الفصل الخامس
Part 5...♕
روٌآيَــ♡ــةّ: مِــلَآك آلَــمِــوِتُ... 💀
آلَكآتُبّـهِ:مريم سيد...🖤
{ في البدايه تعالو بينا ناخد عشر حسنات و نترفع في الجنه عشر درجات و يتمحي من صحيفتنا عشر سيأت...♥...وِ نِصّلَيَ عٌلَﮯ سِيَدٍنِآ آلَنِبًيَ صّلَﮯ آلَلَهّ عٌلَيَهّ وٌسِلَمً }
ويلا بينا بسرعه ندخل و نشوف قصتنا بتحكي عن ايه النهارده...♡
الليل كان هادي... زياده عن اللزوم.
الكاميرا بتتحرك وسط الظلمه حوالين ڤيلا "محمود المنشاوي"، واحد واقف بعيد، ماسك تليفونه، وعينيه كلها غِل و انتقام.
؟؟؟(بصوت واطي): انا شوفتهم... كلهم في البيت.
الليله دي هتبقي اخر ليله ليهم.
قفل التليفون، و ابتسم بسخريه شيطانيه، و اختفى في الضلمه.
-♡-♡-♡-♡-♡-♡-♡-
ملاك كانت قاعده بتتفرج لوحدها على فيلم رعب في الجنينه بعد ما الكل نام.
الدنيا ضلمه وصوت الفيلم عالي... فجأه حست ان في حركه وراها!
ملاك (بهمس): ايه ده؟ في حد؟!
بتلف بسرعه تلاقي حد طالع من الضلمه...
تالين (بضحك): انتي اتخضيتي يا بت؟ ده فيلم رعب مش حقيقي 😂
ملاك: اقسم بالله كنت هضربك بالكرسي!
اللي ييجي على فجأه وانا في جو رعب كده بيتشال مش بيُستقبَل 😂
ـ♡ـ♡ـ♡ـ♡ـ♡ـ♡ـ♡ـ♡ـ♡ـ
{ تاني يوم الصبح }
سليم و ياسين راجعين المدرسه بعد فصلهم من المدرسه، و الكل بيبصلهم باستغراب.
سليم: هو احنا راجعين من السجن ولا ايه؟
ياسين: هدي نفسك، احنا بقينا مشاهير 😎
البنات جم بسرعه.
ملاك: كويس إنكم رجعتوا... بس خفوا مشاكل شويه.
زينب: اه والله، خلوا عندكم دم شويه.
-♡-♡-♡-♡-♡-♡-♡-
بعد الرجوع من المدرسه.
كلهم دخلوا البيت، و وشوشعم باين عليها التعب... بس ملاك كعادتها كانت فايقه و نشيطه زياده عن اللزوم.
ملاك(بصوت عالي): انا جعااااااااااااانه
زينب: يا بنتي لسه واكلين في الفُسحه.
ملاك: ده اسمه تذوق، مش اكل، دي وجبه استكشافيه مش وجبه اساسيه 🤓
تالين: انتي نفسك استكشافيه اصلا.
ملاك: اسكتي انتي، انتي شكلك دايماً جاعانه بس كبريائك مش بيسمحلك تعترفي.
ـ ـ ـ ـ ـ
جميله (بتهديد): اللي هيقرب من الكيكه دي هشيله من على الارض شيل... دي ليا انا!
سليم (دخل بسرعه): انا اللي طلبتها من ماما، يبقى ليا فيها نث الكيكه على الأقل.
جميله: نص ايه!؟ تعاله هنا يا حرامي الكيكه!
(مسكت شوكه بلاستيك وفضلت تجري وراه😂)
ملاك: اه احب الشغب الاسري، البيت من غير مشاكل شبه المستشفى... هادي و ممل و مفيهوش امل.
ـ ـ ـ ـ ـ ـ
جاسر دخل الصاله فجأه و هو بيزعق:
جاسر: مين اللي سرق شاحن موبايلي!؟
ياسين (ببرود): غالبا عصابه مافيا 😂
جاسر (بغضب): ياسين!
ملاك: انا شفت زينب واخداه من اوضه البنات من شويه 😂
زينب: أنتي بتبلغي عني ليه؟ كان محتاج شحن ضروري يا عم.
ـ ـ ـ ـ ـ ـ ـ
الجد محمود داخل مرتبك: الريموت ده بيشغل التكييف ولا المروحه؟ انا حاسس البيت هينفجر.
ملاك: حضرتك مشغل كل الاجهزة مع بعض... احنا بنصرف كهربا اكتر من المستشفى.
ـ ـ ـ ـ ـ ـ ـ ـ ـ
ليان دخلت فجأه و هي شايله الكلب بتاعها الصغير في بطانيه:
ليان: البيبي عيان... مش عارفه اوديه لدكتور ولا اعمله شوربه فراخ؟
سليم: اعملي شوربه وخلي ياسين ياكل معاه... ما هما مفيش فرق بينهم 😂
-♡-♡-♡-♡-♡-♡-♡-
بعد ما البيت هدي في مكتب محمود.
محمود و اسر و جاسر قاعدين في المكتب.
محمود: فاكرين الشحنه اللي قولتلكم عليها؟ عرفت معلومات جديده.
اسر: خير اي هي؟
محمود:
1. معتصم هيستلم الشحنه بعد بكره
2. عاوز ينتقم مننا ويقتلنا بسبب الماضي
3. بيراقبنا...
و المصيبه الاكبر...
في حد قريب مننا بيبلغه بكل حاجه!
جاسر: يعني... في خاين في البيت!؟
محمود (بغضب): ايوه... الخطر جوه بيتنا.
*-♡-♡-♡-♡-♡-♡-*
> يا ترى مين الخاين؟ و معتصم ناوي يعمل ايه؟ وهل الخطر هيبدأ من جوه البيت ولا من بره؟
✨استنونا في Part 6 من "ملاك الموت"... النار لسه ما ولعتش بجد!