الفصل 20
((الفصل العشرين))
اول ما طلع خالد من باب العمارة طاحت ميريام بالارض منهارة ومغمى عليها
موظف الاستقبال طلب الاسعاف وجا الاسعاف واخذ ميريام بدون ما حد يدري لان الموظف مارح للبنات وخبرهم نسي مسكين ( والله انه غبي يبغاله ضرب *_*)
كانت ميريام منهارة ومغمى عليها وظلت تحت تأثير المهدئ للساعة ثلاثة العصر
لمن صحيت شافت نفسها بمستشفى قامت بتروح الممرضة ما خلتها ونادتلها الدكتور اللي وافق ان ميريام تطلع لاكن على مسؤليتها
ميريام كانت مصرة انها تطلع وتروح للمستشفى اللي يتدربون فيه لان اليوم تقييم وعلى الاقل تكون مع القروب ولا ينقصون
<!<!!!<<!<<<!<!<!<!<!<!<!<!<!<!<!<!<!<!<!
عند القروب كان الكل مضايق من ميريام اللي ما بينلها اثر من الصباح حتى البنات كانو قلقانين عليها فين راحت؟؟وليش مقفلة جوالها؟؟
عمر كان ما يدري وش يسوي خايف على ميريام لا يكون صايرلها شي
كان الكل جالس بالاستقبال وليد وشادي دوافير القروب كانو معصبين مرة منها
بهاللحظة دخلت ميريام وقالت:هاي يا جماعة اسفة على ال.....
قاطعها وليد بصراخه :اسفة على ايش بالضبط على الدرجات اللي ضاعت بسبتك يالدلوعة بسبتك انتي الدكتور جاك نقصنا درجات والله العالم بننجح ولا لا
كمل عنه شادي اللي كان وجهه احمرر:شو هالحكي هاد انتي ما عندك دم ما عندك أي حس بالمسؤلية تخلينا ننتظر هيك وحضرتك تشرفي متأخرة والله دلع
عمر كان يشوف وجه ميريام الاصفر وعيونها الحمراء كان واضح عليها التعب والارهاق
حنين سكتتهم وهي تصارخ :الحين انت وياه يالدوافير ما خليتو البنت تنطق بولا كلمة وقاعدين تصارخون والحين كم درجة هامتكم اكثر من زميلتكم اللي الله العالم ايش اللي صاير معاها
ميريام كانت تسمع كلامهم وتنزل دموعها بدون صوت ما قدرت تستحمل حست نفسها مخنوقة
تركتهم وخرجت تجري من باب المستشفى
كان الجو ماطر والمطر غزير والجو بااارد
ميريام كانت تجري تحت المطر وهي تبكي وتشاهق كل الناس صارت ضدها ما تدري ليه يأست وفكرت تقتل نفسها اريحلها من العيشة مع فضيحة
عمر طلع ورى ميريام وهي تجري ناداها ولا وقفت كان يجري وراها يبي يمسكها علشان لا تسوي بنفسها شي
ميريام ما كانت سامعة صوته كانت سامعة صوت المطر وبس كانت تدعي ربها تنتهي حياتها الحين ولا يضيع شرفها وسمعتها على يد الحقير خالد
عمر جري وراها ومسكها من كتفها ولفها عليه
ميريام طالعت فيه وهي تبكي:اتركني يا عمر اتركني خلني اروح
عمر كان ماسكها من كتفها :اتركك وانا ما صدقت القاك وش فيك وش اللي صايرلك؟؟
ميريام اانهارت من البكا وصارت تبكي وتشاهق وتقول من بين دموعها:وش اسوي بدنيتي القاها من اهلي ولا من خالد الزفت ولا منكم وش اسوي؟؟
عمر قطع قلبه صوت بكاها شدها له وضمها لصدره بقووووة
تفاجأت من تصرفه حاولت تبعد لاكنه ماسكها بقووة وشاد عليها ما يبيها تروح
استسلمت لحظنه وبكيت وهي حاطة راسها على صدره كانت تسمع دقات قلبه السريعة كانت تحس بانفاسه المتسارعة وتتوتره وهو يقول:تكفين يا بعد كل الناس لا تبكي والله ما اقدر على دموعك ولو بتبكين ابكي بس ابكي على صدري
ووخرها عنه ومسح دموعها عن خدها ومسك يدها جاء بيبوسها شاف الصقة مكان ابرة المهدئ اللي اخذتها بالمستشفى طالع بعيونها وعيونه كلها تساؤل
ميريام بهاللحطة ما تدري ليش ظلمت الدنيا بعيونها فجأة وما حست على شي وطاحت بين ايدين عمر اللي كأنه طاح قلبه
صرخ وقعد يضربها على وجهها على خفيف علشان تصحى:ميريام يالغالية وش فيك
حملها بين ايديه وجرى فيها راجع للمستشفى
!<!<!<!<!<!<!<!<!<!<!!<!<!<!<!<!<!<!<!<!<!<!<!<!<! <!<!!>بالمستشفى حنين والبنات كانو يهزئو وليد وشادي وخصوصا وليد اللي استلمته حنين وما خلتله
بهاللحظة دخل عمر من الباب وهو شايل ميريام بين يديه
البنات طاحت قلوبهم حنين ونورة جريو عند عمر اللي كان مبلل على الاخر ووجهه احمر ومو داري وش بيسوي قالهم انها انهارت فجأة واغمى عليها
ووداها للاسعاف كشف عليها الدكتور وقالهم انه معاها انهيار عصبي حاد واعطاها مهدئات
وليد حس بالذنب يحسب انه هو السبب باللي صار اما عمر كان بينهار هو كمان لاكنه اتمالك اعصابه وهدى نفسه
حنين ونورة كانو يبكون ما يدرون وش صاير مع صحبتهم اما نوف اللي ما تعرف تتصرف بهالمواقف كان رح يغمى عليها من الخوف وهي تبكي جلست جنب حنين اللي كانت دائما مثال للقوة قدام البنات وهم ما يدرون انها بغت تنهار من الخوف على صحبتها اللي بحسبة اختها واللي كأنها قطعة من قلبها لاكنها مسكت نفسها وكان لازم تكون قوية علشان تهدي نورة اللي قطعت نفسها من البكا على صديقتها
نوف مصنمة ما تدري وش تسوي
حنين تطالعهم وتبكي بصمت كانت تتوعد وليد بسرها لانها تحسبه هو السبب باللي صار لصديقتها
منصور كان قلبه حاسه ان فيه شي لان القروب ما زاروه كالعادة ولا جلسو معاه ولا حتى نورة بينت اليوم الا مع الدكتور جاك لمن جا يكشف عليه وراحت وما رجعت
كان خايف ومتضايق (اكيد في شي صاير مانعهم عني) كان يصبر نفسه وهو خايف
تركي كان خايف على نوف اللي مصنمة وساكتة حتى البكا تبكي بصمت
راح وجلس جنبها وقال:نوافة اهدي
نوف ما صدقت يجيها تركي انرمت بحضنه وقعدت تبكي وتشاهق لانها كانت تعز ميريام وتحبها وما تبيها تروح منهم
تركي استغرب من حركتها لاكنه كان مبسوووط صار يحسس على شعرها ويمسح دموعها بيده عن خدودها ويهديها
نوف ما كانت دارية كيف تجرأت وسوت هالحركة لاكن صدر تركي العريض اغراها بحبه وحنانه واهتمامه
اما وليد كان منهار على الكرسي وهو حاسس انه هو السبب باللي صار لميريام كان يطالع بحنين اللي تبكي وتشاهق بصمت وتمثل القوة وتهدي نورة اللي كانت مرمية بحظنها كان وده يروح لحنين ويهديها ويكون جنبها تذبحه دموعها وتطعن بقلبه لاكنها اكيد الحين حاقدة عليه وما تبي تشوفه وهذا واضح من نظراتها اللي كل ما طاحت عليه شالتها بسرعة
عمر كان بوادي ثااااني استأذن الدكتور ودخل عند ميريام اللي كانت متمددة على سرير ابيض كان شعرها مفتوح واللون الاسود كأنه ليل مع الخصل الاحمر الناري كانت متناثرة على جنبها وعلى وجهها
جا عمر وقرب منها وهو يبكي لاول مرة تنزل دموعه على بنت مسح على وجهها وحرك خصل من شعرها المتناثرة
ميريام كانت تهمس بصوت واطي قرب عمر اذنه من فمها وحاول يسمع وش تقول كانت تقول عمر وتسكت وبعدها تقول خ..ال..د كذ..اب وترجع تكرر نفس الكلام
عمر استغرب مين خالد الكذاب وشالحكاية؟؟ وفين كانت ميريام من الصبح؟؟ وليه كانت بالمستشفى؟ عمر لازم يعرف كل شي واكيد اللي يعرف كل شي حنين طلع من الغرفة بعد ما طبع بوسة حنونة على خدها ما قدر يقاومها.
طلع من الغرفة ونادى حنين اللي كانت جالسة تهدي بنورة حنين قامت وسألته:وش فيها ميريام يا عمر وش اللي صارلها وليه انهارت كذا؟
عمر:تعرفين واحد اسمه خالد؟؟
حنين انفجعت وفتحت عيونها على اتساعها:وش دراك انت بخالد؟ووين شفته؟؟
عمر تأكد الحين ان خالد هذا وراه مصيبة قال لحنين عن اللي سمعه من ميريام وهي نايمة
حنين كانت ساكتة وتفكر يعني اكيد خالد مسوي شي وهذا اللي اخر ميريام اليوم بس وش اللي سواه هالكلب مرة تانية؟
عمر:حنين تكفين قوليلي من خالد ؟ووش قصته ولا تخبي عني شي تكفين
حنين قررت تقول لعمر كل شي عن خالد من اول ما تعرف على ميريام لاخر مكالمة هزئته فيها
عمر كان مستغرب ليشه الخالد يسوي كذا؟؟ووش اللي ييبيه من ميريام؟؟
ليش يعاديها؟؟وحط بباله انه لازم يحمي ميريام من هالخالد واللي يصير يصير
!<!<!<!<!<!<!<!<<!<!<!<!<!<!<!<!<!<!<!<!<!<!<!<!<! <!<!<!<!