الفصل 2
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم شيزوفرينيا الحب`*
*🔢❵الـــبـــــــــــ❴2️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
📚كتب ||روايات|| منوعة📚:
جاكيتو و لبسا اياه
عشق: ماني بردانة
اشهب: لا تشلحيه
عشق : كيف عرفت العنوان
اشهب : سلوى عطتني اياه
عشق : ……
بقيو واقفين و عم يتطلعو ببعض هني و ساكتين
قرب منا اشهب و حاول يبوسا بس بعدت عنو
اشهب : شو لساتك زعلانة مشان اللي صار الصبح
عشق : اي
اشهب : و شو بقدر اعمل حتى راضيكي
عشق : انت يلي لازم تفكر بهالشي
اشهب : بعزمك على السينما و منحضر فيلم رومانس من يلي بتحبيهن؟
عشق : تعبانة و حابة ارجع على البيت
اشهب : معناها بتسمحيلي انو روح معك ؟
عشق : ازا خايف ترجع لحالك بوصلك ما عندي مانع
اشهب : ههههههه حبيبتي المشاكسة قرصا من خدا و خربلا شعراتا
عشق : بس ولوو
حط اشهب ايدو على كتفا و مشيو سوا
بالطريق اشترالا وردة حمرا كهدية صلحة
وصلا على البيت و اتفقو تاني يوم حتى يروحو سوا
اشهب : اوعديني ما بقى نتزاعل مشان امور تافهة
عشق : بوعدك بس انت كمان ما بقى تعصبني
اشهب : يلا فوتي لجوا
عطتو جاكيتو و فاتت
بقيت عشق على هاد الحال لمدة اسبوعين كل يوم تروح على شغلا مع اشهب و ترجع معو
جلال عجبو شغلا و ثبتها عندو بالمطعم ، كانت عشق مفكرة انو قدرت تحقق ذاتا و تعمل
الشي يلي كان ببالا من زمان ، كانت مبسوطة بيلي وصلتلو و بلشت ترسم امال و احلام المستقبل الخاصة فيها يلي كانت عم تتخيلن باحلاما من زمان ، بانو يكون عندا بيت و تركب سيارة ، يمكن بدا عشرات سنين من العمل المتواصل حتى تحققن بس كانت على طول تزكر حالا بأنو طريق الالف ميل بيبدا بخطوة و هيي خطت هالخطوة !
بنهاية نهار عمل طويل و متعب كانت عشق قاعدة مع زملائها بالشغل جوات المطبخ عم يقسمو البقشيش
فات جلال و بإيدو المسبحة و ندهلا لعشق
جلال : لحقيني على غرفتي
عشق : بس يا معلم
جلال : ما تبسبسي
راحت معو عشق بس قبل ما تفوت الغرفة سألتو
عشق : معلم بلشت خاف ، يعني في حدا شاكيلك عني ؟
جلال : لا فوتي لجوا
فاتت هيي و متوترة
جلال : شوفي يا عشق انتي اكيد عم تسألي حالك ليش جبتك لهون
شوفي انا رجال بعرف الله و ما بحب اللف و الدوران
انتي صبية صغيرة بالعمر حلوة و بتعجبي و بصراحة اكتر انت عجبتيني
عشق : يا معلم لساتني ما عم افهم مقصدك بهالحديث
جلال : انا رجال الله منعم عليي و مفضل و الحمدلله متزوج و عندي ولاد
بس كرجال بحب جرب انواع مختلفة و هالشي مانو غلط ازا كان بعقد زواج عند شيخ
عشق : يعني عم تعرض عليي الزواج ؟
جلال : اي بس هاد مانو زواج زواج يعني كيف بدي اشرحلك اياها
انا الي سمعتي بالبلد و مكانتي و مو حلوة يقولو تزوج على مرتو بعد هالعمر
لهيك الموضوع رح يبقى سري بيني و بينك و كمان ما بدي ولاد. لانو عندي
عشق : و أهلي ؟
جلال : فيكي تخبريهن بس ما لازم يقولو قدام حدا
عشق : بس مو هاد الزواج يلي انا حلمت فيه ، مو بهي الطريقة بعتزر منك
جلال : رح اعتبر حالي ما سمعت جوابك
فيكي تاخدي بكرا اجازة و تفكري بالموضوع على راحتك
و خبريني بعد بكرا ، و تزكري انا فيني حققلك كلشي بتتمنيه
رح اشتريلك بيت و اعطيكي مصاري و جبلك مجوهرات و اغلى التياب و طلعات و مشاوير وين ما بدك
كل هاد ما رح يكلفك غير كم ليلة معي بالحلال
عشق : ……
جلال : بتقدري تروحي و بشوفك بعد بكرا
طلعت عشق هيي و ساكتة ، غادرت المطعم و ضلت رايحة نسيانة اشهب يلي كان عم يستناها
مشيت بالشارع و اشهب لحقا
اشهب : يا عشق شبك رحتي و ما شفتيني
عشق : اااه لا ما في شي
كان راسي عم يجعني لهيك كان بدي استعجل لاوصل البيت و رحت عن بالي
اشهب : مو مشكلة ، خلينا نمشي
وصلا اشهب لبيتا و كمان فاتت بدون ما تودعو ، عقلا ما كان معا
عم تفكر بعرض جلال حتى على سفرة العشا ما اكلت منيح
عشق : دايمة ، قالتا و راحت على غرفتا
سلوى حست عليها و قامت لحقتا
سلوى :فيني ادخل
عشق : فوتي
سلوى : عشق انتي صاير معك شي
عشق : لا ابدا شوية تعب
عشق كانت بحاجة لشخص تحكي معو و تفضفضلو الافكار يلي عم براسا
كانت عم تنهش عقلا على البطيء بس هيي كمان بتعرف سلوى و وجهة نظرا
بهيك موضوع ، رح تبهدلا و تجرحا بالحكي و بجوز تخبر ستا و ما تنفعا بالتوصل لقرار
نامت عشق هديك الليلة هيي و عم تفكر و من التعب ما فاقت تاني يوم الا الشهر و هالشيمو من عوايدا ، سلوى قلقت عليها و فاتت لعندا تطمن
سلوى : عشق ليش ما رحتي على شغلك
يعني تركتي الشغل و لهيك مهمومة و زعلانة؟
عشق : لا ما تركتو و اليوم المعلم عطانا اجازة لانو رح يعمل تصليحات بتلمطعم
كل القصة شوية تعب
سلوى : بالمناسبة اجا اشهب الصبح و قلتلو مالك رايحة
عشق : منيح يلي عملتي هيك
بدي اتحمم و استرخي ، عقلي مشوش و تعبانة
سلوى : طيب انا رح اطلع كمل الطبخة
تحممت عشق و اكلت مع ستا و سلوى ، بعدا فاتت على غرفتا و ما طلعت منا لتاني يوم
حسمت قرار و راحت بكير على شغلا قبل بداية الدوام بنص ساعة
حتى ما تلتقي بأشهب
اول ما وصلت راحت بوشا على مكتب جلال ، دقت الباب و فاتت
جلال : شو مبكرة اليوم يا عشق
عشق : انا موافقة
جلال : هاي الاخبار يلي بتن
سمع ، كنت متاكد انو رح تفكري بعقلك منيح و تحسبيها
و ما خاب ظني بذكائك
عشق : عندي شرط
جلال : ما بحب هالكلمة بس يلا مقبولة منك هالمرة
عشق : انا كمان ما حابة خبر اهلي لانو اكيد رح يعارضو الفكرة
و كمان حابة اضمن حقي ، انت رح تتجوزني حتى تقضي كم يوم حلوين و بعدا بدك تطلقني
لهيك انا بدي تكتبلي البيت يلي تشتريلي اياه باسمي
جلال : بحب الازكياء انا و الجريئين
رح اعملك كلشي بدك اياه بس المهم تكوني الي و تسمعي كلمتي و تكوني مرا مطيعة
عشق : ازا تفقنا على كلشي رح انزل لانو دوامي بلش
جلال : انتي هلأ رح تصيري مرتي ما عاد الك شغل بالمطعم
رجعي على بيتك و انا بس جهز البيت و بلغ الشيخ و المحامي بتصل فيكي
عشق : ما تطول عليي ، غمزتو و غادرت
رجعت على بيتا و هيي عم تفكر قديشها وحدة زكية وحاذقة ، رح تحصل على البيت يلي حلمت فيه بظرف ايام بس
كانت فخورة بنفسا انو قدرت توقع هيك رجال غني بحبالا بدون تخطيط حتى
فكرت انو اجا الوقت يلي لازم تصارح فيه اشهب
راحت على بيتو و نطرتو لحتى طلع
اشهب : عشق انتي هون ، من شوي كنت عندكن نطرتك حتى وصلك على الشغل
بس ما طلعتي فكرتك ما رح تداومي اليوم كمان
عشق : انا جاية قلك شي مهم
اشهب : عم اسمعك
عشق : اشهب انا ، تنهدت تنهيدة طويلة بعدا تطلعت بالارض و قالتلو : بدي ننفصل
الجزء الرابع
#شيزوفرينيا_الحب
للكاتبة روز سعد الدين
فكرت انو اجا الوقت يلي لازم تصارح فيه اشهب
راحت على بيتو و نطرتو لحتى طلع
اشهب : عشق انتي هون ، من شوي كنت عندكن نطرتك حتى وصلك على الشغل
بس ما طلعتي فكرتك ما رح تداومي اليوم كمان
عشق : انا جاية قلك شي مهم
اشهب : عم اسمعك
عشق : اشهب انا ، تنهدت تنهيدة طويلة بعدا تطلعت بالارض و قالتلو : بدي ننفصل
اشهب : حبيبتي مو وقت مزحك ، ماني بمزاج يتحمل هيك مزح
عشق : بس انا ما عم امزح
اشهب : حبيبتي ازا في شي مضايقك احكي ، طب انا زعلتك بدون قصد يعني ؟!
عشق : خلص حاجتك ، كل ما بتتصرف معي هيك بجن اكتر
اشهب : عشق والله ما عم افهم عليكي ، مسكا من ايدا بس دفشتو و بعدت عنو
عشق : كل ما بتتصرف معي بطيبة اكتر ، احساسي بالزنب عم يزيد خلص مشان الله
و صارت تبكي
اشهب : لك عشق عم تخوفيني عليكي ، كرمال الله شو عم يصير معك
عشق : اشهب انا بدي تتركني
ما عاد بدي ضل معك و السبب مالو علاقة فيك ابداً ، السبب بخصني الي
اشهب بلش يدرك انها عم تحكيه بجدية
اشهب : عشق حاج بكي ، و خبريني السبب ، اكيد في سبب لحتى بدك ننفصل
عشق :………
اشهب : لا تضلي ساكتة احكي
مسكا من كتافا.و صار يهزا بعنف
عشق وسط بكائها و شهقاتها قالتو : في حدا تاني بحياتي
تركها اشهب هوي و مصدوم : كيف !! مينو هاد ؟ايمتى لحقتي تحبيه ، يعني كنتي عم تخونيني
عشق : ……
اشهب : جاوبي شبك ساكتة قالها بصراخ
عشق :ما حبيتو ، ما صرلي زمان بعرفو ، بس معجبني و في امل يصير بيناتنا شي لهيك مو حابة خونك
اشهب : معو مصاري مو هيك ؟ اصلا الكل حزرني منك و قالولي هاي بنت لعوب
مصلحجية بتحب المصاري و بتركض وراها بس انا متل الغبي ما صدقتن و دافعت عنك
لك روحي الله يلعنك وحدة حقيرة
فات اشهب على بيتو و طرق الباب بصوت عالي
اما عشق لملمت اشلاء كرامتها اللي بعثرها حكي اشهب الجارح و رجعت على بيتا
شافت سلوى بالبيت لحالا
عشق : وين ستي
سلوى : شو راجعة بكير اليوم ، ستي راحت لعند ام فادي ، عاملة جمعة لنسوان الحارة و عزمتا لستي
عشق : منيح ، اصلا صرلا زمان محبوسة بهالبيت و ما طلعت منو
سلوى : اي قولتك بركي بتتحسن صحتا
تعي لهون ليش عيونك حمر كنت عم تبكي؟
عشق ما قدرت تضغط على حالا و تخبي اكتر انفجرت بالبكي و خبرت سلوى على كل شي
صار معا
سلوى : الله لا يعطيكب اياها العافية ، بدك تتجوزي زلمة منك باكتر من عشرين سنة
و كمان بالسر بدون ما تخبرو حدا ، لك يا مجنونة هاد بدو يتسلى فيكي يومين و يرميكي
عشق : بعرف لهيك طلبت منو يكتب البيت باسمي
سلوى : شو صاير لمخك انتي مستعدة تتدمري مستقبلك مشان قرشين
بكرا يكبك كيف تتجوزي غيرو اه ؟ رح تطلع عنك الناس حكي بشع كتير و ما رح تتحمليه صدقيني
ما رح يقولو تجوزت و نسترت ببيت زوجا ، رح يقولا عنك……
عشق : رح يقولو فلتانة و بنت ليل لا تخجلي قوليها ، اصلا اخر همي و هدول الناس اللي رح يحكو عني
بكرا بس صير العب بالمصاري هني اول حدا رح يوقف جنبي و يطلب رضايي
سلوى : من ايمتى المصاري عامية على عيونك لهالدرجة ، ليش بطلتي تفكري
عشق : ليش غيرنا عم يعيش بقصور و فيلل و بيلبسو اغلى التياب و بكبو اكل نحن عم نحلم نشوفو
بيركبو سيارات و في بايديهن مصاري قد ما صرفو منا ما بتخلص و نحن عم نموت لنأمن قوت يومنا
ما من حقنا نعيش متلن و نقارن حالنا فيهن
سلوى : انتي رفعتي رقبتك لفوق كتير لهيك رح تنكسر ، بعمرك ما رضيتي بوضعك و دايما كنت تطلعي على غيرك و تشوفيه احسن منك و انتهى فيكي المطاف وحدة جشعة ما بتعرف القناعة ابداً
اشهب بيعرف بهالشي ؟
عشق : اي خبرتو
من شوي و ردة فعلو كانت عنيفة و بهدلني كتير بالحكي
سلوى : ما بلومو لو شو ما عمل فيكي ، قلتلك ازا ما بدك اياه لا تجرحيه بس اصريتي تحطيه احتياط
على الرف
عشق : شو رح قول لستي بفترة غيابي
سلوى : والله لازم فكرتي بهالشي قبل ما تورطي حالك
عشق : بدي قلا انو عندي شغل كتير و رح صير نام بالمطعم و انتي ساعديني
سلوى : انا ما دخلني ما بساعدك تدمري حالك
عشق : سلوى حاج انتي التانية ، الكل عم يقسى عليي و يبهدلني ع القليلة انتي كوني جنبي
مو نحن متل الخوات و بتحبيني كتير ، وقفي جنبي سانديني حتى اقدر كافح و كمل بهالطريق
دمعو عيونا لسلوى و فاتت على الغرفة
كانت كتير مقهورة و متضايقة من عشق و تصرفاتا بس ما طالع بايدا شي تعملو حتى توقفا
او تردعا عن الطريق يلي ماشية فيه
المسا بس فاتت ستا على البيت خبرتها مشان تاخيرها بالشغل
ستها ما كانت رضيانة و طلبت من عشق انو تبطل هالشغل و تلاقيلا شغل تاني
عشق : يا ستي نحن متنا حتى لقينا هالشغل و بدك مني اتركو بسهولة
بعدين ازا اشتغلت اكتر بطلع مصاري اكتر بفترة قصيرة و هيك رح نقدر نعمل تحاليلك و فحوصاتك
على الوقت
ام ماجد : والله عم حس حالي عبء كبير على صبيتين بأول عمرن
عشق : الله يخليكي يا ستي لا تقولي هيك ، بدونك انا بموت
ام ماجد : شو اعمل حتى ساعدك ما عم اعرف
عشق : رضي عني و تزكريني بدعواتك
:
:
مرق اسبوع و عشق عم تنطر الخبر من جلال فقدت الامل للحظة و فكرتو غير رأيو و كانت ناوية تروح تشوفو و تعرف منو شو قرر بس سبقا و بعتلا خبر مع مع حدا من رجالو انو جهزي حالك و نطريه عند
مسجد الباشا تاني يوم الساعة عشرة
ما عرفت بوقتا تفرح والا تبكي بس في شي من جواتا كان عم يشدا يمكن متل ما قالتلا سلوى الجشع
و الطمع عمو على عيونا و خلوها عبدة للمال بتركض وراه لتحصل عليه باي ثمن
تاني طلعت من البيت و بإيدا شنتة تيابا بكيت بحرقة لانو عارفة حالا يمكن ما ترجع مرة تانية لهون
و سلوى بكيت معا لنشفو دموعا لانو عارفة منيح شو الشغل يلي ناطرا لعشق
و ستا بكيت على فراقا من 15 سنة لليوم عشق ما فراقت ستا ولا نامت ليلة وحدة بعيدة
عن عيونا ، مانها عرفانة انو حفيدتا رايحة حتى تتزوج و تعيش ببيت رجال تاني
كانت واقفة عشق و ناطرة السيارة يلي قلا جلال انو رح يبعتا بعيد عن بيتا حتى ما تشوفا ستا ،
هيي و واقفة ، كانت حاملة شنتايتا بايدا و عم تنخف لانو الشوفير تأخر عليها
مر اشهب من هنيك بالصدفة ، تلاقت عيونن و بلشت تتلاسن بالنظرات
اشهب كان عم يعاتب و يوبخ اما عشق كانت لأول مرة عم تحس انو فعلاًخسرت اشهب
قديش مرق على روسهن من مشاكل بس ولا مرة حستو بعيد عنها او بيكرها
هالمرة كان كلشي مختلف حجم الجرح كبير و وجعو اكبر
وصلت السيارة و نزل الشوفير اخد الشنتاية و حطا بالصندوق و اشهب بعدو واقف عم يتطلع فيها
بحسرة و الم كبييير ، تاكدت شكوكو بإنو عشق ملاقية واحد غني ، السيارة لحالا كانت بتنطق
بحجم ثراء سعيد الحظ يلي رح يرتبط بحبيتو ، و عشق بقيت عم تطلع عليه من شباك السيارة
لحتى ابعدت و اختفى عن نظرها ، كان عقلا كل شوي يقلا انو لسا ما فات الاوان و فيها تتراجع
قبل ما تتورط اكتر بهالجيزة ، كان بدا توقف الشوفير و ترجع لعند اشهب ركض تعتزر منو
يسامحها و يبوسا متل دايما و ياخدا بحضنو بس هالمرة غلطها لا يغتفر
فلتغر لي خطيئتي ! او لست بحبيبتك التي تعشق ، و خليلتك التي تهوى ، فلتغر !!
وصلت عشق لمسجد الباشا ، نزلت من السيارة و كان جلال و الشيخ هنيك
ناطرينها حتى يكتبو كتابن
جلال : ان شاء الله ما تعزبتي بالطريق حبيبتي
استغربت عشق من كلمة حبيبتي طالعة من شفافو و هيي اللي اعتادت عليها من اشهب و بس
عشق : لا ابدا ، بس وشي تعبان لانو ودعت ستي و هاي اول مرة بتركا
جلال : بكرا انا بعوضك عن كل هدول
تعي خلينا نكتب كتابنا ، الشيخ ناطرنا
عشق : جلال انت ما نسيت شغلة البيت مو هيك
جلال : اي اكيد ليكو العقد معي
وقعي عقد الزواج بمضيلك على عقد البيت
فاتو لجوا و كتبو كتابن و بعدا طلعو بسيارة جلال
عشق : نحن وين رح نروح
جلال : على البيت
عشق : بس نحنا تجوزنا من شوي خلينا نروح على شي مكان و نحتفل بهالمناسبة ولاحقين على البيت
جلال : شوفي انا ما بحب حركات طيش الشباب و الولدنة هاي نحتفل و نطلع نتعشى برا
و من هالحكي بفهم انو المرا بتقعد ببيتا بتهتم بحالا و بتنطر زوجا و بتوفرلو كل سبل الراحة
عشق بينا و بين حالا كانت عم تقول : مو انتي لي اخترتيه يلا القي ازا بتلقي لشوف
جلال : ليش قلبتي وجهك ، افرديها لهالخلقة
راحو على البيت ، انبهرت عشق بجمالو كان بيت مزرعة بعيد عن الناس
بطابقين ، ديكورو و عفشو انتيكا و مقتنياتو اثرية قيمة
تجولت عشق بقلب البيت و كانت مبسوطة فيه كتير
عشق : حبيبي هلأ هاد البيت عنجد الي
جلال : اي و كل ما انبسطت منك اكتر رح جبلك هدايا اكتر و رح عيشك ملكة
ركضت عليه عشق ضمتو و باستو : الله يخليلي اياك
عشق : بس ما قلتلي كيف لحقت تجهز
هيك بيت بأسبوع
جلال : هاد البيت الي من زمان و محدا بيعرف فيه ، بجي لهون بس كون متضايق و بدي صفي
ذهني ، هوي معفش من زمان ، انا بس كنت عم انقل ملكيتو الك
ديري بالك عليه ، هالبيت عزيز عليي
عشق : رح حط البيت و صاحبو بعيوني
قلي انت ما جعت
جلال : بعدين مناكل هلا خليني فرجيكي غرفة النوم
سحبا و فاتو لجوا
عشق ما كانت مقتنعة بالشي لي عم تعملو ولا حتى كان طالع من قلبا ، الشي الوحيد يلي كان مصبرا هوي انو رح تطلع من هالجازة بمصاري و بيت و يمكن تقدر تستغلو اكتر مين بيعرف
عشق بايدا تخلت عن اشهب بس الشي يلي استغربتو انو لمن بعدت عنو صارت عم تشتقلو اكتر
ما كانت تفكر فيه كل هالقد لمن كانت معو بس بعدت عنو حست بفراغ كبير جواتا
يمكن ما قدر حضن الرجال يلي راحت معو مشان مصاريه انو يسعدها ، صح كان كلشي متوفرلها
و شو ما بتطلب بيحضر ، بس في فرق كبيييير بين طريقة تعامل التنين
اشهب كان شاب باول عمرو مندفع و بيحب الحياة طموح و شغيل و صادق كان مستعد يحرق العالم بس مشان يشوف بريق عيون حبيبتو
اما جلال رجال شاف من الحياة تجارب عملت منو انسان ناضج ، طريقة تفكيرو ابداً ما ناسبت طريقة تفكيرا لعشق يمكن السبب هوي فرق العمر بيناتن ، او يمكن هيدي هيي طبيعة
انسان بارد متجرد من المشاعر ممل و روتيني ما بيشوف بالمرا غير جسدا و باقي عندو ثانوية
نظرتو هاي كانت عم تقتل روحا لعشق و تقليديتو قضت على الحياة يلي كانت معشعشة بقلبا
مرق شهر واحد بس على زواجن و يلي بشوفهن بقول عنن متزوجين من عشرين سنة او اكتر
و هني اللي لازم يكونو هلا عم يعيشو احلى ايام شهر العسل
عشق بينا و بين حالا ما انكرت انو الندم اكلا
يمكن كان لازمها هاد الدرس حتى تعرف قيمة الاشخاص يلي كانو بحياتا
اييييه ما منعرف قيمة الاشخاص يلي بحياتنا لحتى نخسرن هاي هيي طبيعة البشر ……
بهالشر ما زارت ستا و سلوى غير مرة وحدة تطمنت عليهن و اعطت سلوى مصاري كتير
و وصتها على ستا ، كانت مشتاقة لاشهب كتير و تمنت لو تجمعها الصدفة فيه و تشوفو
لحتى تخبرو قديش هيي ندمانة و حابة ترجعلو ، بس حتى مجرد سؤال خجلت من انها تسأل عنو
فكيف لقلب قد رق من بعد قسوةٍ ان يتجرد من كبريائه ايضاً ؟!
بليلة من الليالي الباردة الكئيبة يلي اعتادت عليهن عشق ببيتا الفخم فاقت من نوما عطشان كتير
تطلعت جنبا ما لاقت جلال نايم على التخت ، شعلت الضو و دورت عليه بالغرفة ما شافتو
نزلت على المطبخ بس استغربت انو اضوية الطابق الارضي كلها شاعلة ، نزلت لتحت اكتر
شافت جلال قاعد على الصوفا بالصالة مع تلت رجال
كانو عم يحكو بصوت واطي و كأنو عم يتهامسو
قعدت على الدرج حتى تتسمع عليهن
جلال : في دفعة جديدة من البنات جاييتنا ، هالمرة روسيات
…… : اي حاجتنا قاعدين من شهر صار لازم نرجع للشغل
عشق بعقلا عم تتسائل روسيات و شغل شو يلي عم يحكو عنو
…… : شو سمعنا انك رجعت تزوجت
جلال : اي بنت جديدة ، بس هالمرة شغل بلديات
…… : عم يقولو جلال ماسك طيرة حلوة كتير ، شو ما بدك تعرفنا عليها
جلال : اي خلصت اياما معي و رح اقطعلا كرتا و بعدا بتتعرفو عليها
شهقت عشق و حطت ايدا على تما : عم يحكو عني هدول شو قصدن و شو رح يعملو فيني
الله لا يعطيكي العافية يا عشق بشو ورطتي حالك
قامت عشق لحتى ترجع على غرفتا قبل ما ينتبهو على وجودا بس تفركشت بالدرج و وقعت
عشق : اه اه رجلي
جلال : عشق !!!!! انتي من ايمتى فايقة ؟!
الجزء الخامس
#شيزوفرينيا_الحب
للكاتبة روز سعد الدين
قعدت على الدرج حتى تتسمع عليهن
جلال : في دفعة جديدة من البنات جاييتنا ، هالمرة روسيات
…… : اي حاجتنا قاعدين من شهر صار لازم نرجع للشغل
عشق بعقلا عم تتسائل روسيات و شغل شو يلي عم يحكو عنو
…… : شو سمعنا انك رجعت تزوجت
جلال : اي بنت جديدة ، بس هالمرة شغل بلديات
…… : عم يقولو جلال ماسك طيرة حلوة كتير ، شو ما بدك تعرفنا عليها
جلال : اي خلصت اياما معي و رح اقطعلا كرتا و بعدا بتتعرفو عليها
شهقت عشق و حطت ايدا على تما : عم يحكو عني هدول شو قصدن و شو رح يعملو فيني
الله لا يعطيكي العافية يا عشق بشو ورطتي حالك
قامت عشق لحتى ترجع على غرفتا قبل ما ينتبهو على وجودا بس تفركشت بالدرج و وقعت
عشق : اه اه رجلي
جلال : عشق !!!!! انتي من ايمتى فايقة ؟!
عشق : جلاااال قالتا بخوف
جلال : لكن سمعتي كل شي ، اختصرتي عليي الطريق
مسكا من شعرا و شحطا للصالون
عشق : اااه جلال مشان الله تركني ما عملتلكن شي والله
محسن : شو محتفظ بهالقمر الك لحالك
قادر : اي ها من زمان كنت جيبا حتى نشوفا
كانت عشق خايفة كتير بهديك اللحظات ، حست حالا متل شي ولد صغير بغابة وحوش
محسن : مناسبة كتير لحفلة بكرا
قادر : حفلة عودتنا على الساحة
عشق : جلاااال انا مرتك حفلة شو يلي عم يحكو عنها ، قالتها و الذعر مكتسي ملامحها
جلال : ههههههههه كلن كانو نسواني يا عشق
عشق : مين كلن ! ليش في عندك غير انا و مرتك ام ولادك!
جلال : في كتار متل حكياتك ، بيتزو
جوني كرمال مصرياتي و انا بتزوجن كرمال مشي شغلي
عشق : اما عم. افهم بشو بتشتغل غير المطعم
قادر : بالنسوان هههههه
محسن : ههههههههه
عشق : رح تجننوني انتو !
دفشا جلال حتى وقعت على الارض
جلال : لا ترفعي صوتك بوجودي
بلشت عشق تبكي : خد كلشي ما عاد بدي شي منك بس رجعني لعند ستي
خد بيتك و تيابك و مصرياتك و رجعني لحياتي و حارتي
رجعني الو ، ما عرفت قيمتو
جلال : هاااادي هادي
هادي : امرك معلم
جلال : طالعا على الغرفة فوق و ربطا حتى ما تهرب
حملا هادي و طلع فيها على الغرفة ، حطا على التخت و ربطلا رجليها حتى ما تقدر تهرب
عشق : هادي بترجاك لا تعمل هيك ، بعطيك شو ما بدك بس خليني اهرب
هادي : والله المعلم بيدبحني قبلك
عشق : طيب وين رح ياخدوني و حفلة شو اللي حكو معها
هادي : المعلم جلال بشغل النسوان بالدعارة
عشق : شووو ! بس انا مش نسوان انا مرتو !
هادي : ما بقدر قلك اكتر من هيك
فات جلال على الغرفة و امر هادي بالانصراف
عشق : شوفي كمان ، ما بدك تؤمر رجالك يقوسوني لانو سمعت و عرفت بشو بتشتغل
جلال : لا انا ما بقتلك ، انا بشغلك معي
عشق :لك يا عيب الشوم بدك تشغل مرتك !
جلال : مرتي؟ لتكوني مصدقة انو تزوجتك ، زواجنا كان كزبة ، و الشيخ و العقد كانو تمثيلية
عشق : و عقد البيت كمان كزبة!
جلال : ليكك طلعتي زكية مابك شي
عشق : لك الله يلعني ما اغباني ، الله يموتني و يريحني ، دمرت حالي بإيدي !و ارتفع صوتو بكائها
جلال ما اهتم ابداً طال سيجارو و وقف جنب الشباك
تركها تبكي و تطلع كل شي جوا قلبها ، مانها سهلة ، بلحظة غباء يطير كلشي بين ايدك
و ياريتها وقفت على هيك لا و تخسر كمان مستقبلك و حالك و تغرق بمصايب و مشاكل
انت مالك قدا و الأهم انك ضيعت شرفك !
بقيت عشق ربع ساعة عم تبكي و تصرخ و ما كانت تهدا
جلال : سكتي وجعني راسي منك
عشق : بتعرف شو ، حتى او موتتني ما رح اشتغل معك
جلال : قلتلك انا ما بقتلك ، انا بشغلك
بس لو عزبتيني بقتل ستك او بشغل بنت خالتك الحلوة كمان معنا
عشق : حقير عم تهددني كمان
جلال : سمعي هالكلمتين يلي بدي قلك اياهن
انا من فترة طويلة ما اشتغلت هالشغلة لظروف و دواعي امنية ، بس هلأ فينا نقول انو الخطر
راح و رح رجع امبراطورية جلال
عشق : اي عظيم اسمك ما بيرتبط غير بالامبراطوريات الوسخة
زورا جلال و كمل حكيو : ليلة بكرا رح نعمل احتفال بمناسبة رجوعنا على الساحة
انا و محسن و قادر يلي شفتيهن من شوي
عشق : شي بشرف والله
جلال : و انتي يا ست عشق رح تكوني ضيفة الشرف لهاي الحفلة
و من بعدا بتنضمي لرفقاتك الجدد بتتسلو بعض بشغلكن
قال هالجملتين و ابتسم ابتسامة صفرا
عشق : اي بس في شي انا لسا ما قلتلك اياه
انا حامل
جلال : ……
عشق : شو خربتلك مخططاتك زوجي العزيز
جلال : كيف صار هيك !
عشق : بخجل قلك كيف صار هيك و غمزتو
جلال : مو وقت سخافاتك هلأ ، انا كنت حطلك حب مانع حمل بالعصير كل ليلة ؟
عشق : طعمتو ما كانت طيبة ، كنت كبو من وراك حتى ما تزعل
بس لو كنت اعرف انك بهالوساخة كنت شربت الحنظل ! بس لحتى ما احمل منك
جلال : هاد الولد لازم ينزل
عشق : بس انا بدي اياه
جلال : لا تجدبيها عليي مو من شوي كنتي عم تقولي بتشربي الحنظل حتى ما تجيبي مني ولد
عشق : اي بس انا هلأ حملت و مشي الحال و حابة احتفظ بالولد و ربيه
جلال : هالشي انا بقررو مو انتي
بعدين تعي لهون لتكوني عم تكزبي ؟
عشق : لا ما عم اكزب اشتريت تيست حمل و بين معي انو حامل
جلال : و ليش ما خبرتيني
عشق : لانو ما كنت متاكدة ، كان بدي روح شوف دكتورة حتى اتأكد
جلال : اول ما يطلع الضو رح اخدك حتى تنزلي هالولد
عشق : ما رح نزلو هاد ابني ، و ازا ما بدك تعترف فيه انت حر بس انا ما رح اتخلى عنو
طلع جلال من غرفتا معصب بعد الحديث يلي دار بيناتن
عشق ما كانت حامل بس هاي الكزبة يلي طلعت معا حتى ما يشغلا جلال
قضت طول الليل تفكر و تخطط كيف بدا تهرب
تاني يوم اول ما شقشق الصبح فيقا جلال من نوما
لبست و جهزت حالا و راحت معو على الدكتورة ، كان ماخد معو حراسة تحسباً لاي حالة طارئة
و هالشي صعب عليها هروبها
فاتت العيادة مع جلال و قعدت تنطر بالمريضة يلي عم تكشف عليها الدكتورة حتى تفوت
عشق بينا و بين حالا : يا ربي الوقت عم يمضا ، هلا ازا فتنا رح يكشف كلشي
عشق : جلال بدي فوت على الحمام
وقف جلال حتى يرافقا
عشق : لا هيك كتير ، كمان على الحمام بدك تفوت معي !
ليكها العيادة ما الها غير مدخل واحد و حراسك التنين واقفين عليه
خليك هون ما بطول
اقتنع جلال بحكيا و سمحلا تروح
راحت على الحمام فتشت فيه عن مخرج ما لقت غير شباك صغير ما بيكفي غير لراسا حتى يطلع
فقدت الامل من طلعتا ،
طلعت عشق بالمراي و صارت تحاكي حالا : انتي لازم تكوني قوية ، ما لازم تيأسي
بهالأثناء فاتت الممرضة لجوا و عشق دغري خطرتلا فكرة
عشق : يا اختي ساعديني مشان الله
الممرضة : خير شبك موجوعة؟
عشق : انا مخطوفة و الزلمة يلي قاعد معي برا هو
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`