دمية الخيال - الأنكسار - بقلم ريان | روايتك

الفصل الحادي والثلاثون: انكسار ليان بعدما جاك طلع من غرفتها، ظلت واقفة مكانها، يدها على شفايفها اللي لسا تحس بحرارته. قلبها يضرب… مو من الفرح، بل من الصدمة والخذلان. رجعت وجلست على سريرها، ودموعها بدأت تنزل وهي تهمس لنفسها: – "أنا… أنا سمحت له… سمحت له يقرب… وين كرامتي؟!" كل ما تذكرت اللحظة اللي جاك انحنى فيها وقبّلها، قلبها ينقبض أكتر. حسّت إنو كسرت كل الحدود اللي كانت حاطة بينها وبينه، وإنها ضعفت قدامه. من ذاك اليوم، ليان قررت ما تطلع من غرفتها. ما عادت تبغى تواجهه، ولا حتى تشوف عيونه. جلست خلف بابها، تعيش بين الغضب على نفسها والندم اللي يعصرها. تصير ما تخرج إلا وقت الأكل، وتجلس على الطاولة بصمت، عيونها دايم لتحت، ما تجرؤ تطالع بجاك ولا تنطق بكلمة. وجاك… يطالعها من بعيد، يحس بثقل الصمت اللي خلقه بينهم، بس على وجهه نفس البرود المعتاد كأنه ما صار شيء. لكن في عيونه… في شي ثاني، شي يحترق.