الفصل 6
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵خمس.رصاصات.tt. ♥*
*❴🔢❵☟الـــبـــــــــــ❴ 6️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
خمس _ رصاصات 6
#بقلمي safaa
~~~~
(كل شي بتعملو بهالدنيا رح يلف لفة صغيرة ويمكن طويلة ويرجع عندك ..
كون من اصحاب الثقه بالنفس واوثق باللي بتعملو لان •اللّـہ بعطي كل بني ادم ع حسب نيته)
-*-*-*-*-*-*-*-*-
كانت مصدومة من منظره حملته كان ثقيل ... واخيرا وصلته ع الغرفة حطته ع التخت جابت مي رشت ع وجهه بلش يفتح عيونه
جلنار:وليام اصحى انا جلنار
وليام:جلنار ...ساعديني عم موت
جلنار:لا تحكي هيك ... اتحمل شوي بدي اجيب علبة الاسعافات ومي سخنة لحتى اشيل الرصاصة من كتفك
بسرعة البرق كانت جايبة الاغراض ...مزعت كنزته مسحت الدم الي ع كتفه ... اطلعت عليه
جلنار:وليام كون قوي واستحمل الوجع
وليام هز راسه وشد ع الحرام ...حطت جلنار بتمه زي قطعة صغيرة لحتى يعض عليها بس تنشال الرصاصة
بعد وقت قدرت جلنار تطول الرصاصة ..وعقمت الجرح وخيطته لفت ايديه بمشد خفيف
...حطتله كمادات ع جبينه لحتى تنزل الحرارة
جلنار:وليام بدي اقوم اعملك شوربة .... لا تنام اوك مشان تاكل وتشرب الدوا
اجت دتروح مسكها من ايديها ودفشها لعنده بخفة
وليام: مرات بحس انك عدوتي ...ومرات بحس انك صحبيتي مين انتي شو حقيقتك اه
جلنار:بس تتعافى رح احكيلك كل اشي وعد
راحت ع المطبخ لقيت ميساء وسيف عم يستنوها
سيف:كيف صار احكيلي؟ اخذه ع المستشفى
جلنار:لا ما في داعي هو منيح .. بدي اعمله شوربة مشان يشرب الدوا
سيف: ماشي ... بس بعديها بدكم تفهموني مين انتو وليش بتساعدونا
ميساء: لا تخاف بس يتعافى وليام رح تخبركم جلنار بكل اشي
سيف: اوك
خلصت الشوربة وطلعت لعنده ...قعدت جنبه ع التخت لحتى تطعميه ...لكنه وقفها
وليام:انا باكل لحالي
جلنار زورته:ما حزرت يا بيبي
نزلت ايده وبلشت تطعمي فيه وهو عم يطلع عليها ... كانت قريبة منه كثير ... عيونها ...شعرها كل اشي فيها سحرته
(وليام عم يحكي: لما حكتلي بيبي ...هههه حسيت حالي جد بيبي اهتمامها فيي ... عيونها .. شعرها ... ملامحها جذبتني الها ... بس في لمعة غريبة بعيونها دايما بشوفها بس ما بعرف ايش هي)
(جلنار عم تحكي: وانا عم بطعميه اتأملته .. كثير وسيم وجذاب وحلو ... نظراته لالي خجلتني شوي ولبكتني ... قررت احكيله الحقيقة بس يتعافى منيح)
خلص اكل ..وشرب الدوا ونام ...سكرت الباب بهدوء ونزلت ع الصالون بسرعة ركض سيف عندها
سيف: كيف صار هلئ اتحسن مع الشوربة والدوا؟
جلنار:اي اي اتحسن والله ... يلا اطلاع ريح حالك وبكرة بفرجها •اللّـہ
سيف: لسه بدي استنى لبكرة
ميساء: اي عبين ما هو مصحح الزلمة .. يلا تعال ادلك ع غرفتك
مشيت ميساء قدامه لحقها عم يطلع عليها كيف بتمشي بثقة ..
ميساء:اتفضل هي غرفتك
سيف: شكرا ... صح كم عمرك
ميساء اطلعت عليه:تصبح ع خير
راحت ميساء ع غرفتها اما سيف بقي واقف ومستغرب منها
سيف:شبها هاي ... ما جاوبت ع سؤالي يلا بكرة بنعرف
الكل نايم بالفيلا .... الا هي بقيت صاحية وعم تفكر ... قامت لبست روبها ونزلت بخفية راحت ع الحانة قعدت ع الكرسي صبت كاسة وبلشت تشرب
جلنار:معقول وليام يفهمني لما احكيله الحقيقة اففف
نقز قلبها من صوته
وليام من وراها:وليه ما افهمك يعني
جلنار لفت الكرسي: نقزتني ... ليش هيك عملت زي الحرامي
قعد قبالها
وليام: شفتك قاعدة ما حبيت ازعجك .. بس حبيت انقزقك
مسك القنية اجا. بده يصب كاس وقفته بايدها
جلنار:ممنوع تشرب لسه جرحك جديد مضر الك
وليام مسك كرسيها وشده لعنده
وليام: لهدرجة بتخافي علي
جلنار ابتسمت: لا ما بخاف عليك ... بس مو ناقصني اوديك ع مستشفيات بآخر هالليل
وليام قربها اكثر:اي اقنعتيني الصراحة .... يعني ما في سبب ثاني
جلنار: لا ما في سبب ثاني
نزلت عينه ع صدرها المبين منه شوي بلع ريقه .. انتبهت عليه سكرت الروب منيح ودفشته شوي وقامت
جلنار:تصبح خير
اجت دتمشي لكنه حاصرها بطاولة الحانة
جلنار:بعد عني
وليام:ليه بتخافي مِڼـّي
جلنار ببرود: شو رأيك انت؟ بعد بدي اروح
وليام ما انتبه لايش بتحكي قرب وباسها من خدها .. اما هي بقيت ع نفس برودها ... دفشته عنها
جلنار:اوعك ثاني مرة تعملها بندمك
طلعت ع غرفتها سكرت الباب اتمددت ع التخت ونامت
اما وليام ابتسم وطلع ع غرفته
*في الصباح الباكر*
اربعتهم قاعدين ع طاولة السفرة عم يفطروا بهدوء
سيف:ليش زعلان مِڼـّي فهمني
وليام بزعل: ولا اشي حرام ما غلطت .. ولك امبارح كنت متصاوب وبالغرفة ما اجيت تساعد جلنار يا رفيقي
سيف:بايش احلفلك انه هي ما رضيت وكانت عنيدة كثير
وليام:مو قادر لبنت يا سيف
جلنار: سيف ما اله دخل ... وغير هيك بعمرك لا تستهين ببنت ... ما تفكر البنت ضعيفة ابدا .... الضعيف هو الي بفكر زي تفكيرك
وليام:هسه انا ضعيف
جلنار:بهالثانية هاي انت اضعف واحد بالنسبة الي
وليام عصب: ما بسمحلك...
جلنار قاطعته:لا بدك تسمحلي ... يلا تعالْـۆ معي .. اجا الوقت الي لازم تنكشف فيه الاوراق
تابع..... ✨🌸👣
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```