الفصل 1
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *عناد.قلبي.tt 🥲♥️*
*❴🔢❵☟الـــبـــــــــــ❴1️⃣+2️⃣+3️⃣+4️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
عمرو: صباح الخير
مروه(الأم): صباح النور.. شو شايفتك لابس وين رايح
عمرو: في ناقص بعض الأدويه للصيدليه بدي أجيبهن.. فبدي أغلبك اديري بالك على لمى و يزن
مروه: بعيوني يا حبيبي خُذ راحتك
عمرو: إمي لمى بتشرب حليب مع عسل.. اما يزن حليب بدون عسل ماشي.. ويزن غسليلوا وجهوا منيح لأنه بطول حتى يفيق اما لمى ما بتتغلبي معها ويزن
مروه مقاطعه: خلص خلص.. مالك يابني حسستني ما بعرف اشي مني حافظتهم ما تقلق عليهم
عمرو باس رأس أمه: الله يخليلي إياكِ يارب وما يحرمني منك
عمرو: يلا مع السلامه (ويخرج)
مروه: مع السلامه .. الله يرضى عليك ياولدي
تفرق عيونها وتقول بتثاؤب: بس لعمرو الرضا كله ما بنوبنا من الرضا جانب يا ست الكل
مروه بابتسامه: ناموستك كحلي ست تمار
تمار : يا إمي الحبيبه ليش أفيق بكير وصاحب الشركه خطيبي ما بحاسبني ع حضوري
مروه بعتاب: بس إنت هيك بتوخذي راتبك بالحرام يا تمار
تمار: خلص يا إمي ما تخلي ضميري يتعب
مروه: خلي يتعب خلي الله يهديكِ.. قايمه أشوف ولادت أخوكِ
تمار: طيب انا رايحه ألبس وأروح ع الشغل
مروه: ماشي يا بنتي
____
نقف هنا لنتعرف على هذه الشخصيات
مروه(الأم) تحب عائلتها ربة منزل في أوئل العقد الخامس من عمرها
جابر(الأب) سيأتي دوره لاحقا.. يعمل في إحدى الشركات محاسبا..في أواخر العقد الخامس من العمر
عمرو(الابن الأكبر) بعمر 30.. صيدلاني.. ولديه صيدلية وعنده طفلان توأم (لمى&يزن) بعمر الرابعه
تمار(الأخت الصغرى) بعمر 26 مهندسه ديكور
مخطوبه لشخص يدعى جمال بعمر 29 وابن صاحب الشركه
خلود: أهلا بإيش بقدر أفيدك
شخص: معي هاي الروشيه
خلود تنظر لها: ثواني والأدوية بتكون جاهزه
أحضرت الأدويه ووضعتهن بكيس
خلود: معافى إن شاء الله
شخص: شكرا
يخرج ويدخل عمرو
عمرو: ربنا يعطيكِ العافيه
خلود: الله يعافيك
عمرو: وصلت طلبية شركة***
خلود: اه وصلت الصبح ودخلتها ع الكمبيوتر
عمرو: منيح رح توصل كمان ساعتين طلبية عطور رتبيها ع الرف هونيك ماشي.. وطلبت طلبيه من مستودع الحياه رح توصل اليوم كمان
خلود: ماشي
عمرو: يلا عن إذنك
خلود: مع السلامه
بعد مرور عدد من الساعات
تمار: وين الحلو سرحان
خلود:
تمار: وين عمرو يشوفك كان طردك خلووود
خلود: ها ولك مالك هيك الواحد بحكي
تمار: اللي ماخذ عقلك يا حلوه
خلود: آخ نعسانة الليله ما نمت
تمار: أكيد كنتِ بتقرأي إحدى هالروايات وما نمتِ حتى تخلصيها
خلود: اها أما شو رواية الكل كان يحكي عنها حلوه ما كنت متشجعه أقرأها بس لما بدأت فيها ما حسيت في حالي حتى خلصتها
تمار : شو اسمها
خلود: في قلبي أنثى عبرية.. إذا بدك بجبلك الروايه تقرأيها
تمار: لأ خليلك إياه أنا مالي خلق للقرايه
خلود: غريبه شو سر هالزياره
يأتي إليهم صوته: بجد شو سر هالزياره
تمار: عمرو!
عمرو: مالك في اشي
تمار بغيض: لأ ما في اشي بس جيت أسلم ع صاحبتي فيها اشي
عمرو: اه منيح... طيب يا خلود بإمكانك تمشي
خلود تنظر لساعتها: ضايل ساعه حتى دوامي ينتهي
عمرو: مش مشكله روحي مع هالهبلة مش عارف كيف مصاحبتيها
تمار بضيق: عمرو انا هبلة طيب بتشوف
عمرو يضحك : هههه طيب يلا من وجهي المباراه بلشت بدي احضر
تمار: يعني مشان هيك جاي بدري ما بتقدر تحضر عند ولادتك.. وكيف سعادتك بدك تعرف تصرف أدويه
عمرو: ما تخافي بعرف إنت شو عرفك بس
تمار: طيب متزقش رايحين يلا يا خلود
خلود: يلا مع السلامه يا دكتور
...
خلود: منيح أجت منو أخوكي خليني أروح أنام
تمار تضحك: بس إذا كان أخوكي وولادتوا موجودين بتعرفي تنامي أكيد صح
خلود: اضحكي اضحكي شو عليكِ إنت
تمار: مش إنت اللي جايبتِ لنفسك ما تتجوزي وتخلصي
خلود: شو بدي بهالهم هيني ماخذي راحتي ولا على عبالي ولا واحد يجي يتأمر عليّ رايحه فين وجاية من وين.. ولا شو طابخه ومش عاجبني اكلك خليني هيك أريحلي
تمار تدق رأس صديقتها: عقلك هاد الطخين بدو ضرب مشان نرتاح منو وع تفكيروا
خلود: يلا إنت وصلت
تمار: تعالي ادخلي
خلود: لمره ثانيه مش طاسة قدامي لو تيجي تحمليني اكمل هالدرجات
تمار: لا وعلى ايه هيني داخلة سلام
خلود: بوسيلي لمى ويزن وسلميلي على خاله مروه
تمار: بوصل
...
تصعد لبيت عائلتها
خلود: السلام عليكم يا قوم
نزيه: وعليكم السلام مروحه بدري
خلود: إجى عمرو بدري فروحت
زينب: منيح خليكِ ترتاحي شوي لأنك ما نمت مبارح
خلود بارتباك: اه ما نمت شو عرفك
زينب: شفت ضو الغرفه ضاوي.. اكيد كنتِ بتقرأي بإحدى هالروايات
خلود: كاشفتيني يعني خلص عديها ليش هالإحراج قدامهم
خالد: ما بتزهقي يا خلود
خلود: لأ شو وين ولادتك ماني سامعتلهم حس
سميره تضحك: متخبين بغرفتك بدهم يخوفوكي
خلود: أولادك مفكريني من عمرهم
خالد: من عقلك الصغير
خلود : هيهيه خِفة بجد
زينب: بلشنا ناقر ونقير
خلود: شو الاكل يا امي
زينب: محاشي
خلود: يميي والله إنت يا امي آخرتك بأكلاتك هاي رح أصير دولفين
خالد: بتوكلي عن عشره ومثل قصب نص مش باين عليكِ وين بتروحي بالأكل
خلود بعصبيه: مش إلك بيت إنت ليش قاعد عنا يا الله اطلع ع بيتك
خالد بحنان: مالك يا خلود مش عادتك فيكِ اشي
خلود بحده: لأ ما فيني اشي
نهضت وذهبت باتجاه غرفتها.. قبل أن تفتح الباب تنهدت ورسمت الابتسامه على وجهها
بصوت عالي اضطرت لوضع يديها على أذنيها
أطفال: بخخخخخ
خلود بضحك: تعالو عندي وين عم تهربوا هي الغرفه سكرتها رح أمسكم
عُمر ببراءة: عمتو نور واحمد همي حكولي نحكي بخ والله انا ما دخلني
احمد: ولا إنت واحد سقيطه
نور: غير أموتك يا عمر
عمر يبكي: أنا آسف بس ما بدي عمتو تضربني
تطالعهم وتبتسم لحديثهم وشجارهم البريء
ذهبت وجلست على السرير
خلود بحنيه: تعالو عندي يا عمتو انا مابضربكم إنتو حبايبي ..وقت ما بدكم اعملوا هاي الحركات
ركضوا إليها فرحين
خلود : بس المهم ما تعصبوا يا احمد ونور على أخوكم عمر لازم تكونوا أصحاب ماشي
احمد ونور: ماشي
خلود: طيب تعالو أفرجيكم شو معي بالشنته أشياء زاكيه
الاطفال: هيييييييه
نتوقف هنا...
نزيه(الأب) مدرس متقاعد في منتصف عقده السادس
زينب(الأم) مدرسه متقاعدة في منتصف عقدها الخامس
خالد(الابن الأكبر) بعمر 35 مهندس
سميره(زوجه خالد) بعمر 30
أحمد بعمر 7 سنوات
نور بعمر 6 سنوات
عمر بعمر 4 سنوات
خلود(شقيقه خالد) بعمر24 صديقه تمار .. صيدلانيه تعمل في صيدليه عمرو
خالد باستغراب: مالها خلود مش بالعاده تزعل ع كلامنا دايما هيك
سميره بعتاب: إنت بتزيدها أحيانا يا خالد
زينب: لأ هاد العادي بتاعهم بس هي شكلها تعبانه او مزعوجه من اشي.. ما تقلق ما بتشوفها كمان شوي إلا رجعت لطبيعتها
نزيه: ما تقلق يا خالد مش سامع صوتها مع ولادتك عم يضحكوا وصل صوتهم للجيران
زينب: يارب أفرح فيها وأشوف أولادها
خالد: المهم تحل عقدتها وتقتنع تتزوج شايفه كل واحد بيجي أحسن من الثاني بس عالفاضي ما بتقبل بحدن
زينب: الله يجيب اللي فيه الخير أحسن شي
(2)
نور: عمتو عمتو
عمر: ليش ما بترد علينا
احمد: شكلها نامت
نور: يلا نام جنبها
اندثروا بجانبها وغطوا في سبات عميق
بعد مرور عدد من الساعات
سميره: خالد روح جيب الأولاد خلينا نطلع ع البيت
خالد: ما في الهم صوت
يذهبون ويفتحون الباب بهدوء ينظرون إليهم وعلى محياهم ابتسامة لمنظرهم الجميل
زينب بهمس: اخرجوا خليهم نايمين وانتوا اليوم خليكم عنا مش ضروري تروحوا
****
عمرو: امي ناموا الاولاد
مروه: اه
عمرو: تعبوكي؟
مروة: طول الوقت بسألوا عنك ما كانوا بدهم يناموا حتى تيجي
جابر: ما تقصر عليهم يا عمرو ولادتك بدهم حنيه
عمرو: والله بحاول اعمل جهدي.. هيني بطلت أدوام بالنهار ومعتمد على خلود ..طول النهار قاعد معهم
مروه: الله يقويك يارب بس في اشي بضلوا ناقص يا عمرو
عمرو: شو قصدك
مروه: حنان الأم لازم يابني تتزوج وحده ترعاك وترعاهم
عمرو: مدايقين مننا بوخذ ولادي وبروح ع شقتي
مروه بعتاب: هاد اللي فهمتوا يا عمرو يعني مش معقول تضلك هيك وإنت لسا بعز شبابك .. خلص الله يرحمها نوال تقريبا داخله بالسنه الثالثه وهي متوفيه
عمرو تنهد: الله يرحمها .. خلي الأمور تمشي وحدها يا إمي
مروه: طيب شو رأيك انا أشفلك وحده وأخطبلك إياها
عمرو ممازحا: يعني إنت مخططه لكل اشي ومين هاي ست الحسن والجمال
مروه بحزم: ما تتمهزئ يا عمرو
عمرو: طيب خلص خلينا في الجد شو حاطه عينك ع وحده
مروه: اه وإنت بتعرفها عز المعرفه
عمرو يفكر: ومين هاي
مروه: خلود
عمرو باستغراب: مين خلود
مروه: خلود يا عمرو مالك إنت بتعرف كم خلود جارتنا
عمرو ينفجر ضاحكا
مروه بضيق: قلت اشي، بضحك يعني
عمرو بجديه: امي إنتِ بتحكي جد.. خلود مثل أختي ومستحيل أفكر فيها كزوجة
مروه:شو أختك بلا هالكلام الفاضي
عمرو: امي مشان الله شيلي خلود من راسك.. بأقرب فرصه بحكيلك لقيت وحده مناسبه اللي
مروه: ومالها خلود ليش مش مناسبه
عمرو: امي انا عندي مواصفات بدي إياها لما أختار شريكة حياتي بكفي إنتِ اخترتيلي نوال الله يرحمها .. وخلود على سلامتها بس مثل ما قلتلك مثل تمار بعتبرها ومش شايفها غير هيك
مروه بسخريه: وشو هي مواصفات شريكه حياتك
عمرو نَوّص عيونه:امي
مروه بلهجه عاديه: طيب خلص شو هي المواصفات حتى اذا لقيتها قدامي اعرفك عليها
عمرو: اول اشي اللي بدي أوخذها بدها تتقبل ولادتي وتعاملهم مثل امهم ... وغير هيك انا أنجذب إلها من أول نظره
مروه بعتاب: يعني إنت هامك الجمال يا عمرو
عمرو:مش بالدرجه الأولى بس طبعا مش تكون شبه الغفير
مروه: يعني نوال كانت مثل الغفير
عمرو: لا معاذ الله بس مش مثل ما كنت برسم بمخيلتي.. ويا امي نحنا دافنينوا سوا وبنعرف انو نوال طلعت قبلانة فيني غصب عن أهلها وفالأخير كيف ماتت خليني ساكت أحسن شي لأنه رح أغلط فيها وهي ميته .. فيا امي العزيزه ريحيلي حالك وقت ما ألاقي الفرصه مناسبه ولقيت الإنسانه المناسبه إنت اول وحده رح أخبرك ماشي ياست الكل
مروه: ماشي ياعمرو
عمرو قبل رأس والدته: تصبحي ع خير ياست الكل
مروه: وانت من اهله يا حبيبي
.......
تفيق صباحا وتجدهم نائمون حوالها فتبتسم وتنهض بهدوء و
تخرج إلى الصاله... تفكر قليلا وتقول في سرها: أوووبس انا زعلت خالد مني مبارح وكنت معصبه يلا هلا بصالحوا
وجدتهم يجلسون في البلكونه
خلود: صبااااح الخير
الجميع: صباح النوور
تتقدم نحو شقيقها وتلف يديها حول رقبته
خلود : خالد انا آسفة
خالد باستغراب: ع ايش
خلود: يعني نسيت ولا عم تتناسى مبارح عصبت عليك
خالد وتذكر فأزاح يديها: تعرفي صح ذكرتيني روحي من خلقتي لأني عنجد زعلان منك
خلود : لا يا خالد والله كنت تعبانه ونعسانه مش عارف ليش هيك حكيت معك
خالد بزعل مصطنع: لأ مهو مش كل ما تكوني تعبانه ونعسانه تفشي حالك فيني روحي من وجهي
خلود وبدأ صوتها يتحشرج تخفض نظرها: والله يا خالد ما كان قصدي انا آسفه خلص إذا عدتها اعمل افيني مثل ما بدك
سميره بحيرة: مالك يا خالد مش مستاهله هالزعل كلو
خالد بحزم مصطنع: خليها تتعلم كيف تحكي مع اخوها الكبير
نزيه: مالك ياولد مش مستاهله
خالد هب واقفا: خلص ما حد يدخل بيناتنا انا نازل الشغل
زينب: ما بدك توصل اختك ع الصيدليه
خالد: لأ خليها تنزل لحالها مهيش صغيرة
يذهب إلى عمله والكل مستغرب من تصرفاته
سميرة تربت على كتفها: معلش يا خلود خالد قلبه طيب اكيد لما يروح من الشغل رح يصالحك
خلود بحزن: انا نازله ع الصيدليه مع السلامه
الجميع: مع السلامه
زينب: لا حول الله يارب مالهم ولادتك يا ابوخالد
نزيه: وانا شو عرفني مثل الاولاد الصغار ..ما تخافي ما بتشوفيهم إلا رجعوا ناقر ونقير
زينب: ان شاء الله
..
كانت في عملها حزينه ولم تكن بحيويتها المعتادة
في نهاية الدوام تأتي صديقتها وجارتها تمار عندها
تمار: الجمييل سرحان فين
خلود: خالد يا تمار زعلان مني
تمار: غريبه اول مره بتقولي انو خالد يزعل منك
خلود: انا مش عارفه والله اعتذرتلوا
تمار: يعني شو اعملتِ
خلود: حكيت معو بطريقه مش منيحه وتعصبت
تمار: بسيطه بس اكيد هو حابب يعلمك كيف تحترمي الأكبر منك
خلود: تمار انا مش قادره اضلني قاعده بدي أروح
تمار: ضايل شي ساعتين حتى يجي عمرو
خلود: هاي المشكله .. توتو
تمار تتضيق عيونها: شو في
خلود: ممكن تتصلي فيه وتحكيلوا يجي يداوم
تمار: هو انا ناقصني كلمتين منو
خلود: مشان خاطري يا توتو
تمار بغيظ: طيب هاتي تلفون الصيدليه هو انا مش فاتح الكرت بتاعي سبيل على روحكم
خلود بابتسامه: اتفضلي
تمار: ايوا يا عمرو
عمرو باستغراب: شوفي يا تمار وليش عم تتصلي من تلفون الصيدليه
تمار: ممكن يا عمرو خلود تروح البيت وتيجي إنت تكمل دوامها
عمرو: خير في اشي
تمار: امم هي تعبانه شوي وخجلانه تطلب منك
عمرو بعد تفكير: طيب ماشي احكيلها سكري باب الصيدلية الكزاز ونا كمان شوي باجي بفتحها
تمار بسعاده: اوكِ سلام
...
خلود تذهب إلى البيت ولكن لا تصعد شقتهم تذهب إلى شقة أخيها وهي حازمه على ان يسامحها
تطرق الباب ولا احد يجيب فتعود ادراجها على أمل ان تجدهم عندهم بالمنزل
تفتح باب المنزل وتجد المنزل يعمه الظلام
خلود: ماما.. بابا وينكم هو النور قاطع ولا شو
خلود: ليش ما حدا عم يرد (في سرها) لو دخلت غرفتي لكنت متوقعه يكونوا ولادت خالد عاملين هالعملة
خلود: اين أنتم ياقوم
يضيء النور فجأة والجميع يقف امامها بسعاده ويصفقون لها ويهنئونها بيوم ميلادها
زينب تحتضنها: كل سنه وانت طيبه يا بنت قلبي
نزيه يأخذها ويحتضنها: كل عام وإنت منوره حياتنا يا خلود
سميره :وسعولي انا كمان هابي بيرثدي يا خوخه
خلود: خوخه؟! ضيعتِ هيبه المباركه
سميره: هههههه مش بيناتنا
احمد/نور/عمر يركضون نحوها فرحين: عيد سعيد عمتو
خلود تبتسم بسعاده: يا الله ما أحسنكم إنتوا
تقف وتنظر إلى أخيها الذي يراقبهم من بعيد تتجه إليه بعيون باكيه
خلود: والله يا خالد ما كان قصدي
سميره بنفاذ صبر: ما خلص يا خالد موتها للبنت
ينفجر خالد ضاحكا ويأخذها بحضنه: كل سنه وإنت طيبه يا أوزعة
خلود: يعني خلص سامحتني
زينب: يا بنتي خالد هو خطط لكل اشي من الصبح لحد الآن طلع بمثل عليكِ الزعل وعملك هالعيد الميلاد
يلبسها عقدا جميلا على عنقها
تنظر إليه بسعاده تجد اسمها محفورا عليه
تضربه على صدره: تعرف إنك ثقيل دم
خالد ضاحكا: هيك اللي بعطيه الواحد هديه بجازيه
خلود بغيظ: وعامل فيها انك زعلان ياخالد والله طلعت شاطر بالتمثيل
خالد بضحك: والواحد عرف يضحك عليكِ شويه يا اوزعه
خلود: ما تقلي اوزعه
خالد : هههه طيب خلص يا ستي انا آسف
يجلسون بجو عائلي يملؤه الحب
خالد يضع يده على كتف اخته: تعرفي بالمثل اللي بقول انو الحياه بلا اخت مثل الشارع بلا زفتة
خلود بغيظ: مالقيت احسن من هالمثل يا خالد
خالد بضحك : طيب في واحد ثاني ابو البنات شايل ع كتفو حسنات... وانا بكل تواضع مش انت اختي والصغيره كمان يعني مثل بنتي فأنا بوخذ حسنات بسبب معاملتي الحسنه ليكي
خلود: طيب قوم ياخالد خوذ عيالك وروح ع شقتك الله يهديك ..الله يعينك يا سميره عليه مش عارفه كيف مستحملي ثقاله دموا
يضحك الجميع ... وتمضي الأيام
في إحدى الأيام بالليل تطرق تمار بيت صديقتها خلود فهم يسكنون في نفس العماره
خلود: اهلين تمار (تن
ظر لمن معها)
يا اهلا وسهلا بـ لمى ويزن
لمى:مرحبا خلود
خلود: اهلين حبيبتي اتفضلوا فوتوا تمار ما في حد في البيت اهلي طلعوا مع خالد ع عرس بنت عمتي
تمار تشهق: وانت ليش قاعده
خلود بلامبالاه: ما بحب هذي الاجواء
تمار : والله عقل زينه.. المهم بدي اطلب منك طلب
خلود: اتفصلي فوتي واطلبي
تمار: لأ خليني هين المهم ممكن أترك عندك لمى ويزن بدي أروح مع جمال نشوف أوضه النوم حكالي وصلت واهلي مش في البيت وعمرو مثل ما بتعرفي في الصيدليه
خلود: خلص خلص هو انتِ لوك لوك لوك ما بتقطعي مش ضروري كل هالتبرير لمى ويزن بعيوني بتعرفيني بحبهم
تمار وهي نازله الدرج: شكرا خوخه إن شاء الله بردلك اياها بالأفراح سلاموز
خلود تضحك: والله مجنونه .. تفضلوا حبايبي
يزن: خلود ليش عمتو حكتلك خوخه
خلود تضحك: هههههه عمتك رهيبه .. خوخه بتدلعني يعني
يزن يضحك ببراءه: يعني بنقدر نوكلك
خلود: ههههه جرب
لمى: تيب بثير احكيلك خوخه (طيب ..بصير)
خلود بضحك: اها بثير يا لموشه
يمضون وقتا رائعا مع خلود فهي تحب الأطفال بشدة .. فمن يحب الأطفال فقلبه طفل
(3)
يصل عمرو إلى المنزل لا يجد أخته ولا أولاده أما أبيه وأمه فهو يعرف خروجهم من المنزل فيتصل بأخته سريعا وعلامات الاضطراب ظاهرة على محياه
تمار: الو
عمرو بسرعه: وينك تمار وين الاولاد
تمار: حيلك يا اخي انا طالعه مع جمال
عمرو بحده: ووين ولادتي
تمار: احم عمرو هو جمال اتصل عليّ وحكالي وصلت أوضه النوم فرحنا نشوفها
عمرو بغضب: اخلصي وين الاولاد
تمار: طلعتهم عند خلود
عمرو بغضب جامح: عند خلود ما لقيتِ غير خلود
تمار: مالها خلود
عمرو: انا تحطي ولادتي عند الجيران طيب بدك تطلعي بتتصلي فيني مره ثانيه يا إما باجي او بتجيبهم عندي ع الصيدليه مش توديهم عند الست خلود
تمار: يا عمرو مالها خلود بتحب الاولاد
يغلق عمرو الخط ويذهب سريعا صاعدا الدرج ويدق الباب
خلود من خلف الباب: مين؟
عمرو: انا عمرو
خلود: لحظه بس
تلتقط حجاب الصلاه وتضعه سريعا عليها وتفتح الباب
خلود: اهلين دكتور عمرو
عمرو يحاول السيطره على اعصابه: وين لمى ويزن
خلود تبتسم: نايمين
عمرو: نايمين؟ كيف دايما بضلهم اقل اشي لل12
خلود: اكلو ونامو
عمرو: طيب ياريت تصحيهم مشان أوخذهم نحنا ازعجناك والحق بصراحه ع تمارلو خبرتني ما كان صار هيك
خلود: لا ازعاج ولا اشي ما شاء عنهم ولادتك.. بس حرام اذا صحيتهم بفيقوا مفزوعين
عمرو: والحل
خلود: احملهم همي نايمين
عمرو:احملهم وكمان الاثنين
خلود: نزل واحد واحد
عمرو يفكر قليلا : ماشي خليني ادخل اجيب يزن
خلود مسرعه: لحظه انا بجبلك اياه (وتدخل مسرعه)
عمرو ينظر إليها مستغربا
يأخذ أطفاله ويذهب... اما هي تذهب إلى غرفتها وتفتح المذكرها اليوميه تشرد قليلا من ثم تكتب "إلى متى" وتغلقه وتلقي نفسها على فراشها مستغرقه في افكارها
****
في صباح اليوم التالي
عمرو بشيء من الحده: تمار آخر مرة بتعملي اللي عملتيه مبارح
تمار باستغراب: مافيها اشي يا عمرو خلود ما بتعترض
عمرو بحده: بس انا معترض ماشي
تمار: طب فهمني مالها خلود
عمرو: انا قلت شو لازم تعملي انا خارج سلام
....
ترتب الأدويه بأماكنها يدخل شخص تلو شخص وتتعامل بجدية مطلقه تدخل امرأة مسنه
الامرأة: السلام عليكم
خلود: وعليكم السلام تفضلي حضرتك
الامرأه: بدي دوا السكري
خلود تبتسم بلطف: اي نوع بتستعملي يا خالة
الامرأه: والله يا بنتي نسيت اسمو
خلود: طيب اوصفيلي شكل العلبه والحبه
تبدأ الامرأه بالوصف وتستطيع خلود معرفته
الامرأه: كم سعروا
خلود: ----
الامرأه تلتفت إلى جزدانها الصغير ولا تجد ما يكفي لسعره
تجد خلود الامرأه متوتره
خلود بلطف: خاله الدوا مدفوع
الامرأة: كيف هيك يا بنتي؟
خلود: يعني مدفوع يا خاله واهلا وسهلا فيك في صيدليتنا المتواضعه
الامرأه: الله يفتحها بوجهك يا بنتي وييسرلك أمورك
خلود: تسلمي يا خاله شرفتينا
تخرج الامرأه وتلتقط خلود حقيبتها وتضع سعر الدواء في درج النقود
يكون هناك من يتابعها
.
.
.
مين برأيكم؟
(((نـورايـــة:ههههه مش عمرو ..اكيد توقعتوا عمرو بس مش عمرو يلا نكمل قصتنا )))
شخص: لو سمحتي في عندكم عطر dunhell
خلود: اهلين حضرتك اه عنا اي حجم بدك إياه
شخص: حجم الوسط
خلود: اي لون الأحمر ولا الأزرق
شخص: مش عارف انو احسن انا نصحوني فيه بس مابعرف اي لون افضل
خلود: بقترح عليك الأحمر
شخص: ماشي عطيني إياها
خلود: تفضل
شخص: لو سمحتِ سؤال شخصي
خلود تنظر اليه بتساؤال
شخص: اكم سنه الك مخلصه دراسه
خلود: شو غرضك من السؤال
شخص: احكيلي بحكيلك
خلزد: تقريبا سنتين
شخص: ما شاء الله عندك كل هالخبره
خلود: من فضل ربنا بس ما جاوبتني عن سؤالي
شخص: انا صاحب مشفى الرائد وبعرض عليكِ تجي تشتغلي عنا بالمشفى
خلود: شكرا لحضرتك بس انا مرتاحه بشغلي
شخص: طيب هاد الكرت بتاعي ما بتعرفي الأيام شو مخبيه (ويخرج)
تنظر للكرت وتضعه بحقيبتها بإهمال
...
في إحدى الأيام في منزل أهل عمرو يجلس الجميع في الصاله يشاهدون إحدى البرامج التلفزيونيه
يسمعون صوت الأطفال يعلو ق
ليلا
لمى: لأ خوخه قالت "الله الثمد"
يزن: لأ الله الصمد
لمى بصوت عالي: لأااا
يزن: ماتعلي صوتك
عمرو: مالكم يا اولاد
لمى تبكي: بابا خوخه قالتلنا الله الثمد مش الثمد
عمرو يضحك: قصدك الصمد
لمى: لأ يا بابا هي الثمد
يزن: ماترد عليها يا بابا
عمرو: طيب احكيلي شو حافظ
يزن يجلس ويكتف يديه: بسم الله الرحمن الرحيم قل هو الله احد الله الصمد لم يلد ولم يولد ولم يكن له كفوا احد
لمى: لأ الثمد
عمرو: لأ يا حبيبتي مش الثمد هي الصمد بس إنت لأنك بتقرطي فيها بتفكريها الثمد وهي الصمد مفهوم
لمى تزيل دموعها: مفهوم
يزن: خوخه قالت ما نعلي صوتنا وإنت عليتي صوتك
لمى: اه ثح بابا انا آثفه
عمرو بضحك: طيب انا قبلت اعتذارك يلا روحوا كملوا
مروه: ماشاء الله عنها خلود مستغله للوقت يعني طول النهار عندي ولا فكرت مره إني احفظهم قرآن
تجاهل حديثهم وذهب مع أولاده لغرفته
في اليوم التالي عند اقتراب انتهاء دوامها.. يصل عمرو الصيدليه
عمرو: بعد بكره رمضان إن شاء الله
خلود تبتسم: اه كل عام وإنت بخير
عمرو: وانت بخير .. المهم بدي أعمل حملة عروضات
خلود: ممتاز يعني بازار مثل العام اللي فات
عمرو: اه آخر عشر أيام عروض ع المكياج والعطور .. واي شخص بشتري من مكياج او عطور من خمسين فما فوق بدخل اسمه ع السحب وبوخذ هدية كمان
خلود: الهديه جديده هاي السنة
عمرو: هدية بسيطه من المكياج رح احط مناكير وحومره وآي شادو ومسكاره وكحل.. طبعا الزبون بختار واحد من هاي الشغلات
خلود: ربنا يوفقك
عمرو: بدي همتك هاي السنه .. السنه اللي فاتت انعجقت كثير وما لحقت لحالي
خلود: طيب كيف بدك يكون الدوام
عمرو: اول عشرين يوم من رمضان الدوام عادي بتداومي من التسعه الصبح للأربعه العصر
اما آخر عشر ايام رح يزيد دوامك يعني بتداومي دوام عادي بس بصير تيجي بعد الافطار بساعه بتساعديني
خلود: ماشي
*
يبدأ رمضان وتأتي العشر الأواخر ويبدأ الدوام الليلي الإضافي
عمرو: خلود شوفي الزبونات الواقفات عند المكياج بس التساتر اللي يستعملوهم ماشي
خلود: ماشي
تذهب خلود
خلود: فإيش بقدر اساعدك
زبونه تنظر إلى خلود وتقول باستهزاء: بتعرفي بالكحل
خلود تتجاهل الاستهزاء: بتحبي من شركه كاترس ولا سفنتينز ولا رويال
زبونه: مش مهم الشركه المهم يكون ضد المي
خلود: في هاي النوعيه ممتازه من شركه كاترس وجديده
زبونه: المهم ما بتتأثر بالمي
خلود: طبعا ما بتروح إلا بمزيل المكياج
زبونه: طيب
خلود: وفي عنا كمان آي شادو بنصحك فيه
زبونه: اشوف .. اه شكلو منيح عطيني اياهن
خلود: هيك سعرهن ستين وبدخل اسمك بالسحب على جوائز ليله العيد وان شاء تكوني من الفائزين وبتحصلي من عنا ع هديه من هدول المنتجات
زبونه: بجد اشوف
خلود: حضرتك كأنك بتحبي اللون الزهر هاد الروج جودتوا ممتازه
زبونه: خلص حطيلي إياه
...
يمر عدد من الأيام
عمرو: خلود ما تيجي تصرفي أدويه خليكي عند المكياج والعطور
خلود: مشان أساعدك
عمرو: لأ بكفي عليكِ هاي الأشياء وبصراحه ريحتيني من مناقره جنس حواء .. بس والله طلعت خبره بالمكياج وما كنت بعرف
خلود: اللي بقرأ بتعلم
عمرو: ممتاز وانا بحب دافعيتك هاي
خلود: شكرا إلك دكتور
تأتي زبونه
زبونه: لو سمحتِ في دوا لتخسيس الوزن
خلود: اه أظن في عنا بإمكانك تسألي الدكتور عمرو هو رح يفيدك أكثر مني
زبونه: يعني هو دكتور جد مثل ما بتقولي
خلود: اه هو دكتور صيدلاني وماشاء الله عنه خبره سنين.. اما انا لسا خريجه جديده وصيدلانيه كمان مش دكتوره
زبونه بخجل: طب ممكن تحكيلوا عن الدوا إنتِ
خلود تبتسم: ماشي تعالي مشان تعرفي كيف رح تستخدمي
زبونه: شكرا لإلك
خلود: العفو
..
يأتي أخيها خالد
خالد: السلام عليكم
عمرو: وعليكم السلام اهلا بشمهندس خالد
خالد: اهلين دكتورنا
عمرو: شو جاي تستلم الأمانه
خالد: طبعا
عمرو: مبكر اليوم
خالد: والله تعبان وجايب أخري فقلت خليني آجي أروحها وأرتاح شوي قبل السحور
عمرو: سلامات خير
خالد: من الشغل وتعرف الواحد آخر ايام رمضان خلص بطفي
عمرو: هانت ضايل كم يوم وكل عام وانت بخير
خالد: وانت بخير .. شو وينها خلود
عمرو: هيها واقفه هناك مع الزبونات بدك توخذها وتتركني هلا مع النسوان اتصرف معهن بهاي الأمور
خالد: والله يا جاري مش إنت الجايب وجع الراس لإلك استلقى إذن في حد بعمل الصيدليه كوزمتكس
عمرو: والله بيني وبينك الكوزمتكس بطلع تقريبا أرباح مثل الأدويه اذا مش اكثر
خالد: إذن زابطه معك بس كيف خلود بتتعامل معهن هي بتعرف اصلا اشي بالمكياج
عمرو: والله انا كنت مستغرب مثلي مثلك بس أبهرتني طلعت بتعرف أكثر من اللي حاطات على وجههن
خالد بفخر مصطنع: مشان تعرف مين أختي طالعه على أخوها فهلوي
عمرو: ههههههه طبعا
...
خلود: امي انا نازلة بدك شي
زينب: والله يا خلود انا مش عاجبني شغلك بالليل
خلود: يا إمي هاي فترة مؤقتة كلها يومين وبخلص رمضان وبرجع الشغل طبيعي
(4)
زينب تنهدت: طيب ديري بالك ع حالك
خلود تقبل امها: مع السلامه
زينب: الله يرضى عليكِ... معك جوالك
خلود: كل ا
غراضي بالشنته
زينب بعدم رضا: ما تغيري هالشنته يابنتي خليكِ مثل البنات
خلود بمرح: انا برتاح فيها ..خليني ع راحتي يا مامتي
زينب: مهو ع الفاضي الحكي معك يلا روحي احسن ما تتأخري
خلود: سي يو.. مش يتأخر عليّ خالد
زينب: ما تخافي بذكروا
*
خلود تقترب من الصيدلية ولكنها شاردة فجأة
خلود: أووبس آخ يا راسي
:ما تفتحي إنتِ عمية
خلود: ليش الغلط إنتِ الثانية مش مفتحه آخ ياراسي
:لابسة نظارة اكبر حجم وما بتشوفي اقعدي بالبيت احسلك
خلود: يعني اذا سكتلك بتفكري خوف امشي يا حبيبتي ما بنزل مستواي لأمثالك
بغضب: شو مفكره حالك .. روحي طسي حالك بالمراية قبل ما تطلعي (تنظر لها بازدراء)
خلود بمبالاة: كل واحد عارف قيمتوا تشاااو
..
خلود في سرها: يخرب شرها شو هالكتف اللي عليها راسي بوجعني بسببها وكمان وقحة استغفر الله العظيم
عمرو: شو وين سرحانه.. وين السلام عليكم
خلود: هاا بتحكي معي
عمرو: لأ مع خيالك
خلود: آسفه بس كنت شاردة
عمرو: طيب يلا فوتي
...
زبون وراء الآخر يدخل ويخرج .. تنظر إلى ذلك الصوت الذي بغظته
: هاااي
عمرو: اهلا وسهلا اتفضلي
: سمعت عندكم عروض ع الميك أب
عمرو: اها العروض مستمره
: بدي تفرجيني أنواع مختلفة
عمرو: لحظة هلا بخلي خلود تساعدك
عمرو: خلود لو سمحت شوفي طلب الآنسة
تنظر خلود إليها شذرا وتأتي وتحاول رسم الهدوء على ملامحها
بصدمه: هو انتِ
عمرو: بتعرفوا بعض
باحتقار: لأ ما بشرفني اعرف وحده مثلها
خلود: د. عمرو ما بدي أغلط عليها فخليها تسكت.. وإنت شوف طلبها
عمرو باستغراب: ماشي... اتفضلي يا آنسة
: زاد فضلك
عمرو: وقفي مكاني يا خلود
خلود: حاضر
..
: بصراحه يا د. الأشكال هاي بتخرب سمعت الصيدليه عندك
عمرو: يمكن في سوء تفاهم بينكم يا آنسة
__: اسمي رنيم الآنسة رنيم
عمرو ينظر لها بإعجاب: اهلا وسهلا شرفتينا.. ايش طلبك
رنيم: مثل ما قلتلك بدي اشوف تشكيلة منوعة من أفضل الأنواع
..
خلود في سرها: نفسي امسكك من حجابك وارميك برة الصيدلية .. قال حجاب قال هو هاد حجاب نص شعرها مبين لا حول ولا قوة إلا بالله وحدة مستفزة.. ييي كيف عم تتمايل عليه.. ولا هو مبسوط استغفر الله
...
عمرو: اهلا وسهلا فيكِ مرة ثانيه وهيك بتدخلي السحب عنا.. وهاد كرت الصيدليه
رنيم: thank you dr omer
عمرو يبتسم
رنيم: وهاد كرتي
عمرو: اتشرفت بمعرفتك
خلود بحزن مع نفسها: الله يهنيك يا عمرو
..
تدخل طفله مسرعه بصحبة شقيقها إلى الصيدليه
نور: عمتو عمتو
خلود باستغراب: نور! وين ابوكِ
نور: ليكو بره بالسياره يلا تعالي
عمر: يلا يا عمتو بدنا نروح ع المطعم
نور: هييييه عمتو يلا
خلود تبتسم: يلا جاية .. (تأخذ حقيبتها) مع السلامه د. عمرو
عمرو بشرود: مع السلامه
*
خلود: شو وين ماخذنا يا خالد
خالد: بعد بكرة العيد.. وعارف بكره رح تكوني مشغولة مع عمرو في الصيدليه فقلت أعطف عليكِ وأفسحك
خلود: قلت تعطف عليّ امشي يا خويا امشي
سميره: انتوا دايما ناقر ونقير
خلود: بصراحه مش عارف كيف مستحملتيه
سميره: هههههه شايفة الله يعيني
خالد: هيك لكن .. هلا برجعكم ع البيت
خلود: صحيح وين امي وابي
خالد: ما بدهم يطلعوا
خلود: اه
اليوم التالي يمسك عمرو الكرت ويقلبه
عمرو : امي يا امي
مروه: خير شوفي
عمرو: امي جهزيلي لمى ويزن
مروه: خير وين بدك توديهم
عمرو: لما أرجع إذا كانت الأمور تمام .. رح تنبسطي ماشي
مروة باستغراب: ماشي
..
يتصل على الرقم
عمرو: مرحبا آنسه رنيم
رنيم: أهلا بعمرو اسمحيلي احكيلك عمرو بدون دكتور لأنه ما بحب الألقاب
عمرو يبتسم: طيب هيك ممتاز بدي أقابلك ممكن
رنيم: ممكن وين
عمرو: في حديقه *
رنيم: ماشي نص ساعه وبكون هونيك
عمرو: تمام
يلوح له بيدها.... فتأتي وتنظر للأطفال باستغراب
رنيم: مين هدول
عمرو: ولادتي
رنيم بصدمه: ولادتك!.. بس إنت مش لابس
عمرو: الدبله... لأنه امهم متوفيه تقريبا من ثلاث سنين
رنيم: الله يرحمها
لمى: بابا بابا
عمرو: نعم يا لمى
لمى: مين هاي
رنيم بعفوية مصطنعه: انا اسمي رنيم وإنت شو اسمك يا حبيبتي
يزن بشراسه: مهو بابا لسا حكى اسمها لمى
تنظر له بغضب
عمرو يحاول تدارك الموقف بحده: يزن ... عيب هيك تحكي مع الأكبر منك.. يلا اعتذرلها
يزن: انا
عمرو بغضب: يلا
يزن بتأفف: انا آسف
رنيم بابتسامه مصطنعه: ولا يهمك يا حبيبي .. ما شاء الله عنهم ولادتك أمورين
عمرو: يزن ولمى روحوا العبوا بالألعاب شوي
يزن يمسك بيد أخته: تعالي يا لمى
لمى: ثوي ثوي بتوذعني (شو شوي بتوجعني)
..
عمرو بجديه: انا حابب احكي معك بموضوع
رنيم: اتفضل
عمرو: يمكن كلامي تقولي عنه مش منطقي بس اسمعيني ... انا بعرف انه يمكن صعب تصدقي كلامي بس انا من اول ما شفتك انجذبت إلك يعني من مبارح طول الليل وعم أفكر فيكِ بصراحه طلبت اقابلك اليوم وكمان جبت ولادتي حتى تكوني عارفي ظروفي .. ما بعرف شو شعورك ناحيتي بس مثل ما بحكيلك انا انجذبت لشخصيتك وهاد الاشي بصراحه غريب .. صعب انجذب لحد بالسهوله هاي
رنيم تتظاهر بالخجل: بصراحه يا عمرو انت فاجئت
ني
عمرو: عارف انا كمان متفاجئ لأني ما بعرف عنك اشي تقريبا.. غير من البطاقه إنك دارسه تجارة
رنيم: اه كنت بشتغل سكرتيره بشركه
عمرو: لحد الآن
رنيم: لأ الي سنه تاركه
عمرو: ليش
رنيم: بصراحه مثل ما انت صارحتني بأولادك لازم تعرف اني كنت متجوزه ومتطلقه
عمرو بصدمه: متطلقه!!
رنيم: اه الي سنه متطلقه انا كنت متجوزه اللي كنت بشتغل عنده .. بس زواجنا كان مدته سنه ونص ما صار توافق بينا
عمرو: شو سبب الانفصال
رنيم: مش مقتنع فيني والو علاقات كثيره
عمرو: اه حقك إذن
رنيم بحزن مصطنع: هيك عرفت قصتي وإنت بإيدك تقرر تكمل كلامك او توقف
عمرو: مش انا من النوعيه المتخلفه اللي بنظر للمرأة المتطلقه نظره دونيه.. وانا لحد الآن عند كلامي ... بس لازم تعرفي انه عندي كمان اهم اشي ولادي
رنيم: ولادتك ولادي
عمرو يبتسم: يعني من كلامك موافقه
رنيم تصطنع الخجل: اه يعني
عمرو: ههههههه ما بدي احرجك اكثر من هيك .. بدي عنوان اهلك وان شاء الله بعد العيد كل اشي بمشي تمام
رنيم: إن شاء الله
*
عمرو: يعطيكِ العافيه يا خلود ..تعبتي اليوم
خلود: والله كان متعب ما شاء الله الناس ما قطعوا
عمرو يخرج ظرفا: اتفضلي
خلود: ايش هاد
عمرو: راتبك
تمسكه وتفتحه:بس في زياده
عمرو: انا قلتلك من الأول لما تداومي معي ليلي رح يزيد راتبك
خلود: شكرا إلك ...هي خالد اجى .. كل عام وإنت بخير
عمرو: وإنت بخير وصحه وسعاده
..
تأخذ حقيبتها وتذهب الى منزلها
يوم العيد يستيقظون صباحا على صلاة العيد
خلود: امي إنتِ نازلة تصلي معهم
زينب: اها نازله شو رأيك تيجي
خلود: لأ خليني ف البيت برتب الأمور كلها وبتلاقي البيت جاهز
نزيه: يلا يا ام خالد.. خالد ناطرنا تحت
زينب: هيني جيت
..
تبدأ بتوضيب المنزل وتجهيز الحلويات على الطاولة
تجلس شارده تنتفض فجأه
خلود: انا كيف نسيتهم اكيد حسن اتصل عليّ ميت مره بس وين الموبايل ... اوووف اكيد نسيتوا بالصيدليه اكيد لما اتصلت عليّ شهد تركتوا ع الكاونتر
لبست لباسها واخذت حقيبتها والنقود
كتبت ورقه وتركتها على الطاوله وذهبت في طريقها
...
خلود: يارب يكنن المحلات فاتحات يارب
ذهبت الى إحدى المولات التجاريه وقامت بانتقاء عدد كبير من الملابس بأحجام مختلفه والعديد من الألعاب
.....
يدخلون الى المنزل
خالد: البيت هادي .. يا خلوووود
زينب: يمكن رجعت نامت مبارح روحت كانت تعبانه
احمد: نور تعالي ندخل نصحيها
سميره: عيب يا ولاد اتركوها ترتاح
خالد: سيبهم .. بتنبسط
نور: يلا يا احمد
يدخلون ويتفاجئون بعدم وجودها
نور: بابا مش موجوده عمتو
سميره: ليك في ورقه ع الطاوله
خالد يقرأ: " كل عام وانتم بخير فردا فردا.. اضطريت اخرج مشوار ضروري.. ما تقلقوا عليّ وما تنتظروني يمكن أتأخر"
زينب باستغراب: وين راحت اختك يا خالد
خالد: وانا ايش عرفني مثلي مثلك
نزيه: لا حول الله اتصل فيها يا خالد حتى مش كاتبة وين راحت
يتصل بها ولكن لا تجيب
خالد: ما بترد
زينب: وين بدها تكون راحت
سميره: ما تقلقوا هي قالت عندها مشوار ..مانها صغيره
نزيه: معك حق يا عمي ..يلا ياام خالد حطيلنا لقمه نوكلها قبل ما نروح نلف ع القرايب
زينب: بنتك مجهزة كل اشي تعالوا يلا
....
تدخل واببتسامتها لا تفارق شفتيها
تطرق باب الغرفة تك تك تك
:اتفضل
خلود: السلام عليكم
بابتسامه: وعليكم السلام
خلود: كل عام وإنت بخير وكل الأطفال بصحة وسعادة
__: وإنت بخير يارب.. وين هالغيبة يا خلود الأولاد استفقدوكي وخصوصا حسن
خلود: والله يا خالتي ام علاء مشاغل الحياة بعرف إني مقصرة وهلا حسن اكيد زعلان مني بس اليوم بدي أقضيه معاهم جميعهم
ام علاء: الله يرضى عليكِ كل هاد أكياس
خلود وقفت: اه بدي ألحق اوزعهم عليهم حتى يفرحوا عن إذنك
ام علاء: اتفضلي
****
حينما رأوها قفزوا فرحين
الأطفال: هيييييه خلود جت خلود
بدأت بتوزيع الملابس والهدايا على الجميع نظرت حولها لم تجده
خلود: رشا يا رشا
رشا(موظفه في المركز): اهلين خلود كل عام وإنت بخير
خلود: وإنت بخير يارب... بتعرفي وين حسن
رشا: آه على حسن اليوم مزاجوا مش رايق حابس حالوا بالغرفة
خلود بأسف: كلو مني .. ذكرتيتي ههههه بتعرفي شو مسمية اسمك ع جوالي
رشا بضحك: شو
خلود: حسوون هههه
رشا: ههههه ليش
خلود: مش حسن دايما بتصل عليّ من جوالك وبصراحه ما بسمع صوتك لما ترني عليّ
رشا: هههههه دايما بنط بوجهي وبحكيلي اتصلي ع خوخه
خلود: هههههه داخله أشوفوا
...
تطرق الباب وتدخل
خلود بابتسامة: حسوووون
حسن لا يجيب
خلود تقترب
*الـــــــــ͢ـོ͓ـــنهـــــــايـــــــོـ͓ـــ͢ــة*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```