الدكتوره نفسيه
دخلت ليان الغرفة وهي مكشرة وما راضية تطالع لا بوجه جاك ولا بوجه الدكتورة. جلست قدامها، متصلبة، إيدها تعصر أطراف فستانها.
الدكتورة ابتسمت بهدوء:
ـ "ليان… أنا مو هنا أحكم عليك، أنا بس أبغى أسمعك."
سكتت ليان، بس بعد دقائق من الصمت قالت بصوت مكسور:
ـ "أنا… ما عاد أبغى أعيش… كل شي يذكرني بولدي… حتى نفسي صارت تذكرني فيه."
جاك كان جالس بعيد يراقبها، عيونه تلمع، قلبه يتقطع وهو يسمعها.
الدكتورة دوّنت بهدوء ثم رفعت راسها، نظرتها صارت جدية:
ـ "جاك… أحتاج أتكلم معك بعدين على انفراد."
بعد الجلسة، لما خرجت ليان للحمام، الدكتورة وقفت قدام جاك:
ـ "اللي عندها مو بس اكتئاب ما بعد الولادة… أنا شاكة إنها عندها اضطراب أعمق… أعراضه خطيرة. لازم نتابع بسرعة قبل ما تأذي نفسها أو…"
جاك قاطعها وهو يرجف:
ـ "أو… أو تأذي غيرها؟"
الدكتورة سكتت، ما جاوبت، بس نظرتها قالت كل شي.