أسيره تحت ظل القمر الجزء الأول - البارت ال10 - بقلم شهد عبد الهادي عيساوي محمد - مكتملة | روايتك

عارفه اني اتأخرت عليكم سامحوني بس اخدت وقت لحد ماخلصت كتابته وتعديله لان في أدوات ترقيم وبعض الحروف عدلتهاوطولت البارت اهو.. ويلا كلها بارت او اتنين او اكتر والجزء دا ينتهي اتمنى قراءه ليكم ممتعه وفرحوني بالتفاعل عشان بجد تعبت فيه اوي يلا ciao أسيره تحت ظل القمر البارت ال10 حور :الشخص لما يحب شخص تاني ويتعلق بيه يعمل المستحيل عشان يحميه حتي لو ضحى بنفسه، كيان :ياتري ايه هتكون حالته دلوقتي، حور :متقلقيش انا قولت لعلاء انه يفضل معاه بس من غير ما يعرف اني انا اللي قولت له، كيان :هو ينفع نروح بكرا اناوانتي المدرسة اسلم على زمايلي وصحابي، حور :اه ينفع وكمان نروح المستشفى اسلم عليهم، كيان :كل سنه وانتي طيبه، وطلعتلها هديه وقالت :دي بقي انا وهادي اخترناها عشانك بس يارب تعجبك، اخدتها حور وقالت :طبعا هتعجبني بس النهارده مش عيد ميلادي ، كيان :عارفه لانه بكرا، حور:ههه خلاص هفتحها بكرا، كيان :ماشي يلا ننام عشان نقدر نصحى بكرا، وغنت حور الاغنيه فنامت كيان ونامت حور... اما في اوضه قمر فكان نايم ع السرير فاتصل بادم وقال :احجزلي طيارتي الخاصة هرجع لندن، آدم :حاضر، وراح غط في نوم عميق لكن كان في شخص مستيقظ وبيخطط لتدمير قمر كان عضو من أعضاء المافيا وكان قاعد على مكتبه ويقول بتوعد وانتقام :هههه رجعت لك ياقمر من جديد رجعت ومعايا نهايتك هههه، ونده على واحد من رجالته وقال :ايه وافق بعرضي المغري ولا طلع صايع وبيلعب بالكلام لعب زي النسوان، حارس من رجاله قال :ااا لا وافق بس قال شرط، المجهول /وايه الشرط دا، الحارس :ااا ان حضرتك تديله مصنع من مصانع حضرتك وهو هيكون دراعك اليمين، المجهول /وماله نلعب شويه لانه بيكره قمر واللي بيكره قمر بيبقى عندي غالي اوي... بكرا يطلع وتخليه يلبس حاجه عدله وانا هشاهد قمر وهو بيلفظ انفاسه الأخيرة ،الحارس :امرك يابيه، وتركه وخرج من القصر (يا ترى مين الشخص دا وليه بيحقد على قمر كدا ومين اللي هيتفق معاه على قمر كل هذا وأكتر هتعرفوه في الحلقات القادمه من رواية أسيره القمر للكتابة شهد عبد الهادي😉😉🙃😄😄) ..... في شقه راشد...... سميه :راشد يا ولدي افتح الباب حرام اللي بتعمله في نفسك كدا، فسمعت اصوات تكسير من اوضته وقالت: يا ولدي ما تعملش كده ارجوك افتح لي الباب ما تقطعش قلبي عليك اكثر من كده، وسمعت جرس الباب فراحت تفتحه فلقت علاء واقف على الباب وقال: فينو لما اتصلتي بيا جيت بسرعه، سميه وهي بتعيط :قافل على نفسه باب اوضته وبيكسر كل حاجه جوه في الاوضه ارجوك يا علاء روح وكلمه جايز تقدر تهديها، علتء:حاضر بس انتي ما تعيطيش يا طنط، ودخل البيت وراح عند اوضه راشد وقال: راشد انا عارف انت دلوقتي بتمر بايه بس انت اقوى من ده وهي كمان مجبوره تبعد عنك هي كمان مجروحه زيك واكثر منك، ففتح راشد الباب وقال بعصبيه :وازاي عايزني اصدقك في كل كلمه قولتها ايه اللي يخليها مجبوره ها، علاء: اهدى شويه وانا اقول لك حور اتجبرت تتجوزه ولما قالت لك انها بتحبه قالتها عشان تمشي من قصاده عشان ما يقتلكش هي بتحبك لسه، راشد :وانت عرفت ده من فين، علاء: حور كانت عندي في العياده عشان تكشف على ايديها لانها حست بوجع فيها وكان وشها بيقول انها مجروحه ومكسوره وحكيت لي كل حاجه ووصتني اني اقف جارك لانها عارفه انت ممكن تعمل ايه في نفسك هي كلمتني من شويه وقالت لي انها هتيجي المستشفى عشان تسلم علينا قبل ما، وسكتت، راشد: سكت ليه قولها قبل ما تسافر معاه صح، علاء :انت لو بصيت في عينيها هتعرف هي قد ايه مجروحه اكثر من الجرح اللي في قلبك يا راشد، وتركه وطلع من البيت وركب عربيته وانطلق بيها الى بيت ابوهم لانه مشتاق لاهله راشد: ايه اللي جابرك يا حور انا لازم اعرف الليله، واتصل بيها..... في قصر قمر..... كانت حور نايمه فصحيت بسبب صوت التليفون فردت عليه وهي ما تعرفش انه راشد وقالت بنعس: مين معايا، راشد :ده انا يا حور، حور😳: راشد!!، راشد :عايز اعرف الحقيقه كلها انت ليه اتجوزتيه، حور: اتجوزته عشان بحبه، راشد :علاء حكالي بالحقيقه ايه اللي جابرك من جوازه، حور :علاء.!!..راشد ارجوك تنسى اني كنت خطيبتك او اي حاجه تفكرك بيا لان بقيت مرات واحد ثاني فلازم اقفل دلوقتي وارجوك تمسح رقمي من على تليفونك سلام، وقفلت الخط وراحت عند البلكونه وقعدت وبصت للنجوم وقالت :معلش يا راشد كان لازم اعمل كده كان لازم اقول كده عشان اللي بيحب لازم انه يضحي عشان الشخص اللي بيحبه، وسند راسها على سور البلكونه وغمضت عينيها وقالت :بحبك يا راشد لاخر يوم في عمري، وغطت في نوم عميق..... <<هذه الليله حزينه لبعض ابطالنا وسعيده للبعض الاخر >><<في الصباح>> صحيت حور وراحت لعند اوضه قمر عشان تحضر شنطتها فلقيته نايم وراحت عند الدولاب وفتحته وطلعت منه هدومها اللي هتلبسها وفجأه وهي بتدور على الهدوم وقع منها علبه الخاتم بتاعها ففتحته وقالت بفرح :ده الخاتم بتاعي بس مش هو قال لي انه مش معاه فازاي لقيته هنا وكمان في دولابه، وراحت لبسته وكانت هتطلع  فقمر قال لها :رايحه على فين يا حور، بس حور ما ردتش عليه ولفت وهو بيكلمها قمر :بصي لي وانا بكلمك، حور لفت عليه وقالت: عايز ايه مني مش كفايه بتتحكم بحياتي.. صحيح مش انت قلت لي ان الخاتم بتاعي مش معاك امال ده كان بيعمل ايه في دولابك، قمر وهو بيقوم :اااه ما اعرفش شكله جي بالغلط في دولابي... بتعملي ايه في اوضتي وازاي دخلتي من غير اذني، حور: كنت عايز اخذ هدوم عشان هخرج وكنت نايم وما كنتش عايزه اسمع صوتك، قمر: رايحه فين، حور: هو انا مش ملزومه اجاوبك على كل اسئلتك دي صح؟!، قمر بهدوء :ما فيش طلوع من القصر، حور: لا هخرج، قمر: وريني هتعمليها ازاي بقى، حور :عادي هخرج من باب اوضتك ومن باب القصر بسهوله، قمر:هههه مش لما تعرفي تخرجي من باب اوضتي الاول ابقي قولي تخرجي من القصر بسهوله، قربت منه وقالت: وايه اللي يخليك تصدق، قمر :في مسدس بتاعي في الدولاب هاتيه وامسكيه واضربي عليا نار بيه، فعملت حور زي ما قال وراحت ضغطت عليه، فقال: اسحبي الزناد الاول وبعدين اضربي، فسحبت الزناد ورفعته في وشه وقالت: اضربك فين احلى حاجه لما تكون دكتور انك بتكون عارف اكتر المناطق اللي بتقتل الواحد بسرعه كبيره، قمر: ويا ترى هتضربيني في اي منطقه، حور :حضربك هنا، وقربت المسدس من قلبه وقالت: هرتاح منك، وضغطت على الزر فقالت :ده ما فيهوش رصاص كنت بتضحك عليا، قمر :هههه كنت بختبر شجاعتك وطلع ظني في مكانه بالظبط، وراح سحابها وقاعدها على السرير جاره واخذ منها المسدس وطلع من جيبه خزنه الرصاص وحطها في المسدس وعطاهولها وقال: خدي تقدري تضربي بيه دلوقتي، فبصيت له باستغراب وقالت: تصدق انك واحد مجنون، قمر: نفسي اعرف انا ليه ساكت على لسانك ده اللي عايز قصه انت الوحيده اللي فضلت عايشه بعد كلامك الوحش ده عليا، فابتسمت حور وقالت: ممكن اروح مدرسه كيان والمستشفى، قمر: ليه، حور: عشان كيان عايزه تسلم على زمايلها واصحابها وانا هسلم على زمايلي في الشغل وبس، قمر :خدي السواق معاكم، حور :هنروح من غير السواق ممكن، قمر: لا تروحوا مع السواق، حور :حاضر اقدر دلوقتي اخرج، قمر :لا لسه لما تفطري معايا.. صحيح بتعرفي تعملي مساج لشعري، حور:ما اعرفش، قمر: اتعلمي .. حاسس بصداع ما عرفتش انام منه، حور في نفسها: احسن تستاهل يا ريت لو مت بسببه كنت ارتحت منك، قمر :يلا اعملي لي مساج، حور :ااا لا مش هعمل لك، حط راسه على رجليها وبصلها وقال :ها يلا الصداع هيخلي راسي ينفجر، حطت حور ايديها على شعره بخوف ودخلت اصابعها في خصل شعره وبدأت تعمل له مساج فحس قمر بان الصداع طلع من راسه فقال: ايديكي فيهم سحر، وبصلها فشافها بتضحك وهي بتبص له وسرحانه في افكارها ففضل باصص لها كثير وقال: بتفكري في ايه، فصحيت من شرودها وبصت حواليها وقالت :هو فين، وبصيت على قمر فافتكرت وقالت: كان مجرد حلم ههه، قمر: كنت شارده في ايه، حور :انا خلصت ممكن اخرج، فسحبها قمر من ايديها فوقعت على وشه وشعرها جاي على صدره وقال:لي عايزه تهربي مني، بس حور فضلت بصله باستغراب :انا مش ههرب منك :حط قمر ايده على خدها وبعد خصلات شعرها من على وشها وقال: كده احلى هههه، وقرب وشها من وشه وراح قبلها فبعدت عنه وقالت وهي ماسكه المسدس بتاعه: هههه ضحكت عليك اخذته منك من غير ما تحس عليا وانا عايزه اقتلك بيه، قمر: اهون عليكي حور: طبعا تهون لاني مش بحبك، قمر: اضربي بقى، وقام من على السرير وراح الحمام ياخد شاور حور :ههه مجنون، وطلعت من الاوضه ودخلت اوضه كيان فلقت ان كيان لسه نايمه فراحت عند السرير وقالت :كوكي يلا اصحي يا روحي، كيان بنعس :صباح الخير يا ماما، حور :صباح النور يا روح ماما يلا،، يلا قومي عشان نروح المدرسه، كيان:اخذتي اذن الافراج من جوزك دراكولا، حور: سيبك منه انا هجهز لك هدومك وادخلي انتي الحمام، كيان: حاضر يا ماما، ودخلت الحمام وعطيت لها حور هدومها وقالت: لما تخلصي انزلي تحت، كيان: ماشي يا ماما، ونزلت حوار تحت ودخلت المطبخ فلقت الخدمات بتحضر الفطار فقالوا :صباح الخير يا هانم عايزه حاجه حضرتك ،حور : ما تقولوليش هانم قولوا لي حور وبس فاهمين، الخدمات :حاضر يا حور هانم، حور: لا شكل القصر ده هيجنني عايزه كوبايه عصير برتقال هاتوه لي على السفره، الخادمه :حاضر يا حور هانم، وطلعت حور من المطبخ فقالت واحده من الخدمات كان اسمها نرجس: شكلها بيقول انها طيبه نفسي اعرف ازاي القمر ده اتجوزت الشيطان اللي قاعد فوق ده، ايمان؛ اسكتي ليسمعك ويخليكي زي الفزاعه المتخيطه، نرجس: يا رب تغير حور العفريت قمر،  ايمان :قلت لك اسكتي ويلا حضري بسرعه الفطار عشان ما نتعاقبش على اول الصبح، وطلعت واحده من الخدمات ومعاها كوبايه العصير اللي طلبتها حور واعطتها لحور وقالت اتفضلي يا هانم حور شكرا ليكي واخذتها منها وحطيتها على فمها وشربت منها شويه فسمعت قمر بيقول للخادمه :واقفه ليه روحي كملي شغلك وحضري الفطار بسرعه، الخادمه: حح ااا حاضر يا بيه، ومشيت حور: ليه كلمتها بالطريقه دي هي ما عملتش حاجه، قمر :ما عملتش اللي امرتها بيه، ومسكت حور كوبايه العصير وشربت منه فوصلها رسايل فقرتهم وقالت: ااه منك يا كيان مش هتبطلي شغل العيال ده، ووصلها اتصال من علاء فردت عليه وقالت:الو، علاء: صباح الخير يا حور كل سنه وانت طيبه، حور :وانت طيب بس عرفت ازاي، علاء :شفت البوست اللي عاملاه كيان على فيسبوك، حور:هههه، علاء :جايه المستشفى ولا لا، حور :لا جايه عشان اسلم عليكم، علاء: يا سلام كده صح، حور :ايه اللي صح؟.. صحيح عايزه اخلص حسابي معاك يا غبي، علاء :انت عرفتي.. كانت زلت لسان، حور: هخليك تتعلم تتحكم بلسانك، علاء :ااا حور عندي شغل دلوقتي سلااام، وقفل الخط حور: ههه جبان، وقفلت تليفونها وقالت :كده احسن انا ناقصه، فافتكرت ان قمر قاعد قصادها وقال: ما كنتش اعرف انك بتعرفي تتكلمي بادب، حور _بتكلم بادب مع الناس اللي بتستحق بس، قمر نده على رجالته قال لهم :تروحوا مع حور في المكان اللي هتروحوه ومتسبوهاش لوحدها مهما حصل فاهمين، حور: ملهوش لازوم كفايه السواق، قمر: انا ما بكررش كلامي مرتين، نزلت كيان ونزل وراها نور حور: ايه القمر ده، كيان: ههه يلا بقى عشان نروح لاني عايزه اقضي شويه وقت مع زهره ومروه وياسمين، حور: افطري الاول، كيان بتكشيره طفوليه :ماشي انتي شربتي العصير صح ويا ترى اخذتي العلاج ولا لسه، حور :لا أخذته..صحيح ايه اللي عملتيه ده كل مصر عرفت، كيان :ما كانتش فكرتي كانت فكره صحابي، حور :صدقتك انا كده صح، كيان: بابا كلمك شكله ما شافها، حور: لا كلمني على الوتس وحتى لو ما شافهاش فهو مش هينسى طبعا. صحيح عجبتني الساعه بس ده ذوقك انتي صح؟، كيان وهي بتقعد على الكرسي قالت: ههه صح بس اللي اختار شكلها هادي مش انا، نور :بتتكلموا على ايه، كيان: حاجه بينا انا وحور ما تخصكش انت، نور: حد كلمك انا بكلم حور مش انتي، حور :زي ما قالت لك كان حاجه بيني وبينها ما تخصكش انت، نور :فين الفطار انا جعت، قمر: اهدى شويه هم بيحضروا الفطار، نور:بقول لك ايه انا عايز عربيه جديده غير عربيتي، قمر :لما تتعلم تحافظ على حاجتك الاول جبتها لك اول امبارح عملت ايه فيها، نور: كنت بفسحها فخبطتها في الحيطه وما سمعتش منها ولا صوت بعديها، قمر :اختار العربيه اللي تعجبك وانا هجيبها لك، نور: عايزها من احدث اصدار زي بتاعتك، قمر وهو بياكل: ما فيش منها ثاني لانها اتعملت خصيصا ليا انا وبالمواصفات اللي قلت عليها، نور: عشان قلت قلت لهم عايزها في يوم واحد وهما صنّعوها بسرعه خارقه عشانك... خلاص انا عايزها من فرنسا، قمر :اعتبرها جات قصاد القصر اللي في لندن، نور :الطياره هتوصل امتى مصر، قمر :ما لكش دعوه بده، حور :انا خلصت فطاركيان لو خلصت تعالي لي انا فوق في اوضتي، كيان: ههه ادخلي اوضتي في حاجه هتعجبك هناك، حور :ايه هي، كيان :انا صلحتها وبقيت وكانها جديده، حور بفرحه :بجد بس ازاي قدرتي تصلحيها، كيان :استعنت بخبره سينسي والمهندس هدهد وعلاء كمان، حور:خلاص هشوفها لان عايزه افتحها واشوف صورنا، كيان :وعدلنا الصوت كمان.. انا خلصت فطاري تعالي عشان تشوفيها، قمر: بتخططوا لايه انت وهي، حور :وانت مالك حاجه تخصني انا ما تحشرش نفسك في اللي ما يخصكش يا اخي، وركبت مع كيان، نور :راح فين دراكولا؟ 🤨ازاي سبتها تقول كده وتسكت؟، قمر: ما تخافش انا بحب العب شويه، نور :انا رايح النادي شويه قبل الطياره.. صحيح هنركب في طياره خاصه زي كل مره.. بس المره دي عايز اسوق، قمر: ادم هيسوق مش كفايه الطياره اللي وقعتها في حق البترول، نور: ههه كانت جعانه فنزلتها شويه عشان تاكل عايزها تموت من الجوع، قمر: نور غور من وشي الساعدي، نور: هو حد قرب لوشك ايه ده انا طفشان منك،... في اوضه حور .... كانت حور فرحانه لما شافت صندوق الموسيقى اللي هدهولها ابوها في عيد ميلادها العاشر وقالت وهي بتفتحه وبتشغل الموسيقى:ههههه مش مصدقه انه رجع يشتغل زي الاول، كيان :جدي مقرب منك قوي كان صح؟، حور :كنا اصحاب وكنت بروح معاه اي مكان يروح ولما كنت بتعب كان بيخاف عليا اوي وكان بيحبني اوي وماكنش بينام الا لما يتاكد اني بخير.. هههه وكان كمال بيغير مني ويقول اني مش اخته عشان كنت انا دلوعه بابا، كيان: عندك كم سنه لما حصل الحادث، حور بحزن: كان عندي 10 سنين وكمال كان عنده 20 سنه وهو ما كانش موجود معانا وقت الحادث، كيان بصت في ساعه التليفون وقالت: يا خبر يلا ده تاخرنا يا ماما، دخل قمر من غير ما يستأذن، حور :ازاي تدخل اوضتي من غير اذني وبتعمل ايه هنا، ابتسم قمر وقال: كيان ممكن تطلعي عايز اتكلم مع حور شويه، فطلعت كيان وقال قمر وهو بيبتسم :الظاهر ان في ناس بتتكلم زيي، حور :انا مش بتكلم زيك ده انت شبه المهرج، قمر :شايفاني مهرج؟ حور بابتسامه: لا طبعا انت احلى منه انت شبه العفريت، قمر :كلهم بيقولوا اني حلو، حور: ههه يبقى لازم تاخذ جائزه ملك الجمال في التخويف وبس، قمر :لسانك ده عايز يتقص، حور :كنت عايز ايه مني، قعد قمر على السرير قصادها وقال بهدوء : هتروحي معايا انتي وكيان انا اللي هوديكم للمدرسه، حور: ليه ان شاء الله يا استاذ ديناصور، بصلها قمر بطرف عينيه وقال :الظاهر انك اخذتي عليا على الاخر اتكلمي بادب معايا.. انا رايح المدرسه عشان اسحب ملف نوروكيان، حور بتكشيره: انا ما صدقت اني اخلص منك شويه تقوم تروح معايا ايه ده، قمر تحبي تروحي عند ريكس، حور بخوف: انت قولت انك مش هتوديني ثاني، قمر: امال فين باتمان اللي كان واقف قصادي بقى فار مبلول، قربت منه حور وقالت وهي بتشير باصبعها في وشه: انت مجنون وغبي وايه كمان ووو ايه كمان، قمر: كملي لحد السنه الجايه انا ما وريش حاجه، اخذت صندوق الموسيقى وحطيته في الدولاب وقالت: عدى 15 سنه على اليوم ده وحشتني اوي، وقالت لقمر :يلا عشان ما نتاخرش يا استاذ دراكولا، قمر :استني شويه، حور: في ايه ثاني، وقف قمر وقرب منها وقال: غمضي عينيكي، حور :لا مش هغمضها، قمر :مره قولي حاضر غمضي عينيك شويه، حور:حاضر اهو غمضتها، طلع قمر من جيبه علبه صغيره لونها اسود وفتحها وطلع منها سلسله وقال لي حور وهو ماسكها بايده: افتحي عينيك دلوقتي، فتحت حور عينيها واول ما فتحتها شافت سلسله من الذهب وفيها صوره حور ومحفور عليها اسم حور من الالماس فقالت: لمين دي، قمر لأمي.. طبعا هيكون لمين ليكي..   كل سنه وانت طيبه، حور: انت بتتكلم بجد، قمر اه هو في ايه، حور :اصلك ما كنتش مؤدب بالطريقه دي قبل كده، قمر :لا بس انا بقول كده لاي واحده عادي ههه، حور: ويا ترى بتجيب لهم ايه، قمر: مش ملزوم اجاوبك على كل اسئلتك دي، ولبسها السلسله وقال: يلا عشان كيان ونور تحت، حور :ااا يلا، ونزلوا مع بعض وركبوا عربيه قمر وطلعوا من القصر وراهم كانت عربيات الحراس فقال: نور ابقى نزلني عند النادي، قمر :تقدر تنط من الشباك، نور مسك تليفونه وقال :ايه الملل ده حتى التليفون علق.. ممكن اخذ، قمر :لا، نور: ليه!!، قمر : لانه مش للعيال الصغيرين اللي زيك، اتصل هادي بكيان وقال :يا حضره الوزير كل حاجه تمت، كيان :برافو عليك يا حضره النقيب انا هرقيك واخليك مساعدي الخاص، هادي: ده يشرفني يا سياده الوزير باقي الطاووس، كيان _والطاوس اعتبره وصل خلاص، هادي :تمام بالتوفيق يا معالي الوزير، كيان :مش عايزه غلطه يا سياده مساعد الوزير اتصل بيهم دلوقتي يلا سلام ،وقفلت الخط معاه، حور :شكلك بتخططوا لحاجه انت والحيوان ده، كيان: انت ظلمانا يا حور، حور: لا لما بتتكلموا بالطريقه دي يبقى في حاجه هتحصل، كيان :حاجه ايه يعني يا حور، حور:تقصدي بمين الطاووس، كيان: تنفعي تبقي محققه زي سينشي، حور: لا انا زي خطيبته، كيان :يبقى انا لله وانا اليه راجعون كفايه واحده مش عايزين اتنين كده حرام، حور وصلت لها رساله من راشد كان المحتوى فيها << ارجوكي يا حور كلميني انا ممكن انتحر اذا ما كنتيش.. ليا حرام عليكي كده انا بتعذب لو ما جيتيش تشوفيني عند البحر اللي تقابلنا عنده يبقى موتّي قلبي عشان اتجوزتي الشخص ده سلام يا حور انا مستنيكي على الساعه 10:00>>، بعد ما خلصت حور من قرآءت الرساله عينيها دمعت وتعبابير وشها اتغيرت فاستغربت كيان فقالت: في ايه يا ماما، حور: ااا لا ما فيش بس شمس قالت لي ان الولد اللي انقذناه توفى النهارده، اقتنعوا بكلامها الا قمر لانه فهم كل حاجه من نظره عينيها وقال: نور انزل انت وكيان وخده عربيه من الحراس واروح على المدرسه قبلنا، كيان :انا مش عايزه اروح معاه، قمر :نور يلا انزل واعمل اللي قلت لك عليه، نور نزل هو وكيان وراحوا على عربيه الحراس واخذها وركب هو وكيان وراحوا بيها للمدرسه اما في عربيه قمر فراح وقف في عربيته في مكان بعيد ونزل منها ونزّل حور منها وقال: عايزه ايه يا حور ها.. قولي عايزه ايه... انا بقى هعرفك على حقيقه راشد اللي فاكره طيب وكويس، حور :راشد كويس انت ليه بتقول عليه كده؟! ، قمر: لا مش كويس.. هو متجوز ومعاه بنتين وولد ومراته في سوهاج عند اهلها وما تعرفش انه عايز يتجوز عليها وكلكم انخدعتوا فيه وهو عايزك انتي عشان يضحك عليكي زي ما ضحك على كمال.. افهمي بقى هو مش بيحبك هو بيخدعك انت طيبه اوي وهو استغل طيبتك دي وخلاكي تحبيه ووهمك انه بيحبك ولما عرف كمال بحقيقته واجهه بيها لكن راشد هدده وقال له اذا حصل اي حاجه في جوازكم ساعتها هيقتلكم كلكم فطلب كمال مني يعني اتجوزتك لانها كانت رغبه اخوك وبس، حوروهي بتعيط: انت كذاب راشد مستحيل يعمل كده واذا كان كلامك صح ليه امه ما قالتليش انه متجوز وعنده اولاد، قمر: لانها ما تعرفش هو متجوز بالسر فهمتي دلوقتي، حور فضلت ساكته وهي بصه لقمر وهي بتعيط فقالت :ممكن تاخدني لمكان وتسيبني لوحدي شويه، قمر: اركبي العربيه، ركبت وقعدت جار قمر وقالت له على المكان وبعدين فضلت ساكته الطريق كله ومسكت تليفونها وبعتت ماسدج لراشد وكان محتواه هو<< مستنياك في نفس المكان تعالى دلوقتي>>، وصل قمر للمكان اللي قالت عليه حور فنزلت من العربيه وقالت: هبقى اكلمك عشان تاخدني، قمر: ماشي، ومشي بعربيته وسابها وراحت قعدت جار البحر وقالت وهي بتعيط:ليه كده ليه كلهم بيجرحوني وبيكسروني.. انا عملت ايه عشان يخدعني كدا ويضحك علي بالسهوله دي.. هو ممكن يكون قمر زيهم يخدعني؟.. ايوه ممكن لانه بيقول حاجه وبيعمل عكسها وما عندهوش ولا ذرة رحمه في قلبه.. كلهم زي بعض، قرب منها راشد وقال :كنت عارف انك هتيجي ما هنتش عليكي يا روحي صح، وقرب منها ومسك ايديها وقال: قولي لي انت بتحبيني ولا بتحبي قمر، حور :ابعد ايديك عني.. عايز تعرف اذا كنت بحب قمر ولا لا.. ايوه انا بحبه لانه ما اكدبش عليا زيك ،راشد: انا كدبت عليكي في ايه، حور:مش كفايه كذب بقى ازاي قدرت تكمل في كذبك؟ .. انت ايه كذبت عليا وما قلتش انك متجوز ومخلف منها ولد وبنتين وخدعتني وخليتني احبك ليه كل ده جاوبني  يا راشد، راشد:.......... يتبع........ ياترى اي اللي هيحصل وهل قمر هيطلق حور خلاص عشان عرفت الحقيقه ولا هيعمل اي وراشد هيكون اي رد فعله على كلام حور دا واي هيحصل بعد ما سر راشد انكشف خلاص لحور وهل هتقبل تكمل مع قمر ولا هتطلب الطلاق منه ولي قمر مازال هادي قمر في أفعاله مع حور وهل هيحبها ام ان للقدر رأي آخر انتظروني في البارت الجاي