الفصل 4
4
يعني اي اعتبر نفسي انت حالا ترمي عليا يمين الطلاق
فهد ببرود : اعتبري نفسك يعني انسي اني كنت في حياتك
مليكه : وهستفاد بأي لما انسي وانا لسه علي زمتك
فهد : ده اللي عندي انا عمري ماهكلمك في حياتي ولا اخلي مجال ان نتقرب وكل حاجه هتنتهي لكن طلاق انسي
مليكه بتقرب عليه بدموع مكتومه : انت كدا بتحبسني في حياتك وتحكماتك فوق يافهد
دخلت عليهم دكتور نيڤين : فهد مقولتش لي انك جيت من بدري
فهد ببرود وهو متجاهل مليكه : كان في شغل ومليكه جت تسأل علي الامتحان
نيڤين: اممم ياعم تبقي اتصل عليا طيب علي الاقل كنت جبتلك قهوة معايا
فهد بضحكه خفيفه : مره تانيه ياروحي
مليكه بصت عليه بإستحقار واستنكار ومشيت وسابتهم
دخلت السكشن وهي تعبانه قعدت في الاخر وهي مش شايفه قدامها كان وشها أصفر شديد
ذياد قرب عليها بخوف : مليكة انتي كويسه؟
مليكه : اه اه
ذياد : مليكه انتي وشك اصفر طب تعالي نروح للدكتور اللي في جامعه
مليكه : متقلقش ياذياد هو تعب هيروح لحاله
دخل عليهم فهد فضل ثواني بيبص عليهم بعدين بدا بالشرح بكل برود مليكه كانت مستغربه انه معملش اي رده فعل
فهد : يلا ياشباب كله يقعد في مكانه في امتحان
شهد : بس يادكتور حضرتك مقولتلناش
فهد : وانا لازم اقولكو يعني يلا اتفضلي حضرتك عشان تمتحني
وزع الورق وهو مش مهتم بيها تماما
بعد 10 دقايق كانت بتمتحن فجأه حست انها عايزه تستفرغ حطت ايدها علي بوقها وجريت علي الحمام
فهد كان لسه هينطق اسمها سكت لثواني وهو بيقبض علي ايديه بعصبيه وخوف عليها شديد
بعد ربع ساعة دخلت السكشن
فهد اول ماشافها : يلا كله يديني الورق
مليكة بتعب : بس انا لسه مخلصتش امتحاني
فهد : الوقت خلص كان ممكن تيجي بدري يلا الورق كله يجي دلوقتي
فضلت انها تبصله بعتاب وتخرج دخلت الحمام كان في بنتين في الحمام بصولها من فوق لتحت استغربت ودخلت الحمام
ياسمين بصوت واطي : بقولك اي ياعبير اي رايك نقفل عليها ونخلص
عبير : ياخرابي هتكوني عملتي جميل اوي
يلا بينا وبالفعل خرجو وقفلو الباب بالمفتاح وحطو ورقه مغلق للصيانه
خرجت مليكه تغسل وشها بهدوء جايه تفتح الباب مقفول تماما صرخت اكتر من مره مفيش فايده بصت علي الساعه أدركت انه كله مشي ومفيش حتي محاضره في الكليه كله مشي
قعدت على الأرض بعياط : افتحو الباب عشان خاطري افتحو عشان خاطري
بصت للسما بعناد شديد ودموع =لو اخر واحد في الدنيا مستحيل اكلمه
بعد مرور ساعتين كانت بتتنفس بصعوبه رنت عليه وهي بتحاول تنطق : حمام.. الحمام....
فهد : مليكة مليكه انتي كويسه ردي عليا مليييكههه
مفيش رد... فهد وهو بيمسك دماغه بعصبيه يعني اي هي فييين
فضل يتصل بيها مرارا وتكرارا لكن لا رد
طلع برا المكتب سأل العاملة : كل الطلاب خرجو ياأم إسلام!؟
إسلام : اه يادكتور مشيو من بدري
دكتوره نيڤين خرجت بعصبيه : ازاي رئيس الجامعة مصلحش الحمام في الدور الأول هو عشان اروح الحمام لازم اطلع التالت وكمان مفيش اسانسير
فهد تفكير بصدمه :الحمام!!
بيجري ينزل لتحت بيشوف العلامه انه مغلق للصيانه
فهد حاول يكسره وهو بيصرخ بغضب : مليكه مليكهههه
شافها وهي مرميه على الأرض هجم عليها حضنها وقفل باب الحمام عليهم بيمسك وشها بخوف ورعب : مليكه انتي كويسه مليكه حبيبتي قومي مليكه بيرش عليها مايه عشان تفوق
مليكه بعد ثواني فاقت اول ماشافته دفنت راسها في عنقه بحب شديد : مت. متسبنيش تاني يافهد
فهد بيطلعها من حضنه بهدوء وهو ماسك وشها بين ايديه : انا امو*ت ومسبكيش لحظة
مليكه : بس انت مريض يافهد انت مريض....!!!!!
يتبع..