عندما عبروا حدود الظلام - الفصل 62 - بقلم عاشقة أمها - مكتملة | روايتك

صباح يوم الأحد 15 / 5 / 1427 هـ : يدق عوووووووود , فاهمة يعني إيه عود ؟؟.. زفرت مشاعل وقالت وهي تقلب السماعة على الإذن الثانية : طيب اش بتسوين ؟؟ تطلقين منه ؟؟ أزهار اللي كان قلبها معصور من ذاك اليوم قالت بقهر : ما قصدت كذا , قصدي إني كل مالي أكتشف شي يأكد لي إنه من عالم وأنا من عالم .. : بعد الزواج بتصيرون عالم ثالث فلا تيئسين .. ضحكت أزهار من قلبها على تعبير مشاعل وقالت : حلوة عالم ثالث , خلينا من هالسالفة , المهم أنا رايحة بروفة للفستان بعد العصر , تجين معايا ؟؟.. تنهدت مشاعل وقالت : يااااااااااليت , تكفين لا تحسفيني تعرفين إني ما أقدر.. قالت أزهار : أعطيني أمك بأكلمها .. : لا تحاولين , والله ما ترضى , أخواني بيجيبون لها البلى, هي ضعيفة ما تقدر عليهم .. : هاتيها انتي بس , أنا أعرف أتصرف معاها .. : أمييييييي أزهار تبغاك .. جلست أزهار تترجى أم عبد الله واستعطفتها بحالتها وإنه ما عندها أحد إلين وافقت إنهم يتقابلون في المشغل .. *********************** نزل عمر راسه أول ما لمح خيال عباية خارج من بوابة فيلا أبو جاسم , ضحكت أزهار وهي تشوف العنود تمشي بصعوبة بسبب العباية على الراس , دخلت السيارة وهي تسلم , رد عمر السلام وهو يحرك السيارة , التفتت أزهار للعنود وسألتها : وين الهنوف والبندري ؟؟ همست العنود : أمي حلفت عليهم ما يروحون أولا عشان الجوهرة جاية , وثانيا عشان يكون فستانك مفاجأة .. ~ الجوهرة جاية , يا ربي استر من يومي ماني داخلتلها من زور , دحين ما أدري اش بتسوي ~ نفضت أفكارها المتشائمة و قالت : يا حليلها ماما , و انتي ليش سوت لك إستثناء ؟؟ همست وهي نافخة صدرها : العنود محد يحلف عليها , اللي في راسي أسويه .. ضحكت أزهار وقالت : الله يعيننا عليك , على فكرة ترى شعولة بتقابلني في المشغل , متحمممممسة تبغى تشوفكم .. سكتت العنود وما علقت , إلين وصلوا للمشغل , أول ما خرجوا من السيارة دعست العنود على عبايتها اللي طاحت على أكتافها وطاحت من طولها على السكة , شهقت أزهار بصدمة وقالت العنود بعصبية وهي تحاول تقوم بسرعة : الله يقطع شرك وشر العباية اللي لبستها .. كتمت أزهار ضحكها وهي تمد يدها عشان تساعدها , دفت العنود يدها وقامت وعدلت عبايتها ودخلت للمشغل من دون ما تصك باب السيارة , لمحت أزهار عمر مغطي فمه بيده وأكتافه تتهزهز من ضحكه المكتوم , لمن صكت الباب وسمعت قهقهته اللي ما قدر يكتمها أكثر , أول ما دخلت المشغل وشافت العنود تستناها وهي حاطة يدينها على خصرها انفجرت بالضحك وهي حاطة يدها على بطنها .. صرخت العنود : تراب فوجهك لا تضحكين لا أدعي عليك تطحين في زفتك .. استندت أزهار على جدر الممر عشان ما تطيح وهي تحاول توقف ضحك , ضربتها العنود وهي تقول : بس انتي ووجهك والله تفشلت قدام أخوك .. مسحت أزهار دموعها وقالت : والله حبيبي كان صاك فمه عشان ما تسمعين ضحكه , أول مرة يشوف عمود كهرب يطيح .. ضربت خدودها وهي تقول : يا فشلتييييييييييييييي , أول مرة أركب معاه وأطيح قدامه , كله من العباية .. قالت أزهار : بس صراحة ...... شكلك بعباية الراس رزة , أحي فيك تغيرك الرائع هذا .. : أي رزة وأنا طحت من طولي , قلتلك عباية الكتف أسهل , هذي تعبت وأنا أحاول ألملم فيها وأخليها ثابته على راسي .. فكت أزهار باب المشغل الداخلي وهي تقول : صح أسهل بس أحلى و أرتب وملفته للنظر أكثر , اقنعيني أحد بيطالع فيك و انتي بعباية الراس دحين وصدقيني كلها شوية وتتعودين عليها وما تحسينها متعبة .. قالت العنود وهي ترتب شعرها بعد ما فكت طرحتها : ما شاء الله انتي تمشين فيها ما كإنك لابسة شي , وعمري ما شفتها طاحت من راسك إلا في النادر , عشان كذا حسبتها سهلة .. : أنا من لبست العباية وهي على الراس لدرجة إني لا يمكن ألبس الكتف أحس نفسي عريانه بها .. وأول ما دخلت لقيت مشاعل جالسه على واحد من كراسي الإستقبال , صرخت بحماس وهي تفرد يدينها : مشاااااااااااعل .. حضنتها مشاعل وهي تقول : وينك تأخرتي ؟؟ قالت بضحكه : كان عندنا حالات طارئة .. قرصتها العنود في ظهرها بقهر , لفت أزهار وقالت بفرح : مشاعل هذي عنودي , العنود هذي شعولتي .. حطمت مشاعل كل صورة رسمتها لها العنود , كانت أحلى مما تصورتها وشكلها رزين وهادئ , لكنها صافحتها بصمت , ابتسمت مشاعل وقالت : صراحة , ما تخيلتك كذا .. صوتها فيه نغمة حزينه , ابتسمت العنود وقالت بتكبر وهي رافعه واحد من حواجبها بمزح : ليه كيف تخيلتيني ؟؟ أقل جمالا .. ضحكت أزهار وقالت : يا ربي على التكبر .. قالت مشاعل بصدق : هو صح طلعتي أحلى من الصورة اللي رسمتها بس تخيلتك أتخن وأقصر .. فطست أزهار من كثر الضحك , قالت العنود بغيض وهي تسحب يدها من يد مشاعل مقلدة كلامها : هو صح طلعتي أحلى من الصورة اللي رسمتها بس تخيلتك أطول .. قالت أزهار بابتسامة : شعولة لا تحاولين تتغلبين على العنود كلاميا ترى لسانها ماااااااشاء الله أطول منها .. رفعت مشاعل حاجبها وقالت بتحدي : لو حطيتها في راسي بأغلبها .. حست أزهار بشي في الجو فقالت بسرعة : يلا نروح لقسم الخياطة .. وهناك لبست فستانها وطالعت في نفسها في المراية بضيق , هي كانت طالبة الموديل الفرنسي اللي ورتها إياه المصممة لأنه كان ناااااااعم و حلو ومحتشم في نفس الوقت , قماشه مكلف ومطرزه بتطريز في غاية الروعه , أكمامه طوييييله لكن فتحة الظهر كبيرة بشكل فضيع , واصلة إلى نص الظهر .. طالعت مشاعل في العنود وسألتها : كيف اختباراتك ؟؟ سمعت من أزهار إنك آخر سنة .. ابتسمت وقالت : لسه ما طلعوا النتايج بس إن شاء الله الاختبارات كويسة , وانتي كيف شغلك مع الأطفال ؟؟.. ابتسمت مشاعل وقالت بعفوية : أحلى شي في حياتي وجودي مع الأطفال .. همست وهي تزم شفايفها : نقطة ثانية نختلف فيها .. قالت مشاعل : نعم .. هزت راسها بلا وقالت : ولا شي , هذي ليش تأخرت .. وصل لأزهار صوت العنود المرح وهي تقول : أزهارو ما صار هذا كله لبس , يا تخرجين يا أخش عليك .. فتحت الستارة وطلعت راسها بس وقالت باختصار : مخشلع .. سحبت العنود الستارة وقالت : إحنا نحكم مشخلع ومخشلع .. وشهقت لمن خرجت أزهار بتردد وهي تقول : هذا مخشلع , والله يجنن يا هبلة .. وقالت مشاعل : ما شاء الله مرة روعة وبالطرحة بيكون أحلى كمان .. قالت أزهار وهي تأشر على أكتافها : أكتافي كلها باينة والظهر الله لا يوريك .. لفتها العنود وهي تقول : أشوف .. صرخت أزهار وهي تغطي ظهرها بيدينها ووجهها محمر خجل : بنت أنا أستحي , والله ما تشوفين .. قهقهت العنود من قلبها وهي تقول : تستحين مني , أجل كيف جاسم .. ضربتها وهي تقول : مالت عليك .. قالت مشاعل : أزهار والله حلو .. وحاولت هي و العنود يثنونها عن فكرة تعديل الموديل والخياطة الفلبينية تعارض على كل إقتراح اقترحته أزهار عشان التعديل وآخر شي هزت أزهار راسها بعناد وقالت بعصبية : والله ما أخرج قدام الناس كذا , يا يتعدل الموديل يا ماله داعي الزفة , تعالي يا خديجة .. لحقتها الخياطة الفلبينية وهي تتمتم بكلمات فلبينية تدل على زعلها , قالت مشاعل وهي تجلس على الكرسي : راسها يابس كل العرايس دحين فساتينهم عريانة , حبال يحطون , بعدين هي ما بتخرج عند رجال كلهم حريم .. قالت العنود وهي تزفر : والله الزواجات اللي حضرتها بلا حبال , شوي ويطيح الفستان منها وتظهر المواهب , خلي عاد فتحة بسيطة في الظهر .. قالت أزهار من ورى الستارة : تراني سامعة حشك انتي واياها ... وخرجت بعد ما لبست ملابسها وقالت : الحياء شعبة من الإيمان , مو عشاني عروسة أنزع حيائي وأخرج أستعرض جسمي .. قالت مشاعل : هو مو حرام , أنا فستاني صح مو عريان مره لكنه كان بلا أكمام .. قالت أزهار : أنا ما قلت حرااااام لا تقوليني شي ما قلته لكن ... ورصت على مكان المعضد وكملت : ما تجاوز العضد لا يجوز , يعني عادي لو كان الفستان بفتحات متوسطة معقولة وبكم قصير لكن زي ما قلت الحياء شعبة من الإيمان , أنا قلتلها تحط قماش بحركة من الأكتاف ونازل على فتحة الظهر ما دامها ما تقدر تعدل الفتحة وإن شاء الله يطلع حلو .. سكتوا الثنتين لأنهم يعرفون إنه أزهار لا يمكن تغير شي قررته , ابتسمت أزهار لهم وقالت : اش رايكم نطلب قهوة و دونات ؟؟ على بال ما يجي عمر وبندر.. وافقوها وراحوا للكفتريا الصغيرة الملحقة بالمشغل وجلسوا هناك يتكلمون في مواضيع مختلفة أكثرها كانت عن زواج أزهار وترتيباته , ما مرت ربع ساعة إلا وجا بندر , ودعتها أزهار وهي تشكرها على جيتها , وبعد ما راحت لفت على العنود وحطت يدينها على خصرها وقالت : ست عنيدي , اش عندك مع مشاعل كل وحدة ودها تذبح الثانية .. قالت العنود وهي ترفع يدينها كإنها بلا حول ولا قوة : سوري حبيبي الأرواح جنود مجندة ما تآلف من ائتلف و ما تخالف منها اختلف , هي عكسي , الأوبيزيت , هي إنسانة هادئة ومتشائمة وسوداوية وأنا إنسانة مجنونة متفائلة وأحب الحياة .. وكملت بطريقة ساخرة : لا وكمان تحب الأطفال اللي لا يمكن أعرف أتعامل معاهم وتعتبر وجودها وسط مجموعة من الملاقيف المتخلفيين البكايين أحلى شي في حياتها .. قالت أزهار بإحباط : أنا عارفة الفرق بينكم لكن أنا أحبها .. قالت العنود : وأنا اش لي دخل ؟؟ حبيها زي ما تبغين .. زفرت وهمست : تمنيت إنك تحبينها زيي .. قالت بلهجة اللي يقول شي مصيري وهي تحط يدها على كتف أزهار : ابتهجي يا قلبي , ولا يهمك أوعدك إني ما أكرهها لكن لا تنتظرين مني إني أحبها .. رمتها أزهار بنظرة وهي تقول بتريقة : لا والله ؟؟ فيك الخير ما قصرتي .. ضحكت العنود وهي تقول : والله مو لايق عليك التريقة , ما يركب معاك أبد .. ضحكت أزهار و ما عادت الموضوع لأنها عارفة إن القلب هو الشي الوحيد اللي ما يقدر الإنسان يغيره على كيفه ويتحكم فيه على مزاجه ..