الفصل 10
البارت العاشر---
عبد الملك :انتم شايفين سعود انا مثلكم ماكنت اعرفه تعرفة عليه بالجامعه انسان حساس لاقصى حد خلانا نعيش معاها بالشقه ذيك الفتره كانت امه توها متوفيه كان مخفي حزنه كان يغني لنا بصوتها بعض الاحيان كانت تنزل دموعنا انا ونايف كان صوته حزين ماتتخليلون قد ايش عانينا لمى عرفنا قصته
§ياسر ماعرفة ايش سبب المقدمه كلها بس عرفة ان وراها شي كبير §
يكمل عبد الملك: عرفنا ان ابوه سعودي تزوج امه الاجنبيه على زوجته الاولي كان يزورهم من سنه الى سنه يمكن ماعرف ابوه ولاحبه لانه ماعاش معاه بس يحب امه ويغليها مااتوقع ان احد مايحب امه بعد ماخلص من الثانويه وقدم علي الجامعه قسم اعمال التجاره بصرار من امه ابوه خلى له رصيد في البنك يعيشه هو وعياله بس الي خلاه مايعاندها كانت تعابانه بعد فتره زاد تعبها اكتشفوا ان معاها السرطان في الدم ماقدروا يسيطرون عليه اقل من 8 شهور ماتت وقتها احنى تعرفنا عليه عشنى معاه سنتين والله انها من احلى ايام عمري انسان قمه في الذوق والادب والاحساس بعدها صارحنى ان امه طلبة منه قبل لاتموت انه يتعرف على اهله وانه كلم واحد يجيب له رقم اعمامه اتصل على واحد من اعمامه بعدالمكالمه تضايق عرفنا منه ان عمه ماصدقه بصراحه شي مايدخل العقل واحد يتصل عليك ويقولك انا ولد اخوك وعمري 23 وسنه سعود تحطم كثير وقتها كنا مخلصين الجامعه قررنا نجيبه معانا لان ماله احد غيرنا هو طيب ومن طيبته الناس يستغلونه اتفقنا انا ونايف نجيبه معانا وافق وجاء قبل زواجك ياياسر عرف اهله كانت صدمت عمره
تعرفون من اهله
ناصر :مين ترا جد احس نفسي بفيلم
عبد الملك: انتم
ياسر قمت معصب: انت مجنون لا موصاحي
ناصرمصدوم : ياسر اهداء خلينا نفهم شوي
عبد الملك :لاتعصبون المفاجأه للحين ماعرفتوها اتمنى انكم تتمالكون شوي
ثامر :كمل لاتحرق اعصابنا
عبد الملك: هذا اخوك يايوسف انت كم مره قلت انه يشبك كثير لان الشبه بينك وبينه كبير تدري ليش لانه اخوك التؤام
ياسر :قال عبد الملك القنبله وسكت
يوسف :الي جالس ماتحرك وعيونه معلقه بعبد الملك ثامر وناصر وفيصل يتبادلون النظرات
عبد الملك: يوسف انااسف بس هذي هي الحقيقه انت شفت حالتها لما عرف انكم اهله راح لوصية امه الي وصته انه مايفتحها الى اذا لاقاكم قراها ماصدق انه انحرم من امه والي عاش ماعاه طول عمره ويناديها امي ماهي امه هومقهور حس انه مظلوم وليش هو الي انحرم من امه ومو اخوه الثاني وليش ينحرم من امه ليش هذا لان زوجة ابوه الثانيه ماتحمل
يوسف بهدوء :كيف امي ماتعرف
عبد الملك: امك كانت عايشه بلندن ماعرفة انها حامل بتؤام لما عرف ابوك اخذ واحد وداه عند زوجته الثانيه وتعرف المستشفيات زمان ماكانت تهتم
ياسر :انا للحين احلم ولا شلون
عبد الملك :اذا انتم سويتوا كذا اجل المسكين الي داخل كيف بيتقبل الوضع
ناصر: عشان كذا كان منهار اليوم وطرد يوسف
ثامر :مااصدق مستحيل
يوسف قام بهدوء
ناصر: يوسف ,,,يوسف
ثامر :قوموا خلونا نلحقه
سعود الي جالس مع ابو ياسر وابو احمد يتكلمون عن الشغل وسعود سرحان ومهموم
يوسف دخل للمجلس بهدوء وقف قدام سعود
ياسر انا واقف ومعاي فيصل وناصر وثامر وعبد الملك بني نعرف ايش بيصير
سعود رفع راسه شوي شاف طرف الثوب رفع راسه وشاف يوسف ناظر الصوب الثاني شاف الشباب كلهم واقفين جنب الباب
سعود وقف عرف ان عبد الملك قال لهم اصلاً واضح من اشكالهم تحرك بيمشي بس وقفته ايد يوسف الي مسكته
سعود ينزل راسه للارض :ممكن تخليني اروح <وعيونه مليان دموع< لان وجود خطا
يوسف شاد على ايده وسعود يحاول يفكها
ياسر ماصدق ان عمي متزوج على ام يوسف واخذ ولدها واعطاه زوجته يالله كيف طاوعه قلبه كيف حرم ام من ولدها وكيف حرام سعود من امه وابوي وعمي كيف مايدرون حرام شكله يكسر الخاطر ودموعه بطرف عينه
يوسف سحب سعود لحظنه بهمس :اشتقت لك
سعود الي بردة اطرافه من الكلمه اشتقت لك
ابو ياسر :ايش الي صار ايش فيكم
يوسف يبعد عن سعود :بتعرفون <بسلوب مرح> الي عنده سكر وضغط ياخذ علاجه
ابو ياسر كانه شك: ايش فيه فهموني
يوسف يطالع الشباب تعالو احكوله انا مافيني اعصاب اتكلم
في مجلس الحريم
ام احمد: ليش رفضت
ام ناصر :ماادري عنها هذا ثالث واحد يجيها وترفضه وابوها مايبي يغصبها
ام ثامر: ماادري عيالنا مايبون يتزوجون ياسر غصب وافق وثامر كل ماقلنا له قال بعدين
ام يوسف: وانا بعد الولد مو راضي يسمع لي وانا اخايفه اختار له ويفشلني
ام احمد :والله مو قادرين على نوره مو بس يوسف الي خطبها ورفضته ماادري ايش الي براسه انا خايفه عليها ابوها حلف ان اذا جاها واجد احواله كويسه بيزوجها غصب عنها
ام ياسر :الله يعينى علي اعيالنا كل واحد اعند من الثاني انا ماادري زياد وشلون متحمل عناد مروه
ام ثامر :عاد مروه عنادها يجنن خلوها المهم انها مبسوطه معاه وهو بعد طيب
عند البنات
نهىايش رايكم ندور لنا السبوع الجاي خرجه يعني ينبع
نوار :ينبع خرجه ها قولي سفره مو خرجه
نوره :انا اشتقت لمزرعه ابوي ايش رايكم بس نروح ينبع احسن
رانيا :انا موافقه
نوار :انا مااقدر عندي ثانويه عامه صعب
نوره :انتي غصب عنك مو بكيفك تجين مع ياسر و ياسر يحب يروح هناك
نوار :يصير خير للاسبوع الجاي
مروه :يلا انا باروح انا تعبانه حدي
نهى :عادي قولي بكلم زياد مافيها شي
مروه :مالت عليك ايه باروح اكلمه انقلعي انتي وياه سوالفكم ماصخه
رانيا :خلي زياد يزيدها ملح
راحت مروه بدون ماترد عليهم
في مجلس الرجال
ابو احمد: ابو ياسر انت تدري
ابو ياسر :انا اول شي ماكنت مصدق لاني اعرف اخوي مايخبي علي شي ابد بس قبل فتره وصية احد يسال ورد لي خبر الاكيد راح لسعود في شقته مالقاه ماكنت ادري انه عايش عندنا وحولنا
سعود الي ساكت ومنزل راسه للارض
ياسر :سعود
سعود منزل راسه: سم
ياسر ا:رفع راسك وكلمني
سعود يقوم يبي يخرج: انا رايح
يوسف قام وعبد الملك قام بنفس الحظه
يوسف :خلك اناابي اكلمه شوي
سعود وقف برا يتنفس مو عارف ايش يسوي بيرجع لشقه بس مايبي يروح لها يبي يتمشي مايدري وين يروح بكى ونزلت دموعه غصب عنه مايدري ليش بس رغبه واحساس انه يبي يبكي
يوسف :اخوي سعود
سعود حس بقشعريره من كلمه اخوي ماقد سمعها من يوسف ولف صوبه
يوسف يقرب منه :ليش منزل راسك لاتنزله ومابي اشوف دموعك فاهم انت اخوي ويرفع وجهه سعود انت اخوي التؤام تدري انت مافيك غمازه مثل احسن انا احلى منك
سعود يبتسم
يوسف: تعال بنوصل امي البيت ابيك تـجي معي
سعود يمسح دموعه :مااقدراشوفها
يوسف: ليش هذا امك ماتبيها تعرف
سعود :خايف عليها اخاف يصير فيها شي مااقدر انا بسافر ماكنت ادري انها امي بس الحين دريت وقررت ارجع ماابيها تتعذب كافي انا متعذب
يوسف :وانا ماتبيني
سعود :ماقلت كذا انت اخوي وبتظل اخوي انشالله اجي ازوركم بس مابيها تعرف
يوسف: مو بكيفك الحين بوصلها وبنقول لها اليوم مافيه شي يتاجل لبكره يلا الحين اتصل عليها اخليها تجهز
ناصر يرجع الستاره: مافيهم شي يتكلمون مادري عن يوسف والله خفت عليه
عبد الملك: والله سعود الي كاسر خاطري نفسيته تعبانه
ام يوسف :يلا انا رايحه يوسف برا يبيني
ناصر :اليوم كان عتبان حيل بذات لما شفت دموعه
ثامر: مانزل دمعته الي وهو مكسور وحزين
ابو ياسر :صعب عاش مع وحده ضنها امه وبعد كل السنين تطلع مو امه وامه عايشه وانحرم منه انااماادري احس اني بحلم او دايخ
ابو احمد :الي كاسر خاطري ام يوسف الله يصبرها
يوسف :اهلين ماكان طولتي يمه شوي
ام يوسف :اقول يسوف انطم ماخبري بناصر قليل اصل من وين جايب ذا الكلام
يوسف: يمه هذا صاحبي سعود مو ناصر
ام يوسف: هلا سعود وشلونك يمه
سعود مانطق بحرف تقوله يمه :بخير
يوسف: يلا امي نبي نوصلك سعود بيجلس عندنا كم يوم شقتهم يبون يصلحونها ولد اختك بيروح جده يومين
سعود طلع سيارته و يوسف وامه بسياره
ليلى: ساري انا قلت مابيه خلاص
ساري تغير كثير من زادت فلوسه صار كل شي عنده فلوس ماهمه مشاعر احد : مو بكيفك وبعدين الرجال ماينعاب
ليلى :بالنسبه لك ماينعاب فلوس وعنده وشركات بس انا ماابيه خلاص اووف
ساري: غصب عليك بتوافقين مو بكيفك
ام ساري: يمه اختك للحين صغيره وبعدين الزواج قسمه ونصيب
ليلى تقوم: انا رايحه غرفتي وزواج مابي افهم
سعود نزل من سيارته يطالع البيت هذا اول بيت الي دخله ماكان يدري ان هذا بيت ابوه وان امه عايشه
يوسف ينزل من السياره وينزل شماغ :يمه لاتدخلين انا وسعود نبي نتكلم معاك شوي
ام يوسف مستغربه :يمه ايش صاير
يوسف :ابد كل خير تعالي معاي وناظر سعود الي وافق عند سيارته تعال ياسعود
يوسف جالس على الكرسي قدامه سعود وامه علي يساره
يوسف :يمه قبل كل شي ابي اسالكي سوال واحد وابي جواب ليش دايم تدعين لـ ابوي ان ربي يغفر له ويسامحه وتطلبين من انا كمان ادعيله من وانا صغير يمه انا كم مره سالتك ماجوبتيني ودايم تبكين بصراحه
ام يوسف مستغربه من ولدها وكيف يتكلم براحه قدام سعود ويبيها تجاوب وباي صفه سعود جالس ويوسف يسال ذاالسوال
يوسف :يمه جاوبي علي
ام يوسف :يعني متخسر دعوه تدعيها عشان ابوك وبعدين كل انسان وعنده ذنوب ومعاصي
يوسف :يمه انت للحين ماجاوبتيني بصراحه يمه اطلبك تجاوبين على اسالتي بصراحه يمه انا رجال شوفي ايش كبري
ام يوسف: يوسف ايش صاير لاتخبي على
يوسف :يمه تدرين ان ابوي متزوج عليك يمه ابي الصراحه
ام يوسف تطالع سعود ودمعه بعيونها :ايه ادري
سعود بغصه :تدرين انه تزوج نهال من متى
ام يوسف ساكته
يوسف: يمه تدرين ان لي اخو تؤام
ام يوسف تحاول تكابر :ايه ادري
سعود :متى دريتي انه تزوج عليك
ام يوسف تبكي: ايش الي تبونه مني جايين تحاسبوني عن الماضي
سعود ويحاول يمسك اعصابه ودموعه ماتخونه بصوت مخنوق :تدرين انه اخذ ولدك منك ولدك ربته وحده ثانيه غيرك
ام يوسف توقف : خلاص بس بس
يوسف :يمه ردي علينا يمه ابي اعرف اخوي وينه ليش ماخبرتيني ليش
ام يوسف: تبيني اقول ابوك اخذ ولدي مني وعطاه زوجته الثانيه تبيني اقول لعمامك اخوكم اخذ ولدي تحسبون ماعندي قلب مااحس حرام عليكم من مات ابوك اخر وصيته طلب مني اسامحه اه حرام والله اني اموت كل يوم الف مره
يوسف: ليش ماقلتي لنا ندوره ليش
ام يوسف :سالت عنه بس ماقدرت اوصل له يوسف انت مين الي قالك
يوسف: سعود قالي ويعرفه ويعرف مكانه بعد
ام يوسف :سعود يمه تعرف وينه تقدر تجيبه
سعود :لو تبينه الحين بيجيك
ام يوسف الي مافي وسع الدنيا عليها : ايه ابي اشوفه يوسف روح جيبه
يوسف يتكلم سعود تجعت دموعه: يمه مايحتاج ولدك عندك شوفيه مااحله طول بعرض
ام يوسف وقفت وسعود وقف نفسه بشي واحد حضن امه بس ومايبي شي ثاني غيره
ام يوسف حضنة ولدها الي نحرمت منها طول السنين الي راحت سعود الي ماقدر يتحمل صوت بكاه ودموعه على عبايتها
يوسف :خلاص ترا باقي انا خلاص ماصار لي مكان
ام يوسف: انت روح لناصر يعطيك حنان مالت عليك
سعود يبعد عن حضن امه :انت مكانك موجود ماراح اخذه
يوسف: نشوف الايام الجايه بتثبت
ام يوسف تمسح دموعها: يلا خلونا ندخل جواء
يوسف: ايه نفسي اعرف عنك ياسعود كل شي
ام يوسف: وانا بعد يمه كيف عشت كيف كانت تعاملك نهال كنت تشوف ابوك الله يرحمه كثير
سعود :من عيوني كل شي بتعرفونه
في بيت ابو ياسر
نوره :مابي ابي اطلع اختنقت من البيت خلونا نروح عند المسبح
رنا :ايه والله صح الشباب وين بالملحق ولا في الحديقه الاماميه
نهى: يلا خلونا مره نخاطر لو صرخ علينا ياسر بنقول له نوار نفسها تطلع برا
نوار :لاياعمري لاتورطيني ياسر ماعنده نوار ولاامي كله في الهواء سوا
رنا :يلا كل وحده تلبس عبايتها بسرعه
ثامر :يلا خلونا نطلع برا
فيصل يوقف :شباب انا ابد مو مصدق مستحيل لي ولد عم
ناصر يطلع من الملحق :يوسف له اخ وتؤام مستحيل ام يوسف وشلون ماتدري كيف عمي خبى على الكل
ياسر :الدنيا هذي تخوف ياخوفي بكره مااكون ولد عبد الرحمن
ثامر يدفه :اقول اسكت بس لااذبحك الحين
ناصر: انا بدخل اخبر الحريم أكيد مايدرون
فيصل: لا خلك انا بدخل
ناصر :لا انا الكبير وانا بدخل كيفي وبعدين نهى جوا أكيد بتتهاوشون
فيصل: حرا ابي ابلغهم انا
ثامر: لا انت ولا انا شوف البنات طالعين خلنانقولهم
ياسرطلعت جوالي :بتصل على نوار انا باخذ نوار وبنروح الفندق مالي ومالا ازعاجهم
نوار :الو
ياسر :السلام عليكم
نوار: وعليكم السلام
ياسر: يلا مشينا
نوار :يلا انا طالعه اخذت شنطتي والبنات طلعوا قبلي
رنا: وين رايحه
نوار :ياسر يقول يلا مع السلامه
نوره: خساره يلا مره ثانيه
ياسر رحت لسياره اشرد من ازعاج البنات شغلت المسجل وحطيت راشد الماجد
ساعات احس ان الزمن قاسي ولايمكن يلين
نوار دخلت السياره السلام عليكم
ياسر وعليكم السلام وطلعنا من حوش البيت
ساعات احس ان الفرح محال ولا يممكن بيحين
ساعات احس ان الزمن قاسي ولايمكن يلين
هذا اللي شفته بدنيتي كلما مضى لي من سنيني
يامن يعلمني الفرح ويفرح القلب الحزين
اشكي مراره حيرتي الدنيا ماضني بتزين
واذا بدى يعيني الامل تجد احزاني وتبين
روح زماني وانتهى وتركلى الجرح الدفين
دنيا كفى الله شرها تخلي كل قاسي يلين
ساعااااااااااااااات
نوار احس الغنيه عني مشكور ياراشد كان الشاعر عايش حالتي
نوره :مستحيل انت تلعبون علينا
رنا: لا ماصدق عمي يسوي كذا ليش
ثامر :هذا الي صار
ناصر: سعود اخو يوسف يعني اعيال عمي
نهى: وي مااصدق يمه والله خفت
فيصل: لاتخافين انت بنت عبد الله
نوره :تخيلي نهى ماتطلعين اختي وحده من الشارع وابوي يقولك يلا روحي لااهلك مانبيك وهم فقراء عندك 6 اخوات و4 اخوان يضربونك امك وابوك عجزوا ويزوجونك واحد من الحاره الي عندكم وبيتكم مهدم يوووه
نهى ودموعها بعيونها وتضرب نوره: انقلي ياحماره يادبه والله لاعلم ابوي يادبه
رانيا تكمل: تخيل وانا اكرهكي انفشل منك قدام صحباتي وماتطلعين من البيت ماعندك جوالي ماعندك محمول وبيتكم مو عدل يمه والله لاتبرا منك
نهى بكت جد :انقلعي انتي وياه انا الي اكرهكم روحو عني
رنا تناديها :نهى يانهى تعالي
رنا تكلم نوره ورانيا :انتم ماعندكم احساس جد قليلين اصل
ناصر :يعني ماتعرفون انها حساسه شغلك عند ياسر :يانوير انتي ورانيا
فيصل :خليكم باروح اشوفها
ثامر: اووه تدخل قيس ابن الملوح
فيصل يروح صوب المسبح
نهى جالسه تصيح
فيصل: ليش تصيحين تدرين اني لو نوره صادقه يابختي وقتها يكون اهلك فقراء عاد انا فيصل بن عبد الرحمن يخطب بنتهم هم يوافقون بدون مايخذون شورك على طول يوافقون
نهى ولثمتها كلها دموع :ادري انكم ماتبونها انا اعرف انكم تكرهوني
فيصل الي يتكلم بحده: انتي ليش تفكيرك كذا انا عرف انك زعلانه من اخر موقف الحين بنكمل سنه وانتي زعلانه نهي انتي كبرتي مو طفله تزعلين وتبينى نراضيك
نهى: انا اعرف شي واحد انكم تكرهوني ودكم ترموني البشارع ماادري لو صار شي لــ ابوي ايش بتسوون فيني
ناصر قرب منهم :نهى انتي مجنونه انتي وحده منا وفينا
نهى: الي صار لسعود ممكن يصير لي سعود مو اول شخص بالعيله انخدع لاتنسى ياسر
رنا :ابوي ماكان بيخبي عن ياسر يانهى قال له لما صار عمره 15 سنه قاله هذي مو امك هذي اخت امك امك ماتت
نوره: نهى انا كنت امزح معاك انتي اختى مهما كان
نهى تمشي عنهم: الله يخلي لي ابوي هو عزوتي بدنيتي
فيصل" هذي يبيلها مستشفي نفسي
نوره "نهى تتحسس كثير من الي يصير من حولها هذا كله من دلع ابوي لها صايره حساسه زياده عن الازوم
ام ناصر "يويلي عليك ياام يوسف ويش بيصير لك لو دريتي
ام ثامر: الله يصبرها ويعينها
ام احمد :الله يسامحه وشلون طاولعه قلبه وسوى الي سواها ياربي الدنيا صارت تخوفني
نوار دخلنى الفندق نزلت عباتي وبدلت ملابسي وجلست على الكرسي قدام المرايا اليوم مبسوطه اكثر شفت ملك بس زعلانه بنفس الوقت انها سافرت راحت وخلتني ومبسوطه كمان عشان تجمعنى مع بعض ومشتاقه حيل لاخواني وشتقت لــ ابوي مادري هو اشتاق لي ولا لاء
ياسر طلعت من الحمام وهي للحين تمشط شعرها مسكينها شكلها سرحانه ناديتها: نوار نوار
نوار :ها
ياسر حبيت العب عليها ويش :قلتي
نوار بلعت ريقي ويه ماادري ايش قال
ياسر :شكلك سرحانه تبين عشى
نوار :لا مابي توي تعشيت
ياسر :براحتك طلعت من الغرفه متملل جلست في الصاله افكر في بكره ايش مصيري وايش مصيرها انا للحين مو قارد اتقلم مع الوضع مو متخيل اني الحين متزوج ومسؤل عنها شي صعب وبعدين ايش ذنبي وذنبها الله يسامجك يبه
فكيت دلاب الملابس بصراحه ملانه حد من اجي الفندق يضيق خلقي اخذت الشنطه وحطيت فيها كل ملابسي ومكياجات والعطور اوف خليني اقوله احسن طلعت لصاله وهو مندمج بالبرنامج علي العربيه جلست : ياسر
ياسر ايش تبي :نعم
نوار :انا اقول بكره جمعه والسبت دوامات لازم نرجع بكره البيت
ياسر :ليه ماتبين تسافرين
نوار :لا مابي عندي مدرسه واختبارات لازم اداوم
ياسر: براحتك بس جمعي اغراضك واغراضي بعد
نوار :خلصتها وجهزت الشنط بعد
ياسر: طيب مسويه كل شي ليش تجين وتقولين لي بعد مااخذتي قرارك
نوار :ياربي عادي دور المشاكل دواره لا بس ماتوقعت انك ترفض عشان اشغالك في الشركه
دق جوالي ياووه مروه : الووو
مروه :ياسر صح الكلام الي
يا سر يقاطعها: اذا عن سعود إيه صح ولا تسالين
مروه: يسور وجع انا مو مصدقه للحين والله حتى زياد مو مصدق
ياسر لا صدقوا ,,,ياربي اذني شوي شوي ايه ,,,,صح ,,,,ماادري اروح اصحى عمك من موته عشان اقوله ليش انتي مجنونه
ياربي اقول مع السلامه روحي لـ ناصر ولا فيصل لاتزعجيني ,,, ههههههههههه بتطرديني من بيت ابوي .,,,هههههههه عادي نتغداء في مطعم
,,يلا مع السلامه
نوار :ايش فيها مروه عمي فيه شي
ياسر: لا بس طلع لنا ولد عم جديد
نوار: ايشششش
ياسر :هههه حتى انتي
نوار: ولد عم جديد يعني ,,,ماادري كان مسافر يعني
ياسر :لا انتي تعرفين يوسف صح
نوار :ايه اعرفه
ياسر: هذا اخوه التؤام وحكيت لها كل السالفه
نوار :مستحيل وكيف اعصابك بارده يمه لو انا من مروه كنت ذبحتك
ياسر :هههههه ههههه هههه والله تعالي جربي بس
نوار: انت شارب شي اليوم ترا مو طبيعي
ياسر :ليه تبيني ابكي ونوح اقول ياويلي يايمه طلع لي ولد عم ياويلي يايمه ولد عمي ماتربى عندنا
نوار ضحكت على خباله هذا ابد مو صاحي
ياسر اقول اروح انام احسن بكره لازم اقوم بدري عشان الصلاه
نوار باقي شهر على الامتحانات وانا اعصابي فلتانه بس والله ماقصروا معاي كلهم يساعدوني الحمد لله ماصرت اخذ العلاج
سعود عايش مع امه ويوسف اخوه
مروه عايشه حياته اوكي
رنا ونوره ماعندهم شي نهى ورانيا مبسوطين في الجامعه وفالينها
ناصر ويوسف نوم النهار وسهر الليل وفيصل في الجامعه يداوم يوم ويغيب ارربع
وياسر في شغله 24 ساعه يـجي معصب اخاف اكلمه يدخل المكتب ومايطلع الي اخر الليل وانا وقتي كله مذاكره
: ياربي مو فاهمه شي رميت كتاب النحو من ايدي طفشانه الحين الساعه 2ونص وياسر ماجاء للحين اليومين الي راحت صار يطول مايـجي الي متاخر عمي كل يوم يسال عنه يحسبه يتغداء فوق مايدري انه مايجي الي العصر يصلي وينام يصحى المغرب يروح الشركه ومايجي الي 2 او3 في الليل ويروح الصباح
انفك باب القسم دخل ياسر بهدوء نزل شماغه بتعب ماتكلم دخل الغرفه ورمى نفسه على السرير ياربي اكيد معصب دخلت وراه اناديه
ياسر تبي تاكل شي ,,, ياسر ياسر انا اكلمك مارد علي قربت منه وجهه معرق ياسر انت تعبان مارد علي مسكت جبينه حار كثير مادري ايش اسوي
لبست عباتي اصحي عمي لا اكيد نايم اجل مين ناصر إيه ناصر مافيه غيره طلعت من الجناح وانا حدي ارتجف دقيت الباب غرفته مره مرتين ثلاث مااحد يرد
ياربي ياسر تعبان ايش اسوي ابرجع للغرفه ناصر وفيصل توهم جايين
فيصل :نوار ايش فيك
نوار : ياسر تعبان ناصر رح شوفه دخلت مع ناصر وفيصل
فيصل : ليش ووجهه مصفر كذا
رناطلعت من الغرفه :يمه اخوي ايش فيه
نوار : ماادري عنه تو من شوي جاي
ناصر وفيصل شالوه نوار اخذت جوال وشنطتي: انا باروح معاكم
ناصر :ماله داعي ماراح نطول
رنا :لا انا ابي اروح
فيصل بصراخ :اقول اجلسي انتي واياها هنا مالكم داعي
نوار نزلت معهم وركبت السياره
ابو ياسرطلع من غرفه : رنا ايش فيكم
رنا: مافيه شي يبه بس ياسر تعب شوي وداه ناصر وفيصل المستشفى انشالله خير
ابو ياسر: نوار وينها
رنا :راحت معاهم مارضيت تجللس
نوار دخلنا قسم الطواري زحمه وقمه الازعاج الدكتور للحين عنده
ناصر: من متى وهو تعبان
نوار تورطة انا لي السبوع ماتكلمت معاه بعد ماعصب على ومد ايده علي ماادري عنه رديت عليه: اليوم الصباح ماكان فيه شي
فيصل :والظهر تغداء
نوا ر: اليوم ماجاء يقول عنده شغل ماادري عنه
ناصر: خير انشالله يمكن ارهاق من الشغل
لنا الحين ربع ساعه الدكتور توه طلع
الدكتور: الحمد لله على سلامته
ناصر: الله يسلمك خير دكتور شو فيه
الدكتور: باين عليه مجهد نفسه الايام الي راحت ماياكل ماينام فقر دم بسبب قله التغذيه مصاب انفلوتزا و مايهتم بنفسه ابد
نوار اسمع كلام الدكتور وانا مفتشله من ناصر وفيصل
ناصر: دكتور بنشوفه
الدكتور: ايه ادخلو عليه بس لاتزعجونه لانه نايم
نوار جلست على الكرسي الي برا ناصر وفيصل ودخلوا عليه وانا برا استناهم يطلعون
ناصر فيصل يلا مشينى
فيصل :نوار مادخلت خلنى نطلع عشان تدخل
ناصر :يلا امش
ياسر دايم وجوده يسبب لي الخوف مع اني نادر مانتكلم مع بعض دايم هو مشغول حرام كل الي فيه عشان ورقه ضيعها باهماله أكيد مهمه لو ماهي مهمه ماكان تعب بس انا ايش ذنبي يمد ايده علي
انا ماقلت لكم عن الشهر والنص الي راحت ياسر اعطاني محاضره عن المكتبه لازم اقول له اذا ابغى انظف المكتب عشان يشيل كل اوراقه بس ذاك اليوم ماقلت له نسيت رتبت المكتب الاوراق والملفات بكل مكان على الارض على الكنبه بكل مكان جمعتها وحطيتها علي المكتب جاء حضرته بعد صلاه العشاء دور الورقه الي يبيها مالقها عصب وكان متوتر حده قام يصارخ و يتكلم علي اخر شي مسكني من شعري وسحبني للمكتب وقالي هذا المكان ممنوع تدخلينه ودفني على الارض وبعدها ماصرت اكلمه ولا يكلمني ودايم برا البيت
فيصل: نوار ,,,نوار بتدخلين
نوار :اتنم روحوا انا بجلس عنده
ناصر: بس الدكتور يقول مو مطول
نوار: مايخالف انتم روحوا انا بجلس عنده
فيصل: براحتك يلا ناصر
نوار اخذت شنطتي من على الكرسي ودخلت الغرفه شكله يكسر الخاطر ياسر الي بطوله وعرضه نايم على السرير وجهه مصفر حول عيونه سواد كيس مغذي وكيس دم حاله يحزن نزلت نقابي وجلست على الكرسي أكيد الورقه مهمه كثير
في سياره فيصل وناصر ساكتين
تكلم فيصل فجأه :متهاوشين قبل خمس ايام تقريبا
ناصر :ايش تقول عن مين تتكلم
فيصل :نوار وياسر انا شفت ياسر طالع من الدرج لحقته بكلمه بس كان مستعجل مانتبه لي بعدها بدقايق سمعته يصارخ على نوار
ناصر: ايش صاربعدها
فيصل :ومن بعدها طول اليوم بر ا البيت يطلع الصباح ويرجع باخر الليل تدري انا من اول ماكان عاجبني قرار ياسر بانه يتزوج لو خلاها عند اهلها احسن لها وله
ناصر :فيصل انت صاحي
فيصل: انا بسألك اخوك عمره اخذ نوار وطلعوا تعشوا ولا تغدوا ولا حتى يتمشون
ناصر :لا
فيصل: انا متأكد انه اخذها من اصرار ابوي له احيان اكره اكره من قلبي حرام البنت من اول مضلومه ويجي اخوك يضلمها زياده
وصلوا البيت ناصر يقفل باب السياره :فيصل احنى مالنا شغل باحد هم يحلون مشاكلهم بروحهم
فيصل :ماضنتي اخوك عنده ذره احساس اخوك جليد جليد ياناصر مدري متى بيذوب
ابو ياسر: ها طمنوني
ناصر :انت صاحي يبه
رنا :صحى بعد مارحتوا مارضى ينام
ابو ياسر :وشلون ياسر
ناصر: بخير بس تعرف ولدك يحب شغله اكثر من نفسه ارهاق شوي والظهر يطلع انشالله
فيصل: يلا انا بروح انام صحوني على صلاه الفجر
رنا: فيصل لا تنام باقي ساعه اذا نمت ماراح تقوم
فيصل يجلس على الكنبه: اووف طيب سوي لي شاي
ناصر: وانا بعد ابي شاي يلا بس لاتحطين ملح بدل سكر
رنا رايحه المطبخ :ههههههه سخيف
نوار : ماادري ايش مكتوب فيها عشان ادور عليها احسن اني مقهوره سمعت صوت الاذان غمضت عيوني بهدوء الله صوت الاذان الي يريح النفس دخلت الحمام توضيت دورت على سجاده لقيتها فرشتهاوصليت الفجر خساره مامعاي قران كنت الحين اقراء احسن من الجلسه دخلت الممرضه تقيس ضغطه وتشوف ودرجه الحراره وطلعت جلست علي طرف السرير شلت شعره من على وجبينه شفت حرارته عادي شوي نازله حطيت له كمادات
ياسر حسيت فيها تكمد لي بس سويت حالي نايم مالي خلق لها
نوار بعد نص ساعه تعبت نعسانه ومصدعه جلست على الكنبه ضغط على راسي انفتح الباب
ابو ياسر:السلام عليكم ها كيفه
نوار قمت حبيته على راسه ويده :وعليكم السلام الحمدلله بخير
ياسر حسيت ابوي يمسح على راسي فتحت عيوني
ابو ياسر: الحمد لله على سلامتك
ياسر بصوت مبحوح: الله يسلمك
نوار :الحمد لله على السلامه
ياسر :الله يسلمك
ابو ياسر: كذا تخوفنا عليك
ياسر ابتسمت :ماقلت لكم خافوا مافيني شي بس سخونه
ابو ياسر : هذا جزاتي اخاف عليك يلا انا رايح نوار يلا تعالي معاي
نوار :لاعمي انا بجلس انت روح
ابو ياسر : كيفك انا رياح تبين شي
نوار: سلامتك
ياسر :ها زعلتي
ابو ياسر :تطلع باالسلامه اورويك
,,,,,,,,,,,,,,,,,,,,,,,,,,,,,
#13