أسيره تحت ظل القمر الجزء الأول - البارت ال12 والأخير - بقلم شهد عبد الهادي عيساوي محمد - مكتملة | روايتك

أسيره تحت ظل القمر البارت ال12 قرب منها وقال: مش معنى اني بتعامل معاكي كويس يبقى تفتكري انك تقدري تدخلي بحياتي.. انت فاكره نفسك ايه.. انتي ولا حاجه يا حور.. زيك زي كل البنات اللي عرفتهم ومهزوش شعره فيا الزمي حدودك عشان ما تشوفيش مني وش هتتفاجئي منه ماشي، حور: بس انا كل طلبته هو انك تكلمها بحنيه هي مهما حصل اختك يا قمر، قمر :الظاهر انا اتسهلت معاكي اوي.. انا مش اي حد انا واحد لو اي حد شافه هيعمل لي الف والف حساب لانه عارف انا مين وعارف انا ممكن اعمل ايه.. انا لحد دلوقتي بتكلم بهدوء مع اني ما اتكلمتش بالطريقه دي مع حد قبل كده.. يعني انا ساكت بس عشان انتي لسه ما تعرفينيش كويس بس لحد هنا وكفايه لازم تتعودي على اني قمر مش اي حد فاهمه ولا اعيدلك كلامي ثاني مع اني ما بعدتش الكلام اكثر من مره، وطلع من الصاله وراح عند اوضه مدير المدرسه ودخل وقعد على الكرسي وقال لي المدير :عايز ارجع اسحب ملف نور وكمان ملف كيان كمال، عمار المدير: تقدر تسحب ملف اخوك بس ملف الطالبه كيان كمال ما تقدرش انت مش ولي امرها.. ولي امرها هو بس اللي يقدر يسحب ملفها اسف، قمر: ولي امرها هو اللي قال لي اني اسحب ملفها بنفسي، فسمعوا صوت طرق على الباب فقال عمار :ادخل، فدخلت حور ومعاها كيان فقالت: اهلا يا استاذ عمار، وقف عمار وقال: اهلا وسهلا انسه حور اتفضلي ليه واقفه مكانك.. اتفضلي اقعدي هنا، حور :شكرا، وراحت قعدت قصاد قمر فبصت له وبعدين بصت لعمار وقالت: انا جايه عشان اسحب ملف كيان، عمار: هي المدرسه وحشه لا سمح الله ولا حد من الطلبه او المدرسين ازعجوا كيان؟ ، حور: لا ما حصلش حاجه من دول والمدرسه كويسه اوي وفيها من احسن المدرسين بس احنا مسافرين وهنقضي شهر عشان كده في الشهر ده هقدم لها على المدرسه ثانيه، عمار: كده هنخسر طالبه موهوبه وكمان مدرسه شاطره زيك، حور :معلش انا بشتغل في مجال الطب دلوقتي وبقيت دكتوره جراحه، عمار :ما شاء الله.. هههه عشان كده كيان طالعه شاطره في دراستها زي حضرتك.. خلاص ماشي هجيب لك ملفها وبص لقمر وقال: وهجيب لك ملف اخوك يا استاذ قمر، قمر :بسرعه لاني ما عنديش وقت كتير، وضغط على زر في التليفون الارضي وقال :محروس هات لي ملف الطالبه كيان كمال وملف الطالب نور نادر اللي التحق بالمدرسه من اسبوعين، محروس :حاضر يا فندم، عمار: مدمازيل حور تشربي ايه، حور :ااا مش عايزه شكرا، عمار :كل سنه وحضرتك طيبه كانت فكره طلابنا انهم يعملوا حفله لحضرتك في المدرسه واحنا يشرفنا ان الضحكه تترسم على شفايفك، قربت كيان من اذن حور وهمست: هههه شوفي البركان اللي قاعد قصادك شكله هينفجر في وش المدير هههه، حور :اششش بس لينفجر في وشنا، عمار: في حاجه يا مدمازيل حور، حور:لا ما فيش، قمر بغضب وعصبيه: كفايه كده انا سكت كتير انت فاكر نفسك فين ازاي بتتكلم مع حور بالطريقه دي.. اه تصحيح لمعلوماتك هي مش مدمازيل هي مدام.. وهي مراتي يا حضرت مدير المدرسه، عمار: بيتكلم بجد، حور :للاسف بيتكلم جد الجد، قمر :انت مش سمعت انها طلبت سحب ملف كيان انا هاخده بدلا عنها حوو تقدري تخرجي بقى.. انا هجيب لك ملفها، حور: بس انا، قمر: قولت هجيب لك ملفها، كيان :ماما يلا تعالي نسلم على البنات شويه قبل ما نمشي، حور :ماشي يلا، وطلعوا من مكتب عمار، راحت كيان وحور لعند المكتبه،هادي: اقول لكم حاجه ما نلعب لعبه، كيان: وايه هي اللعبه دي؟، هادي: لعبه الجراءه والصراحه، نور بملل: لعبه عيال، كيان :جربتها الاول عشان تحكم عليها جربها وبعدين ابقى احكم، هيام: ايوه العب معانا يا نور.. بليز نور العب معانا.. ده هيكون اخر يوم نشوفك فيه، نور بملل :خلاص خلاص هلعب ايه ده، هيام :كنت عارفه انك هتوافق، نور: انا وافقت عشان اخلص من زنك، كيان :حور العبي معانا، حور: اا معلش يا حبيبتي العبوا انتم، هادي برجاء مرح :ارجوكي العبي معانا.. العبي عشان ما تكسرش من ران، حور :ههه هلعب معاكم خلاص، مجد :انا معايا ازازه.. يلا نلعب بيها، كيان: يلا نلعب، ولفت الازازه وجات على حور وكان دور نور يسالها فقال :صراحه ولا جراءه، حور :صراحه، نور: مين اكثر شخص قريب من قلبك، حور غمضت عينيها، كيان: عرفت مين ههه، نور: مين، حور فتحت عينيها وقالت: بابا اكثر شخص قريب من قلبي، نور: وهو فين دلوقتي، حور :ربنا يرحمه، نور: اسف، حور :لا عادي ولفها نور فجات على كيان وكان مجد اللي هيسأل فقال: جراءه ولا صراحه، كيان: صراحه، مجد:اكثر شخص بتحبيه اوي وممكن تضحي عشانه، كيان :انا صحيح مش فاكره حاجه من وشها بس صوتها لسه لحد دلوقتي بسمعه وربنا عوضني عن حرماني من حنانها بحنان عمتي ولو هضحي عشان حد يبقى الحد ده حور.. ماما، حور بتأثر :كيان، كيان :في ايه هي اللعبه قلبت حزن كده ليه هههه.. كملوا لعب، هادي :انا اللي هلفها، كيان، يلا يا مساعد الوزير، ولفها فجات على جهه الباب بس ما كانش حد موجود فقالت حور: بس مفيش حد هناك، مجد بمرح :ههه شكل المكان ده مسكون بالعفاريت انا حاسس ان العفاريت هيدخل من الباب ده اللي شاورت عليه الازازه ، كيان :ههه بس ما فيش عفاريت يا مجد، فجأه دخل قمر وقال حور نار كيان يلا عشان ماشيين، حور بهمس: مجد طلع معاك حق المره دي لان في عفريت دخل من الباب، هيام: انا هسألك سؤال يا استاذ قمر بما ان الازازه جات عليك، قمر :ما عنديش وقت للعب العيال ده، هيام :بس اخوك اجبرته ان يلعب معانا... ممكن تلعب معانا، نور: معاك لعبتك عايزك تريحني منها شويه.. لا ريحني منها للأبد، قمر: مش عايز اضيع وقتي مع لعبه بلاستيكه مكسره، هيام بصوت عالي: نعم مين دي اللي لعبه بلاستيك ومكسره.. انا اتكلمت معاك باحترام لانك كبير في السن فده ما يدلكش الحق انك تتكلم عليا كده فاهم، قمر :انت عارفه عقاب اللي عملتيه دلوقتي ده، هيام بسخريه :ههه هتقتلني مثلا، قمر بخبث :مثلا، حور قربت منها وقالت: هيام ههه معلش لازم نمشي... كيان نور يلا عشان اتاخرنا، وطلعوا من المكتبه وطلعوا من المدرسه كلها وركبوا العربيه فقال قمر لنور :خد المفاتيح سوق انت.. انا تعبان، نور:هو انت اتمرنت على حد النهارده؟، قمر وهو بيضحك ضحكه شيطانيه قال: اتمرنت على اثنين وكنت هنظف مسدسي من التراب بس حور للاسف منعتني بس هي اللي هتنظفه، حور نور ممكن انا اسوق عشان عارفه طريق المستشفى كويس، نور رمالها المفاتيح وقال :سوقي كويس وخلي بالك على عربيه قمر لأنه بيهتم بيها وكأنها من عيلته، حور: ههه هرميهاله في النيل تشرب شويه منه، قمر وهو في العربيه :يلا يا نور تعالى سوق، ركبت حور في معقد السائق وكان قمر قاعد جارها ونور قاعد جار كيان، قمر: انا قلت نور سوق، حور :ما تخافش مش هيوصل خدش واحد لعربيتك بس اربط حزام الامان... كوكي حياتي انت ونور اربطوه كمان، نور: ليه هنطير، كيان بهمس: اشش اوعى تقولها تاني، حور :لا بس انا بحب اجراءات السلامه، وشغلت العربيه وانتلقت نحو المستشفى... ووصلوا للمستشفى حور: كيان انزلي، ونزلت حور وكيان ونزلوا معاهم قمر ونور ودخلوا المستشفى وراحت حور دخلت اوضه مكتبها وراحت عند المكتب بتاعها ومسكت برواز فيه صورتها هي وكمال واهلها فقالت: للدرجه دي ما كنتش استحق حنانك ليا.. انت عارف ان النهارده يبقى عيد ميلادي؟.. كان نفسي تيجي وتزورني زي كل سنه يا ريت تكون معايا في اليوم ده، ونزلت دموع من عينيها، علاء:  بتبكي حتى في يوم عيد ميلادك ده انت كئيبه اوي يا حور ونكديه كمان، حور :علاء هو انت كنت تعرف ان راشد متجوز ومخلف ولد وبنتين منها، علاء بصدمه: ايه لا طبعا ده دلوقتي اللي عرفت منك ازاي يخبي عني حاجه زي دي وكمان يجي ويخطبك ويقول انه مش متجوز وانا شهدت على كلامه.. ده حتى كان بيمثل عليا انه مجروح من اللي عملتيه وكان مبهدل الشقه كل ده كان تمثيل!!.. هو انا غبي اوي للدرجه دي عشان يضحك عليا! ؟، حور بوجع وحزن :لو على انه خدعك فده ولا حاجه.. بس اللي عملوا فيا كبير اوي.. علاء هم كلهم زي بعض؟!.. كل ما يجي حد وأثق فيه بيكسر ثقتي ليه.. ليه لما اجي احب يتكسر قلبي هو انا مش بني ادمه زيهم ولا ايه... مش انا كمان عندي قلب وبحس كمان زيهم.. ايه ذنبي اني بحب الشخص اللي فاكراه كويس وبعدين بكتشف انه سيء اوي، علاء: حور اهدي شويه انتي عرفتيها على حقيقته خلاص.. انتي اعتبري حاجه وحشه من الماضي وانسيه، حور: بس انا بحبه وفي نفس الوقت بكرهه.،علاء :عارف الشعور ده.. شعور لما تكوني بتحبي حد وبعدين يجرحك ويكسر لك قلبك بسهوله وكانك ما كنتيش في حياته حاجه... هو بينام الليل براحه وانتي مابتشوفيش الراحه من قله النوم.. مابتحسيش بطعم الحياه وهو بيضحك ولا على باله... انا مريت بنفس الشعور ده بس انا اتخطيته دلوقتي وبعدين عايش حياتي بسعاده مع انسانه حافظت على حبي ليها ورجعت ركبت الاجزاء اللي اتكسرت من قلبي... انا لسه حاسس بوجع الماضي بس الحاضر والمستقبل مهمين والحياه ما بتوقفش عند حد لا هي مكمله.. انا عارف انك مجروحه اوي.. بس عارف كمان انك هتتخطي المحنه دي بسهوله.. بس تفضلي اضحكي وشوفي اللي بين ايديكي جايز يكون هيعوضك عن الدموع دي بضحكات ما لهاش اول ولا اخر وهيشفي قلبك ويرجع يركب اجزاءه اللي اتكسرت.. بس انتي استحملي الالم الصغير ده لانك هتشوفي فرح ينسيكي الألم ده نهائيا، حور بإمتنان :علاء.. شكرا لانك صديق جدع بيقف مع صديقه في وقت الشده والفرح، علاء بمرح :ههه انفع ابقى دكتور نفساني صح، حور :ههه لا مش ناقصين في المستشفى مجانين كفايه شمس يبقى انت وشمس لا كده حرام هههه، علاء: واخيرا شوفت الضحكه دي،......... عدى اليوم على خير وحور وكيان وقمر ونور ركبوا الطياره وحور كانت قاعده جار كيان اللي نامت من كتر التعب، قمر: ادم بسرعه، آدم بتذمر:اعمل لك ايه مش عاجبك تعالى سوق انت، قمر بثقه :انا لو سوقت هنوصل في خلال ثانيه واحده سالمين على الآخر، ادم بمرح :المره الجايه لما ما اكونش معاك انا بحب الحياه مش عايزه اموت بدري،... وصلت الطياره في مطار لندن... في قصر بعيد عن ابطالنا كان في شخص قاعد على الكرسي بيخطط ازاي يدمر قمر وينهي حياته فدخل واحد من الحراس وقال: وصل قمر لندن يا بيه، المجهول :ههههه حلو اوي.. ليك حلاوه كبيره وي على الخبر الحلو ده، ايه هيكون مصير قمر ومين الشخص ده وليه عايز يقتل قمر وهل حور هتحب قمر ولا هتفضل تكرهه وهل قمر هيحب حور ولا لا ويا ترى هتقدر حور تغير قمر ولا هتفشل وايه الاحداث اللي منتظرانا وايه هيكون رد فعل حور لما تشوف مالك ابن قمر وازاي هتتقبل الموضوع ده وايه هيكون شخصيت مالك ابن قمر نادر وهل هيكون نسخه مصغره من قمر نادر ولا هيكون اسوء منه كل ده هنعرفه في الجزء الثاني من روايه القمر للكاتبه شهد عبد الهادي انتظروني في الجزء الثاني مع أحداث جديده ومثيره وبعض الاكشن والدراما😉😉😉😉😍