الفصل الثاني
Part 2🎀
مِـلَآكَ آلَمِـوُتُ ☠️
اللهم صلي وسلم وبارك على سيدنا محمد وعلى آله و صحبه اجمعين ❤
القصه دي للكاتبه المبدعه: مريم سيد
ويلا بينا ندخل و نشوف قصتنا بتحكي عن ايه النهارده •••♡
كان وقت البريك و سليم و ياسين نازلين من فوق بيكملوا نقاش سخيف عن مين اقوى باتمان ولا سبايدرمان.
سليم (بتهكم): باتمان طبعاً... ده راجل، مش واحد عضه عنكبوت.
ياسين: سبايدرمان بيطير بين البنايات يا جاهل، مش بيلبس بدله سودا و يكشر.
وهما داخلين الطُرقه، وقفوا فجأه و اتسعت عيونهم.
مستر خالد واقع على الارض، غرقان بشاور چيل، متغطى بماده بيضا لزجه مخلياه شبه العفريت، و البنطلون مقطوع... و كاشف عن شورت مشرق عليه سبونج بوب بيضحك!
ياسين: يا ساتر يا رب...
سليم (بيضحك و بيحاول يمسك نفسه): لا مش ممكن... سبونج بوب؟!
المستر: انا... هاعمي استدعاء يكي الفصي... و هطيدكوا كيكوا !
سليم: حضرتك كويس؟
المستر(و هو بيزحف على الارض): ده انا بقيت ادحوكه ييكي (للكل)!!
في اللحظه دي، باب فصل البنات انفتح شق صغير، وملاك خرجت برأسها، ملامحها بريأه زي الملاك... بس عينيها كلها شر.
ملاك: إيييييه ده؟! يا ساتر يا مستر! حضرتك وقعت؟
المستر: إنتي!! إنتي السبب!
ملاك (بصوت هادي): إحنا؟ لا طبعاً... احنا في الفصل و بنذاكر، حضرتك بقى شكلك اتزحلقت في طريق العلم.
سليم بص ليها، وقرب و قال بصوت واطي: الشورت شكلو حكااايه... بس انا عارف ان دماغك اخطر من اي مقلب.
ملاك ابتسمت ابتسامه خفيفه و قالت: استنوا بس... دي البدايه
وهنا فهم سليم و ياسين انهم دخلوا حرب مش عاديه، و البنات دول مش بسيطين.
بعدها الجرز رن و بيعلن ان البريك خلص و مستر خالد راح للمديره
المديره: ايه اللي عمل فيك كده يا مستر
مستر خالد: مياك و ييان و جمييه و زينب و تايين و يين
المديره: مين؟
المستر خد ورقه و كتب اسامي البنات
المديره: يعني هما اللي عملو كده
المستر: ايوه شيفه حضيتك بهديوني خايص
المديره: خلاص ماشي
المستر خرج و بعده المديره راحت فصل البنات دخلت و الكل وقف ليها بحترام
المديره: انتم السته ورايه على المكتب حالاً
وكانت بتشاور على البنات و خرجو وراها
*(في مكتب المديره)*
المديره وهيا قاعده على الكرسي بتاعها: إنتوا فاكرين المدرسه دي سيرك؟!
ملاك( بهدوء): لا والله يا ميس، بس هو اللي بيعمل حركات مضحكه.
زينب (بهمس): و هي المدرسه مشهوره بالأنشطه، و إحنا نشطنا الجو.
المديره(بتكتم الضحك): اخر مره، لو اتكررت الحركات دي، هبلغ اهاليكم.
*(و في البيت و بالتحديد في المكتب)*
كان محمود المنشاوي قاعد في مكتبه، و بيدور في ملفات خطيره، فجأه الباب خبط و دخل الحارس الشخصي (امين)
امين: يا باشا الظرف ده وصل و عليه اسمك
محمود: طيب هاته
امين: اتفضل
امين خرج و محمود فتح الظرف و لقى صوره ليه مع ولاده، و مكتوب عليها بخط واضح: " لو ما بعدتش عن طريقنا... هتشوف اللي عمرك ما شوفته".
محمود (بعصبيه): معتصم ما بيهزرش... و لازم نتحرك قبل ما يعمل حاجه و يفتح في الدفاتر القديمه.
دخل عليه جاسر و اسر، و كانوا شايلين ملفات ضخمة.
اسر: بابا، عرفنا ان فيه شحنه جايه من الحدود، متجهة للقاهره... و معتصم هو اللي ماسكها.
محمود: يبقى لازم نتصرف... المعركه بدأت فعلاً.
جاسر: بابا هو اي الظرف ده
محمود: شوف بنفسك
اسر و جاسر شافوا الظرف و قعدوا يضحكوا
اسر: ده مش عارف بيلعب مع مين
جاسر: ههههه لعب في عداد عمره لما فكر يلعب مع عيله المنشاوي.
قدام المدرسه البنات كانوا مستنيين العربيه
ياسين (بملل): سليم اي رايك تيجي نجيب حاجات من السوبر ماركت ده لحد ما العربيه تيجي
سليم: خلاص ماشي يلا
ملاك: هاتلي شوكولاته و بيبسي و شيبسي
ليان: و انا و جميله هاتلينا زي ملاك اي رايك يا جميله
جميله: خلاص ماشي
زينب: و انا هاتلي شوكولاته و لبان و ايس كريم
تالين: و انا هاتلي بسكويت و كيت كات منتساااش الشوكولاتة
لين: انا هاتلي زي زينب و تالين
سليم: بس بس ايههه ده كله اي امااال هو انا طالع رحله
ملاك: ولاه انت و هو هو مش انتم معاكم كريدت كارت
ياسين: اهدى يا وحش براحه على نفسك
سليم ضرب ياسين على افاه: دي اختي يا حيـ. ـوان
ياسين: يا متـ..ـخلف دي بنت عمي و اختي يلا بقا علشان نلحق نروح
سليم و ياسين راحو يجيبو الحاجه و البنات فضلوا واقفين
فجأه وقف قدامهم راجل غريب و قال!؟
يا ترا مين الراجل ده و عاوز اي منهم و محمود مخبي اي و لي خايف معتصم يفتح الدفاتر القديمه و ده اللي هنعرفه في الجزء اللي جاي بااااي 🎀