أسرار تحت الرماد - همس بين العواطف - بقلم ابو هبة | روايتك

فلاش باك دخل ماجد علي الجوري بعد الولاده وابتسم لما شاف ولده الولد طلع شبه كبير لامه حس انه جزء منه ماجد باس راس الجوري :الحمدالله على السلامه حبيبتي الجوري واضح الإرهاق والتعب عليها بصوت واطي : الله يسلمك ماجد يطالع للولد ويضحك : اخيرا جاء ولي العهد الجوري ابتسمت بس ما تحس انها مبسوطه في شي كبير ناقصها ماجد يمسك الولد ويبتسم يحس الدنيا مو شايلته من الفرحة: ها وش قررتي تسمى الحلو الجوري خالد قالتها في نفسها :اللي تحب حبيبي قالت حبيبي وهي مو حاسه فيها قالت مع الايام يمكن احس فيها تزوجت ماجد بس ما حست بالسعاده المطلوبة حتى الولد ما حست بالفرحة المطلوبة لو كنت مع خالد كان فرحتي كبيره تتجاهل الفكره بسرعة هي في حالة شفاء من علاقة قوية مع خالد واكيد تحتاج وقت حتى اشفى منها تماما البارت الثالث الجوري طلع الضوء و الجوري في غرفتها على حالتها مجموعة أفكار مرت عليها ليش خالد سوى كذا هو يقول يحب واللي يحب يقدره ويحترمه مو يخرب حياته انقهرت تحس التفكير بالصبر يتلاشى منها وبدون تفكير مسكت الجوال وهي ترتجف وراسلت خالد وقالت ليه كذا انا وش سويت لك ما خربت حياتك ولا وقفتها ليش تسوي فيني كذا انا بنت متزوجه واللي تسويه مو رجوله واذا تبغى ترسل رسالتي لاحد ارسلها مو خايفة منك خالد قام من النوم طبعا شبعان نوم ومرتاح فتح الجوال انصدم يفتح عيونه أكثر عشان يتأكد رساله من الجوري قام من السرير ويرقص ويصرخ ما توقع انه خطته بسرعة تمشي توقع انها تطول على ما يجيب راسها فتح الرساله ويصرخ زياده من الفرحة قريب تطيح يا ماجد والله لاخليك مكسور طول عمرك وتتمنى الموت رد على الرسالة :والله زمان يا جوجو ويحط قلب الجوري المره هذي مو خايفة تحس بشجاعة أكثر : وش تبي من الاخر ليش تلاحق حياتي خالد بلوم وحقاره :القلب وما يريد ليش ما اهتميتي لمشاعري وهي كانت صادقة معاكي وتتركيني حتى فرصة ما قدرت اتواصل معاكي الجوري بضعف بس تتماسك: انت تدري ليش واللي سويته مو شوي، ياولد الناس اتركني في حالي انت عندك خوات خالد بعصبيه لأنها تكابر وتحط مقامها في مقامه :خواتي محترمات ومعروف اصلهن وفصلهن ولا تجيبين طاريهم الجوري عصبت :وانا محترمة أكثر منك ومن خواتك ولا تخليني أكبر السالفة خالد باستغراب: اووووه وتهددين بعد! الجوري بتحدي :ما شفت شيء ولا تحسبني الجوري زمان المسكينه لا اصحى يا ولد ماما خالد باشتياق: اه يا جوري زمان وينها جوري زمان الرقيقة الناعمه اللي عيونها تقول كل شي اللي قلبي يفز يوم يشوفها الجوري تحاول تنهي النقاش بس بضعف ملحوظ: انا ما راسلتك عشان اسمع الكلام الفاضي قلت لك لا تقرب صوبي وخلني في حالي انا متزوجة ومستقره مع زوجي خالد يضحك :ههههههههههه مستقرة! العبي غيرها لو مستقره ما عصب ماجد و ما راسلتيني خلينا من الكلام هذا انتي كيفكي بس (بأسلوب حقاره) الجوري بقوه وصرامه :خلص الكلام واللي عندي قلته خالد بتحدي: ماشي والايام بيننا ان ما رجعتي لي وبمزاجكي ما اطلع خالد الجوري سكرت المحادثة حست بشوية راحة انها تكلمت (اسلوب تنفيس) بس حست بخوف من اسلوبه الأسلوب اللي حببني فيه حطت الجوال في الدرج خالد مشي باريحية للصالة مبسوط يحس الدنيا حلوه والخطة مشت زي الحلاوة شافته ام خالد :الله يديم عليك الفرحه خالد :امين وهو يبوس راس امه ام خالد باستغراب : وش السالفة فرحني خالد بوناسة:كل شي بوقته حلو بس ادعي لي ام خالد : الله يوفقك وينصرك على ولد شريفة وبنت السورية (اسلوب استنقاص) تحس ام خالد انه لازم الجوري تتأدب ام خالد: دام صاحي وصلني لجوري ابغى اتفاهم معها خالد بفرحة : ترى الجوري عند اهلها ام خالد باستغرب :كيف عرفت خالد بثقة: لي مصادري ام خالد : احسن مره وحده اربي امها معاها ماجد مصدوم من الرسالة الصوتية صوت خالد يتكلم عن الجوري بعد الزواج خالد برد اعتبار زائف : يا شباب انا اكتشفت اني غلطان بزواجي من بنت السورية سالم بثقة : اخيرا اقتنعت قلنا ما تصلح لك خالد بحقاره : ادري بس جمالها مو طبيعي جمال وصوت ونعومه لا تلوموني اني تأخرت لما انفصلت عنها سالم باشتياق :اووووه انت بالذات لما تقول حلوه تطلع صاروخ شوقتني اشوفها جمال : شباب البنت متزوجه ماجد وعيب عليكم تتكلمو فيها سالم يبغى الحوار يستمر :حبيبي مو عاجبك الكلام امش جمال : ما يعجبني سالم يكمل الحوار : خالد معليك منه ركز معي البنت تشبه خالتها او لا خالد بحماس : اوووووووووه احلى منها بس حسافة ما شفت رقصها عشان اقول مثل خالتها او لا جمال توه يدخل في المود: إذا رقاصة مثل خالتها يا حظ ماجد خالد بتحسر: يا حظه بس صدقني اخذ وحده ما تحصل مثلها وخصوصا إذا لبست قص...... جمال بحزم : سلامات وقف تراها بنت عمك خالد بحقاره : ما تشرفني ومتوقع تطلع لخالتها رقاصة ماجد دمع وبكى انقهر وقرر يطلق جوري ويخلص من السالفة كلها الجوري تحس انها غلطانه بس تكابر وتحس انها أقوى من الاول بس مشاعرها لخالد تكبر معاها تسمع هوشة في الصالة ام خالد وام جوري ام خالد تلوم وبحده: عاجبكي اللي صار من ورى بنتكي ام جوري خايفة وساكته ام خالد تدري انه ام جوري ضعيفة شخصية وهذا الشيء خلاها تقوى ام خالد بحده أكثر :من جيتي ودخلتي علينا ما شفنا الخير مشكله وري مشكله ام جوري تبكي وتشهق ما تعرف ترد الجوري نزلت شافتها ام خالد ام خالد بحقد: ان ما طلعتي من حياة ولدي لادمر حياتكي اخلي سمعتكي على كل لسان الجوري بدفاع : انا وش سويت ام خالد بعصبية وتدور اي شيء تضربها فيه :تستهبلي كل هذا اللي صار مو عاجبكي ام الجوري تبكي وتجلس على الكنب ما تقدر تدافع عن نفسها ولا عن الجوري الجوري بصوت باكي تحاول بدفاع ضعيف: والله ولدكي وتشهق وتبكي مو قادره على ام خالد دخل ابو الجوري :وش الازعاج ام خالد بحقاره: تعال شوف بنتك وتربيتها اللي خلت العرب عربين وثلاثة ابو جوري معصب ويكرهها: انتي وش اللي جابكي الله يلعنك ويلعن ولدكي كل بلاوي العيلة منكي ام خالد بدفاع :انا سبب بلاوي عيلتكم العيلة. مضروبة من الاول ومن قبل ما اجيكم (اسلوب حقاره) وانت تعرف من اللي نزل راس العيلة بزواجه من غجرية (وتطالع ام الجوري) ابو الجوري بحزم وقوه :احترمي نفسك والا الباب وراكي حورية اشرف منكي ومن عيلتكي ام خالد بهجوم :تخسي الاشكال تنحط براس واحد مع عيلتي ابو جوري بتحذير : اطلعي برا لافصل عليكي ام خالد بتهديد : بسيطة بكره تعرف عيلتي وش تسوي فيك ابو الجوري وهو يدور اي شي يضربها فيه نفذ صبره شاف حذيان واخذه :انا ما عندي صبر مثل اللي عند زوجكي اطلعي لاخر مره اقولها لكي ام خالد خافت وشردت وتتكلم وهي تشرد حفاظا على كبريائها: كفو رجال تتقوى على حرمه وطلعت برا البيت ابو الجوري يطالع ام الجوري ويضمهاوبلوم :انتي الين متى وانتي كذا ما تردين وتاخذين حقك ام الجوري تبكي من كلام ام خالد الجارح :ما اقدر ارد ولا بعرف كلامها مكسر بين سعودي وسوري ابو الجوري اسلوب نصيحة :تعلمي تردين الناس اللي مثل الحيوانه ما ترحم الضعيف الجوري تحس اخذت شخصيتها الضعيفة من امها وتسمع صوت غسان يصيح وتطلع فوق ام خالد في السياره نشرب مويا وتقول لولدها :شرشحتها هي وامها طلعت تاريخهم الأسود كله (طبعا ما قالت انها انطردت حفاظا على كبريائها) وتبغى تنتقم من ابو الجوري بفضح الجوري عند ماجد ام خالد : وصلني لبيت ماجد بس مو تنزل خالد مو معها مو مركز بكلامها خالد كان ينتظر رسالة من الجوري يتوقع اي لحظة ترسل له يتذكر لما كان ينتظر ترسل له يتذكر لما ملك عليها وانها ما ترسل الا رسالة وحده كل يوم من خجلها ماجد جالس في البيت دق الباب وفتح كانت أم ماجد قلقانه ام ماجد بارتياح : ليش ما ترد علي الجوال ماجد خنقته العبره و بكي وقال كل شيء لامه وانه مو قادر يتحمل اكثر ابو الجوري اتصل على ابو خالد ابو الجوري بهجوم :امسك حرمتك لاربيها ابو خالد بصدمة : نعم وش قلت ابو الجوري بتهديد:اللي سمعته ان فتحت فمها وتكلمت عن زوجتي ما لها إلا الشرطة ابو خالد يهدي المشكله: يا سعد خلي سوالف الحريم للحريم لا تدخل بينهم ابو الجوري بعصبية: لما الرجال ما تقدر على حريمها اتدخل ابو خالد بحده :عيب هالكلام انا اكبر منك ابو الجوري :ما يهم كبير والا صغير جاك العلم زوجتي تبغى تشتكي وانا منعتها لكن المره الجايه انا اوديها بنفسي ابو خالد يحتوي المشكله :ما يصير خاطرك الا طيب ابو خالد ابتلشت في الحرمه هذي ملسونه وحقت مشاكل ابو الجوري يحاول يخلي زوجته قويه في عيون الناس يطلعها قوية لو بالكذب ام ماجد متعاطفة :لا لا الجوري متربية وامها متربية مالهم دخل بالرقاصة ماجد مخنوق :يوما فهميني مو طايق الجوري ومو طايق العيشة معاها الكلام مثل السم لو ما طلقتها اموت ام ماجد تحتوي المشكله :الجوري مالها ذنب لا تظلمها كبر عقلك البنت متربية و... ماجد يقاطعها: يوما كل الكلام اللي قلتيه قلته لنفسي البنت مالها ذنب لكن انا ليش اتأذى بسببها وش اللي يجبرني ام ماجد بحزم :لازم تصبر ولدك اللي يجبرك المهم لا تقرر قرار وانت في الحالة هذي تطلب من ماجد الصوت ماجد ابتسم بقهر: تبغين تسمعين تفضلي(وشغل الصوت) ام ماجد باشمزاز: امسح الصوت وابلع الموضوع.. كله تخطيط والجوري اشرف منهم ان تركت الجوري بسببهم تكون ظلمتها لا تعطي المجال لخالد انه يخرب حياتك ماجد بأسلوب استسلام :يتم الوضع مثل ما هو عليه يتكلم عن زوجتي وشرفها وابلع واسكت ام ماجد بحزم :لا ما تسكت بس بالعقل وبدون ما تخسر نفسك عشانهم ام خالد تدق الباب فتح ماجد ماجد استغراب : نعم من انتي ام خالد بحقد: الحين ما تعرفني يا ولد شريفه ماجد بيرد لكن ام ماجد سحبت ام خالد داخل البيت عشان الجيران ما يسمعون ام ماجد بتعب: احنا مو فاضين لكي ولا لولدكي (وبتهديد) والله يا وضحى واقولها وانا صادقة ان تعرضتي او ولدكي لماجد او الجوري لافضحه واخلي حتى اهلكي يتبرون منكي ام خالد بتحدي:تخسين انتي واللي معاكي انا ولدي لا انتي ولا غيركي يضره وانا موجوده ام ماجد بدون نقاش فتحت التسجيل الجوري ترضع ولدها وصلها رساله من جوالها القديم خالد؛ :جوجو الجوري بلوك رساله من رقم ثاني تعطيني بلوك افا والله هنت عليكي الجوري ندمت انها كلمته راح يصير صعب عليها انها تتركه بسهوله ام ماجد بكلام صارم :سمعتي لولدكي اللي مو محترم انا اقدر اودي التسجيل ويحققون معاه هذي فيها شرف من غير الفضيحه اللي تلحقه وتلحقكم ماجد حس الانكسار انه ما حل مشكلته وامه حلته له ام خالد انقهرت حست بالضعف بس ما تبغى تترجاهم تبغى تقول الفضيحة للجوري مو لولدها بس خافت على ولدها طلعت بسرعة وسكرت الباب بأقوى ما عندها ام ماجد :باللي ما يحفظكي ركبت السياره ام خالد ومرتجفه وشغل خالد السياره ومشي للبيت بدون اي كلام ماجد يلوم امه :ليش سويتي كذا برايكي حليتي المشكله ام ماجد :ايوه حليتها محد يقدر يوقف خالد غير امه ماجد بقهر وعصبيه :انتي فضحتيني ام ماجد : ما فضحتك بالعكس حميتك ادري اللي سويته غلط بس ما في حل للمشكله الا هذي الطريقة ماجد في موقف صعب مره ان سكت يطلع مو رجال وان اخذ حقه يتحمل دم واحد ما يستاهل الحل انه يطلق ابو خالد في الصاله دخلت ام خالد وولدها ابو خالد :شرفتي ام خالد بعصبية :مو رايقة لك ابو خالد يعصب :عساكي لا روقني وش اللي سويتيه ام خالد تحس مو طايقته اللي سمعته عن ولدها يخوفها : وش عندك ابو خالد :انتي ما تتعبين من الهوشات ما تعرفين تقعدين مثل أي وحده قاعده في البيت من يوم ما تزوجتك وانتي تتهاوشين مع الكل ام خالد بهجوم : كمل وش قال اخوك بعد هذا كلام اخوك مو كلامك والا اقول لك لا تكمل لانه كل كلمه يقولها ما تهمني ابو ماجد: انا قايل الكلام معاكي ضايع وطلعت فوق وراحت غرفتها وجلست على السرير منقهره من ام ماجد خالد يرسل رسايل كثيره غزل وحب اشتياق الجوري فاتحة صفحة الواتس وتشوف الرسايل وهذا ما يطمنها وبدت تنحدر فجأه جتها رساله من ماجد بس ما فتحتها مشغوله بالتفكير ومقاومة مشاعرها مع خالد بعد ساعة دقت الباب ام خالد وفتحت الباب خالد تعدل لما شاف امه ام خالد بحذر:قصة بنت السورية انساها خالد استغراب :ليش ام خالد بقهر :فيه واحد ما يخاف الله مسجل لك صوت انت واخوياك تتكلمون عن بنت السورية خالد بخبث : وبعدين ام خالد بخوف :ام ماجد هددتني خالد : ماجد كان معاكم ام خالد :ايوه كان مقهور خالد ابتسم ابتسامة نصر :خلاص انا اشوف السالفة وانتظر الين امه طلعت من الغرفة مسك الجوال وراسل ماجد خالد بخبث واستفزاز: مو عيب عليك تخلي الحريم يحلون مشكلتك والله عيب يكون في وجهك شوارب ياباطل (اسلوب تريقة) ماجد انعمى :تعال يا حيوان قابلني وجه لوجه مو مثل الحريم تتكلم من ورى الشاشة قابلني في المزرعة ان كنت رجال خالد بتحدي :اقابلك بس تعال خالد طلع من البيت متجه للمزرعة ماجد اخذ المسدس وطلع معصب يا ذابح يا مذبوح ومتجه للمزرعة