رواية عشاق الصمت في باريس - الفصل 12 - بقلم همس اشتياق - مكتملة | روايتك

((الفصل الثاني عشر)) ردت ميريام على جوالها :هلا مامي كيفك؟انا منيحة الحمد لله (ميريام تتكلم مع امها واهل امها باللبناني واللي يشوفها وهي تتكلم مايفرقها عن اللبنانيات) لا مامي كل شي تمام وسكتت ميريام تسمع كلام امها اللي اغلبه كان جارح لها سكتت وحاولت تمسح دمعة من عينها:مامي والله ماعم ساوي شي غلط انا بس بدي اعرف شو اللي غيرك فجأة معي؟؟ وبهاللحظة امها قفلت الخط بوجهها ميريام وقفت تبكي ونورة اللي هديت حاولت تهدي صحبتها اللي تدري عن مشاكلها مع اهلها اللي ما يدرون وش سببها(اهل ميريام سعوديين ممكن قبليين نوعا ما ابوها كان رافض فكرة سفرها لحالها على فرنسا للدراسة لاكن امها اقنعته وكانت واقفة جنبها وابوها وافق بعد ما تأكد ان خالها معها ومارح يتركها لحالها لاكن فجأة امها قلبت عليها وصارت بس تتصل فيها وتعطيها كلام جارح وهي ما كانت عارفة وش اللي غير امها اللبنانية الفلاوية كذا ؟؟وليش تتغير فجأة ؟؟وشالي سمعته عنها وهي اللي ماعليها كلام ) كانت ميريام واثقة انها ما سوت شي غلط بس نفسيتها تعبت وكتمت بقلبها وقالت لصحباتها اللي نصحوها تقول لخالها وتشوف وش بيسوي لاكنها خافت وما قالتله كان وقت غداء وكانو الشباب جالسين بمطعم ،دخلت حنين ونوف اللي سبقوا ميريام ونورة للمطعم شافهم وليد واشر لهم وجلسوا كلهم على طاولة وحدة وليد :هلا بالبنات فين الباقي؟؟ حنين:ما ادري كنا نتمشى وفجأة ما حصلناهم بس الحين جايين عمر كان ماشي وراهم بس دقو عليه الشباب وراح للمطعم استغرب ان ميريام كانت مع حنين وش اللي وداها عند نورة ميريام ونورة دخلو المطعم ودوروا على البنات لمن شافوهم استغربو انهم مع الشباب واليوم اجازة راحو وجلسوا ميريام:هاي يا جماعة الشباب:هلا اهلين وليد:نور المطعم (قال كذه وما درى الا برجله تنهرس تحت رجل عمر وطلع صرخة) ميريام فهمت اللي صار ضحكت وقالت:النور نور الموجودين وجلسوا يتغدون وهم يسولفون ويضحكون وليد كان يطالع بجهة الباب دخلت وحدة فرنسية شقرة حلوووة مررة قال للشباب:شباب شوفو المزة اللي جاية(الشباب طالعو غريزياً البنات كانو قبال الشباب التفتوا ،ميريام لاحظت نظرات عمر على هالاجنبية غارت وقال: وع هابرصة مافيها جمال حنين اللي انقهرت من وليد:وانتي الصادقة ما ادري على ايه يخقون عليها وليد حب يقهر حنين:لانها شقراء وعيونها خضراء وكأنها غزال باسم الله عليها حنين هنا عصبت وولعت ووجها صار احمر غارت ما تدري ليه:الا حمار وع والله ما عندك ذوق وليد هنا ما قدر يمسك الضحكة وضحك بصوت عالي حنين اللي تعجبها ضحكته فتحت فمها على الاخر من وسامته وضحكته الخيال ميريام ضحكت على شكل صحبتها وقالتلها بصوت واطي :حنو قفلي فمك فضحتيناحنين اللي انتبهت على نفسها:ها والله انه يخبل ذا الولد بيموتني ناقصة عمر وه بس (طبعاً تتكلم بصوت واطي) عمر كان يطالع بميريام وما يدري ليه حس انها غارت لمن طالع بالاجنبية اللي دخلت عجبه هالشي وابتسم وسألها:الا صحيح ميريام وش كنت بقول؟؟ ميريام: تفضل عمر انحرج لانه ما عنده سؤال بس يبي يكلمها وخلاص:الا صحيح من جد امك لبنانية؟؟ ميريام ابتسمت:ايه لبنانية وليد:وانا اقول هالحلا من فين (وليد قال كذا يبي يقهر عمر الا وتجيه ضربة على رجله اقوى من اللي قبلها وصرخ ذيك الصرخة) هنا ميريام ما مسكت نفسها وضحكت ضحكة دوخت عمر بزيادة وقالت :حرام عليك هرست رجل الولد ،وابتسمت وقامت وبعدها البنات كلهم قامو بعد ما سلمو على الشباب وراحو لشقتهم الشباب كانو لسة جالسين بالمطعم قال تركي وهو يناظر نوف وهي رايحة:ياخي والله ان هالبنت دماااااااااااار وليد وعمر طالعوه عمر:خير أي وحدة؟؟ تركي: وشفيك ياخي تطمن مو ميريامتك عمر:أي احسب وليد:اجل لا تقول حنين ترى اتوطى ببطنك تركي ضحك وقال: لا نوافتي وش رايكم فيها؟ وليد وعمر يطالعون بعض : من جدك؟؟؟ تركي : لا من خالي ليه وش فيها البنت جمال واخلاق ورقة ونعومة عمر: لا الكلام مو بالبنت فيك انت تركي استغرب:ليه وشفيني؟ وليد:لا بس انت قلت انك تبي تخطب سماح بنت خالك ولا نسيت؟؟ تركي:لا ما نسيت بس انا فكرت سماح ما اعرفها ولا قد شفتها الا مرة وحدة وش يدريني انها تنفع تكون شريكة حياتي وش يضمني انها تكون البنت اللي احلم فيها؟وبصراحة انا اشوف بنوف صفات انا كنت اتمناها بشريكة حياتي وليد وعمر استغربو تفكير تركي الجاد اللي بعمرهم ما شافوه غير يستهبل ويقلب الامور ضحك وتريقة بس انبسطوا ان صاحبهم قدرت تغيره نوف واخيراً $$$$$$$$$$$$$$$$$$$$$$$$$$$