الفصل 8
البارت8
ساره خطيبه روحيه لخالد
ساره لخالد
خالد لساره
لا لا لا لا
ساره بس لمحمد ساره لي انا انا يا عمه انا بس صح ونزلت دمعه محمد
دمعه الم وقهر
مسحتها العنود بيدها الحانيه:محمد حرام تعذبني معاك
محمد يمسح دموعه بكم ثوبه ويرفع عيونه لفوق:ليه ليه
العنود:لاتبكي انت رجال قو قلبك
محمد:الا باالحب انا ضعيف
ثم يصقع يده بصدره
ابتسمت العنود:لاتزعل ساره لك
محمد لف وجهه على جنب:قدقلتيها قبل
العنود قربت من اذن محمد وتكلمت ابتسم محمد ورفع حواجبه
قدها يا محمد
محمد:ونص قدها يا العنود ويحظن عمته
العنود:يالله يالله بس توني اصير عمتك الحبوووبه
محمد انسدح على السرير فرحان بالفكره
انفتح الباب بشكل سريع ودخلت ساره للغرفه
:هاي احلا عمه بالدنيا
محمد اللي سمع حس ساره حاول يغطي وجهه
بس مايمديه خلاص باين انه كان يصيح بس سوا نفسه مزكم
ساره اللي شافت ثوب على السرير هو شاب بس ميين
وقفت متنحه بس عرفت انه محمد من طوووله
بس اصلا ماعطاها فرصه تتأكد قعد وتربع على السرير ويطالعها ورفع حاجب€
على طول غطت وجهها بالطرحه ساره
العنود كانت قاعده في الكنبه اللي بجنب السرير
ساره حبت تقطع اي نظره بينها وبين محمد ولفت على عمتها ومدت يدها
هلا عمتو
العنود لفت وجهها بس مدت يدها:طيب انا اخر من يعرف النسبه زعلانه
ساره ماكانت ابدا مع العنود تبي تتخلص من سلامها على محمد وتطلع
تبي تسووي ان السالفه ايزي
لفت على محمد
ساره:هلا محمد وشخبارك
محمد اللي مانزل عينه عنها وقف وقرب عندها والعنود سوت نفسها منشغله باالجوال
قرب عندها بهدوء وهي تبعد وتطالع عمتها تبيها تنقذها
رجع الين صقعت بالجدار تبددت اي قوه دفاع عندها كانت منحرجه وخايف
رفع يده ومسك راسها
ثم نزل طرحتها
من على وجهها
ساره بصوت مرتجف وكشرت بحواجبها:خييييير
محمد كتم نفسه بغيض:انتي لي انا بس
انسي خالد انسيه
ساره بااستحقار:راحت عليك وانتهي كل شي
محمد اللي كشر وبنظره تحدي:بوجهي ان اخذتي خالد ثم ابتسم:انسيه
ساره الي غطت وجهها بيدينها:اكرهك
محمد:وانا بعد بس كذا عناد
ثم رز ظهره بشموخ ومسك خدها:باي ياعسل
وطلع من الغرفه
ساره اللي لاتزال واقفه مثل الوقفه وتناظر بالسراب طاحت شنطتها اللي معلقه على يدها
هنا انفجرت العنود ضحك
انتبهت ساره وقامت تطالع حولها
العنود:هههههههههههههههههه هههههههههههههههههههههههه ههههههههههههههههههههه
ساره:فرحانه
العنود:شي فلم روووعه
ساره :والله سخيف سخيف ماله داعي مو بكيفه
ساره كانت فرحانه من جواها ان محمد على الاقل تحرك حس فيها
بس في شعور غالب عليها انه لعاب وكذاب
العنود:انا مالي دخل
ساره:الشرهه على اللي يجي يزوووورك بس وين رهفالعنود اللي حست بااحراج ساره وماتبي تحرجها وساره من النوع الرجه بس
خجووله خصوصا بسوالف محمد
العنود:انتظااار رهف
ساره:ندق عليها وقت ثاني تعالي بس اوريك وش جابلي محمد
العنود رفعت حواجبها
ضحكت ساااره الين غرقت عيونها دمووع :والله سقطت سهوا سلطان اقصد
العنود ضحكت معاه
صوت جوال رهف يرن دقه رقم غريب
شافت الرقم استغربت بس قررت انها ترد بعد ماكثرت اتصالات هالرقم""..
الوو
....................................
رهف:مييين!!!
يعقوب:هلا رهف
رهف:مين
يعقوب:رهف نسيتي صوتي
رهف بدا قلبها يدق بقوه الصوت لايمكن تنساه:لا ماعرفتك
يعقوب:يعقوب ياكتكوتي
رهف ارتمت على الكنبه بحزن ومسكت قلبها وهمست:يعقوب اتوقع كل شي انتهى
يعقوب بعصبيه:انا اسف بس ما قدرت ثلاث سنوات ما أشتقتي لي بس لاتزعلين انتي قررتي الفرقا
صحيح ما أقوى عليه بس دامه اختيارك عمري ماراح اقول لا
بس بغيت ابارك لك
رهف:الله يبارك فيك
يعقوب بتنهد:جفا جفا حرام عليك... مع السلامه
رهف قعدت تطالع شكلها باالمرايه وعيونها تتأمل حالها
وترتجف معقوله يعقوب يعقوب
فتحت دفتر اعطته اياه ساره مره كيوت
ومسكت القلم
....رحله عذابي.....
ما أصدق معقوله يكون يعقوب يفكر فيني
رنت نغمه رساله جوالي
وصية مماتي
بعد موتي إنثري أوراق شعري على قبري
بللي تراب المقابر بالدموع
وإحضني أطياف الرحيل بلارجوع
سامحيني حلليني إذكري حب ساكن بالضلوع
بعد موتي إحضري ليلة رحيلي
شاركيهم في غسيلي
لاتغيبي علميهم من تكوني
قولي إنك ساكنه دايم في عيوني
وإنك أعذب في خفوقي
وإني أول من سكن بأقصى حشاه
وإني أصدق من جرح قلبه وجفاه
علميهم يتركوني بين يدك بس حدك تتركيني
إحضنيني بس مره
حطي خدي فوق صدرك
فوق جرحك فوق غدرك
علميهم كيف عشنا الحب آهاته وهمه كيف ذبحنا واحترقنا
يوم هذا الوقت قاسي مايهمه
علميهم
كيف هذا العمر مايعرف يحنوعلميهم كم سهرت الليل من جرحك أوووووووون
علمي أمي مكانك بين قلبي
علميها إنك أجمل من لقيت
كان هذا الحب غلطه إنتي أحلى ماخطيت
بعدها يا أجمل أيام العذاب
إحملي نعشي معاهم للقبور
وادفني قلب حبك
ومالقى غير التجافي والغرور
بعد موتي
عيشي أيامك كلها سعاده وسرور
جعل دنيا إنتي فيها كلها فرح ونور
وإذكريني شخص حبك وماتمنى غير لقياك
إذكريني واحد كان أقصى أحلامه ينام بخافقك
عاشق ذاق أقسى آلامه
واحد موت حبك وحبك موت
واحد أخلص بحبه لين ضمه الموت
كنتي أصدق من كل هذولي البنات
وكنتي أعذب من ذبح قلبه وهده لين مات
غير كنتي عن كل العذارى
غير كنتي لقلوب الحيارى
وكنتي لي حلم وردي صيفي وبردي
إيه ياأحلى أيام العمر
تمر سنين من عمري وإنتي باقيه
هذيك العيون إللي خذتني يمها
وماهمها
ذاك الطريح إللي من حلى يدها أصبح جريح
تصدقين
حتى وأنا في آخر أيامي بموت
شايل همك معاي
وش تسوي بعد موتي
ياترى تلقى حبيب يودها
تستغربين
لو قلت لك ماهمني
كل إللي أتمنى بعد موتي
حياة تسعدك وعن كل هم تبعدك
حتى لو إللي معك إنسان أكرهه
دامه يحبك مايهم
ياسيدي تامر وسم هذي لك كلمتي
ليمنك قلتي تعال
وعندي رجا بس أطلبه
مابين قلبك والحشا حطي لي مكان صغير
تتذكريني لا قسى وقتك وهدك هالزمان
بستسمحك يامنبع الحور والحنان
راحل أنا عن دنيتك
لا والذي عطر وجمل سيرتك ماهو بيدي
أبعد عن عيونك وأروح
لكن قدر في وسط لوح
إني بموت بدنيتي بس مرتين
مره بليله إلتقت عيني بعينك
وإبتدى حب كبير
والثانيه ..............................0
وبلمرتين كنتي معي
الرساله من يعقوب شعور الم احسه اذا شفت يعقوب حبيته ولا أزال احبه بس
بس
ما أدري شعور اني ماأكون له بحد ذاته مؤلم حاولت ابعد عنه احسني ماراح اكون له ابدا
ماادري اللي بقلبي ليعقووب هو الحب اللي يشعروون به الناس او هو مبادله لشعوره
والله ماادريطق الباب
:ادخل
ياحبيلها جواهر أخلاق:حياك جواهر
جواهر ابتسمت ابتسامتها اللي كلها حنان:وش عندها القمر
رهف:ماشي بس اكتب
جواهر كانت مره فرحانه
حسيت انها عندها خبر:وشو جواهر عندك شي
جواهر:لندن
رهف:لاعــــــــــــــــــ ــــــــــــــــــــــــ ــــــــــــاد
جواهر:توه خالي ابوفايز يقوله نسافر معهم
حظنت بسرعه جواهر وهي تضحك
ركظت بسرعه فتحت الباب على غرفه محمد
كان حاط سماعات بأذنه ويدندن سحبت السماعه من اذنه :بشاره
محمد يعقد حواجبه:انتي ماوراك الا المشاكل
صدق قليل حيا هاالولد ميلت بفمي:انا طيبه عشان كذا بقولك
محمد يغمض عيونه :اسمعك
رهف:بنروح لندن
محمد سو نفسه متفاجأ :صدق عاد
كشرت وكشيت بوجهه:مالك داعي سخيف
وقمت من السرير
مسكني محمد وهو يضحك:تعالي بس انا عارفه السالفه من زمان هع
برطمت:بس ولو
محمد ضحك:صدق اني معطيك اكبر من حجمك تقلعي يالله
ياكرهي له محمد احبه اكثر واحد في اخواني بس هو يعتبرني بزر
مشيت ولفتني تسريحه محمد هي اصلا كل يوم تلفت انتباهي واحب اطالعها
وقفت عند تسريحه محمد فيه صور كثيره على جوانب المرايه وصوره لنا واحنا صغار قعدت اتأمل جا عندي محمد
واشر على صور:هالصوره مره تعجبني
ابتسمت
عرفت لأن صوره ساره فيها:ههههه بس هنا صوره ساره تضحك كنها قطوه متشرده
مسك الصور وتأمل فيها وهو يبتسم :
ما القطوه المتشرده الا أنتي صادق سلطون يعرف يشبهه طالعي كشتك
وعيونك هاللي ماخذه نصف وجهك ولا وسيم الا في انا واخي
ياكرهي لها الوسيم دوووم يشبهوني فيه وانا صغيره عشاان عيووني كبار من باب المبالغه حرام عليهم
رهف:قل ماشا الله سمله علي
سحبت الصوره
كانت ساره شعرها سايح وقصير فوق اذنها وخدودها فيها حمره وشفايفها وردي ولابسه بجامه بيضا فيه رسومات
اما انا حليلي كنت قاصه قصتي قصيره وشعري اليما تحت اذني طاير على فوق بشكل مموج يضحك وكنت اطول
من ساره وفمي فيه شوكليت
خاطري اقطع الصوره شكلي يضحك كنت تقريبا اولى ابتدائي
انتبهت لحمدان قاعد ومعاه مفتاح :محمد مو حمدان هنا كنه لبناني يضحك
محمد:لايسمعك تقولين قسم يتعقد
كان حمدان باالصوره شعره طويل من ورى بس مو مره يعني اليما نها يه اذنه
ومن قدام قصير وشعره اشقر وعيونه عسلي ومعاه مفتاح يموت بالمفاتيح مجرم الولد
سلطان كان واقف وراي على طول وماسك شعري على فوق ويضحك كانتى طالعه غمازاته طبعا
سلطان ماينقال عليه كلام حلو من يومه صغير
اما نوره واقفه جنبه وهي تضحك على شعري ومسويه بشعرها ذيل بس على فووق وشعرها طويل
كشرت
محمد:شبلاك
اشرت على نوره:من زين شعرها اللحين تضحك
بزعمها لونه غير يعني حلو
ضحك محمد على باأستهزا كنت احس انه عارف ليه انا مهتمه بضحكه نوره
الصوره ماكان فيه محمد ولاسلامه ولا فايز ولافارس
ولا العنود ولا خالد
تنهدت احسني من زمان ماشفت هاالصور
محمد بضحك :شوفي صوره فايز اول ماطلعت له شوارب