقته حلو يا عمي بس انتوا ادعو انها توافق سلمى ماتحملت نضرات ياسر لرهف وستاذنت منهم راحوا البنات للحريم وهنا يجي دور ام ياسر الي ماقصرت في كل حركه تقوم فيها رهف كانت تطالعها عند العشى راحوا البنات يساعدون ام ماجد في تجهيز السفره راحت رهف تجهز سفرة الرجال دخل عليها ياسر وهو ماكان يدري انه في حد.. ياسر استانس يوم شافها قدامه رهف كانت معطته وراها كانت حاطه الشيله على كتفها رهف شعرها قصير بس ما شالله عليها اشقر وناعم وعندها غمازه وحده في خدها اليمين ياسر: طلع ياسر حس ان الي يسويه غلط طق الباب رهف يوم سمعت حس رجال البست شيلتها ولفت صوب الصوت رهف: هلا ياسر بغيت شي ياسر: لا بس عمي يقول جهزتوا السفره************************> كذاااب رهف: الحين بنجهزها ياسر: مممممم ....اقول رهف رهف: هلا ياسر: مممممم ... لا خلاص رهف: بغيت شي ؟؟؟ ياسر: لا بس بغيت امي رهف: بس.. ومتردد تقول ياسر: خفت اثقل عليك رهف: لاتقول هالكلام مره ثانيه ترى بزعل عليك ياسر فديتها ...فديتهاااا... بتخبلني هالبنت .............................. راحت رهف تقول لسميه انه ياسر يبغى امه راحت ام ياسر لولدها ام ياسر: ها يمه بغيت شي ياسر: يمه شوفي تكلمين مرت عمي اليوم ...يعني اليوم ام ياسر: وش فيك مستعجل ياسر: يمه هالبنت خبلت بي... الله يخليك كلمي مرت عمي اليوم ام ياسر:ههههههههههه ان شاءالله بكلمها اليوم بس انت روح عند الرجال ياسر:فديتك والله ام ياسر: لوتي روح لا اهون ياسر:ها... تهونين خلاص انا رايح راح ياسر عند الرجال وامه تضحك عليه ومستانسه ان ولدها كبر وبيخطب ...................................... بعد ما خلصوا العشى راحت ام ياسر وام عبد الرحمن للصاله الثانيه ام عبد الرحمن: خير ياام ياسر ام ياسر: خير....... خيربس مدري من وين ابتدي ام عبد الرحمن: خير يا ام ياسر في شي صاير؟؟ ام ياسر: الصراحه يا ام عبد الرحمن ان ولدي ياسر يبغى بنتك رهف زوجه له ام عبد الرحمن: هذي الساعه المباركه وياسر رجال وما ينعاب بس تدرين يا ام ياسر لازم نشاور البنت وابوها واخوانها ام ياسر: اكيد خذو راحتكم عند الرجال بو ياسر: بو عبد الرحمن بغيتك في كلمة راس بو عبد الرحمن: عن اذنكم الكل: اذنك معاك بو ياسر: ياخوك تدري ان العيال كبروا وحنا كبرنا معهم بو عبد الرحمن: وش صاير يا خوي بو ياسر: كل السالفه بغيت رهف بنتك لولدي ياسر محمد: هذي الساعه المباركه ورهف بنتك زي ماياسر ولدي والله يكتب اللي فيه الخير ...انا بشاور البنت واخوانها وانشاءالله تكون من نصيبه ............................... بعد ماراحوا المعازيم في بيت بو عبدالرحمن بو عبد الرحمن: كلمني طارق في نفس الموضوع ام عبد الرحمن: وش رايك انت؟؟ بو عبد الرحمن: الولد ماينعاب بس ماتدرين بنتك يمكن ما تبغاه وانا مو غاصبها على شي هي ما تبغاه ام عبد الرحمن: كيفك انت وبنتك بو عبد الرحمن: والله كبرتي يارهف وصرتي عروس ...................... عند البنات الي ناموا بيت عمهم كان الجو رهيب سوالف وضحك رهف: ههههههههه والله انك سوالف يا ندووه ندى:خير وش ندووه رهف:تكفين لا تقولين لي اصغر عيالك ما اصغر عيالك ندى: ليه؟؟؟ ذوق: عندها اثنين غاثينها بهالكلمه سلمى: من؟؟ سلامه: عبود وود ود:اشوفكم تعودتو تنادونه عبود الكل:اوووووووووووووووه سميه: يا الغيره ... بعدين من عاشر القوم اصبح منهم رهف: عيب عليكم بس انا اناديه عبود ود: ليه انشاءالله رجلك وانا مدري رهف: قصدك رجل اختي جوري: انتوا بسكم لا تلعوزون حرمة اخوي ندى: ايوه بدا المحامي الخاص وصل لرهف مسج وكان من ياسر رهف من افتحته خافت ايش يبغى هذا (أرسلك حمامة سلام ...بفهمها ورد وغرام من الولهان .... لاغلى واعز انسان المرسل: شخص يغليك موووووووووت ) بس كعادتها نست مع السوالف ............................... ياسر لما خبرته امه فرحته ماتنوصف كان ذياب وزياد وعزام جالسين عنده ذياب: ياسر ياسر:هلا ذياب: وش فيك سرحان تفكر في من اعترف بسرعه زياد:هههههههه شكله الي يبغى يخطبها ياسر: هههههه صدقت يا زياد عزام: من سعيدة الحظ ؟؟ ياسر: خلها توافق واقول لكم من زياد وذياب استأذنوا وبقى عزام عزام: ياسر شفيك؟؟ ياسر: مافيني شي عزام: كذاب ياسر: ليه مبين علي عزام: اقول ياسر ..من هذي الي تبغى تخطبها ياسر: اااااااااااااه يا عزام رهف بنت عمي عزام: رهف ...والله زين ماخترت ياسر: انا خطبتها اليوم من ابوها بس عمي قال لازم نشاور البنت ولا هو موافق عزام: اهم شي راي البنت يا ياسر ياسر: وهذا الي مخوفني عزام: تخاف من وش ؟؟؟ ياسر: اخاف ما تبغاني عزام: ياسر انت رجال وماتنعاب ...واذا ماتبغاك هي الخسرانه ياسر: بس انا احبها يا عزام عزام: مالك الا الدعاء ياياسر ادعي انها تكون من نصيبك ياسر: انشاءالله ..وانت بعد يا عزام ادعي لي عزام: تامر امر ياولد عمي راح عزام بيته و ياسر ينتظر احر من الجمر رد رهف ..........................   #12