غلبتـني عـواطـفـي - الفصل السادس عشر - بقلم good - مكتملة | روايتك

سكت ورفع نظره للي دخل......بعد يده من فوق عواطف.... واسند ظهره ع الكنب وهو يناظر حسام اللي جلس ع الكنبه اللي قبالهم حسام بنبره فيها أمر وهو يأشر بيده عليها : اطلعي فوق عند الحريم....وش مجلسك هنا اساساً....يلي وصلني انكم مملكين بس بعد الزواج ما تم وقفت...نطقت بقوه فيها حده بخلاف شخصيتها الهاديه: شي مايخصك مالك صلاح فيه....وبعد عنكلا عقدك النفسيه تراه زوجي على سنه الله ورسوله....وش اللي مضايقك....قلت بلسانك إني بلا شرف ويش يهمك عاد....وجوه تسد النفس وقف مصدوم من كلامها وطالع رعد اللي متكتف بكل برود طلعت من الغرفه وتوترت من الرجال اللي واقف قبال باب المجلس والظاهر انه سمع وش قالت كانت بتتلثم بس عرفته....هذا مراد.... تخطته بدون اي كلمه وطلعت لعند الحريم دخل مراد المجلس وهو يشوف الصدمه في وجه حسام ورعد يلي يشوفه ما يعرفه من الفرحه الظاهره على وجهه قرب مراد من حسام وهو يضحك وجلسه هو يقول: هدي لا يطق لك عرق.....انت بديت والبادي اظلم ترا قهرك ما هو نقطه ببحر قهرها بهذلتها قدام خلق الله رعد بنرفزه: تتكلم عن السالفه وكأنها لعبه شطرنج الله ياخذك انت واخوك المعفن ضحك مراد: افا كذا علينا ي النسيب رعد: ترا انا ناسبت ابو راشد مب انتم مراد وهو يجلس جنب رعد: وش فيك هبيت فيني....لذي الدرجه نسبنا ما يشرفك رعد: نسب ابو راشد يشرفني....ام انتم على بلاطه خذها نسبكم ما يشرفني بالأخص هذا الحسام مراد بستنكار: ما هقيتها منك يا رعد ترا بعمري ما اذيتك....وتراك واخذ اختي انت نسيبنا غصب عنك مافيك تنكر _ اذيتني وكثير يا مراد لا تستعبط الحين اخوك وسط الناس ما ترك مسبه ولا قذاره ما رماها على اختك وانت حتى ما قلت اختي يعني انتم ما تعتبروها اختكم فلا تجي تقول لي ي النسيب انت فاهم وانا يوم طلبت يدها ما طلبتكم لاني ما اشوفكم اخوانها ولا انتم معتبرينها اختكم اصلاً فلو سمحت قفل السالفه ولا تعصبني بزياده * * *