29 والاخير
البارت الأخير °•
مدخل البارت :
قال تعالى " إِنَّ فِي خَلْقِ السَّمَاوَاتِ وَالأَرْضِ وَاخْتِلاَفِ اللَّيْلِ وَالنَّهَارِ لآيَاتٍ لِّأُوْلِي الألْبَابِ * الَّذِينَ يَذْكُرُونَ اللّهَ قِيَاماً وَقُعُوداً وَعَلَىَ جُنُوبِهِمْ وَيَتَفَكَّرُونَ فِي خَلْقِ السَّمَاوَاتِ وَالأَرْضِ رَبَّنَا مَا خَلَقْتَ هَذا بَاطِلاً سُبْحَانَكَ فَقِنَا عَذَابَ النَّارِ " (90-91 أل عمران)
-
-
-
-
-
رتيل بإستغراب : بينكم خلافات انتي وفيصل ؟
شهد : لا بس انا مابي اولاد .
رتيل بتحذير : احمدي ربك لايسلب منك النعمه هذي غيرك محروم منها يتمنون طفل لهم اكثر من ثلاثين سنه وانتي متضايقه عشانك حامل ؟
قطع عليهم حديثهم رهف : حرام تتكلمون كذا وانا موجوده ع الاقل انتظرو ساعه يجي ياسر وياخذني انا كذا احترق من الفضول .
رتيل بابتسامه : يابعد عمري يامرة اخوي كنا نتكلم بحمل شهد انتي بزر وش دخلك .
رهف بصدمه : شهد حامل ؟
شهد هزت راسها بإيه .
هاجر بغضب : ليش ماقلتي لنا ؟
شهد بهدوء : هذا انا قلت لرتيل وهي وصلت لكم الخبر وانا ماعرفت إلا من كم يوم .
ابتسم عبدالله : الله يتمم لك وتولدين بالسلامه ان شاء الله وتجيبين لولدي احلى عروس .
رهف بتساؤل : إلا رتول انتي حامل ببنت ولا ولد ؟
ابتسمت رتيل : لا ولد اليوم سويت اشاعه .
هاجر بابتسامه : شدي حيلك يارهف واحملي عشان تولدون بوقت قريب من بعض .
رهف بهدوء : يجيب الله خير .
~ ~ ~
بعد شهرين من العنا والشقا .
والراحه والرخا .
قلوب بنعيم وقلوب بجحيم .
رتيل الحامل دخلت بالشهر التاسع...لا زالت زعلانه على عبدالله .
عبدالله...يداريها ويحاول مايحتك فيها عشان هي تبادر وتقول له انها راضيه عنه .
~ ~ ~
بيت ابراهيم العامر...
احلام العروس الجديده جالسه جنب رتيل بنت اخوها : رتيّل ليش مارحتي عند امك ؟ داخله شهرك من يومين .
رتيل بمزح : تبين الجو يصفى لك ؟ انا على قلبك وبعد نفاسي هنا .
احلام بذهول : من جدك انتي نفاسك بتقضينه هنا ؟
رتيل وهي توقف وتحط يدها اسفل خصرها وتحس بألم وثقل : بطلع من المستشفى لبيت امي - وبهمس - مع اني ماصبر عن عبود بس الله يصبر قلبي 40 يوم .
غمزت لها احلام : ياعيني يارتول وكل هالوقت ماكفاك ؟
رتيل : لامايكفيني مع عبدالله لو 100 سنه .
طلعت رتيل لجناحها وهي تحس بإرهاق وانفاسها تعلو وتهبط .
طلع عبدالله من الغرفه وانذهل من شكلها تتنفس بسرعه وحبات العرق متساقطه على جبينها .
همس لها وهو يوقف قدامها : وش فيك ؟
جلست رتيل على الكنب بتهالك : مافيني شي بس الطلعه والنزله مع الدرج مرهقه بشكل .
عبدالله وهو يجلس جنبها ويلف يده على خصرها : حبيبتي مو لازم تنزلين تحت , ولا نرتب لنا احد غرف الدور الارضي عشان حتى نفاسك يصير فيها احسن من انك تروحين لبيت امك .
رتيل وهي تبعد يده عنها : لا عاد نفاسي اكيد عند امي , وانا مابقى لي شي واولد اتحمل التعب بس شوي وهو كله خمس دقايق .
عبدالله : لا مو شوي انتي تتعبيني معاك وتتعبين ولدي , ارتاحي .
رتيل رفعت حاجبها وبإستنكار : يعني مهتم لي انا وولدي ؟
عبدالله بابتسامه : اكيد بهتم لك .
رتيل : واذا قلت لك لاتهتم فيني مثل ما انا ناسيه اصلآ انك عايش عندي ؟
عبدالله هز كتفيه وببساطه : يمكن انتي ماعندك انسانيه بس انا انسان واهتم باللي حولي , ويمكن عملي كـ طبيب ساعد على اني اهتم للناس اكثر.
انحرجت رتيل من رده ومابينت له حرجها وبصوت غاضب : طيب وانا مو مهتمه لك وين المشكله يعني ؟
عبدالله بنصف ابتسامه : مافيه مشكله اهم شي انك قدام عيني .
رتيل وهي توقف : الجلسه معاك تقصر العمر .
.
.
.
.
بالطرف الآخر...
جلس فارس جنب احلام اللي جالسه بالصاله : وين امي غريبه جالسه بروحك ؟
احلام بابتسامه : عمتي راحت لشهد بعد عمري بنتها تعبانه وهي حامل ماتقدر تقوم ببنتها .
فارس وهو يحتضن كتفيها : عقبال ماتحملين ان شاء الله .
ابتسمت احلام وهمست لفارس : وانا حامل بالاسبوع الثاني .
مابين حلم وتصديق .
مابين نقيض ونقيض .
يحس انه سمعها غلط يخاف يسألها ويخيب امله .
قال بهمس مختلط بأمل : هاا ؟ حامل ؟
استغربت احلام ردت فعله واعادت كلمها : ايه حامل بالا.....
قاطعها وهو يحتضنها بقوه : الف مبروك ياقلبي , والله فرحان فيك...مادري وشلون اعبرلك عن فرحي .
ضحكت احلام : تخبطك بالكلام يكفي عن التعبير .
وقف فارس وهو يقول بفرحه : ببشر امي تنتظر هالخبر اكثر من 5 سنوات .
واتصل على امه وردت بـ : هلا فارس .
فارس بابتسامه : يمه ابشرك احلام حامل .
هاجر : الف الف مبروك حبيبي الله يتمم لها على خير ان شاء والله وتولد بالسلامه يارب , هي عندك ؟
فارس : الله يبارك فيك , ايه موجوده .
واعطى احلام الجوال : هلا عمتي .
هاجر بفرحه : مبروك حبيبتي .
احلام : الله يبارك فيك .
هاجر بإهتمام : بأي شهر انتي ؟
احلام : الاسبوع الثاني .
هاجر : الله يتمم لك يارب , حبيبتي خذيتي فيتامينات ؟
احلام بابتسامه : ايه .
هاجر : حبيبتي انتبهي لنفسك عاد هذا ولد فارس اللي ننتظره اكثر من 5 سنوات يارب انه يجي بسلامته هو وامه .
احلام : امين يارب .
هاجر : مع السلامه حبيبتي .
احلام : مع السلامه .
وسكرت الجوال واعطته فارس .
~ ~ ~
مضت ثلاث ايام .
ظهر يوم الاحد...
بيت مشاعل...
جالسه بجناحها مهومه وشايله همها اللي قد الجبال .
ماتبي تنزل تحت وتتضايق وتضايق عمتها مشاعل .
ضلت بجناحها قرابة الـ 6 ساعات من يوم طلع ياسر الساعه 6 ونص الى الان الساعه 12 الظهر وهي معتكفه بجناحها .
سمعت آذان صلاة الظهر ورددت مع الآذان اتباعآ للسنه .
دعت ربها بتضرع وخشوع كمآ هو معروف ان الوقت مابين الاذان والاقامه اوقات استجابة دعاء .
بعد ماخلصت من دعائها وخشوعها لفت عليها شرشف صلاتها وصلت الظهر نزلت الشرشف وسفطته وهي تشوف ياسر يفتح الباب : مساء الخير.
نطت له رهف بفرح ووقفت قدامه : مساء النور , وش فيك تأخرت اليوم .
ابتسم ياسر بعد ماباس خدها : كل يوم اطلع مثل اليوم ولا اليوم مشتاقه لي كثير .
انخرطت رهف ببكاء .
ياسر انصدم منها ومن بكاءها الهستيري مو معقوله تبكي عشان كلمه عابره قالها مزحه .
احتضنها وهو يقول بخوف : رهف,رهف وش فيك ؟
رهف وهي تبكي وتشهق بقوه : ياسر انا لي ستة اشهر متزوجه ماحملت الى الحين , معقوله عندي مشاكل مثل غاده ؟
ابتسم ياسر وهو يحررها من حضنه ويرفع وجهها له : انتي مالك إلا شهرين متزوجه .
رهف : بس ولو شهرين كفايه , هذي احلام حامل بعد زواجها بشهرين رتيل حملت بعد زواجها بشهر واسبوعين , انا لي شهرين ونص ماحملت الى الحين , ياسر الله يخليك بنروح نحلل واذا المشكله فيني بحاول اتعالج مابي عمتي تنحرم من عيالك .
ياسر بضيق : وافرضي انتي عقيم ومالك علاج ؟
رهف وهي تعاود البكاء وترمي نفسها بحضنه وبوهن وصوت خافت موجع : تتزوج اللي تملا لك البيت بزران .
ياسر انتفض من كلامها : مستحيل اتزوج غيرك لو كلك عيوب انتي بعيني كامله والكامل وجه الله , طيب فرضنا وقلنا المشكله من عندي وقتها بتطلبين الطلاق وتشوفين حياتك ؟
انتفضت رهف برعب مستحيل انها تترك ياسر .
لو كان المشكله منه هو بتتمسك فيه اكثر .
هو بعينها كل شي ويكفيها عن الاطفال .
يكيفها عن اهلها هو كل حياتها .
قالت بغضب : فال الله ولا فالك .
ياسر : طيب ليش الخوف ؟ ترا طبيعي تتأخري بحملك عمتي الهنوف ماحملت إلا بعد زواجها بثلاث سنوات واغلب الناس كذا .
رهف برجفه : بس بس , انا اخاف ان مشكلة غاده تنتقل لي لأن الخوات نفس بعض .
ابتسم ياسر وبمزح : دام الخوات نفس بعض انتي نفس شهد ان شاء الله .
رهف : امين ياربي متشفقه على بيبي صغير يملي على عمتي طفشها ويثقلني شوي على قولة رتيل .
ياسر بضحكه : هههههههه ما اشوف ولدها ثقلها استخفت اكثر يوم حملت .
رهف " ياربي ارزقني بمولود يملى علي حياتي " وبتردد : طيب حبيبي لو عندنا مشكله , عادي ناخذ اطفال من دار الايتام ونربيهم عندنا ؟
نكسب فيهم اجر والرسول صلى الله عليه وسلم قال ( انا وكافل اليتيم كهاتين بالجنه ) يعني احنا محرومين من الاطفال وهم محرومين من الاباء والامهات ليش مانحتويهم ونربيهم معانا ؟
ياسر بهدوء : الموضوع هذا تكلمي فيه بعد عشر سنوات مو الحين انتي لسه عروس متى تفهمين ؟
~ ~ ~
بيت ابراهيم العامر...
دخل عبدالله جناحه بعد ماتغدا مع ابوه وفارس .
دخل الغرفه هاديه عدا من صوت خافت يحدثه التكييف البارد .
والاضاءات الصفراء الخافته صادره من الابجوارات اللي يمين ويسار السرير .
لفت انتباهه رتيل اللي نايمه ومو متعدله بنومتها .
راح لها عبدالله ورفع راسها وحط تحته الوساده .
رتيل حست فيه وانصعقت يوم رفع راسها وسوت نفسها نايمه .
تمدد عبدالله بالجهه الثانيه من السرير وهو يطالع رتيل .
غفى وهو سرحان فيها وبحبها وبجفاها وبقربها .
رتيل جلست وسندت ظهرها على السرير وهي تطالع عبدالله .
مدت يدها لراس عبدالله اللي جنبها بتردد شديد .
مسحت على شعره وقالت بقلبها " الله يخليك لي وجعلني مافقدك - وابتسمت - ويخليك لولدك "
ترجلت من سريرها وتوجهت لدورة المياه وهي تتمنى قرب اليوم اللي فيه يتم الصلح بينها هي وعبدالله .
" من جد انا غبيه ودمي ثقيل ولا ازعل عليه
اكثر من سبع اشهر عشان شي بايخ ومايستاهل
لا هو خانني مع سوسن ويستاهل اللي جاه
بس خلاص مافيني اتحمل واصبر
بعد ولادتي ان شاء الله بيصفي كل شي
وانسى كل اللي مضى "
اخذت لها شور .
وصلت العصر .
وجلست ع السرير جنب عبدالله : عبدالله , عبدالله .
لكن لامجيب عبدالله مازال نايم .
حطت يدها على كتفه وهزته : عبدالله قوم الصلاه بتفوتك .
عبدالله مازال مسكر عيونه مسك يدها وقال بصوت كله نوم : هممم طيب بقوم .
حاولت رتيل تسحب يدها ولكن فشلت وقالت بصوت عالي : عبدالله حرام عليك الصلاه راح وقتها .
جلس عبدالله وترك يدها وطالعها : متى ترحميني وتسامحيني حلمت بأحلام ماتمنيت اصحى منها .
رتيل مادرت عليه وهي تحاول تشغل نفسها بترتيب الوسادات والفراش .
باس عبدالله راسها وبعثر شعرها ودخل دورة المياه .
لبست رتيل صندلها الابيض الخفيف وخذت طرحتها احتياطآ لو دخل فارس .
نزلت تحت وشافت احلام تأكل فشار وتتابع التلفزيون : مساء الخير .
احلام بابتسامه : مساء النور هلا بالنوامه .
رتيل : هلا بك اكثر , يله ادخلي للمجلس زوجي الحين بينزل .
احلام وهي توقف : وانتي تعالي معاي زوجي الحين راجع من المسجد .
ودخلو بالمجلس وطالعة احلام برتيل : انتي متى تولدين يأم كرشه ؟
ضحكت رتيل : ههههه الحمدلله مابقى شي بس انتي اللي بتكبر كرشتك الله يعينك , يارب انك حامل بتؤام .
احلام : ههههههههههه اذا كان تؤم واحد لي وواحد لك ياقلبي .
رتيل بمرح : لا والله ؟ وش علي من عيال الناس الزم ماعلي عيالي .
احلام بمرحها المعتاد : عادي انتي مرة عمهم اولى فيهم من غيرك .
رتيل بضحكه : عيالك اكيد بيصيرون مجانين نفسك وماحد متحملهم غيرك .
~ ~ ~
عصر يوم الاربعاء .
بيت مشاعل...
قهوة العصر بالصاله .
صبت رهف فنجال لعمتها ومدته لها اخذته مشاعل وهي تقول : جعلني اشوف عيالكم .
عاليه [ ام ناصر ] : امين يارب .
لاحظ ياسر الدموع اللي اجتمعت بعيون رهف ورجفة يدينها اللي هي حاضنه .
ياسر : ان شاء الله بتشوفون عيالي بس مو الحين .
مشاعل بفزع : ليش ؟
ياسر بهدوء : رهف لسه صغيره .
عاليه برجاء : الله يخليك لي اترك هالحكي الفاضي لو رهف صغيره كان مازوجوها اهلها , ورهف عمرها 24 قد رتيل اللي الحين بتصير ام .
وقفت رهف وقالت بإرتباك : عن اذنكم نسيت جوالي بغرفتي بروح اجيبه .
وراحت تركض مع الدرج سكرت الباب بقوه وهي تسند ظهرها عليه وتعطي لدموعها الحريه بالنزول " آآه ياربي صبرني
على حكيهم هذا وانا مالي إلا 6 اشهر من زواجي
بعد سنتين وش راح يقولون
ياربي فرحني بحملي ياربي "
دخلت بغرفتها وخذت جوالها واتصلت على شهد : الوو .
رهف وهي تبكي : هلا شهد مشغوله ؟
فزت شهد اللي جالسه تأكل لتين ووقفت : رهوف حبيبتي فيك شي ؟
رهف مازالت تبكي : لا مافيني شي , بس جدة ياسر متضايقه عشاني ماحملت .
شهد بإرتياح وهي تجلس : الله يهديك على بالي صاير لك شي .
رهف : بس هذا هو اللي صار لي اكيد ياشهد بتكثر اسألتهم هالفتره خصوصآ يوم حملت احلام .
شهد : طيب وين المشكله ام فيصل قبل كانت بتزوج فيصل عشاني ماحملت بعد ماجبت لتين .
رهف : بس انتي تتحملين انا ما اقدر اتحمل كلام الناس , وقبل يومين رحت للمستشفى وسمعت فيه حرمتين يقولون هذي زوجة ياسر عقيم مثل اختها .
شهد بهدوء : رهف حبيبتي الشي هذا من الله اذا حملتي خير وبركه اذا ماحملتي ربي بيرزقك بأحسن من الاولاد .
رهف : يعني ياسر بيصبر علي وانا عقيم , شهد انا متأكده انه عندي نفس مشكلة غاده .
شهد : تعوذي من الشيطان وبكره روحي انتي وياسر وشوفو المشكله من عند مين .
رهف بين شهقاتها : احنا اخذنا فحص واليوم النتيجه خايفه من ردة فعله اذا صارت المشكله مني وخايفه اكثر اذا صارت منه .
شهد : توكلي على الله وتأكدي انه لن يصيبك إلا ماكتب الله لك .
رهف بألم : ونعم بالله , قلت لياسر امس وعصب علي لما قلت اذا كان انا عقيم تزوج علي .
شهد : شي طبيعي هو يحبك وراضي فيك سوا عقيم او سليمه .
رهف بعد ما اخذت نفس : ياقلبي ياشهد شكلي نكدت عليك , انا مافيني شي بس بشكي لك ماعندي غيرك .
شهد بابتسامه : افا عليك يارهيف اشكي وقولي كل اللي عندك اهم شي راحتك .
رهف : تسلمين حبيبتي , مع السلامه .
شهد : مع السلامه .
وسكرت المكالمه ونزلت الجوال على السرير ودخلت لدورة المياه وقفت قدام المغسله وغسلت وجهها .
ورجعت للغرفه وجلست قدام التسريحه حطت قلوس وردي وكحل ومسكرا تخفي حزنها .
خذت جوالها وهي ترسم على وجهها ابتسامه ونزلت تحت وشافت ياسر وامه جالسين لوحدهم .
ارتاحت كثير وهي ماتشوف عاليه جالسه رغم انها طيبه الى ابعد حد ومعتبره رهف احد بناتها بس رهف تتجنب كلام عاليه عن حملها وتأخره .
جلست رهف جنب مشاعل وقالت بابتسامه : اسفه تأخرت عليكم بس كلمت شهد .
مشاعل وهي تطالع رهف : انا توقعت انك متضايقه من كلام عمتي .
تصنعت رهف الابتسامه : لا بالعكس ماتضايقت ولا فيه شي يضايقني .
ياسر " الحمدلله على بالي انها رايحه تبكي " .
رن جوال مشاعل وكان المتصل عبدالله : هلا عبدالله .
عبدالله بإرتباك : عمتي رتيل بتولد بأخذك معي للمستشفى .
فزت مشاعل : خلاص انا جاهزه .
وراحت بسرعه وخذت عبايتها ولبستها على عجل ولبس طرحتها ونقابها وطلعت من غرفتها بعجله .
ياسر وهو يوقف : يمه وش صاير .
مشاعل بإستعجال وهو تشوف جوالها يرن : رتيل بتولد .
وطلعت بسرعه لسيارة عبدالله وركبت قدام .
وآلمها شكل رتيل اللي راكبه بالمقعد الخلفي .
وتصارخ من الالم .
رتيل وهي تبكي : يمه بموت , بموت - واخذت نفس - امانه معاك يمه ولدي لايربيه غيرك .
عبدالله انتفض برعب : رتيل وش هالكلام ان شاء الله ولدك مأحد مربيه غيرك .
رتيل عضت على شفتها من الالم وقالت بتعب وانفاسها تتسارع : عبدالله سامحني , والله انا احبك .
عبدالله تمنى الموت ولا يسمع كلامها وهي كأنها راحله عن الدنيا : رتيل عمري لاتقولين كذا لاتقلقيني عليك اكثر .
رتيل وهي تبكي : آآآه بموت .
وصلو المستشفى بسرعه .
ونزلو رتيل ودخلو لغرفة الولاده .
ووقفو مشاعل وعبدالله قدام الغرفه .
وبأقل من نص ساعه وهاجر واحلام ورهف موجودين .
وصل ياسر وهو ماسك يد جدته اللي تبكي .
جلست عاليه على الكرسي وهي تدعي لرتيل .
مشاعل احلام هاجر رهف ياسر...قلقين الى الذوره القصوى .
عبدالله نفذ صبره واقف بعيد عنهم ومسند ظهره على الجدار وكلماتها الاخيره ترن بإذنه بشكل مزعج .
" من اللي يبقى لي بعدك يارتيل
لارحتي من الدنيا وش لي فيها انا
ولدك وش ذنبه يطلع للدنيا يتيم
ماراح يلقى له ام احن وارق من قلبك عليه
حتى امك ماراح تقدم له نص اللي كنتي بتقدمين له
مين اللي يحضنه بالليل الداوي المخيف للأطفال
مين اللي يهتم فيه ويهتم بنظافته واكله
مين اللي بيكون معاه خطوه بخطوه من يوم ينطق اول كلمه ويجلس ويحبي ويمشي
مين اللي بيلبسه الثوب الابيض ويحفزه على استقبال اول يوم دارسي
مين اللي يبلبسه بشته الاسود ويبخره بزواجه ويفرح له
آآآه يارتيل , الله يخليك لي ولا يحرمني منك
جعل يومي قبل يومك , جعلني اموت ولا اسمع خبر وفاتك "
طلعه من افكاره صوت امه اللي همست له : وش فيك ياولدي ؟
عبدالله بصوت مخنوق : يمه هي تقول انها بتموت , كلامها يقطع القلب .
هاجر : ياقلبي كل وحده بتولد تتوقع انها ماتت خلاص انت ادعي لها ان الله يقومها بالسلامه .
عبدالله دعاء لها من كل قلبه .
طلعت الدكتور بعد ساعتين من الترقب والخوف والبكاء .
هتفت بـ : وين زوج رتيل ناصر .
توجه لها عبدالله : انا زوجها .
الدكتوره : الف مبروك جالك ولد .
عبدالله بإهتمام : كيف رتيل ؟
الدكتوره : الحمدلله حالتها مستقره .
عبدالله : ابي اشوفها .
الدكتوره : تفضل .
لبس عبدالله الكمام ودخل .
طالع برتيل اللي جالسه على السرير وبيدها صغيرها .
تتأمل شكله عيونه الصغيره انفه وفمه .
اصابعه الرقيقه النحيله .
وجهه المحمر .
نزل عبدالله كمامه وباس راسها ويدها : الحمدلله على سلامتك حبيبتي .
رتيل نزلت ولدها على سريره واحتضنت عبدالله اللي جلس جنبها وهي تنتحب .
ابتعد عبدالله عن حضنها ولف يدينه على ظهرها وهو يحضنها لصدره : خلاص حبيبتي ماله داعي البكاء .
رتيل وهي تقبل كتف عبدالله : سامحني عبدالله انا زعلت عليك 7 اشهر بدون سبب .
عبدالله باس راسها : مسامحك ياعمر عبدالله .
~ ~ ~
من عرفو ان رتيل جابت ولد طلعو ياسر ورهف يأخذون النتيجه من الدكتوره .
دخلو بالمكتب ويد رهف ترتجف وسط يد ياسر : تفضلو .
جلسو .
وتكلمت الدكتوره المصريه : استازه رهف انتي خايفه كدا ليه ؟
رهف انفجرت ببكاء " اكيد المشكله مني الحمدلله انها مني ولاهي من ياسر "
الدكتوره : رهف ايه اللي حصل لك ؟ الف مبروك انتي حامل بالاسبوع التاني .
ماستوعبت رهف كلام الدكتوره .
وقف ياسر وهمس لرهف وهو ينحني لها : رهوف
حبيبتي هذي الدكتوره تقول انك حامل ليش تبكين ؟
رهف بين شهقاتها : صدق يادكتوره انا حامل ولا لا ؟ متأكدين انها نتيجتي ؟
الدكتوره : ياحبيبتي انتي ئلئانه ومتوتره كدا وهوا الموضوع مايستاهلش انتي لساتك عروس كيف لو انتي ماحلمتشي من 6 سنوات حتئولي ايه ؟
رهف وهي تمسح دموعها : لأني كنت على يقين اني عقيم .
الدكتوره : تفألي بالخير , وحتقيبي ان شاء الله احلى مولود .
~ ~ ~
اليوم الثاني .
عبدالله وهو يجلس جنب رتيل بعد مانزل بوكيه الورد : حبيبتي وش تبين نسمي ولدنا ؟
رتيل بتفكر : اممم ابراهيم .
عبدالله : هههههههه فارس يقول لي لاتسمي ابراهيم لأنه اسم ولده , وحتى ابوي عطاني كذا اسم .
رتيل بابتسامه : لبئ خالي مو من الشياب اللي اسماهم من جيلهم هو قالي اختاري اسم هتان ولا مهند .
ابتسم عبدالله : حبيبتي وش رايك اسمه مهند بن عبدالله .
رتيل اتسعت ابتسامتها : فديت مهند وابوه .
احتضن عبدالله رتيل وباس خدها وهو يقول : الله يخليك لي يام مهند .
ضحكت رتيل : من الحين ام مهند .
احتضنها عبدالله اكثر : بكره بتنورين بيتك ان شاء الله .
رتيل : النور نورك حبيبي .
.
.
.
.
.
.
.
.
.
.
.
.
.
.
.
.
.
.
.
تمت بحمد الله رواية ما اقسى قلوب تحرق ورود وزهور .