خاطري مكسور من قسوة زماني كاملة - الفصل 3 - بقلم دقة قلب مجروح - مكتملة | روايتك

::::الجزء الثالث:::: شذى لما سمعت اسمها حست ان رجليها اتثبت بالمكان وماقدرت تحركها علشان تمشي ياسر بكل هدوء قرب منها وناظر بعيونها بهدوء وحزن شذى نزلت عيونها وقالت بخوف:ممكن اروح لأهلي ياسر واقف ومب حاس بلي جالس يسويه وقرب منها اكثر ومسك ايدها شذى بخوف فكت يدها من ايده ومشت ياسر منعها وقال:ليه شذى تناظر فيه بخوف ياسر قرب لها مره وقال بحزن:ليه طلعتي بحياتي بعد مانسيتك او بالاصح حاولت انساك لازم ترجعيني للعذاب لازم تسرقين النوم من عيني ليه ليه شذى نزلت دموعها وقالت بعصبيه:ياحقير ابعد عني ومشت عنه ياسر تم يطالعها لما اختفت وماعادت تبين ركب سيارته وهو مو حاس بنفسه ولا بلي سواه ورجع لشقه >< داليا:هذي هي جت حظرتها ام راشد:وش فيك تأخرتي شذى تصرف: هاه ايه ايه من سيارتكم ذا القريبه حاطينها في الشيطان الكل ضحك عليها ام نايف:يله اجل اقعدو انتم عند الاغراض وانا و وخيتي بنروح نتمشى داليا:اوك يمه عطيني سوسو امها:لا خليها تتمشى داليا ضحكت وقالت:اوك شذى تناظر لجهة البحر وكل شي قبل ٣سنوات بكل تفاصيله تحس انها تناظره بالبحر وصورة ياسر متعلقه بخيالها وحاولت تنسى ع الأقل بهاللحظه علشان داليا ماتعصب عليها لكن ماقدرت داليا عصبت:بكيفك انا قلت لك انسي علشان ترتاحين لكن ماتبين شذى ناظرتها بهدوء وقالت:والله حاولت لكن ماقدرت و يوم جيت بمسحه من حياتي طلع فيها وش تبيني اسوي داليا:طيب ليه تأخرتي حسيت انك تصرفين شذى قالت لها كل شي صار داليا مب مصدقه :قولي قسم بالله شذى:والله ماالعب عليك هذا كل الي صار داليا:معقوله هو يحبك للحين بعد كلامه الي قاله شذى بتفكير متشت:مدري بس الي واضح في عيونه انه يحبني لحد الحين داليا:هو صح عيونه واضحه فيها الحب بس اهم شي قلبه نصيحه يابنت خالتي حاولي تنسينه واعتبري الي صار اليوم شي ماصار وضميه لثلاث السنوات الي طافو شذى:بحاول داليا فتحت جوالها وفتحت ع رساله لها مده موجوده بصندوق الوارد وقالت:شوفي رسالتك الي ارسلتيها لي وقلتي اقريها اذا نسيتيها اقريها عشان تذكرين حقارته ونذالته شذى مسكت الجوال وتقراها ودموعها تصب سيول:{لاتنصدم اذا قلت انا اليوم ماابيك كنت اتسلى فيك وانتهى اليوم دورك وعلى فكره انا ماعمري حبيتك بس كنت ابي اسلي نفسي فيك بصراحه استانست معك بايو شوفي الحقير وش ارسل لي} قفلت الرساله واتجهت عيو نها المليانه دموع للبحر >< ابو راشد:وش رايك يابو نايف نركب لنا سفينه ياسلام شف الناس مو سعين صدورهم ابو نايف:وش ورانا يله خلنا ندق على العيال ونركب جميع ابوراشد:يله بدق على ام راشد وبقولها وانت دق على نايف خلهم يجون العيال ابو نايف :زين>< ام راشد:ماالوم هالبنات والله منقطعه قلبوهم على ذا البحر ياسلام ياوخيتي هواه يرد الروح ام نايف:صدقتي يا وخيتي مب كن ذوليك شهوده ودنو ام راشد:الا هم وش يناظرون وش ذولي متجمعينن عليه ام نايف:امشي خلنا نشوف ام راشد دق جوالها وردت وام نايف راحت عندالبنات ام راشد:هلا ابو راشد ابو راشد:وينكم ام راشد:نتمشى بغيتو شي ابو راشد :ايه دقي على البنات بنروح نركب السفينه ام راشد:زين ثواني وبنجي ام نايف:وش فيكم متجمعين دانه:هلا يمه عيالكم بدير وفوازوه مطاقين امها بخوف:وش تقولين انتي شهد:هدي خالتي الشباب كلهم هنا و يهدون الوضع ام نايف بعصبيه:الله يصلحهم هبلوبنا ام راشد:وش فيكم ام نايف بعصبيه:بدير وفوازوه مدري متى بيفكونا و يا ذا المشاكل ام راشد بخوف:ليه وش سوو وش فيهم شهد:هدي يمه الشباب جالسين يهدون الوضع افترقو الناس وطلعو الشباب بسلام وحلو المشكله بهدوء ام نايف بصراخ وعصبيه:انت و ياه متى بتفكونا و يا مشاكلكم هاه راشد بنظرات تحرق لبدر وفواز:هدي خالتي شغلهم بعدين الاول ماقالو لكم تنزلون والحين مطاقين بدر وفواز يناظرونهم بقرف وتقدمو عليهم ام راشد:صدق شين وقوي عين نايف يصرف السالفه:خالتي يمه دقو عليكم ابوي وعمي ام راشد:ايه دقو ويقولون بيركبونا بالسفينه و نسوني هالثنين اقولكم نايف:اجل يله مشينا علشان مانتأخر عليهم راشد:كلكم فيه كنكم ناقصين ام نايف:ايه اختك وداليا جالسين عند الاغراض بدر وفواز بصوت واحد:بنسبقوكم إنا ولا امشو بسرعه شهد:صدق انكم ماتستحون ماجد:اسفهوهم بزارين تركي:هههه ياحليل البزارين وك وك واااك بدر وفواز بااستحقار ناظروهم وراحو ام نايف:محد بيجيبلي الامراض النفسيه والعصبيه وكلش الا ذا الثنين ام راشد:بسم الله عليك هدي ياوخيتي نايف:روقي مامي هذولي شغلهم عندي بعدين >< >< داليا:انتي لاتخلين احد يحس ان فيك شي هذولي هم جو خليك طبيعيه ترى تو امي وامك يسألوني مااقتنعو بالسبب الي قلت لهم شذى:ليه وش قالو داليا:بعدين اقولك شهد:وش عندهم اول ناس جاهزين داليا:وش جاهزين وغريبه كل الجيش رجع شسالفه ام راشد:قومو بنروح نركب سفينه داليا بوناسه ومب مصدقه قالت:صدق حبتييييين دانه:انتبهي تتشققين هههه داليا:ضفي وجهك ابو راشد وابو نايف والشباب كلهم متجهين للحريم علشان يروحون يركبون السفينه ام نايف:يله قومو هذولي هم جو قامو كلهم الا شذى اصلا ماكانت تدري وش يقولون داليا عصبت و نزلت عندها وبصوت واطي قالت:هيه انتي قومي وانا وش قايله لك شذى ناظرت لهم واستغربت وجودهم كلهم:وين بترحون وش صاير بترجعون الفندق داليا: انا داريه من شفتك ماقمتي وانا عارفه انك ماتدرين وش السالفه قومي يلا بنروح نركب السفينه شذى:طيب وقامت وراحو وركبو السفينه الناس فرحانين ومبسوطين و شذى طبعا مب معهم تركي عيونه على شهد ولازم يعلق على كل حركه تسويها او كلمه تقولها شهد:شوفي ذوليك الي راكبين دبابات عليهم اشكال هههه دانه:هههه عليه شكل ذا الدب افهم بس ليه راكب دباب وانت ماتعرف احس ان الدباب يقول يارب رحمتك هههه شهد:استغفر الله بس حرام استغفرالله الحش بخلق الله تركي:يوووه صباح الخير انتي وياها توكم تستوعبون انكم تحشون ماجد:يوم قطعو في العالم الحين بيستغفرون ابو نايف:الله يهديهم الكل:آمييين داليا:ياسلام لو نسكن هنا نايف:ان شاء الله مع زوجك بدر:هذي من يبيها والله ان تطلع له قرون الكل:ههههههههه ماجد:وش رايكم شباب بكره نروح للجبيل نايف:نروح وش ورانا دانه:لا مب على كيفكم بكره بنروح للمنتزه نايف:بنروح لاتأكلينا هذا في الفجر مع الشله لاتقطين مره ثانيه دانه:الا بقط لين صارت السالفه تخصني ماجد:هههه يله تناشبو من بيفكهم راشد حس انه فقد اخته شذى ودور عليها وشافها واقفه بعيد عنهم وعيونها للبحر وقال:وش فيها شذى بعيده لايكون فينا جرب ههههه الكل ضحك ام راشد:الله يصلحك انت ماتعرف اختك اذا جت للبحر نست نفسها و نست الناس راشد:لازم اعرف وش سر حبها وتعلقها بالبحر وقام بيروح لها دالياتصرف:خلها براحتها يمكن عندها هموم تحكيها للبحر خلوها براحتها ابو راشد:انا بنتي عندها هموم ماعاش من يفكر يهم بناتي وانا عايش وراح لبنته وراشد معه يتبع الجزء الثالث:: ابو راشد:شذى وش رايك مو وناسه شذى ماكأن احد يكلمها راشد:لاااا بنتك مو معنا ابدا دفها وقال هيه الي ماخذ عقلك شذى انتبهت لوجود ابوها واخوها وخافت وقالت بخوف:وش فيكم ابوها:بسم الله عليك مافينا شي انتي الي وش فيك شذى:انا وش فيني؟ راشد:إنا لما الحين مادخلنا بداخلك هههه شذى ابتسمت وقالت:سلامتكم مافيني الا العافيه بس حبيت اسولف مع البحر هههه ابوها:ممكن اعرف وش تسولفون فيه شذى انحرجت وسكتت ابوها حس ان بنته مب خاليه وراها شي وقال: راشد خلني مع اختك شوي راشد:اوك وراح ابوها:قولي لأبوك وش مضايقك شذى:سلامتك ياابو راشد اصلا من يقدر يضايق بنت ابو راشد ابوها:خليك من هالكلام والتصريف قولي وش مضايقك شذى تفكر وش تقول وش تصرف وقالت:ابدا يبه بس مطاقين انا وداليا ابوها ماصدق وقال:وبس متأكده شذى:ايه بس والحين بروح بتأسف لها لاني انا الغلطانه وحسيت بالذنب وبعدت شوي علشان افكر بلي صار وشلون ارضيها بس ابوها:طيب قومي انا براضيكم على بعض شذى ارتبكت وقالت:شوي وبروح لها خلني افكر وش بقولها وبجي ابوها:انا اعرف اراضيكم يله امشي شذى ارتبكت ومشت وهي خايفه ان ابوها يكشفها ابو راشد:داليا هذي شذى جايه تراضيك يله عاد سامحيها صح بنتي غلطت بس انتم اكثر من خوات والخوات نفسهم يصير بينهم مشاكل يله عاد تراضو داليا بتطلع عيونها من مكانها الا شوي وتناظر بعمها وشذى ومب فاهمه شي شذى قربت من داليا ومدت يدها وقالت اسفه يعني بداية صفحه جديده داليا تناظر فيها وهي مب فاهمه شي وسلمت عليها وشذى ظغطت على يدها بقوه داليا عرفت ان السالفه كذب في كذب وقالت تكملة للكذبه:انسي ماصار شي إنا خوات شذى:ياحبنيلك يابنت خالتي وانا اسفه للمره ثانيه ادري اني غلطت لكن انتي كريمه وانا استاهل داليا ضحكت وقالت:اوك بس ماتتكرر ابو راشد:لا ان شاء الله الله لايجيب الزعل شذى:آمين كملو يومهم بسعاده وناسه وانقضى اليوم الاول لهم بشاطىء البحر >< ::تم الجزء الثالث::