الفصل 1
*📚قصص وخواطر📚*
_*بإدارة 📚قصص||روايات||منوعة📚*_🧡
*❴📖❵↵ بنات الخبائث*
*❴🔢❵الـــبـــــــــــ❴الاول❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
*❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*https://whatsapp.com/channel/0029VaNMcGuHFxP9VtPQOm2A*
*📚قصص||روايات||منوعة📚*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *يمان سعيد* 🧡
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
https://whatsapp.com/channel/0029VaNMcGuHFxP9VtPQOm2A
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
📚كتب ||روايات|| منوعة📚:
#بنات_الخبائث #الحلقة_الأولى_رند_محمد
@rwayate
صحيت مرعوبة ع حدا كان عم بشدني من إيدي وهو ضاغط عليها كتير، شحطني من الفرشة يلي نايمة عليها .. رجليي وركبي كانو عم يتطروقو بالحيطان و الأرض وهو عم يشحطني .. فتح باب البيت وزتني ع الأرض .. كانت المطر نازلة بقوة كتير ومافي ولا أي حدا بالشارع .. ماما كانت واقفة وراه عم تحكيلو : مشان الله تركا نايمة .. حرام لسا صغيرة
كانت عم تبكي و تحكي... وهو ماعم يرد شاحطني من ايدي وماشي .. ومن كتر ما امي كانت عم تبكي وتقلو لاتاخدا ..
مسك كاسة فاضية وضربا فيا .. وقتا اجت ع كتفا وقعت بالأرض صارت تبكي .. ضليتني عم اتطلع ومستغربة ، تمنيتو يتركني ضما و اعرف شبها وشو صرلا بس كان وحش ..
اتطلع بأخواتي الأربعة وحكالن : خدوا معكن يلا ..
سكر الباب بوجهنا .. اتطلعت بأختي ايمان الكبيرة وحكيتلا : شو
التفتت نيرمين لعندن وقالتلن : بس سالي صغيرة كتير ..
مسكوني من إيدي وصرنا نمشي .. كنت حافية و عم ادعس بالمي و الطين ورجليي صارو متل التلج .. حتى من كتر ما اتطروقو بالأرض كانو عم يجعوني بقوة ...
وصلنا لراس الشارع .. وقفلنا تكسي طلعنا فيا وحكتلو ايمان : طلاع ..
غفلت ع رجل مياس بعدين صحوني وقت وصلنا ، نزلت من السيارة وصرت امشي ع مهلي لحد ماوصلنا لعند باب كبير كلو أضوية وفيه صوت أغاني .
قربت أختي ايمان عطت الرجال يلي واقف ع الباب مصاري قام فتحلا الباب ودخلنا لجوا .. أول مافتت شفت طاولات وناس أعدين عم ياكلو و في ناس عم يعزفو موسيقى ويغنو وفي بنت حلوة كتير شعراتا طوال و لابسة بدلة رقص كلا ليرات
لفتت نظري كيف كانت عم ترقص .
فرحت لما شفتا .. برمت لعند نيرمين وحكيتلا : عنجد انتو جبتوني ع هالمطعم؟ يا الله شو بحبكن يا اخواتي
من زمان بتمنى اعد بمطعم ودوق الأكل الغريب يلي بشوفو بالتلفزيون غير اكل البرغل يلي عم ناكلو بالبيت
دمعو عيونا لنيرمين وحكتلي : هاد مو مطعم .. هاد ملهى
وهون رح تنسي الطفولة
هزيت براسي مع اني مافهمت شي ..
تركتني وراحت هي و ايمان و مياس و لورا .. اعدت ع الطاولة استناهن لحد ما أجو كانت لاحتهن متغيرة عليي ، لبسو تياب قصيرة كتير و ضيقة و مشئوئة وحطو ميكاب كتير كتير ..
تركوني آعدة ع الطاولة وصارو يمشو بين الطاولات .. انا عم اتفرج عليهن ومستغربة من يلي عم يصير ...
ايمان قربت ع طاولة كان آعد عليها رجالين وصارت ترقص حوليهن وتمسك الكاسة يلي فيا عصير (( مشروب - بس ماكنت بعرف)) وتقربا عليهن وتشرب منا شوي بعدين تعطيون ياها وهي عم تضحك وتميل راسا وشعراتا .. واحد من بيناتن ضما وحطلا مصاري بصدرا ..
اتطلعت ع نيرمين كانت آعدة ع طاولة تلات رجال وهي بالنص واحد ضامما من جنب و التاني عم يطعميا فواكي من جنب وهي عم تضحك وتتمايع ..
يا الله ليش اخواتي هيك عم يعملو؟ ومين هدول يلي اعدين معهن .. ليش تركوني لحالي ...
نمت ع الطاولة مابعرف بعد أديش صحيت ع لمسات ايمان كانت عم تفيقني لنرجع ع البيت .. اتطلعت فيون كانو راجعين للبسن الاولاني ومافي ع وجهن مكياج .. طلعنا سوا من المكان كان الضو طالع... التكسي برا عم تستنانا طلعنا معه ..
برمت ايمان لعندي وعطتني مبلغ..
سالي : ليش
ايمان : بس يقلك بابا شو طالعتي قليلو هدول وعطيه ياهن
سالي : اي
ماني فهمانة ششي .. عمري 6 سنين .. ربيانة مع أب ظالم وحقير بكل معنى الكلمة و أم ما الها كلمة ولا سيطرة ع قرارات أبي البشعة و الحقيرة ..
ايمان عمرا 22 ولورا 20 ومياس 18 و نيرمين 19
من وقت كانو قدي بابا يرميهن برات البيت ومايخليهن يدخلو إلا ليجيبولو مصاري كيف وشلون هو مادخلو المهم يرجعو ومعهن مصاري .. مابيسمحلن ينامو بالبيت ازا ما جابو مبلغ ..
بهي الليلة رجعنا عالبيت الساعة 5 الصبح.. فتح الباب بابا و بإيدو في خيزرانة .. أعد ع الكرسي وحكالنا صفو ورا بعض ..
صفيت مع اخواتي و انا متفاجأة بهالتصرف
قربت ايمان اول شي اعطتو المصاري عدهن و اتطلع فيا وحكالا : بكرا بدي اكتر .. يلا انقلعي
قربت مياس و اعطتو المبلغ كمان قلا : بكرا بدي اكتر انقلعي ..
و قربو نيرمين و لورا ونفس الحكي كلن ..
بعدين قربت انا اعطيتو يلي بإيدي ، ضحك وحكالن هي الصغيرة جابت مبلغ منيح كمان تعلمو منا .. هاتي لشوف شو عملتي حتى جبتيون ؟
سكتت و صرت اتطلع ع اخواتي يلي مصفوفين ع باب غرفتن و خايفين عليي .. و اتطلع ع أمي يلي واقفة بزاوية البيت عم تبكي ..
بعدين حكيتلو : مسحت الطاولات قامو اعطوني هدول
هز براسو وقلي : انقلعي .
اعدت بالغرفة مع اخواتي .. شلحو تيابن لبسو البيجامات
و اعدو يبكو ..
سالي : ليه عم تبكو؟
لورا : لٱن نحنا مو هيك .. والله مو هيك
سالي : كيف يعني .. ؟
ماعد حدا رد عليي .. بعدين غفلت .. حسيت ع صوت امي عالساعة 9 كانت عم تفيق اخواتي قبل مايفيق ابي مشان يحضرولو قهوتو و الفطور ..
صحينا كلياتنا .. جهزنا الاكل ..
حطينا السفرة ع الأرض و نادت نيرمين لبابا يجي يفطر ..
قربنا التفينا حولين الصينية لناكل .
الصينية كان فيا صحن زيتون و صحن تاني فيه زعتر وصحن فيه مي كرمال ناكل زعتر ومي ..
دخل ابي عالغرفة لقانا ٱعدين كلياتنا عم نستنا يجي لناكل معو.
صرخ علينا وحكالنا : اومو طلعو دبرو حالكن برى انا مادخلني بمصروف أكلكن وشربكن .. ويلي بدا تاكل لقمة بهاد البيت من يوم و رايح بتشتغل أكتر وبتجيب مصاري اكتر ..
طلعنا كلياتنا من الغرفة و ٱمي تألعت معنا ..
كانو كلن عم يبكو ومقهورين ..
كلياتنا نايمين بلا عشا وجوعانين ومافينا ناكل ..
بلشت الشمس تغيب و الدنيا تصير المسا ، اخواتي كانو دايخين من الجوع بس انا لاء كنت مو جوعانة ابداً رغم انو ماني آكلة .. دخلت ماما ع غرفتنا وصفنت بوجوهنا الصفرة الشاحبة .. قالت : لا حول ولاقوة إلا بلله
طلعت وسكرت الباب وراها، لحقتا انا ع مهلي ووقفت ع شباك الغرفة اللي فاتت عليها ماما .. كان ابي آعد ع التخت ومادد رجليه وهي عم تغطيه و تحط فرشتا ع الأرض ، لان ممنوع تنام جنبو ع التخت مشان ماتزعجو ومابيسمحلا تنام إلا وقت يكون بدو ياها .
اتسطحت امي كمان وطفت الضو ..
حكالا يلا نامي وبعد اربع ساعات فيقيني مشان ابعت بناتك ع شغلن و آعد استناهن ليرجعو ..
امي : مشان الله اشتغل انت .. و انا بشتغل انا وياهن لفايات قبلانين ، بس بلاه هالشغل بالليل
بابا : نشالله بتشتغلو بالأكفان مابهمني لمهم تجيبو مصاري كتير بيوم واحد فهمتو ..وخرسي بدي نام احسن ما اضربك آخر هالليل ..
دارت وجها للجنب التاني وابي غمض عيونو ونام ..
رجعت ع غرفتي كانو اخواتي غفلانين .. بقيت لحالي ..
ماني عم بفهم شي ببس يلي بعرفو انو اخواتي عم يشتغلو شغل مو منيح كرمال يجيبو مصاري لابي ..
بعد شوي دخلت امي ع الغرفة و بإيدا في صينية عليها رغيف خبز و صحن برغل .. صحيت اخواتي مشان ياكلو ..
فائو أكلنا وبعدين بلشوويلبسو ويجهزو حالن ..
سالي : و انا كمان بدي روح معكن ليوم؟
لورا : اي .. مجرد ما أنو ابوكي زتك بيناتنا معناتا لازم كل يوم تروحي معنا ..
فاق بابا بعد شوي حط الكرسي بأرض الديار وصار يصرخ علينا بكلام كبير وسيئ كتير ..
نادالنا وحدة وحدة وحكالنا يلا انقلعو خلصوني..
طلعنا من البيت كانت التكسي يلي بتاخدنا وصلانة ...
وصلنا ع المكان يلي طلع اسمو مو مطعم
المكان يلي طلع اسمو "كباريه"
دخلنا لجوا كلياتن اخواتي بدلو تيابن لشي تاني إلا انا..
نيرمين كل الوقت كانت عم تقلي يلله اشتغلي جيبي مصاري.. نحنا مو كل يوم منقدر نعطيكي من مصارينا، اذا شي يوم ما طالعنا كتير مارح نقدر نعطيكي..
ماني عرفانة شو بدي اعمل، صرت افتل بين الطاولات و بإيدي في شقفة صغيرة صرت امسح فيا تحت الصحون و الكاسات.. و اركد بسرعة ادا حدا كب شي ..
@rwayate
كنت عم امسح طاولة حدا فجأة حسيت برجال ضربني ع كتفي وقلي تعي معي... طلعت لبرا ع الممر انا وياه وهنيك رفع ايدو وضربني كف ع خدي .. كف قوي كتير .. نزلو دموعي من شدة مو قوي .. حكالي : شو عم تعملي هون؟
سالي : عم اشتغل .. عم نضف
الرجال : هاد مو شغلك فهمانة.. نحنا مامنشغل عنا ولاد .. بس لتكبري تعي شتغلي.. يلا اطلعي لبرات المحل
اتطلعت فيه بخوف و انا عم تأتأ بالحكي : عمو اخواتي جوا..
الرجال : مين هن اخواتك؟
سالي : ايمان ونيرمين ولورا ومياس
الرجال : اليوم رح اسمحلك تبقي هون لبين مايخلصو اخواتك وترجعي معهن بس تاني مرة مابدي شوف وجهك هون فهمتي
هزيت براسي ورجعت دخلت للمحل اعدت ع طاولة بالزاوية..
ضليت ناطرة اخواتي يكملو شغلن الحلو.. يكملو برم بين طاولات الزباين وهن عم يتمايعو. بشعرن وجسمن و شفايفن..
بعدين غفلت ماعد حسيت ع شي..
صحيت ع صوت اخواتي عم يحكو بصوت عالي فوق راسي ..
كانو لابسين وجاهزين فيقوني لنطلع لأن التكسي يلي بدو يرجعنا ع البيت صار برا .
من أول ماطلعنا بالتكسي كانت نيرمين خايفة كتير وعم تطلب تاخد من اخواتي كم ليرة تحطن فوق يلي معها مشان تعطيون لبابا لأن هي ماطالعت مصاري منيح ... لان كانت مرضانة ومو قادرة تمشي وتتحرك كتير..
ويلي طالعتن مستحيل يخلو بابا يسكت عنها.. بس المشكلة انو بهاليوم بالذات اخواتي ما قدرو يعطوا ولا ليرة لأن صاحب المطعم رفعلن الأجرة وصار ياخد جزء منيح من يلي بيقبضوه من الزباين .
وصلنا ع البيت الساعة ٤ الصبح هالمرة ابكر من هديك المرة لان ماكتير في زباين .. نزلنا من التكسي كان بابا آعد ع الكرسي بأول ارض ديار وماسك بإيدو خيزرانة كبيرة وعيونو عم تقدح شرار ..
انصفينا ورا بعض و صار يلم المصاري من وحدة وحدة .
أول ماوصل لعند نيرمين حكالا : هاتي شو معك
نيرمين : معي هدول ..
طالعت من جيبتا مبلغ و اعطتو ياه وهي عم ترجف
بابا : بس هدول؟
نيرمين : ماكان في شغل كتير اليوم و انا مريضة
بابا : مو مشكلتي... بتشتغلي اي شي .. بتشحدي بتبيعي حالك .. بتموتي المهم تجيبي المصاري .. وهلأ رح ربي اخواتك فيكي
مسك العصاية وصار يضربا بكل أماكن جسما... كان عم يضربا وكأنو وحش مفترس ضرب بطريقة بتخوف كتير .. بدون وعي..
اخواتي صارو يبكو ويصرخو و امي تبكي و تدفشو
انا وقفت ورا الجلالة بالغرفة و صرت ابكي بدون صوت...
بعدين نيرمين وقعت ع الارض وصار يضربا هون اخواتي وماما قدرو يدفشو ابي شوي لحد مازحفت نيرمين للغرفة فاتت ولحقوا اخواتي ركدو وسكرو الباب وقفلوه .
ابي جن جنونو وصار يخبط علينا الباب لأن صار بدو يقتلنا كلياتنا مو بس نيرمين ..
بعدين لما ما ردينا وفتحنالو راح لعند أمي وبلش يضربا بالعصاية .. كنا بالغرفة وقلبنا عم يتقطع عليها كيف صوتا وهي عم تصرخ وتستنجد .. وكيف هو متل الوحش ..
الدنيا ليل وش الصبح و من كتر الهدوء يلي بالحي كان صوت الصريخ و الضجة عم ينتشر ..
ضل يضربا لأمي لحد ما ألتمو الجيران وصارو يضربو ع باب بيتنا .. سامعين صوت صريخ بس ماكان حدا عم يفتحلن الباب... لهيك كسروه و دخلو... بعدو أمي من بين ايديه و ضلو ماسكينو الو ..
صرنا نتطلع من شق الباب ع امي وهي عم تزحف لعنا ع الغرفة .. فتحنالا الباب دخلت لعنا وصارت تبكي ..
ضميناها بحرقة قلب .. وصرنا نبكي معا
أبوا لأمي كان متل أبي تمامآ .. ستي ماتت وقت ولدتا وهو كان يبعت أمي تشتغل وتجيب مصاري وهو يقضي نهارو نايم وليلو مع النسوان .. ووقت ترجع مامعا مصاري يقتلا لحتى تغما .. قامت أمي ماعد تحملت هالوضع وهربت من البيت وقت كان عمرا 14 سنة... صارت تشتغل بالكباريهات لحد ما اجتمعت بأبي و اتجوزا ..
يعني أمي ما الها ملجأ تاني لتروح عليه وتاخدنا معا .
بقينا طول النهار آعدين بالغرفة وهو برا لحالو .. بعدين دق الباب وحكالنا : انا رايح وبدي ارجع مالاقي ولا وحدة منكن بالبيت ..
سميرة بتعمليلي اركيلة و شاي بدي نادي لرفقاتي عاصم و فواز يسهرو عندي ..
اول ماسكر الباب ئامو اخواتي صارو يلبسو تيابن و اتصلو بالتكسي ليجي يوصلنا ع الكباريه ..
نيرمين كانت بالغصب لتقدر تتحرك من كتر الوجع و الضرب يلي اكلتو... بس هي مجبورة انو تروح
خلال ربع ساعة طلعنا من البيت، نزلنا من التكسي وقربنا للبوابة.. الحارس اللي كان واقف دخل ايمان ونيرمين ولورا ومياس و انا ما قبل يدخلني .. حكالن لأخواتي انه معو امر مايدخل اطفال ومافيه يسمحلي ادخل حتى لو للشغل ..
احتارو اخواتي وين بدي ضل، عالبيت مستحيل اقدر ارجع لان رح يضربني ،. و أساساً مافيني ارجع بدون مايكون معي مصاري..
سالي : فوتو انتو و انا رح استناكن هون...
ايمان : طيب ... ماتروحي لمكان ها فهمتي ..
سالي : طيب
الحارس كان سامع الحديث وهو بيعرف من اخواتي كلشي عن ابي... حكالن انو رح يدير بالو عليي و ابقى عندو بالمحرس ..
ضليت اعدة بحدود النص ساعة بدون ولا حركة .. كنت عم اتذكر الأتلة يلي اكلتا نيرمين من بابا لان ماجابت مصاري متل مابدو .. خفت كتير بابا يقتلني متلا او يقتل امي بسببي .. تركت الحارس مو منتبه وطلعت من المحرس وصرت امشي بالشوارع .. كان في مطر قوية كتير و الشوارع عم تفضا و من كتر الرعد و العواصف اغلب اكبال الكهربا صارت تتقطع ويصير عتمة ..
صرت افتل بين السيارات و انا عم اطلب مصاري .. بالرغم من اني طفلة ولسا مابعرف شي بس كان جواتي شعور الكرامة يلي عم يمنعني اشحد من حدا ..
مابعرف ازا كانو عيوني عم يبكو و ينزلو دموع ولا هي مي المطر ...
ايديي وشعري كانو متبللين ومتلجين من كتر البرد .. شفايفي لونن ازرق و وشي ابيض شاحب .. صرت امشي بين عجقة السيارات مشان اتدفا ع الدخنة يلي عم تطلع منهن...
بعدين فضيت الشوارع من السيارات و العجقة بس مافيني ارجع بدي استنا اخواتي... دخلت ع بناية اعدت بالمدخل و انسندت ع الحيط وصرت غمض عيوني شوي شوي لحتى ماعد حسيت ع شي ...
فقت بعد شوي بدون ما اعرف اديش الساعة... طلعت من البناية وصرت امشي بخوف و رعبة.. كان بدي ارجع لمكان الكباريه لارجع مع اخواتي ..
ضليت امشي بالعتمة والبرد لوصلت.. لقيت اخواتي واقفين جنب المحرس و متوترين ...
ركدت لعندي مياس : انتي وين كنتي وين ؟
ايمان : كيف بتتركي الحارس و بتروحي مابتفهمي تقليلو انك رايحة مشان مانخاف نحنا...
سالي : كنت عم بشحد مشان اعطي مصاري لبابا ومايقتلني .. وهلأ انا نعسانة وبردانة وجوعانة كتير...
اتطلعو اخواتي ببعض وحكولي يلا.. طلعي.
طلعنا بالتكسي و رجعنا ع البيت... تيابي وجسمي كانو مبلولين كتير وعم اسعل و اعطس .. وصلنا ع البيت عطينا بابا المصاري
و بعدين رحنا ع غرفنا لننام شوي ..
الساعة 5 الصبح اخواتي كلن غفلو من التعب و النعس.. الا انا، كنت متسطحة وعم فكر بشغلات عم اسمعن بس ماعم اعرف شو هن ..
شو يعني كباريه؟ ليش البنات بيفتللو حولين الطاولات وبياخدو مصاري؟ مليان بنات بالشارع ليش مابيعطوهن مصاري هيك؟
ليش اخواتي بغيرو تيابن وبيلبسو شي ضييق و قصير وقت يروحو لهنيك؟ ليش مايبقو باللبس العادي ؟ طيب ليش مابشغلو معهن اطفال وماقبلو يشغلوني رغم انو بعرف افتل بين الطاولات؟.
ضليت اسأل حالي هيك اسئلة لحتى غفلت...
فيئتني الصبح أمي وهي آعدة جنب فرشتي، كانت عم تحط إيديها ع وجهي بحنية ونعومة و تقلي : يلله ياملاكي قومي كلي
فتحت عيوني مع ابتسامة خفيفة : فئت ..
ماما : اليووم جبتلك مربى المشمش يلي بتحبيه ..
ضحكت : عنجد ماما؟ انا كتير حبيتو وقت دقتو عند خالة أم نهاد ..
طلعت من الغرفة ع أرض الديار كانو أخواتي آعدين عم ياكلو مربى وخبز و بابا مو بالبيت .. اعدت جنبن وصرت آكل معهن
اندئ الباب وكان ابي.. نحنا مجرد مانعرف انو وصل منعرف دغري انو في مشكلة بدا تصير .. ماما كانت مصمدة كم ليرة من شي شهرين وهي عم تصمدن حق علبة مربى واليوم لقدرت تشتريا .. وقت سمعنا بابا اجا ..
حكلتنا خدو الصينية ع غرفتكن بسرعة حتى مايعرف انو عم تاكلو مربى ويفتح موشح ...
دخل عالبيت هو و الشر سوا .. قلا لأمي يلا خلي بناتك يجهزو حالن ...
سكتت امي شوي وصفنت فيه : لسا الدنيا نهار وبكير ع روحتن
اتطلع فيا باستحقار وضحك : ناديلن روحي ..
اجت ماما لعنا ع الغرفة وحكتلنا : طلعو ابوكن بدو ياكن ..
كانت وجوه اخواتي عم تحكي باستغراب : شوبدو بحياتو ما ناداالنا غير لياخد المصاري ...
طلعنا ووقفنا جنبو ..
بابا : مياس ضبي غراضك لأن في جماعة لازمن خدامة رح ياخدوكي تعيشي عندن ..
كانو عيوننا نحنا الكل مليانين دموع .. قرارات ابي الصارمة مافي من بعدا رفض ابداً يمكن الكل يسألو ليش هيك عم يصير معنا أو معقول في هيك أب بهالعالم ..؟؟ .
بليلة هالقرار البشع مياس بلشت تضب غراضا وتجهز حالا ..
صارت تبكي وتقتل حالا .. امي واقفة ع باب الغرفة من بعد ماطلع بابا وسكر الباب بقوة وراه، ركدت مياس لحضن امي وبلشت تبكي مع شهقة عم تطلع من قلبا .. اخواتي ضموا لمياس و أمي .. كلن كانو عند عتبة الباب بالأرض...
انا واقفة بزاوية الغرفة ماعم قرب خايفة ..
بعدين اتشجعت وصرت قرب لعند مياس اعدت جنبا .. لما شفت دموعا ودموع امي صرت ابكي و ضميتن ...
صارت الساعة 8 المسا .. أخواتي اعدين ع الأرض و أمي وجها اصفر وتحت عيونا اسود ... مياس عم تبكي وتطلع بوجوهنا كلنا ..
انفتح باب البيت وهون بلشت مياس ترجف ايديها وجسما كان عم يرجف بخوف...
دخل بابا حكالا يلا هاتي غراضك لوصلك ع بيتهن .. و اذا بشوفك هون رجلك رح اكسرا وحملك ياها و أمك رح تاكل اتلة تتكسر فيا .
بابا دايماً كان يخوفنا بأمي و يهدد أنو بدو يقتلا و يعذبا اذا خالفنا رأيه وقراراتو... ونحنا حتى مانجبلا الوجع و القهر كنا نرضى بأي شي ..
كنت صغيرة و أنا عم احقد ع أبي .. عم اكرهو ..
طلعت مياس من البيت وماعد شفناها بعد هاللحظات هي.