غلبتـني عـواطـفـي - الفصل الخامس - بقلم good - مكتملة | روايتك

دخل غرفته...اخذ دش خفيف.....وغير ملابسه ورجع انسدح على السرير بإرهاق ويده تلعب بخصلات شعره بتفكير هو شافها ومافيها العيبه ماشاءالله سمعتها طيبه.... وقت شافها ماقدر يصدق ان اللي قباله عواطف! تغيرت كثير..... يعرفها قبل لتلبس الحجاب...قبل اكثر من سبع سنوات....يلي يشوفها الحين مستحيل يصدق الفرق شاسع... مايقدر يعيب البنت بشي وهذا اللي مضيقه...كان مفكر يقول لأمه انه مارتاح لها...يبغى ينهي هذا الزواج فرحت امه اليوم اسعدته وبنفس الوقت ضاقت على نفسه مايبغى غير رضاها وان ربي كتبله خير مع عواطف ان شاءالله يتم الموضوع بدون مشاكل... لف جسمه يتمدد على جانبه الأيمن وهو يستغفر لعل ربي ييسرها عليه فتح جواله وقعد يطقطق فيه ويتصفح مواقع التواصل ويرد على الرسائل اللي وصلته.... فتح رساله وصلته من حسام محتواها "بمر عليك بكره ابغى احاكيك بموضوع إذا انت موجود" عقد رعد حاجبيه وكتب "علوم خير يارب....واهلا وسهلا تنورنا بأي وقت" * * * * * * ثاني يوم _بعد المغرب في بيت ابو رعد_/ رحمه الله تغشاه فتح رعد الباب بعد مسمعه ينطق...وقف متفاجئ ورجع بخطواته للوراء لجل يمرو: تفضلو اهلا وسهلا نورتوا البيت مراد وهو يدخل اولهم: والله وطلعت ي ولد الخاله ترحب بضيوف زين _وبإبتسامه ونبره ساخره_ وإلا اقول ينسيب توجه مراد للمجلس يتبعه محمد وحسام الهادي بشكل غريب سكر رعد الباب وعيونه على المقبض بإدراك لشي يلي يبغون يحاكونه فيه....اخذ نفس عميق ولف متوجه للمجلس بعد مخبر امه ان اولاد اختها جائوا بعد السؤال عن الحال والأحوال وضيافت ام رعد اللي ماقصرت معاهم....طلعت من الغرفه بعد مرحبت فيهم وطلبت منهم ياخذو راحتهم البيت بيتهم عيونه على امه وهي تمشي بشويش خارجه من الغرفه ورجع ناظر لحسام اللي تكلم وهو يحاول يكتم غضبه: رعد انا لا بلف ولا بدور بدخل بصلب الموضوع هو سؤال واحد لا اكثر سكت اشوي حط عينه بعين رعد: ليه مابلغتنا انك بتطلب يد عواطف كان متوقع انه هذي السالفه اللي جايين لجلها شد على قبضته_وبنفسه_ صدق فاضيين وبلامبالاه وهو يأشر بيده: هذا هو الموضوع اللي جيتوني لجله... جاييني الثلاثه قلت والله معاهم سالفه كايده صرخ حسام بأسم رعد وعيونه تقدك شرار وبغضب اكبر: اذا هو عندك سخف حنا يعني لنا الكثير تفاجئ الثلاثه من حركه رعد اللي رفع حاجبه وابتسامه ساخره ترتسم على شفتيه ورفع يدينه يصفق بقوه: ياااا سلام الله عليكم...توك تذكرت ان عندك اخت ... ابتسم بسخريه و هز رأسه بأسئ: صباح الخير يانايم الوقت تأخر وكثير بعد... ترا في وقت تصلحو اللي بينكم... لاكن تأخر الوقت على اللوم او العتاب في هذه السالفه وانا إذا جيت وتقدمت لها منكم اكون غبي!!... تعرف ليه؟..بغض النظر عن الأشياء الثانيه إلي ماتصح لجل اتقدم لها منكم...لإني مابتلقى منكم غير الرفض.....وانت ماقلت اللي قلته الا لجل كبريائك اما عواطف بكبرها ماتهمكم خمس سنوات قطيعه اكيد معد بقا لها اي قيمه عندكم....كنت اظن ان العيب منها وانتم قاطعينها بها الشكل... لكن الظاهر اني اخطيت بحقها _خلاااص... لهنا يكفي يارعد هز محمد بصوت الحاد جدران المجلس و وقف بأسف وهو يتابع كلامه بقوه يأكد كل كلمه يقولها : ترا ما هقيتها منك ي رعد انت تقول ذا الكلام...هي اختنا ومننا وفينا ومهما اللي يكون بينا رح تبقى اختنا _وبحده اكبر_ تفـهم يا رعـد حسام ومراد يتفرجون بصمت وكل واحد حالته عكس الثاني حسام يسمع اللي ينقال وداخله يشعل وده يعطي كم طراق لرعد يعدل كلامه...اما مراد بارد يتقهوي ولا على باله مراد حط الكوب من يده بعد ما حس ان الوضع تكهرب بشكل مبالغ وقف..وتقدم..حط يده على كتف محمد: محمد لا تبالغ ترا ما قال شيء غلط محمد بنفس الحده: اذاً توافقه على كلامه حط مراد عينه على رعد اللي مكتف يدينه ويناظرهم....وبعدها رجع ناظر لمحمد: لإن اللي قاله هو اللي حصل ويلي بيحصل احنا قطعناها ونسيناها لا تنكر ولو كان جانا كنا بنرفضه بصوت خافت فيه حده قال محمد جملته: بس انا ما نسيتها خرج محمد من الغرفه ومن البيت كله.....وألف علامه استفهام على الثلاثه الواقفين يناظروه وهو يخرج بستغراب تنهد مراد ويده بجيب بنطلونه بملامح عابسه: مادري وش قال لأمي اجي معكم كان جلست ف بيتي ازين لي ابتسم رعد غصب عنه: زين اكيد دام حبيبت القلب فيه ا اقصد ام طلال هههه مراد : تراني مو رايق عكرتو مزاجي رعد بغمزه: روح عدله عند المداام هههه رفع مراد نظره لسقف الغرفه يسأل ربه الخلاص ونزل نظره لرعد: لو بقيت هنا دقيقه زياده بنجلط...على اعصاب معك تتغير بثانيه متأكد انه مافيك شي غلط بدماغك وقف حسام وتقدم من مراد ورعد وهم منسجمين بسوالفهم البايخه بنظره وتقدم اكثر من رعد وبحركه سريعه منه وجه له لكمه بطنه تراجع رعد كم خطوه للخلف ويده تضغط على بطنه بقوه من الألم وقوه اللكمه اللي جاته فجأه...قرب منه مراد وهو يسنده وقبل لايتكلم مراد اللي غضبه بان بملامحه اخذ رعد نفس بصعوه وبأنفاس متقطعه: حسبي الله...عليك..يا حسام تفل عليه حسام وحرك شفايفه بيتكلم لاكن!! اوقفته اللكمه الي جاته بنص وجهه...ووقع على الأرض بقوه..حط راسله بين يدينه يضغط على راسه من الدوار يلي باغته بعد اللكمه رفع راسه لمراد يلي صرخ بعصبيه والشرار يطلع من عيونه: كذا آخرتها ياحسام تمد يدك ع الرجال في بيته هذي اخلاقنا اللي تربينا عليه أصحى على نفسك واترك عنك حركات المراهقين....كم شهر وتكمل الخمسه والعشرين سنه وبعدك بعقليتك الخايسه ذي _قرب منه وهبط لمستواه ونطق بخفوت حاد_ إذا تصرف رعد قاهرك تراني اخس منك...وفي مئه الف حل لتعامل اما تعاملك هذا يدل على نقص اخلاق وتابع وهو يحرك رأسه يمين وشمال بحسافه: قسم انك وطيت راسي