غلبتـني عـواطـفـي - الفصل التاسع - بقلم good - مكتملة | روايتك

قرب صالح ورفع حاجبه وهو يناظر نور وإبتسامتها شاقه حلقها: عامله عرض لمعجون الأسنان أنتي وله وشو سكري سكري فمك لايدخل وسطه شي ونبتلش فييك وناظر عواطف تأملها شوي وتكلم بأمر: ظبطي حجابك عيونك ظاهره كثير تفاجأت عواطف وعلى طول خرجت جوالها من شنطتها وناظرت نفسها...وشو اللي مبينين كثير وبتأكد: تقصدني انا صالح بتأفف: اي اقصدك انتي ولا من بنت الجيران الظاهر رجعتيلي نور توو كل ما قلت لها شي قالت انا انا!! عواطف وهي تأشر على رقيه: علامك تكلمني انا....ترا هي بعد عيونها ظاهره دقق صالح برقيه ووجه كلامه لعواطف: انا ما قلت لك لا تبينيهم انا قلت بس صغري الفتحه شوي عيونك طالعه اكثر منها ما جادلت عواطف ضبطت حجابها لإنه فعلاً عيونها ظاهره اكثر من رقيه مرت ساعه وهم يتسوقون صالح يمشي وراهم بدون اي تعليق للمشتريات اللي ياخذونها....عواطف ورقيه ما اخذوا شيء خلينا نقول الطلعه كلها فا كلها لنور زفرت نور بقوه وتكلمت بحماس: وهي تجلس على الكرسي اه متحمسه لجل اجربهم في البيت صالح وهو يحط الأكياس يلي فيها المشتريات قريب من رجوله وهو يجلس ع الكرسي: موب طايرين لا تتحمسي زياده تدخلت عواطف وهي بدورها جلست على الكرسي: ما كذبت رقيه يوم قالت تنفعون تمثلون في سناريو ضراير....والحين خلصونا واطلبوا اي شيء ناكله ابغى اروح احس رجلي توجعني حيل جلست رقيه وعجلت فيهم يطلبون الأكل......كل واحد فيهم اختار اللي يبغاه......المطعم صح انه مو بذاك الزوود بس تعاملهم مره حلو واجوائهم مريحه بعد ما خرجوا من المطعم واستانس صالح اقترح عليهم يشتري آيسكريم.......وهم بنات وش تتوقعون منهم ما بيرفضون فرصه زي هذه جلسوا الثلاثه جنب بعض على بال ما يروح صالح ويشتري لهم بعد كم دقيقه رجع لهم وهو محمل علب الآيسكريم فرقه بينهم وتحركوا للسياره لإن رقيه وعواطف ما بياكلوا براحتهم بسبب النقاب وهم يمشون في طريقهم لسياره صرخت نور بصوت مكتوم وهي تأشر بيدها : صالح....صالح ناظر هذاك هو نسيبنا صح عواطف وقتها قلبها صار يخفق بشكل اسرع و تنفسها بطء وهي تلف تناظر للمكان اللي اشرت عليه نور وفعلاً كان هو بشحمه ولحمه مو قريب منهم ولابعيد.....المسافه يلي بينهم ما تبين ملامح وجهه بدقه ومع ذالك هيئته معروفه ابتسم صالح بمكر: بنفسي اشوف الإبتسامة يلي شاقه وجهك الحين يا عواطف نور وهي تكمل عنه: القلب يقول يا عواطف روحي واحضنيه إن الشوق له ذباح....والعقل يقول إن فعلتيها صالح بيذبحك ذباح وبيسلخ جلدك مثل الكلب النباح ضحك صالح وهو يضرب كفه بكفها بخفه: كفو عليك ي الشاعره كشت عليهم عواطف وهي تقول: مالت عليك انت وياها ترا الولد بعدنا ما نعرف خيره من شره.....واذا انتم ناسين ترا بعدني مو زوجته شرعاً فلا تقعدون تطقطقون بأشياء مالها معنى ابتسمت رقيه بنعومه من تحت نقابها: وإنت الصادقه ولفت لنور: إنتي من وين صرتي تعرفين تهرجين ي المقروده ذكرتيني بمثل قرأته _وقال العقلُ دعْهُ ولا تزُرْهُ وقالَ القلبُ فلْتذهبْ إليهِ حديثُ العقلِ موضوعٌ ولكن حديثُ القلبِ متفقٌ عليهِ_ وبخفه ضحكت نور وهي تغمز لعواطف: حديث القلب متفق عليه * * * * * طلعت من المحل وانا شبه اركض توهم ذاكرين يقولون لي عمل حادث وسوى عمليه وخرج منها وتوهم ذاكرين وقبل لأ فتح باب سيارتي رن جوالي شفت هويه المتصل ما قدرت اتجاهلها : هلا يمه....اي اي.....وانا بعد تواهم ذاكرين يعلموني.....لا تقلقي إن شاء الله ما فيه إلاالخير والعملية عدت والحمد لله......خلاص بمر لك على طريقي يلا في امان الله سكرت الجوال.....فتحت باب السياره قعدت ع الكرسي وصكيت الباب وشغلت محرك السياره كنت بحرك إلا وألقى حد يناديني بإسمي ألتفت وشفت صالح جاي لعندي....اففف مب وقته الحين هذا نزلت من السياره تقدمت له وصافحته وسلمت عليه سألني عن اخباري.....وكا مجامله سألته.....الوقت مو بمناسب للطقطقه واشوفه مبصوط ولاكأن الولد اخوه عامل حادث اليوم من زين علاقتهم اصلاً لجل استغرب.....سألني وش اللي اعمله هنا رديت عليه بإنه هنا مكان شغلي وإني مضطر اطلع الحين سألت مستغرب تواجده هنا: وانت وش جايبك لهنا رد بإبتسامة: والله جايب اخواتي.....اختي الصغيره كملت اختباراتها وعلى قولتها تبغى تشم هواء ناظرت وراه ما شفت احد شفت ثلاث بنات واقفين بعيد شوي هزيت راسي وما علقت غير لما هو ضحك وقال: تراها اللي واقفه على الشمال ابتسمت بثقل: تراني مب راعي هذي الحركات _ ادري فيك رجال كفو رجعت خطوه للخلف: يلا استميحك العذر ي صالح مستعجل الحين واذا احتجتم اي شيء اتصلون علي وبإذن الله ما بقصر اومأ برأسه: ما عليك زود معذور يالخوي....االله معك ابتسمت بمحبه صادقه له.....عيال ابو راشد احسهم قمه في الذوق والأخلاق فرق شاسع بينهم وبين عيال خالتي عزيزه بإستثناء محمد طبعاً حركت السيارة متوجه لبيتنا لجل آخذ امي وبعدها ع المستشفى