الفصل 2
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *فتاة.النار.tt 🔥*
*❴🔢❵☟الـــبـــــــــــ❴2️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
{الجزء الثاني}
ساري : اي رائد
رائد : شو طمني
ساري : اليوم بردولنا خبر
رائد : لك مارح يلاق اطيب منك المهم انت طمني، عجبتك ريناد
ساري بحنق :وانت شو عرفك باسما
راىد : مبارح مرح قالتلي نسيت تقلك بس
ساري : اي الله يحميها لصاحبها حلوة
رائد : الله ييسرلك واذا وافقو، زواجتك كلها ع حسابي
ساري ، فضلت عراسي سيد رائد
رائد : سيد بعينك
ساري : هههههه كيف صارت مرح
رائد : اليوم رح يخرجوها
ساري : الله يعافيا ويشفيا
رائد : آآميين
ساري : اعترف
رائد : بشو اعترف
ساري : انك بتحبا وبتخاف عليها
رائد : احم الوو ساري اوف على هالنت زفت زفت ساري اذا عم تسمعني بدي قلك موفقق مع السلامة
ساري : رائد اذا عم تسمعني بدي قلك لا تنكر .. اهتمامك واضح
توت توت توت
ساري : هههههه
رن تلفون البيت وردت مريم : اي تمام، منتشرف، تمام مع السلامة..
ساري : شوو قالو
مريم : قال البنت بدا تشوفك اذا موافق على شغلها ..
ساري : اممممم، منشوف..
مريم : شو منشوف. شرط البنت لتوافق انه توافق ع شغلها..
ساري: موافق ..
مريم : بس والله يا ابني مو حلوة يقولو ساري تزوج مرة بتشتغل متل الرجال..
ساري؛ الناس حكيهن ما بخلص أمي، والبنت عم تشتغل مهنة شريفة
مريم؛ متل ما بدك ..
ساري ؛ اتصلي قوليلهن موافق
راح ساري على غرفته واتصلت مريم ب اميمة لتخبرها ..
بعد ما سكرت اميمة التلفون ..
ريناد؛ شو قالو ماما ؟
اميمة : موافقين بنتي، واليوم جايين
ما بتنكر ريناد انها فرحت بسريرة نفسها، لأنه جذبها من الأول، استخارت ربها وارتاحت كتير وهالشي اكدلها انه قرارها صح ..
____////____
المساء
في منزل سالم
سالم : أهلا وسهلا اهلا وسهلا
مريم : بالمهلي اخي ..
فاتت مريم ووراها ساري يلي كان حامل باقة ورد جوري احمر وعلبة شوكلاه .. اعطاهم ل ام ريناد وكمل لجوا ..
سالم : بما انه نحنا موافقين وريناد موافقة. ففينا نرحب فيكن ك نسايب لعيلتنا..
ساري : منتشرف يا عمي..
اميمة : الشغلة الوحيدة يلي منوقف عليها هي شغل ريناد، ريناد من صغرها اختارت مهنتها واحنا ما وقفنا بطريقها ابدا، منعرف انه قرارتها صح وانه بتختار الشي يلي هي بتشوف حالها ناجحة فيه ..
ساري : اكيد، انا متفهم كتير الها ، وماعندي اي مانع بشغلها، توتر قبل ما يكمل : مع انه رح انشغل واقلق عليها كتير بس ... موافق ..
سالم : لكن منقرأ الفاتحة على نية التيسير ..
رفعوا ايديهم وبلشو يقرؤوا الفاتحة،
بعد يومين كان ساري جايب الشيخ وكاتبين الكتاب ومحددين الخطبة بعد اسبوع لانه مستعجل...
استأذن ساري من سالم ليقعد هو وريناد لحالهم ويتعرف عليها. وسالم ما رفض لانه صار مكتوب كتابهم وقعدتهم بحدود الشرع ..
: كيفك ،
: الحمد لله وانت ..
:تمام الحمد لله ..اممم الصراحة هدفي من هي القعدة اني اتعرف عليك اكتر ..
: من اي نواحي .. بلش انت وانا بكمل ..
: انا ساري عمري ٢٧ سنة بشتغل بشركة الكترونيات نفسها يلي بتشتغل فيها رفيقتك مرح...
ساكن انا وامي، اممممم .. بحب النوم كتير، واذا نمت بدي كتير وقت لفيق ومو اي شي بفيقني ، بحب الشغل ومسؤول عنه بشكل منيح .. بس ..
ر :شو طموحاتك بالحياة ، شو اهدافك !
س : فكرت رح تساليني شو لوني المفضل. هههه طموحاتي مو كتيرة اولها واهمها اتزوج وابني عيلة مترابطة. انجح بشغلي. اكون راضي امي وربي، اترك بصمة خير وين ما رحت ..
ر: حلو
س: متلك .. احم دورك
ر: ببدا بعمري بما انك عرفت عن عمرك وانا بعرفه. عمري 24 سنة، بشتغل بالاطفاء..
س : ليش اخترت الاطفائية بالذات ..
ر: لهدف سامي كتير ، انا بحب انقذ الناس، ما اخترت الطب لانه ناس كتير مع الأسف بتندرج تحت كنفه بس ليكون جنب اسمها في كلمة طبيب ..
اخترت مهنة سامية وهي الاطفائية ، اهلي استغربوا رغبتي بس ما عارضوها متل باقي العيلة ..
الحمد لله من وقت اشتغلت لهلأ قدرت انقذ عائلات واطفال كتير ، بحمد ربي بعد كل محاولة انقاذ اني انتقيت هالمهنة ..
ساري متأثر من كلامها : امممم ولا مرة ما قدرتي تأنقذي حدا ؟ او انصبتي!
ر : مرة وحدة ما لحقت الام، انقذنا كل يلي بالبيت الا الام .. ما ماتت بس صار عندها تشوهات كتير لو قد ما عملت عمليات ما بترجع .. وانصبت .. هه ما بينعدوا ..
كلمتها نقزته وخصوصا انه بخاف عالاشياء والاشخاص يلي بيملكهم خوف خاص : كيف !
ر : مرة علقت جوا النار واختنقت وكنت رح موت ..
مرة انحرقت بدلتي ووصلت النار لرجلي ..
مرة حرقت ايديي .. بس فدا مهنتي .. كل شيء فداء مهنتي
س : اثرتِ فيني كتير ريناد، انت شخص عظيم عنجد .. هالكم جملة يلي حكيتيهم وعرفت فيهم عن حالك. حسيت اديش انت شخص عظيم ونبيل
ر : شكرا ساري ..
مرت الأيام وإجا يوم خطبتهم اليوم يلي منتظره على لهب ..
حضر الخطبة الكل ، حتى مرح
الكل كان فرحان وبالأخص ساري كانت معجزة انه قدر يخطب ريناد يلي الكل مهتم فيها وبحبها ..
خلصت الخطبة وراح يسهر عندها، لما صارت الساعة ١٢
سمعو صريخ جاي من بنايتهم ..
فتحو الباب وطلعو كان بيت جيرانهم عم ياكله اللهب..
فورا اتصلت ريناد عالاطفائية، وبلشت تعبي دلو مي من بيتهم وتطفي بيت جيرانهم .. كل اهلها ساعدوها وبالأخص ساري، جابت بطانية وبلشت تحاول تخمد النار وتفوت لجوا اكتر ..
كل البناية تجمعت مو مسترجين يفوتو وبس عم يطفو النار من الجزء يلي برا ..
جاب ساري دلو مي ، اخدته من ايده وكتته على حالها وفاتت ..
ماحد استغرب منها بس الكل استحى من حاله، اجا دلو مي جديد فكته ساري على حاله وفات وراها لجوا البيت ..
دقائق ووصلت الاطفائية وبلشو يبعدو الناس ويطفو الحريق يلي نشب بقوة كبيرة ..
جوا كانت ريناد عم تحاول تطالع الطفل من غرفته بس ماعم تقدر لما حدا دفش الباب برجله وفات ..
ريناد : ساري !
ساري: انت منيحة
ريناد هزت براسها وسط الدخان واشرتله على الطفل .. حمله بايديه بخفة وورجع دف الباب برجله ..
بعدلها لحتى تطلع وطلع وراها ..
ركضو بسرعة لبرا .. واعطو الطفل للاسعاف .. والاطفاء فاتت وبلشت تطفي جوا ، ما اكتفت ريناد بهالقدر ، بل اخدت عدتها يلي وصتهم يجيبولها ياها معهم ورجعت فاتت معهم ..
هالمرة ما لحقها .. كان عم ينتبه عالولد يلي طلعوه وعم يهدي اهله ويحاول يبعد الناس يلي وجودها قدام الشقة مسبب مشكلة ..
ساعات عصيبة مرت عليهن لبينما قدروا يطفو كل البيت،
طلعت ريناد وشلحت خوذتها وكفوفها .. بان التعب على ملامح وجهها ..
اتطمنو على جيرانهم انه راحو مع الاسعاف ورح يكونو بخير ..
وفاتو على البيت ..
بحركة سريعة أكدتله انه اعصابها فرطت، زتت حالها عالكنبة ..
فردت شعرها الطويل المموج وراها وبدات تخلل اصابعها فيه ..
ما بينكر انه اعجابه زاد فيها بعد موقف اليوم،
مشان ينسيها الجو المتوتر يلي عايشته بليلة مهمة من حياتها قال ..
يا ويلي صرتِ بتخوفي .. كلك اسود ههههه
جلست حالها وحكت، بسم الله مين عم يحكي الجني الأسود بذاته ..
... يووه شو هالحكي مافي شي على وجهي انت وجهك كله شحار صار
.. تعال معي ورجيك عالمراية
وقف وراح وراها عالمراية وارتعبوا التنين من منظرهن وفرطو ضحك ..
بلش بإيديه يلي صارو سود يمسح كل مكان مافيو شي بوجهها ورقبتها حتى بيجامتها اكلت النصيب ..
.. اووف خربتلي بجامتي المفضلة
..ييي انا آسف رينادي، ابتسم بخبث وقرب ايديه وبلش يضمها وهو عم يمسح فيها..
...لك خلص خلص هههههههه
.. وبرأيي كمان ، يلا غسلي وجهك لغسل ..
.. قربت من المغسلة وغسلت وجهها وايديها ورقبتها بعدين حكت: لو انت ما قربت كنت بكتفي بتغسيل ، بس هلأ بدي حمام لأقدر روح كل الشحار ..
.. هههههه آسف عنجد بس حبيت ضحكك شوي ، رجع صفن وقال .. بكفي الشي يلي عشناه من شوي
كمل تغسيل وفاتو لجوا ..
... انا متعودة
ساري قرب ومسك ايديها : انت متعودة بس انا لا.. انت متعودة بس مو بمناسبة حياتية متل هي .. انت طيبة كتير لدرجة دخولك بين النيران بدون حماية لمجرد معرفتك بوجود طفل جوا..
... انا هي وظيفتي بس انت يلي خاطرت بحالك كرمالي وكرمال الطفل ..
.. اكيد مارح ضل واقف وانت جوا ..
حطت ايدها على تمها لتمنع المثاوبة ..
ضحك ساري واردف .. يلا بكفي مغامرات لليوم .. صار لازم تنامي ،بدك شي ..؟
.. وين رايح
.. عالبيت هههه
.. هلأ .! الساعة ٣ !
..... هو ما انتبهت اديش صارت بس اي
.. نام هون ..
..... اممم بصير .. يلا جيبيلي مخدة مريحة وشرشف سميك .. بس لا تفيقيني بكير حبيبتي ولا تخلي حدا يفوت عالغرفة ويحاول يفيقني غيرك .. لانه قلتلك .. نومتي تقيلة
.. ضحكت بقرارتها على تصرفاته وتأقلمه عليهن بسرعة ..
فكرته رح يرفض طلبها او يخليها تصر .. بس حتى ما تعبها بهالشي ..
جابتله مخدة وشرشف نضاف وزبطتله الكنبة للنوم .. جابت ابريق مي وكاسة وحطتهم ... تصبح على خير ..
... تلاقي الخير رينادي ..
ابتسمت وطلعت .. راحت على غرفتها ورمت حالها على تختها .. ما لحق التفكير يخترق مخها لانه كانت بسابع نومة وساري كذلك ..
بصباح اليوم التالي فاتت مريم على غرفة ساري لما دقت الباب وما اجاها الرد .. دورت عليه وما لقيته، هههههه من اول يوم نام عندهن، والله لينبسط السيد سالم كتير هلأ ههههه
أما عند ريناد، فاقت وهي متفائلة بهاليوم .. نسيت انه ساري نايم عندها تلسمت خاتمها بحب وباسته بلطف ووقفت وراحت اخدت دوش خفيف ولبست بنطلون جينز وبلوزة كحلية باكمام عريضة، عكست على بشرتها الحنطية وعيونها البنية .. فردت شعرها ومشطته وعملته ضفيرة وصلت لآخر ظهرها ..
طلعت من الغرفة واذ بامها بدها تفتح باب غرفة الضيوف ..
ركضت لعندها وحطت ايدها على ايد امها وهمست ..
ييي امي نسيت ساري نايم هونن
.. لك ليش ما قلتيلي وانا من الصبح مشغلة المكنسة وعم كنس منكون زعجناه ...
.. لا مارح ينزعج خلص انا بفيقه ، تأخر مبارح شفتي لحتى خلصنا وعزمته ينام هون ..
.. اي ماعليه شي .. فيقيه بينما حضر الفطور ..
فاتت ريناد عالصالون ومتل ما توقعت كان بسابع نومة ...
متل ما نام المسا بعده عنفس النومة ما تحرك
.. ساري .. سااري .. صباح الخير .. ساري .. صار العصر ساري .. سااري .. بدات تتغدغه بشعرها وهو يلوح بايده قدام وجهه وهي عم تضحك على شكله ..
.. ساري قومم، ياربي شو هالعلقة ... ، ساري اجا بابا قوم قوم ..
... فتح عيونه ساري واستغرب لما شافها قدامه .. رينادي !
.. صباح الخير ..
صحصح شوي وتذكر شو صار مبارح .. غمض عيونه وفتحهن وجلس حاله .. صباح النور رينادي ..
كم الساعة قلتيلي ؟
.. صار العصر
اوووف ليه ما فيقتينيي !
.. قلت بخليك تنام شوي لانه مبارح نمت متأخر ..
اوفف يا اوف كم الساعة بالضبط هلأ،
فتحت زر هاتفه وورجته الساعة .. تطلع عليها باستغراب وهمس .. الساعة 11 العصر؟؟
.. ههههههههه بالنسبة الي اي
انت من ايمتا فايقة من الفجر يعني ..
.. لا من الضهر
هههههههههه.. في حدا برا بدي غسل وصلي الفجر والظهر والعصر ههههه
.. لا لا تفضل ههههه
طلعت قدامه ولحقها عالمغسلة توضى ورجع صلى بينما كان الفطور جاهز ..
فطر معهم واعتذر انه نام بس قله سالم انه مافي اي مشكلة ...
خلص اكل واستأذنهم ليطلع ..
.. بتوصلني معك؟
اكيد لوين؟
.. عالاطفائية
هههه حتى اليوم بدك تروحي ..
.. اي
يلا تعالي .. يلا السلام عليكم عمي ومرتعمي ..
.. وعليكم السلام الله يرضى عليكم
طلعو سوا ومرو على بيت جيران ريناد ليتفقدوه وما لاقو حدا بالبيت
.. يمكن ما رجعو
بجوز بعدن بالمشفى ..
.. لكن بتوصلني قبل عالمشفى اتطمن عليهن وعلى يوسف؟
اكيد.. اسمه يوسف ؟
.. ايه كتير بحبه ليوسف .. ودائما بضل عنا بالبيت لانه اهله بيشتغلو
الله يحميه وما يضره ..
... آمييين
وقف ساري ع طرف الطريق وسألته ريناد وين رايح ؟
رح اجيب شي مو حلوة نروح هيك بإيدينا ..
ابتسمتله بحب واتصلت بجارتها لتسألها اذا بعدهم بالمشفى وقالتلها انه اي ..
رجع ساري ومعه باقة ورد ولعبة جابها ليوسف ..
اعطاهم لريناد ومشي عالمشفى ..
فاتو سوا وسأل الرسيبشن عن غرفة يوسف .. اتجهو عليها ودقو الباب وفاتو ..
ركضت ريناد لعنده .. حبيبي يووسف الحمد لله عالسامة يا عمر ريناد انت ..
يوسف .. اتت ساعدتيني ريناد وقت نحرق بيتنا مو انا شفتك ..
.. اي انا وعمو ساري ساعدناك ..
كيفك خالة كيف وضع يوسف
.. الحمد لله يا عمري، قال الطبيب انه طلع بالوقت المناسب لو تأخر شوي كان ... كان .. ما قدرت تكمل كلمتها، فضمتها ريناد وبلشت تهديها
.. فضلك مارح انساه بعمري يا ريناد وانت يا استاذ ساري ..
بالاخص انه خربنا عليكن ليلة خطبتكن
.. الله يسامحك يا مدام شو هالحكي ..
.. بعدين خالتو شو صار ؟ شو سبب الحريق ما لحقت اسال الفريق ..
التفتت ليوسف يلي ملتهي بلعب لعبته الجديدة وقالت .. هاد يوسف الله يرضى عليه عم يشعل الغاز ليشعل الشمعة ...
واختو بالغرفة التاتية ..وانا وابوه نايمين..
شغل الشمعة ومشي فيها بس وقعت من ايده وصار يلي صار ...
.. الحمد لله عسلامتكن، قربت ليوسف وحكتله .. يوسف ليش كنت عم تشغل شمعة حبيبي ؟
.. مشان العابي ما ينامو عالعتمة ..
ضحكو الكل على نيته وحكيه، ضمته ريناد وشرحتله انه هالشي ما بصير واستأذنت وطلعو
.. عنجد آسفة ساري من اول يوم هيك شغلتك .. ساري.. ساري .. وين شارد
.. اه .. كنت عم قول علاقتك فيهن قوية
.. اي هن اقرب شي الي من الجيران ويوسف متل اخي الصغير ...
.. الله يحميهن .. يلا تعالي وصلك
وصل ساري ريناد على شغلها ورجع عالبيت ليرتاح
.. السلام عليكم
وعليكم السلام اهلين ماما
.. كيفك امي
الحمد لله انت كيفك وكيف خطيبتك
.. منيحة بتسلم عليك
قربت منه وانتبهت لقميصه المتوسخ .. شو فيو قميصك كانك داخل بقلب الصوبيا وعم تعزلها
.. ههههه هيك شي
شو هيك شي نضفتلن الصوبيا يعني حتى تأخرت ونمت عندن؟
.. لك انو صوبيا امي الدنيا صيف .. صار حريق صغير ..
وينن!!
.. بالشقة يلي مقابلن
تمتمت بصوت قريب للهمس.. من اول يوم بلشت المصايب
.. نعم امي ؟
ولا شي حبيبي
____
باس ساري ايدين امه وحكا .. يا حبيبتي يلي الله كاتبه بصير ، شو دخل خطبتنا بالحريق، بالعكس لو كنت هناك وشفت ريناد لكنت افتخرت فيها انها كنتك ..
.. يشهد الله ما شفت عليها سيئة.. بس ... بتعرف حكي الناس
يا عمري شو بدنا بالناس وحكيهن .. ليش مصرة نضل نسمع كلامهم ؟
.. هن بيتدخلو بكل شي ..
شفتِ انت قلتيها هن بيتدخلوا ، يعني ما دخلهن بس بيتدخلو
.. الله يحميكم يا عمري
ويخليلي ياك يا قلبي انت
.. ما عندك شغل اليوم ؟
لا امي رائد قلي لا تجي..
.. صحي زرت مرح بعدما طلعت ؟
لا والله بس شفتا مبارح بالخطبة شوي، يحرام وجهها كله ملفوف وما رضيت الا تجي مشان ريناد
.. قوم نزورها
اي بصير .. لبسي وتعالي عم استناك،
اندق الباب وفتح ساري الباب،
اهلين جارتنا
.. 😒 كيفك ساري.. مبارك خطبتك ..
الله يبارك فيك
..كيفا خطيبتك ؟
بتسلم عليك قالتلي ليش جارتكن ما اجت عالخطبة 😂🙊
.. اه ما كنت فاضية..
قلتيلي .. يي نسيت قلك تفضلي
.. لا كنت جايبة بس هاد الصحن
يسلمهن يا سلام يبرق بحبها كتير، بس بتعرفي مبارح اكلت يبرق ببيت خطيبتي ..
.. اممم خلص باخده
لا يسلمو ..
طلعت مريم من جوا وسلمت على جارتهن
.. وين رايحين خالتي ؟
.رد ساري بسرعة .. لعند خطيبتي جارتنا تفضلي
ردت بقهر .. سلم عليها ..
راحت وقالتله مربم .. يعليك كسرت بخاطرها للبنت
.. شو اعمللها امي .. هب معلقة احلام عالفاضي
امشي امشي
وصلو على بيت مرح ودقو الباب..
فتحت ام مرح الباب ودخلتهن لعند مرح
.. اهلا وسهلا ساري اهلبن خالة
بالمهلي حبيبتي الحمد لله عسلامتك
.كيفك مرح
.. الحمد لله انت كيفك ساري .. مبارك، ما تواخذني مبارح ما قربت باركتلك .. بس ريناد اصرت كون موجودة وفضلت ابقى بعيدة عن الانظار
يلا الحمد لله عسلامتك وعقبال ما ترجعي متل الاول
..يارب
اما عند ريناد، وقفت لما سمعت محمد عم يحكي عالتلفون وبقول تمام جايين
.. وين الحريق ..
بناية بشارع **** ** اشتعل فيها طابقين وعم يطلع لفوق
.. فب حدا جوا ؟
كل اهل البناية يا ريناد
حالة الاستنفار بينت عليهم وهم بيرتبو اغراضهم بسرعة وبيطلعوا بسيارة الاطفاء.
وصلو على المكان المطلوب والنار كانت ماكلة الطابق الثالث كمان وكل المي يلي نكبت عالنار ماقدرت تطفيها ..
تحركو لجوا بسرعة وبلشو يطفو النار وينقذوا الناس ..
الوضع كان ماساوي ووصولهم بالوقت المناسب كان رحمة لكل اهل البناية
بوقت مو قصير قدروا يخمدوا النار ويطالعو كل سكان البناية لبرا بأمان الا كم حدا صابه اصابات طفيفة ..
رجعو عالاطفائية بعد يوم عصيب مر عليهن
اول ما وصلو اتصل ساري بريناد
كيفك رينادي
بصوت تعبان ردت .. الحمد لله وانت
فيك شي؟ صوتك تعبان!
.. ولا شي هلأ رجعنا كنا عم نطفي حريق ..
اكيد ما عجبه ساري ابدا. بس هو يلي وافق من الاول ...
طيي انت بخير ؟
.. اي الحمد لله
لسا عندك شغل
..دوامي خلص
جاي اخدك
.. عم استناك
سكر الخط وركب سيارته وراح لعندها، كانت واقفة تحت زمرلها واجت لعنده ..
كيفك
.. الحمد لله
كيف كانت مهمتك
.. تنهدت وركت ضهرا عالكرسي .. منيحة الحمد لله، راح تلات طوابق فيها
بالمال ولا بالعيال
.. الحمد لله
في اصابات !
..طفيفة كتير الحمد لله
الحمد لله تغديت ؟
..لا
لكن لنروح ناكل وبعدين برجعك عالبيت
..تمام
راحو على المطعم وطلبو اكل وبينما اجا الاكل كانو عم يتعرفوا على بعض اكتر ..
اكلو وطلعو ووصلها عالبيت ونزل يكمل سهرته عندها ..
بس ما اهلك يقلعوني
..هههههه ليه
بقولو شو هالصهر هاد لسا ما اله يومين خاطب ومزروع عنا هون
.. لا ما بقولو ههههه
فات معاوية وسلم عليهن وقعد.. عملت ريناد قهوة واجت
.. ساري
نعم
.. لو .. لو يعني انا متت بيوم من الايام بشي حريق شو بتعمل !
التفت الها وقال.. نعم ..! شو هالتفائل هاد يلي عندك، وبعدين شو هالحكي بعيد الشر عن قلبك ..
.. انا قلت لو
ولو كان لو .. ما بدي اسمع هالكلام مرة تانية
.. حباب جاوبني
تنهد وحكا .. ما بقدر عيش بدونك ريناد، صارت كل دقيقة الي معك هي حياة جديدة بالنسبة الي
..يخليلي ياك ..
راح ساري بعد شوي على بيته .. وريناد قعدت تفكر ..
من وقت اختارات هي المهنة وهي كل يوم قلبها على كفها ..
بتعرف انه ممكن باي وقت تدخل حريق وما تطلع منه عايشة ..
رفضت كل العرسان يلي اجوها بحجج تافهة ..
بس ساري ماقدرت ترفضه .. الاصرار يلي شافته بعيونه خلاها تقبل .. وسؤالها عنه، غير سؤال اهلها ..
خايفة هلأ اكتر من اي وقت مضى ..
●○~●○~●○~○●
عند رائد بالمكتب ..
.. يعني خلصتو كل شي وفيهن الموظفين يرجعوا يداوموا طبيعي ؟
اي سيد رائد اكيد باقي كم شغلة بتنحل بفترات وجودهن مافي مشكلة ..
..يعطيك العافية معلم واتعابكن كلها محفوظة لتخلصو الشغل
الله يعافيك سيد رائد ما بتقصر ..
طلع المعلم من عند رائد واتصل رائد بساري ..
...كيفك يا عريس
هلا رائد منيح انت كيفك
...
تمام الحمد لله، شو بدي قلك تعال عالشركة مو هالكم يوم عطلنا، صار ضغط بالشغل تعال اذا فاضي ..
..يي انا عند خطيبتي
لك ما بتطلع من عندا انت هههههه
.. لا يا عمي
يلا لكن سلم عليها
..عقبال عندك
الو! ماعاد سمعتك مع السلامة ..
سكر التلفون واجا ليطلع من الغرفة لما فات ساري وفاتو ببعض
سوا: اخخخ راسيي
لك مو عاساس عند خطيبتك
.. عم امزح معك هههه، اي شو صار معك انت
بشو ؟
..ما بدك تطلب مرح !
دائما بتحاصرني ساري، بدي اطلبها مو هلأ لحتى تتعالج
.. ان شاء الله تعالى
ايه.. ايمتا ناوي تسوي العرس ..
.. بهالشهر ان شاء الله
مستعجل
..كتير ههههه
الله ييسر .. يلا تفضل عالشغل
..يلااا ..
○•○•○•○•○
عند مرح
سلوى: كيف صرت يا قلبي
مرح : منيحة سوسو، انت طمنيني عنك كيفك بعد هالرعبة
سلوى : ااااخ اااخ .. والله طول هالايام قاعدة بالبيت كل ما اتذكر ببكي .. تعبت كتير
مرح : سلامة قلبك سوسو
سلوى : صحيح انعرف سبب الحريق
مرح : اي نعرف
سلوى ؟؟
مرح : الست نارة ..
سلوى : شوووو
مرح : هه بتحب الاستاذ رائد قالت بتحرقني انا وبتحطك بالسجن وبيخلالها الجو
سلوى : شو دخلني انا !
مرح : قالت للشرطة انها شاكة فيك لانك بتحبي الاستاذ رائد وبدك تبعديني من الطريق
سلوى شهقت : ولي عليي على هالحكي .. يخربيتا شو حيية
مرح : اي والله اخدت جزاتها الحمد لله ونسجت
سلوى : الحمد لله .. والله سمعت عن خطبة ساري بس كنت مرضانة ما قدرت روح
مرح : اي خطب رفيقني ريناد
سلوى : الف مبارك بس نرجع عالشركة بباركله
مرح : ان شاء الله ..
◇♡◇♡◇♡◇♡◇
عند ريناد
كانت قاعدة جنب الشباك وصافنة بالناس يلي عم يمشو تحت لما شافت من بعيد بنت عم توقف على سطح لتنتحر ..
ركزت نظرها عليها ووقفت بسرعة مستعدة لمهمة جديدة بعيدة عن مهنتها ..
هي هيك .. تعودت دائما تمد ايدها لاي حدا محتاجها .. تساعد كل الناس، مو شرط بس اذا سمعت ببناية عم تنحرق تركض .. لا .. كل شي صغير ممكن يخليها تركض لتساعد
..
طلعت بسرعة من المبنى واتجهت عالمبنى المقابل يلي فيه البنت .. عم تركض وتدعي تلحق البنت قبل ما تعمل بحالها شي ..
اتصلت على الشرطة بطريقها للبناية وخبرتهم ليجو ويجيبوا احتياطاتهم ..
دخلت على البناية المكونة من ست طوابق .. قربت من الاصنسير لاقته مشغول .. طلعت تركض على الدرج وبسبب لياقتها وصلت بوقت قياسي
كانت البنت رح تزت حالها لما سمعت صوت بيهمس من وراها .. اوعك ..
التفتت لعندها وهي مستغربة من وجودها .. اول مرة بتشوف هالانسانة بحياتها ...
البنت ببكاء : مين انت !
..انا منقذتك
البنت : هه انا ما الي حدا بهالدنيا، مين انت لتكوني منقذتي ..
.. رب العالمين بعتني الك .. جسمك امانة عندك وما بصير الانتحار حرام ..!
البنت : كلشي حرام كلشي حرام، تعبت تعبتتت تعبتت..
قربت ريناد منها .. الروح رب العالمين اعطانا اياها امانة لنسلمه اياها متل مااعطانا اياها...
كل شغلات قتل النفس وتعذيبها حرام والكل بيعرف ..
البنت : ليش بجيبونا عالدنيا اذا ما بدن يانا ليششش هاا لييش
قربت ريناد اكتر .. مين يلي ما بده ياك
البنت : ابي وامي واخواتي .. بيكرهوا البنات وما بدن ياني . بضلو يسمعوا حكي ويذلوني ويتعبوني ويعذبوني
ريناد : وبرأيك الانتحار حل!
البنت : اي مو بقولو يلي بموت بيرتاح ..
ريناد : لما الواحد يتوفاه رب العالمين مو متل لما يقتل نفسه
البنت : .....
ريناد قربت كتير من البنت : يلا هاتي ايدك واستعيذي من الشيطان ونزلي ...
البنت هزت براسها يمين ويسار وهي عم تبكي بمعنى لا ..
مسكت ايدها ريناد وترجتها ما تعمل شي .. بس لما شدت ايدها من ايد ريناد .....
ثواني وكانت اسفل البناية ...💔
الصدمة يلي كانت على وجه ريناد كانت كفيلة ما تخليها تطلع لتحت ..
وقفت عاجزة امام دموعها يلي بدو ينهمروا على خدودها متل المطر ..
١٠ دقايق كاملة وهي على نفس القعدة .. صحيت على حالها ومسحت دموعها ونزلت من البناية بس على البطيييئ .. حتى ما عاد في شي يخليها تركض ...
اول ما وصلت لباب البناية شهقت لما شافت البنت واقفة قدامها وعم تبكي ...
قربت من ريناد وضمتها وكانه بتعرفها من عشر سنين ...
بعد عناق دام طويلا بعدت البنت واتطلعت ريناد حواليها ..
لاقت كل الفرق المختصة موجودة .. والكل كان مجهز كل شي في حال وقعت .. ريناد ما قدر تشوفهم لانه ما قربت من الحرف وحتى البنت بس لما وقعت كانو جاهزين ليمسكوها باقل الاضرار ...
رجعت تطلعت فيها ريناد ومسحتلها دموعها .. انا بشتغل هون بالاطفائية مقابيل بنايتكم، ضلك تعي لعندي اه !
هزت براسها وحكت .. رندة ... اسمي رندة
..وانا ريناد
رجعت قربت منها وضمتها وتشكرتها ..
طلعت على البناية وكان ايسر عم يحكي .. رح نطلع بدون ريناد فتلت الدنيا عليها وما لقيتها
ريناد : انا هون شوفيه
..منيح اجيت ما كنا رح نستناك لانه
ريناد : طيب هي اجييت شوفيي
.. بيت ارضي حواليه كله شجر عم يحترق مو بعيد عنا كتير لازم نعجل لانه الشجر كثيف كتير ونسبة اشتعال البيت كتير كبير
ريناد : تمام انزلو انتو رح جيب غراصي والحقكن ..
نزلو ايسر ومحمد وباقي الفريق ونزلت وراهم وانطلقو عالببت ..
الكل بعد عن البيت اول ما وصلو لينزلو هم ويعلنوا وجودهم
نزلو الخراطيم وبلشو يطفو الحريق ويبعدو الناس عن البيت..
بسبب كبر البيت وكثافة الشجر حواليه بقي الشغل معهم ساعتين لقدروا يطفوه ..
..
انهو شغلهم ورجعو على البناية ...
قعدو لانتهى دوامهم وماصار اي حالات تذكر ..
اول ما فتحت باب البيت الكل غنى بصوت واحد ..
Happy birthday to you
فتحت عيونها على وسعهم من الصدمة ..
ريناد : يااااه .. اليوم عيد ميلااديي ..
قرب سالم واميمة منها وضموها ..متل اليوم خلقت اميرتنا ..
أمجد (اخو ريناد الصغبر ) بس انا بغار
سالم : ههههههه دخيل يلي بغار
ريناد ضمته : انت حبيبي الي ..
قربت ريناد من السفرة يلي عامليتها امها .. كيك عليه صورتها واسمها وتبولة وبيتزا ..
الاشياء الروتينة لكل عيد ميلاد ..
شغلو الشموع ووتمنت امنية ونفخت عليهم..
قطعوا الكيك واكلو ..
الفرحة زادت بقلب ريناد انها قدرت تنقذ البنت اليوم ..
هالشي حسسها بالسعادة مع وجود اهلها جنبها ..
كانت صافنة لما انتبهت لتلفونها برن ..
راحت على غرفتها وردت .. اهلين ساري
.. كيفك رينادي
الحمد لله وانت
..تمام الحمد لله شو بدي قلك .. البسي جاي جيبك لعنا .. امي مشتاقتلك وبدها تشوفك ..
اممم تمام .. مع اني مو قدرانة كتير ..
.. ليش شبك رينادي !
ضغط شغل ساري بس لا تقلق ..
..هلأ امي بتنسيك كل ضغط الدنيا مو بس ضغط الشغل بحكاياتها
ههههه تمام لكن رح البس ..
..يلا انا صرت تحت
عنجد هههه
.. اي والله
لكن رح استعجل كتير
..لا خدي راحتك ..
هههه خلص بدك شي بشوفك تحت
.. مع السلامة يا حمامة
هههههه
سكرت ريناد التلفون هي وعم تضحك .. لبست بلوزة بيضاء مع بنطلون اسود وجاكيت اسود وبوت ابيض ..
استأذنت اهلها وراحت ..
فتحت باب السيارة وطلعت ..
تأخرت عليك ..
..لا ياعمري ما صرلك خمس دقايق ..
ابتسمت لكلمته وقالتله ساريي
.. رينادي
ما بتتذكر شي اليوم ؟
.. لا متل شو
هيك شي مهم
..اي مبلا
فرحت .. شو ؟
..داومت بالشركة وعنا شغل مهم كتير صح ذكرتيني ..
رجعت انتكست وقالتله بس هيك؟
.. اي ليش في شي ؟
لاا ساري ..
لف السيارة وراحو على البيت .. اول ما فاتو كان البيت هدووء تام والاضوية كلها طافية ..
رينادي : ساري وين امك ..
ساري : بهي الغرفة ..
فتحت ريناد الباب وكان نبضها مليون ..
وكانت الصدمة لالها
حماتها ورفقاتها وحتى مرح وبنات اول مرة بتشوفهم كلهن هون وقدامهن سفرة طويلة عريضة من شغل مريم .. والكيك يلي بالنص عليه صورتها هي وساري ومكتوب كل عام وانت بخير حبيبتي ..
التفتت لعند ساري وضمته وهي عم تبكي ..
.. يي هلأ ليه عم تبكي !
ماعجبتك المفاجأة ؟؟
فكرتك نسيت عيد ميلادي عنجد
.. هههه شو مفكرة اذا انت نسيت انا بنسى ؟ انا بحفظ كلشي بخص يلي بحبن .. تبمست وسلمت على حماتها وباست راسها .. وسلم على الكل الموجودين ..
كانت لمة بسيطة وحلوة عملتها ام ساري مشان تعرف جيرانها على خطيبة ابنها ..
الكل كان موجود الا جارتهن يلي بتحب ساري وقت عرفت انه خطيبته جاية ما رضيت تجي ..
قعدوا وانبسطوا وراح الكل الا ريناد وام ساري طلعت لتتركهم سوا ..
ساري : رينادي شو مان فيك اليوم ؟؟
ريناد : امممم صار شغلة كتير بشععة ساريي كتيير..
التفت بحزم لعندها وحكا : شوو صار ؟
ريناد : تخيل .. تشوف حدا عم ينتحر قدامك .. شو بتعمل.
ساري : اممم ما بعرف صراحة ..
ريناد : كنت قاعدة عم اتأمل الناس لما لمحت بنت عم توقف عالحفة .. بدون ما افهم القصة نزلت ركض واتصلت على الشرطة وشرحتلهم كل شي ..
طلعت ركض ست طوابق لفوق .. بنت متل الوردة واقفة بدها تنتحر بسبب اهلها .. يبدو انهن من النوع يلي بيكرهوا البتات
نصحتها وسمعتني .. مسكت ايدها بس شدتها ووقعت ..
اهئ اهئ ..
ضمها ساري لريناد ليهديها ..
.. وقعت قدامي ... فكرتها ماتت .. قعدت ابكي لحتى هديت ولما نزلت لقيتها قدامي ..
قربت مني وضمتني ...
تطلعت حواليي لقيت الشرطة يلي اتصلت فيهم جايبين مختصيين وكانو مجهزين كلشي بحال وقعت ..
ضمها ساري اكتر وبلش يهديها ..اكيد الك اجر كبير يا عمري انت .. ."من أحيا نفساً فكأنما أحيا الناس جميعاً"
.. بس هي تركت ايدي .. يعني ما سمعت كلامي ..
يلي فهمته منك انه اهلها بعذبوها ف اكيد مارح توثق باي حدا بمسك ايدها .. ويمكن هي ردة فعل بس ولانه كانت قوية وقعت ..
بس كلامك هو يلي احياها ...
..ان شاء الله ..
انت عظيمة ريناد .. عظيمة كتير ..
.. حاولت تغير الموضوع لانه حست انه تدايق عليها، شو جبتلي هدية
استني لجيبها وانت بتشوفي ..
طلع من الغرفة ورجع بعد شوي ومعه علبة ..
اجت لتفتحا بس قلها .. ممنوع ...اول شي فتحي كل هدايا رفقاتك بعدين بتفتحي هديتي ..
..تمام
فتحت الهدايا وكانت عم تبدي ردة فعلها بكل ذوق ..
لوصلت لهديته .. فتحتها وانصدمت ..
كانت خوذة جديدة باللون الاخضر والاصفر ..
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```