خاطري مكسور من قسوة زماني كاملة - الفصل 11 - بقلم دقة قلب مجروح - مكتملة | روايتك

الجزء قبل الاخير شذى كانت جالسه تتصفح كتبها وشوي يدق جوالها وتشوف الروح فداك يتصل بك شذى تناظر الجوال ومو مصدقه ياسر لا مستحيل وردت بلهفه وشوق وحنين:ياسر ياسر:هلا بروحي هلا بعمري هلا بدنيتي شذى:هلا يابعد الدنيا كلها وش اخبارك وش مسوي طلعت من المستشفى ياقلبي ياسر:ايه طلعت بس ترى قلبك زعلان عليك شذى:ليه فديت عمره وش مزعله ياسر:كذا تنسين حبيبك وماتسألين عنه شذى:غصب عني ياقلبي عندي ظروف ومشاكل الله يعين بس ياسر بخوف:وش فيك يادنياي شذى:شوية مشاكل لاتشغل بالك ياحياتي ياسر:مابقفل الا لما تقولين لي شذى:قلبي بقولك بس مو الحين ماودي اتذكرها ماصدقت انساها ياسر:اوك يابعد عمري براحتك وش اخبارك بشريني عنك شذى:اكيد اكيد بخير دامك بخير ياسر:عساه دوم يادنياي شذى:يدوم عزك ونبض قلبك ياسر:تسلمين حبي شذى:يسلمك ربي ياسر:حبي اخوك راشد وين شذى:مدري يمكن تحت يمكن بالشركه ياسر:طيب عمري ممكن تتأكدين شذى:اوك ياقلبي ثواني ياسر:اوك انتظرك شذى نزلت تحت شذى:مامي و ين راشد امها:بالشركه ليه تبينه بشي ضروري شذى:لا بس اسأل امها:طيب و ين اختك شهوده شذى:خبري بها بالحديقه هي وماجد امها:زين بروح لهم بتروحين معي شذى:شوي وبجيكم امها:زين وراحت شذى راحت تركض لغرفتها شذى:ياسر ياسر:هلا بعمري شذى:اسفه طولت عليك ياسر:عادي ياقلب ياسر شذى:يابعد عمري اخوي راشد بالشركه ياسر:اوك عيوني اخليك الحين شذى:تعال وين رايح قولي وش تبي برشود ياسر:سلامتك يادنياي شذى:قلبي لاتزعلني قولي ياسر:لاحقه يادنيادي كلها دقايق وبتعرفين شذى بدلع: مابي اعرف بعد دقايق ابي الحين ياسر:يالبى قلب الدلوعين فديتهم شذى:يله وش تبي فيه ياسر مسوي عصب:خلاص قلت لك بعد دقايق شذى زعلت وقالت:خلاص مابي اعرف وقفلت السماعه ياسر:يالبى قلبك وراح لأخوها بالشركه >< داليا كانت جالسه بالحديقه و نفسيتها زفت جاء ابوها عندها و ناظرها بنظرات تحرق وتخوف وقال:الحين ولد ابو سالم جارنا اكيد تعرفينه بيجي يخطبك وبس فكري مجرد تفكير انك ترفضين وشوفي وش يصير داليا تناظر ابوها بخوف ودها ترفض ماعاد تبي تتزوج كرهت الرجاجيل بعد الي سواه سلطان لكن ماتقدر وقالت بخوف: الي تبيه بيصير ابو نايف:روحي يله قولي لأمك تجهز القهوه قبل مايجون داليا:طيب ع امرك وراحت ام نايف:زين الحين تجهز قالس ابوس عن سالم داليا:ايه ام نايف:موافقه داليا:ايه ام نايف:ومقتنعه فيه داليا شوي وبتصيح بس ماسكه نفسها:ايه مقتنعه فيه وراحت غرفته وعلطول نزلت الدموع ودقت ع شذى شذى:هلا داليا دالياتصيح:تعالي ارجوك ابيك لاتخليني بهالظروف شذى بخوف:وش فيك داليا:تعالي وبقولك الله يخليك انا محتاجه لك بهالوقت لاتخليني شذى:اوك مسافة الطريق سلام وقفلت ولبست عبايتها وطيران تحت امها:وين و ين شذى:بروح بيت خالتي داليا تبيني ضروري ماجد:اوصلك شذى:ياليت شهد:لحظه بروح معك امها:وش تروحين معها داليا تبيها وش تروحين تسوين انتي شهد:لقافه شذى:اقعدي في أرضك كلها دقايق وراجعه يله ماجد ماجد:يله وراحو ام راشد:وش فيها غريبه شهد:دقي ع خالتي يمكن تعرف امها:طيب وراحت داخل عند التلفون وشهد وراها >< راشد متفاجأ:ياسر هلا هلا وش اخبارك متى طلعت من المستشفى ياسر:هلا بك قبل اسبوع راشد:الحمد الله ع السلامه ياسر:الله يسلمك راشد:هاه وش عنده ياسر عندنا بالشركه ياسر:جاي اسلم ع ولد جيرانا الي مازراني بالمستشفى ابدا راشد:لا والله كنت ازورك بس والله انشغلت بالشركه تعرف مافيه الا انا وماجد توه يتعلم والشغل فوق راسي الله يعين بس ياسر:الله يعينك ياخوي واذا محتاج شي انا موجود راشد:والله ودي تساعدني بما ان عندك خبره ياسر:امرني راشد:خل الشغل على جنب وقل وش جايبك ياسر:قلت لك اسلم راشد:هات من الاخر اعرفك ماتحب تتمشور الا اذا عندك شي ياسر:والله بصراحه جايك بطلب يد اختك شذى راشد نزل راسه بحزن ياسر بأستغرب:وش فيك راشد رفع راسه وقال:ابوي قبل مايموت قال وسكت ياسر:كمل راشد:ياسر مايأخذ شذى ياسر بصدمه:ليه راشد بحزن:هذي وصيته ومقدر ماانفذها ياسر:انا طلقت زوجتي وبغيت اموت عشانها وفي الاخير ماأخذها لا ياراشد قل كلام غير هالكلام حرام والله حرام راشد بحزن وقهر:والله مابيدي شي والله ادري انك تحبها وشاريها و هي مثلك بس هذي وصية الوالد ياسر قام وهو حزين ومكتئب وحاس ان الدنيا ضاقت به راشد ينادي:ياسر ياسر ياسر مشى ولا كأن احد ينادي عليه راشد بحزن ويدعي:يارب ساعدني يارب يارب دلني ><>< شذى:وبس هذي السالفه يالبى قلب سالم احمدي ربك مليون مره ان سالم بيصير زوجك ياحياتي عليه هذا من يجيها وترفضه داليا:انا مارفضته لانه سالم انا ماودي اتزوج ابدا كرهت الرجاجيل بعد الي سواه سلطان كرهتهم شذى:انا نصحتك بس ماسمعتيني عموما ماتدرين وين الخيره فيه وانا متأكده ان سالم بطيبة قلبه بينسيك كل الي سواه سلطان انت بس انسي سلطان او حاولي تنسين سلطان الحقير النذل وبتعيشين بعدين انت متى فكرتي بالماضي الي اخبره عنك انك دايم تقولين الماضي راح واندفن وش الي غيرك دانه جت وقالت:نايف يقول خلو العروسه تنزل بيشوفها سالم شذى:معقول بهالسرعه داليا:قولي لهم نازله دانه:طيب وراحت داليا:ابوي يبي يفتك مني بااسرع مايمكن يقول انا وطيت راسه بالارض شذى:معليش تحملي كلها كم شهر و بينسى داليا:ان شاء الله يله رايحه ابدل ملابسي و نازله شذى:اوك بنزل تحت انتظرك داليا:اوك >< شهد:يمه من بيتزوج عندهم امها:داليا ياحليلها الله يوفقها و يسعدها شهد:ياهووه وانا اقول وشذا الظروري اثاريها بتتزوج امها:عقبال بناتي شهد:آمين و يرزق شذو الي في بالها امها:آمين يارب شهد:يمه دقيتي ع ام ياسر تشوفين اخبار ولدها امها:لا والله نسيت ذكرتيني الله يذكرس بالشهاده شهد:آمييين و ياك ام راشد دقت وردت ام ياسر ام راشد:السلام عليكم ام ياسر بدون نفس:وعليكم ام راشد:وش دعوه ياوخيتي بدون نفس ام ياسر:بغيتو تذبحون ولدي وتبيني اكلمس بنفس ام راشد:ماتوقعتها منس ياوخيتي ام ياسر:اختصري ام راشد:كنت ابي اطمن ع ياسر ام ياسر:الحمدالله طلع و هو باأحسن حال ام راشد:الحمدالله يله بحفظ الرحمن ام ياسر:اوف وقفلت بوجهها ام راشد:الله يعين شهد:هاه وش الاخبار امها:الحمدالله بخير طلع من المستشفى شهد:الحمد الله >< شذى:ياهوه ياعروسه وش تسوين كل هالوقت ساعه تلبسين داليا ابتسمت وماودها وقالت:شكلي مرتب شذى:تهبلين يله قبل مايعصب ابوك دانه:يله انتي ابوي معصب داليا انتفضت من الخوف وراحت للمجلس الي فيه سالم ودخلت بهدوء وكانت مستحيه سالم ذاب معها و علق عيونه فيها نايف:طيب سلمي داخله ع مسلمين سالم ابتسم داليا بصوت واطي و هادي:السلام عليكم وجلست سالم و نايف:وعليكم السلام نايف:بدري هاه عجبك ولا ماعجبك سالم ضحك داليا رفعت عينها ولقت عيونه معلقه بعيونها و نزلتها علطول وقامت وطلعت من الحياء نايف ضحك وقال:تبيها ولا لا بسرعه سالم:ماامداني انت وش فيك مهجول عموما انا مابي غيرها نايف:بالمبارك الله يتمم عليكم بخير و يوفقكم و يسعدكم يارب وراحو عند الرجال سالم:متى الملكه ابو نايف:وش فيك مستعجل سالم:من ولدك كل شي يبيه بسرعه نايف ضحك ابو سالم:يعني خلاص نتفق ع كل شي موافق سالم:ايه خلاص هذي البنت الي عاجبتني ابوه:ع خير ان شاء الله ابو نايف:خلاص اجل الاربعاء الجاي الملكه نايف:بدري مابيمديهم يجهزون ابوه:الا بيمديهم اسبوع كامل مب كفايه سالم:الا كفايه وزياده الكل ضحك ابو نايف:ع خير ان شاء الله >< نايف:هاه يابنيتي وش رايك بسالم داليا مبتسمه:زين ياحليله شذى:يعني عجبك يالحلوه داليا بنفسيه غير:ايه عجبني دانه:واخيرا بنفتك منك اوف مابغينا داليا:اقول اسكتي انت وجهك دانه:هههه ياحليلك ياوخيتي شذى: انا استأذن الحمدالله اطمنت عليك يله سلاموز ام نايف:اقعدي وين تونا شذى: عندي دراسه بكره وزحمه يوم ثاني ان شاء الله ام نايف:زين يمي من بيوديك شذى:ماجد برى مع تركي يله حافظكم ربي وراحت >< ياسر ركب سيارته ويمشي و يمشي ولا يدري وين يروح و يمشي وقطع مسافه طو يله طويله و هو يمشي وفجاءه لقى نفسه قدام صديقه الوحيد الي يعرف كل اسراره وهمومه و يخفف عنه بدون ماينطق بكلمه الي هو البحر ياسر وقف قباله وحكى له كل شي بقلبه عن طريق لغة العيون ويناظر للبحر بحزن وكآبه وحس ان الدنيا كل مالها تضيق وتتسكر بوجه ياسر بنفسه ليه يالدنيا ليه ليه تعذبين قلبي وقلبها ليه تشيلينا هموم اكبر منا وتحرقين قلوبنا اكثر يارب يارب رحمتك فينا يارب >< شذى:السلام عليكم ياأهل الدار امها وشهد:ههههه امها:وعليكم السلام شهد:هاه وش اخبار داليا شذى:بخير ياحليلها بتعرس وبتخليني <وبستهبال>آهيء آهيء فواز توه نازل من غرفته:السلام عليكم الكل مستغرب ومستانس بنفس الوقت وبصوت واحد: فواز فواز:ايه فواز وش فيكم امه:الحمدالله ع السلامه ياوليدي واخيرآ طلعت من السجن الي حابس روحك فيه وصاحت فواز قرب لأمه وقال:يمه يالغاليه لاتصيحين دموعك غاليه واوعدك ارجع فواز الاول امه:هذي دموع الفرح الحمدالله ياوليدي انك طلعت من الحاله الي انت فيها الحمد الله شذى نزلت دموعها وقالت:ماتوقعت انك غالي علي لهدرجه يالبزقه فواز ضحك وقال:كملي رومنسيتك خربتيها بالبزقه شهد:تعرف اختك كلها جلافه فواز:ههههه يله انا ودي اطلع برى مع بدر اغير جو امه:اطلع يايمه بس لاتأخر فواز:اوك يالغاليه وطلع راشد دخل عليهم و وجه باين عليه الحزن وقال:شذى تعالي ابيك فوق بغرفتي شذى:اوك ولحقت اخوها