الفصل 5
الجزء الخامس:
دانه:شوفي بدون مقدمات وخرابيط ترى تروك يحبك
شهد: والله اني حاسه
دانه:كيف حسيتي
شهد:ماتشوفين نظراته انتي كل مالفيت عليه لين عيونه فيني هو وجه
دانه:ههههه طيب وش ارد له
شهد بااستغراب:وش تردين له؟
دانه:هو قالي جسي نبظها لانو بيخطبك
شهد:يخطبني خير يمون مابتزوج الحين
دانه:من قال انكم بتزوجون الحين خله يتوظف ويخلص الجامعه بعدين يصيرخير بس يبي يحجزك الحين
شهد:اها بس ترى انا اعتبره مثل مجود ورشود وفوازوه
دانه:يعني انتي تحبين غيره
شهد:لا مالقيت الا شهد هاهاها
دانه:يعني موافقه عليه مبدئيآ
شهد:ايه اخوك مشاء الله مافيه عيب والي تعرفه احسن من الي ماتعرفه
دانه:ياهووه يافيلسوفه
شهد:يله عاد ماخلصتي ابي العب
دانه:اوك يله
><
مر اليوم بسعاده والكل استانس لكن السعاده عند بعض من الناس مب كامله لان كان المقصود منها محاوله نسيان او تسلية وتبقى الدنيا مقلوبه ولامكان للهدوء فيها<اعاننا الله عليك ياالدنيا>
><
شذى:ياربيه احس اني دايخه كل منك يالشينه
داليا:هذا انتي على السرير خمدي وخليني اخمد لو سمحتي
شذى رمتها بالمخده وقفلت جوالها ونامت من دوخة اللعب
><
تركي:خلصيني وش قالت تأخرت على الشباب
دانه:هههه ياهوه يامتحمس
تركي عصب:دانوه وجع من ساعه وانا اسحب الكلام منك خلصيني وش قالت
دانه:ياخي موافقه ازعجتني
تركي وبيطير من الفرحه ومو مصدق قال:قولي والله
دانه:الحمد الله والله انت وجهك رح تأخرت على شلتك
تركي:قولي آمين جعل السعاده دوم بطريقك
دانه:آمين وياك يله عاد اقلب ابي اخمد
تركي:خمدت العوافي
دانه:يعافيك ربي وراحت تنوم
><
ياسر وصل الرياض وعلطول مسك جواله وارسل:{بعدت عنك يالغلا علشان مازعجك بوجودي حولك}
وحط راسه و من تعب الطريق
نام
><
راشد:اجل وين ياسر الدب
زيد:تخيل رجع الرياض
ماجد:اشتاق للحبيبه
سعد:هههه لايسمعك ترى بياكلك
احمد:ايه والله بسم الله علي كان بياكلني
نايف:ياحليلك ياياسر يله خلونا نفلها و نلعب بلوت
الشباب:يله
><شذى:كيف يعني مب طالعين اليوم
ام نايف:الشباب ماجو الا الظهر مب قايمين الا اكيد المغرب كانه مب العشاء
فواز:في امل نطلع العشاء يعني
ام راشد:يمكن
داليا:كم الساعه الحين غريبه المزعجات ماقامو
شذى:٢ونص وش رايك نروح نقروشهم
داليا:يله وراحو
بدر:سوسو نايمه
ام نايف:مانامت الا الفجر مدري وش فيها امس تصيح خلوها نايمه ماصدقت تنوم اوجعت راسي
ام راشد:عطيتيها اكل يمكن جايعه
ام نايف:ماخليت شي ياوخيتي
ام راشد:يمكن ممصعه حد مايشلون فيها وكل واحد بطريقه
ام نايف:يمكن وشكلها مروعه كل ماغفت شوي قامت مرتاعه
ام راشد:يمكن من صراخ العالم امس
ام نايف:مدري ياوخيتي
فواز:بدير وش رايك ننزل تحت لسوبر ماركت
بدر: قدام
ام راشد:اصبرو خذو ذا الورقه وجيبو المكتوب فيها ناقصنا اغراض
فواز:يوه يمه مشوار
ام نايف عصبت:اصبرو لاتروحون رجاجيل بالاسم بس
تنادي شذى داليا
شذى وداليا جو
ام نايف:روحو معهم السوبر ماركت وجيبو الاغراض الناقصه
داليا:و ناسه يله
شذى:حبتييين وراحو لبسو عبايتهم و نزلو للماركت
><
دانه قامت ومالها نفس
شهد:الله يصلحهم ذا القروشه
دانه:امين هين مردوده
شهد:وش رايك نسوي فيهم مقلب
دانه:قدام بس خلينا نصلي وبعدين نفكر وش نسوي
شهد:يلا
><
بدر:بسرعه مب تقعدون تتمشون
داليا:والله بنتمشى واذا بتروحون روحو ندل الفندق
شذى:معليس منهم امشي خلينا نتمشى ونوسع صدورنا
داليا:مشينا
فواز:والله عطيناهم وجه امش خلنا ندور اشرطة لسوني
بدر:قدام
شذى:وش رايك نأخذ باونتي علشان القهوه
داليا:خذي عاد انتي تذوبين عنده والا اقولك نوعي احسن
شذى:اوك وش رايك ناخذ ليز وحركات علشان الشاهي
داليا:خذي الي تبين الله يعين اهالينا علينا
......:آمييين
شذى وداليا لفو لشخص الي يتكلم وجمدو مكانهم
...... يناظرهم و يبتسم
شذى وداليا يناظرون وذايبين معه
......:سلطان
شذى و داليا استوعبو الي يصير
شذى بحده:وش نسوي لك
سلطان:اتعرفو علي
داليا بااستهزاء:هه هه
سلطان:ههههه حلوه منك
شذى:اقول رح نم بس
سلطان:انام توي قايم بس عشانك اروح انام كم عندي وسكت وقال الاسم لو سمحتيشذى:سلطانه وسحبت داليا وكملو تشريهم
سلطان:وراك وراك ياحلو
داليا:من الاخر وش بغيت
سلطان:ودي اتعرف بصراحه
داليا:طيب هات رقمك
سلطان استانس وطلع كرت وعطاها
داليا:مشاء الله مجهز كل شي
سلطان بخبث:طبعا يله انتظر اتصالكم
وراح
داليا:وش رايك فيني
شذى:هيه انتي خير تأخذين رقمه
داليا وداخلها كلام غير الي تقوله:ههههه مافهمتي انت وخشتك انا خذته علشان نفتك منه ومن ملاحقته لنا
شذى:هههه طلعتي اشطر مني
داليا:هههه اعجبك
شذى:بس وش رايك فيه
داليا بحماس: والله يذوب الله ياخذ عدوه ذبت معه
شذى:مشاء الله كامل والكامل الله ملاك في الارض
داليا بتحسر:يذوب كشخه الله يرزقني بواحد مثله
شذى:آمين واضح انه ولد كباريه
داليا:ماتشوفين الكرت كله ارقام شوفي من ولده سلطان ال.....
شذى:قولي والله
داليا:والله هذا الكرت قدامك
شذى:ياحليله يله امشي عاد ترى تأخرنا
داليا:باقي اغراض
شذى:عارفه يله نروح نأخذها ونحاسب بسرعه ياويلنا من الي في الشقه
داليا:يله طيب وين الشطار
شذى:تلقينهم بقسم اشرطة السوني
داليا:ياربي ذولي مايملون
شذى:مالقيتي الا ذولي يله امشي نشوفهم
><دانه:وين القروشه
ام راشد:من ذولي
شهد:هاهاها بناتكم الحلوات
ام نايف:راحو يجيبون اغراض ناقصتنا
دانه:من الماركت الي تحت
ام راشد:ايه
شهد:يمه بنلحقهم
ام نايف:هاه منتب صاحيه وش تبين هم راحو يجبون اغراض ناقصه
دانه:نتمشى
ام راشد:العشاء بنروح للمول تمشو لين تتكسر رجليكم
شهد:حبتيييين
><
ابو نايف:يله قومو وش تحترون يله يله الله يصلحكم
راشد فتح عيونه وناظر لشباك وشاف السواد مخيم جلس و قال:يووووه كم الساعه الحين
ابونايف:بيأذن العشاء بعد دقايق
يله تركي ماجد نايف يله الله يهديكم وراح
راشد قام من السرير وراح ياخذ له شور علشان يتنشط
نايف قام وشاف الساعه وقال:يوووه غريبه البنات مااقلقوا صحتنا
تركي وماجد قاموا
تركي:تلقاهم مزعجين ابوي وعمي
ماجد ابتسم وقف بيروح بيتوضأ وقال:يله خلو عنكم البنات وقوموا ورانا صلاة
الشباب:يله جينا وراك
><
ياسر فتح عيونه و ناظر جواله وشاف الساعه ٨ونص :اوف وش عندي نايم لهالوقت
وقام وخذى شور وصلى وصلح له كابتشينو وجلس يطالع التلفزيون ويقلب من قناه لقناه وفي الاخير ثبت على قناة رياضيه
دقايق و دق جواله
ياسر:هلا حبي
آثير:هلا وصلت بالسلامه
ياسر:ايه الحمدالله
آثير:الحمد الله وش فيه صوتك توك قايم من النوم
ياسر:ايه والله قبل نص ساعه
آثير:طيب كلت شي
ياسر:لا والله ماشتهيت
آثير:طيب براحتك اذا اشتهيت اتصل على المطعم الي جنب البيت اكلهم زين بيعجبك
ياسر:اوك
آثير:اخليك الحين بس حبيت اتطمن عليك بحفظ الرحمن
ياسر:حافظك ربي
ياسر سند راسه على الكنبه وقال:آه ياقلبي المحروق
دق جواله بنغمة رساله
{مافهمت}
ياسر:يابعد الدنيا هذي كلها
ورسل:{اقصد اني رجعت الرياض حياتي}
شذى قرتها ورسلت:{طيب وش اسوي لك }
ياسر قراها وضحك وقال يخليها لما تهدأ اعصابها
نروح لشذى
شذى:غريبه مارسل بكيفه وحطت جوالها بالشنطه وخذت عبايتها وراحت لصاله
شهد:ياربيه وش يسون ذولي
ساره جت تحبي على الارض
شهد:يازينس والله وشالتها خالتي اقري علي بنتك المعوذات
ام راشد:ايه والله ياوخيتي انتبهي لها
ام نايف:عطينيها وجلست تقرأ ع بنتها
شذى:غريبه و ين داليا
دانه:بالغرفه حقتنا انا وشهد
شذى خافت:وش تسوي
دانه:تقول تكلم صديقتها غلا
شذى اطمنت:آهافواز جاهم من تحت وقال:يله ماودكم تروحون
ام راشد:يله جينا شذى يله روحي نادي بنت خالتك ترى بنروح عنها
شذى:طيب و راحت لها
داليا ارتبكت وقالت:يله غلا اكلمك بعدين
شذى:وش فيك
داليا:سلامتك ولا شي
شذى تناظرها بنظرات تحرق وقالت:يله بنروح
داليا:يله
><
سلطان:والله وعلقناك ياداليا يابنت ابو نايف
ابوه:عفي عليك ياوليدي يومك بالماركت ممثل زين ولا كأنك تعرفهم هههه عجبتني ياوليدي
سلطان:اعجبك بو سلطان
ابوسلطان: بكذا نقدر نمسك ابوها من اليد الي تعوره هاهاهاها
سلطان:بس توني ماسويت شي
ابوه:اهم شي انها كلمتك و هذا اهم شي والصوت لازم تسجله
سلطان:اوك اجل ابوها الي مايسوى ظفر بيخسرنا تجارتنا لاهو ولا عشره من امثاله
ابوه يناظر ولده ومستانس منه لانه بيطلع شرير عليه<اعوذ بالله الله يبعد عنا ذا الاشكال
><تركي:يمه عطيني سوسو
امه:وش تبي بها
تركي:بروح اشتري لها العاب مسكينه محد عبرها بناتكم راحو يتمشون و يشترون لأنفسهم ولا فكرو في ذا المسيكينه
امه وخالته ضحكوا
امه:زين وانتبه لبنيتي
ماجد:لا ياخالتي كنك هزئتينا شكبرنا شعرضنا وتقولين انتبهو لها
تركي ضحك وقال:يعني ماتخاف على بنتها
ماجد:ايه صرف هههه
ام راشد:الاوين راشد وابوه و نايف وابو نايف
تركي:يقولون بيروحون يشوفون مشروعهم الي بالخبر وعندهم اشغال بيقضونها وبيجون
ام نايف:وذا الشغل مايخلص حتى وهم بااجازتهم شغل
ام راشد:احسن لهم اذا جو معنا وخصوصا للمول هبلوبنا خليهم بعيد احسن
تركي:يله إنا رايحين توصون شي
امه:سلامتكم بس انتبهو لبنيتي
ماجد: هههه طيب لاتوصين حريص وراحوا
ام راشد:قومي ياوخيتي نتمشى و نشوف لنا كم قطعة قماش تصلح للعروس المقبله
ام نايف:ذكرتيني ياوخيتي الله يذكرس بالشهاده عندي عروس ياكثرها الله يعين شوفي ذا المحل الي قدامنا شكل عنده اشياء سنعه
ام راشد:يله
><
ياسر دق على شذى و قفلت بوجه وقفلت جوالها
شذى بعصبيه:اوف اوف
داليا:وش فيك بسم الله
شذى:ياسر مالت عليه
داليا:ليه ماتردين تشوفين وش يبي
شذى:وش عندها تبيني ارد
داليا:بكيفك تبين تردين ردي ماتبين لاتردين
شذى:داليا وش عندك انتي اليوم من جينا من الماركت وحالك منقلبه
داليا ارتبكت وقالت:هاه لا مافيني شي وتصرف وتقول شوفي ذيك البلوزه مو حلوه
شذى عرفت انها تصرف ومشتها لها:الا حلوه
><
شهد:وش قال حبيبي يوم درى اني وافقت هههه
دانه:ياهوه ياحبيبي عموما استانس واحس ان وجه ردت فيه الروح يوم سمع الخبر
شهد:شكله ذايب الاخ
دانه:شويه ذايب هههه
شهد:واو وش هذا
دانه:وشو
شهد:شوفي البنجابي ياخذ العقل
دانه:واي يهبل
شهد:بروح اشوف اذا فيه قدي خذيت لي
دانه:وانا بعد عجبني شكله
شهد:وش رايك ناخذ نفس اللون ولا كل وحده غير
دانه:خلينا نطقم علشان عزيمة بنت خالي
شهد:اوك يله
><
بدر:انت ترى رجلي تكسرت امش خلنا نروح نلعب
فواز:انت ماتمل امس لاعبين لين قلنا بس
بدر:بس هنا فيه العاب احلى
فواز:اوك قدام
><
شذى:ياربيه طفشت مدري وش فيني حاسه اني مليت
داليا :حتى انا مثلك حاسه اني ابي ارجع لرياض
شذى:عسانا بس صاحين
داليا:ههههه
شذى:ابي اروح للبحر
داليا:اها قولي انك اشتقتي لياسر
شذى بدون اهتمام:من زينه عاد عشان اشتاق له خلاص ماصار يهمني
داليا:ياهوووه ياقوي
شذى:امشي بس ولايكثر انتي وخشتك
داليا:هههه مشينا
><ماجد:من ساعه وإنا بذا المحل ولا شريت لها شي
تركي:مافيه شي يناسبها
ماجد:اكيد مابتلقى مافيه محل ألعاب يالمهجول
تركي:الا اجل وش ذا
ماجد:عساك صاحي ياوخيي انت قبل ماتدخل قاري اللوحه
تركي:لا بس شكله حق اطفال
ماجد:حق اطفال مب العاب يالمهوي أقول امش لين طلعنا من المول بوريك محل العاب مناسب لعمر الدبدوبه
تركي:اصبر بشتري لها من ذا المحل
ماجد:وش بتشتري لها اخلص علينا
تركي:اقول كلها حقت سنتين وفوق ماتناسبها يله مشينا
ماجد:مشورتنا على الفاضي
تركي:هههه الله يعينك علي
ماجد:آمييين
><
ام ياسر:آثير دقيتي على ياسر
يسرى:اكيد يمه تبينها ماتكلم حبيب القلب وضحكت
آثير استحت وقالت:افهم بس من الي سألك
يسرى:عليك وجه صار طماطه هههههه
آثير:كلي تبن ياالشينه
ام ثامر:هذا انتو تزوجتو ولما الحين وماعقلتوا الله يصلحكم
آثير:يمه بنت اختك ادعي لها بثبات العقل الحمد الله والشكر هههه
ام ياسر:الله يهديكم
><
ياسردق ع شذى وردت
شذى بعصبيه:وبعدين معك يعني
ياسر:ليه الحلو معصب
شذى:اوف انت شفت الساعه قبل ماتدق
ياسر:الا
شذى:كم عندك يمكن وقت الرياض و الدمام تغير
ياسر:ههههه حلوه منك يالحلوه
شذى بضحكة استهزاء:هه هه
ياسر:بس حبيت اسمع صوتك قبل ماانام
شذى:سمعته خلاص استانست والله انا اقول تروح للي فضلتها علي وصارت زوجتك احسن
ياسر حس ان احد طعنه بقلبه وقال آه بتعب وضح في صوته مره
شذى خافت عليه وقالت بكل حنان:ياسر وش فيك
ياسر بتعب:سلامتك شذو
شذى:ياسر لاتنسى اني اعرفك اكثر من نفسي لاتخبي علي
ياسر حاول يغير صوته ويرجع طبيعي قال:هذا انا اكلمك مافيني شي سلامتك
شذى:ياسر
ياسر:ياروح وقلب ياسر
شذى نزلت دمعه من عينها ومسحتها وتجاهلتها وتجاهلت كلامه وقالت:ادري ان الآه الي تو طلعت منك بسب كلامي ترى ماتوقعتها ممكن افهم انا الحين من بالنسبه لك؟احترت بصراحه مره تقول انك تتسلى والحين واضح انك تحبني
ياسر:ياطول اجابة هالسؤال
شذى:طيب احكي لي نصها
ياسر:انتي كل شي بحياتي بدنيتي كل شي كل شي
شذى:طيب ليه تتعمد تجرحني انت الي تحبهم تحب تعذبهم وتجرحهم
ياسر:لا ياروح ياسرشذى:يعني انت لما الحين ماجرحتني
ياسر:ادري ياعيوني اني جرحتك وعذبتك بس انتي ونزلت دموعه وسكت
شذى:قلبي وش فيك كمل
ياسر استانس وحس الدنيا مو واسعته من الفرحه ومسح دموعه وقال:عيدي الكلمه الله يخليك آه يازينها من فمك
شذى استوعبت انها قالت هالكلمه وحبت تجرحه ترد لو شوي من الي سواه فيها وقالت برود:اوه معليش جت بالغلط
ياسر:عيديها لو بالغلط تهبل منك
شذى:على فكره انا فيني النوم ومب رايقه لك لو سمحت اذا بتدق دق بوقت زي الناس لااااا وش تدق لاتدق لو سمحت
ياسر رجعت تدمع عيونه وقال:اسف على ازعاجك وربي ان اصابعي هي تدق رقمك بدون مااحس فيها
شذى نزلت دموعها الي حابستها من اول المكالمه وقفلت وجلست تصيح
داليا :وش فيك وش قال لك
شذى تناظرها وتصيح
داليا:الله يعينك
دق جوال داليا
داليا:من ذا المزعج الي داق هالوقت وشافت الرقم ابتسمت وناظرت شذى
شذى مسحت دموعها و ناظرتها وقالت:من
داليا ارتبكت وصرفت:هاه ايه هذي غلا
شذى:وش عندها كل شوي داقه
داليا:خليك بياسر وخليني انا وغلا
شذى:داليا انا عندي احساس قوي ان هذي مب غلا
داليا بدون اهتمام قالت:هذا سلطان ارتحتي
شذى:وليه كلمتيه
داليا:نسيتي انك تو مكلمه ياسر
شذى:بس فيه فرق بينهم
داليا:وش الفرق كلهم رجاجيل غرب عنا لاتبررين
شذى:اوك بس لاتقولين اني ماكلمتك ونصيحه ابعدي عنه
داليا:اذا بعدتي عن ياسر بعدت عن سلطان
شذى:اولا انا ماكلمته هو كلمني ومارديت الا يوم ازعجني
وثانيا انا ببعد عنه لان الي جالسه اسويه حرام والله يتوب علي
داليا:اوك خليك بحالك لو سمحتي
شذى:نصحتك وكيفك
داليا:طيب نومي ولا انشغلي بحبيبك
شذى ناظرتها بنظرات حاده ولفت وانسدحت وغطت نفسها باللحاف
داليا بعد ربع ساعه ناظرتها تبي تتأكد انها نامت ولقتها نايمه
دقت على سلطان وعطاها مشغول
داليا:هههه يعني شو الفرقدق جوالها
داليا بصوت واطي:هلا
سلطان:هلا بدودو
داليا:آهلين
سلطان:شو مانمتي
داليا:لا مابقى شي ع الفجر بصلي وبنام
سلطان:اها بسألك سؤال تجاوبيني بصراحه
داليا:آكيد
سلطان:انتي داقه تتسلين ولا وش غرضك اتمنى فهمتي السؤال
داليا:بصراحه اتسلى
سلطان بخبث:يوه لو تدرين وش غرضي كان ماقلتي هالكلام
داليا:ليه وش غرضك انت؟
سلطان:بصراحه مب عارف ليه حاس اني اعرفك من زمان ومرتاح لك كثير<حقير قهرني>
داليا:شي حلو بس شلمطلوب
سلطان:انا ودي تصير علاقتنا علاقة حب
داليا:لا والي يرحم والديك بلى الحب
سلطان:ليه بس
داليا:بدون ليه كذا ماابي احب
سلطان:وليه الحلوه عصبت
داليا:هههه لا ماعصبت بس تجارب الي حولي خلتني اكره الحب
سلطان:اها علشان هيك
داليا:ايه
سلطان:انتي جربي الحب معي مابتخسرين شي
داليا:اوك بفكر اجرب
سلطان:خذي راحتك في التفكير
داليا:اخليك الحين بروح اصلي وانام
سلطان:تقبل الله و نوم العوافي ياعمري
داليا:منا ومنك صالح الاعمال
ويعافيك ربي
><
الساعه:٩والنصف صباحا
ياسر جالس على الكرسي ومغمض عيونه و يفكر بشذى قطع تفكيره نغمة جواله
ياسر:هلا زيزو
زيد:اهلين وش اخبارك؟الحمد الله على السلامه وبعدين ماتعرف تدق وتقول وصلت بالسلامه
ياسر ابتسم ابتسامه حزينه وقال:وحده وحده شوي شوي علي انا بخير والله يسلمك واسف حقك علي نسيت اتصل
زيد:ايه صدقت نسيت مشاء الله اذا بتصرف صرف زي الناس
ياسر:خلاص عاد قلت لك اسف
زيد:اوك ولد خالتي وصديقي مقدر ازعل منك
ياسر:ماتقصر زيزو
زيد:المهم ترى انا والشله رجعنا الرياض
ياسر:صدق ليه
زيد:طفشنا والجلسه بدونك ماتسوى
ياسر:تسلم تعال عندي بالبيت ماعندي احد وانت ماعندك احد يله انتظرك
زيد:اوك بس بسوي كم شغله وبجي
ياسر:اوك
><ام راشد:يالله صباح خير وش فيك انت و ياها
شذى:يمه شوفي فوازوه
امها:وش فيه وش مسوي
شذى:يبي ذا القناه وانا ابي قناة ثانيه ومب راضي يحطها
امها:وانتم كل يوم على هالحال
وانت وش جايبك بجناحنا كن ماعندكم تلفزيون بجناحكم
فواز:بدر يلعب سوني
شذى:مشاء الله وإنا الي نروح فيها وبدور يلعب خير يله ضف وجهك
ام نايف جت:وش فيكم عسى خير
ام راشد:تعرفينهم كل يوم على نفس السالفه
ام نايف :اشوف عطوني الريموت
شذى:خذي خالتي
ام نايف طفت التلفزيون وخلت الريموت معها
فواز:خالتي
ام نايف:اذا اتفقتو على قناة وحده عطيتكم
ام راشد:ايه كذا عليس بهم ياوخيتي
شذى: ههههه الله يعينا عليكم اذا اجتمعتو اسكت احسن
امها:الله يصلحك يابنيتي هذا الي ينفع معكم وش نسوي بكم
شذى:هههه مامي ابي فطور وش عندكم
امها:كل خير روحي المطبخ وكلي
شذى:اوك وقامت وراحت
وفواز راح لبدر
ام نايف:اسمعي ياوخيتي امس تركي كلمني بموضوع يخص شهد
ام راشد:عسى خير
ام نايف:كل خير يبيها له زوجه
ام راشد بفرح:الساعه المباركه ياوخيتي وانا بنلقى احسن من تروك بس هو مابعد خلص دراسه
ام نايف:ايه هو يبي يحجزها لين يخلص ويتوظف و يعرسون بعدها
ام راشد:الساعه المباركه بس ناخذ راي شهد و نرد لك
ام نايف:البنت موافقه
ام راشد بااستغرب:مو افقه
ام نايف:ايه تركي خلا اخته دانه تسألها و هي موافقه
ام راشد:هههه ياحليلهم اجل مابقى الا يخطبها من ابوها
ام نايف:ايه وانا بقول لأبو نايف يكلم ابو راشد
ام راشد:على خير ان شاء الله
><
شذى جلست على الكرسي الي بالمطبخ و خلت الخدامه تجهز لها الفطور وكانت تفكر بياسر
شذى بنفسها وش يقصد بالفرق الي بينا قصده السن لا مااعتقد وش دخل السن ايه اكيد يقصد الطبقه الاجتماعيه بس انا قلت له بتحدى العالم عشانه الحين انا ليه جالسه افكر فيه معقوله لما الحين احبه بعد كل الي سواه لازم انساه بس مب عارفه انساه هو عايش بحياتي بكل جزء منها عايش فيها آه حرام عليك ياياسر وقطع تفكيرها صوت الخدامه:ماما فطور جاهز
شذى:شكرا
وحاولت تطرد تفكيرها بياسر وانشغلت بالفطور
><
بدر:فواز كم الساعه
فواز:١٠ونص
بدر:وش رايك نروح نهجول تحت
فواز:قدام بس وين نروح
بدر:وش رايك نروح لصالة البلياردو الي تحت ولأ المقهى وش رايك
فواز:كلهم مشينا
بدر:مشينا
><
خلصت شذى فطور وراحت للغرفه
وسمعت تلفون داليا يدق ورقم بدون اسم
تم الجزء الخامس