الفصل 22
البارت الثاني والعشرون °•
مدخل البارت :
قال تعالى : ( وَإِمَّايَنَزَعَنَّكَ مِنَ اْلَشَّيْطَانِ نَزْعٌ فَاْسْتَعِذْ بِاْللهِ إِنَّهُ سَمِيعُ عَلِيمُ ) سورة الاعراف آيه 200
-
-
-
-
-
ياسر بسخريه : فهمتيني غلط يامدام رهف انا ماقلت نبي حياتنا حلوه عشان اصير مثالي - واكمل بجديه - بس ابي انتي تطلعين بصوره حلوه قدام اهلك ولا ابيك تفشلينهم لأنهم ناس ونعم فيهم ومابي اخليهم يعرفون انه ماورى بنتهم إلا سواد الوجه ولا فيه وحده مثلها ترادد زوجها ؟
رهف : والله انت اللي تستفزني , ياسر اطلع برا .
توجه ياسر للباب : اقسم بجلالة الله لو مالبستي لبس ساتر ماتطلعين معانا واخليك تخيسين هنا .
رهف بحزم : قلت لك مو انت اللي تعلمني وش البس ووش مالبس .
طلع ياسر وسكر الباب وبهدوء نزل للصاله وجلس قدام فارس : اسف تأخرت شوي .
فارس بمرح بعد ماشرب من الكوفي : مابغى يخلص اجتماع القمه .
ضحك ياسر : الحمدلله خلص على خير .
فارس اللي سمع بعض من مشاجرتهم واصواتهم العاليه : تحمل رهف هي مدلعه كثير وتبي لها واحد ينفذ لها كل طلباتها .
ياسر : بنت خالي واتحملها وعلى عيني وراسي بس انفذ لها كل طلباتها مستحيل ما احب حرمه تفرض رايها علي او حتى اخذ برايها .
فارس بضحكه خفيفه : انت معقد من طينة ابوي وجدي اللي الحرمه عندهم مالها لا راي ولا كلمه .
ياسر : ولا راح اتغير انا مع الناس اللي يقولون الحرمه مالها ببيت زوجها إلا السمع والطاعه وتنفذ كل اللي هو يطلب .
فارس : والله انخدعت فيك رهف كثير , ومع كل هالتعقيد اللي فيك وطينة القداماء إلا انك داخل طب فيه شي غريب بالموضوع .
ياسر : انا مع كل شي في عصرنا هذا ومو معقد بس ان المرأه تفرض رايها على زوجها وترفض اي شي يطلبه انا معارض وبقوه .
فارس بمزح : والله ما ادري وش اللي بلا اختي فيك .
ياسر بمزح مماثل : تحمد ربها انه واحد مثلي التفت لها .
جاهم صوتها وهي تنزل مع الدرج : إلا تحمد ربك انه وحده مثلي تنازلت ووافقت عليك .
فارس بضحكه : ههههههه الحين وش بيفكك من ام لسانين .
رهف وهي تجلس جنب فارس : ام لسانين في عينك احشمني انا اختك .
فارس بعتب واضح : لا حشمتي زوجك احشمك .
رهف بقهر : لا والله بغيتك لي عون وصرت فرعون .
فارس : والله اللي يسمعك يقول بحرب مع ياسر .
رهف وكأنه مافيه بالمجلس إلا هي وفارس : انت عارف من الاساس اني رافضته بس انت وابوي وعمي غصبتوني عليه .
وقف ياسر : حتى انا ماكنت اصلآ افكر فيك بس امي عرضتك علي واختارتك لي وعشان امي بس وافقت على وحده مثلك لسانها سم .
فارس بعصبيه : انتم ماتحترمون احد , اذا الاحترام بينكم معدوم احترموني جالس بينكم , وكلكم تكذبون على بعض ياسر يعشق التراب اللي تمشي عليه رهف , ورهف تحب ياسر كثير ومن عرفتها وحب ياسر يكبر بقلبها .
شعرت رهف بحرج وخجل فارس يقرأ افكارها وبصوت مبحوح : وانت مين اللي قالك ؟
فارس : اختي واعرفك زين .
ياسر : صح كنت احب رهف بس من بعد الملكه واللي صار فيها كرهتها .
فارس : ما اذكر ان قلبك اسود ياولد عمتي .
ياسر : الدنيا غريبه ومحد يبقى على حاله , وانت سمعت كلام اختك بنفسك تكره الناس فيها .
ماتحملت رهف كلام ياسر ووقفت : عن اذنكم .
فارس وهو يمسك يدها : اجلسي الحين بنطلع .
جلست رهف واخذت نفس وهمست لفارس : وانت تهون عليك اختك يجرحني وانت موجود وساكت .
ابتسم لها فارس وسكت .
الجو مشحون بين ياسر ورهف .
فارس مايعرف من وين يبدأ عشان يهدي الوضع بينهم .
" انا وش اللي جابني "
وقف وهو يقول : الغلطان اللي يسمع كلامك يارهف مالي داعي اجي لو انا افكر بعقلي كان ماجيت .
وقفت رهف : خلاص فارس اللي صار بيننا عادي يصير بين اي اثنين مو متفاهمين الموضوع بسيط .
ياسر طلع من عندهم وفارس طالع رهف : انتي ماترتاحين إلا اذا صارت حياتك تعيسه .
رهف بغصه ودموعها متحجره بعيونها : خلاص فارس والله اللي فيني مكفيني .
~ ~ ~
الدمام...
وصل عبدالله بيت عمته ونزل من السياره وقفلها ودخل بخطوات هادئه .
فتح باب المدخل الرئيسي .
دخل للصاله وهو يشوف عمته تنزل مع الدرج وترحب فيه .
عبدالله نفسه يعرف رتيل قالت لها على اللي صار او لا .
سلم عبدالله على راسها .
وجلسو بعد السلام والترحيب .
وتكلمت مشاعل بهدوء : انت جاي هنا عشان موضوعك انت ورتيل ؟
عبدالله : عمتي يعني تشوفين انه من المنطق تطلع كذا بدون ماتعرف السالفه ؟
مشاعل : وصلتها رساله من احد البنات اللي يشتغلون عندك وكلها غزل يعني الكتاب واضح من عنوانه مايحتاج تنتظرك تبرر .
عبدالله : والله السالفه كلها كذب انا رحت للسكرتيره وسألتها عن السالفه وقالت لي انها هي اللي سوت كذا .
****
قبل ساعتين .
المستشفى.
صرخ عبدالله بالسكرتيره : وشلون وصلت رساله من جوالي لك .
وقفت سوسن وبكل وقاحه ابتسمت : اهم شي اني ئدرت اشكك مراتك بيك .
عبدالله بين اسنانه : حقيره , اطلعي من هنا ولا عاد اشوفك .
خذت سوسن شنطتها وابتسمت لعبدالله : اهم شيّ حئئت مرادي يادكتر .
ومشت من عند عبدالله .
****
مشاعل : وبس هذا اللي الله قدرك عليه تطردها من شغلها ليش ما اخذت حقك منها .
عبدالله بقهر : وشلون اخذ حقي منها وهي حرمه ضعيفه ولا امد يدي عليها ؟
مشاعل : تشتكيها على الاقل .
عبدالله : مايحتاج ندخل انفسنا بمشاكل احنا بغنى عنها .
مشاعل : وتظن ان رتيل بتسامحك ولا تصدق كلامك ؟ الحين رتيل بتقول طردها لأنها انكشفت الحقيقه .
عبدالله والنار تهشم صدره : حسبي الله عليك ياسوسن كانت محترمه لأبعد حد ومن زواجي وهي متغيره
وتمادت كثير بس ماكنت اتوقع انه هذا هدفها .
مشاعل وهي توقف : بروح انادي رتيل عشان تتفاهمون مع بعض مايصير انا وسيطه بينكم .
عبدالله بسرعه : لا عمتي اكيد رتيل تعبانه الحين خليه وقت ثاني الين تهدا .
~ ~ ~
رجعت هاجر للمستشفى وتوجهت لغرفة غاده طقت الباب ودخلت وشافت غاده جالسه وشعرها الاشقر نازل على وجهها .
توجهت لها هاجر : غاده .
طالعتها غاده : انتي مين ؟
هاجر بعد ماباست جبين غاده : انا هاجر .
غاده هزت كتفيها بمعنى الجهل : ماعرفك .
هاجر : طيب مين اللي تعرفين ؟
غاده بحزن : ما اعرف إلا فارس بس هو راح وخلاني , إذا انتي تعرفينه قولي له يجي انا محتاجته .
سالت دموع هاجر : فارس طلقك خلاص ماراح تشوفينه مره ثانيه .
غاده بصدمه : ايـ , ايش ؟ ط ط طلقي ؟ انتي كذابه .
هاجر وهي تحضن غاده : خلاص ياقلبي ربي ماكتب لك تكملين حياتك معاه .
غاده وهي تبعد هاجر عنها : لا اتصلي عليه يجي الحين انا لازم اشوفه واكلمه .
هاجر : مو موجود بالسعوديه .
غاده وكأنها تذكرت شي : انتي ام فارس ؟
ابتسمت هاجر وهي تمسح دموعها : ايه انا ام فارس تذكرتيني ؟
غاده : ايه ايه تذكرتك , تكفين قولي لفارس يجي بسرعه والله انا محتاجته لازم يوقف معاي الحين انا تعبانه .
هاجر : سلامتك من التعب بس فارس مشغول وبعدين انتي ماتحلين له عشان يشوفك .
غاده بعصبيه : لا تقولين كذا إلا انا حليلته .
هاجر طلعت من عند غاده وراحت لمكتب الدكتوره : سلام عليكم .
الدكتوره : وعليكم السلام .
هاجر بعد ماجلست على الكرسي : دكتوره ابي اسألك عن حالة غاده هي ماعادت تذكر شي , اللي هي تعرف بس انا وفارس .
الدكتوره : والله مو عارفه وش اقولك يام فارس غاده مصابه بمرض فقدان الذاكره البعيد بس هو قصير المدى يعني يبي لها اسبوعين وترجع لها الذاكره , بس هي معرضه للاصابه بمرض الوسواس القهري وغالبآ المصابين بالمرض هذا مايتذكرون إلا اللي قهرهم .
هاجر بحزن : يعني غاده ماراح تعيش طبيعيه ؟
الدكتوره : العلم عند الله بس احتمال كبير انها تصاب بالمرض هذا هي كل ماحكت جابت طاري انها عقيم وساحره وزوجها ضربها بس هذا اللي على لسانها والاشياء الثلاث هذولا هم اللي قهروها .
هاجر : بس انا قلت لها ان زوجها طلقها وماتقبلت الخبر .
الدكتوره : صعب تتقلبه الحين .
~ ~ ~
ابها...
نزلت قمر تمشي مع الدرج بمساعدة اختها ميعاد .
خف الم رجلها وقدرت تمشي عليها ويدها المكسوره مثنيه على صدرها .
كل الآمها خفت إلا الجرح والالم اللي بقلبها كل يوم وهو يزيد .
كل يوم وهو يكبر .
وقفت شهد وسلمت على قمر : ماتشوفين شر ياقمر وجعلها اخر الاوجاع .
قمر وهي تجلس جنب شهد : الله يسمع منش , امي ماهيب رايحه تخطب لفيصل ؟
شهد : إلا تو راحت مع فيصل .
قمر بإستغراب : وش اللي مجلسش هنا لو انا مكانش والله لأروح لبيت هلي ولا اخرج منه إلا اذا طلق مرته اللي اختارها علي .
شهد بابتسامه : الحين بتجيك الاخبار اللي بتسعدك .
قمر : لا يكون متصله على حنان وقايله لها شي ؟
شهد : لا بس خالتي ام سعد من اسبوع كلمت فيصل وقالت له انها ماراح توافق على خطوبتهم .
ابتسمت قمر لشهد : حظش زين يابنت عمتي , تصدقين شهد على قد ماكنت اكرهش الحين احبش من يوم ضربني سلطان عرفت اني ظالمتش وعرفت قدرش .
شهد : الله يرفع قدرك , الحمدلله هذي خيره لك ياقمر الظالم مايدوم ظلمه وعقابه عند الله عسير بس ربي قدم عقابه لك بالدنيا ولو ماصار اللي صار كان ماسامحتك على اللي سويتيه فيني .
قمر : الحمدلله على كل حال - وبحزن - والله حزينه على سلطان انا ابغى ولد عمي .
شهد : الله يعوضك .
سالت دموع قمر وبدأ صوتها يختنق : مهما كان الطلاق صعب على اي بنت .
شهد احتضنت قمر : اذكري الله .
قمر " لا إله إلا الله "
شهد وهي تهمس لقمر : ياقلبي ياقمر مو هاين علي اشوفك بالحاله هذي ماتعودت اشوفك ضعيفه خليك قويه مثل ماعرفتك .
قمر بتعب : خلاص القوه اللي كانت سلاحي انهارت يوم طلاقي انا صحيح كنت اتبلد ومابي امي تحس بشي بس بداخلي نار شابه ولا فيه وحده تتطلق بعد زواجها بيومين , قدلي عنده يومين والله مقهوره ياشهد ساعات احس انه انا السبب وانا اللي تسببت بذا لنفسي انا اللي طولت لساني على الخدامه واهنتها وضربتها بعد والحقيره عرفت كيف تنتقم مني ماتفارقني صورتها وهي تطالعني يوم ضربني سلطان .
شهد : حبيبتي قمر ان شاء الله خيره لك ونصيبك بيجيك ان شاء الله .
دخلو فيصل وامه ونزلت ام فيصل عبايتها وهي تغلي من الغضب : ماهقيتها من ام سعد ترفضك لا وانت مستانس .
فيصل بعد ماقبل راس امه : يمه انا مالي ذنب هم اللي رفضوني .
ام فيصل : على بالك اني غافلت(ن) عن اتفاقك انت وخالتك حنان ماخبت علي شي .
فيصل بابتسامه : يمه خلاص ربي ماكتب لي اتزوج وشهد تكفيني .
ام فيصل بألم : ياولدي انت سعادتك والله فوق سعادتي لاتظن اني بنكد عليك واطين عيشتك انت ولدي وسعادتك اهم من سعادتي وانا ابي لك الزين شهد ماتبي عيال منك .
قمر بإعتراض : يمه والله مافيه ازين من شهد جمال وذوق واخلاق ايش تبغو اكثر من كذا ؟
توجه فيصل لقمر وباس راسها : الله يطعني عنك .
قمر بابتسامه لأخوها : مجار ياخوي .
~ ~ ~
الدمام...
رجع عبدالله للبيت الساعه 4 ونص العصر دخل مجلس الرجال وسلم على زياد : وينك يارجال من اليوم انتظرك .
عبدالله : اعذرني يازياد صار عندي ظرف طارئ .
زياد بابتسامه : معذور , انت مو ناوي تجي لندن ؟
عبدالله : لا شكلها السالفه مطوله رتيل كانت بتدرس بلندن عشان البكالوريوس وامتحان التوفل لأنها قبل تتوظف التحقت ببرنامج تدريبي للطب .
زياد بضيقه : لا عبدالله انت وعدتني تروح معاي للندن وانا ثلاث ايام ورايح للندن خلاص اجازتي خلصت .
عبدالله : اعذرني زياد والله كنت بروح معاك بس صارت مشكله بيني انا ورتيل وشكلها مطوله .
زياد : الله يعينك على غثى الحريم .
عبدالله بمزح : احشم زوجتي هي مو غثا .
ضحك زياد : لا بصراحه مدري وشلون متحمل الحريم .
عبدالله : اذا انت عندك عقده من الحريم انا عكسك .
زياد : اكرهه الحريم كلهم وشكل كل غلاهم ومحبتهم لأمي وبس .
عبدالله : الله يخليها لك ولا يحرمك منها , بس مستحيل تبقى طول عمرك عزابي .
زياد بهدوء : اللي كنت ابيها تزوجت وخلاص الباب هذا تسكر بعدها .
عبدالله بصدمه : انت كنت تبي رهف ؟
زياد : ايه كنت ابيها .
عبدالله بعصبيه : اربع سنوات وانا ادرس عندك بلندن ماقلت لي ولا يوم انك تبي رهف .
زياد : صح اني عايش بغربه وبلد غير عن بلدي بس عاداتي متمسك فيها ومستحيل اقولك اني ابي اختك .
عبدالله : ماقلت لك قولي انك تحبها بس قولي انك تبيها اخطبها ع الاقل انت ولد عمها .
زياد : ومثل ما انا ولد عمها ياسر ولد عمتها ومافيه فرق بيننا .
عبدالله : والله لو عندي اخت ماتزوجت كان زوجتك غصب عنك .
زياد بيغير الجو : الحمدلله انه ماعندك اخت .
عبدالله وهو يوقف : عن اذنك بروح اسلم على امي .
زياد : وقول للخدامه تجيب امي , ولا تخلي بنت ناصر تمشي رايها عليك اجبرها تروح معاك للندن .
عبدالله : يصير خير .
وطلع من عند زياد وتوجه لقسم الحريم وباس راس امها ويدها : وينك ياولدي تأخرت اليوم وزوجتك وينها .
عبدالله : رتيل عند اهلها .
هاجر : ليش عند اهلها لا يكون زعلانه .
عبدالله بهدوء : بتغير جو احتمال بعد ثلاث ايام نروح انا وياها للندن .
وقبل راس لمياء : اخبارك ياعمتي ان شاء الله مرتاحه .
لمياء : مرتاحه دامني بوطني وبالارض اللي انولدت فيها , تكفى ياعبدالله اقنع زياد انا نجلس هنا ما اقدر اخلي اهلي .
عبدالله : انتي ياعمتي عارفه ولد اذا صار براسه شي يسويه وما احد يقدر يرده ياما حاولت فيه بس ما بأذنه ماء , وعشانك برجع اكلمه بالموضوع هذا .
لمياء وصوتها يتحشرج : الله يرفع قدرك ياولدي .
قال عبدالله للخدامه توصل لمياء لزياد .
وهو طلع لجناحه .
تمنى انه مايدخل بس لازم يغير ملابسه .
اخذ نفس عميق " الله يعنني على فراقك يارتيل "
فتح الباب ودخل وهو يتمنى يشوفها قدامه .
فتح باب غرفتهم واستنشق ريحة عطرها اللي تملئ المكان .
كل شي يخصها موجود ملابسها ادوات التجميل اللي على التسريحه عطوراتها .
اخذ نفس عميق " الله يهديك يارتيل "
توجه للحمام واخذ له شور ولبس ثوب ابيض ورجع للغرفه اخذ ساعته السوداء اللي على التسريحه ولبسها بمعصمه اليمين .
تعطر ومشط شعره السبايكي ورتبه .
اخذ محفظته وجواله ودخلهم بجيبه ومسبحته الالماس ولبس جزماته تومس اسود ولبس غترته البيضاء ونسفها على عقاله .
وطلع من جناحهم ونزل مع الدرج بسرعه وطلع لسيارته طلع جواله واتصل على رتيل .
ماردت عليه .
واعاد الاتصال مره ثانيه وثالثه .
وردت بـ : نعم .
عبدالله بابتسامه : هلا حبيبتي واخيرآ رديتي .
رتيل بين اسنانه : لا تقول حبيبتي انت كذاب وربي كذاب .
عبدالله بإعتراض : لا تحلفين بالله زور انت ماتدرين عن مشاعري تجاهك .
رتيل بهمس : تغازل سكرتيرتك وتقول انك تحبني ؟
عبدالله : اتصلي عليها بنفسك واسأليها , رتيل احنا مو اطفال يعني انتي صدقتي انه انا ممكن اسوي كذا ؟
رتيل وهي تحاول انها ماتبكي وتفضح نفسها قدامه : انا شفت كل شي بعيوني انت طعنتني .
عبدالله بغضب : يعني من اول مشكله بينّا رحتي لبيت اهلك ماتبين تناقشيني ونحل مشاكلنا بينّا يعني لازم اهلك يتدخلون ؟
رتيل : لو مشكله عاديه كان عادي عندي ومافيه حياه تخلو من المشاكل بس هذي فيها شرف ودين .
عبدالله بقهر : واذا انا مالي دخل بالسالفه هذي كلها .
رتيل بغضب : يعني اشلون مالك دخل وهو رقمك اللي يرسل لها , مين يعني اللي يستخدم جوالك غيرك ؟
عبدالله : هي بنفسها قالت لي انها بس تبي تشكك فيني وانا لقيت رسايلها بجوالي نفس الوقت اللي كنا فيه بالكوفي الحقيره مغيره توقيت جوالها .
رتيل بغصه : خلاص الحياه بينا ماراح تستمر اربع اشهر من زواجنا ومشاكلنا مالها عدد .
عبدالله : رتيل لاتنكرين اول شهرين كنت مسحور وانتي عارفه الشي هذا واللي اسويه فيك غصب عني , بس عشتي معاي شهر ثاني ماشفتي ولا مشكله إلا هذي .
رتيل : صح انه بعد ما انفك السحر هذي اول مشكله بس مشكله عن كل مشاكل الدنيا واللي انكسر مايتصلح ياولد خالي .
عبدالله بين اسنانه : اتصلي على الحيوانه سوسن بنفسك وتأكدي منها .
رتيل وهي تحاول تتماسك : خلاص ماعاد يهمني الله يهنيك بسوسن , وخلاص المستشفى هذا كله ما ابيه ولا اشتغل فيه .
عبدالله بعصبيه : انا الى الان زوجك وانتي ماتطلعين من شوري وماراح تشتغلين بمستشفى ثاني .
رتيل بثقه : خلاص ياسر يسحب لي ملفي لأني كرهت الشغل هذا كله لأنه هو اللي عرفني عليك .
عبدالله : وهذا اخر كلامك يارتيل , اممم انتي مو ملزومه بالناس واللي ملزومه فيهم بيتك وزوجك .
رتيل بصراخ : انت اخر التزاماتي طلقني مابيك مابيك .
عبدالله بعصبيه : صوتك لاترفعينه علي , مهما كنتي كرامتي الزم ماعلي .
رتيل : خلاص اذا كرامتك غاليه طلقني وريحني .
عبدالله بين اسنانه : نجوم السماء اقرب من طلاقك يامدام .
وسكر الخط بوجهها .
~ ~ ~
باريس / شامب دي مارس .
بعد مارجعو من المطار .
رهف تنتحب .
وياسر جالس جنبها وببرود : اخوك مسافر مو ميت .
رهف بعصبيه : انت مالك دخل .
ياسر : قصري حسك واستحي على وجهك السايق رجال وصوتك امامه عوره .
رهف وهي تمسح دموعها : وانت اسكت ولا تكلمني اكرهك اكرهك متى تستوعب وتصير عندك كرامه ؟
ياسر بهمس غاضب : اقسم بجلالة ما افوتها لك يارهف كل كلامك اللي راح اسكت عنه بمزاجي بس اليوم والله ما اخليك .
رهف وهي ترجف وبخوف ماخفى على ياسر : بتقلني مثلا ؟
ياسر : لا مو قاتلك بس ساعتها تتمنين اني اقلتلك ولا تعيشن يوم واحد معاي .
وصلو سكنهم على الجهه الشماليه من برج ايفل .
نزلو ورهف دخلت البيت وياسر اعطى السايق اجره ودخل وراها ورن جواله ورد بـ : هلا والله بالغاليه .
رتيل بابتسامه : هلا بك ياقلبي , كيفك ؟
ياسر : الحمدلله بخير .
رتيل : كيف رهف معاك ؟
ياسر اخفى الحقيقه وهو يجلس جنب رهف : الله لايحرمني منها عسل مافيه منها .
رتيل : وانت بعد صير معاها عسل ترا هي رقيقه مو مثلك وحش .
ياسر بضحكه : اجل انا وحش يارتول ؟ وعبدالله وش يصير اذا انا وحش ؟
رتيل ارتبكت وماحبت تقلق اخوها عليها وتجاهلة سيرة عبدالله وقالت بمرح : بس من جد انت احلى وحش الله لايحرمني منك .
ياسر : ولا منك , ها رتول وش تبين اجيب لك معي من فرنسا ؟
رتيل بابتسامه : ابي عطر كازانوفا .
ياسر : من عيوني .
رتيل : تسلم - وبتردد - ممم متى بترجع ؟
ياسر : ان شاء الله بعد اسبوع .
رتيل بمزح : مشاء الله عليك ياخوي انت اول واحد يتقيد بالوقت ويجلس شهر كامل , مو مثلي اسبوع بلندن .
ياسر : بس عوضك عبدالله عن هالاسبوع .
رتيل تتحاشى سيرة عبدالله والخوض بمشاكلها معها قدام ياسر : مع السلامه وسلم لي على رهف .
ياسر : مع السلامه .
ونزل الجوال على الطاوله وطالع برهف : قومي لغرفتك يمين بالله لو طلعتي مــ...
قاطعته رهف وهي توقف : انت تحلف بالله وانت تكذب وكل هذا قول بس ولا اذا جاء وقت الفعل تصير جبان .
وقف ياسر بعصبيه واعطاها كف قوي .
وهي انصدمت منه طاحت على الارض وهي تحس بنار بصدرها " انا انهان كذا "
وقفت وهي تبكي وصرخت : والله لأخذ حقي منك , انا عارفه انك مو رجال يوم تمد يدك علي .
مسكها ياسر بشعرها وشدها بقوه وبين اسنانه : لو سمعت الكلام هذا مره ثانيه دفنتك حيه اذا خالي مارباك انا اربيك .
~ ~ ~
بعد اسبوع...
مستشفى الملك فهد .
صحت غاده من نومها اللي استمر 20 ساعه .
طالعت هاجر : وش جابك ؟ ولا بس بتذكريني باللي سويته بعيالك ؟
هاجر : غاده الله يهديك وش هالكلام انا ما اتعب نفسي واجيك كل يوم عشان اتشمت فيك .
غاده بعصبيه : طيب ليش جايه ؟
هاجر : بتطمن عليك .
غاده وهي تبكي : جيبي لي فارس .
هاجر وهي توقف : طيب اهدي .
غاده بعد ماسندت ظهرها على السرير : رايحه تجيبين فارس ؟
هاجر بحزن : بقوله ان شاء الله يجي .
وطلعت من عند غاده وراحت للدكتوره اللي استقبلت هاجر بحفاوه : عاوزه تشربي ايه ؟
هاجر : ما ابي اشرب شي , دكتوره بسألك عن حالة غاده هي صارت تتذكر كل شي بس تكرهني مع انها تعرفني .
رانسي : والله مش عارفه ائولك ايه غاده حالته مش كويسه نهائي وهي الان تحت ضغط كبير قدآ واصابتها بمرض الوسواس الئهري زادت تدهور وضعها الصحي وانا اشوف الافضل انك تسيبيها فالمستشفى وماتتطمني عليها عن طريئ الاتصال بينا .
هاجر : كيف اتطمن عليها وانا ما اشوفها غاده مالها إلا انا ولا ابي اتركها مثل امها وابوها .
رانسي : عارفه يا انسه بس هي تتزكر ( تتذكر ) كل حاقه مش كويسه عملتهاش في حياتها اذا بصتكي .
هاجر : هي كثير تطلب مني انها تشوف طليقها بس انا ما اقدر .
رانسي : محتقتهاش بشكل كبير قدآ وهو بعد الله السبب في علاجها وجوده هنا ضروري .
هاجر : بس هو يقول مايبي يجي وحلف انه اذا شافها يرتكب فيها جريمه .
رانسي : ربنا يديلها الصحه اتطمني يا انسه على بتك .
هاجر وهي توقف : خلاص يعني ماراح اشوفها ؟
رانسي : هي محتاقه للراحه النفسيه واذا بصتك هون بتتعب اوي .
هاجر طلعت بطاقه من شنطتها وحطتها على مكتب الدكتوره رانسي : هذي بطاقتي وطمنيني على غاده .
رانسي : من عينيا .
هاجر : تسلمين .
~ ~ ~
بيت مشاعل العامر...
رتيل بعد مارشفت من كوب حليبها : يمه انا لي شهر واسبوعين ماجتني ال(....)
ابتسمت مشاعل : الله يبشرك بالخير ياقلبي ويتمم حملك على خير بس لازم تقولين لعبدالله .