البارت ال4
أسيره تحت ظل القمر
البارت ٤
عدي يومين وقمر وصل مصر وشكري راح المطار عشان يستقبله، قمر:اتأخرت ليه قولت انك هتيجي الساعه 8:00 الصبح عشان تستقبلنا ودلوقتي الساعه 8:01، شكري :اسف بس الطريق كان زحمه اوي، قمر :قولت ايه سمعني كدا تاني، شكري :ااامقولتش حاجه، قمر :انا قولت كدا بردوا، نور :ههه شكلي هتسلي اوي ههه 😂، قمر :بتقول حاجه يانور، نور:ههه لا مبقولش حاجه اا يلا نروحوا البيت لاني تعبان من السفر وعايز ارتاح شوية، قمر :شكري روح نور للبيت وانا هروح اخلص حاجه وبعدين اروح عالشركه، نور :بس انا مش صغير اعرف اروح لوحدي، قمر :شكري انا قولت ايه، شكري :حاضر يابيه يلا يا نور بيه، نور:ايه الملل دا كان نفسي اتفسح شويه ، وركب في عربيه شكري وقال :ايه العربية دي هو انت اشتريتها من سرك المهرجين ولا ايه، شكري :ااا انا هسيب حضرتك عشان اروح الشركه قبل ما يوصل قمر بيه، نور بسعاده :هكون لوحدي صح واخيرا هقعد لوحدي، شكري :اا البيه وصى مربيه تفضل معاك لحد ما يوصل هو على البيت، نور :نعم!!! 😳 😡هو فاكرني عيل بيببرونه ولا ايه مربيه ايه اللي موصيها دي دا انا اشتغل بلد بحالها قال مربيه قال هه،شكري:سعادته هو اللي أمر بكدا وانا مقدرش اعصي أوامره أبدا، نور:جبان جبان لكن انا اقدر اخالف أوامره ههه، شكري:وصلنا انزل حضرتك، نزل نور ودخل للقصر وركب لاوضته وراح نام وشكري راح لشكرته قبل ما قمر يوصل في نفس اللحظة كانت حور طالعه من البيت عشان توصل كيان على مدرستها وبعدين تروح على المستشفى لانه هيكون اليوم الأول في المستشفى بعد ما خلصت تدريبها وبقت دكتورة جراحه.. ركبت كيان عربيه حور واتجهوا للمدرسه الأول وطول الطريق كان في شخص ماشي وراهم وبيتابع كل تحركاتهم وخاصةً حور. وصلت حور لمدرسه كيان ونزلت كيان وقالت لها :هعدي عليك واخدك بعد المدرسة ماشي. لا اله الا الله، كيان :محمد رسول الله. ربنا معاكي
ياماما، ودخلت جوا مدرستها ومشيت حور ووصلت للمستشفى وكان نفس الشخص بيمشي وراها واقف عربيته وقال: هستناكي بعد ما تخلصي شغلك يا حبيبتي لاني عارفك قد ايه انت بتحبي شغلك ههههه، دخلت حور جوه المستشفى وكان عدد المرضى اللي اتصابوا باصابات بالغه ومحتاجه لعمليه جراحيه 30 شخص حور لما عرفت اتصدمت وحاولت انها تنقذهم قبل ما يموتوا وكان معاهم طقم كامل من الدكاتره اللي متخصصه في الجراحه ومع انه اول مره حور تدخل في عمليه جراحيه بجد بس كانت العمليه ناجحه جدا وبمساعدات فريق الاطباء الباقيين قدروا انهم ينقذوا 28 شخص واثنين ماتوا قبل ما يدخلوا غرفه العمليات الثمانيه 20 اتقسموا على خمس دكاتره وكانت حور منهم طبعا والعدد كان كبير عليها لانها عالجت سبع اشخاص لوحدها وكل الاطباء انبهروا بشغلها مع انها اول يوم بس.. دخلت فور لمكتبها الجديد وقعدت على الكنبه وقالت: دا كان يوم متعب اوي دا من اول يوم حصل كده امال لو قعدت خمس ايام هيحصل ايه... لكن الحمد لله اننا قدرنا ننقذهم قبل فوات الاوان بس زعلت اوي على الاثنين اللي ماتوا دول ربنا يرحمهم ويصبر اهاليهم على فرقهم دا، ومسكت تليفونها وشافت الساعه ولقيتها 12:30 وقالت: يا خبر دا انا اتاخرت على كيان، ورنت عليها وقالت وهي بتخلع بالطو الشغل وبتطلع من مكتبها ومن المستشفى كلها لان دوامها خالص دلوقتي ردت كيان على حور وقالت: الو يا ماما ليه اتاخرتي كدا ليا نص ساعه مستنياكي، حور :معلش يا حبيبتي بس كان عليا ضغط كبير اوي اديني جايه في الطريق مش هتأخر عليكي، كيان: خلي بالك من الطريق يا ماما، حور: سلام لاني بسوق دلوقتي، كيان: ماشي يا ماما سلام، واسرعت حور شويه من سرعه العربيه وكان نفس الشخص ماشي وراها بس من غير ما تحس حور بحاجه ( بصي وراكي وهتشوفيه ايه دا 😨😨) وصلت حور لكيان ونزلت من العربيه وكانت رايحه لكيان لكن فجاه طلع واحد من العربيه اللي كانت ماشيه وراها وخطف حور وحطها في العربيه حور قاعده بتصرخ علشان حد يلحقها وكيان راحت عشان تخلص عمتها من الراجل ده فزقها بعيد فوقعت على الارض وكان الوقت الناس كلها مقاعدينش في الشارع فأغمي على كيان بسبب الوقعه والخاطف حط منديل فيه مخدر على فم حور خلاها تفقد وعيها... في الشركه... وصل شكري قبل قمر وقمر وصل بعده على طول وبداوا الاجتماع وكان كمال معاهم في الاجتماع ولانه موظف مهم في الشركه قام قمر بيشرح مشروعه وتليفون كمال ما بطلش رن فقال قمر بعد نفاذ صبره :يا تقفله يا ترد عليه، كمال :حاضر يابيه، واول ما حط سماعه التليفون قال بخوف: كيان في ايه ليه بتبكي حصل لك حاجه حور فين اديني حور عشان افهم منها، لما سمعت اسم حور زاد عياطها وقالت: بابا عم.. عمتي حور اتخطفت بابا عمتي حور اتخطفت، كمال وقف وقال بصدمه: ايه حور اتخطفت.. اتخطفت ازاي وانتي كنتي فين وايه اللي حصل يا كيان قولي لي بسرعه ايه اللي حصل، كيان وهي بتعيط: مش وقته دلوقتي تعالى انا لسه في المدرسه يا بابا ارجوك تعالى بسرعه يا بابا، كمال: ماشي حاضر بس اهدي شويه وانا جاي بسرعه، وقفل التليفون وحاسس ان جسمه تلج وقال لي قمر بخوف على حور: قمر بيه انا لازم امشي دلوقتي بسرعه لان اختي اتخطفت( وبنتي حالتها سيئه وخايفه، اول ما سمع راشد ان حور اتخطفت قال :وانا جاي معاك قمر: انا ما عنديش اهم من شغلي وما يهمنيش حياه اختك ولا بنتك، كمال :وانا ما عنديش استعداد اني اخسر اختي ولا بنتي ولازم انقذ اختي من اللي خطفوها دول،
قمر :عجبتني شهامتك دي بس يا ترى هتكون موجوده الشهامه دي لما اقتلك، كمال :اهم حاجه عندي اني انقذ اختي وبس، قمر :معاك صوره ليها، كمال :ايوه بتسأل ليه حضرتك عن صورتها ، قمر :عشان هنقذهالك من اللي خطفوها ولا انت مش عايز تشوفها تاني، طلع كمال تلفونه ووراه صوره حور اول مشاف قمر صورتها اعحب بشكلها وفي نفس اللحظة رن الخاطف على تلفون كمال فرد عليه لأنه كان رقم غريب وظن كمال ان رقم الخاطف، الخاطف /هههه اهلا يا نسيبي فاكرني ولا لا، كمال :انت مين، الخاطف /لالا كدا ازعل ازاي معرفتش صوتي عموما اختك معايا وهتكون ملكي للأبد ومش هتقدر تمنعني من دا ههه.. عايز تشوفها لاخر مرة لانك مش هتشوفها تاني.. متخافش مش هقتلها لاني بحبها بس هبعدها عن عنيك ههه، كمال :لو قربتلها هقتلك، الخاطف/ههه العب غيرها انا هورهالك
للمره الاخيره،وقفل التليفون وبعدها رن تاني بس بمكالمه فيديو وكان لابس على وشه قناع وقال: شوف ازاي نايمه بص كويس لانها المره الاخيره اللي هتبص عليها ههههه، مسك قمر التليفون وشاف حور متكتفه وهي فاقده الوعي وصور المكان بسرعه من غير ما يشوفه الخاطف صور المكان بتليفونه وقفل تليفون كمال وقال: الاجتماع خلص كل واحد على شغله وانت هتيجي معايا، كمال: حاضر يا بيه، وطلع قمر وكمال وركبوا عربيه قمر ووصلوا لمدرسه كيان ونزل كمال فطلعت كيان وقالت وهي بتعيط :بابا ماما انقذها من اللي خطفوها، كمال: اهدي هنقذها ما تخافيش هنقذها، قمر: روحوا عندي في القصر انا هبعت لكم السواق عشان ياخدكم على هناك، كمال :مالهوش لزوم يا بيه، قمر :كلمتي تسّمع فاهمين، كيان: انا مش هتحرك من مكاني غير لما ترجعوا لي ماما، كمال :حور هترجع، قمر: هي كلمه واحده هتروح القصر وانا هرجع لكم حور، كيان: هترجعها لي صح، قمر :ايوه يلا روحوا على القصر، وبعدين ركب عربيته واتجه لمكان حور قمر مسك تليفون واتصل بواحد من رجالته وقال: ايه لقيت مكانها ولا اشوف حد غيرك يفهم في الشغلانه دي، ادم: عيب عليك انا بتاع الكلام ده ربنا يسامحك، قمر :اخلص وكفايه كتر كلام، ادم :حاضر انا بعت لك اللينك بتاع المكان، قمر: ما وصلنيش حاجه، ادم :اصبر شويه ويوصلك، وفعلا وصل لقمر الموقع اللي حور مخطوفه فيه، ادم: مش قلت لك اصبر شويه وهيوصلك، قمر :حسابك معايا بعدين، ادم: هتديني ايه😁، قمر: هديك حاجه حلوه اوي😒، ادم:😳 مش عايزها خليني كده احسن سلام يا عم، وقفل قمر التليفون وشاف اللينك وزاد من سرعه العربيه وقال باستمتاع :واخيرا هلعب شويه ههههه، ... عند حور.... بدات حور تفوق شويه شويه فسمعت صوت الخاطف بيقول :صحيتي ايه ده طلع نومك تقيل اوي ههههه، خافت حور منه وحاولت تتكلم لكن الخاطف كان حاطط على بقها شريط لاصق وكتف لها ايديها ورجلها ومن شده خوفها منه بكت وقال هو ليها: لا لا دموعك غاليه عليا اوي وما بحبش اشوفك بتعيطي ما تخافيش مني انا مش هاذيكي، وحاش الشريط اللاصق من على بقها وبرفق وقال: عايز اسمع صوتك الحلو ده، وحاول انه يلمس وشها فبعدت حور وشهاعن ايده وقالت برعب: ااانت مين وعععايز ااايه مني وجايبني هنا ليه، الخاطف/انا طارق مش فاكراني ااه صح نسيت اني اقلع القناع دا، وقلعوا وقال: افتكرتي دلوقتي.. ااه وعايز انك تكوني ليا لوحدي وبس، حور :طارق حرام عليك كدا ارجوك سيبني كفاية كدا، طارق: اخس عليكي كدا تقولي الكلام دا بس انا عاذرك لان رجالتي اتغابوا شويه وهما بيخطفوكي انا هفك لك ايديكي ورجيكي بس متحاوليش تعملي حاجه فاهمه،حور :......
يتبع........
مين طارق دا وقمر هيقدر يلاقي حور قبل فوات الأوان ولا لا واي هيكون مصير حور بينهم كل دا واكتر هنشوفه في البارت الجاي 😁😂اشوفكم في بارت جديد