ظل في داخلي - البداية - بقلم زينب محمود | روايتك

ما چنت أعرف بالضبط شنو اللي ناقصني، بس كل يوم يمر عليّ چنت أحس بثگل جوه صدري أضحك، أسولف، أشارك بالجلسات، بس بداخلي صمت ما يخلص چان أكو "ظل" يرافقني ما ينشاف بس موجود بكل خطوة چنت أشوف البنات بعمري يضحكون من گلبهم يحچون عن أحلامهم، عن حبهم الأول، عن خططهم للسفر والدراسة، وأني؟ كلشي أسمعه وأسكت أبتسم ابتسامة صغيرة حتى ما ينكشف خوفي حتى ما يبين الفراغ اللي ياكلني من الداخل الكل عنده توقعات مني: عائلتي تريدني أكون "العاقلة" اللي تتحمل المجتمع يريدني أمشي مثل ما يرسم هو وأني بين "شنو يريدون مني" و "شنو أريده لنفسي" ضايعة مو معناته ما عندي أحلام بالعكس عندي دفتر صغير ضامته بين اغراضي أكتب بيه كلشي: كلمات سمعتها و قهرتني، مشهد شفته بالشارع خلاني أفكر ساعات، وحتى دمعة نزلت بليلة ما أنساها يمكن الناس يشوفون هاي تفاصيل عابرة بس بالنسبة إلي هاي التفاصيل هي اللي جاي تربطني بالحياة جاي تذكرني إني بعدني أتنفس يمكن رحلتي مو برّه بلدان ولا بين قلوب ناس يمكن رحلتي كلها جوّه نفسي أتعلم أسمعها، وأفهمها، وأحبها، رغم كل شي.