الفصل 1
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *فتاة.النار .tt 🔥*
*❴🔢❵☟الـــبـــــــــــ❴1️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
*_{ الجزء الأول}_*
فتاةٌ خلقت لتجدَ نفسها بينَ لهيب النيرَان، عبرت عن نفسهَا بإنقاذِ الناس ومدّ يد المساعدةِ إليهم، كبرتُ على حب الناسِ ومساعدتهِم، حتى جاءَ من يساعدهَا في ذلكْ ..
رينادْ الفتاةُ التي لا تهابُ النار..
هي بطلةُ القصة ..
الجزء الأول
_____
كانت عم تلبس بدلتها وتجهز خوذتها لما سمعت انو في حريق ..
: محمد انا رح روح
محمد : مارح امنعك اصلا بعرفك ما رح تردي
: وين ايسر تأخرنا ..
أيسر : ليكني ليكني اجيت ..
تجمعو سوا وحكو : جاهزين
طلعو بالسيارة المخصصة ومشيو ..
________________
ر: لك اتصلوا عالإطفاء بسرعةةةةةة بسرعةةةة
س : اتصلنا سيدي لبكن عالطريق
ر : اووووف من وين جاي الحريق ..
س : من الأرشيف سيدي
ر : لك حاج تقلي سيدي لزتك عالحريق
س : ههه خلص ما عاد عيدا ..
ر : بلشو طفو الناار بسرعةةة
س: بلشنا والكل عم يشتغل ليطفيا بس صارت حارقة نص القسم تحت وعم تمتد اكتر ، ولسا الاطفاء ما وصل
ر : في حدا تحت
س : لا ، معقول في حدا !
ر : لسا عم تفكر روح نتأكددد
فاتو لجوا وهنن بعاد عن النار بمنيح
س : لاا لا تفوت النار كتير قويةة
ر : بدي فوت اتأكد انو مافي حدا
س : انا بفوت
ر : بالله لا ما بسمحلك ، انا بفوت
س : عم قلك ما بخليك تفوت انت
ر : انت معلش يعني
س : اذا فتت رح تموت بتعرف صح
ر : وانت مارح تموت يعني
اجا من بعيد موظف وصرخ ...
: سيدي وصلت الاطفاء
طلعو ركض لبرا ليدلوهن ع مكان الحريق ، لما لفت نظرو بنت نزلت من السيارة واخدت خرطوم المي وفاتت لجوا بدون ما تسأل عن شي ..
لفتت انظار الكل بقوتها وشجاعتها ، فاتت لجوا ولحقوها يلي معها وبلشو الكل بشغلن بتطافية الحريق ..
بعد ساعتين كاملين من التعب ، طلع نصن من جوا وهنن تقريباً مطفين الحريق .. وصلت الاسعاف وفاتت والكل مستغرب لانه ما كانو بيعرفو انو في حدا هون ..
طلعت الاسعاف وهنن حاملين بنت عالنقالة وركضو ساري ورائد ليشوفوها ..
رائد بصدمة : مرح ... مررح انت منيحة .. ! ردي عليي انت منيحة
ساري : مرح ، شو مفوتك لجوا منيحة انت !
: لو سمحتو بدنا نروح فيكن تلحقونا ..
رائد : ساري الشركة بأمانتك هلأ .. انا رايح مع مرح ..
ساري : طمنّي يبقى ...
راح رائد ...وبقي ساري عم يتطلع مكان الحريق لوقت رجعت طلعت من جوا وعيون الكل متوجهة عليها..
مشي ساري باتجاهها : الله يعطيكن العافية ..
: الله يعافيك
حكت هالكلمتين ومشيت وهي تاركة وراها عيون عم تاكلها ..
ركبو وراحو والناس بلشت تتفرق ..
_____________
بعد شوي وصلت الشرطة ومشيو لعند ساري وبلشو يحققو معه ..
الشرطي : متى بلش الحريق !
ساري : تقريباً من ساعتين ونص
الشرطي : عرفتو سبب الحريق ..!
ساري : لسا ما عرفنا .. عالأغلب ماس كهربائي ..
الشرطي : ولو ما كان هيك ، شاكين بحدا !
ساري : ما فهمت شو قصدك !
_________________
الشرطي : يعني الحريق ممكن يكون بفعل فاعل .. والضحية مستهدفة !
أحمد : ضحييية !!!!
الشرطي : سمعنا انو سكرتيرة السيد رائد مصابة وكانت بالأرشيف لما صار الحريق صحيح ؟
أحمد : صح بس ما كنا منعرف ، لما طلعو الاطفاء من جوا وصل الاسعاف واخدوها ، والسيد رائد معها ..
________________
الشرطي : يعني ما بتشكي بوجود حدا بدو يئذيها ؟
سلوى : لء .. يعني ما بعرف .. مرح كانت حبابة كتير وما بتأذي حد
الشرطي : ليش أجزمتي إنها كانت !
سلوى : لا .. يعني قلتها بقصد انو وقت كانت ، يعني وقت كانت تشتغل هون معنا .. يعني .. والله ما بعرف شو عم احكي من الرعبة ..
_______________
الشرطي : وما الها اي اعداء او حدا ما بحبها ..
نارة : ما الها لانو الكل بحبها .. بس
الشرطي : بس شو !
نارة : هو شي خاص يعني شوي ...
الشرطي : مع الأسف هون مضطرة تحكي كل شي .. تفضلي
نارة : بس سلوى .. سلوى بتغار منها كتير
الشرطي : بسبب ؟
نارة : لانو هي سكرتيرة السيد رائد وسلوى بتحب السيد رائد . وهي حاولت كتير تقنعها تتقاعد وتعطيها مصاري بس هي ما قبلت .. وهاد ممكن يكون سبب لتإذيها ..
_______________
الشرطي : سيد رائد بتشك بحدا بدو يؤذي شركتك !
رائد : يلي بدن يئذوني كتار ، بس ما اتوقع يكونو جريئين لدرجة الدخول لشركتي وافعال حريق فيها !
الشرطي : طيب .. ما جاوبت ع سؤالي .. بتشك بحدا !
رائد : لا سيدي
الشرطي : كيف وضع الآنسة مرح ؟
رائد : صار أحسن .. عندا حروق كتير وتشوهات ..
الشرطي : بتعرف اذا صارلها شي ممكن اهلها يرفعوا عليك دعوى وومكن تخسر الشركة ..
رائد : بعرف .. بس مارح يصيرلها شي .. عن اذنك اذا خلص التحقيق فيني اطلع ؟
الشرطي : تفضل ...
_______________
قاعد عالبلكون الساعة ٦ الصبح، عم يتأمل بالسما وماسك فنجان قهوته ، مو حاسس ع أي شي حواليه وهو عم يتذكرها ..
قطع عليه شروده صوت امه لما نادته ..
: ساري .. ساري ماما وين شارد ؟ ساريي
التفت ساري لعندها وقت شافها .. : ماما انت من متى هون ؟
: من شوي اجيت .. شو مفيقك انت بكير .. بعرفك خم نوم ماما ..
ساري : ههههه فقت صليت الصبح وقعدت ..
: ايه .. منقول خير ان شاء الله !
ساري : هههههه خير خير ياارب دعيلي يلا ..
: وين رايح ؟
ساري : رايح كمل نومتي ..
: ههههه ميسرة ، ما بتبطل هالعادة مو .. ااخ منك ...
رفعت ايديها للسما ودعت من كل قلبها * ربي يحميلي ياك ويوفقك بكل خطوة بتمشيها وينجحك ويسعدلي ياك ويفرحني فيك ياارب * ، ابتسمت واخدت الفنجان وحطته بالمطبخ ورجعت ع غرفتها لتكمل نومها هي التانية ..
* بعد ثلاث ساعات * بغرفة ساري
* عم يتقلب عالتخت ومو قادر ينام .. اتطلع عالساعة وحكا : هفففف مرت تلات ساعات وانا مو قادر نام .. يااربي نسيني يااها .. افف من وين طلعتيلي يا !
ضل يحكي مع حاله وقت بعدين تثائب وقال : واه هلأ نعست لنام شوي ، رجع تطلع عالساعة وفتح عيونه ع وسعهم : ياا الله لييش هيك مر الوقت بدون ما نام ..
ماعاد في وقت نام ..
نزل من تخته وفات عالحمام ..
بعد شوي فاتت امه عالغرفة وبلشت تصحي فيه وهي عم تضب غرفته وتفتح الستاير ..
: يلا ساري رح تتأخر ، يلا ماما ، يلا يا ساري قوم ماما يلا ..
سارييي..
ساري: عم تناديني ماما ..
: بسم الله ، من وين طلعت انت ؟
ساري : كنت بالحمام ..
: ايمتا طلعت ما شفتك ؟
ساري : ما كنت هون لما دخلتِ
: ولك ساري
ساري : نعم
: اقعد هون لأشوف ..
ساري : تفضلي وهي قعدت ..
: شو صاير معك ؟
ساري : مين قلك انه صاير معي شي؟
: انا امك وبفهم عليك .. من ايمتا انت بتفيق لحالك ، بدك انفجارات لتفيق انت . بعدين احكي الصدق ما نمت بعد الصبح مو ؟
ساري : لا .
: بعرف .. شوف عيونك كيف منفخة .. ما بعرف كيف رح تروح عالشغل هلأ .. احكيلي امي شوفي . شبك .
ساري : يعني خلص حصرتيني؟
: احكي ساري .
ساري : مبارح صار عنا بالشركة حريق ..
: شوووو .. شو عم تحكي !! وليش ما حكيتلي .. انت بخير ؟
ساري : بخير بخير انا ماما بس ..
: شو بسس ، في حدا تأذى ؟
ساري : في .. السكرتيرة تأذت بس مو هون المشكلة
: وقعتلي قلبي لك ابني لكن شو صار ؟
ساري : لك والله مو عارف شو بدي قلك
: يييي لك ساري وقعت قلبي احكي ..
ساري : يعني .. هو ... عجبتني بنت
: 😒😒 نشفت ريقي .. وبتقلي حريق .. ومش عارف شو تحكي مشان تقلي عجبتك بنت .. اي احكي هيك من الاول ضروري توقع قلبي .. بعدين شو دخل البنت بالحريق ..
ساري : ماهي من الاطفائية ..
: كيف يعني ..
ساري : يعني هي يلي طفت النار .. تخيلي امي فاتت قدام الكل .. بدون ما يرفلها جفن .. وبدون ما تخاف ولا ترجف .. لك حتى الرجال ما رضيو يفوتو وهي فاتت ..
: ماشاء الله عليها .. اي بس هي شو شغلتا يعني ، هي الشغلة من يوم يومها للرجال مو للنسوان ..
ساري : امي انا ما شفت بشجاعة هالبنت بحياتي .. كل البنات يلي شفتهم بخافو من خيالهم حتى ..
: اي شو يعني .. حلوة البنت الناعمة اللطيفة .. مو يلي بتشتغل شغل رجال ..
ساري : ماما مو انت يلي دائما بتشجعيني اتزوج وحدة قوية وما بتخاف ..
: اي قوية وما بتخاف طبعا .. الوحدة لازم تكون قوية وقد حالها ..
ساري : ماما انا هالبنت حبيتها وحبيت جسارتها وشجاعتها .. خطبيلي ياها
: امي هاد مو حب ، هاد اعجاب ... اعجبت فيها لانك شفتها قوية وبكرا بروح..
ساري : مو هيك الظاهر امي .. مو هيك ..
: اي انسى الموضوت و قوم قوم بلا ما تتأخر ..
طلعت من الغرفة وقالتله : وطالع هالبنت من راسك حرام تفكر بالبنات هيك ..
ساري : ااخ والله حتى انت يا امي ما فهمتي عليي ..
_________________
نعرفكم ببطلنا ..
~~~~ساري~~~~
°•إنسان وسيم أسمر بعيون بنية ودقن محددة ، بطول 175 وجسم رياضي ، عمره 27 سنة ، ما عنده إخوة أبداً ، عايش مع أمه .. أبوه توفى من خمس سنوات .. بيشتغل بشركة الكترونيات ..
•حالته المادية منيحة لأنه ما في غيره هو وأمه ..
°أمه عم تحاول تخطبله وتأمن عليه بس هو ما كان يعجبه العجب وبده وحدة ع كيفه ..
• مؤدب وخلوق ومرتب وأنيق وملتزم بس عنده عيب مشهور فيه .. انه ما بفيق بسهولة .. بعيّر أكثر من خمس منبهات لحتى يقدر يفيق .. وأحياناً أمه بتفيقه .. صح هو رجال كبير بس بهالشغلة معندهوش يما ارحميني 😂
_______________________
طلع ساري عالشغل بعد ما ودع أمه .. وصل عالشركة ونزل من السيارة هو ونعسان وقفه عند الباب ابو سعد
: صباح الخير استاذ ساري
ساري : صباح النور عمو .. الف مرة قلتلك ما تناديني استاذ، ناديني ساري ..
: ههههه ماني متعود يا ابني ..المهم ليش جاي انت ؟
ساري : هههههه شو ليش جاي عمو عندي شغل ..
: هااه عندك شغل .. فكرتك معطل .
ساري: ليش بدي عطل .!!
: كل الموظفين معطلين يومين ، فكرتك معطل معهن .. مو صار الحريق مبارح .. ان شاء الله ما بينعاد
الكل اليوم اخد عطلة لانو في تصليحات بس بكرا ما اتأكد اذا خلصو تصليحات بيدامو اذا لاء كمان عطلة ..
ساري : اوووف والله راح عن بالي .. كيف نسيت انو عنا عطلة ..
: ههههه شو صاير معك انت .. بعرفك بتحب العطل والنوم..
ساري : حتى انت عمو !!
: هههههه روح روح ارتاح وتهنى بالعطلة مو كل يوم بصحلك والله ..
ساري : لكن لروح نام حاكم طول الليل مو نايم
: له له ليش بقا ؟
ساري : شغلة ما تشغل بالك انت *
: علي هالحكي يا ولد .. احكي لأشوف ايش مشكلتك ؟
ساري : اااه يا عمي .. انت بتعرف انو امي بدها تخطبلي وانا بيني وبينك بدي وحدة حبها وتحبني مو بس تعجب امي...
: اي وين المشكلة لكن ؟
ساري : أمي ...
: هااا اي معك حق والله اذا الام ما عجبتا البنت .. لو تطبق السما عالأرض ما بتاخدها لابنها ..
ساري : هو هيك عمي .. البنت يلي عجبتني كانت هون مبارح .. بصراحة انا ماشفت بقوتها وشجاعتها ..
: ليكون قصدك البنت يلي اجت من الاطفائية مبارح ؟
ساري : ايواا هي بذاتها، شو عرفك ؟
: ما الكل عم يحكي عنها
ساري : ليش بلا صغرةةة !!
: نفس حكيك الكل حكاه ..
ساري : هففف هاد يلي كان ناقصص ، عمو انا البنت عجبتني وبدي روح اخطبها ولو حدا حكا عنها قدامك سكتو
: هههههه وأمك
ساري : من حكيي ما عجبتها بس بلكي اذا شافتها بتعجبها
: يلا كله خير الله ييسرلك ويهون عليك مهمتك ونشوفك احلى عربس
ساري : تسلم عمي ، يلا انا بالإذن
: اذنك معي ابني مع السلامة
~●~~~~~~~~~
رجع ساري عالبيت وفات ..
ساري : اميي ..
: اي امي باين راجع بكير ؟
ساري : مافي شغل اليوم
: ليش
ساري : مشان الحريق يلي صار مبارح ..
: ايي صح قلتلي... بس ما شرحتلي شي ، احكيلي كيف صار
. وكيف وضع السكرتيرة ..
ساري : امي انا تعبان وبدي نام بس فيق منحكي
: اي يلا نام لكن شو بتحب تاكل ؟
ساري : ع كيفك
: ماشي الله يرضى عليك
*_*_*_*_*_*_*_*_*_*_*_*
بعد تلات ساعات فاق ساري وطلع غسل وجهه ونادى امه
: اي امي تاكل
ساري : باكل فرطت من الجوع شو طابختيلنا ..
: سويت شوية مجدرة وتبولة وجارتنا بعتتلنا سكبة
ساري : جارتنا ولا بنتا
: بنتا
ساري : بعرف 😂
: اي يلا قوم ناكل
^^^^^^عالسفرة^^^^^^
: هات لشوف حكيلي ..
ساري : كنا قاعدين بأمان الله عم نناقش مشروع .. فجأة سمعنا صراخ من تحت وقفنا كلنا ونزلنا وعرفنا انو في حريق ..
سأل رائد ع مكان الحريق وقالولو الارشيف واتصلنا عالاطفائية واجو ..
وبعد ساعتين لوصلت الاسعاف واخدت مرح ..
: ومرح كيفا ..
ساري : حسب ما قلي رائد مو كتير منيحة .. عندا حروق من الدرجة التالتة ووجهها متشوه شوي وايديها ..
: بس كيف مو صايرلها شي وهي تقريبا ساعتين تحت ..
ساري : كان مقفول عليها بالغرفة لما بلش الحريق حاولت تفتحه لحتى انفتح معها وقدرت تطلع بس الحريق اجا عليها من كل مكان والدخان خنقها فراحت ع زاوية بعيدة شوي وقعدت هناك وغميت بس كانت محروقة وخالصة ومو قادرة لا تصرخ ولاشي ، لهيك اكتشفوها متأخرين واتصلو الاطفائية بالاسعاف ..
: حسبنا الله ونعم الوكيل .. الله يجيرنا وما يضرنا ..
ساري :آمين ... إمي شو صار بموضوعنا ..
: اي موضوع ..
ساري : يلي قلتلك عنو الصبح *
: وضح ساري ..
ساري : مشان موضوع البنت ..
: الاطفائية ؟
ساري : اي
: ما بعرف ... ما بدي احكم عليها قبل ما شوفها . خلص احكي مع اهلها وخد موعد..
ساري : امي انت احكي مو انا ..
: طيب جيبلي رقم
ساري : ماشي انا بدبره يلا بدك شي
: لوين
ساري : لجبلك الرقم لوين يعني ، رايح زور مرح
: ههههه سلم عليها
ساري : الله يسلمك بيوصل ، دعيلي ..
: الله ييسرلك ويحميك ..
ساري : يلا السلام عليكم
: وعليكم السلام
*-*-**-**-بالمشفى*-**-*-**
فات ساري عالمشفى وسأل ع غرفة مرح وصل لفوق ولاقى رائد قاعد برا عالكرسي ...
____
ساري : رائد ؟ شو عم تعمل هون ..
رائد : ليش انا ايمتا عم روح من هون .. ماهي بسببي جوا ..
ساري : ليش شو دخلك انت ..
رائد : هي تضررت بشركتي .. وبنص شركتي كمان .. يبقى الحق على مين .!
ساري : لك هاد نصيبا انت شو دخلك .. نصيبا هيك وصار .. ع كلن ليش انت برا ماعم يفوتوك؟
رائد : مبلا بس عندا رفقاتا اجو يزوروها فأنا طلعت لبرا ..
ساري : اي منيح بسلوها .. ، وصار شي مشان علاجا؟
رائد : انا رح اتكفله كله ورح ادفع تعويضات لعيلتا .. وان شاء الله ترجع متل قبل واحسن ..
ساري : ان شاء الله ..
انفتح الباب وطلعو من جوا تلات بنات .. كان عم بطلع عليهن لما لمحها... ما صدق حالو .. معقول الصدفة وصلته لهون ..
طلعو وراحو بس هو ركض وراها وناداها ..
ساري : يا آنسة ..
التفتو البنات التلاتة لعندو وهو ابتسم لرفقاتا وأشر عليها ..
ابتسمولو واستأذنو يروحو ..
: عفواً ؟؟
ساري : انا يا آنسة ما بحب لف ودور .. انا من اول مرة شفتك حبيتك ورح اجي من الباب مو من الشباك .. وما رح اطلب رقمك لاحكي معك.. طلع من جيبتو ورقة وعطاها ياها ..
: لكن رح تعطيني انت رقمك مشان احكي معك؟
ساري : لاء لاء لا تفهميني غلط .. هاد رقم امي .. حابة تحكي مع امك ..
خجلت ونزلت راسا بالأرض واعتذرت منه ع تصرفها .. استأذنت وراحت ..
ابتسم واخد نفس عميق وكأنه هم وانزاح من ع قلبه ..
رجع لعند مرح دق الباب وفات بعد ما سمع الإذن ..
ساري : مرح كييفك ... الحمد لله عالسلامة ..
مرح : الله يسلمم يارب ..
رائد : شو وين رحت هيك !
ساري : هاا . رحت اخدت رقم ..
رائ: رقم مين ؟
ساري : يعني ما اخدت رقم .. عطيت رقم .. لك بعدين بفهمكن ولو .. شو صار مع الشرطة عرفو شي ..
اطلع رائد بمرح وحكتله : احكي سيد رائد عادي ..
زفر وحكا : الشرطة شاكة بحدا ..
ساري : عنجد ؟ يعني عنجد بفعل فاعل ؟
رائد : اي مع الاسف ..
مرح : مين ؟
رائد : شاكين ب سلوى
مرح : سلوووى ! مستحيييل .. اذا كنت بعرفها شوي لسلوى بعرف انه مستحيل تعملها ...
ساري : وانا مع مرح .. سلوى بحياتها ما اذت نملة ..
رائد : بيني وبينكن في رفيقي بالشرطة خبرني انو سببين خلوهن يشكو فيها...
الاول : انه وقت اخدو افادتها كتير توترت وتلبكت وتأتأت
مرح : بس هالشي ممكن يكون من الرعبة يلي أكلتها ..
ساري : معك حق .. مرة سلوى حكتلنا انه انو من قبل صاير معها حريق وحتى فقدت فيه اختها وهالشي سببلها عقدة نفسية وأي مشكلة بتصير فوراً بتتلبك وبتتوتر فما بالك اذا حريق ..
رائد : ما بعرف بس السبب التاني هو .. قربو لقلكن الحيطان الها أذان والحكي خاص ..
السبب التاني هو نارة .. هي اتهمتها إلها
مرح : ناارة !! مستحيل ... اي والله بشك بنارة ولا بشك بسلوى .. وشو حاكية نارة ؟
رائد : قايلة للشرطة انو سلوى بتغار منك لانك سكرتيرتي ..
مرح : ههه ههههه ااخ ااخ وجهي ..
رائد : منيحة انت
مرح : منيحة منيحة .. طيب انا عندي خطة ..
رائد و ساري : شو هيي ؟
مرح : ** **** ********** ***
رائد : يا عبقرية انت .
مرح : ههه
رائد : لا تضحكي لا تضحكي ..
مرح : خلص ما رح اضحك .. يلا انتو روحو وبكرا منعمل الخطة ..
ساري. : يلا انا دعولي بكرا عندي شغل كتتير.
رائد : شوفي عندك ليش ؟
ساري : امور خاصة يلا سلام ، معافاية مرح ..
مرح : الله يسلمك. .
رائد : الله اعلم شو عم يحيك من ورا ضهرنا
مرح : اتركه اتركه بكون لاقى عروس ..
رائد : اي صح .. لما طلعو رفقاتك من عندك لحقن مابعرف ليش ..
مرح : اي قلتلي، ليكون حب وحدة منهن
رائد : ما بعرف .. الله يوفقه وويسرله
مرح : آمين .. انت روح خلص .. اهلي رح يرجعوا ذاتاً ..
رائد : مالي رايح من هون غير رجلي ع رجلك ..
مرح : عنييد ..
_*_____ بعد عدة ايآم (بالمستشفى) ____*_____
مرح : اي نارة تعي قعدي هون ..
نارة : وهي قعدة ..
مرح : لكن سلوى يلي افتعلت الحريق ؟
نارة : اي انا هيك بقول ..
مرح : لشو بتسندي كلامك ..؟
نارة : سلوى بتغار منك كتير .. لانه هي بتحبو للاستاذ رائد
مرح : ايواا .. بس بتعرفي .. لازم نقول هالحكي لرائد مشان يقلعا من الشركة ..
نارة : وبرأيي كمان ..😆
_______
مرح : الحكي كله بدل انه هي .. كنت رح نتفا لو ما اجيتو ..
ساري : تمام لكن .. مننتقل للمرحلة التانية من الخطة ..
_//__________
مرح : بتعرفي نارة .. لما حكيت للأستاذ رائد قلعا وحتى قلي .. حتى ولو مو هي عملت الحريق .. يسلم ايدين يلي عمله .. لانه من زمان بدي قلعها لسلوى الدبقة بس ماعم لاقي سبب .. ويلي افتعل هالحريق اذا ما كانت هي بدي بوسو من بين عيونه .. واشكره واعطيه مكافأة مالية .. ههه لهالدرجة تخيلي ..
نارة لمعت عيونها.: أنا ..
مرح : انت شو ؟
نارة : أنا افتعلت الحريق .. هههههه .. عنجد صدقي انا .. كان بدي سالي تنقلع خلص ..
مرح : ههه عنجد مو معقولة شو خطيرة .. عم تمزحي ولا بتحكي جد ؟
نارة : والله جد الجد .. انا بحبه كتير لرائدد ومستعدة اعمل اي شي مشان يكون الي ..
مرح : لدرجة تحاولي تموتيني ..!
نارة : ل لا شو هالحكي .. ا ا انا ما كنت بعرف انه في حدا هناك كان ..
مرح : مطلوب مني صدقك هلأ ..؟
نارة : ههه بس مرح انت رفيقتي .. يعني .. كيف ..متخيلة حالك شو عم تحكي ..
مرح : اعترفي بقا اعترفي .. قولي انك طماعة وحسودة وغيورة ومابدك ولا وحدة حوالين رائد.. مفكرة اذا موتتيني حرق والقيتي التهمة على سلوى ماحدا رح يعرف ؟
مفكرة رائد رح يصير الك ؟
مفكرة رح يتطلع بأمثالك !.
نارة : سكري تمك واخرسي احسن ..
مرح : احسن ما شو ؟
احسن ما تكملي عليي وتقتليني وترتاحي مني ؟
اعترفي .. قولي انك كنت بتعرفي اني تحت .. اعترفي ..
نارة : اي يا ستي كنت بعرف .. وانايلي بعتتك لهناك كمان ..
وبدي موتك واخلص منك ..
انفتح الباب ودخلت الشرطة ووراهن ساري ورائد .
الشرطة : انت رهن الاعتقال بتهمة محاولة القتل العمد.
نارة : لااا لاا، رح موتك يامرح رح موتك ...
الشرطي: سكري تمك احسن ما يصير عليك تهمة تانية .. شو هاد ياا تهديد قدام الشرطة ..
.
اخدت الشرطة نارة وقعدو مرح ورائد وسارية
ساري موجه كلامه ل رائد : والله طلع عندك بنت ذكية بالشركة ..
رائد : وفخور بوجودها .. لولاها ما كنا كشفنا القاتل الحقيقي ..
مرح : صح سلوى كيفا ..
ساري : بتسلم عليك بعد هالرعبة قاعدة بالبيت ماعم تطلع
مرح : الله يحميها
رائد : ويحميكك..
ساري: احممم يالله انا لازم روح بالسهرة رايح اخطب لانه ...
سوا: شوووو!! مين ..
ساري : ايي .. اممم بتعرفوا ما بعرف اسمها .. رفيقتك مرح
مرح : رفيقتي ؟ اي وحدة ..
ساري: يلي بتشتغل بالاطفائية
مرح : يا عينن .. يلا مبارك
ساري: الله يبارك فيك عقبال ما نفرح فيكن ..
مرح " نعمم!
ساري: اي هههه يعني .. رائد بدك شي ..يلا انا هربت ..
رائد " خطبة مباركة ..
_*_*_*_///////_*_*_*_____
رجع ساري عالبيت .. تحمم ولبس وتعطر .. طلع هو وامه ومر جاب باقة ورد وانطلق على بيت ريناد
: اهلا وسهلا يا جماعة نورتونا ..
ام ساري : اهلين فيك حج ..
بعد شوي فاتت ريناد وهي حاملة صينية القهوة .. كان القلق واضح على عيونها ..
ضيفت القهوة وقعدت شوي وطلعت ..
ساري : عمي انا جاي اطلب ايد بنتك على سنة الله ورسوله ...
: يا ابني انا بتشرف فيكن بس بتعرف وجوب السؤال ..
ساري : اكيد عمي ..
: كم عمرك وشو بتشتغل وبتصلي
ساري : احمم عمري 27 ، بشتغل بشركة الكترونيات واكيد بصلي الحمد لله..
: العمر كله .. بتعرف يا ابني اهم شي الاخلاق ..
ساري : اكيد ..
: تمام عمي نحنا رح نسأل عنكن ونتشاور ونردلكن خبر ..
ساري : على خير ان شاء الله ..
وقفو ساري وامه ليروحوا بس قبل ما يطلعوا سأل ساري : صح عمي شو اسم بنتك ؟
: استغرب سالم ( ابو ريناد) من سؤال ساري بس حكا : ريناد
لمعة عيونه لساري بينت .. ف حكا : العمر كله ومشي ..
سكر الباب ابو ريناد وفات هو وعم يضحك...
كانت ريناد عم تلم الفناجين لما حكا سالم لمرته اميمة : ههههههههه
اميمة : ليش عم تضحك ..
سالم: سألني شو اسما بنتك
اميمة : ليش ما بيعرف؟
سالم : بما انه سالني اكيد لا
اميمة : لكن ليش عم تضحك ..
سالم : قلتله ريناد .. قام خجل وفات ببعضه قلي العمر كله
اميمة : ههههههههههههه
ريناد مسكت ضحكتا وطلعت من الغرفة حطت الغراض بالمطبخ وراحت على غرفتا وبلشت توزع ابتسامات للحيط هي وعم تشم الورد يلي جابه ..
..
وصل ساري وامه عالبيت ونزلو من السيارة واول ما فتحو باب البيت شهق ساري ..
مريم : بسم الله شوو صار شو فيه .
ساري : الله يخزيني .. الله يخزيني
مريم : لك شبك شو صرلك ..
فات وسكر الباب وراه .. والتفت لعند امه. : لك اميي قلتلو العمر كله ..
مريم بعدم فهم : شو يعني
ساري : قلي اسمها ريناد قلتله العمر كله
مريم: هههههههههههههههههههه ههههههههههههههه اخ خواصري اخ هههههههههه
ساري : لك امي لا تضحكي عليي انت التانيية ، وليي على هالخجلة
مريم : بتصير بتصير ..
ساري : المهم امي .. عجبتك ريناد ؟
مريم : اممممم يعني .. في احلى منها ب كتير ..
ساري : ب...
مريم : بس مذوقة ومرتبة .. ولبسا حلو وانيق .. ولسانا حلو ...
ساري: يع..
مريم : صح اول لحظة ما حبيتا .. بس لما حكت صوتا حلو
ساري : وبع...
مريم : ومشيتا موزونة وضهرها مشدود ..
ساري: خل...
مريم. : مبينة مو متل بنات هالأيام .. مو حاطة ولا نقطة مكياج .. ومشيتا مو دلع ..
ساري : او...
مريم : منسأل عنن ومنشوف هن شو بردو خبر .. يلا ساري تصبح على خير
ساري : تلاقي الخير ..
فاتت مريم على غرفتها وساري على غرفته .. طول الليل ما نام وهو عم يفكر فيها ...
صاير هالأيام ساعات نومه عم تقل .. مو من عادته ابدا .. عرف انه ... وقع بالحب ...
بالطرف التاني عند ريناد ..
كانت متسطحة بسريرها وعم تفكر ..: هلأ هو بيعرف اني بشتغل .. اذا وافقت يا ترى حيخليني كمل شغل ؟
بالاخص انها مو شغلة سهلة ..
اممم اول شي لازم اسأله عن شغلي .. شغلي قبل كل شي
شغلي وبس ..
اذا رضي .. انا بكون موافقة ..
تاني يوم من بكير طلع سالم وسأل عن ساري ..
سمعة ساري كانت متل المسك هالشي يلي زاد اعجاب سالم فيه .. رجع عالبيت ونده ل ريناد
اميمة : ريناد طلعت عالشغل
سالم : نسيت انه عندها شغل اليوم ..
اميمة : هي معطلة بس شافت عالاخبار حريق وراحت للدعم
سالم : هالبنت اطيب من قلبها مافي .. الله يحميلنا ياها
اميمة: آمين.. انت شو صار معك ؟
سالم : سالت عن ساري وسيرته متل المسك
اميمة : رح تعطيه ؟
سالم : ما بلاقي مانع فيه .. والشي بيرجع ل ريناد مو النا
اميمة:اكيد بس الموافقة الاولية الك ..
سالم : موافق .. اذا كان فيها خير الله ييسرها .
اميمة: آمين
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```