لا تسأل دموعي عن أوجاع الأيام اسأل عيوني من تمنى تشوفه - الفصل 4 - بقلم برفسورة الدمعه - مكتملة | روايتك

الجزء الرابع...' ما ابوح بسري اللي بالضمير.. في هموم العمر متجمعات.. عشت انا المأساه وفراق العشير.. يعلم الله سوت عيوني سوات.. بنتظر وقت اللقاء وقت المصير.. وقت مايبري الجروح الداميات.. ~اليوم الثاني.. كانت ريم ماشيه لغرفتها..فقبل تدخل نادتها نوال.. نوال: ريم..ريم .. ريم وهي تلف عليها: نعم. نوال: ليه تأخرتي امس انتي تدرين ان ابوك جلس ينتظرك إلى الساعه ثلاث تقريبا.. ريم: اممممممم..زين هوكان معصب ولا لا .. نوال: الصراحه..عصب كثير وحلف انك ماعاد تروحين لأي احد باستثناء شيخه. ريم: ياربي..وليش كذا..نوال والله السياره كانت خربانه.بعد لولا الله ثم تركي كان ماجينا الى بعد الفجر.. نوال باستغراب: انتي جايه مع تركي!! ريم: غصب علي..مافيه الا هاالحل.. نوال: انزين قصري صوتك اخاف يسمعك..عاد والله ان يحرمك من شيخه.. ريم وهي تضم نوال: ليه ابوي قاسي معاي..عاد كل من شافه وشاف تعامله حسدني.بلاهم مادروا هم وش حاسديني عليه.. نوال تمسح على راس ريم وهي تحاول بأقصى جهدها انها ماتحسس ريم بأنها وحيده ومااحد فاهمها... نوال: امممم..ريم ليه ماتروحين تجهزين شنطتك .واذا تبين مساعده انا جاهزه.. ريم بصراخ: وااااااااافق... نوال: هههههههه.اكيد ليه هو يقدر يرفض للريم طلب.. ريم وهي تحب راسها: مشكوره ياقلبي..ياالله شيخه ماراح تصدق.. راحت ريم بسرعه لغرفتها وقبل تدخل لفت على نوال وارسلت لها بوسه باالهوا.. اما فرحة نوال مو اقل من ريم ..خاصه انها باديه تتقبل وجود مرة الابو اللي كانت مره متخوفه منها.. ريم راحت لغرفتها بسرعه مو مصدقه لأن هذي تعتبر اول مره يسافرون مع بعض لاواحلى مدينه عند ريم..فهد خالها اكثر من مره يحاول بأبوها لكن كان يرفض.. ريم من الفرحه ماتدري وش تسوي فقررت انها تعلم شيخه بعدين تجهز اغراضها لأن بعد ملكة شيخه بيوم راح يسافرون..تقريبا بعد اربع ايام.. ريم: شيخه ردي .ردي بليز هذا مو وقت نوم.. شيخه وكأنها داخل بير: الو.. ريم: هلا شيخوه سااااااااعه.. شيخه: ريم وش عندك ترى والله ماصارلي عشر دقايق حاطه راسي.. ريم: وش عندي!! خلاص ابوي وافق.. شيخه: على وشو!! ريم: اوووف ليه كذا انتي بارده..ابشرك بنسافر معاكم .روما.ياااي والله مومصدقه.... شيخه بصراخ: احلفي.. ريم: والله..والله.. .. شيخه: مستحيل اصدق..بس الحمد لله اخيرا ابوك اقتنع. ............... ........‏ ‏******* ......... ******* ... تركي: لاتحرجيني وش تبيني اقول للرجال.. شيخه مقاطعته: قوله ماتبي تشوفك غصب.. تركي: دقايق وراجع لك اجهزي.مايحتاج ابوي يجي بنفسه تدرين وش راح يسوي. فلا تعقدين الامور فاهمه... راح تركي وشيخه مو مستوعبه هي لا اللحين تحس بالفشله من بندر...ومالها خاطر انها تشوفه... ريم كانت ماره من غرفة شيخه فاستغربت الهدوء ودخلت: بسم الله ماشاء الله..قمرررر..بينهبل.. شيخه لفت على ريم بهدوء ولا علقت.. ريم: شيخه حبيبتي فيك شي.. شيخه حضنت ريم ولا تكلمت.. ريم ابعدت شيخه عنها وتمت تناظر عيونها اللي على وشك انها بتبكي.. ريم بجديه: شيخه صاير شي.. شيخه: ريم..راح افقد...دك.. وحضنت ريم وتركت لدموعها الحريه.. ريم بابتسامه ناعمه: الكل راح يفقدك..شيخه حبيبتي انتي غاليه على جميع اهل البيت وصدقيني فراقك ماراح يكون سهل... شيخه: .............................. ريم: بعدين انتي ليه متعبه عمرك بهالافكار..اللي يسمعك يقول خلاص بتروح بيتها نسيتي انها مجرد ملكه.وبكره ان شاء الله سفرتنا..صدقيني راح يكون بالشهرين ذكريات ومغامرات حلوه ماراح تنسيها ابدا... شيخه: اهئ..اهئ..خلاص انا راح اسحب على الزواج ونفلها انا وياك بهالسفره... ريم: ههههههههههههههههه..ياخطيره..بتسحبين عليهم مره وحده... تركي دخل بدون ماينتبه لريم وهو مره منقهر: ارتحتي اللحين راح الرجال..مسكين ماتستاهل يابندر هذي بتكون مرتك.. وهو يأشر على شيخه.. ثواني وينتبه تركي للبنت اللي ورى شيخه ماكانت واضحه لذلك ماقدر يميزها فظن انها امل.. تركي: ههههههه..الحلوه ليه متخبيه.. ريم انحرجت وحست انه ماعرفها اما شيخه شهقت وعلى طول: ترررركي!! راح الحيا.. تركي: ليه وانا....... شيخه مقاطعته: اقول لاتكمل اذا انت ماتستحي ترى ريم ميته من الحيا.. تركي بارتباك: ريم!!! شيخه: ايه ريم ..اللي قاعده وراي ساعه وانت للأسف.... تركي حمر وجهه وطلع بسرعه لغرفة امل بيطلع حرته فيها. شيخه: ياحليله انحرج... ريم: حرام شيخه ليش كذا. شيخه: احسن خليه يتأدب.. ريم: انزين انتي ليش رفضتي ان بندر يشوفك.. شيخه: وانا ليه وجه عقب تفحيطي.. ريم: تفحيطك..!!! شيخه: سالفه طويله (وقالت لها السالفه كلها).. ريم: هههههههههههه.لو كنت مكانك عادي أنتحر.. شيخه: نقطينا بسكاتك.. بدت ام تركي تزيد من الكورسات على بنتها وندمت انها ماكانت معلمتها قبل لأن الزواج تحدد بعد شهرين.. وشيخه ماظبطت الا الاشياء البسيطه شاي, قهوه.. واللي زاد من توترها هو سفرتهم اللي حاولت كثير تمنعها وتعلم بنتها..لكن من دون فايده..