البارت ال6
اسيره تحت ظل القمر
البارت 6
ورجعتلكم من تاني ومع أحداث جديده وشيقه 😊 😂
مشوا حور كمال وبنته وركبوا عربيه حور بس كمال اللي ساق العربيه ووصلوا للبيت ونزلت حور وكيان لكن كمال فضل قاعد في العربيه وكان ساكت وبيفكر وخايف من اللي بيفكر فيه يطلع صح ونزل من العربيه ودخل البيت فلقي كيان هي اللي بتحضر العشا وحور مش معاها فسأل كيان عنها فقالت :ماما ركبت فوق لاوضتها وقالت انها تعبانه وهتنام، كمال :انا طالع لها فوق اطمن عليها، كيان :ماشي يا بابا، كمال :صحيح مين هادي دا، كيان :دا اا دا زميلي في المدرسه ولما شافني واقعه على الارض اخدني المدرسه وكانت الابله هناء معانا ولفولي ضماد على راسي بس، كمال :ماشي، وركب لعند حور ووقف على باب اوضتها فسمعها بتبكي بصوت منخفض فخبط على الباب وفتحه ودخل وقعد جارها على السرير (ايه لازمة خبطتك على الباب طول مافتحت علطول 🤔 😂) وقال بحنان وكان خايف من دموعها :حور هو.. هو المجرم دا.. عمل.. عملك.. حاجه ،حور وهي بتبكي :لا معملش حاجه مأذنيش، كمال :يعني ماحاولش انه يقربلك مثلا، حور :هاه لا لا مقربليش لان قمر انقذني منه قبل مايعمل حاجه فيا، كمال سحبها لحضنه وقال : كنت حاسس اني اني مش هشوفك تاني بس الحمد لله رجعتي لي بخير وسلامه، حو:ر هو قمر الشخص اللي نفسه اللي قلت عنه شيطان صح، كمال: ايوه للاسف هو نفسه، حور: بس هو مش الشيطان زي ما قلت انت عليه، كمال :بس هو بيعامل الناس زي ما عمل معاكي النهارده وبعدين بيقتلهم لانهم بيستمتع بده وكانه بيقطع تفاح مش بني ادمين، حور: انت خوفتني منه اوي، كمال :يلا ننزل عشان نتعشى، حور :لا انا مش جعانه كلوا انتم، كمال: كيان مش هتقبل تاكل الا لما تاكلي انتي، حور: معلش قول لها اني نمت بسبب البرشام كمال: حاضر، ونزل عند بنته اما حور فانفجرت دموعها اللي حاولت تخبيها قدام كمال وقالت وهي حاضنه صوره امها وابوها:انا محتاجه لكم قوي يا ماما ويا بابا ليه سبتوني ومشيتوا هو ليه بيحصل معايا كده هو انا عملت ايه عشان يعملوا فيا كده نفسي ارتمي في حضنك يا ماما وتلمسي على شعرك وتطبطبي عليا زي زمان انا محتاجه للحضن ده وي وي محتاجه لحضنك يا ماما.. انا اللي شفت طيبتك النهارده ممكن اكون بتوهم.. ده بس هو كويس انا لازم ارجعه له فلوسه اللي دفعها عشان يشترالي هدوم، وحاولت انها تنام لكن ما عرفتش لانها كل ما تغمض عينيها بتشوف طارق وهو بيحاول انه يعتدي عليها فتقوم من نومها وهي مرعوبه قعدت تدور على الخاتم اللي هديه لها ابوها قبل الحادث وكل ما تكون زعلانه وخايفه تلبسه وهي كانت لابساها النهارده بس شكله واقع منها من غير ما تحس حور: ترى وقع مني فين يكون واقع في بيت لا لا اكيد وقع في عربيه قمر لما كنت بغير هدومي فيها طب ازاي هتاكد خلاص بكره اخلي كمال يسأله عنه المهم دلوقتي اني اقدر انام عشان اروح المستشفى، وقامت من على السرير ودخلت الحمام عشان تاخد دش.......في قصر القمر.... نور :اه وصلنا النهارده بس مصر شكلها مش حلو زي لندن.. قمر لا طلع عشان يسهر بره وسايبني مع المربيه الفاشله دي بس هطفشها من مصر كلها هههه، هند: هتعمل فيها ايه، نور: هههه هتسمعيها على نشره التلفزيون هاتي قناه نور وانت تعرفي هعمل ايه ،هند: هههه عرفت خلاص هتعمل ايه سلام لان بابا بينادي عليا ،نور :هو ابوك عنده كم سنه ،هند: ليه عنده 40 سنه، نور: مش عايزني افسحه للاخره شويه، هند :نور بطل هزار ازاي تقول كده على بابا ،نور: لا ده انا قلت انه عايز يشوف حبايبه ههههه ،وقفل في وشها الخط ونده على المربيه وقال: انت يا حيوانه اللي اسمك نهله ،جات نهله بسرعه لعنده وقالت :نعم يا بيه، نور بخبث :قطتي جعانه وعايزك تودي لها الاكل، نهله :بس ده مش اختصاصي البيه قمر امرني اني اخلي بالي عليك واعمل اللي طلبه مني بس، نور :وانا هقول له اني طلبت حاجه منك وانت ما نفذتهاش وساعتها هو هيعمل لك لحمه مفرومه ويرميكي للحيوانات، نهله: بس انا عندي حساسيه من القطط، نور بمكر وخبث: ما تخافيش قطتي مش هتخليكي تتحسسي منها خالص كل اللي عليك هو تودي لها اكل ومن غير ما تزجعيها هههه، نهله: امرك يا بيه، وراحت المطبخ وجابت اكل للقطه ودلّها نور على الاوضه اللي فيها القطه واول ما دخلت الاوضه اتصدمت من اللي شافته وصرخت بصوت عالي اول ما شافت ان القطه طلعت اسد ومن رعبها وقفت مكانها زي الصنم والكلام على لسانها اللي حاسه انه اتشل من الخوف وادرت انها تجمع قوتها وتقول :نور بيه.. يا نور بيه.. تعالى طلعني من هنا، كان نور بيتفرج عليها من على التليفون بتاعه اللي موصله بالكاميرا اللي في الاوضه قال نور للحارس :صحيها عايزه اتسلى شويه، الحارس: ااا حاضر يابيه، راح صحى الاسد والاسد اول ما شاف نهله قصاده اطلق زئيره خلى جسمها ثلج كله وقرب منها وهجم عليها ونور كان مستمتع باللي بيحصل لان الاسد خلص عليها، نور: جه ميعاد نومي لما يجي قمر قول لي اه صحيح مش محتاج اقول لك لو قلت لقمر على اللي حصل من شويه ده مش عارف ممكن ساعتها اعمل فيك ايه، الحارس :ااا انا ما شوفتش حاجه يا بيه وما اعرفش انت بتتكلم عن ايه، نور :بحبك وكده وانت عامل نفسك اهبل مع انه ما فيش فدا هههه
.....في بيت كمال......
طلعت فوق من الحمام وراحت لسريرها وراحت نامت عليه وحاولت تغمض عينها المره دي ومن كتر التعب نامت.... في قصر قمر.....رجع قمر بعد الساعه 2:30 الفجر وهو في العربيه شاف الخاتم بتاع حور وقال: خاتم مين ده يكون بتاع حور، وحطه في جيبه ونزل من العربيه ودخل القصر وركب لاوضته ودخل الحمام واخد شاور وطلع منه وهو لابس البنطلون بس وراح نام على سريره وطلع الخاتم وبيقي يشوف حور وهي ملفوفه في ملايه السرير وبتعيط ولما خبت وشها في حضنه ولما كانت بترتجف ومش عارفه تسند نفسها وازاي قدام اهلها ما نزلتش ولا دمعه وقال بعد ده كله: يا ترى حالتك عامله ازاي دلوقتي، وبص على ايده اللي لفتها له وقال: ازاي بنت عاديه شغلت تفكيري فيها ايه اللي شايفه المجرم اللي خطفها فيها دي حته بنت عاديه زي اي بنت شفتها في لندن، فغمض عينيه ونام بسرعه وهو ماسك خاتم حور ( مالها بنات مصر على الاقل بنات مصر بتعرف تتصرف في المواقف اللي لو بنت لندن دخلت فيها تصوت وتلم الناس عليها وبس 😂 😂) في الصباح... في بيت كمال... دخلت قطه في اوضه حور وركبت على السرير وقربت من وش حور وقعدت تصحي حور بذيلها فصحيت حور وقالت :صباح الخير يا كوكو اكيد كيان هي اللي بعتتك عشان تصحيني روحي قولي لها انك صحتيني هه، وقامت من على السرير وراحت عند الدولاب وطلعت بلوزه زرقاء وبنطلون اسود ودخلت الحمام ونزلت القطه لعند كيان فركبت كيان ودخلت اوضتها وقعدت على سرير عمتها بعد ما رتبته طلعت حور من الحمام وقالت: صباح الخير يا حبيبتي، كيان :صباح الخير يا ماما بقيتي كويسه دلوقتي، حور :الحمد لله، كيان :تعالي عشان امشط لك شعرك، حور راحت عند كيان وقعدت على السرير وكيان بتمشط لها شعرها، حور: هو كمال راح الشغل، كيان :ايوه راح الشغل، حور :وليه ما روحتيش المدرسه لحد دلوقتي، كيان: بابا قال افضل معاكي لحد ما يرجع من الشغل وغير كده هادي جاي النهارده عندنا وهيجبلي كل الدروس اللي مش هحضرها النهاردة وانت طبعا اللي هتشرحهم لي، حور: بس كده بس مش عايزه كونان يخضر معانا الدرس ههه، كيان:ههه مش هفكر فيك طول الدرس حاضر... اديني خلصت تمشيط شعرك يا ماما يلا ننزل عشان نفطر مع بعض،.... في قصر قمر..... صحي قمر من نومه ودخل الحمام عشان ياخد شاور اما نور فلسه نايم طلع قمر من الحمام وطلع من اوضته ودخل اوضه نور وقعد على الكرسي وقال بصوت هادئ ومرعب: نور يلا قوم، نط نور من نومه وقال بنعس وعصبيه :هو في حد يصحي حد كدا، قمر بهدوء مرعب :وهو في حد يعمل اللي عملته انت، بلع نور ريقه وقال: بتتكلم عن ايه يا قمر، قمر: انت عارف اني ما بحبش اللف والدوران شكلك لسه نايم هقول لك انا انت عملت ايه امبارح خليت ساره تهجم على نهله صح وتتعشى بيها ليه، نور ببراءه: اصل ساره كانت جعانه وانا بصراحه ما بقدرش استحمل اشوفها جعانه واسيبها يرضيك اخليها تموت من الجوع وغير كده انا مش صغير عشان تجيب لي مربيه فدي كانت مجرد تسلايه وبس، قمر :انت عارف عقاب الشخص اللي ما يسمعش كلامي ويعصيه، نور بسخريه: هتعمل ايه يعني تقتلني مثلا، قمر: لا انت اخويا وحبيبي بس هقطع عليك الانترنت وما فيش موبايلات لمده اسبوع كامل، نور😳: كده انت بتموتني بالحيا، قمر: وتليفونك هاخده منك وكمان هتروح المدرسه مشي من غير عربيتك، نور🥺: لا كده حرام قمر المراه دي سماح، قمر: النقاش بينا انتهى ويلا انزل عشان نفطر ههههه، نور😒:هو هيجي لي نفس اكل بعد الاصتباحه الحلوه دي روح كل انت ياكش تزور وارتاح منك، انحنى قمر بظهره وقرب من نور وقال :انت عارف انا ممكن اعمل فيك ايه على الكلمه دي وشكلي كده هخليك جار امك في روسيا تونسها احسن، نور: فكره حلوه على الاقل مش هتكون هناك، قمر وهو طالع من اوضه نور قال: النهارده بس محسن هيوديك المدرسه عشان انت ما تعرفش الطريق بس بعد كده هتروح لوحدك وساره مش عايز اشوفك قريب منها فاهم كلامي كويس، نور:🙄 فاهم طبعا، نزل قمر وطلع من قصره وركب عربيته والحراس ماشيين بعربياتهم وراه نزل نور بعد ما لبس هدوم المدرسه وطلع وركب العربيه وقال 😒:خذني على المدرسه المعفنه اللي قال لك عليها قمر، محسن: امرك يا بيه، وانطلق بيه لمدرسته الجديده حاليا.... وصل القمر لشركه شكري اقصد شركته نزل من العربيه ودخل الشركه وراح لمكتبه اللي ما اتفتحش غير لما وصل مصر قمر بقرف نده على شكري وقال بغضب :شكري انت يا زفت، شكري:صباح الخير يا بيه، قمر: صباحك زي الزفت مش قلت لك الاقي المكتب بيلمع بس الظاهر انك كبرت وودانك تقلت، شكري: بس يا بيه الشركه كلها سهره الليل كله عشان تنظف المكتب ده وتخليه يلمع، قمر: بس انا مش شايف اللمعان ده اللي بتقول عليه وصورتي مين اللي نقلها من مكانها، شكري :الموظف اللي نقلها عشان يلمعها ويخلي صوره حضرتك منوره، قمر :اذا كان كده ماشي العمال اللي جم اجتماع امبارح يجوا تاني عشان اكمل كلامي ولو واحد رفض انه يجي ساعتها يكون حكم مع نفسه بالموت، في هذه الاثناء خبط كمال على الباب وقال: تسمح لي ادخل يا بيه، بص له قمر وقال: ادخل، ودخل كمال وقف قصاد قمر، قمر :عايز ايه، كمال: دي اوراق محتاجه انك تطلع عليها لان فيها خربطه اوي فيها اختلاس ونهب أموال ااا حضرتك، وقف قمر وقال: بتقول ايه، واخد الاوراق من كمال وبدا يتطلع عليها وبعدين بص لشكري وقال: انت ازاي تعمل كده من غير ما تشاورني او حتى تاخد اذني في انك تسحب فلوس من البنك وازاي مكانش بيجيني خبر بده ،شكري: ااا اصل البنك اا اصل انا كنت محتاج الفلوس دي في علاج امي،قمر :مش امك راحت تحج بفلوسي اللي انت سرقتها..اسمع انت ترجع الفلوس الى اخدتها من غير ما ينقصها مليم واحد فاهم ويلا اطلع بره مكتبي.. اه وهديك مهله اسبوع واحد ترجع لي فيهم كل فلوسي وبعد كده تقدم ورقه سالتك من شركتي نهائيا، طلع شكري من مكتب قمر بص قمر لكمال وقال: شغلك هيكون مكانه فاهم ولو قررت غلطته مش هتلاقي مصيره لا هتلاقي ملك الموت بيخبط على بيتك يلا روح على شغلك، طلع كمال وكل جسمه بيتصبب عرق فقابله شكر ي وقال له: انت غلطت يا كمال غلطه عمرك، كمال: انا عملت الصح عايزني اكذب وما اقولهوش ويخرب الدنيا فوق راسنا كلنا انا حذرتك وقلت لك بلاش تعمل حاجه من وراه بس انت اللي قلت فيها انك اسد وما بتخافش من الشيطان فاستحمل حصاد كلامك زين، وتركه وذهب لمكتبه الجديد،..... في المدرسة.... نور: ايه الملل ده ده كل شويه حصص حصص انا تعبته واخيرا في حصه استاذها ما جاش ما اروح العب شويه بكوره السله عشان انسى الهم اللي شفته، مهند :هادي تعال نلعب شويه بكوره السله، هادي: ماشي، مهند :امال كيان :ما جتش النهارده ليه مش من عوايدها، هادي :عمتها تعبانه وانا كتبت لها كل حاجه احنا اخذناها، انور: ههه مستحيل البنت دي غيرتك اوي للدرجه دي حبيتها، هادي :اوي، نور في نفسه قال: ايه العبط ده دول شويه هُبل وجو المدرسه دي غلط ههه... شكلي هتسلى فيهم النهارده هههه.. مش هضربهم بس هلعب معاهم بالسله بس يا رب يكون في سله بحجمهم ههه.. هتكون اول لعبه كوره سله بالبشر بدل الكوره هههه......... في بيت كمال...... كانت حور بتشتغل على اللاب توب بتاعها وكانت بتكلم الدكتور عماد على الايميل وقالت:" بس ازاي هشتغل معاك يا دكتور واكون دكتوره مساعده ليك"، دكتور عماد :"لا ما انا قلت كده لمدير المستشفى اني ما بحبش اي حد يساعدني وكمان لو اول مره يدخل اوضه العمليات"، حور :"معك حق انك تقول كده عني اني لسه مبتدأه بس يكون لي الشرف ان دكتور ليه خبره عاليه في مجال الجراحه يعلمني"، عماد:"ماشي هنشوف اذا كنت تلميذه شاطره ولا لا صحيح النهارده ليه ما جيتيش المستشفى"، حور:" اصل ايدي مكسوره ، عماد : سلامتها يعني مش هتجي الشغل"،حور :" هو اسبوع واحد وارجع لان الكسر بسيط، عماد:" انا لازم اقفل دلوقتي واغير شغل سلام، حور :" سلام، وقفل معاها المكالمه وقالت حور: يا ترى ازاي هقدر اتعامل مع الدكتور عماد عصبي قوي في شغله ودقيق جدا في مواعيده وطول الوقت بيفضل ساكت يا رب ساعدني، وراحت نزلت تحت فلقيت كيان في اوضه الصالون بتذاكر وقالت حور لكيان: هو هادي جه ولا لسه، كيان:ربع ساعه ويجي، حور:ماشي صحيح شفتي تليفوني قلبت الاوضه عليه بس ما لقيتهوش، كيان :اممم لا ممكن تلاقيه في عربيتك لما وقع منك امبارح، حور:انا هروح اشوف في العربيه.... في المدرسه...... نور: واخيرا هروح ايه ده، فجات بنت وقربت منه وقالت: اا كنت رائع وانت بتلعب كره السله كنت محترف، نور بملل :لا عادي ممكن تخليني اروح، لميس :هو اسم حضرتك ايه، نور: ليه هتطلعي لي بطاقه ولا ايه، لميس :لا بس عايزه ابقى صديقه ليك انا اسمي لميس، نور :ما حصليش الشرف اني اتعرف عليكي انا اسمي نور عرفتي بقى انا عايز اروح، لميس :اسمك حلو اوي هو انت مرتبط، نور: ايه اليوم الاسود ده.. بصي انا مش فاضي لشغل الهبل ده ماشي اوعي كده ايه القرف ده، وبعدها عنه وراح ركب العربيه وقال: محسن روحني بدل ما ارتكب جريمه في البنت دي، محسن :حاضر يا بيه، واتجه للقصر.... في شركه قمر.... كان قمر قاعد على كرسيه الخاص وبيشتغل فخبط كمال اذن له بالدخول ودخل وقال :ااا ممكن اسال حضرتك سؤال، قمر: اسال وبسرعه معايا شغل، كمال :حاضر عايز اعرف ازاي انت لقيت حور وجبتها، قمر: ازاي.. الظاهر انك مبتعرفش انا ابقى مين، كمال: اا لا أعرف بس حور كانت حالتها وحشه اوي امبارح، قمر: يومين وترجع زي الاول، كمال :هو.. هو اللي خطفها عملت فيه ايه، قمر: قتلته، كمال :كنت عايز اقتله بايديا، قمر :انا قتلته وما تخافش ما لحقش انه يلمسها تقدر تطلع دلوقتي، طلع كمال من مكتب قمر فطلع قمر تليفونه وفتحه وجاب صوره حور وهي متكتفه ومخدره فقعد يبص لها كتير وراح يلمس وشها وقال باستغراب: ايه اللي انا بعمله ده هكمل شغلي احسن،... بعد مرور اسبوع ونصف.... رجعت حوار لشغلها بعد ما شالت الجبيره بس تحرك ايدها بالراحه وما تشيلش حاجات تقيله بيها في مكتب فون شمس :حمد لله على سلامتك يا دكتوره، حور: الله يسلمك، شمس: طلعتي محظوظه لانك هتشتغلي مع الدكتور عماد ده كل الموجودين بيتمنوا الفرصه دي، حور: وانا مش عايزاها مستحيل اني اتفق معاه في الشغل ده شكله بيخوف ودول الوقت بيفضل ساكت، شمس: ههه في دي عندك حق، فسمعوا صوت ست بتعيط بصوت عالي وبتصرخ فخرجت حور من مكتبها ومعاها شمس وراحوا لمصدر الصوت وراحت حور لعند الست دي وقالت بلطف :اهدي شويه حضرتك في عيانين كتير نايمين، الست :ما قصدتش اعلي صوتي بس ابني. ابني هيضيع مني، حور :شمس اندهي على الدكتور عماد وقولي له انه يدخل معايا اوضه العمليات وبسرعه، شمس حاضر: وراحت لعماد عشان تقول له، حور :ما تقلقيش ابنك هنساعده ادعي له انتي بقى هو عنده ايه، الست: عنده فشل كلوي وعنده كليه واحده زينه بس لازم نشيل له واحده علشان الثانيه تشتغل، حور: دخلوه اوضه العمليات بسرعه يلا، وراحت تعقم نفسها وتلبس هدوم الجراحه ودخل معاها في اوضه العمليات الدكتور عماد وبدأوا انهم يستئصلوا الكليه التعبانه وكان عماد وحور في العمليه وكانهم شخص واحد قدروا انهم ينقذوه قبل فوات الاوان وكان عماد مبسوط من شغل حور لانها الوحيده اللي فهمته وساعدته من غير ما يتكلم خالص فقال: الحمد لله قدرنا ننقذه قبل فوات الاوان وانا بحييك على مهارتك الفريده كنتي بتفهميني عايز ايه او هعمل ايه وتساعديني وانا يشرفني اني اعلمك وتكوني دكتوره ناجحه في المستقبل، حور :شكرا على تشجيعك ليا بس انا ما عملتش غير واجبي يا دكتور والمهم انه انقذنا الحاله بسرعه انا هروح مكتبي لاني تعبانه شويه، عماد: ماشي بس عايزك بعدين عشان في حاله من اسبوع مش عارف الاقي ايه المرض اللي فيه، حور:ماشي بس اريح شويه ممكن، عماد :طبعا ممكن يلا سلام، وراحت حور على مكتبها و اول ما دخلت شهقت بصوت منخفض وقالت بخوف: انت بتعمل ايه في مكتبي وازاي دخلت وانا مش هنا، كان قمر قاعد على الكنبه ورافع رجليه على الترابيزه وحط رجل على رجل قمر:هسامحك المره دي لانك ما تعرفيش مين انا، حور :نزل رجلك واطلع بره، قمر: انا ما حدش يقول لي اعمل ايه فاهمه كويس ولا لا، حور :ممكن تطلع بره، واقف قمر وقرب منها اوي فرجعت خطوه للوراء وقال :انا ما بعدش كلامي مرتين، حور بخوف: ابعد عني، وزقته للخلف فرجع خطوه واحده للخلف فبصلها بنظره غضب وقال :انا ساكت كتير بس الحركه دي عقابها شديد اوي، وراح سحبها من ايدها وراح قربها من وشه وقال :شكلك حلو، وحور كانت خايفه منه قالت :ابعد عني يا قمر ابعد عني، قمر:قمر طالعه حلوه من شفايفك يا ترى هي حلوه كمان ولا لا، وراح قبلها وهي بتحاول تفك من قبضته وكان ماسكها بقوه وبعد عنها فراح قال: اممم ماكنتش حلوه زي ما توقعتها بس، بس ما كملش كلامه لانها صفعته على وشه وقالت وهي بتعيط: انت ازاي قدرت تعمل كده انت حيوان كنت فاكراك شخص طيب لما انقذتني بس طلعت اوحش من طارق لو حاولت تقرب مني تاني هقتلك فاهم، قمر:.........
يتبع........
ياترى ايه هيكون مصيرها بعد اللي اللي عملته معاه دا وهل هيسامحها بعد كدا واي اللي هيكون مخبى لحور واي اللي هيحصل بينها وبين قمر هيخلي حياتها مع راشد معدومه للأبد واي نور هيحب مين وهل في حد هيدخل حياه كيان ويغيرها خالص
كل دا هنعرفه في الفصول الجايه
اشوفكم في بارت جديد باي 👋 😂