الفصل 1
*روأيهةة: غـَُرك غـٍَلَاك وكـثـَر لًـبيـهّةة خـٌلأك تحـٓسٍب قـلَـوًب أنـَأسٓ عـنٕدكُـ بضـأعـٌَٰهـةة**
*– الڪاتبه : ملاڪَ ناصرِ .*
*– لھجه : سعوديه .*
*– البارت الثاني :*
*قناة روايات الڪاتبه ملاڪ ناصر:*
```https://whatsapp.com/channel/0029VawCIzo1iUxjMo4icg18```
ــــــــــــــــــــــــــــــــــــــــــــــــ
*– بسم الله رب البدايات نبدأ :*
- *« أولاً الرواية من وحيّ الخيال وليس لها أي صله بالواقع » . .*
➖➖➖➖➖➖➖➖➖
الديره اللي غشاها الغيم من علّوى
اشفق على شوفها وأحب طرياها .
حصلوووو
ضاري وفهد وراشد ونايف ونواف ومتعب وسراج وجاسر وراشد متجمعين ومسوين جمعه شباب في حوش ام متعب هنادي
هنادي ميلت شفايفها: وش جايبهم وجيه الفقر
همست مشاعل قائله بينها وبين نفسها: حسستني انها هي الغنيه استغفر الله والله عيال ابو مناحي طيبين واجاويد
قالت ريوف من بين اسنانها: يمه تراا عيب الي قاعدتن تقولينه
قطبت ام متعب حواجبها: هذا الي ناقص بنت بطني تعلمني امشي قبل لا اتوطاتس يلاا
مشو وهم متفشلين من امهم
قابلو بعض حريم الديره وقعدو يسولفون لين وصلو البيت الي بيسوون الجمعه فيه
دخلو وفصخوو وسلمن على الحريم وقعدن هن وبنات ابو مناحي
غزل: شحالتس ي مشاعل
مشاعل بابتسامه مرتبڪه وهي تعدل نضارتها: طيبه يسرڪ الحال ونتِ شحالس
غزل: بخيره ي بعدي وقعدن يسولفون واندمجت مشاعل من جديد مع اهالي الديره واثارت اعجاب اهل ابو مناحي
قامو من عند الحريم وقعدن بدار "غرفه" ثانيه علشان ياخذون راحتهم
جميله: اخيراً شفنا السمراء الفاتنه
ضحكت مشاعل وابتعد التوتر من جلستهم وسوالفهم الحلوه: ههههه علامس انتي وياها اليله وش سمراء فاتنه الا اخرع
الهنوف: لاااا عادد والله صح انتي اسمر وحده فينا لاڪن يختي سمارڪ جذاب صح بنات
البنات بصوت واحد: صحح والله
مشاعل: خلاص عاد ترا بتخلوني استحي
ضحكو وقعدو يسولفون لين راحو وڪلن توجهه لبيته
عند بيت ام متعب وقفت
وقالت هنادي: علامس اوقفتي شفيتس
مشاعل: عمتي اسواره امي مهب فيه مادري وينها
هنادي: ذهب
مشاعل بربكه:ايية
هنادي باستعجال: اقول روحي عند ام سالم:"البيت الي فيه الجمعه" وشوفيله وحنا هنيا يلا.
راحت مشاعل شبه راڪضه وشافت احد معه ضوء ولمعت في الارض الاسويرهه اخذتها ورفعت عيونها واجاء الضوء على عيونها الواسعه الناعسه ورموشها الطويله والڪحل صدت بيدها عن الضوء ومشت ويدها على قلبها استوقفها صوت تعرفه زين ڪيف ما تعرفه هو الي خبرهم بموت امها وابوها
: علامس لوحدس هنيا لو ماتعرفين ترا عيب يا بنيه.
لفت وبارتباڪ وقسوهه: ضاري هاذا شي مايخصڪ ابد ابد
ومشت وهو لحقها بدون لا تدري ناضر في مخملها زاهي اللون طولها المتوسط ومتناسق مع جسمها سمارهاا الجذاب عيونها العسليه الواسعه الناعسه ڪل شي حلو فيها نفض الافڪار من راسه وشافها تدخل بيت صامل ابو متعب
همس: بعرفتس بعرفتس
ومشى لين بيتهم
دخل وقبل لايقول السلام سمع بشاير ومناهل يتڪلمون
بشاير: عاد مشاعل خقه
مناهل: اي لا ومخملها يجنن كذا احمر ومن الجوانب باهت
بشاير: لا عاد نضارتها وعيونها الله مشالله الله يحفظها لاهلها
مناهل: امين بس اهلها ماتو
بشاير خبطت على جبينها: اي اي الله يحفظها لاخوها
مناهل: منهو اخوها
بشاير: متعب ابن صامل اخوها من الرضاع فهمتي
مناهل: اي اي افهمت
ضاري ابتسم وهو يفتل شاربه ودخل وقال: السلاام عليكم
الڪل: وعليڪم السلام
الجد عساف: يـا هلا والله بضاري
ضاري وهو يحب "يبوس" راسه جده وجدته: هلا فيڪ ي جد
الجد: وشلون الشغل معاڪ
ضاري: الحمدلله ماشيه امورهه
الجدهه: منت بناوي تخطب يا وليدي
ضاري بضحكه: ياجده الله هداس وش خطوبته
الجده: تراڪ شايب وصاك الاربعين
ضحكو الكل وقالت مزنه: يمه حرام عليس والله توه بعز شبابه والف بنيه تتمناهه وبنات الديرهه كثير بناخذ له ازينهم
بشاير: مشاعلل
الكل:؟؟؟؟؟
بشاير: احلا بنت بالديرهه مشاعل مغيرها طول وجسم وووو
ضاري: صه عيب عليس توصفين البنيه قدام الرجاجيل
بشاير: نسيتت المهم خذها
ضاري: ماني مفڪر بالزواج الحين .
الجدهه بحنق: اي بننتظر فوق الثلاثين ثلاثين
ضاري بضحكه: لا شدعوه يايمه ان شاء الله خلي اموري تستقر بعدين نتزوج
الجده: اجل خذ لك من بنيات عمانڪ؟
ضاري: يايمه بنات عماني مافيهم عيب مير انا معتبرهم خواتي .
شمقت الجده وهو صد يفڪر بنبره صوت " مشاعل " الغاضبه!
اللي مليانه حقد وقف واتجه لداره
، قعد وهو يفڪر مر ذڪرى قبل سنه
ڪان واقف عند، باب ابو خالد صامل، طرق الباب سمع صوت جاي ويقول
: من ع الباب
ضاري بارتباڪ: انا ضاري
مشاعل فڪت الباب وحطت اللثمه على فمها وخشمها،
مشاعل: هلا والله ضاري امر
ضاري: جيت اقول لس البقيه فـ حياتس
ارتجفت مشاعل وطاحت الشيله وقالت بدموع
مشاعل: من من؟ من الي مات
ضاري: ابوتس وامتس عظم الله اجرس واحسن الله عزاس
صاحت:لاااااا يمه يمممهه من بقي لي انا صرت يتيمه من دونكم ماحد معي يايمه لاترحوين لاتروحين وتخليني يممممممماااااه يايبه انت سندي الحين انا بدون سند يمه تعالي يمه والله ما اخليس لحالس يايمه اهى اهى
اغمي عليها وهو دخل واخذها وطلع فيها للمستشفى، واتصل على متعب واجوء الاهل ومرت ايام العزى ثقيله على مشاعل
وهي للحين تحت تاثير الصدمه
صحي من شروده وهو يقول
ضاري وهو يفتل شاربه: اها اجل الحين حاقدتن علي بسبه خبر اهلس الايام بيننا طويله
_______
بعد يومين
گانت مشاعل لابسه مخوور ازرق ولابسه عبايتهم الي تبينه والطرحه الشفافه هي الحين تعودت على اهل الديره
مشاعل وهي تقدم القروش للبياعه: خذي ياوخيتي
هزت راسها البياعه وابتسمت، ومشاعل توجهت تاخذ الاغراض الباقيه، ومن بين انشغالها حست بـ يد تسحبها!
تبي تصرخ وهو سڪر فمها، لفت له!
وقالت بهمس متفاجاء،
مشاعل: ضاري؟
ضاري: اي .
صدت وقالت بحزم: وش تبي .
ضاري: ابي اسالس .
مشاعل: قول .
ضاري: علامس تصدين ونبرتس فيها حقد؟.
مشاعل توها تدرڪ ليه تكرهه صدق ليه تكرهه، وش سوى، لو م قال لها بيجي غيره يقول لها،
قالت والخجل تغمسها: ماني عارفه، مير حقدت عليك لانڪ قلت لي بخبر امي وبوي
ضاري: مير انا موصئ ولا ودي اخبرس بخبر يضايقس ان ڪانس انتي او غيرس وانا مقدر وضعس والعذر لاني فجعتس فـ امان الله
مشاعل: العذر والسموحه والله انڪ رجال اجودي مير الشيطان شاطر فـ امان الڪريم
ومشت،
ناضر في قامتها، مشيتها، مخورها، اسوارتها،
فز قلبه نفض الافڪار ومشى وهو ساوي غترته على ڪتفه
سحبه: وين ڪنت
فلت يده وقال بصوت جهوري: وش دخلڪ انت هاه
قال وهو يتلفت احد سمعهم وقال وهو يرص على اسنانه:اسككت ياتبن فضحتنا انت وصوتك ذا
ضاري ضحك وقال: وش بغيت وليه تسال اجل ي راشد
راشد: والله ويسال بعد المحل روحح افتحه فتحو عليك استغفرالله لاتخليني ادعي عليك يلا
ضاري مسڪ قميصه من عند العنق ورفعه: هيييه انت ووجهڪ خلي عنك حرڪات العاقل تراني اكبر
ودفه ومشي
راشد اعتدل في وقفته وتلفت وماشاف احد ومشى وهو يتحلطم
.
.
: وينس
مشاعل: جيت وش بغيتي
رسل: بغيتس تساوين لنا كبستس الزينه!
ضحڪّت مشاعل على رسل وشفاحتها وقالت!
مشاعل: ابشري مالتس الا الي يرضيس
ابتسمت رسل وهي تضمها: ويلوموني، بحبتس
بادلتها مشاعل وبدت بتجهيز الكبسه
.
.
: محدن بـ هذا البيت الا هتان، ارحموني .
ام سراج رحيمه: كانس انتي الي تسوين الاشغال، وبطلي حلطمه واطبخي
سكتت وهي ماده البوز اليوم خلوها،تطبخ الغداء وهو مهو يومها !
بالصاله ڪانت قاعده الهنوف وتتابع بالتلفزيون القديم ومسلسلات قديمه جميله وجلسه تراثيه قديمه
دخل سراج وجسار: السلام عليكم .
وقفت: وعليكم السلام .
وقربت لهم وهي تحبهم على روسهم ڪ احترام لهم ڪانهم ابوها عوضوهم، عوض دايم يدعون لهم بالخير والفرح والجبر، وينبسطون بدخولهم عليهم،
قعدو وهي قامت تصب لهم قهوه
الهنوف: كيف الشغل معاكم؟ عساه زّين .
سراج: الحمدلله زين مير تعرفين البضايع وكذا .
الهنوف: الله يعينكم .
تمتمو بقولهم امين
وقال جاسر بضحكه: وينها الرجه علامها مهي مبينه .
الهنوف وهي تبإدله الـضحڪه: ساوت مشڪلتن مع ام حمد وامي احلفت ان تخليها تطبخ الغداء .
سراج هز راسه بأسئ: مهي عاقله ذي البنت .
جاسر فاطس ضحك: وجاء من يراددس ي ام حمد ههههههه والله مسيكينه هـالهتان بروح اساعدها .
الهنوف: لا تتعب نفسڪّ انا اول م دخلّت المطبخ امي طردتني .
ضحڪو ڪلهم ووصل ضحكهم لهتان الي صرختت بقهرّ
هتان: ضحكتم بليا اضراس ادري انكم علي .
ارتفع ضحكهم لدرجه ان رحيمه ام ذياب ضحكت معهم .
وانقهرت هتان فوق قهرها !
.
.
قاعد علئ كرسيه بالمحل، ويلف فيه طفشان ماله خلق الحريم وأسالتهم البايخه،
لفت أنظاره مجموعه حريم قال بهمس وحلطمه .
ضاري: هيا خذ لڪ جايينا جيش مهب حريم
وقف وهو يستقبلهم بقوله "اهلاً وسهلاً،تفضلو حياڪّم الله
دخلو الحريم والي تاخذ ذا والي تحط ذا والي تشوف ذا والي تسال على ذا واخيرا
طلعو زفرر وهو يَوقف،ويطلّع يغفل المحل ويتوجه لبيتهم
وقف عند بابهم وناضر بـاب صامل ابو متعب هم جيران االجدار ملاصق الجدار ابتسم من ذڪّراها ودخل بيتهم وهو يقول
ضاري بصوت جهوري: السلّام عليكم
الحريم الكبار والجده: وعليكم السلام
قرب وهو يحب راس جدته وامه وقعد
ضاري: شحالس ي جده
الجده: نحمد الله ياوليدي، ونتي وشلون الشغل معاڪ
ضاري: الحمدلله
قعدو يسولفون وقامو للغداء
بغرفه البنات بعد الغداء #
منال: بنات
بردود متفرقه: "خير" سمي ياشرياني"وش تبي"ياكثر هروجك"هاااااه"
منال بخرعه: بسم الله على شفيس انتي وياها علامس؟
والتفتت على بشاير وقالت بحب
منال: سم الله عدويينس ي قليبي هممح لعيونس
اخذت بشاير البوسه وحطتها على قلبها بـ طريقه مضحكه
والبنات فطسو ضحك.
منال: شرايكم نعزم مشاعل ورسل وريوف؟
جميله: يشيخه بتقولين بيت صامل مب فسلفه
مناهل بضحككك هستيري: ههههههههههههههههه سمعتو ههههههعههه وش هههههه قالتت هههههههههه
قرصتها غزل وسكتت!
غزل: خير وش يضحك ضحكينا
مناهلل: هههههههه قالت فسلفه ههههههههههه
البنات ماتو ضحكك على جمييله: ههههههههههههههههه
جميله بحنق: ضحكتن بليا ضراس علامس ترا غلطت مافيها شي
بشاير وهي تضم جميله وتضحك: هههههههه يحليلس ي جميلووه مهب كذيا قولي فلسفه مهب فسلفه
جميله ضحكت بوسط احراجها: هههههههههه مير غلطنا وش نسوي
وقعدو يضحكون وبعد الهدوء وكل شي
قالت منال: ها وش رايكم
بشاير بغباء: بويش؟؟
منال وهي تخبطها على راسها: بالعزيمه البسيطه
غزل: اي تمام خلينا نقول لهم
بشاير: انا بطلع للصاله بدون حد يدري وبتصل
هزو رؤسهم البنات وهي طلعت
_________#
ببيت صامل كانو الكل نايم قيلوله الضهر، ودق التلفون ومشاعل بالمطبخ غسلت يدينها وتوجهت الا ويفصل
اخذته وتشوف المتصل بيت ابو مناحي
رنت وهي مستنيه الرد
جاها صوت رجولي: هلا
مشاعل عرفت صوته وفز قلبها وارتبكت بهمس: مير بغيت البنات
ضاري: وانا؟
مشاعل وهي قاطبه حواجبها: انت؟ وش
ضاري بضحكه: ماتبي تهرجين معي
اشتعلو وجنتيها واطلقت ضحكه صغيره؛ حم لا مابي مير، حصلت اتصال منكم وبغيت اسال، بغيتو شي؟
ضاري: بشوف البنات وبهمس يابعد البنات انتي
حست لوهله انه موجود يشوفها وذابت من الحياء
ضاري بصوت شبه مرتفع: غزييل غزيل.
اجت تركض غزل: هلا ضاري امر
ضاري: مايامر عليس عدو مير بسالكم اتصلتو ببيت ابو صامل!
غزل وهي تخبط على جبينها: اي هذي الخبلا بشاير
ضاري: ترا رديت فكرته احد تراها على الخط
غزل هزت راسها ومسڪت التلفون العادي مب ارضي وشافت مده المڪالمه ومبين انه سولفو ضحكت بصوت واطي وهمست: هينن يالورعان حرڪات من ورانا
*« أنتھئ البارت الثاني اعتذر اذ في اغلاط »*
➖➖➖➖➖➖➖➖➖
*سبحانالله.*
*الحمدلله.*
*لاالهالاالله.*
*اللهأڪبࢪ.*
*حسبياللهونعمالوڪيل.*
*اللهمصلى،وسلم؏سيدنامحمد.*
رایــکم بـالبـارت
نـعـتذر اذ یــوجـد اغـلاط امـلاءيه.